رواية هي و القدر الفصل الثلاثون 30 - بقلم ولاء فتحي
لفصل الثلاثون
ليان مع فارس في سيارته في طريقهم للمنزل والصمت يسود المكان وكل واحد منهم شارد في مشاعره تجاه الاخر بين الشد وبين الجذب
بين الرضا والرفض
فجاه
ليان : بصوت هادئ مقولتليش عملت ايه في الخزنه
فارس : لقيت فيها مرسي ليا
ليان : بقيت غامض انهارده يا دكتور
فارس : لاء ابدا انا انهارده بالتحديد بقيت واضح والامور كمان بقت واضحة
ليان بضحك : طيب ممكن تقولي ايه المرسي دا
فارس : اخرج من جيبه العلبة بالدبلة وقال لها حازم سابلي دي ووصاني مفرطش فيها ابدا
اخذت ليان منه العلبه وهي مستغربه وفتحتها واخرجت منها دبلتها التي كانت في يد حازم ومنقوش عليها اسمها وقالت باستغراب دي دبلة حازم
فارس: ايوه
ليان: غريبه جدا
فارس: ايه الي غريبه
ليان رجعت الدبله في العلبه وناولتها ل فارس الذي قال لها
هو حازم وصاني مفرطش فيها بس خليها معاكي
ليان : معايا انا ليه
فارس: بهدوء مش هاخدها يا ليان الا وانتي راضيه عن دا لان دا حقك
ليان فتحت شنطتها ووضعت العلبه بداخلها
كانو وصلو امام منزلهم فتحت الباب لتنزل
فارس : قبل ما تنزل نادي عليها ليان
التفت ليان له وقال لها بمنتهي بصوت حنون
عاوزك تفكري وتردي عليا
ليان : افكر في ايه
فارس : لو حابه اخد الدبله ولا لاء وصدقيني لو وافقتي اخدها هكون اسعد انسان
ليان بتمثيل انها مش عارفه وب خجل ما لو عاوزها اهي واخرجت العلبة فنظر لها فارس وابتسم
لاء خليها معاكي وانتي فاهمة قصدي وصدقيني لو رفضتي هفضل في ضهرك زي ما اتعودتي
ارتبكت ليان ونزلت مسرعه من السيارة قلبها يدق بعنف وعقلها شارد ووجهها احمر من الخجل وصعدت جري ودخلت علي غرفتها
اما فارس فجلس متوتر جدا فهو حاول ان يسالها دون ان يحرجها فهو اعتاد علي انه الكبير المسؤل عنهم
........................
دخل فارس المنزل ومعه حقيبتين
حقيبه مكتوب عليها ليان
وحقيبه مكتوب عليها عمي وتركهم ل نجلاء التي ادخلت حقيبة ليان في غرفتها وحقيبتها في غرفتها هي وزوجها
وشكرت فارس وبدات تجهيز الغدا هي وليان
جتمع الجميع علي الغدا الا ليان التي تاخرت كثيرا في المطبخ ا
سمير : هي فين ليان يا نجلاء
نجلاء : مش عارفه غالبا في المطبخ
فارس يراقب بتوتر
نجلاء : قوم يا سيف شوفها اصل مش عارفه من ساعة ما جت من بره مالها
دخل سيف المطبخ جدها تجلس شاردة
سيف : مالك يا لي لي سرحانه في ايه
ليان : ها ولا حاجة
سيف : طيب قومي نتغدا وبعدين تحكيلي مالك
ليان : مفيش حاجة وقامت معه وما ان رات فارس الذي نظر لها حتي احمر وجهها من الخجل جلست بجوار والدتها في مواجهه فارس الذي يجلس بجوار سيف
الذي لم تستطيع ان ترفع وجهها في وجهه من الخجل مما جعله يشعر انه تسرع في كلامه معها وانها تخجل من ان ترفضه فشعر بالحزن وانهي طعامه سريعا
سمير : كل يا فارس انت ما اكلتش
نجلاء : ايه يا حبيبي طبقك تقريبا زي ما هو
فارس: ابدا بالعكس انا اكلت كتير انا هستاذن انا علشان ارتاح
سيف : ايه يا عم الدكتور ترتاح مين اليومين دول
مفيش راحة
فارس: سيف الساعه 5 دلوقتي يعني لسه بدري الساعه 6.30 هتلاقيني تحت منتظرك يلا سلام
نجلاء : انا هسيبك بس ترتاح علشان لسه راجع من السفر
سمير : وحشتني قعدتك يا فارس ما تسيبك من الواد دا وتقعد معايا
سيف : ما تسيبك انت من المزة وتيجي معانا
سمير يا واد اتادب
سيف : ايه يا حج انا هفرفشك
ابتسم فارس واستاذن وتركهم وذهب لشقته
وفي المساء خرج مع سيف
..............................
