رواية قتلني ورحل الفصل الثاني والثلاثون 32 - بقلم ميفو سلطان

 رواية قتلني ورحل الفصل الثاني والثلاثون 32

البارت الثاني  والثلاثون... 

وصلا الي بيتها بعد مده ليقف.. ليال انت هتدخلي وانا هقعد مع فريد الاول ماشي.. لتهتف.... ليه بقه ان شاء الله مش جوزي اقعد براحتي.

 ليَمسك يدها ويضغط عليها.. قولي تاني كده سمعيني قلتي ايه..

لتشعر بالخوف..... ماقلتش ماتزفتش سيب ايدي..

ليقول..... ايوه كده اتلمي واعرفي انت مرات مين ماشي..

ودخلا معا لتندهش امها وينظر اليه فريد ببعض الغضب ليتقترب منه وتقول.... بحنين انت كويس..

ليبتسم فريد فهو يري ان الحزن ذهب من عينها ليهتف..... انا كويس طول مانت كويسه يا قلب فريد..

ليتحمحم قاسم  ويقول..... طب ممكن نتكلم.. ليقوم فريد بتعب ويذهبا للَمكتب 

دخل قاسم مع فريد المكتب وهنا شدتها امها.. ايه يا بت يا ليال جاي ليه وعايز فريد فيه ايه..

لتتنهد ليال وتقول.... هحكيلك يا ماما دانا في هم والله..

لتقول الام ملهوفه.. هم ايه كفا الله الشر انطقي..

لتبدا ليال في قص كل شئ عليا منذ ان تركت البيت وماذا فعل بها بدر الحديدي وماذا فعل له قاسم في المقابل لتكمل.. اسكتي يا ماما دا كان عامل زي الوحش وكل ده ماكنتش اعرف ان قاسم بقي فظيع كده دانا خفت منه دا حابس جده ورقد المحامي ماعدش نافع دانا كاني كنت في فيلم..

لتهتف امها بانفراجه في قلبها.. يعني انت يا بت دلوقتي متجوزه الواد اللي جوه ده وماعتيش مراد فريد..

لتقطب ليال عينها.. ايه يا ماما مالك مبسوطه كده.. انت ماشفتيش اللي عمله..

لتهتف الام.. عمل ايه يا قلب امك قولي رحم امك من الفضيحه والحبس كنت هبقي بتاعه رجاله وحراميه قاسم عمل عشانا كتير..

لتنفعل ابنتها..... قاسم هرب وماعمليش حاجه قاسم دبحني..

لتهتف امها بحزن وتدمع عينها وتقول.. يعني كنت عايزاه يسيبني اتفضح والناس تجيب سيرتي بقي دي اخرتها يا بنت بطني.. الواد قهر نفسه عشان ماتفضحش تقوم ماتحسيش خالص كده هو انا فضيحتي سهله كده.

لتقترب منها ليال بلهفه..... لا والله ياماما انا برضه انا افضل نفسي عنك اه هو عمل ده عشانك بس سابني وماقليش كان يقلي وانا هبعد مايقهرنيش كده.

لتهتف الام...وانت كنت فاكره يقدر يقلك مانت شفتي القادر عمل فيكي ايه دا جبروت وفاجر بس الحمد لله قاسم طلع راجل وجدع وبيحبك يا هبله يا بنت الهبله.

لتهتف ليال بسخط.. ماما من فضلك بلا حب بل بتاع هو هيطلقني وارجع لفريد وخلصنا قصه وقفلتها من زمان.

لتهتف الام.. يا خيبتك في بنتك يا فاديه.. هو انت لحقتي تتجوزي عشان تطلقي.. يا رب البت بتكبر وبتتهطل اكتر ماهي هطله. اسمعي يا قلب امك قاسم جوزك دلوقتي وانت متي من بعده واترهبنتي وقلبك مات مش بعد مايرجع ونعرف اللي فيها. وانه عمل ده كله عشانا يبقي نتأمر وننفش ريشنا.

لتصرخ ليال  وماتامرش ليه ناقصني ايه ان شاء لله لا دانا اتأمر وادب صوابعي في عنيه كان يقلي كنت هلزق فيه يعني حلو اوي الواد عشان اموت عليه كنت هبعد وخلصنا انما يقهرني لا. اه كتر خيره عمل ونجدنا من الفضيحه بس لا خلاص.

لتهتف الام بغلب...... اه هو نجدنا من الفضيحه وانت عايزه تفضحينا.. يا بت دانتي بحبيه ماتتلمي.

