رواية هي و القدر الفصل الحادي و الثلاثون 31 - بقلم ولاء فتحي
الفصل الواحد والثلاثون
في غرفه ليان : تليفونها بيرن
الله مين دا الي هيتصل في الوقت دا
وجدتها راسيل
راسيل : ليان انا اتصلت اقولك مبروك ومتزعليش مني اني اخذت ترتيبك السنه دي
ليان: مبروك ليا يا راسيل . كل واحد بياخد نصيبه ايه يزعل
راسيل : طيب ايه هتقدمي في التدريس
ليان : لسه مفكرتش وبعدين في عروسه تفكر في حاجة غير فرحها الي بكره انتي ايه مصحيكي قومي يلا نامي وارتاحي علشان بشرتك بكره تكون رايقه
راسيل : اصل سيف لسه مكلمنيش يقولي تصبحي علي خير كلمني قال النتيجة وقالي هكلمك تاني ومتصلش
ليان: قومي نامي وانا هشوفه لسه مطلعش من تحت ولا ايه
راسيل : طيب سلام
اغلقت معها ليان وخرجت بعد ان بدلت ملابسها لتبحث عن سيف فلم تجده ووجدت والدتها ووالدها نامو خلاص
فاتصلت علي فارس لتسال عن سيف
فارس: الو
ليان : ازعجتك
فارس: لا ابدا ابقي ازعجيني كدا علطول
ليان : اصل سيف مطلعش هو معاك . وتليفونه مغلق
فارس: ايوه يا ستي هنا في الاوضه التانيه وتليفونه فصل شحن بيغير هدومه و عاوزنا نسهر سوا
ليان: اكتر من كدا سهر .هتنامو امتي
فارس : صمت قليلا . هو احنا اصلا بنام
ليان : ليه مش بتنام ليه
فارس : لو عاوزاه اروح اديله موبايله
ليان : لا خلاص انا بس قلقت عليه وراسيل كلمتني برضه قلقانه عليه
فارس : يا بختك يا سيف .
ليان بضحك . ليه كدا بتحسدو علي ايه
فارس : لاء مش حسد بس نفسي حد يقلق عليا تصدقي يا ليان عمر الاحساس دا ما حسيته ان حد يقلق عليا
ليان : ليه ماما قلقانه عليك دايما تقول كدا
فارس : دا قلق الام . طبيعي الام اغلب الوقت قلقانه
بعد لحظات ساكته ليه
ليان : اصل يعني اصل
فارس : ها عاوزة تقفلي قولي
ليان : اصل وانت مسافر كنا قلقانين عليك
فارس : بمناسبة السفر ريكا بتسلم عليكي كتير
ليان: هي كانت معاك ولا ايه
فارس : اه اتقابلنا وخرجنا وفرجتني علي البلد
ليان : يا سلام ببساطة كدا وبعدين ايه موضوع دكتورة اسما دي كمان
فارس : اسما ؟ مالها اسما ؟ وموضوع ايه ؟
ليان : يعني انت متعرفش انها بتبص ليك والكل لاحظ وبتدخل مكتبك من باب التاني تحطلك معطر فيه وتغيير الورد وتدخل البوفيه تعملك قهوتك بنفسها
فارس : معقول هي الي كانت بتعمل كدا والله فاكر انها السكرتيره
ليان : والسكرتيره تعمل كدا ليه بقي .
فارس : ليان انا عمري 31 سنه مشفتش اي بنت خالص ومفيش في حياتي وقلبي غير واحدة بس هي الي انا شايفها ومقدرتش طول عمري اشوف غيرها حتي لما هي بعدت انا بعدت فكرة كليا وكنت بدات اغير تفكيري بس هي لسه مش حاسه بيا
ليان بخجل : وهي مين دي الي مش حاسة بيك
فارس : ليان تتجوزيني يا ليان وتشاركيني حياتي
ساد الصمت
فارس : انا مش عاوز رد دلوقتي فكري براحتك جدا ومنتظر ردك بس عاوزك تعرفي اني بحبك صمت من ليان
طيب سيف شكله بره يلا تصبحي علي خير
ليان : وانت من اهل الخير
...........................................
