رواية حب غير مشروط الفصل الثلاثون 30 - بقلم لولا

      

 رواية حب غير مشروط  الفصل الثلاثون 30 -  بقلم لولا

منه بصدمه ودموع تجهضيني !!!!!

ادم بحده مني انا هطلع برا خلصي وعرفيني

مني تمام يا دكتور و ندهت للممرضين ومسكوا ايدين منه

منه بعياط وصراخ سبوني اوعي منك ليها سبوني ادم انت بتقول ايه ارجوك متعملش فيا كده ادم انا عايزه البيبي علشان خاطريي يا ادم لا ارجوك .. ورحمه ماما ساره وبابا سليم يا ادم لتسبني اجيب اليبي ووالله هبعد عنك خالص علشان خاااطري

ادم بعصبيه هششش قولت مش عايز اسمع صوتك وسيره امي وابويا متجيش علي لسانك القذرر انتي فاااهمه وبعدين انتي ايه يا شيخه معندكيش دم ?? بقولك مش عايز اخلف منككك ايه مبتفهميش ?? انا مش بحبك ومش هحب عيال منك

منه بعياط ووجع طب انا لو هونت عليك ماشي انما اللي في بطني يا ادم ذمبه ايه

ادم بعصبيه ذمبه ان واحده زباله زيك امه وانا مش عايز اخلف منها ولا اشوف عيالي منها في يوم من الايام مهما حصل انا لا بحبك ولا حابب اللي في بطنك لانه كل مره هيفكرني بأني كنت غبي اني قربتلك وحبيتك في يوم وبص لمني واكمل بحده يلا اخلصي

وطلع وقفل ومجرد ماطلع قعد علي الارض وفضل يعيط بوجع

وبين ضعفه

منه بعياط يا ااادم لااااا ابوووس ايديك لاااا يلااااا ارجوووك يااا ادم قولهاااا لاااا انا مش عايزه اموته يااا ااادم ابني ماااالوش ذمب يااا ااادم ارجوووك وفضلت تعيط بانهيار

مني بحزن ممكن تهدي هي عمليه سهله والله وهتعدي وعلاقتك بأدم بقيت متوتره اوي خلاص ارجوكي متجبيش طفل تظلميه وتقهريه بينكم يا منه فكري بعقلك وسيبك من العاطفه اللي جواكي انتي لو جبتي البيبي مش هتقدري تملي فراغ الاب ولا هتعرفي تربيه لوحدك وهتظلميه وهيطلع غير سوي نفسياا احنا لسه علي البر ووالله انا لو شايفه في امل في علاقتكم كنت قولتلك خليه بس حكايتكم اتنهت نهايه صعبه اوي

منه غمضت عنيها بوجع وفضلت تعيط بقهر ووجع بهستريه واكملت بعياط حكايتنا خلصت قبل ماتبدا مع اننا تعاهدنا اننا نكمل مهما كانت الظروف

مني بحزن ربنا يعوضكم يا حبيبتي جهزوها يابنات يلا

وفعلا بعد شويه خرجت مني من العياده وادم كان واقف برا ومني قلعت الجلافز اللي كان مليان دم في ايديها ورميته في السله وهو شافه وغمض عينه بألم ودموعه نزلت

مني وقفت قدامه واكملت بحزن وطلما انت هتموت علي ابنك كده موته بنفسك ليه

ادم بدموع ووجع علشان مش هقدر اخلف منها يا مني .. منه خلاص بنسبالي صفحه وقطعتها ومش هرجعلها تاني مهما يكون ومالوش ذمب طفل يتظلم بينا ودموعه زادت واكمل انما في النهايه ده حته مني وطبيعي مقهور انه مات بسببي

مني طبطبت عليه بحزن واكملت ربنا يعوضك خير يا ادم عن اذنك

ادم بقلق طب منه هي

مني متخافش هي كويسه هتفوق بعد ساعه ولا حاجه والعمليه كانت سهله وعدت

ادم بوجع هي حامل بقالها قد ايه

مني بحزن شهرين

ادم بصدمه ووجع شهرين ازاي مخدناش بالنا

مني بحزن عادي حملها كان كويس جدا وهي صحتها تمام فمكنتش بتحس بلاعراض بس الاكيد انها كانت بترجع

ادم افتكر لما كانت بتشتكي من بطنها كتير وكمان لما رجعت بسبب السمنه لما هو عملها الاكل ساعه لما طلبت تشوفه في بيت رامز وكمان لما كانت قرفانه عند تاليا حتي لما غاب عنها 4 ايام مره راح كانت تعبانه اوي واشتكت من بطنها بس ودي كانت بعد جوازهم باسبوعين يعني تحديدا بعد كتب الكتاب باسبوعين هي حملت فغمض عنيه بألم وقعد علي الكرسي واكمل بوجع هو انا ممكن اشوفها

