رواية تيمو الفصل الثاني و الثلاثون 32 - بقلم ولاء فتحي
( 32)
شريف : الو
ازاي حصل امتي طيب انا جاي حالا
ملك : ايه في ايه خير
شريف : دا واحد صاحبنا اوي كان تعبان وراح المستشفي
تعالي اوصلك وخدي لاب بتاعي نقي كل الي عاوزاه
ملك : انا هروح مع مايا
طيب خليكي وانا هسيبهم وامشي فرصه ياخدو راحتهم في الكلام
ملك : هتعمل ايه في خطة بيلا
شريف : مش مقتنع انا هتحجج ب كارم وهي عارفاه وبتحبه هو واخوه كريم
ملك : طيب انا هسيب لاب بتاعك لانه بتاع الشغل واكيد عليه اسرار وو
قاطعها شريف ورفع عينيها اليه وهو يتحدث بمنتهي الحب شغل واسرار ايه علي مراتي حبيبتي انتي اكيد بتهزري دا انا حياتي كلها ليكي
ملك بتوتر وخجل ربنا يخليك ليا يلا بقي علشان هتتاخر
خرج شريف ليجد تميم جالس وهو يضع يديه علي وجهه
شريف : الله قاعد كدا ليه وفين المزة
تنهد تميم وهو يتحدث : اتلم يا زفت وانت بتتكلم عنها
شريف : المهم هي فين طفشتها ولا ايه
تميم : اتكلمنا وحكيت لها كل حاجة بوضوح بس سيبتها تفكر
شريف : كل حاجة كل حاجه
تميم : ايوة كل حاجة حتي فكرتي لجوازي من ليلي ووضحت لها وجهة نظري
شريف : كنت هنسي كارم تعبان وفي المستشفي كريم لسه متصل بيا وعنده شغل في السفارة وهيخلص ويحاول يرجع
تميم : مستني ايه تعالي بسرعه وفي الطريق تحكي لي تفاصيل
شريف : ملك كانت هتروح مع مايا هروح اوصلها واحصلك
تميم : لاء خليك معاها خلصو مفيش وقت وانا هروح انا ونعمل له ورديات هو في مستشفي ايه
شريف : انا طلبت منهم يودوه عند باسل وكلمت باسل وبالمناسبة هو عنده اكتئاب حاد وحاول ينتحر
تميم : ايه ازاي كدا انا هروح لهم
شريف : طيب هوصل ملك واحصلك برضه خد معاك حراسه
تميم: مفيش لزوم انا متعودتش امشي بيهم
وبدا يجمع اشياءه ونظر الي شريف : حدد معاد مع والد رولا علشان نروح نخطب له رولا
شريف : حاضر انا هروح بقي لمراتي
تميم : خطيبتك لسه يا صايع
........................
مايا جلست مع نفسها شارده تفكر فيما حكاه تميم فهي مصدومه وتشعر بانها لا تعرفه
جلس بجوارها علاء وهو يتحدث ولكنها لم تشعر بوجوده
علاء : مايا مايا ايه مالك
مايا : اسفه يا فندم
علاء : لاء تعالي انسي الشغل مالك
مايا : مش عارفه يا بابا
علاء : هو هيجي يخطبك امتي
مايا : هو كان مسافر ولسه راجع انا قابلته انهاره بس محتاجة اعيد تفكيري يا بابا كان خبي عليا حاجات كتيير جدا اكتشفت انه مش تيمو الي اعرفه
علاء : ايه ماله خير
مايا : بابا بص هو طلب مني اقعد معاه يحكي لي كل حاجه في حياته ويجاوب علي كل اسئلتي انهارده وفعلا حكي لي كل حاجه اكتشفت اني مكنتش اعرف عنه غير اسمه
علاء : يعني هو كان مخبي عليكي ولا كذب ولا ايه دي تفرق
مايا : بصراحة انا الي عمري ماسالته عن حاجة خالص ولا فتحت معاه كلام هو كمان كلامه قليل
بس اصرارة اني اقعد معاه انهارده انه يحكي لي استغربته ولما قعدت معاه اتصدمت
علاء : ليه خير ماله يعني شاب في اول حياته مثقف متعلم
مايا : ياريت يا بابا دا الموضوع طلع غير كدا
تقطع حديثهم ملك : الله خيانه يا اونكل بتخوني وقاعد مع بنتك من غيري
انا جيت اهو
علاء : يا بكاشه انتي من يوم كتب كتابك وانتي مقطعاني اصلا
ملك: وانا اقدر وما الحب الا للحبيب الاولي
علاء : طيب تعالي اقعدي
ملك : انا ممكن استلف منك مايا علشان تنقي معايا حاجات البيت شريف سايب لي لاب بتاعه وعليه كل الكتالوجات وانا محتارة
علاء: طبعا طبعا اعتبرو نفسكم اجاز انهارده انتو الاتنين علشان عيون ملوكتي
ملك : تسلم لي يا احلي اونكل يلا بينا يا مايا
علاء : اقعدي وفكي مع ملك وبعدين تكوني فكرتي وقررتي ونبقي نحكي سوا
ملك :ك هو الكلام علي ايه
مايا : تعالي نمشي وبعدين اقولك
ملك : خلي عربيتك معايا السواق علشان في الطريق افرجك علي الفساتين
مايا : بس
علاء : خلاص خلي عربيتك وهخلي حد يرجعهالك
مايا حضنته وقبلته وانصرفت
........................................