واغلق معها وهي مبتسمه واتصلت ب ريم
ريم بنوم : الو ايه يا ليان
ليان بخجل الله يا ريم انا صحيتك
ريم : لاء عادي طالما اتصلتي تبقي عاوزاني وانا كاختك اي وقت لازم اكون معاكي
ليان : بس حسين زماني قلقته
رسم نظرت الي حسين الذي ترك لها الغرفه لمزيد من الخصوصيه بينها وبين اختها فهم اختان بالفعل لم يفترقا طول عمرهم
ريم : لاء حسين نايم في الاوضه التانيه علشان انا بصحي كتير الحمل بقي تعابني قولي يا قلبي قعدت اهو اسمعك
ليان: قالي بحبك وسالني اتجوزة ومستني رد
ريم: بجد طيب ايه قولتي له ايه
ليان: سكت مقولتش
ريم: طيب انتي عاوزه ايه .
ليان: قلبي بيدق جامد اوي وفرحانه ومكسوفه و
ريم : يعني يا بنتي انتي موافقه عليه ولا لاء محدش يقدر ياخد القرار دا غيرك
ليان : انا بصراحة غيرت اوي لما قالي انه قابل ريكا وغير من كلامكم علي دكتورة اسما ولما واجهته قالي هو مش شايف غيري وطلب يتجوزني وانا متلخبطة انا مكنتش كدا مع حازم الله يرحمه
ريم : الله يرحمه هنفضل نترحم عليه وندعيله يا ليان ز شيلي حازم من تفكيرك والمقارنه بينه وبين فارس لان دا مش حلو خليكي تترحمي عليه لانه ابن عمك واتربينا سوا طول عمرنا انما طول ما بتقارني هتتعبي بالرغم ان المقارنه في صالح فارس بس برضه انسي يا ليان
حازم بين ادين ربنا
ليان : عندك حق بس انا كنت معاه اغلب الوقت بس مع فارس احساسي غير . ريم انا يمكن خايفه اعترف انا فعلا بحبه . بس مش عارفه خايفه يا ريم
ريم: طيب احنا وصلنا ل نقطه كويسه انك قدرتي تعرفي مشاعرك . طيب بما انك حاسة ب كدا متضيعهوش من ايدك بقي دا غير انه هيشيلك في عنيه اساليني انا اخويا وانا عارفاه مبيتحملش علينا الهوا وبيخاف علينا وعنده حنيه رهيبه . صحيح هو مش سهل يعني متعرفيش هو بيفكر في ايه ولا بيتضايق بيكون زعله وحش علشان كدا بيفضل يروح اي مكان لوحده لغاية ما يصفي بس مش مؤذي خالص
ليان : يا بنتي انتي بتحكي عن فارس كاني معرفوش . كل الحكايه اني متخيلتش انو يكون بيحبني كدا محسسنيش ولا لمح ولا قال
ريم: لاء ما هو انتي غبيه يلمح ايه دا بيصرح وانتي ولا هنا روحي نامي بكره فرح سيف وراسيل وانا خلاص هنام قبل وا اولد بسببك يا ليان . بس خلي بالك فارس مش هيطلب تاني هو كدا منتظر بقي ردك انتي لو مردتيش هيعتبره رفض
ليان : طيب يا اختي نامي انا شكلي مش جايلي نوم تصبحي علي خير
ريم: انتو تحبو انا يتقلق منامي روحو منكم لله جوعتوني
ليان : اقفلي يا ريم قبل ما تاكليني طول عمرك جعانه يا قلبي سلام
جلست ليان بين شرودها وسعادتها فهي سعيدة جدا انه اعترف ليها بحبه وانه عاوز يتزوجها كانها تحلق في السماء
فجلست تفكر الي ان اقترب اذان الفجر
.............................................