مني اه طبعا نقلناها اوضه عاديه

وفعلا ادم دخل يشوفها شافها نايمه ومتعلق ليها محلول وباين علي وشها التعب والحزن

وشد كرسي وقعد قدامها واكمل بدموع مكنتش حابب نوصل لكده مكنتش حابب حكايتنا تنتهي بدري كده بس انتي السبب يا منه انتي اللي وصلتيني لاني اعمل كده انتي اللي دمرتي حياتنا بنفسك انا بسببك عملت حاجات مكنتش متخيل اني هعملها في يوم ووصلت بيا قتلت حته مني قتلت روح كنت بحلم بيها ليل نهار قلبي قسي وكله منك ليه تعملي فياا كده ليه توصلينا لكده ده انتي مراتي يعني كان كل ده ممكن يتحل في لحظه وتمشي معايا ولو كنت هموت نفسي مكنتش هعوزك معلقه ….. ليه تخليني عايش بجسد من غير روح بلشكل ده انتي طفتيني وخلتيني اتمني الموت خلتيني اتوقع الغدر من اي حد خلتيني بطلت اثق في اللي حواليا وحتي في نفسي خلتيني معترض علي مشئيته ربنا اللي مكنتش بقدر اعترض عليها وبقوله هو كل ده بيحصلي ليه هو انا وحش ?? خلتيني سكرت ودي مش طريقتي ولا طبعي ودموعه زادت واكمل بوجع انا مش قادر اصدق ازاي انا وانتي يوصل بينا الحال لكده انا لو حد كان حكالي كل ده كنت هقوله بكل ثقه انت كداب مش منه اللي تعمل كده مش منه اللي تكسر ادم مش منه اللي ميهماش غير الفلوس مش منه اللي تتخطب لغيره علشان منه بتحب ادم وبس وضحك بوجع واكمل مش علي ذمته وراحت اتخطبت عادي مش منه ابدااا اللي تعمل كل ده ومالك قالي منه بتحبك ومش هيهمها مستواك قولتله منه بتحب ادم وبس وواثق فيها اااه وما ادراكي بقي بكلمه واثق فيها لما الثقه بتتكسر بتسبب نزيف قد ايه ووجع وقهر انا راهنت عليكي قدام الدنيا كلها وانتي طلعتيني اغبي انسان في الدنيا كلها …وواقفه بتضحكي ولا علي بالك وبتتخطبي وانتي مراتي اللي مش قادر افهمه مش ده حاتم الزباله والوحش واللي كان هيعتدي عليكي فاجاه كده بقي حبيبك واقفه بتضحكي معاه ?? انتي حسستيني اننا نعرف بعد من يومين وعملتي موف اون اسرع من الطياره واتخطيتني لا ده انتي مش اتخطيتني ده انتي عديتي من علي قلبي ودوستي ومشيتي ومهمكيش وكملتي طريقك ولا اكن في حيوان قلبه اتكسر بسببك ومسك ايديها واكمل بدموع عارفه يامنه ايه اللي واجعني اوي اني ممكن اتخيل الغدر من كل الدنيا لكن منك انتي لا ولحد دلوقتي حاسس اني بحلم لان انتي الوحيده اللي بديها ضهري بثقه عارف تحميه بروحها بس انتي عملتي ايه انتي غدرتي بيا وطعنتي ضهري وغدر وحش اوي غدر كل كلمه فيه ومشهد مش هيروح من بالي ليوم ما اموت انا كان نفسي اخلف منك وعياال كتير مش واحد واعيش معاكي واصحي وانام في حضنك بس في يوم وليله اتحول الحلم من اني اتجوزك لاني اتجاوزك وهيحصل يا منه هيحصل ومتلوميش حد غير نفسك كله بسببك انا اتقهرت لما شوفتك لابسه عروسه وقاعده جمب غيري وبتضحكي وانتي ولا علي بالك انا مش هسامحك مهما تعملي يا منه ومش هقدر اتعامل معاكي تاني خلاص بعد اللي عملتيه فيا والاحسن ليكي متفكريش فيااا خالص انسيني وضحك بسخريه واكمل ده لو انتي فضلتي فاكره اصلا انتي كده كده نستيني من زمان بس ادعيلي اعمل زيك وقام وقف وبصلها بوجع وحزن وكان هيمشي بس رجع تاني وبصلها بدموع واكمل هتكون اخر مره احضنك واقرب منك يا منه بعدها هتصحي تلاقيني واحد تاني وقرب قعد جمبها وعدلها في حضنه وقرب باسها بحب وكأنه بيودعها وضمها لحضنه جامد وهو بيبكي بقهر ووجع واكمل بدموع بعترف انتي لسه مخفتش منك وعامل زي اللي ماسك شويه ازاز وعمالين يعوروا فيه وهو مش راضي يسبهم …. مش راضي يسبهم حباا في الكوبايه اللي مبقتش موجوده وخرج من حضنها وعدلها في سريرها وباس جبينها بحزن ومشي

منه كانت صحيت وسامعه كل كلمه قالها واتعدلت وفضلت تعيط علي الحال اللي وصلتله واكملت بعياط والله علشان خوفت عليك والله علشان بحبك اكتر من نفسي يا ادم انا بحبك اكتر من كل دنيتي بس مقصدش ابدااا اوجعك بلشكل ده وحياتك عندي بس يكفيني اني عارفه انك لسه بتحبني واني هفضل مراتك لانك مش هطلقني وهعمل كل اللي اقدر عليه علشان اكسبك تاني مستحيل اسيك تروح مني اكتر من كده

في البار حاتم قاعد بيشرب ومضايق اوي وبيفتكر كلام شهد ليه وقلبه واجعه اوي

كريم بحده اه واخر اللي انت فيه ده ايه

حاتم بتعب كريم سبني في حالي الله يرضي عنك واسكت

كريم بحده اقسم بالله انت تستاهل اللي بيجرالك بدل ماتحاول تصالحها وتبينلها انك بتحبها تستسلم وتضعف بلشكل ده