تميم : ليلي اذيك اخبار الشغل ايه
ليلي : الحمد لله مبسوطه جدا ياريتني اشتغلت من زمان
انت هنا ل دكتور باسل
تميم : لاء انا هنا جاي العنايه لواحد صحبي
ليلي : ايوة دكور باسل نزله هو ايه الموضوع
تميم : تعالي معايا هحكيلك فوق بس اطمن عليه
امام العناية : ايوة يا باسل ايه اخباره
باسل : انا طلبت بعد ما يفوق دكتور نفسي يتولي حالته
ليلي : هو ماله
تميم : دا كارم اخو كريم صاحبي مراته كانت بنت عمه وحبيبته طول عمرهم اتجوزو وعاشو احلي سنين حياتهم واتاخرو في الانجاب وكانو مش في تفكريهم الموضوع عدت سنين وبعدين جالها اعراض راحو يكشفو اكتشف ان عندها كنسر وفي مرحلة متاخره وللاسف بعد سنين اتوفت ومن يومها حابس نفسه وانهارده عيد جوازهم حاول ينتحر
باسل : ياااه كويس اني عرفت علشان الدكتور يعرف الحاله كويس
ليلي : بدات تبكي
باسل : ليلي خير مالك
ليلي : اعذرني اصل حكايته فكرتني بمعناتي مع المرحوم شعور الفقد دا سئ جدا
تميم : الله يرحمه مهاب الله يرحمه ميتنسيش
ليلي : تعب كتيير
باسل : ارجع انت يا تميم هو كدا كدا مش هيفوق الا الصبح
تميم : لازم اطمن عليه
باسل : معلش وجودك ملوش لازمه انا هنا الصبح تعالي وياريت تاخد ليلي توصلها معاك
تميم : جاهزة يا ليلي
ليلي : ايوة انا جاهزة
خرجت لييل وهي حزينه وتميم صامت ولا تظهر علي وجهه اي ملامح فتارة يفكر في صديقة ويان قلبه عليه وتاره في حبيبته التي شعر لاول مره برفضها له ووصفته بالمخادع
.................................
مايا : انتي تعرفي انه رئيس مجلس الادارة الرجل الحديدي
ملك : فكرت انها لن تخبرها
ملك: ايه معقول ممتاز
مايا : حاسة اني اضحك عليا اوي
ملك : هو انتي كنتي سالتي وهو مجاوبش
مايا : انتي بقيتي معاه يا ملك
ملك : انا بوريكي الراي الاخر وخلي بالك انا اختك وبحافظ علي قلبك علشان متندميش
انا صحبتك وعاوزة اقولك العيلة دي دافيه اوي كلهم حب وترابط وحنان عيلة فريده
وكلهم بيحترموه ويقدروه وكلمته لها وزنها
الانسان دا باخلاقه وصفاته اوعي تخسريه او تفرطي فيه
انتو الاتنين تستحقو بعض
............................
باسل : مقولتليش عملت ايه يا جامد
تميم : كلمتها وسيبتها تفكر
باسل : تفكر حد يرفض تميم شومان
تميم : شايفه اني خدعتها وكذبت عليها لما محكيتش لها انا مين بس صدقني مكنش في فرصه لما وصلت ل مرحلة الجد كان لازم احكي لها
باسل : طيب كويس ليه قلقان
تميم : سالت عن ليلي
باسل : بتوتر وانت قولت لها ايه اوعي تكون قولت
تميم : ايوه قولت معنديش الي اخبيه ولا اخاف منه تفكيري في ليلي كان علشان نسمه فقط
باسل : مش هتخبيه بس مكنش في موضوع اصلا يتحكي
تميم : انا عاوز اخرج الف لوحدي
باسل : بلاش تهور اليومين دول الدنيا مكهربا
تميم : مش هرتاح الا لو قعدت علي النيل لوحدي
باسل : طيب خد معاك حراسة
تميم : من امتي يا ابني وانا بخاف يلا سلام ولو خالتك سالت قولها في المستشفي مع كارم
.......................
