رواية الوجه الاخر للحلال الفصل الحادي والثلاثون 31
البارت الواحد و الثلاثون....
كانت عطر نائمه في غفوه من الزمن لم تدرك ما تعيشه لتفتح عيونها ليقترب منها ايوب ليبتسم فعيونها يعرفها جيدا.. ليهمس حَمدالله عالسلامه يا جمري.
لتتذكر اخر كلامه لها انها سيرميها ويطلقها ولم يعد يطيق العيشه معها وكيف خنقها وضربها واوجع قلبها لتسيل دموعها وتزيح وجهها بعيدا ليمسك يدها ملهوفا لاه لاه بالله عليكي ماتحرميني من نور عنيكي وجلبك الابيض ماتحرجنيش وتبعدي اني ما صدجت تظهريلي جلبي انهري.
لتنظر اليه باستغراب ليتنهد... خابر اني جولت كلام عفش واني َوجعتك بس ماكتش بجولهولك.. ليتنهد مش عارف اجولك ايه يا عطر بس اني كل اللي رايده انك تتوكدي اني بحبك وبعشجك. لتتنهد وتهز راسها لا تفهم ما به.
ليدخل الطبيب مبتسما ليهتف.. مدام عطر مش كده.. حمدالله عالسلامه انت دلوقتي بخير وهنجعد مع بعض كده ونتكلم بهدوء ونشرح الحاله لازم تعرفي الحاله ايه ونشوف هتساعدينا ازاي.
لتهتف.. اني مش فاهمه حاجه.
ليهتف الطبيب... بهدوء انا هجولك كل حاجه بس تفهمي ان الشفا بايد ربنا وبايدك قبل كل حاجه وانا اخر حاجه تعتمدي عليها وطبعا بعض الادويه اللي هتتوصف لكى اهم حاجه جوتك وايمانك ان ربنا معاكي. ليبدا يخبرها بطريقته ما حصل معها لتنذهل مما هيا فيه وتسيل دموعها لتهتف يعني ايه اني ملبوسه.
ليضحك الطبيب.... لو ملبوسه نجبلك شيخ نطلعه.. ليهتف.. لا يا عطر انت شخص طيب وسهل وما عندكيش خبث ولامراوغه اتربيتي بطريجه ان الحلال هو روحك وما حدش علمك انك ممكن تخشي تواجهي الحرام وتجفيله انت اترسخ في دماغك يا الحلال يا تموتي وكل اللي حواليكي رسخ ده في دماغك ابوكي مامتك ماتت عشان دافعت عن الحلال وانت لما وجفتي دافعتي عن الحلال واتغصبتي علي الحرام كانت نفسك هتموت فظهرت شخصيه عطور اللي ماجدرتش تتحمل عذابك وانك ممكن تموتي وانت كتي موجوعه فكن لازم تدافعي عن نفسك وتخلجي حاجه تهون عليكي اللي انت فيه بدل ما تتجنني او تنهاري. عطور طلعت عشان تواجه مكانك. عطور طلعت عشان انت كتي ضعيفه وماعندكيش ليونه في تقبل الامر الواقع حتي لو كنتي عيشتي في الحرام انت بتحملي نفسك ليه الحرام كان االي هيتحاسب ايوب انت ماعلكيش ذنب لانك حاربتي بس انت حملتي نفسك ذنب مش جادره تتحمليه انك هتعيشي في الحرام كان ممكن تعيشي وتفوضي امرك لله بس انت ماتحملتيش َمافهمتيش انك ماهتتحاسبيش. ايوب اه السبب في ان عطور تطلع بس كان ممكن الامر يتحول لمأساه انك تصابي بلوثه وعدم تقبل الحياه . عطور طلعت تحميكي من اللي دخلتي فيه وتجف للدنيا اللي حواليكي اللي طلبوها َانت مش عارفه تديهالهم.. مشكلتك يا عطر انك ضعفتي شخصيتك وربطتيها بالحلال يالحلال يا تموتي مفيش اوبشن تاني. وعطور استغلت ده بس الكويس في الموضوع ان عطور ماسيطرتش علي دنيتها كانت فاكره انها هتعيش وتكمل بس انصدمت باكتر شخص كان السبب