حاتم بوجع ودموع شهد قسيت اوي يا كريم قسيت اوي لالا مبقتش زي الاول خالص ده الطريقه اللي عاملتني بيها قدامك يوم كتب كتابنا بلنسبه لدلوقتي ولا حاااجه بجد شهد مش هتسامحني وحقها انا كسرتها كتير وفوقت متأخر اوي اوي بجد وعنيه دمعت بوجع

كريم طبطب عليه بحزن واكمل حقها يا حاتم اي واحده غيرها مكانتش هتستحمل كل ده اصلااا شهد دي بطله ان برغم كل ده قالتلك بحبك بس من بعيد علشان بتأذيها وده حقيقي انت اذيتها كتير اوي بعدين انت عايز تفهمها ايه طبيعي متصدقكش انت كنت ليل نهار منه وبتخترف باسمها وانت في حضن مراتك وبتسم بدنها في الرايحه والجايه وكل ما نكلمك بحب بنت عمي وهاخدها وكمان خطبتها حتي لو خطوبتك منها كانت خطه وهتسيبوا بعض وانها الحاجه الوحيده اللي فعلا غصب عنك وفوقت قبلها بس اي حد لو مكان شهد مكنش صدق اصل بأي مطنق بتحبني وعملت كل ده ?? بأي مطنق بتجيب سيرتها كتير وبتقول هتخطبها ???

لا يبقي فعلا خطبتها لانك عايزها هي وبتحبها هي لان ده اللي بتقول هتعملوا دايما وعملتوا … ولما طلعت متجوزه وحامل خلعت بقي ورجعتلي وحسيت بلذمب ماهي ملهاش غير كده ومظبوطه اوي كمان انما متتصدقش ابدااا انك عشت كتيير تقولها مش عايز غير منه وانتي متفرقليش هو ابني بس وفي لحظه قبل خطوبتك علي منه اللي بتتكلم عنها ليل نهار فوقت وكررت الخطوبه هتبقي خطه بس علشان الناس وانت بتحبها هي لا طبعا يا حاتم متتصدقش وانا لولا صاحبك و كنت معاك وعارف تفكيرك مكنتش صدقت بردو مبالك شهد

حاتم بدموع ماهي قالتلي كده وعندها حق وزي ماقالتلي بحبك لغايه دلوقتي قالتلي مش هنسي ومش هسامحك يا حاتم

كريم بتنهيده ده كلام حتي لو قسيت بتحبك وهتفضل تحبك هي بس زعلانه وواخده موقف وحقها شافت منك كتير انما متستسلمش يا حاتم وحاول مره واتنين ومليون

حاتم بحزن حاضر يا كريم هحاول والله هحاول بكل طاقتي بس دي مش هتبص في وشي بعد كده بجد الوضع هيبقي صعب اوي

كريم حاول انقشها كل شويه كده يعني وهزر معاها هاتلها هدايا كده يعني

حاتم بتنهيده هعمل كل اللي عليا والله يا كريم وربنا يحنن قلبها بقي بجد

كريم بضحك والله تستاهل برغم كده فرحان فيك من اعملكم سلط عليكم ياماا طهقتها في عيشتها جيه دورها بقي

حاتم والله انت انسان مهزق وانا مش فايق لاهلك فمش هرد

كريم بضحك ده علشان انا بقول الحقيقه فانت مش هتقدر ترد وقام وقف واكمل تعاالي معااياا اغسل وشك ده وفوق كده وفكر هتعمل ايه

حاتم قام معاه وغسل وشه حلوه وفاق وخرج هو وكريم

بعد شويه في بيت شهد

فتح حاتم الباب ولاحظ الهدوء فاكمل بصوت مسموع شهد .. انتي يابت

ودخل اوضتهم شافها نايمه ولابسه دريس حماله طويل وسايبه شعرها فحط الورد والعلبه والهدوم علي جمب وراح جمبها واكمل بحب شوش .. انتي يابت ..قومي بقي واخلصي وباس خدها

شهد بنوم اممم عايز ايه بقي يا حاتم سبني اتخمد

حاتم بابتسامه قومي ياروحي اوريكي حاجه

شهد بحده وهي مغمضه اكملت لا حاجه ولا زفت اطفي النور واطلع برا عايزه اتخمد ماصدقت بطني هديت عليا من الصبح تعبانه

حاتم بقلق ليه وانتي تعبتي الصبح ليه يا شهد

شهد فتحت وبصتله واكملت بوجع واضح في عنيها ابداا اصل بعيد عن اي بنت جوزي كان بيخطب فانفسيتي تعبت لاني غبيه وبحبه ومخدتش الدوا ولا كلت

حاتم بوجع شهد انا اسف بجد حقيقي حقك عليا ووالله هعوضك بس مهما كان بنتك ملهاش ذمب يا حبيبتي

شهد بحده ذمبها الوحيد ان ابوها حيوان ومش بيحس واكملت بدموع عارف مين اللي جابلي اكل وخلاني عرفت اصلب طولي ?