في اليوم التاني حنة سيف تكرر نفس الموقف فارس علي الغداء معهم وليان في المطبخ محرجة
وخرجت بعد مده وانهي فارس الطعام سريعا وذهب لمنزله
بعد ان انهت ليان تنضيف كل شئ مع والدتها دخلت غرفتها واغلقتها واخرجت العلبه من حقيبتها واخذت تفكر فيا حدث
وامسكت بتليفونها واتصلت ب ريم
ريم: انا قولت اسيبك مع الواد المز
ليان: اسكتي بقي متعرفيش الي حصل
وقصت ليان عليها ما حدث
ريم: وقاعدة في المطبخ مع الحلل وسيباه يا خبتك يا لي لي انتي عارفه فارس زمانه فاكر انك مش طيقاه خصوصا انك قررتي الموضوع دا
ليان : يا سلام وكنتي عاوزاني اعمل ايه مهو علشان فارس انا اتكسفت
ريم : يا بنتي انتي متخلفة انتي عاوزاه ولا لاء لازم تقرري هو بيكلمك بهدوء علشان ميحرجيش تقومي تقعدي مع الحلل يا ليان
يا خبتي التقيله . ومكملش اكل ومشي علشان فاكرك متضايقه
ليان: طيب اعمل ايه انا اول مره اتلخبط كدا واحس الاحساس دا معرفش حتي مكنتش كدا مع حازم . اعمل ايه دلوقتي يعني
ريم : اولا تقلعي الدبلة الي انتي لسه لابساها دي
ريم : ليان معايا
ليان : انا قلعتها يا ريم من يومين
استني يا ريم لقيت شنطه مكتوب عليها اسمي
ريم : افتحيها كدا
فتحت ليان الشنطة وجدت بها فستان سماوي اللون شيك اوي
ليان : دا فستان حلو اوي واضح ان فارس جايبه
ريم : قيسيه ووريني صورتك كدا هو جايب للكل علشان فرح سيف
ليان : الفستان رقيق اوي يا ريم
ريم: يا بت قيسيه وافتحي اشوفك
ليان : استني وقاسته وفتحت مع ريم
ريم : الله حلو اوي يا لي لي ومختلف وعليكي يجنن
ليان : فعلا طيب اعمل ايه هو شكله متضايق مني
ريم: يا بت جاتلك فرصه اهو اتصلي اشكريه علي الفستان وافتحي اي حوار علشان يفهم انك مش رافضه
ليان : انا اتكسف يا ريم
ريم : خلاص بقي خليكي لما يروح للدكتوره سوما . يا بنتي هو انا بقولك كلميه حبي فيه ولو ان الصراحة لو مكنش اخويا كنت حبيته
انا بقولك كلميه علي الفستان
ليان : ها طيب . هي ايه حكاية دكتورة سوما.
ريم : قومي يا ليان غيري الفستان وكلمي فارس قبل ما ينزل حنة سيف وبعدين احكيلك علشان الحق حسين يوديني ل راسيل قبل ما ينزل
ليان : اه وانا مين هيوديني
ريم : اسالي فارس. وخلي بالك يا ليان القلب بيدق مرة واحده ممكن تفتكري دق قبل كدا بس الحاله الي انتي فيها دي دليل انه فعلا كان تعود ودي اول مرة يدق سلام بقي
...........................
احمد : تمام يا فندم
العميد ممدوح : عاوزك تبعد اليومين دول عن العصابة
احمد : ازاي يا باشا
العميد ممدوح : بعد يومين في عملية في سينا هتروح هناك وفرصه تبعد عنهم لان هناك مفيش شبكه
احمد : طيب اقولهم ايه . علشان منخسرش الي بداناه
العميد ممدوح : قولهم تامين مؤتمرات ممنوع التليفونات وان لما ترجع هتطلبهم
احمد : تمام يا فندم
العميد ممدوح : فرح سيف ابن عم حازم الله يرحمه بكره عاوزك تروح كانك معزوم انت وحسام بس تكونو مفتحين عنيكم بدون تفاصيل تامين فارس واخته مسؤليتكم حسام عارف كل تفاصيل انصراف
احمد : علم يا فندم
.........................................