في وجودها. عطور اتخلجت عشان ايوب بس اللي وجع عطور ووهز شخصيتها وخلاها تعترف وتنهار في الاخر ان ايوب رفضها وفضلك. ايوب رفض خلجتها والسبب اللي طلعت عشانه.. عطور اتخلجت عشان تعيش في الحرام وتجبل كل ما هو حرام.. يجوم يجي أيوب يجول لا انه مش عايزها ومش عايز الا عطر. عطور ماتحملتش كانت هتكمل كده تخبيكي وماتعترف. وانت مش دريانه وممكن يتقال عليكي مجنونه. بس توصل لغرضها وغرضها ايوب بس ايوب بحالته اللي اتخلقت عشانه. عطور بتتغذي عالحرام وعلي عشق ايوب في الحرام.. بس انصدمت ودا حاجه في مصلحتنا. انصدمت لان ايوب خيب توقعتها لا والاكتر انه اتنازل عن التجاره خالص دي ضربه جننت عطور وخلتها تظهر وتحارب عشان تفضل. ايوب رمي كل تماثيله في الترعه قدامها يا عطر لتنظر اليه بذهول ليبتسم لها بحنان ليهتف الطبيب تخيلي بقه لما ايوب يجولها كده تخيلي لما ماتشفش ايوب تاني تخيلي لما كل حاجه تروح من عطور وفي المقابل انت تظهري وتحاربي ليهتف بكذب وخصوصا انك حامل.. لتبهت.. اني حامل.
ليقول.... ايوه انت حامل يا عطر ودلوقتي رغبتك في الرجوع هيا الهدف رغبتك انك تصارعي عطور من جواكي. رغبتك انك تربي ابنك بالحلال.. لازم تدركي ان عطور لو فقدت ايوب هيبقي فاضل ابنها هتغرز فيه الحرام اللي انغرز فيها هيا ماتعرفش تعيش الا كده طول ما كانت موجوده ماحدش وجفلها الا دراج ودراج هيبقي له مكانه كبيره دراج هيا كانت بتخاف منه وتتوجع منه حافظ كتاب ربنا وبينغزها انها منجوعه بالحرام ماكنتش بتتحمله ولا تطيجه هو اللي كان بيهبلها ويخليها تعرف انها ما حدش هيعوزها.. دراج شخص كان موازي للحلال وربنا بيحبك انه كان موجود وانها ماستفردتش بيكي كان كل اما يفكرك بالحلال يخش يغذي روحك المفقوده. انت بقه في ايدك تمسكي في دراج من ناحيه وايوب من ناحيه تانيه عشان عطر وعشان ابنك يا عطر انا ماعرفش ان كانت اتحكمت فيكي وتقدر تعرف اللي بتفكري فيه والا لسه انتو مفصولين وده هنفهمه لما عطور تظهر. لو جابت سيره الولد يبقي هتصارع عشانه لو ماجبتوش يبقي انتو في مرحله متقدمه ولسه مااندمجتوش في بعض وبكده تبقي فقدت ايوب ومالهاش حاجه تاني تحارب عشانها.. اهم حاجه دلوقتي يا ايوب وجود دراج وانت اول ما عطور تطلع تفهمها ان حياتكو انتهت وانك لو قعدت عمرك ماهتبقاش ليها وتجارتك دي تنهيها خالص جدامها احنا هنحارب بفكره الحلال وده هيموت عطور تماما وندعي ربنا انها تستجيب. لينتهي الطبيب. لينصرف ويظل ايوب ينظر اليها لا يعلم ماذا يقول كانت تسيل دموعها وتملس علي بطنها وتفكر.
ليقترب ايوب ويحتضنها.. ايه يا جلبي حاسه بايه.
لتنظر اليه بوجع.. حاسه اني كت ميته . حاسه اني موجوعه جوي وخايفه جوي خايفه علي ولدي منها انتو بتجولو انها جادره وطايحه.
ليهتف ايوب.... وانت تجدري عشانك وعشان ابنك هتتحملي هيا تغرز فيه السو كله.
لتهتف بسخريه.. ليه مانبسطش معاها مش مره واحده ولا اتنين.
