رواية من نظرة حب الفصل الثلاثون 30
زي ما وعدتكم بارت جديد تعويض عن تاخيري
"30"
في القصر كانت ثريا ونسمة ومكة قاعدين مع بعض لحد ما دخل عليهم مالك وهو مصدوم من اللي عرفه اول ما شافته ثريا ومكة راحوا له بسرعة
ثريا : مالك ايه اللي طلعك دلوقتي
مالك : انا خليت الدكتور يكتبلي اذن بالخروج
ثريا : بقي كدة تطلع وتيجي لوحدك من غير ما تعرفنا حتي كان علي الاقل كنت تعرفنا
مالك : معلش ي ماما انا قولت متعبش حد
مكة : تعال اقعد ي مالك انت مش قادر تقف
اخدوه وقعد وهو بينهج من المجهود وخصوصا انه لسة تعبان اخد باله ان نسمة واقفة افتكر كلام والده والله عرفه
مالك : مش عارف اعمل اي دلوقتي معاكي وخصوصا بعد ما عرفت ان والدي هو اللي قتل والدك ودمر عيلتك وخلاكي تتيتمي من صغرك وهو السبب في حالتك دي دلوقتي
ثريا : مالك مالك
مالك : اه في ايه
ثريا : بقالي كتير بكلمك سرحت في ايه
مالك : لا مفيش كنتي بتقولي ايه
ثريا : بقولك اطلع ارتاح فوق شوية وانا هجيبلك الاكل لفوق
مالك : لا انا مليش نفس انا عاوز انام بس شوية
ثريا : براحتك ي حبيبي خديه ي مكة وطلعيه علي اوضته
مكة : حاضر ي ماما
سندت مكة مالك وطلعوا هما اللي اتنين لفوق اما ثريا فبصت لنسمة اللي كانت بتبصلهم باستغراب وقلق علي مالك هي مش عارفة سببه
ثريا : تعالي ي بنتي اقعدي
نسمة : هو ماله مالك بيه شكله تعبان
ثريا : اسكتي ي نسمة دا انا وقت ما عرفت انه اتصاب وفي المستشفي روحي راحت مني بس الدكتور طمني عليه وقال انه كويس
نسمة : ربنا يقومه بالسلامة ويخليهولكم
ثريا : يارب ي حبيبتي اقعدي
نسمة : معلش بقي انا هروح بدال مش هشتغل
ثريا : وانا لسة عند وعدي ارتاحي انتي وملك لان يدوبك الخطوبة بكرة من بكرة الصبح تكونوا عندنا هنا ومعاكم كل حاجة هتحتاجوها
نسمة : حاضر همشي مع السلامة
ثريا : الله يسلمك ي حبيبتي
مشيت نسمة من القصر ونزلت مكة من فوق راحت لثريا اللي كانت قاعدة بتفكر
مكة : ماما مالك عاوزك فوق
ثريا : ماله هو تعبان
مكة : اهدي ي حبيبتي هو كويس بس قاللي انه عاوز يكلمك في موضوع مهم
ثريا : تمام ي حبيبتي انا هطلعله وانتي شوفي بدرية خلصت الغداء
مكة : حاضر
🥀🥀🥀🥀🥀🥀🥀🥀🥀🥀🥀🥀🥀🥀🥀
في اوضة مالك كان قاعد علي السرير وهو باين عليه الزعل والقلق من اللي عرفه دخلت ثريا عليه وقعدت علي السرير جمبه
ثريا : في اي ي حبيبي
مالك : انا عاوز اتكلم معاكي
ثريا : خير ي ابني
مالك : انا قابلت بابا
ثريا : انت بتقول ايه مش انا قولتلك متعملش كدة ي مالك
مالك : كان لازم اعرف منه حاجة مهمة
ثريا : وعرفتها
مالك : وياريتني ما عرفتها
ثريا : في اي ي مالك انت بتقلقني ليه ماجد قالك ايه
مالك : انا حبيت اعرف اسم الشخص اللي هو قتله واعرف وضع عيلته
ثريا : وهو قالك هو مين
مالك : ايوة قال ان اسمه محمد وان مراته ماتت بحسرتها وبنته اتيتمت انتي عارفة بنته دي تبقي مين
ثريا : مين
مالك : نسمة
ثريا : نسمة مين اوعي تكون اللي في بالي
مالك : ايوة هي نسمة نفسها
ثريا : ي مرك ي ثريا ازاي الكلام دا ازاي انا مش مصدقة
مالك : انا مصدقتش في الاول بس اتاكدت من كدة
ثريا : انا دلوقتي اعمل ايه ابص في وشها ازاي وانا ابقي مرات الراجل اللي دمر عيلتها وحياتها وخلاها مش قادرة تجيب اللقمة حتي بتلف علي ما تلاقي لقمة العيش
مالك : انا مش حابب اعرف حد في الوقت دا
ثريا : بس لازم يعرفوا اكيد في يوم هيعرفوا كل حاجة
مالك : هعرفهم بس في الوقت المناسب بس في الوقت الحالي لا
🥀🥀🥀🥀🥀🥀🥀🥀🥀🥀🥀🥀🥀🥀🥀
كانت نسمة في الشارع ومروحة بس عدي شخص من جمبها وشد الشنطة منها
نسمة بصراخ : الحقوني حرامي حرامي
في شاب كان ماشي في الشارع واول ما شافها طلع يجري وراه الولد ومسكه واخد الشنطة طلع الولد يجري وهو مقدرش يمسكه راح لنسمة ورجعلها الشنطة
الشاب : اتفضلي ي آنسة
نسمة : شكرا شكرا ليك بجد مش عارفة من غيرك كنت عملت ايه
الشاب : العفو بس المرة الجاية ياريت تاخدي بالك اكتر
نسمة : انا شوفتك قبل كدة ايوة انت اللي خبطت فيه في المول
الشاب : ايوة افتكرت اسمك نسمة صح
نسمة : ايوة نسمة
الشاب : اسمك حلو ي نسمة
نسمة : شكرا انت بقي اسمك ايه
الشاب : حاتم اسمي حاتم السخاوي
•تابع الفصل التالي "رواية من نظرة حب" اضغط على اسم الرواية