لتهتف ليال...... لا مابحبوش وكنت هبله وخلصنا ومش هسيب فريد ويخبط دماغه في الحيطه. فاكر عشان قادر يعني هيقدر عليا اما اشوف هيكمل جوازته الهباب دي ازاي.

لتهتف فاديه.. عليه العوض قلت البت الواد رجعلها وهتتهني طلعت عايزه تعيد الهم من اوله طب يا بنت بطني كملي هبل.

*********

دخلت كارما لتهتف.. ايو حبيبي جايلك ممرض ياخد منك شويه تحليلات بعد ربع ساعه.وبعدين دكتور العلاج الطبيعي.  

ليهتف متزمرا.. مش عايز زفت انا وافقت عالعمليه ماتقرفونيش بقه مين وبتاع العلاج ده مايجيش تاني عيل سافل وبيبص بقله ادبه وبعدين  ماتبطلي بقه عامله سبع رجاله وبتخططي فاكره نفسك  

لتهتف بالقرب منه.. مراتك يا مز يا قمر انت.

ليهتف.. عرفي بليه واشربي ميته ويلا مش عايزك غوري.

لتتنهد.. يعني مش عايزني خالص خالص

ليهتف بقهر.. لا هعوزك ليه انا.

لتتنهد يعني ادورلي علي حد تاني يا ايو..

ليبتلع ريقه.. غوري في داهيه..

لتهتف طب خلاص اقوم اتحضر بقه للي جاي كمان شويه.الحمد لله

ليهتف .. جاي مين اللي جاي.

لتقوم وتبتعد.. اللي قلت عليه بيبص يا عمري طالما انت مش عايزني وتركته مشتعلا وخرجت ليشعر بالقهر.. ربنا ياخده انا مش عايزك هموت والله يا رب ليه العذاب ده دانا ندمت وكان نفسي تسامحتي.

ليمر الوقت ليجدها تدخل ليصرخ..... الله يخربيتك لابسه ايه يا زفته انت.

لتضحك... ايه يا ايو شورت وبادي  عشان اعجب..

ليصرخ... قومي يا سا*فله والله اموتك..

لتهتف.. مش انت مش عايز غيرك عايز

ليهتف بعنف.. لمي نفسك انت مراتي ماتبانيش كده.

لتقترب وتلتصق به لتهمس امال ابان ازاي اؤمر..

ليتنهد بغلب.. قومي غطي جسمك ده.

لتهمس بحب... عشان بتاعك صح يا ايو.

ليتنهد.. ايوه مش علي اسمي حتي لو بالغصب.

لتتنهد وتقبل خده.. اقوم يعني عايزني اسمع كلامك يا قلبي..ليهز راسه لتقترب وتعطيه خدها لتهمس طب بوسني هنا عشان اقوم.. كان مشتعلا  فرقبتها وجسمها قريبان منه ليتجلد ويقبل خدها لتستدير بهدوء لينظر الي شفتيها ليشعر بقلبه سينخلع ليشدها اليه وينهال عليها من لوعته ليمر وقتا وهما هائمان معا ليسمعا نقرا علي الباب. لتبتعد مسرعه لينفتح الباب لتتفاجا هيا بصديقته سالي تندفع و تقترب لتحتضنه لتهتف وحشتني يا بيبي بقي انا كت مسافره ماتقليش.

لتنصعق كارما.. لتسمع ايان.. معلش يا قلبي انا ماحبيتش اضايقك.

لتنظر سالي لكارما.. ازيك يا كارمه.. ايه الحلاوه دي.

ليهتف ايان ويشدها الي احضانه... مافيش احلي منك يا قلبي.. لينظر لكارما باستخفاف اظن تتكلي بقه كفايه عليكي كده وسيبيني مع اللي  عايزه ليشد سالي ويحتضنها لتتجلد كارما وتقوم تخرج باكيه ليبتعد ايان لتتنهد سالي.. بتعذب نفسك ليه طيب

ليهتف.. اسكتي ماسمعش نفسك وتسمعي هنعمل ايه من سكات انا فيا اللي مكفيني.

************

 دخل فريد وقاسم الحجره ليهتف فريد.. ايه جايبها وجاي تكملو علينا.. ليك عين تيجي..

ليتجلد قاسم ويقول..... طب يا فريد بيه ماتديني فرصه اتكلم الاول وبعدين اتريق انت حد كبير ومحترم يبقي تسمعني.