ليحني راسه خجلا ليهتف.. طب زعلانه ليه ماني ماكتش اعرف انكو اتنين.
لتهتف... عشان ماحبتنيش يا ايوب انت حبيت جتتي.
ليهتف... يمين بالله لاه والله حبيتك وعشجتك ولما كت معاكي كت ببقي طاير ومعاها بتخنج والله بتخنج انت تاخدي العجل بطيبتك وحنانك.
لتهتف... ليه مش جولتلي مش رايد روحك اسكت الله يرضي عنك مش بعد ماعرفت انها سو وماتحملتهاش جاي تجولي اكده.
ليهتف... طب اعمل ايه دلوك اني بحبك انت ورايدك انت.
لتهتف... لاه يا ايوب لو كت رايدني كان من الاول يابن الناس وترضي بيا زي مانا مش تخش تجهرني ولما اطلعلك الواغش كله والاعبك بطريجتك تجول لاه مش لاعب وعايز نرجع من الاول. عشان اتوجعت بس وماتحملتش السو اللي طلعتهولك واللي انت طلبته ولما طلبته ونولته جاي تجول لاه.. رجعولي اللي رفستها برجلي جبل سابج.. ده مش حب يا ايوب اللي بيحب يعمل لاجل حبيبه كل حاجه. يجطع حاله لاجل حبيبه اني حبيتك وكت رايداك بس طلبت منك تبجالي بالحلال وانت ما رضيتش رفضت حبي ده ولما اتوجعت وانجهرت راجع تجول موافج. بس اني دلوك ماعتش عايزه حد يا ايوب لا احب ولا اتحب ماعتش عايزه في دنيتي الا اني اربي ابني بالحلال وازاي هجدر اجف للي جواتي. ده كل اللي هاممني.
ليهتف.... ماتجوليش اكده ماتموتنيش اني مجهور وهموت اني السبب في اللي حصلك وفوج ده مجهور عشان بعشجك وانت بتجولي اكده.
لتهتف.. كفايه اكده يابن الناس عيشه مرار وحياه تموت.. كمل حياتك ربنا يرزجك ببنت الحلال بعيد عني فرحانه ليك انك جدرت علي شيطانك وهملت التجاره السو دي بس ده لنفسك ولولدك اللي جاي ماتوكلوش حرام دي كفايه عندي بالدنيا
ليهتف بقهر.. ماهجدروش ابعد عنك دجيجه والله انت روحي..
لتننهد... بطل الله يرضي عنك اني تعبانه ودماغي بتوجعني وعايزه انام.
ليهتف بخوف.... لاه ماتناميش بالله عليكي ماتناميش
لتضحك ساخره.. ايه خايف لهيا تاجي تجعد مكاني ما هي اكيد هتطلع يابن الناس مش بتدافع عن حالها. هيا غلبانه واني اغلب هيا موجوعه واني بموت.. ليتنهد بغلب لتغمض عينها ليقترب منها يحتضنها لتتململ ليهمس طب سيبيني طيب عشان تحس اننا مع بعض بالله عليكي. لتتنهد ليشدد عليها يدخلها باحضانه لتستكين ليظل يتلمسها.. دانت الغاليه دانت النور اللي رايده.
لتهمس بطل بقه ماعايزاش اسمع منك حاجه كدب بطل.
ليريحها ويمسك وجهها ليهمس طب بصيلي اكده بصي لعيوني بصي لعيون ايوب حبيبك. لتغمض عينها بوجع ليقبل عيونها لتفتحهم ليهتف... شايفه ايه شايفه كذب والا شايفه عشج السنين لتسيل دموعها بوجع لتهمس بطل انت كت معاها بطل.