فارس جالس في غرفته مستلقي يفكر هل فعلا تكون رفضاه ومش عاوزة تشوفه طيب الي سمعه منها ايه يجوز اتسرع بس هو بيحبها حب حقيقي من سنين واتنازل عن الحب دا لما عرف رغبة اخوه في الارتباط بيها
طيب لو رفضته اكيد لازم يسيب البيت ويبعد عنها
طيب احساسه انها كانت خايفه عليه وانها عاوزة تكون معاه دي ايه تهيؤات صورها له قلبه
افاق علي رنه تليفونه امسكه بلا اهتمام ونظر له
الله دي ليان معقول بسرعه رد عليها : ليان اذيك
ليان : بخجل الحمد لله يا فارس
صمتت فارس : انا سامعك
ليان : الفستان حلو اوي يا فارس شكرا ليك
فارس: بجد عجبك
ليان : اوي اوي
فارس : كنت خايف زوقي ميعجبكيش
ليان : ليه بتقول كدا
فارس : يمكن علشان وصمت وقال ولا حاجة المهم انه عجبك
ليان : مكملتش ليه . سمعاك
فارس : مش عاوز اضغط عليكي
ليان : فارس ممكن اسالك سؤال
فارس : طبعا اتفضلي
ليان : هو انت عاوز الدبله علشان وصية حازم بس
يعني علشان حازم وصاك عليا
فارس : لاء يا ليان انا مش عاوز الدبله انا لو وافقتي هجيب دبلة غيرها اصلا تكون خاصة بينا احنا ودبلة دي هعينها ذكري من اخويا
ليان : فارس انت مجاوبتش علي سؤالي
فارس: عاوزاني اقولك ايه انا قولت لك اني مش عاوز اضغط عليكي عاوزك تاخدي قررك بكل حريه واي ان كان قرارك هتقبله
ليان : بس الاجابة دي تهمني اوي
فارس:اتنهد فارس بعمق لاء يا ليان انتي مش وصيه اتوصي عليها . انتي اغلي من كدا بكتير وصدقيني من زمان اوي وانتي غاليه اوي عندي . يمكن انتي اول مره تعرفي بس صدقيني انتي امنيه اتمنيتها او حلم كان بعيد
. الو ليان انتي معايا
ليان : ايوة معاك اوي
فارس : يا رب دايما معايا
ليان قلبها بدا يدق بسرعه وصوت عالي وتلعثم لسانا فلم تعد تسطيع ان ترد فاغلقت الخط بسرعه وهي تبتسم وتحضن التليفون
دخل عليها سيف وهي لا تشعر به وفي عالم اخر فجلس يتاملها التفت فوجدته انتفضت
ليان : سيف انت هنا من امتي
سيف : لسه داخل حالا خبط كتير ومردتيش قولت نايمه دخلت اصحيكي علشان تلبسي اوديكي ل راسيل في الطريق بس واضح اني دخلت في وقت غلط
ليان : دا دا دا
سيف ضمها برفق وطبطب عليها انتي ايه انا سيف اخوكي وصديقك اهدي وبعدها عنه اقعدي عاوزة تحكي احكي مش عاوزة خلاص
ليان : بس راسيل وال
سيف : انتي اهم حااجه في حياتي انتي اختي حته من قلبي ممكن نتاخر شوية دا لو تحبي
ضمته ليان : ربنا يخليك ليا يا سيفو وبدات تحكي له
سيف : وانتي ايه احساسك
ليان : متلخبطة اول مره احس اني متلخبطه ومش عارفه وانا معاه بحس بامان رهيب وحنيه واني سعيده
بس خايفه الي شوفته مش قليل
سيف : الي شوفتيه قدر وممكن زي حازم ما قال دا تعود مش حب حقيقي وحتي لو حب انتي صغيره ومن حقك تعيشي حازم الله يرحمه والحي ابقي من الميت
فارس انتي يجوز متعاملتيش معاه كتير لانك كنتي صغيره بس هو ارجل انسان في الدنيا غير انه حنين و خدوم جداا هو يمكن كتوم شويه بس متمناش ليكي غيره علشان اطمن عليكي فارس طول عمره اخويا الكبير السند
واعتقد انه مش صغير انه يلمح لك مجرد رد جميل او وصيه حازم 31 سته عارف كويس يحدد مشاعره
ليان : طيب انا اصلي بقيت بتكسف منه اوي
سيف : استخيري وفكري وانا معاكي بس بكره وبعده انا مشغول ههههههه يلا قومي البسي وانا منتظرك بره هننزل مع فارس نوديكي ل راسيل وبعدين نرجع بليل ناخدكم
...........................