ليهتف فريد.. قول يابن الحديدي سامعك..

ليبدا فريد في قص كل شئ عليه لتتسع عين فريد وينصعق من جبروت ذلك الجاحد ليكمل قاسم مافعله وكيف كانت ردت فعله وانه زمان كان صغيرا يافعا اما الان فلا يستطيع احد ان يفعل ذلك معه ويمررها هكذا.. ليتفهم فريد ويرتاح قلبه ليبدا قاسم في الكلام.. يا فريد بيه انا بحب ليال اكتر ما تتخيل وسنين عشتها بموت بعيد عنها وانت جميلك فوق راسي شيلتهالي وصنتها وعارف انها بنتك وعشان كده جيتلك لحدك وعايز تسامحني عاللي جدي عمله والله ماليا ذنب بس انت حقك يوصلك اني خدته وخدته تالت ومتلت وفيه حاجات تانيه مقررها ولازم اخد رايك..

ليهتف فريد.. اسمع يا قاسم ليال دي بنتي اللي ماخلفتهاش وانا اعمل اي حاجه عشانها وعارف انت عملت ايه زمان واتعذبت ازاي بس ليال برضه اتعذبت وصعب تتراضي ليال صحيح طيبه بس وجعها ممكن يخليها تعمل اي حاجه ضدك وانا فعلا حاسس ومتاكد انك بتحبها وسعيد دلوقتي انها مراتك.. ليال كانت دافنه نفسها واللي يقرب منها تهبشه ليال من جواها لسه العيله الصغيره اللي انت سيبتها بس من بره زي مانت شايف عامله سبع رجاله وست متحرره وتصرفاتها انا متاكد انها مش راضيه عنها.. وعارف انك هترجعها ليك بس هتتعب وعن طيب خاطر انا بقلك يا ريت تخلي بالك منها ليال تستحق تتهني وتنسعد..

ليهتف قاسم ببسمه.. انا عارف انك راجل محترم وتعرف ازاي تحتوي اللي قدامك وهنا بقه لازم نتكلم عشان هنعرف هنعمل ايه في اللي جاي.

ليقطب فريد كاحبيه.. هنعَمل ايه مش اتجوزتو وخلاص.

ليضحك.. قاسم لا اصل انت ماتعرفش مش الهانم عايزه تطلق وترجعلك.. فاكراني عيل زي زمان..

ليضحك فريد.. مش قلتلك دماغها اتركب شمال ولسعت من ساعه ماسيبتها.. ليال بتحبك وزمانها وقف عند اللحظه اللي سيبتها فيها والوجع مابيخفش.. ومش عارف هيبقي ايه الحل..

ليهتف قاسم.... الحل اننا نقف كلنا ونحاول نرجعها..ميفو السلطان 

ليهتف فريد.... ازاي..

ليقول ....اولا يا فريد بيه انت عارف اني هاخد ليال واكيد مامتها هتبقي معاها ليحس فريد بالحزن ليكمل قاسم.. انت شيلت ليال سنين يبقي جه الوقت اللي ليال تشيلك علي راسها..

ليهتف فريد... ازاي مش فاهم..

ليقول قاسم.. اللي هقوله ده يا ريت تفكر فيه بموضوعيه وبعيد عن اي حساسيه انت راجل اد والدي وشيلتلي مراتي سنين.. وبتمني تقبل تيجي وتشرفني في الفيلا هيا كبيره وتساعي الف وماحدش هيتطفل عليك..

ليهتف فريد.... انت بتقول ايه اسيب بيتي..

ليقول..... انا بس عايز اسالك انت تقدر تعيش من غير ليال.. اكيد لا ودا واضح.. بص حضرتك الفيلا عندي فيها جناح منفصل في الجنب للضيوف ده هيبقي بتاع حضرتك هتقعد فيه وهتجيب خدمك وهتعيش زي ما كنت عايش هنا وماحدش له كمله عليك ولا يقلك انت بتعمل ايه وفي نفس الوقت هتبقي جنبنا ووسطنا مانا اقدرش اسيبك دا يبقي جحود ومش رد جميل..

ليهتف فريد. يابني انت بتقول ايه بس وشركتي وحالي كله هنا..