ليقترب وانفاسه تلفح وجهها ليهتف.. ايوه ماهكدبش كت بس كت ازاي وكيف. لما طلعتلي انبسطت جولت حبيبي رجعلي وعايزني بس لما كت معاها حسيت بعصره في جلبي كت هتجنن جومت خايف فيه ايه ده مش حبيبي دا حبيبي ينحس وبس ولما وعيتلك بعدها كنت هنهبل كان كل اللي في بالي انك بتمثلي عليا عشان تهبليني وترجعيني. يا عطر اني جربك بيخلي جلبي يدج كيف الطبل وجتتي تنحر فيا ما بتحملش ابعد عنك بحس اني راجل عن حج انما يمين بالله كت معاها حزن اسود ولما ظهرتلي بطني جلبت ماني لو رايد كت خدتها بس دي ماتتاخدش دا حبيبي حنيته بتملس علي جلبي دا عيونك بس ابصلها اتوه فيهم لوجعدت اكده بس ما هجولش لاه. ليقبلها قبله حانيه لتغمض عينها بالم ليهمس والله بعشجك بطلي نظرتك دي اني من غيرك ماسواش بالله لتغمض عينها فلم تعد تتحمل.
لتدفعه وتبتعد لتهتف هتجبرني تاني اني خلاص يابن الناس ماعايزاكش انت كت لغيري حتي لو جتتي كت لغيري.
ليقترب ويحتضنها من الخلف... كت لمين اني ما كتش ولا عمري هكون لغيرك ليديرها ويمسك يديها ليضعهم علي جسده ده بتاعك انت اني اتاخدت غدر ده لوحده جهر. مش انت بس اللي هتتعالجي ليحتضنها اني كمان عايز اتعالج وانت اللي هتعالجيني بروحك السمحه. اني شفت جهر وحزن السنين. عايز اتعالج وتتردلي رجولتي ان مرتي كشفت حالها علي راجل تاني. عايز اتعالج واحس اني مش حيوان لما اتاخدت غصب وتوهه. عايز اتعالج لما جالي سو خلص عليا.لما مرتي عرضت حالها علي اخوي وكت هتجتل التاني ليرفع وجهها ويقترب منها وانت السبيل لده ايوب شاف جهر وبلعه حنضل ونزل بطنه مرار وربنا رباه صوح تجوليلي ماعايزاكش ليركنها عالحائط ويحاوطها.. ماعايزاش يبقي موتيني عشان ارتاح ليقترب ويقبل شفتيها ودموعها التي تسيل. ليظل هكذا لمساته حانيه وهيا مغمضه لتبتعد بقهر وتجلس وتهتف وهو انا ما متش يا ايوب. بطل الله يرضي عنك سيبني اتعالج واربي ولدي وروح شفلك بت زينه ما راحش فرحها تفرحك.
ليقترب ويجلس امامها عالارض وينحني لها.. اجبلي بت تفرحني. هو انت فاكره ان جلبي هيدخله فرحه من غيرك. دانت فرحتي اللي بستناها يا جلبي. راحت فرحتك واني كت السبب بس عهد عليا لارجعها واكبشلك فرح الدنيا . لتحس بوجع... لتتنهد اهي بتوجعني اهيه سيبني بقه عشان انام اني تعبت. ليقترب وينام جنبها لتهتف بتعمل ايه.
ليهتف هنام جنب مرتي جولت ماهملكيش دجيجه.
لتهتف ساخطه ايوب بطل اني تعبانه بلا تنام بلا تتهبب.
ليشدها اليه بطلي انت عشان اني ماهسيبكيش ليها عشان تعرف ان حضني ده ليكي وبس والجهره تكلبش جلبها.
لتهتف واني ما رايداش الحضن ده ..
ليميلها مسرعا ليهتف واني جتيل الحضن ده لينحني ويقبلها قبلات الهبت قلبها ليبتعد ويشدها عليه ليهمس نامي نامي عشان ايوب مراعيى حالتك نامي عشان ايوب والع. منها لله علي جهىرتني لتتنهد لياخذ يدها علي صدره وتنام بتعب.ليشدها اكثر كانها روحه ويحتضنها ويظل بجوارها.
ليمر الوقت وياتي دراج ليجلس مع الطبيب ويتشاور معه كيف سيساعد عطر ليدخل الطبيب مره اخري ينتظر ان تفوق عطر وينتظر من منهم ستظهر وكما هو متوقع ظهرت عطور لهم.. ليجلس الطبيب هادئا لتنظر هيا بغضب الي دراج.. ده بيعمل ايه اهنه.
ليبتسم دراج.... هعمل ايه يا عطور جاي لخيتي عطر اتوحشتها.