حاتم بستغراب مين

شهد بدموع ادم اللي انت خطبت مراته تخيل بقي ..مع انه عرف اني مراتك بس صعبت عليه وحس بوجعي اكتر منك بس تعرف نظره الندم اللي في عنيك دي كفيله تشفي وجع قلبي يا حاتم خليك كده بندمك وخلي الندم ياكل فيك كل دقيقه

حاتم بدموع قتلني يا شهد .. الندم قتلني وغلاوتك في قلبي وانا عارف انه غصب عنك ووجعك مني هو اللي خلاكي قسيتي كده بس احلفلك بايه اني بحبك بجد ومن قبل الخطوبه

شهد بعياط كان نفسي اصدقك كان نفسي تفضل معايا نفس حاتم اللي كان بيغير عليا ويهتم بيا ويوديني للدكتوره بس انت مجرد ماقولتلك سبني واطلع برا انت سبتني ياحاتم سبتني لوجعي وحزني لوحدي انا قولتلك كده مكنتش عايزاك تسبني ابداا كنت عايزاك تخادني في حضنك وتقولي مش هسيبك انتي ليا وبحبك يا شهد انما انت ماصدقت ومشيت وسبتني بعيط بقهرتي علي صدمتي فيك انك كنت مهتم بحملي وخليته يكمل علشان حاسس بلذمب بس لان رحمي تضرر من اعتدائك عليا وفوق كل ده روحت خطبت منه وحددت معاد خطوبتك في نفس اليوم ياااااه هو انا رخيصه عندك انا ومشاعري اوي كده سايبني بعيط من صدمتي فيك وروحت تحدد خطوبتك منها والمفروض بعد كل ده تيجي تقولي والله كانت خطه وبحبك اصدقك !!!!!!! امشي اطلع برا ياحاتم والمره دي فعلا مش عايزاك تمسك فيا

حاتم بدموع اقسملك بالله يا شهد ان الحوار مش زي مانتي فاهمه اه انا فعلا حسيت بلذمب وقولتلك خلي البيبي واتجوزتك بس بعدين فرحت بلحمل اوي وحمدت ربنا ميه مره اني متسرعتش ونزلته وعرفت اني بحبك اوي و اه فعلا كنت هخطب منه بمزاجي بس لقيت عمي بيقول بكره وعرف الصحف صدمني وحسيت وقتها بانه لا مش عايز كده وده كنت مستغربه اوي حتي انتي جيتي في بالي ساعتها وكلمت كريم وحكتله حيرتي وساعتها قال علي منه وسط ااكلام بنت حلوه وانه انا خدتها تحدي مش اكتر وانا حقيقي مخدتش بالي ولا اهتيمت بس لما قال عليكي كده حسيت بنااار جوايا يا شهد وبعدين قالي انك بتكلميه وبتعيطي ومنه كمان بتعيط فوق انا سبت كل الدنيا ومسكت مفاتيحي وقولتله رايح لشهد ولما اجي اشوف منه ساعتها قالي عرفت بتحب مين يا صاحبي وقتها فعلا ادركت ان لو خيروني بينك وبين منه هختارك ولو خيروني بينك وبين بنات الدنيا كلها هختارك شهد انا معاكي بحس اني طفل مبسوط في حضن امه بفرح وببقي شخص غير الشخص خالص انا بتحول بوجودك جمبي وعلشان كده عايزك جمبي طول العمر انتي البنت الوحيده اللي حبتني من غير شروط حبتيني لانك شوفتي مني حنيه وااهتمام وامان ليكي من عمك في وقت صعب ومهتمتيش اني اعتديت عليكي ولا لاني حبستك ومنعتك من حريتك ولا لاني كنت بقولك بحب بنت عمي وبكسرك كل شويه ولا لاني بروح بارات وبسهر ولا لاني جاحد زي ماقولتي وفاضي من جوه لا انتي مهتمتيش لكل ده انتي حبيتي الجاحد والقاسي واللي معندوش اي مشاعر وواخد الدنيا غرور وتحدي وانا مينفعش يتقالي ده ومينفعش يتعملي ده وخلتيني حد تاني خالص ارجوكي اديني فرصه يا شهد ده محدش حب حاتم بطبيعته وقبل بيها غيرك وبلنسبه لاني سبتك ومشيت فانا سبتك علشان تهدي وكنت هرجعلك بس عمي فاجئني بجد وخبطت منه علشان سمعتها قدام ااصحافه حتي منه بتموت في ادم وانا اجبرتها

شهد بدموع كل كلامك ده فاهماه تمام بس بردو مش قادره انسي كل اللي حصلي بسببك يا حاتم هو مش بسهوله تدمر براحتك وتكسر وتهين وتذل وتبيع وتشتري فيا وفي قاعده وكلمتين حلوين هصفي واعدي وارجع كويسه فسيبها للوقت ارجوك انا مش قادره اتكلم خالص بجد وبلنسبه لانك سبتني اهدي شويه وترجعلي الراجل ااه بيهدي لما يتساب لوحده شويه انما الست بيزيد وجعها لما تتساب اصلا فنفسي المعلومة دي توصل للناس كلها وتتفهم بجد انا بشوف الام لستات كتير وجروح ما بعد الموقف الراجل بيعدي الموقف ويسكت مؤقتا علشان الست تهدي وهي بتهدي فعلا بس شكلا لكن مستحيل تكون داخليا سليمة الست بتحتاج اللي يسمع ويحتوي ويحترم مشاعرها ويقدر حالتها النفسيه لما ده مبيحصلش بتحس بخيبه امل وبتفقد شغف العلاقه بالوقت فا فرق يا حاتم بين هديت شكلا وهديت داخليا لان الفرق كبير جداا

حاتم بوجع ياااه يا شهد هو انا وجعتك اوي كده علشان تكبري وتنضجي بلشكل ده وتتكلمي كده وانتي لسه ماشيه في 22 سنه بس