ليهتف قاسم.. حضرتك مابتديرش الشركه اصلا وسايبها للمحامي فانا بعرض عليك ياما تنقلها القاهره وبرضه المحامي يديرها او تنقلها وتندمج مع شركتي مع الاحتفاظ ليك بحق ادارتها اللي تحبه وعشان ليال برضه وشغلها اكيد عارف مش هتسكت وتقول لا شركتي وهقعد عارف دماغها انا بقفل عليها كل حاجه ونفس الوقت انت ماينفعش بعد ماعيشت السنين دي كلها تبقي لوحدك.. والله دا الحل وهنشيلك عالراس وهتقعد بالك وخيرك في المكان بخدم ماحدش هيدخل في منطقتك اصلا..

ليصمت فريد لبعض الوقت.. ولا يعرف ماذا يقول فقاسم فكر في كل شئ وهو لا يستطيع ان يبعد عن ليال ولا يستطيع ان يكمل حياته وحيدا فهيا روحه.. احس ان ذلك الصواب ولكنه تردد لانها خطوه مش هينه..

ليهتف قاسم.. انا عارف ان الموضوع يقلق.. بس اقلك اللي هنا كله هيتنقل هناك بنفس الشكل ونفس الطريقه وراحتك هيا اللي فعلا تهمني انت عندي حاجه كبيره بجد..

ليشعر فريد بالحب لذلك الشاب فهو رجل كبير واكل منه الزمن رقات ولن يستطيع ان يصمد بمفرده ليهتف.. والله يابني مش عارف اقول ايه..

ليقول قاسم.... تقول توكلنا علي الله انت بس تأشر وهتلاقي كل حاجه اتنفذت.. انا محتاجك جنبي عشان ليال ليال هتوريني ايام هباب انا عارف بس علي الاقل هتهدي لما تبقو معاها ويا ريت تحننوها عليا والله كان غصب عني..

ليبتسم فريد ويقول.... خلاص يا قاسم انا موافق وربنا يعينك عليها يابني.. لما بتقلب خلاص بتبقي زي العيل الصغير اللي شبط في حاجه ومبتتفاهمش.. 

كانت هيا في الخارج تاكل نفسها.. تفكري يا ماما هو عاوزه ليه وقافل كده وغابو جوه طب مرضاش ياخدني ليه هو انا عيله صغيره.. مش دي حياتي.. طب عايز منه ايه وجايبني علي ملي وشي كده..لتشعر برهبه.. ايه يا ماما يكونش هيطلقني فعلا..

لتهتف امها.. ربنا يشفيكي يا حبيبتي.. يا بت اهمدي قاعده تهري وتاكلي في روحك ومالك ياختي مسحسحه كده انه هيطلقك مش انت اللي عايزه كده..

لتهتف ليال.. هاه.. اه اه عايزه.. انا اللي اقول امتي اطلق وامتي ماطلقش..

لتسمع صوت من وراها يضحك ويقول.... ليه يا قلب قاسم متجوزه سوسن..

لتبهت ليال وتلتفت لتجد قاسم وعلي وجهه علامات السعاده وفريد يبتسم باريحيه لتقطب جبينها وتقول.. ممكن اعرف بقه خدت فيري جوا وعملت فيه ايه مانتو عيله قادره..

ليقترب منها وينظر اليها فخافت وذهبت وراء والدتها لتقول.. ايه ايه بتبصلي كده ليه..

ليتحدث فريد.. اهدي يا ليال كل خير يا حبيبتي.استغفر الله 

ليرجف قلبها... ايه هتطلقوني..

ليضحك قاسم وينظر الي فريد..... طب رد عليها بقه عشان والله هفلقها نصين..

لتنظر اليه بغضب.... والله وانا هسكتلك ان شاء الله.. انت مش هقعد معاك مش عافيه ورجعني لفريد..

ليقول قاسم بمرح.. لا دا فريد هو اللي هيرجعلنا يا قلبي..

لتقطب... هو ايه اللي هيرجعلنا انت بتهبد وخلاص..

ليقترب منها ويمسكها ويضغط على يدها.. لمي لسانك عشان انا ماقبلش كده فاهمه..

لتبعده عنها.... اوعي يا اخي ايدي بقه ايه ده مفتري..لتهتف وايه بقه المحادثات الكونيه اللي كانت بينكو..

لتهتف امها.. ماتهمدي بقه عيب كده..

ليهتف قاسم..... هنروح كلنا نعيش عندي في الفيلا وفريد بيه هينورنا...

لتنظر اليه ليال ببلاهه...ايه ده يعني انت هتجوزني فريد وتاخدنا َمعاك انت عقلك فيه حاجه..