عند فارس جلس متوترا ومبتسما وخرج سيف من الغرفه وهو يتحدث مع نفسه
فارس : بتكلم نفسك يا سيف من دلوقتي
سيف : اصل مجهز مفاجاه ل راسيل بس مفروض تخلص الصبح فقلقان متطلعش الي في دماغي
فارس: تعالي قولي مفاجة ايه يا سيف
سيف جلس بجواره بص يا سيدي انا خليت التورته تيجي مع زفه بلبس فرعوني وعربيه شبه مراكب الشمس
فارس : اه واحنا ببدل والعروسه وانت
سيف مهو دا الي بفكر اننا نغيير ونلبس فرعوني
فارس : طيب ما تخليها في مركب بس سيبك من لبس فرعوني دا انت كدا صعب خلي لبس الفراعنه دا في عيد جوازكم بلاش تفرج الناس عليكم يا سيف
سيف : يعني تفتكر طيب انا كمان كنت هغني ليها اغنيه
فارس : ايوه حلوة الغي الفراعنه وخليك غني وخد فرصتك هنتحملك والله
سيف : طيب هقولهم يلغو لان الراجل اتخض من الفراعنه
فارس : ايوه احسن لعنة الفراعنه تحل عليك
ودخل فارس واحضر له علبه وخد يا حبيبي دي
سيف ايه دا دا يا ابو الفوارس
فارس: يا حبيبي دبوس الكرفات وزراير القميص باول حروف من اسمكم R.S
كنت موصي عليها تتعملك مخصوص عارف انك تافه يا سيفو وبتحب الحاجات دي
قام سيف حضنه جامد : كدا كتير اوي يا فارس كل دا ليا انت احسن اخ في الدنيا البت ليان دي لو ضيعتك من اديها هتكون غبيه وهتندم بجد
فارس: ضحك يا سيف متدخلش الامور في بعضها ليها كامل الحريه بالرفض او الايجاب
سيف : بما انك قدرت تفاهتي انا هعترف لك . البت ليان بتحبك بس مش قادرة تعترف هي حاسه ان فعلا مشاعرها كانت تعود مع حازم بس متتخيلش كانت مكسوفه منك ازاي اول مره ليان تتكسف كدا
فارس: طيب اخويا التافهه مش يدخل ينام بقي بكره ورانا حاجات كتير .ولسه هنتاكد ان كله تمام
سيف : طول ما انت جنبي انا متاكد انه كله تمام . طول عمرك ضهر لينا وسند يا فارس وانت كمان نام بطل تفكير
...........................................
احمد بدا يجهز نفسه وقرر انه لازم يتقد ل ليان هو يمكن مش بيحبها اوي بس شايف انها بنت جميله ناجحه مثقفه منظمه من عيله محترمه ملهش في لف ودوران وفوق كل دا ملهاش في شغل البنات بالعكس عمليه جدا
.........................
خرجت نجلاء من غرفتها فوجدت نور غرفه ليان فدخلت لتطمئن علي ابنتها
ليان الفجر قرب ياذن وانتي لسه صاحية
ليان : مش جايلي نوم يا ماما هصلي وانام
نجلاء: طيب تعالي احكيلي ايه مصحيكي اكيد مش زعلانه ان سيف هيتجوز دا هيسكن في الشقة الي فوقنا
ليان: ماما فارس بيحبني وعاوز يتجوزني
نجلاء بسعادة شديده بجد ياااه دا امنية حياتي من زمان فارس الي اطمن عليكي معاه
ليان: انا لسه بفكر
نجلاء : بس طالما وصل ل مرحلة انه يكلمك يبقي حس بقبول منك اصل فارس ما بيخطيش خطوه وهو مش متاكد منها هو حبيبي طول عمره كدا
ليان: بس يا ماما
نجلاء : مبسش يا قلب ماما استخيري وامشي ورا احساسك
ليان: ممكن متحكيش حاجة ل بابا انتي عارفه اخر مره كلم فارس فارس ساب البيت وقعد بره
نجلاء : متقلقيش . بابا بيحب فارس جدا وبيثق فيه والا مكنش يسيبه طول عمره يوديكي ويجيبك كل مكان
بس كل الحكايه ان ولاد عمه كانو عاوزينك لحد من ولادهم وبصراحة واحد منهم كلم ابوكي وابوكي شايف انهم مش مناسبين لتفكيرك خالص
يلا نقوم نصلي وننام
.......................
