رواية الجامحه و البدوي الفصل الحادي والثلاثون والاخير 31
البارت الواحد و الثلاثون و الاخير .... استيقظت سهيله فوجدت نفسها في أحضان زوجها احست انها دخلت دنيا السعاده . ظلت تنظر اليه بحب هائمه في ذلك الجواد الذي رمح بعيدا ليعود اخيرا يركن لتلك الفريسه الجامحه. تلمسته بحنان ففاق علي الفور ولكنه اغمض عينيه لتهمس.. بحبك قوي شفت لما ربنا هداك ليا قلوبنا رجعت تدق ازاي. قبلت صدره بحنان فهمست.. يا مين صبرني عليك يا مجرم.
لتشهق عندما قلبها لتهتف ايه فيه ايه.. ليبتسم.. بقي انا مجرم..
ابتسمت وحاوطته.. اخر إجرام دانت بهدلني.
ضحك... وانت ايه سكتيلي دانت طلعتي روحي.. ال ايه ماعجبتنيش و روح اتعلم ليقرصها.. يمين بالله كنت هموت.
ضحكت.. ماموتنيش ليه طيب.
تنهد.. عشان انت روحي اه اتعذبت اه كنت غبي وحمار بس ماكنتش اقدر اسيبك لحظه كنت بجبر نفسي اني اكرهك واتوهم اني بذلك وانا جوايا حاسس اني مش راجل كنت بغطي علي احساسي ده اني افكر غير كدة عشان تفضلي جنبي.
خبطته... مانا كنت جنبك يا ظالم بتقهر فيا يا لهوي دانت عملت عمايل.
ابتسم.. عارفه يوم ما قمت من جنبك خرجت زي المجنون اتقلي عالنار حاسس اني هموت ويوم مالقيتك في المكتب بتترجفي قلبي انخلع كنت عارف ان اخرتها انا اللي هموت نفسي يوم ما وقفتي قدامي بالسكين اتأكدت انك حتي لو كنتي خاينه ماقدرش الا اني اكون ليكي.
لمست وجهه.... اد كده بتحبني.
قال وعيونه بالعشق تصرخ.. انا حبيبتك لدرجه دست علي كل حاجه. دست علي رجولتي دست علي كبريائي وكل صفات الرجاله وكنت راميهم تحت رجلك.
اقتربت وقبلته بخده وهمست.. وجعتك يا عمري كان غصب عني كنت بتحرقني.
فشدها عليه..... انا اتحمل وجع الدنيا عشان بحبك.
لتخبطه علي صدره.. ماهو من دماغك الشمال يا قليل الادب يابو دماغ وحشه.
ضغط عليها.. انا اللي شمال والا ابن عمك اللي زباله عيل زباله منه لله نفسي اروح اموته حرقلي قلبي.
همست... خلاص بقه اهو خد جزاته.. قليل الادب هو طول عمره.
هتف.. اسكتي كل اما افتكر المنظر ضغط علي وسطها ببعض الغضب.. فمسدت علي صدره.. بس بس ماتفكرش في حاجات وحشه خلينا نفرح انا عايز اتحب وبس مش قلت هتغرقني حب.
هتف عاشقا.. يا ايامك اللي مش هتعدي يا قلب جواد دانا هفطسك حب.. فشدها وهام بها وتاها معا ابتعد عنها وظل يداعبها فهمس.. واه مش هنبطل نبعت رسايل.
لتنظر اليه بذهول..... رسايل ايه.
قال سعيدا .. رسايل فرح يا قلب جواد كل يوم بينا هيبقي ليه رساله مذكراتنا مع بعض روايه تنكتب وتتخط للعشاق.. روايه لفرسه شديده وواعره فرسه جامحه جه جواد البدوي جابها من قلبها عشان ياخدها ويرمح بيها.
لتخبطه... اه يا اخويا خدتني ورمحت سكيتي وقهرتني عبوشكلك.
رفع جبينه.... ايه ده هنزعل تاني ان حبيبي بقي ليا.