لتهتف بغضب.. انت مالك بيها ماتغور من اهنه عطر ماهياش عايزه حد خلاص اني اللي هبقي ليها خلاص
ليهتف ايوب.. مين جال يا عطور ان مالهاش حد.. عطر ليها راجل وبيت وعيله مستنياها تنور الدنيا عطر ليها حبيب هيجطع حاله عليها.
لتهتف بغل.. خلاص خلاص بجت حلوه دلوك خلاص اتجلبت بعد ماكت مش عايز هتعملها ازاي وانت بتحب تجارتك فاكرني هبله.. شهر اتنين وهتعاود.
ليقوم ايوب وينظر اليها في عيونها لفتره لتحس بقوته ليستدير ويحضر احد المصاحف لتبهت.. ليقول كلمه اخيره هجولهالك وماهتشوفيش وشي تاني لاني ماعرفكيش يا بت الناس واصطفلي مع حالك. ليضع يده علي كتاب الله ليرجف قلبها ليهتف.. عهد عليا لا ارجع ليها تاني ولا اتاجر فيها جدام ربنا وعهد عليا كل جرش يدخل عليا يكون بالحلال وعهد عليا استني مرتي لو العمر كله.لينظر الي عيونها بقوه.. اني بجولهالك اني مش رايدك ولا حد حدانا رايدك وعطر هترجع وهتجدر عليكي اني رايدها بالجوي وهجطع حالي عليها واجبلها َمن السما حته.. يبقي تحطيهم في دماغك انك لحالك يا بت الناس اهه ومالكيش حد واصل تروحيله. ولا يحبك وتحبيه ليقوم ويتركها. لتصرخ.... ارجع رايح فين ومهملني لتثور وتقف لاه ارجع رايح فين ومهملني لدول.
ليهتف.. اهملك.. انت مين اصلا عشان اهملك اني ماعرفكيش.
لتصرخ.... تاني تاني عايز تجنني صوح.. ارجع واني هعملك اللي رايده هبجالك زي ما تحب.
ليهتف.. عارفه لو حطو السيف علي رجبتي ما هعوزكيش لو فاضل نفس في صدري ما هعوزكيش لو جابلولي مال الدنيا لاجل اخدك ماهعوزكيش.
لتصرخ.. انت ليه جاحد اكده اني عملت كل اللي عوزته وطلبته.
ليهتف... عشان كان ربنا عماني وماحسيتش بالنعمه مرتي نعمه ربنا اللي رزجني بيها بس الشيطان خلاني ماجدرش النعمه يجوم رب العباد بعدله يحدف عليا الجرف كله ليقترب وينظر في عيونها بقوه انت جرف الدنيا انت شر الدنيا ومنجوع نجاسه انت يتبعد عنك بالمشوار انت اخرتك تدخليني جهنم او انجتل بالرخيص سكتك سكه سو وكلها عفاشه كت عايزاني انسي الخير اللي حسيته دا هيا اللي مالهاش زي دا هيا النسمه اللي دخلت حياتي تنضفها. ومستنيها تعاود لاجل انضف واعيش بالحلال وخليكي بقه انت للحرام عندك الداكتور ودراج اصطفلي معاهم حتي لو جدرتي علي عطر خلاص عليا اكده دنيا وهبعد واستني اخرتي انول حبيبي عيشي لوحدك غلك ينهشك واني هعيش راهب الدنيا واصبر لحد ما ربنا يسترد امانته واخد مرتي في اخرتي. اني ليا مره واحده وهموت ليا مره واحده وما اتمناش الا هيا عطر. العشج اللي هري جلبي من بعدها لينظر ليعيونها وتلين عيونه ليهتف.. سامعاني يا عطر جلبك مستنيكي وهيعش دنيته مستنيكي يا عمري لتنزل دمعته ويستدير وتركها ورحل.
لتثور وتصرخ بقهر.. لاه ارجع لاه بتجول ايه رجعوه وهاجت بشده ليقترب منها احد الممرضين ويعطيها حقنه مهدئه لم تنم ولكنها استرخت.. ليهتف الطبيب.... اهدي يا عطور وبلاش ثورتك دي مافيش حاجه بتيجي غصب كان دراج ينظر اليها مبتسما.