في بيت راسيل حفلة حناء بسيطه تجمع الاهل والصديقات وصلت ريم وليان لتكتمل سعادة راسيل لانها تشعر انهم اخواتها هي
كانت ليان سرحانه قليلا
ريم تهمس لها : ايه يا لي مالك
ليان : مفيش يا ريم
ريم : طيب فكي شوفتي البت راسيل نازله رقص مش مصدقه انها هتتجوز
راسيل اتجهت ليهم : مجلس النميمة منعقد ليه
ريم : ابدا يا اختي بقولها ترقص معاكي وانتي اهمدي انتي مش مصدقة نفسك انك هتتجوزي طيب خبي الناس يقولو مسروعه
راسيل : ماشي يا ريم اقعدي انتي بس في جنب لغاية الفرح ما يخلص علي خير اوعي تتحركي احسن تولدي لي اه ما اهو انا مش هعمل فرح تاني
ريم : شوفتي البت المسروعه علي الجواز يا عيني عليك يا سيفو يا اخويا اخدت المسروعه
تضحك الفتيات
راسيل تجلس بجوار ليان : مالك بقالك فتره ايه شكلك بتحبي ولا ايه
ريم : اهي راسيل كراش خدت بالها
راسيل : بجد الله مين ها احكولي
ريم : انا بقول نفض ام الحنه دي ونقعد نحكي
ليان : قومي يا راسي ارقصي يا بنتي اصل المبرد هيشتغل
راسيل :ك كدا كدا مبتكتمش سواء رقصت ولا قعدت هي لسان وطالع له ريم
المهم احكي مين . اممم انا اتوقع فارس صح
ليان باستغراب جبتي الكلام دا منين
راسيل صراحة نظراته ليكي علطول مختلفه عنيه بتلمع لما بيشوفك وابتسامته بتظهر ليكي
مش عاوزة اصدمك واقولك اني من زمان قبل خطوبتك ل حازم كنت بلاحظ انه معاكي مختلف حتي اتصدمت انك اتخطبتي لاخوه
بصراحة هو لايق عليكي اوي
ليان تستمع لها هي وريم باستغراب
ريم : يا بنت الايه كل دا ملاحظاه وساكته يا سوسا وخبطتها في كتفها بالراحة طب قومي بقي من هنا احسنلك
راسيل : بس صح ها
ليان : مش عارفه يمكن اه ويمكن لا ء لسه مش متاكده
راسيل : ومستنيه ايه لما دكتورة سوما تخطفه
ليان : الله ايه موضوع دكتوره سوما دا بقي الي كله يعرفه وانا لاء
ريم : انتي الي هبله مشفتيش بتبصله ازاي وتفصص معاه الشغل دي بتدخل ترش له برفان في تكييف المكتب بس هو مش معبرها
ليان : عرفتي منين دا كله
ريم : منين ايه كل العياده ملاحظة الا انتي وهو الي مش ملاحظين هو علشان مش شايف غيرك وانتي علشان مبتشوفيش اصلا
ليان : لا تعالو احكولي بقي الموضوع كله
راسيل : لاء احكي انتي الاول واحنا نحكي بعدك
ياااه دا كان بيصعب عليا اوي وهو بيبص لك
ريم : انتي سوسه يا راسيل دا انا اخته مخدتش بالي
راسيل : تاخدي بالك ازاي وانتي مشغوله مع حسين سونه علي راي الست هند رستم
ضحك البنات وقضو اليوم في مرح
...............................