همست... ولا يوم هزعل منك.. علي اد ماوجعتني بس فرحانه دلوقتي لاني كنت هكمل حياتي ميته لو كت خرجتك بره حياتي كنت هرجع سهيله اللي كريم موتها قبل ماتعرف بس زيادة عليها انا كنت بحارب اي راجل لا ساعتها مش هحارب لاني مش شايفه رجاله.. كنت هموت واكمل حياتي واحده ميته علي اطلال الحب.. اللي رجعني اني خفت خفت من شخصيتي اللي هتحول ليها. القسوه صعبه بتوجع ليحتضنها.. وانا لو كانت روحي هتطلع كده تحت رجلك ماكنتش هسيبك يا قلب جواد..قبلها بحنان.. بس عموما مافيش حاجه هتزعل حبيبي ابدا وقومي يلا عشان ورانا سفر.
رفعت حاجبيها.. سفر سفر ايه..
ابتسم.. الفندق اللي خلص في سيوه هنفتتحه. ابتسمت... بجد خلاص كدة تجهيزاتو خلصت..
قال... .. كنت بمحط فيه عشان يستقبلك يستقبل جنيه الوادي.. حبيبتي اللي تستاهل فرح الدنيا.. قبتله وقامت تستعد للسفر.
******
عند رودينه.. كانت أم حمزة لا تفارقهن وحمزه يشعر بالغيط جلس.. منوره يا أمي.
نظرت اليه قاطبه.. ايه يا واد دي عاشر مره تقلي منوره انت اتخبلت.
تنهد بغلب.. لا يا أمي برحب بيكي ايه..
هتفت رودينه.. هقوم اعملكو عصير.
هبت ام حمزه.. لا اقعدي يا حبيبتي انا هعمل.
هتفت رودينه.. لا يا طنط انت بتتعبي انا هعمل.
ليقرصها حمزه... سيبيها تعمل انا روحي هتطلع..
قامت امه... اعملك ايه يا واد..
ليهتف.... عايز أوريو باللبن وعايز قهوه ونسكافيه وعايز كمان كيكيه والنبي يا أمي هموت علي كيكه.
نظرت اليه.. ايه ده ده كله يا واد.
قال.. وحياه حمزه بس لو مش قادره رودي هتعمل..
قامت هيا وهتفت.... حاضر يا حبيبي عيني وانت يا رودي ماتتحركيش.
لتقوم وتركهم فشهقت رودي عندما شدها اليه وانهال عليها يقبلها بهيام حاولت ان تنفلت منه فهتف.. عارفه لو بعدتي وربنا لاعملكو فضيحه.
قالت معترضه... ايه يا موزه ماما تشفنا .
هتف بغضب.. لا وربنا بلا ماما بلا بتاع انا هموت محصور دا ناقص تنام في وسطنا دا بتاخدك من ايدك السرير وتنيمك بالليل اوعي انا هموت محصور لظل يداعبها. ليسمع شهقه صرخت امه.... بتعمل ايه يا طين البرك انت. انا قلت انك عيل بديل لتاتي اليه بالمغرفه وتخبطه علي ضهره سيب البت انت ايه مابتشبعش.
هتف بغضب.. يا أمي حرام عليكي هو حد مأجرك عليا ماتسيبيني مراتي بتوحشني..
قامت ودفعته.... قوم قوم اترزي تحت لحد مالبت ماتولد يلا قوم انا هبات معاها.
نظر اليها بذهول.. تعم ياختي تباتي مع مين. كمان ماهحضنهاش وهيا نايمه..
لتقوم ام حمزه وتشده. يلا قوم انا خلاص هجيب هدومي واقعد اما اشوف انت بتحرب تسقط البت والله أجيب أجلك لتذهب لرودينه تعالي بعيد عنه دا ذئب مفترس لتقف جنبها رودينه بغلب.
اقترب حمزه ويهتف.. ماما الله يخليكي انا هعض حالي انزلي بقه بلا تنامي بلا طين مراتي كويسه والدكتوره قالت.
صرخت امه.. لا انا اعرف عنها يلا غور انزل اترزي تحت كلها سبع تشهر وابقي اطلع عادي ايه هتبيض ماتتلم..
ليقف مذهولا.. يا حزنك يا حمزه سبعه اشهر. اقترب وهتف... تصدقي انت صح.. وتجيبي هدومك امتي يا ماما اساعدك.
