رواية تيمو الفصل الثاني 2 - بقلم ولاء فتحي
(2)
ركب تميم دراجته الناريه وذهب الي المطعم وفي الطريق حدثت مفاجاه
فوقف ونزل من دراجته البخاريه ونظر الي السائق دون ان ينظر الي الفتيات
تيمو: خير في ايه
السائق : وانت مالك يا امور انت ايه دخلك خد فيسبتك دي ويلا من هنا
فخلع تميم قناعه الواقي ووضعه علي دراجته والتفت الي السائق وسدد له لكمة قويه
السائق : وهو غاضب وبيفتح باب سيارته ليخرج لتميم وبصوت عشوائي دا انت بقي بتترسم قدام الستات بقي طب هوريك
هنا نظرت مايا ل ملك يا خبر دا هو
مايا ببلاهه : هو مين
مايا: الشيف الي قولت لك عليه
في نفس الوقت وقف السائق يحاول ضرب تميم الذي استدار له بحركه سريعه وسدد له ضربه بقدمه وهو يقفز في وجهه
اوقعه
وانخفض الي مستواه وقال له : لما تلاقي بنات في مشكله مش من الرجوله تسخف عليهم . والضربه دي علشان لما توجعك تحاول تبقي راجل
فتحت ملك فمها وهي تقول واو عملها ازاي دي بالرغم ان الراجل طول بعرض وهو حجمه جنبه قليل شوفتي وقعه ازاي
مايا ببرود : يا بنتي اهدي شكك طفولي اوي
تميم : موريها ولفي الدركسيون يمين واحنا هنزوقها في جنب ونظ
ماياعلي الفور فعلت ما يلبه وركنت في جنب
تميم احضر دراجته ووضعها بجوار السياره وهو يتحدث افتحي الكبوت
في هذه الاثناء قام السائق واخذ سيارته واتفتح الطريق
مايا : بتفهم فيها ولا انت تخصص اكل وبس وهتبوظها
انتبه تميم للكلام ونظر لها وهو يقول
مش انتي سكرتيرة علاء التوني
ملك كادت ان تتحدث لكن اشارت لها مايا بالسكوت
مايا : اسمي مايا وطبعا شكرا لمساعدتك بس لو هتعك في العربية ياريت بلاش واحنا هناخد اوبر واتصل بالونش يشلها
تيمو : افتحي الكبوت لو عاوزة مساعده لو مش عاوزه وتوجهه لدراجته البخاريه ومسك الماسك الواقي وبدا يهم بالرحيل
نزلت ملك: لاء والنبي يا اسمك ايه المنطقة هنا زحمة وتخوف الله يخليك سيبك منها وانا معاك . دا احنا حتي رايحين علي مطعم عندك
مايا : ملك وبعديد
ملك: بطلي عند هتضيعي اليوم والجو حر اوي انجزي افتحي الكبوت
نفخت مايا من افعال صديقتها الطفوليه وفتحت الكبوت
تميم : دوري امم
مد ايده وفتح السياره ورفع الكنبه واخرج من جيبه مداليه بيها ادوات متعدده وفتح علي ترومبة البنزين
مايا: انت بتعمل ايه يا بني ادم هتبهدلها
تميم: هاتي مفتاح العجل
مايا الي هو ايه
تميم نفخ افتحي الشنطة
مايا بضيق فتحت الشنطة وتميم اخرج مفتاح وبدا بالطرق برفق علي تورمبه البنزين وهو يقول دوري بعد عده محاولات دارت السياره
ملك بفرحة ها ها ها اخيرا هنشي
تميم : محتاجة تغيري ترومبه وياريت متسيبيش العربية تفضي تاني الشوائب في البنزين بوظتها وتركها وانصرف دون حتي ان تشكره وهي مزهوله مما فعله
ملك: يلا يا اختي انا جعانه
مايا : دا مرجعش الحاجة مكانها
ملك : هو كان شغال عند ابوكي . مش كفاية اتخانق علشانا وميعرفناش وانقذنا يلا علي المطعم
............................................