ليضحك فريد بصوت عالي وليغتاظ قاسم.. طب يا جماعه َعلشان هاخد ليال بس كده احاول بس اعدل فيوزها  عشان انا لسه صغير عالجلطه واتجه اليها و صعد بها لفوق وهيا تشده بعيدا عنها.

ليهتف بنبره حازمه... لمي نفسك وقوليلي قوضتك فين.لترتعب منه وتذهب لحجرتها مسرعه ليدخل ويتركها وظل واقفا ينظر اليها وهيا تفرك لتقول ايه بتبصلي كده ليه انت عايز تخوفني وانا مش خايفه بطل بقه تبصلي كده.

ليبتسم ويهز راسه فهيا تقف كالصغيره الخائفه ليهتف.... طب لما انت بتخافي كده بتعملي كده ليه ماتلمي لسانك بقي مبرد وهقطعهولك.

لتهتف ساخطه..... مانت اللي بتستفزني وبتخوفني وانا ماعملتلكش حاجه الله..

ليتنهد بغلب...... والله ماعت عارف اعمل في دماغك ايه عشان تعبت..ميفو السلطان 

لتهتف ساخطه...... طالما تعبت طلقني وارتاح.

ليقترب منها ويشدها اليه عارفه لو الكلمه دي طلعت من بقك والله لاكون متجوزك ولا معبرك وجايب منك اورطه عيال.. فاهدي علي نفسك وخليني ساكت بالولعه اللي فيا ومستحمل غباوتك يا رب الناس بتكبر وتعقل وانا سيبتك هبله ورجعت لقيتك اهبل..

لتصر*خ...... وتسيبني ليه عملتلك ايه.

ليقول.. استغفر الله يا رب.. يا بنتي اغنيهالك اعزفها عالربابه ادخلها ام دماغك ازاي.

لتنزل دموعها.... طب انا موجوعه ومش عايزه اعرفك مش عافيه هيا انت تبعد براحتك وتقرب براحتك.

ليقترب ويحتضنها..... عارف انك موجوعه بس اعمل ايه قولي وانا هعمل والله. 

لتقول بهمس.... تطلقني وترجع تسالني اوافق والا ماوافقش انا مش عيله تحطوني وتشيلوني.

ليرفع وجهها...... والنبي يا قلبي انت مستوعبه كلامك انت بقيتي هبله ليه كده والله ماحد يقول كده.

لتبعده....... برضه برضه مفيش فيك فايده.. كل شويه هبله طب انا بقه هبله وان كان عجبك وهطلعه عليك. اخليك انت اللي تطلقني.

ليقترب منها ويهتف بمرح.. طب ماتديني فكره كده هتخليني ازاي.. يا بت اعقلي بدل ماهجم عليكي ونتفضح في وسط الخلق.

لتبتعد.. ايه ده.. انت ايه بقله ادبك دي ماتحترم نفسك.

ليقترب منها وهيا تبتعد.. ليلصقها في الحائط.. عارفه عيبك انك ماعتيش عارفه انا بقيت ايه وانا عارف انت ايه كويس فخايف والله لو دوست تخافي وتفرفري يا بت انا ماعتش قاسم بتاع زمان.

لتهتف بهمس.... وانا مالي بيك زمان والا دلوقتي لنفسك وابعد كده بقه.

ليرفع وجهها وقلبها يرجف..... يا قلبي ماهتاخديش في ايدي دقيقه وربنا بس انا صابر ومستني تاخدي وقتك بس ليا اخر.. ليقترب منها ويحتضنها بشده لترتعد ليمسد علي جسدها.. اهدي وحسي بيا اهدي وسيبي نفسك انت جواكي صراع بيموتك وانا جوايا شياط هيخلص عليا.. كان يحتضنها بشده وبدأ يمسك وجهها وينظر اليها وهيا مستسلمه.. ليهتف طب اعمل ايه الوقت دا ايه الغلب ده البت سورقت من غير ماعمل حاجه لينحني عليها ويهيم بها وينهل من رحيق شفتيها لفتره وهيا مغيبه تماما ظلا هكذا لفتره واحس انها بدات ترتخي ولا تعرف ان تقف من اساسه ليهدى من روعه  ويشدها اليه يحتضنها وينهج بشده.. والله تعبت.. ظل يقبل راسها ويداعب جسدها.. ليال يا قلبي انت نمتي.. يا غلبك يا قاسم ليال يا عمري انا خلاص علي اخري بطلي سخسخه هموت والمصحف.. ليبعدها عنه كان وجهها محمر وشفتاها ورديتان كانت تشع حراره ليحتضنها مره اخري... صبرني يا رب. ليذهب الي السرير  اقلك انا هريح شويه دماغي هتتفرتك وقلبي هيقف خلصتو عليا كلكو ليجلسها وانت فوقي براحتك عشان انا علي تكه اصحي الاقي الدنيا جاهزه واستلقي عالسرير وبدا يغمض عينيه..

