رواية تيمو الفصل الثالث و لثلاثون 33 - بقلم ولاء فتحي
( 33)
سيد: شريف انا مش لاقي تميم خالص خرج وتليفونه مغلق
شريف : ازاي كدا ومفروض ان في اجتماعات ومحضرهاش عمرها محصلت
سيد: انا كدا بدات اقلق كلمت اصدقاء ليا يدورو عليه خصوصا انه رجع يخرج من غير عربيته
شريف : سيد انت بتقول ايه
انا هكلم وزير الداخليه
سيد: احنا محتاجين الموضوع في سريه علشان اسهم الشركة
شريف : تتحرق الشركة لو مظهرش للصبح هطلع علي وزارة الداخليه رتب نفسك علي كدا
سيد نظر الي شريف الذي يقف كطفل تاه من اهله يبحث عن امانه ونفسه يعلو ويهبط بسرعه شديده من الغضب حتي ان تليفونه لم يهدا وهو لم يشعر به اقترب منه وربط علي كتفه وهو يطمنه
سيد : متخافش انا لو اخر نفس ليا مش هسيب تميم هو كبينا كلنا ومنساش وقفته جنبي ابدا والشركة بتاعتي الي وثق فيها ومسكها حراسه شركاته وشركات اصحابه
تميم عمل خير كتير لناس كتير عارف رائف
هو ممدش ايده عليه خلاها يشتغل بايده من اول مسح المكان لغاية الشغل نفسه يشيل ويرتب وعمله يوميه زيه زي اي عامل شهر كامل لما اتعلم كتير تعرف كمان بعدها مسابوش وتابعه لما بدا يقف علي رجليه
تعرف عربيته البورش هو اشتراها منه من غير ما يعرف بضعف تمنها علشان يكون معاه مبلغ محترم ينفع يبدا بيه
متفتكرش اني مش عارف كل واحد جنبه هو بيعمل ايه علشانه من اول واقل واصغر عامل لعيلته كلها
شريف بكي بحرقه وهو يصرخ انا موجوع يا سيد تميم دا هو عمود الخيمة في العيله هو الي لامم العيله حتي جدي ميعرفش يعمل الي تميم بيعمله جدي عصبي وصعب تميم جد بس حنين
سيد: ارتاح يا شريف وانا مش هسكت
شريف : اروح اقولهم فين اخويا يا سيد انا مش همشي
سيد : خلاص تعالي معايا البيت وحتي نقدر نركز بهدوء
.........................
الباشا: متمسوش شعره منه عاوزة عايش محتاج صوته وبصمته كل حسباته الشخصيه بصوته وبصمته وبصمه عينه
المجهول : امرك يا باشا بس هيفوق مش هيسكت
الباشا: غبي لما الباشا يعمل حاجة اكيد عامل حسابها ومرتبها
المجهول : طيب يا باشا فهمني لا مئاخذا
الباشا : احنا ببساطة هتديله جرعات صغيره وتزودها حاجة ب حاجة وانت عارف الباقي كدا بقي هنسيطر عليه
المجهول صحيح ليهم حق يسموك الباشا
الباشا : يلا وعنيكم عليه دا واضح اننا كنا اغبيا لما بصينا علي البت طلعت سمكة صغيره جنب الحوت ومش اي حوت دا حوت كبير مستخبي ورا هبل
المجهول : اوامر تانيه يا باشا
الباشا وهو بيشعل السيجار بتاعه
سرب معلومات عن خطفه عاوز اسهمه تتهز عاوز لما اخد فلوسه تكون امبراطوريه شومان بتقع واشتريها برخص التراب
...................................