شهد بدموع مش بلسن ابداا انا تجربتي علمتني وكبرتني عن سني انا اتيتمت بدري واتذليت من اهل ابويا واترميت لعم مينفعش يتقاله الكلمه دي وبعت مناديل في الطرق وانت جيت اعتديت عليا وكملت ولما نسيت طريقتك القذره وحبيتك وقولت اهي خلاص هتضحك في وشي جيت بكل دم بارد كسرتني ومش مره ده كتير وخليت اليوم اللي بيبقي بلنسبه لاي ست يوم عيد لما تعرف انها حامل من اللي بتحبه بنسبالي كان يوم قهر ووجع لحد ماخلاص مبقاش في حاجه ابكي عليها دوقت العذاب الوان بجد وشوفت اكتر واحد بحبه عريس لغيري فصدقني مش بلومك انا بلوم الدنيا اللي عمرها مانصفتني دي وعياطها زاد واكمت بس الحمدلله انا راضيه بس قلبي واجعني اوي يا حاتم

حاتم بدموع يا حبيبتي .. سلامه قلبك يا نورعيني ..تعالي وفتح ايديه فشهد اترمت في حضنه وفضلت تعيط وهو فضل يطبطب عليها ويمسح علي شعرها بحزن من اجلها واكمل بدموع حقك عليا علي كل وجع شوفتيه في حيااتك يا شهد ده ياريتني كنت موت قبل ماقربلك ولا تحملي ولا اني اشوفك بلشكل ده

شهد ضربته في صدره واكملت بعياط بعد الشر عليك متقولش كده وبعدين ملك دي اجمل حاجه حصلتلي بسببك اصلا

حاتم ابتسم بحب ومسح دموعها واكمل ملك اللي غيرت ابوها من قبل ماتتولد يا شهد ووطي باس بطنها بحب واكمل يارب تقومولي انتوا الاتنين بالف خير

شهد بحب ودموع يارب

حاتم رفع وشه واكمل من غير دموع بقي ومسح دموعها

شهد شافت الدبله اتصدمت واكملت بدموع للدرجه دي مش عايز تقلعها ??

حاتم بستغراب هي ايه

شهد بوجع ودموع دبلت منه

حاتم بضحك اااه دي طب مش تبصي كويس قبل ماتتكملي وقرب ايديه واكمل هي صح الدبله اللي منه لبستهاني بس انا كنت كاتب عليها اسمك انتي من قبل ما البسها علشان تصدقي ان الخطوبه فيك وانا بوصي علي الدبل بليل طلبت اسمك انتي

شهد بصت لقيت فعلا ان اسمها محفور بلانجليزي عليها فاكملت بحده مش مبرر بردو هي اللي لبستهالك يا استاذ

حاتم بضحك ولا يهمك ياروحي اهو وقلعها واكمل بضحك لبسهاني انتي بس والنبي واحده واحده وانتي بتغيري علشان بتبقي قمر وغمز

شهد بحده مين قالك اني بغير مفيش الكلام ده

حااتم بضحك طب ياستي مش بتغيري امسكي بقي

شهد بحده مش هلبس حاجه لحد

حاتم برفعه حاجب بقي كده

شهد بحده اه كده

حاتم بتمثيل اهون عليكي يا شوش تزعليني

شهد بصتله برفعه حاجب واكملت اه تهون وبطل تمثيل هاا

حاتم بضحك يعني مش نافع معاكي حاجه خالص ? طيب وغلاوه ملوكه لتوافقي وتلبسي ابوها الدبله

شهد ضحكت واكملت ابوها ده مجنون جاي يعيش دور المخطوبين وهو متجوز ومراته قربت تولد كمان

حااتم بابتسامه مش مهم اللي فات المهم اللي جاي يعوض اللي فات امسكي بقي

شهد بضيق هات ومسكت ايديه ولبسته الدبله ورمت ايديه

حاتم بضحك طب وليه المعامله دي طيب في واحده محترمه ترمي ايد جوزها كده

شهد مش انا عملت كده ??

حاتم بضحك اه

شهد خلاص يبقي في

حاتم بضحك عادي ولا يهمك ياستي جيه دوري بقي

شهد بستغراب دورك ازاي يعني

حاتم جاب العلبه والورد من وراه واكمل بحب البسك دبلتك هو انا هلبس وانتي لا معقوله يعني

شهد بتافجئ نعممم انت جايبلي انا دبله وورد انت تعبان يا حاتم وحطت ايديها علي جبينه

حاتم بضحك والله انتي خساره فيكي الجو الرومانسي اللي انا عامله بس معلش وفتح العلبه واكمل بضحك ومحبس كمان يخش يطمر

شهد بصت للدبله باعجاب وفرح بس مبينتش واظهرت الجمود واكملت اممم مش بطاله

حاتم بضحك لا يا شيخه مش بطاله ?? يعني مش دي الدبله بلمحبس اللي كنتي عايزه تجيبيهم قبل كده تؤ تؤ مش بطاله

شهد كنت عايزه اجبهم لما كنت بلمح للوح تلج اللي في حياتي انه يتجوزني بس هو ولا فهم

حاتم بضحك ياستي تشكري وابتسم واكمل بعدين اديه فهم اهو ياست البنات وجبهملك واتجوزنا ومسك ايديها الشمال ولبسها الدبله وفوقها المحبس وكانت شكلها حلو اوي وقرب باس ايديها بحب

وشهد سحبت ايديها بتوتر واكملت شكرا يا حاتم

حاتم بحب من غير شكر انتي مراتي مفيش بينا الكلام ده

شهد ابتسمت ومسكت الورد واكلمت تعبتك تعيش وتجيب

حاتم بحب ولا تعب ولا اي حاجه تعيشي يا ام ملوكه وباس جبينها بحب واكمل استني بقي اوريكي الدريسات اللي جبتهالك علشان بطنك