في العصر البنات في بيت راسيل ونجلاء وسمير في القاعه بيرتبو كل حاجة
سيف والشباب في بيت فارس بيجهز
فارس بيجهز عربيته
في الفرح
ريم كانت تعبانه وقاعده مش بتقوم كتير وحسين حاسس بيها وقاعد جنبها اغلب الوقت
العروسه كانت جميله جدا وملامحها هادية
ليان الفستان عليها يجنن وسايبه شعرها وميكب خفيف
نجلاء شبه قاده جنب ريم لانها حاسه ان وشها متغيير بالرغم من انها جميله وبتضحك كالعادة
فارس لابس بدله كحلي وشكله شيك جدا
العريس بقي كان في بدلته السودا شكله يجنن وهو وراسيل طول الوقت اغاني وتنطيت
فارس قابل احمد وحسام ورحب بيهم واجلسهم في تربيزه قريبه من العيله لانهم ضيوفه ويقدر ياخد باله منهم وطلب منهم التحرك ب حريه حسام فضل الجلوس
اما احمد فكان مع الشباب
ليان وهي قريبه من العروسه وجدت من يقف بوارها ويتحدث معها
-: :انسه ليان شكلك حلو جدا بالفستان انا متعود اشوفك بلبس تمرين
التفتت ووجدته احمد فما كان منها الي ان رحبت به لانه في فرح اخوها وابتسمت وردت بهدوء
ليان : شكرا ل مجاملتك
احمد :واكمل حديثه مش مجاملة دي حقيقه
ليان بضيق واضح : شكرا
لاحظ فارس وقوف احمد بالقرب من ليان ونظراته وضيق ليان
فارس: احمد محتاج حاجة انا معاك
احمد : باحراج . الحقيقه انا عاوز اطلب ايد الانسه ليان وهي مش مديالي فرصه اني اكلمها
فارس نظر له نظره حادة : بتقول ايه وتعرفها منين علشان تطلب اديها
احمد: بشوفها احيانا في التمرين وحاولت اكلمها بس هي مبتسمعنيش
فارس: نظر ل ليان . وتوجهه لاحمد بهدوء عكس ما بداخله وبعدين
احمد: مفيش انت واقف معانا اهو انا بس عاوز اسمع منها رد مبدئي
نظرت له ليان بحده ونظرت ل فارس الذي يظهر عليه علامات الغضب الشديد التي هي تفهمها جيدا وتشعر بها بالرغم من تمثيله للبرود ونظرت لاحمد
ليان: استاذ احمد انت رايح تطلب ايدي من خطيبي
احمد: بذهول خطيبك
فارس وقد مد يده وامسك يدها والسعادة تغمره
معلش هي حاجة عائليه علشان كدا انت متعرفش
احمد باحراج : انا اسف والله كل الحكايه ان الانسه ليان حد محترم علشان كدا طلبت طلب دا
بس حقيقي لو كنت اعرف انها مخطوبه مكنتش طلبته الف مبروك
واتجه الي تربيزه بجوار حسام
حسام: مالك في ايه
احمد : طلبت ايد واحده من خطيبها
حسام بيضحك : ايه انت مجنون
احمد : انا هقف بره مش هقدر اقعد
حسام استني بس احنا هنا في شغل هي مين دي
احمد: ليان ارملة حازم وطلعت مخطوبه لاخوه
حسام : طيب اقعد انت وانا هلطف الجو
......................
اخذ فارس ليان للشرفه وسط نظرات الجميع واستغرابهم وسعادة ريم ونجلاء
ليان : فارس الناس بتبص علينا
فارس بسعادة شدده وبمنتهي الحنان : ليان بجد انتي موافقه
ليان بخجل واضح اماءت بنعم براسها
فارس ضحك بصوت عالي ونظر اليها نظرة عميه ثم اماء ل نفسه بلا وفجاه قال لها
فارس : طيب تعالي معايا بسرعه
واخذها مسرعا وهو سعيد
وفجأه
- يتبع الفصل التالي اضغط على ( رواية هي و القدر) اسم الرواية