لتفيق بعد برهه وتشعر بالخجل الشديد ... انت هتنام انت جاي عندنا تنام ايه انت عقلك لسع هو فيه ايه..

ليهتف.. طب يلا بقه حضري حاجتك عشان هنمشي والا هقوم ونقلبها صباحيه مباركه

لتخبطه بالمخده... دا بعدك والله مايحصل.. 

ليهتف بتحذير.. هسششسششش انزلي من سكات واخلصي واخبرها ما قرره مع فريد..

لتنظر اليه ببلاهه.. وفريد وافق.

ليقوم وهو مغمض وهيرفض ليه ابوكي وامك وجايين معانا..

لتصر*خ.... وانا بقه ايه قرطاس جوافا اتحط واتاخد شوف بقلك ايه..

لتجده يفك ازرار قميصه ويقوم بخمول من عالسرير لتفتح عينها...... ايه ده انت بتعمل ايه..

ليهتف... لا اصل خلاص انا جبت اخري وانت مش عتقاني وانا مديكي فرصتك وقلت اخدك الفيلا تهبدي براحتك بس باين مش محوق  فيا تنزلي من سكات وتنجزي يا هقلبها حالا صباحيه مباركه يا قلبي وانا هموت والله كان قد خلع قميصه واقترب منها.

لتفزع وترتبك وتهرب.. بس بس انت قليل الادب كده ليه انا نازله اهوه... ايه ده ماشفتش كده.. ليرجع الي السرير.. تنجزي وتصحيني فاهمه.. يوم اتنين ونخلص ونمشي من هنا يكون الامور اتدبرت وخلصتو حالكو .. لتدبدب في الارض وتقترب منه وتاخذ المخده وتخبطه بيها لتهتف اتخمد اتخمد اوامر وخلاص ليمد يدها ويشدها ويقلبها لتشهق وترتعب.. ايه ايه هتعمل ايه لا والنبي يا قسومي انا خايفه عيب عيب انت مؤدب ..

ليضحك ويهتف.. والله ماعندي حاليا ريحه الادب  وهموت عليه.

لترتجف اوعي بقه عيب.

ليهمس تعبت هتهمدي والا يمين بالله ماهعتقك.. لترجف.. ليهتف اترعشي كمان يا بت انا مش قاسم بتاع زمان..

لتهمس.. طب خلاص اوعي بقه بلا قاسم بلا بتاع مابتهددش انا.

ليضحك برضه مفيش فايده انا متفرهد خلقه بس ورحمه ابويا لاهفرهد ابوكي عشان تهمدي  ويلا بقه.. لترتعب وتضع يدها علي شفتيها ليضحك ليهمس بالقرب منها يعني كده بتحوشيني يعني..ليتلمس يدها لتهمس بس بقي..

ليهتف مش قادر هفطس حرام عليكي ارحميني انا لحم ودم.

لتهمس.. طب خلاص اوعي بقه

ليبتسم وهو يتلمسها.. هتبقي مؤدبه.. لتهز راسها بسرعها ليشد يدها وينهال عليها يتوه فيها ليحس بقلبه سينخلع ليبتعد حتي لا يهجم عليها لتهب هيا مشتعله وترحل لتنفذ ما طلبه ليظل نائما علي ضهره.. ليبتسم ويتنهد.. لا والله كتير كتير ليتنهد  لسه عندي معمعه لسه ٠ انا ماتخلقتش الا عشان تمرمطوني. هرتاح امتي ماعرفش..   ليتنهد ويقول.. والله انا هيطلع روحي  علي ما اطول البت دي يا رب صبرني علي هطل حبيبي... ونام متعبا وهو يدعو بصلاح الحال..

تعليقاتكو فيييين فييين.... الصبر عالفانز عباده 😁😁😁😁😁الصفحه تستغيث ومارك هيطرها ونقعد نبيع سبح 😀😀😀

  •تابع الفصل التالي "رواية قتلني ورحل" اضغط على اسم الرواية