بس يا بابا دا كل حاجة حصلت
علاء: ايه معقول انتي متاكده
مايا : ايوة هو حكالي بنفسه
علاء بذهول هو الرجل الحديدي ز انتي بتتكلمي جد الولد الي كان بيجهز لينا العزومه في المطعم الي راكب فيسبا بيلف بيها
عاوز يقنعنا انه الي في دول بتقف علي رجل وتعمل له حساب
مايا : ايوة وملك اكدت لي كدا كمان وادي الورده الي جبهالي
علاء : ورده ههههههههههه انتي عاقلة يا مايا
مايا : بابا الوردة دي نادرة وغاليه جدا جدا اغلي من طقم الماظ كامل
علاء : بشرود وانتي ايه رايك
مايا : متلخبطة ومش عارفه
علاء : مش هو دا نفسه الي حبتيه وكنتي بتقنعنيني بيه وانا وافقت علشان خاطرك لما يطلع امبراطوريه ل وحده عاوزة ترفضيه حد يترفض علشان نجاحه
مايا : لاء يا بابا انا متلخبطة لانه خبي عليا
علاء : واهو قالك في الوقت المناسب
مايا : انا متلخبطة بجد
علاء: بصي يا بنتي انا وافقت اصلا عليه من قبل اي حاجة بس انا مش متخيل انك تفرطي في الانسان الي بتحبيه يا مايا هو له حساباته دا محدش يعرف عنه اي حاجة ولا له اي صور في اي مكان اكيد برضه له اسبابه
اقولك قومي اتوضي وصلي وادعي ربنا يعملك الخير
مايا : حاضر يا حبيبي
..........................................
رائف : انتي عاوز تودي نفسك ورا الشمس يا خالي
خالخ : ليه يعني مش دا الي بهدلك ومرمط كرامتك و
رائف : لعلمك بقي ياريتني قابلته من زمان
دا الي عمله فيا خلاني اتحمل المسؤليه اشتغلت وبفلوس عربيتي وفيلتي عملت شركة صغيره جنب شغلي ولما عرف بقي يديني شغل واهو اول صفقه اخدتها ونفذتها وهاخد التانيه وكسبت من فلوسي كويس جدا
ياريتكم كنتم وقفتوني الوقفه دي انا حاسس اني اتولدت من جديد
وبعدين انا الي غلطت في مايا غلط كبير اوي انا ازاي كنت كدا
خاله : حنيت ولا ايه
طيب لعلمك بقي الواد اخدها حتة بت قمر خسارة فيه وانا مش هنيهم علي بعض
رائف : لاء يا خالي سيب كل دا واهو طلعك من الحبس وابدا معايا
بلاش تهور وتروح في داهيه
خاله : اقفل يا حنين انا مش وسخ ايدي بيه بس عندي الي هيعملوها
رائف: الو خالي خالي
قفل السكه مش ممكن اسمح بكدا ابدا
.........................
بعد ايام
باسل : انتي هنا يا ليلي
ليلي : ايوة بشوف استاذ كارم دا متوصي عليه من العيله كلها
كارم: انا عاوز اخرج
باسل : انت زهقت ولا ايه يا كارم لاء نطمن عليك وبعدين تخرج
لاء في تحسن اهو
ليلي : حضرتك محتاجني
باسل : لاء خالص خليكي هنا مفيش مشكله
وخرج
ليلي : علي فكرة انا سكرتيره مش تمريض بس علاقتي بالعيله قويه وعلشان كدا طنط عاوزة تطمن عليك
انت ليه مش بترد عليا
كارم : ارد واقول ايه انتي كل يوم تيجي تطمني اني عايش وتطمنيهم وانا عاوز اموت وارتاح انتو بتطمنوو عليا من وجهة نظركم محدش حاسس بيا
ليلي : ليه بتقول كدا ليه الضعف دا الحياه فيها حاجات وناس كتير كويسه
كارم : انتي مش حاسة بحاجة
ليلي: بالعكس انا حاسة لان زوجي وحبيبي اتوفي بالسرطان بس كمان ساب لي طفله كان عندها سنتين وعيلته كلها ضدي
كارم: ايه وبعدين
ليلي : وبعدين بنتي حاليا
سنين وانا عايشه في وسط عيله دكتور باسل كاني بنتهم ربنا عوضني بيهم عن اهل جوزي الي محاولوش حتي يشوفو بنته اليتيمه ولا يدوها حقها
ومتصالحة لانه قدر ربنا ولازم نرضي بقضاء الله
وفضلو يتكلمو واستاذنت ليلي وخرجت
.............................
الدكتور : برافو مدام ليلي هو لما يشوف تجارب مماثله هيفوق ويعرف انه الي فيه دا غلط ياريت تواضبي علي كدا
كونه بدا يتكلم دا حاجة بقي مكناش متوقعينها
ليلي : تمام يا دكتور في اي حاجة تانية
الدكتور : انا عاوز كل مره تمشي علي الخطة الي رسمناها لعلاجة لغايه ما يقدر يقعد ويحكي مع الاخصائي
ليلي : تمام يا دكتور عن اذنك
........................
سيد: شريف انا مش لاقي تميم خالص خرج وتليفونه مغلق
شريف : ازاي كدا ومفروض ان في اجتماعات ومحضرهاش عمرها محصلت
سيد: انا كدا بدات اقلق كلمت اصدقاء ليا يدورو عليه خصوصا انه رجع يخرج من غير عربيته
شريف : سيد انت بتقول ايه
انا هكلم وزير الداخليه
سيد: احنا محتاجين الموضوع في سريه علشان اسهم الشركة
شريف : تتحرق الشركة لو مظهرش للصبح هطلع علي وزارة الداخليه رتب نفسك علي كدا
- يتبع الفصل التالي اضغط على (رواية تيمو) اسم الرواية