تنهدت... ايوه كده تحترم نفسك هنزل هنجيبهم كمان شويه. ل
تف.. لا شويه ليه.. تعالي بس نجيبهم..
لتبتسم هيا.. ربنا يكملك بعقلك يابن بطني اقترب وقبل راسها واخذها واتجه بها الي الباب لتخرج هيا وما ان خرجت حتي قفل الباب بالمفتاح لتنص هيا .. انت يا زفت افتح والله اموتك.
ليهتف.. ماما تعالي بعد سبع تشهر خدي الواد هاه وانسي بقه اني اسيبب مراتي ليستدير وهيا تصرخ بالباب. اتجه لرودينه واندفع يحملها ذهب بها الي حجرتهم.
قالت... انت مجنون اوعي بتعمل ايه طنط بتخبط
ليهتف.. بصي بقه تعقلي كده بلا طنط بتخبط بلا بتصوت ليبدا في خلع قميصه ليهتف انا قتيل الليله دي دانا نسيت شكلك ايه.
لتهتف.. حمزه بطل الله طنط خايفه عليا وهتزعل.
اندفع واحتضنها.. مانا هقرب بشويش وحنيه. همت ان تبتعد... بس يا موزه طنط هتزعقلي.
حملها ودار بها.. انت متجوزه امي والا موزه.. موزه وحشتيه.
همست... طيب ماحنا مع بعض اهوه.
هتف.. لا بعض ايه.. دانا هعض بعضي بطلي وسيبيلي حبيبي امز فيه موزه وحشته مزته.
ابتسمت بهيام.... بجد يا موزتي وحشتك.
ليهتف.. يا بت دلعك ده هتتعبي وامي تيجي تشقني سيبيني بقه امز يا مز يا قمر انت .
قالت بحب.. خلاص انت حر شوف بقه ماما هتعمل ايه.
قال وهو يتلمسها بعشق.. شالله تفلقني نصين.. حبيبي قربه بيداوي ويلهلب اوعي الجنان يا جااامد ليداعبها وياخذها محبا عاشقا لا يفلتها حتي ارتوي من عشقه الذي لا ينتهي.
*******
وصل جواد وسهيله الواحه لتصدم سهيله فالفندق يضج بالناس بشكل كبير كان المكان مزدحم هتفت سهيله.. ايه يا جواد انت فتحته امتي دا مليان ناس.
ابتسم.. فتحته عشان حبيبي يشوف شغله واخد عقل الناس ازاي.
قالت.. بس الفندق فيه نور بزياده يا قلب سهيله كده تكلفه عاليه قوي..
احتضنها.... تعالي بس.
دخل بها لتصرخ عندما وجدت رودينه وحمزه والجد والجده وبقيه عائلتها ذهبت تحتضنهم بقوه هتفت.. ايه يا رودي احلي مفاجأه.
ابتسمت رودينه.. جوزك يا ستي دعانا كلنا الافتتاح .
لتنظر اليه بحب فاحتضنها... انا مبسوطه قوي يا دودي قلبي طاير.
قال بحب... انهارده افتتاح بدوي خالص مافيش فيه اي ريحه حضاره عشان يبقي فريد من نوعه.
ابتسمت.... طب هطلع تجهز نفسي .
ليهتف.. علي فكره فيه ناس هيجهزوكي يا قلبي عشان عوايدنا انت عارفه. احتضنته وصعدت مع اختها اللي حجراتهم ووقف الجد سعيدا ينظر الي فرحه احفاده بسعاده..
مر اليوم دخلت علي سهيله عمه جواد البدويه فاحتضنتها سهيله.
قالت العمه.... الفرح جانا برجوعك يا بتي.. ومن اهنه لجدام سبع ليالي عرس جاي.
لتبهت سهيله... عرس عرس ايه يا طنط.
لتهتف السيدة.. جوليلي يا خاله.. عرسك علي جواد عرس البدو سبع ايام يا بتي. هنجيم الأفراح والليالي الملاح ومن اهنه لحد ماجوزك ياخدك ماهيلمح طرفك يا بتي.
ابتسمت سهيله بحب... جواد عمل كده عشاني.