شهد بستغراب انت جبتلي دريسات

حاتم بحب اه مش قولتلك هجبلك علشان اللي عندك ضاقوا من الحمل وجاب الشنط وفرد الدريسات كلها قدامها علي السرير وبعد شويه قعد جمبها واكمل بحب ها ايه رايك بقي في اختيارات جوزك

شهد بصتلهم باعجاب واضح واكملت بحب بجد حلوين اوي يا حاتم تعيش وتجيب زوقك حلو حقيقي ودول كتير اوي بجد مكنتش تجيب كل ده مجرد ما اولد هيتركنوا حرام

حاتم ابتسم بحب واكمل حبيبتي انتي لسه قدامك 5 شهور ودي فتره مش قليله بردو بعدين مفيش حاجه تكتر عليكي يا ام ملك وباس خدها

شهد ابتسمت واكملت عقبال ماتجبلها

حاتم بضحك طبعا هي ملوكتي تتنسي دي قلب ابوها من جوه ومد جاب الشنطه الاخيره من جمبه علي الارض وطلع سلوبته اطفال جميله اوي وشيك ولونها ابيض ومعاها الطقيه بتاعتها والشراب ومكتوب عليها بلبينك اسمها

شهد ابتسمت بفرح واكملت الله دي جميله اوووي بجد جبتها للولاده صح

حاتم بحب ااه هتلبسها لما تتولد باذن الله

شهد بحب بجد كلفت جامد انهارده

حاتم رفع ايديها باسها واكمل بحب ولا كلفت ولا حاجه مفيش حاجه تغلي عليكم انا لو طولت اجبلكم الدنيا هجيبها هو انا ليا غيركم يا شوش

شهد ابتسمت واكملت بتنهيده ربنا يهديك يا حاتم

في بيت ادم

مالك دخل واكمل مساء الخير

جيسي وساميه مساء النور

مالك بستغراب مالكم قاعدين كده ليه

ساميه بقلق اخوك لسه كل ده مرجعش وعمر قايلي من بدري انه نايم

مالك بقلق طب افهم بس علشان متقلقنيش هو دلوقتي عند عمر ونايم ولا برا البيت

جيسي عند عمر يا مالك بس القصد انه اكيد مش نايم كل ده الحكايه متريحش عمر بيخبي حاجه

مالك قعد واكمل بنفخ ياربي عليك يا ادم طب لو عمر كداب هيكون راح فين يعني الصبح كلمته قالي سايق ومطولش معايا وقفل

ساميه شهقت واكملت كان سايق! !!! سايق ايه وراح فين وعمر قايلي نايم ازاي يعني وعنيها دمعت

جيسي بحزن يا ماما اهدي ممكن يكون عمر قاالك في وقت ما هو نايم فعلا

ساميه بعياط حتي لو اديه صحي ونزل وكلم اخوه يعني مش كل ده نايم زي ماعمر بيقول

مالك اتوتر واتصل بيه بس كان بيديه غير متاح فقام وقف واكمل بتوتر لالا انا مش هعرف اقعد كده انا رايح لعمر

ساميه بعياط استني خدني معاك يا مالك

مالك باستعجال ياماما مش وقته هروح انا واطمنك

ساميه بحده ودموع والله مايحصل هتاخدني معااك مش كل شويه تمشوا كلامكم وتوجعوا قلبي بقي

مالك بتنهيده طب بسرعه الله يخليكي

ساميه بدموع حاضر وراحت تلبس

جيسي بتوتر مالك هو ممكن

مالك بمقاطعه اخلصي يا جيسي بس البسي حاجه عدله

جيسي بابتسامه هوا وراحت لبست بنطلون بوي فريند واسع وبلوزه بيضه نص كم وسرحت شعرها وساميه كانت لبست ونزلوا مع مالك متجهين لبيت عمر

في بيت عمر الباب بيخبط فتحت تاليا واتصدمت واكملت اتفضلي يا طنط اتفضل يا مالك

مالك دخل واكمل عمر فين

تاليا بتوتر اهو جوه يا عمر

عمر خرج وهو حاطط الفون علي ودنه بضيق واكمل ايه تااليا عايزه واتصدم من وجود مالك وساميه وجيسي واكمل بتوتر اتفضلي يا خالتي اقعدي

ساميه بحده ودموع انا مش جايه اقعد انا جايه اسالك سؤال مش قولتلي هتجبلي ادم انهارده ابني فين بقي

عمر بقلق والله نزل الصبح ومقاليش رايح فين وقافل فونه وعمال اجرب مش ساكت

جيسي بحزن ياربي هيكون راح فين بس

مالك بقلق المشكله قالي سااايق انا هموت من الخوف ادم مش كويس علشان يسوق عربيات اصلا واصلا سااق ايه

عمر ااه ما هو وقطع كلامه خبط علي الباب

جيسي فتحت واكملت بدموع فرح يا شيخ حرام عليك وقعت قلوبنا

ادم استغرب وجودها ودخل اتصدم من وجود امه ومالك

ساميه حضنته واكملت بعياط يا حبيبي يا ابني كنت فين يا ادم اخص عليك كل ده يا ادم برا البيت وجعت قلبي عليك من الخوف يا حبيبي