لتهتف منفعله... انت بتبصلي اكده ليه ماتجوم من اهنه تغور جاعد ليه جاعد تجهرني.
ليضحك دراج.... لاه جاعد اتفرج علي خلجه ربنا وازاي الشيطان لما يتمكن من حد بينجلب عفريت بس عارفه يا عطور هيمر الزمن ويروح وياجي غيره والارض هتفضل متعمره بالخير هتروحي وياجي غيرك يطلع خيره.. طب ما اهه ايوب طلعك ولاجاكي كيف مانت عارفه. رضي بيكي يا بت الناس لاه دي فطره هتحاربي ربنا اياك. ربنا غرز الخير انت دلوك بتحاربي عطر ونفسها السمحه. انت هابيل وقابيل جواتك يا عطور ونازله دعك وفاكره ايه هتكسبي. نسل هابيل مانقرضش يا بت الناس. لو كان قابيل فاكر انه قضي عالخير لاه هيفضل هابيل موجود بيناتنا هتموتيه ازي هتروح عطور وهتروح عطر وهيفضل عدل ربنا في الارض.. اهه العدل جه انت جيتي تمشي الحرام وتكبشي منه قام الحرام راح َجه مكانه الف حلال ومش بس اكده دا رافض الحرام حتي لو جاله علي طبج من دهب. انت ماعتش ليكي الا نفسك وبس هتحاربي عشان مين فاضلك مين.
لتدمع عينها وتظل صامته ليهتف الطبيب.. حاسه بايه يا عطور.
لتهتف.... حاسه بجهر ان اللي طلعت عشانه اتخلي عني.
ليهتف.... طب وده معناه ايه يا عطور
لتهتف.... معناه اني اني اذيت ايوب وانه مش رايد عطور في حالتها دي.
لتنفعل... هو رايد عطر ليه عشان الحلال. صوح هتفضله بالحلال وياخدها ويتهني بيها ماهسيبهالوش وهجفش فيها.
ليهتف الطبيب.. طب لو قلتلك ان عطر ماعادتش عايزه ايوب تسيبيها تخرج.
لتبهت عطور... بتجول ايه انت.. عطر بتحب ايوب هتهمله ازاي.
ليهتف الطبيب.. هتهمله عشانك عشان كان السبب في طلعتك.. هتهمله عشان ما رضيش بيها كده وهيا جالتله كده مش عايزاك
لتبهت عطور... يعني ايه ايوب هيسيبنا احنا التنين.. ايوب هيبعد عن حياتنا طب هعيش ازاي وهعيش ليه.
ليهتف الطبيب.. والله دي حاجه ترجعلك هتعيشي من غير االي اتخلجتي عشانه وهتكملي كده لوحدك بس هتكملي مع عطر مش هتبقي لوحدك لانك طول ما ايوب اللي اتخلجتي عشانه مش معاكي مش هتجدري علي عطر لانك محتاجه ايوب في حياتك ده اللي بيغذي روحك يا عطر هتعيشي ازاي من غير روح.
لتظل ساهمه ليهتف دراج بقوه.. بس خدي بالك عطر لو اطلجت اني ما هسيبهاش.
لتنظر اليه بغل.... يعني ايه ماهتسيبهاش مالك بيها اياك بتبص لمرت اخوك منك لله.
ليضحك.... ومالك زعلانه اكده مش جولتي اديها لدراج ياخدها تفرج معاكي ايه اذا كتي انت عايزاني اخد مرت اخوي ماخدهاش ليه.
لتصرخ... وايوب هيسيبك.
ليهتف ببرود... ايوب خلاص خرج من الجصه انت ليه مش جادره تفهمي ان خلاص جصتك بقت علي تلاته انت وعطر واني.
لتهتف بقهر.... وانت انت انت مالك بيها حتي لو هعيش مع عطر مالك انت.
ليهتف... لاه مالي ازاي.. عطر نسمه جميله خير ربنا في الارض واني واحد حافظ كتاب ربنا. اهملها ازاي.