لتهتف.. جواد جلب سيوه والأمازيغ عن بكره ابيهم. دا عرف وجواد بيطبق أعراف اهله وناسه يا جلبي ومن اهنه لحد ما يحصل سيبيلي نفسك يا بتي.. لتنخرط سهيله مع الفتيات في أقامه العرس في سعاده غير مصدقه ان حبيبها فعل كل ذلك من أجلها لاسعادها لياتي يوم الحنه ويأخذونها لآخر طقس في الواحه الاستحمام في العين مع الفتيات فى يوم الحنة تذهب الفتيات مع العروس إلى عين مياه فى الواحة تسمى عين العرايس لغسل قدمها ووجهها، ويظلا يمرحان وياخذانها الي جناح خاص بها لتقفل علي نفسها لتشعر بسعاده ملت قلبها.. كانت جالسه تفكر بسعاده لتسمع خبطات بالشرف.. لتقوم وتنظر حولها فلم تجد شيئا لتبحث جيدا فوجدت جواد يتدلي من احد الشجرآت لتندهش.. ايه اللي انت عامله ده انت اتجننت.
همس.. هموت واشوفك ومانعني بقالي ست ايام حابسينك بعيد يا قلبي.
لتهمس.... ايه وحشتك.
هتف بحب.. وحشتيني بس والله هموت حاسس اني هتجنن.
تنهدت هيا وهمست..... انا بحبك قوي انت مجنون والله تعمل كل ده عشاني
هتف بعشق.. و اقتلك روحي عشان اسعدك.. مد يده لتلمس يده فهمس... هتوحشيني امشي بقه عشان لو حد مسكني هتاخد علقه سخنه.
لتضحك.. طب يلا بقه عشان مش هتحمل اشوفك بتتبهدل..
ليتمىرجح بغصن الشجره.. لا انا متبهدل عالاخر ليرسل لها قبله ويذهب سعيدا.وقفت تحس ان قلبها سينشق من سعادته.
اتي يوم العرس لتدخل عليها السيدات المتزوجات تأتى امرأة مخصوص لتسوية شعر العروس، وتضع القرنفل والعطر والورد وورق التين ويعجن ذلك كله بزيت الزيتون ثم ترتدى العروس ملابس الزفاف. فهو أبيض مطرز بصدف البحر وقواقع وأزرار وحرير، لياخذها الي مكان بخيمه كبيره . يأتي أقارب جواد لتقف رودينه وحمزه والجد والجده وعاصم وزوجته كأهل العروس يقفلون باب المنزل لمنعهم من الدخول إلا أن هؤلاء يدخلون بالقوة ويطلبون العروس. وهيا عاده شهيره تدل علي رغبتهم في طلب العروس. تحمل العروس إلى منزل الزوج فيقابلها أهل جواد بالتهليل والرقص والطبل ويخرج الكل من المنزل وتدخل سهيله ملفوفة بشال أبيض ومحمولة ، ويضعها في حجرة. تنتظر حبيبها.
اما عند جواد فبعد ان رآها ذهب لجمع الرجال إلى العين في المساء ليغتسل وحده أيضاً، ثم ينتقل إلى حفل الزفاف الخاص بالرجال والذي لا يتوقفون فيه أيضاً عن الرقص والغناء. بعد ان وصلت سهيله الخيمه واستقرت العروس إلى بيتها الجديد ذهب إلى هناك بصحبة الرجال ليقف هو أمام الخيمه ليتصدي له الرجال ليدخل ويزيحهم بقوه حتي يصل الي عروسه يحاولون منعه من دخول البيت حتى يثبت جدارته بالحصول على زوجته ببعض القوة، دخل المنزل ووجدها في انتظاره. : ليدخل اخيرا ويقفل عليه. وقف ينظر اليها بحب وهيام ليسمع الاعيره الناريه فاقترب بهدوء وهيا تقف والشال يلفها ويرفع الشال لتبتسم له بعشق لتهمس حبيبي.
احتضنها بشده وحاوطها ولا ينطق.. ظلت ساهمه دموعها تنزل من السعاده فهمس.. عشق البدوي ابدي يا سهيله انحني وقبلها بشده وظل معها لفتره ابتعد وهتف.. لو طلت اجبلك حته من قلبي ماهتاخرش يا عمر جواد.