ادم مسح دموعها وباس جبينها واكمل بخير يا ست الكل متقلقيش عليا يا حبيبتي

مالك وقافل فونك ليه يا شيخ حرام عليك بجد

ادم بتنهيده فصل شحن مش بمزاجي يا مالك فصلته

عمر مسكه ولف ناحيته واكمل بحده مراتك فين

ساميه بصدمه مراته! !!! مراته مين

مالك بحزن ماما مش وقته

جيسي بصدمه لا هو مراته مين فعلا

تاليا بدموع منه

جيسي اتصدمت وساميه شهقت وضربت علي صدرها واكمل بحده منه ازاي يعني واتجوزها امتي

مالك بتنهيده ماما والله مش وقته خالص الاسئله دي

جيسي بدموع وصدمه لا وقته يا مالك اما هي متجوزه ادم زي ماتاليا بتقول اتخطبت انهارده لحاتم ازاي

ادم ده علشان رخيصه ومهماش وراحت اتخطبت وهي علي ذمتي

ساميه اتصدمت اكتر واكملت بحده يانهارك اسوود يعني فعلا اتجوزتها من امتي بقي يا بيه وانت متجوزها

ادم بتنهيده اهو اللي حصل غلطه عمري وندمت عليها …..ومن ساعه ما كنت في دهب منه رجعت من هناك مراتي

جيسي بصدمه علشان كده قعدت في شقه تخصك اسبوعين مش كده

ادم بتنهيده اه كده

عمر بحده يا جماااعه كل كلامكم ده مش وقته هي مراته واتجوزها تحسبا لو ابوها رفض تختاره و تمشي معاه بس هي غدرت وراحت اتخطبت لحاتم كل ده ميهمنيش دلوقتي اللي يهمني اانت وديتها فين يااا ادم انطططق

ادم بحده كبر دماغك يا عمر ورايح يمشي عمر مسكه جامد واكمل بعصبيه لا مكبرش دمااااغي مكبرش دماااغي علشان انت غبي مراتك حامل ولو كان اللي في دماغي صح يا ادم

ساميه بصدمه حامل

جيسي شهقت واكملت بدموع منه حامل !!!!

مالك بصدمه ادم اوعي اوعي تكون

ادم بعصبيه هتعمل ايه يعني انت بتتهددني اااه يا عمر عملت اللي في دماغك واحده زي دي مش هيجمع بينا تاني ولا حتي في الاحلام اخلف منها ليه فاوديتها لمني اجهضتها

تاليا لطمت علي وشها واكملت بعياااط ايييه عملت ايييه

عمر بصدمه ادم انت .. انت عملت كده بجد

ادم بعصبيه اه عملت كده انت بتتكلم وخلاص بس مش حاسس بلنار اللي جوايا

ساميه اتصدمت وضربته بلقلم بقوه فشهقت جيسي بصدمه ودموعها نزلت علي اختها

ساميه بعصبيه ودموع يعني مش كفايه زباله وروحت اتجوزتها من غير ماتعرفنا لا كمان روحت موت ابنك بايدك

ادم بوجع ودموع حتي انتي يا ماما ده انا قولت انك الوحيده اللي هتحس بيا وتفهم وجعي

ساميه حضنته واكملت بعياط ووجع لييه يابني لييه يا ادم تعمل في حته منك كده ذمبه ايه هو ياادم ده ابنك طب اعتبر منه غلطانه وتستاهل كل بعدك عنها وانت كتير عليها انما ابنك يا ادم الروح ده ذمبه ايه ده انت دكتور ومتعلم يا ادم وفضلت تعيط واكملت مش قادره اجي عليك واوجعك اكتر منتا موجوع ولا قادره اربيك من اول وجديد علي صدمتي في تفكيرك طول عمري بقول عليك عاقل ده تصرف تتصرفه يا ادم حرام عليك يابني حرام عليك بجد محدش قالك اتجوزها وتمم جوازك انت عملت كده ومخدتش راي حد وطلما ربنا اراد بنعمه وانت عملت كده ربنا مش هيسامحك ابداا وفضلت تعيط

ادم بوجع ودموع في حضنها والله كنت بموت الف مره يا ماما بس انا موجوع من منه اانا مكسور كسره عمري ماحسيت بيها في حياتي وقلبي واجعني اوي محبتش اظلم طفل بينا مش عايزه عيل مالوش ذمب يتولد يتعب بسبب الحاله اللي وصلتلها انا وامه ارجوكي افهموني

تاليا بعياط حتي لو قصدك كده دي نعمه يا شيخ ده انا بتمني ربنا كان يكرمني ومش طايله وانت بكل بساطه تروح تموت حته منك بجد مش عارفه اقولك ايه

عمر طبطب عليها بحزن واكمل اهدي

ادم بدموع تاليا انتي وعمر بلذات مفروض متعترضوش لانكم شوفتوا منظري كان عامل ازاي بسببها وبعدين انتي عارفه اهو انها نعمه طب والنعمه دي تيجي ازاي بين اب وام طريقهم وصل لنهايه سد ?? وعياطه زاد واكمل وانتي فكرك قلبي مكنش واجعني ?? فكرك مكنتش مقهور وانا سامعها بتقولي ارجوك خليني اجيب البيبي ?? فكرك مكنتش بموت وانا بقول لمني اجهضيها وعارف اني بموت حلم عشت احلم بيه سنين اني اتجوزها واخلف منها ?? فكرت مكنتش بتعذب وانا بعمل كده واكمل بعصبيه ودموع انا كنت بموت الف مره ولسه بموت علي اللي حصل وبحب منه ومش هعرف اكرهااا علشان انا غبي غبي وضعييف بس لازم لازم ااكرها مينفعش تفضل متحكمه في قلبي بعد كل اللي عملته فياا منه موتتني بلحيا يا تاليا وخلتني اموت كل احلامي وطموحي وثقتي في نفسي وفي اللي حواليا واكمل بوجع هي محبتنيش اصلا