سعاد : ميسون اصحي يلا عندك تمرين
ميسون : ماما انهارده الجمعه اجازة عاوزة انام
سعاد : وبعدين فيكم حالكم اتقلب ومبقاش في سماع كلام
ميسون: بنوم . مامي متزعليش قومت ومتزعليش من تيمو انتي عارفه شويه وهينسي
سعاد: اسمه تميم يا ميسون تميم تيمو دا اسم مش بحبه
ميسون : ماما هو بيحب اسم تيمو وبيحب الي كان بيعملو وعاوزة تكسبيه فوتي شويه
سعاد: فوتي انتي بقيتي سوقيه كدا ليه . بس عندك حق
ميسون وهي تقبلها : ماما حبيبتي . تميم عاقل وناجح وانتي عارفه كدا صدقيني حاولي تحتويه شويه
سعاد ودموعها تنزل : احتوي ايه هو مش متقبلني خالص ولا عاوز يكلمني
من بعد وفاة باباكم
ميسون : ماما انتي عارفه انه كان اقرب شخص ل بابا وبابا عمره ما فرض عليه اي حاجة ومتعودش حد يقيد تحركاته وحضرتك عمرك ما عاملتيه كدا
سعاد : يا بنتي ابوكي طول عمره واخده في ايده هنا وهنا ومانع حد يجي جنبه بس لما الاقيه بيضيع مننا كان لازم اقف وللاسف الي حصل تزامن مع وفاة باباكم الله يرحمه ودا الي هو مش فاهمه
دا ابني الكبير سندي وحياتي وعمري
وبكت سعاد وتحتضنها ميسون : خلاص بقي يا سوسو هو انا الي هعيط
سعاد تربط عليها : ربنا يخليكي ليا يا ميسون انتي واخوكي بس انا تعبت من معاملة دي
ميسون : كل حاجة هتتغير وهتكون كويسه وتميم بيحبك اوي يا ماما
هدات سعاد
.......................
ملك :الواد قمر ومز وشيك اوي يا مايا فعلا
مايا : انتي كدا اخرك شيف وويتر يا ملك
مسمعكيش اونكل كان هيقيم عليكي الحد
ملك : يا بنتي مش احسن من العرسان العاهات الي جايبهملي
مايا : ماذن الشرتلي عاهات يا شيخة حرام عليكي دا ولد محترم وناجح واسمه في الخارجية مسمع وفوق كل دا ملوش في العك
ملك: كملي وبارد تلاجة . انا عاوزة انسان مش ريبوت بيتكلم بحساب ويمشي ب حساب . يا بنتي دا اوبشن الضحك منزلش معاه في السيستم بتاعه
مايا: انتي بتبالغي يا لوكي . سيبي له فرصه طيب قراية فاتحة مش اعلان خطوبه
ملك : هس الاكل وصل يالهوي علي جمال الاكل وطعامته و
مايا : بتحذير وصوت منخفض مع نظرة من عنيها ملك وبعدين
ملك : خلاص يا بنت اونكل علاء
احد الويترز وهو بينزل الاكل يبتسم اي اوامر تاني يا فندم
ملك: هو الشيف تيمو مش هيجي
الويتر : ليه يا فندم احنا قصرنا في حاجة
ملك : لاء بسال بس
مايا : انا اعرف انه هو بيقدم بنفسه الاكل الاسيوي
الويتر : لاء يا فندم دا في الحفلات الخاصة زي امبارح فقط غير كدا لاء هو بيشرف بس بنفسه ويتاكد انه كله تمام
مايا : اكيد مشغول في المطبخ
الويتر ينظر ليجد تميم يشير له ينظر لهم في ادب عن اذنك يا فندم ويتركهم ويرحل
تميم: ايه يا عادل احنا هنتصاحب علي الجست
عادل الويتر : لاء يا فندم ابدا . دول كانو بيسالو علي حضرتك
تميم : روح شوف شغلك
وبعد ان انتهو من الطعام يحضر تميم كاسين من مشروب
تميم: اتفضلو
مايا : ايه دا احنا مطلبناش حاجة
ملك : الله ايه دا ريحته غريبه اوي
تميم : دي ضيافة من تيمو لحضراتكم بما انكم جست جديد
مايا: واي جست جديد حضرتك بتجيب له مشروب عجيب وتجيبه
ملك : اتفضل اقعد نعرف ايه دا
تميم : اولا يا فندم انا مبقدمش مشروبات للجست