وعاد فارس ليصطحب ليان وريم هو وسيف وحسين
فارس: ما تيجو تباتو معايا انهارده
حسين: لا يا عم انا كل حاجة جاهزه في البيت عندي
ريم: متنسيش تجي انتي بكره بدري
حسين : علي فكره مبروك النجاح
ريم: بجد يا حسين مقولتليش ليه
حسين : خفت تولدي من الفرحة يا قلب حسين ونبوظ فرح المسكين دا
ليان : طيب ايه الترتيب ضاع صح
فارس: اهم حاجة مبروك مش مهم اي حاجة تانية
سيف : وراسيل عملت ايه
حسين : بالراحة ريم كالعادة الاولي علي الدفعه
راسيل السنة دي التانية وليان التالته معلش يا ليان انتي وراسيل بدلتو
ليان : مش مهم انا كنت خايفه اخرج من الترتيب اصلا
فارس : بحب ملحوظ الف مبروك كدا برضه فرصه تعينك في الجامعه كبيره
حسين: انا هاخد ريم وامشي اتاخرنا ومبروك يا سيف
ركب حسين سيارته هو وريم
وركب فارس بجوارة سيف وخلفهم ليان
سيف : ها يا لي لي هتعملي ايه
ليان : انا كنت عاوزة ادخل كليه شرطه
نظر لها فارس في المراه وهي تكمل بس مش عافه لما الشهاده تطلع نشوف
سيف : استنو اكلم راسيل افرحها
تحدث سيف مع راسيل وهو يراقب نظرات فارس ل ليان في مراه السيارة ويبتسم اغلق الخط
خلي بالك من طريق يا ابو الفوارس
فارس: نعم مش فاهم
سيف : ولا حاجة اصل السواقة علي الدائري بليل صعبه بس يا حبيبي
فارس: باحراج : ماشي يا عم عريس وهنعديها
فارس وهو ينظر ل ليان في المراه ولا ايه رايك يا ليان
ليان : في ايه
سيف : سوق يا عم سوق ليان مش هنا اصلا وضحك بقولك ايه ما تيجو نتفسح
فارس: لاء معلش اصل عندنا فرح بكره ومش فاضيين يلا يا عم سيف علي بيتكم تنام بدري زمان طنط منتظراك تاخدك حبه في حضنها
سيف : انت بتقول فيها ولا كاني هتجوز في الشقه الي فوقيها
ليان : دي ماسكه الشقه توضيب وتريب بقالها يومين وتعمل اكل وتعينه في الفريزر وتضبط وتقول علشان يخرجو يتفسحو ويرجعو يلاقو اكل
سيف : ليه هناكل عندها برضه
ليان : ارحمنا بقي يا سيف انت وراسيل تاخدو بعض وتسافرو
سيف : لاء اصل ليا واحد حبيبي شكله هيحصلني فلازم اقعد جنبه
فارس: مين دا
سيف : ولا حاجة يا فارس انا بس بقول يمكن تحب تحصلني
وصلنا اطلعي انتي يا ليان وانا وفارس هنجيب حاجة ونحصلك
ليان : طيب تصبحو علي خير
........................
فارس : هنجيب ايه يا ابنتي احنا تعبنا
سيف : بوزعها يا عم قولي ناوي علي امتي
فارس : ايه دا مش فاهم
سيف : انت والبت لي لي ناوي علي امتي انجز هي حكت لي كل حاجة
فارس رجع كرسي السيارة للخلف
صدقني انا نفسي انهارده قبل بكره بس مش عاوز اضغط عليها
سيف : غلط يا فارس مش هي اختي بس انت اخويا
انا اصغر منك بس انت حصرت حياتك في دور الاب الاخ الكبير المسؤل
ونسيت نفسك
البنات لازم تكلمها وتحاصرها تحس باهتمامك تحسك انك متقدرش تستغني عنك
فارس: بس دي كانت بتحب اخويا يا سيف ومكتوب كتابهم
سيف : الله يرحمه . هما كانو زي ناقر ونقير علي فكره لو كان عايش مكنوش هينفع يكملو صدقني كانو واقفين لبعض علي الكلمه والواحده
بس هي معاك غير هي معاك مش ند خالص بالعكس
طيب هسالك سؤال انت بتحبها ؟ ومن امتي
فارس: ايوة يا سيف ومن سنين
سيف : طيب مقولتش لها ليه كدا
فارس: كنت مستني تكبر وتتخرج وبعدين اتخطب لاخويا فبعدت الفكره كلها عني حتي بعد موته كان واقف بينا بس خلاص هي الوحيده الي قدرت اتكلم معاها وافتح قلبي بص يلا نطلع ننام
سيف : ياااه كل دا جواك ومخبي . العيب ليك متبصليش هي هتعرف منين وانت من الكلية للعياده لهنا ل هنا ومخبي وساكت
لازم تتكلم تقولها
فارس: لما هي تتاكد من مشاعرها واكلم عمي . مش عاوز اعمل شغل مراهقين احنا كبار وعمي بيسيبهالي امانه
سيف : طيب يلا يا فارس نطلع ننام
.........................................
في غرفه ليان : تليفونها بيرن
الله مين دا الي هيتصل في وقت دا
- يتبع الفصل التالي اضغط على ( رواية هي و القدر) اسم الرواية