لتهتف.... تهملها انت يا جدع انت اتخبلت انت جاي تحرجلي دمي وتجهرني لتصرخ فجاه ليهتف الطبيب.... مالك يا عطور.
لتصرخ..... خرج المحروج ده من اهنه خرجه
ليهتف الطبيب....... ليه يا عطور.
لتصرخ.... دماغي بيوجعني خرجه بجولك.
ليهتف دراج... اني مش هخرج يا عطور اني مستني عطر. واعملي حسابك اني رايد عطر تبجي مرتي.
لتصرخ..... يا مري مرتك مالجيتش الا انت تبقي مرتك تمرغها في الحلال عايز تجهرني منك لله لاه استحاله تبجي مرتك.
ليضحك دراج..... ليه راجل رايد ست بالحلال واني حافظ كتاب ربنا وهراعيها..
لتصرخ.... بطل بطل بلا كتاب ربنا بلا جهر اسود بطل خرجه يا داكتور.
ليهتف الطبيب... ليه اخرجه يا عطور ليه.
لتهتف.... مش متحملاه مش جادره راسي بتوجعني لتخبط علي راسها وتهتف لاه لاه لاه ما هتطعلش لاه..خرج المحروج ده عايز ايه انت ما هيحصلش خرجه.
ليقوم دراج وينظر في عيونها ليهتف بابتسامه صافيه.. دراج ماهيروحش في حته دراج مستني النعمه اللي هتنور حياته مستني حلاله يتحط علي الحلال اللي جواته. دراج عايز الحلال وحابه مالك بينا وانت اهه موجوعه يبقي اخدها اتهني بيها وابقي اتحملك لما تخرجي. ليهتف بقوه اخافتها وارتعشت بقوه ليهتف وعيونه لا تحيد عنها... بس اعملي حسابك مرتي تمشي تحت طوعي وتعرف ربنا ما هتبجيش طايحه اكده.الاجيكي مش ماشيه بحلالي هعرفك مين هو دراج وهتلاجي نفسك ممروطه ومدعوك وشك تحت رجلي ما هتنطجيش الا اللي دراج يعوزه. لحظه ماكتب عليكي هتمشي بطوع دراج وسنن دراج. دراج ماهواش ايوب هيهملك ويسيبك ويزهج. لاه دراج بيعرف ربنا وبيجف يحارب ويعافر لاجل الحلال واني حلالي جواكي هاخده وهجويه وانت هبقي ألجحك في اي موطرح لما تطلعي بس تتلجحي بادب وتجطمي النفس ماسمعوش. مرت دراج تبقي عارفه ربنا. الحلال هغمسك فيه وابلعهولك عافيه.
لتصرخ.. يا مري عايز تمشيني بالحلال كيف ماتريد عايز تجهرني.
ليهتف.... والله اصطفلي مع حالك اني رايد الحلال وهعيش فيه وايوب خلاص عطر مش رايداه وهو مش رايدك واني رايد عطر ليضحك شوفتي اللفه صعبه مش اكده بس واني بلف وهلف برضا ربنا هتسجطي مننا في اللف يا بت الناس. الحرام سهل بس لفه الحلال مشنجه للنفس المعيوبه.
لتصرخ.... لاه لاه ما هيحصلش لاه انتو بتجولو ايه عطر ودراج. وايوب خلاص راح يا مري عطر هتعيش في الحلال لاه لاه ما هتجوهاش عليا لتخبط راسها لاه لاه ما هتجويش لاه دماغي لاه لتزوغ عيونها لتعاود يا مري يا مري يا خرابك يا عطور لاه لاه لتزوغ عينها مره اخري لتهز راسها بعنف لاه لاه خليكي جويه ماتروحيش لاه انت بكيفك انت اللي جادره لاه يا خرابي فيه ايه جرالي بطلي منك لله بطلي.
ليقترب دراج ويهتف بحنان.. مستنيكي يا مرتي لتجحظ عيناها وتصرخ لتزوغ فجاه لتغمض عينها بوجع و فجاه تفتحهم و...بقلمي ميفو السلطان ❤️ فين تفاعلاتكم حبيباتي
•تابع الفصل التالي "رواية الوجه الاخر للحلال" اضغط على اسم الرواية