في الصباح
استيقظ كل من في الفيلا علي صوت صراخها باسمه وكان قلبها هو الذي يتمزق وهي تصرخ من شدة لالم
وتنادي عليه كل نفس يخرج منها وهي ترتجف من الخوف تميم انا موافقه والله وبابا موافق تميم
دخل عليها والدها ل يجدها في حالة انهيار تام يتصل بالمستشفي ليحضر صديقه للكشف عليها وهو لا يفهو ولا يعي من كلماتها اي شئ
وامسك تليفونه ل يتصل ب تميم عسي ان يعي ما يحدث لكنه مغلق
ياي الطبيب يخرج معلن انهيارها التام
يجلس الاب حزين جدا غير مستوعب ما يحدث ل وحيدته
ينظر اليها نائمة من اثر المهدئ وعيناها ترف الدموع في صمت وشهقاتها تعلو وشفايفها ترتسم عليها اسمه تنادي عليه من اعماق قلبها
كل هذا وهو لا يعي ما يحدث
الي ان حضرتك ملك والدموع علي وجهها
ملك: اونكل هي مايا فين
علاء : مايا تعبانه اوي يا ملك
ملك وهي تبكي يبقي اكيد عرفت الي حصل الخبر علي الانترنت منتشر
علاء : خبر ايه
ملك: تميم اتخطف وبيهددو بقتله
علاء : ايه ازاي امتي
ملك: فتحت له الخبر ليقراه وهي تبكي
علاء : اتاكدتي من شريف
ملك : شريف مش بيرد واكيد منهار تميم هو سندهم كلهم
علاء : هاتي رقمه بسرعه
كتب الرقم وهو يجري اتصالاته به دون جدوي
ملك: اونكل ممكن تكلم سيد
علاء : سيد مين
ملك : دا صاحب الشركة المسؤله عن الحراسه بتاعتهم
علاء: واشمعني
ملك: الناس دي كلهم عيله واحده حتي الي بيشتغلو معاهم كلهم سند ل بعض
واخرجت له رقم سيد
علاء : طيب ادخلي انتي ل مايا
ملك : انا عاوزة اطمن يا انوكل واطمن علي شريف
............................
باسل : انت فين يا شريف
شريف : انا بايت في بيت سيدباسل : الخبر المنشور دا صحيح
تميم اتخطف وبيهددو بيه
شريف : ايه خبر ايه وفين محدش هدد
باسل افتح الانترنت
شريف : طيب اقفل وهتصل بيك
باسل : لاء انا في طريقي للشركة وهستناكم هناك علشان نشوف هنعمل ايه
شريف : هشوف سيد فين وهنيجي لك هو طول اليل بيشتغل علي الموضوع
باسل : حصل امتي
شريف : من امبارح الصبح
باسل : وانا مش اخوك الكبير تبلغني ولا تميم يخصك لوحدك يا شريف
زمان خالتو وميسون منهارين
شريف : احنا لازم ننزل تكديب للخبر فورا
باسل : قابلني في الشركة
...................................
رائف : خالي هو اختفاء تميم شومان ليك يد فيه
رامي : ايه ليه ما انت قولتلي اني معملش كدا يا ابن اختي
رائف بخبث : افتكرتك اذكي من كدا يا خالي انا كنت في المكتب وطبيعي متراقب انما انا حاليا بره
افتكرته تحت ايدك كنت عاوز اجي بنفسي اشفي غليلي فيه
رامي : انت متاكد
رائف : طبعا دا ذلني وطلع روحي ومرمني وطردني
رامي بتفكيير : انا برضه قولت ان مستحيل رائف يرضي بالذل
عموما انا هتصرف
رائف : لا يا خالي انا الي هاخد حقي واذله بنفسي
ارجوك يا خالي عاوز اشوف الذل بنفسي في عينه
رامي : وهتيجي ازاي
رائف : بسيطه انا عندي مناقصه في مصر اخر الاسبوع ممكن اجي بكره او بعده بشرط محدش يقرب منه غيري
رامي : هو مش عندي بس متقلقش تحت ايدي
رائف : لاء يا خالي انقله فيلتي الي في المريوطيه
رامي : انا سايبه عند الباشا
رائف : الباشا غبي ورجالته اغبيا انقله يا خالي لان الباشا سرب خطفه وهو مش عارف ان مش بس هيقلب البلد دا هيقلب علينا المخابرات لان في دول لها مصالح معاه
رامي : ايه لاء تحكيلي
رائف : مش وقته يا خالي انا لازم اجيب موبايل وخط جديد وهسيب دا هنا علشان المراقبة وساعتها هحكيلك
رامي : برافو عليك مش بيعدي عليك حاجة
رائف : تربيتك يا روماني
رامي : وفاكر اسم الشقاوزة ايوه كدا انت تربيتي فعلا وانا الي افتكرتك توبت بس يموت ايه
رائف : الزمار يا روماني وصوابعه بتخطف
معاك مفاتيح الفيلا ووديه هناك ومش عاوز مخلوق يعرف مكانه وانا هكلم فتوح يجيلك علي هناك
رامي :ك ماشي يا برنس وهنرجع الشقاوة
رائف : بس بهدوء مش عاوزين نتكشف
.....................................
في الشركة قاعد باسل وشريف وسيد بيحاولو يوصلو اخر مكان كان فيه تميم فين وممكن يراجعو كاميرات ايه
دخل عليهم علاء والد مايا مع والد ملك
ليجتمع الجميع ولكن المفاجأه كانت
- يتبع الفصل التالي اضغط على (رواية تيمو) اسم الرواية