هتفت والدموع تملاء عينيها.. تجبلي ايه اكتر من كده يا عمر سهيله انت انت لتنزل دموعها ليقف ويتلقفهم بشفتيه ليه دموعك دي.
هتفت... فرحانه فرحانه قوي مش مصدقه انك عملت كل ده عشاني..
هتف.. عشانك اعمل اي حاجه.. ليسمعا صخبا شديدا ليقتحم الخيمه بعض الرجال الملثمين لتخاف سهيله وتصرخ لياخذوها عنوه ويغموها وهيا تصرخ وتنده باسمه.
مر الوقت وهيا مرعوبه كانت لا تري حولها لتحس بحركات حولها كانت مكبله لا تفهم شي لتشم شئا لتحس ببعض الخدر وكان هناك من يلمسها ويحركها وهيا لا تفهم ليمر الوقت وهيا تحس بغرابه لا تفهم شيئا لياخذها ويضعو ها في مكان و يرحلو.
وقفت تشعر برهبه لتزيح الغمام لتجد نفسها أمام صوره كبيره لها ولجواد لينفتح الانوار ليظهر ساحه الفندق لتشهق وتنظر لنفسها كانت تلبس فستان زفاف ولا اروع لتنهمر دموعها من فرط سعاده عيونها وتدور تبحث عنه لتجده يقف باعلي السلم ويمسك مكرفونا صغير ا ينظر اليها ويهتف... قالو البدوي لما يحب يموت ولا حبه يسيبه يموت ويكويه حبه وعلي جنته يجيبه.. قالو البدو شديد وماله في العشق ولوعه العاشق.. بس البدوي عشقه صافي اصفي من سما الليل بنجومها الساطعه.. بدوي عاشق لصبيه.. جنيه طلعتله من عا الميه.. بدوي شاف فرسه شد اللجان يكويها بحبه انقلب سحرها وركع الجواد لاحلي فرسه دخلت حياته ويسعد بيها لينزل بهدوء....
واجمل ليال الشوق والحب عشنا
.ودي آحطك في عيوني وآغطيك
وودي أنا بس إللي آشوفك لحآلك
أم العيون السود والرمش فتان..
اللي رمتني بحبها يا حلاها..
غمازيتين الخد والخد مليان..
وطول الشعر لا طاح كله وراها..
ولا الشفايف لونها لون رمان..
والعنق طوله زايدا في حلاها..
اما طباعه يا عرب ما به انسان..
مفتون باللي ترمي القلب مطروح
بسهام عينن كنها طير جارح
الموت تحت اهدابها اليوم مسموح
لينزل بهدوء
حب البدوي للفرسه خالد حب البدوي لحبيبه نور دربه ومش علي خطأه... اقترب ونظر اليها وركع علي قدمه ليهتف.. دقو طبول الفرح يا عرب لأجل حبيبي لأجل عشق الجواد . لتقترب منه وتضع يدها علي راسه لتهمس.. وانحنت فرسة الجواد لأجل ياخدها ويرمح بيها.. رمحه الفرسه مع الجواد دنيا يتهني هو بيها ليقف ويحتضنها لتهمس.. قلبي لقلب البدوي حاله. حاله عشق مابعدها حاله. قلب سهيله اللي جموحها زاد وغطي جه الجواد وملس علي قلبها وداوي الجرح وشال الوجع ودخل الفرح. اقتربت اكثر واي فرح يا روح سهيله.. ظلا ينظران لبعضها لتبدا الانوار في الإطفاء وتسلط عليهم صحبه من الضوء. لينظر لبعضها ويهيم كل بالاخر لتدور هيا تدور الجميله مع البدوي العاشق وعيونها ترسل شرارات العشق الصارخ لينعم اخير كل بحبيبه.ظل يدو بها هائما لا يري من الدنيا الا هيا وقلبه النابض بالعشق يشعر انه طال عنان السماء فهمست بحبك مش قادره اتحمل كل الحب ده. نظر اليها ثم توقف فتره وشدها من يدها فاندهشت وانصرف من القاعه مسرعا والكل يصرخ ويهلل وهو يبتعد بيها مسرعا ليضعها في احد العربات وينطلق بها فهمست رايح فين فاستدار وقبل شفتيها.. لعش حبنا.