بس بما ان الانسة سالت عني فلازم تاخد كرم ضيافتها
ووجه نظره ل ملك دا مشروب اسمه اولونج
دا شاي صيني من خليط من انواع معينة من الشاي الاسود والاخضر مفيد جدا للمعده وواقي من الامراض
ملك بتشربه ومبسوطه : الله حلو اوي
مايا : شكرا . بس هوحضرتك شيف ولا ويتر
تميم : تعتبريني كله اي حاجة محتاجينها اهلا بيكي . عن اذنكم
والتفت للانصراف
مايا : وياتري لو كنا رجاله كان رد الفعل هيكون هو برضه واي حاجة والكلام دا
التفت ليها تميم وابتسم : حضرتك بالنسبالي عميل بتسيبي بره المطعم لونك وجنسك ونوعك ودينك وجنسيتك دخلتي هنا بتتعاملي ك عميل وفي لوحة هناك كبيره متعلقة فيها الكلام دا ب 5 لغات
وانا لما قولت ل حضرتك الكلام دا مشفتش انك بنت شوفت انك عميل للمكان خرجتي امبارح ورجعتي ومعاكي عميل اخر
عموما يا فندم نورتي
ملك : هي متقصدش بعتذر
تميم : وانا بوضح برضه نورتو مطعمنا المتواضع
ملك : كل دا متواضع انا شيفاه مشاء الله كبير وفي اكتر من دور فوق
تميم : ايوة يا فندم لو تحبي بعد ما تخلصي تاخدي جوله في المكان هخلي الانسه رولا مسؤله العلاقات العامة تصطحب حضرتك
ملك : ياريت ولا ايه يا مايا
مايا : بصراحة بشكر صاحب المكان علي اختيار الي شغالين عنده بس ياريت نخلي الجولة دي يوم تاني لاني مش فاضيه عندي اجتماع مهم
تميم : تاكدي اني هبلغه بدا واي وقت اهلا بيكم وتركها وانصرف
ملك : ليه يا مايا بتتعاملي معاه كدا
مايا : مش عارفه حاساه مغرور
ملك : بالعكس جدا دا واثق من نفسه بس انتي عمرك ما تعمدتي تكلمي حد كدا
مايا : مفروض يعرف حدوده . هو هنا شيف وويتر مش اكتر واتفضلي خلصي خلينا نمشي
ملك: خلاص يلا بينا
........................
انتهي اليوم وبعد عده ايام في شركة كبيره فخمه
يا فندم الاجتماع بعد نص ساعه مع مدير الشركة المنفذة للمشروع الجديد والي رسيت عليها المناقصة
علاء: اسم انها شركة كبيره ومميزه علشان كدا طلبت اننا نجتمع بصاحبها مش المدير بلغيهم بدا
ليلي السكرتيره : تحت امرك يا فندم
مايا : انا عندي كل بيانات الشركة وهي نفذت مشروعات كتير في اكتر من دولة وكلهم قري سياحية علي اعلي مستوي منهم ايطاليا واليونان وتركيا و انجلترا وكمان مولات عالمية منهم كمان دبي الي الكل بيتكلم عنه
علاء: علشان كدا محتاج اعرف صاحبها علشان عاوز مشروع مميز ميعملش زيه ل حد تاني حتي لو كلفني اكتر
مايا : بس بيقولو صاحبها مش بيقابل اي عملاء خالص ومحدش يعرف هويته ولا حتي جنسيته بالرغم انه نقل مقر الشركة لمصر من 4 سنين بس مفيش عنه اي معلومات
علاء : الموضوع دا مسؤليتك كدا هو اكبر من ليلي
انتي عارفه ليلي مجرد سكرتاريه انتي مديرة اعمالي تقريبا
مايا : تمام يا فندم
وتحدثت ل ليلي : ايوة يا انسة ليلي ملف شركة شومان للهندسه والمقاولات هاتيه هتولاه بنفسي
ليلي : تمام دكتورة مايان وتنصرف
مايان : متقلقش يا فندم انت عارف الموضوع معايا يعني خلصان
........................
تميم : شريف تعالي مكتبي عاوزك
بعد لحظات يدخل شريف
شريف : خير يا تميم
تميم : انت شوفت الميل دا
شريف : ايه طب وبعدين
- يتبع الفصل التالي اضغط على (رواية تيمو) اسم الرواية