تاليا صعب عليها واكملت بعياط منه غبيه وتفكيرها غبي زيها بس والله بتحبك

اددم بعصبيه ودموع متقوليش بتحبنيي انا اه بحبها انما هي لا دي مش بتحب غير الفلوووس ومحدش يجيب سيرتها قدامي انا اصلا لا هقدر انسها ولا هكرها بس هبعد عنها هبعد لاني فكل مره هشوفها هشوف ضعفي قدام حبها بس كل ما احن ليها هفكر نفسي بكلامها اللي طعن في قلبي

عمر بوجع انا مصدوم وحاسس اني واقف قصاد واحد غير صاحبي وعشره عمري انت اطفيت اوي واتغيرت اوي يا ادم

ادم بوجع ودموع علشان اتكسرت يا عمر لا ااتكسرت ايه ده انا اداس علي قلبي باقدم جزمه واكمل بقهر واضح في صوته فاهم لما تكون شايف الدنيا وحلاوتها كلها في شخص معين ومصبر نفسك بيه وكل حاجه حواليك ضددك بس بتقول كفايه ابص في وشه بنسي هموم الدنيا كفايه حضنه كفايه انه حلالي ومعايا اهو انا بقي شوفت منه كده بس فوقتني من حلم بقالي 4 سنين عايشه علي قلم جااامد اوي قلم علم في قلبي وعقلي ومش هقدر انساه وراحت اتخطبت وهي علي ذمتي ومحترمتش الكلب اللي متجوزاه ولمين ?? لاكتر انسان انا بكرهو من كتر غيرتي عليها وحبي ليها وهدمت احلام سنين وحياه عشتها في خيالي كل يوم علي امل احققها معاها وفي ثانيه قلت مني ومن مستوايا وقالتلي انا غلطت اني مسالتش انت مين واهلك مين وانا مفروض كنت اتجوز واحد من. اولاد رجال الاعمال وان حاتم هيعيشها نفس مستواها وانها ندمانه انها حبتني في يوم وفوق كل ده كانت هتسيبه يبوسها قدامي لولا انا ضربته وقولتله انا علاقتي منتهتش بيها كلياا متقدرش تقربلها ولما جيت اتخانق معاها اتخبت في حااااتم مني انا وفي الاخر عايزيني اعرف انها حامل اسامح واعدي! !!!! لييه معنديش دم ??? معنديش قلب ومبحسش علشان اعدي كل ده ??? انا كنت ممكن اعدي لو كان من اي حد الا منه لان منه دي كانت محطه ثقه كبيره اوي عندي كنت اخون اي حد الا هي ولو كل الدنيا جات قالتلي منه هتعمل فيك كده انا كنت هقف اكدب كل الدنيا وعملت كده قصاد ابوها وفي الاخر خلته هو كمان كسب قصادي يعني مش كفايه مشوفتش حاجه عدله من وانا صغير واتحرمت من اغلي ناس في حياتي وشوفتهم بعيني بيفارقوا الدنيا وواقف محتار مابين ابويا وامي اللي غرقانين في دمهم وماتوا وسابوني 3 سنين وبقيت مبقدرش اشوفهم ولا احضنهم واشتاق ليهم اموت من اشتياقي لان مفيش غير كده اصل هشوفهم فين لا تقوم السنين تعدي واللي قولت عليها دوا جروحي طلعت بتسمني بلبطئ وسبب جروح جديده مش هتتنسي انا مش قاهرني قد اني قولت عليها عوض ربنا ليا ودموعه زادت واكمل لالا انتوا لو حد فيكم حاسس بيا 1% مش هيقولي اجهضتها ليه انتوا بس صعبان عليكم العيل اللي مجاش انما انا. اولع مش مهم

عمر حضنه واكمل بدموع انا اسف لوجعك يا حبيبي. بجد عارف انك مريت بحاجات صعب حد يتحملها وانا لو مكانك هعمل كده بس ابنك فعلا مكنش ليه اي ذمب

مالك راح حضنه بدموع واكمل انا حاسس بيك يا ادم مجرد التخيل صعب مبالك باللي انت عيشته حقيقي كتر الف خيرك بس اللي انت وصلتله واجعنا كلنا بجد

تاليا بعياط ربنا يهديكم يا ادم وتعرفوا ان ملكوش غير بعض وان ده سوء تفاهم بس كبييير اوي

ادم ضحك بسخريه واكمل منه مهما تعمل مش عايزها تاني وبعدين مش لو لحقت بقي تصلح اللي عملته

ساميه بقلق يعني ايه يا ادم

ادم بحزن سبوها لوقتها يلا انا هنزل

جيسي بعياط طب ومنه عامله ايه دلوقتي

ادم بوجع ودموع لسه نايمه يا جيسي قولت لمني تصحي تكلمني يلا احنا علشان نمشي

في المستشفي

منه قامت ولبست هدومها ولفت للحجاب وهي عنيها مليانه دموع

مني بابتسامه عملتلك اللي انتي عايزاه وسبنا البيبي ايه مزعلك بقي يا ست منه

• يتبع الفصل التالي اضغط على ( رواية حب غير مشروط  ) اسم الرواية