ظل يقود العربه حتي وصلا للمكان الذي كانا فيه قبل ذلك فوجدته مجهزا لهم كانت نفس الخيمه الصغيره ونفس المكان وكل ما كان لهم في السابق. لتدمع عينها فقبلها وهمس خشي غيري انا مستنيكي بره.. تنهدت بحب فهتفت بحبك واستدارت وظلت تخلع فستانها ولبست فستانا بسيطا ينزل بانسيابيه علي جسدها وخرجت تبحث عنه فلم تجده ولكن رجف قلبها فهناك طريق بالشمع مشت فيه حتي وصلت البحيره فرجف قلبها بعنف.
كانت الصخره التي جلست عليها يوم ان قابلها مزينه بالورود ويلتف حولها قلوب حمراء وشموع تطفو حولها لتهمس.. حبيبي عاملي كل ده نظرت حولها فلم تجده تنهدت وذهبت للصخره تنتظره لتجلس عليها وتنظر للماء لتدمع عينها فهناك ضوء تحت المياه ينير امامها... حب البدوي ابدي.. لتسيل دموعها وتنظر حولها احست انها سينفلق قلبها من السعاده جلست هيا تداعب المياه قدمها وسهمت في أيامها السابقه وبدات تستعيد شريط حياتها وكيف ان الله من عليها بكم من المشاعر حرمت منها وسعاده لا توصف. كانت ساهمه ولم تحس بذلك الجواد العاشق الذي تسلل وعيونه تشع عشقا ليعيد ما حدث معهم ليقترب ويقبل جانب شفتيها لتغمض عينها بهيام لتستدير ليتلامسا وظلا هكذا فابتعدت وسألت دموعها وهمست.. انت الدنيا الحلوه اللي ربنا كافأني بيها انت الحبيب اللي انكتبلي في السما يسعدني. انت قلبي ونبض قلبي. كتير عليا يا روح سهيله.
فشدها اليه.. كتير.. انت كتير عليا انت نجمه عاليه في السما انت لؤلؤه ماحدش يطولها انت حوريتي اللي قعدتلي عالصخره خلعت قلبي من يوم مالمست شفايفك عرفت انهم بتوعي انا وبس كلك ليا وبس ولا حد يقدر ياخدك مني.
حاوطته وهمست.... ولا هيقدر طول مانا بحبك وانت بتحبني طول مانا بتجنن عليك وبموت فيك. جواد انا عايزه اصرخ من فرحتي قلبي من فرحته بيوجعني.ميفو السلطان
نزل علي قلبها وهمس.. لما الجواد يعشق ماينفعش حبيبه ينوجع فقبل قلبها وظل يلمسه بحنان.. هنا روح جواد هنا دنيته اللي عايش عشانها.. هنا حياتي الجايه طول ما ده بينبض انا هعيش وافرح طول ما ده بيدقلي هعيش تحت رجليكي اسعدك منين ماتحبني هنفذ.
همست هيا وحاوطته.. بحلم ببيت جميل بحلم بولاد حلوين بحلم بيك حوالينا في كل حته بحلم نبقي لبعض ومع بعض.. دودي انا بموت فيك وعليك يا قلب سهيله انت هتجنني كده وانت قمر.
ابتسم وقبل يدها.. وقمرك هيخليكي شمسه بينور بيكي نوره بيسطع بس لما تسقطي عليه.
تنهدت واحتضنته وقبلت قلبه وهمست.. قلب الجواد لسهيله جنه يا روح سهيله بيدق ويقول.. لترفع وجهها وتتجه لخده وتقبله لتستمر وهيا تلمس وجه وتفرق لفظ كلمه ب ح ب ك..
فاحس انه سينفجر من مشاعره فحملها فورا واستدار بها وهمس.. وانا هوريكي حب الجواد هيبقي ايه هعرفك جواد لسهيله ايه.. الجوهره اللي هيحافط عليها بعمره فدخل الخيمه فهمست فاكر لما قلتلك ضيقه..
ضحك وقال.... يمين الله لو كت لقيت أصغر كت جبت عشان ألزق في حبيبي.
همست بعشق.... مش محتاج تلزفق لأنك لازق جوا قلبي.
فهمس... والنبي ايه لازق.
فهتفت بعشق ودلال.. اه موت موت موت.
فهتف وقلبه ينهج.. هو ايه اللي موت.. دانا حاسس اني هنفجر...
فهمست بدلال.. عشان بحبك يا دودي.
فشدها اليه.. دودي ساح. وهيموت علي حبيبه
فضحكت وداعبت صدره وهمست.. وانا كلي ليك يا قلب حبيبك.
ليظل ينظر في عيونها وفقط لا يفعل شئا وهيا احست ان عشقها يصرخ من عيونها فهمس.. سهيله.. جواد عايز حبيبه.
فاقتربت منه.. جواد يؤمر وحبيبه يتمنى قربه ويديله روحه . فحاوطها بحب وانغمس معها في عشق الجواد وحبه الابدي يسطع في الآفاق لينعم بتلك الجميله الجامحه الذي اصبح جموحها في الحب والحب فقط. وتتوه الدنيا ولا يصبح الا حب البدوي لسهيله حب الجواد العربي الأصيل لفرسته ليصبح يوما ولا اروع يوم خلد فيه العشق وخط سطور الغرام غرام بدوي صبر وحب وشرد ورجع الغرام.. جمحت منه دنيته بس الحب عالي وغالي. رجع لقلبه دقاته رجع لقلبه عشق هيتحاكي عنه كل من شاف وعاش.. احكي يا زمن عن بنت جمحت من الغدر ونفرت. احكي عن بنت جمحت بقسوه وبعدت عن دنيا الغرام..جامحة كفرسٍ برية عصية على الترويض...كغجرية خرجت للتو من كتب الحكايات...كزهرة برية تترفع بجمالها عن أعين الغرباء...يبهرك جمالها ليضع الجنة بين يديك..ميفو السلطان
و لكنها يمكن أن تدميك بجموحها و أشواكها في لحظة..تغزو قلبك ككتيبة من الفرسان،
ثم تضمد جراحك كنسمه ملساء.. جالها البدوي في هيئة العاشق رمت جموحها تحت رجله وخط عليه ولمس قلبها لمسه القلب سحر ونظر العيين عشق.لتظن ان الحب ضعف وان بجموحها عن حبيبها سينتهي قصه وجعها وتعيش بسلام. ولكن الانثي مهما جمحت وبعدت تهفو الي الحنين والحب. تهفو الي قلب يهمس لها يعيد لها نبض القلوب لياتي ذلك البدوي الذي قابلها في غفوه من الزمن حوريه تربعت علي عرش قلبه ليحب ويحب ويداوي ويطبب القلب الذي اخطأ فيه ليصب عشقا وحبا لتتوه تلك الجامحه وتعود طائعه محبه لقلب اراد الوفاق والحنين. لقلب البدوي الذي عشق جامحه شردت عن قطيع الدنيا.. دنيا الحب ليروضها ويلهبها من عشقه الابدي لتعود تلك الجامحه تنفض عنها جموحها لتصبو حضن البدوي الذي هام وهام وعشق حتي فاض عشقه لتهنا اخيرا جميلتنا وتركن من وجع الدنيا وتسند جبينها علي قلب البدوي ليلتف حولها ويخفيها بداخل قلبه النابض الذي هلك عشقا ليعيشا معا بعد ان طال الوليف وليفه وسعد وهنا به.. وتبقي بس مهما طال الزمن ومر مهما عدي العمر وفل يفضل بس عشق البدوي الابدي لحبيبته.. عشق سهيله وجواد..
دمتم سعداء... قلم ميفو السلطان 💓💓💓💓💓💓💓💓💓💓💓💓💓💓
تعليقاتكو الحلوه 💞💞💞💞💞
لقراءة ومتابعة روايات جديده وحصريه انضم الينا هنا:- اضغط هنا
•تابع الفصل التالي "رواية الجامحه و البدوي" اضغط على اسم الرواية