رواية تيمو الفصل السادس و الثلاثون 36 - بقلم ولاء فتحي
(36)
في يوم حدث مالم يتوقعه احد
كان شريف يجلس فيغرفة الاجتماعات ومعه ملك ورولا ينهي بعض الاعمال
شريف : كدا الحمد لله لحقنا الدنيا
ملك: لا كمان المؤشرات بقت افضل والاسهم رجعت ترتفع صحيح ارتفاع مش كبير بس افضل من الفترة الي فاتت
رولا : بصراحة ملك شاطرة اوي
ملك : لاء يا رولا الشغل معاكي ممتع
رولا ومش هننسي دكتورة مايا بالرغم مشاغلها مسابتناش
ملك: تخيل اونكل مبيدخلش البيت وسايب كل الشغل علي رولا ومركز في موضوع تميم هو وبابي
ولما نكلمه يقول وعدت نط سعاد انه مش هيدخل بيته من غيره
شريف : امتي بقي تميم يرجع بجد الشركة والفيلا والحياه من غيره ملهاش طعم
ليجد من يقف امامه
والدنيا من غيرك ملهاش طعم يا شيرو
ينظر الجميع علي الواقف امامهم
شريف بذهول : تميم حبيبي ويجري عليه يحتضنه انت رجعت انت كويس انت معايا
تميم : بالراحة يا ابني ملك تغيير
ملك: حمد لله علي السلامه يا تميم
رولا : بشمهندس تميم نورت مكانك
شريف : نورت الدنيا احكيلي كنت فين وجيت امتي وايه حصل
تميم : مش مهم المهم اني سايب ورايا رجاله انا عرفت كل الي عملتوه
لتدخل ومعاها اوراق تنظر فيها وهي تتحدث وهي في قمة تركيزها دون ان ترفع عينيها من الاوراق
مايا : شريف ملك . انا كنت في شركة البترول بخلص شغل شركتي هناك وقولت اخد اخر عقود ليكم واسفه اني تدخلت بس لقيت موظف بتاعكم هناك قولت اشوف البنود والتفاصيل عامله ايه وراجعت التعاقدات وعاوزاك تبص معايا في كام نقطه عاوزاك فيها لانهم محتاجين تعديل
والجميع ينظر اليها في صمت ويكادو ينفجرو من الضحك
وهناك يقف ذلك المشتاق لها ينتظر بشوق وحنين ينتظر ان تشرق الشمس عندما ترفع عينيها وتنظر له
ينتظهر ان يتحول العالم الي ربيع ينتظر ان يري صورته في عينيها
ياااه انها تهتم لشؤنه وتخاف عليه في غيابه
رائعه كما هي . اميرة كما تركها
مايا : انتو سااااا
ياااه انه هو طلته الساحرة كم اشتاقت اليه كم كانت تتمني ان تلمسه بيديها خوفا ان يكون سراب
ولكن هل هناك سراب بهذه النظرات الحاني المحبة المشتاقة
هل هناك سراب بهذا الوضوح
هل هناك سراب يجعل قلبها ينتفض بين ضلوعها كانه فيضان في ارض عطشي
كانه موج يضرب شواطئ البحار
كانه مطر يروي عطش الزهور لتنبت وتذدهر
وتغلق الملف وتلقي به علي اقرب كرسي بجوارها
وقفت تتامله في صمت تام دون ان تشعر بوجود احد غيره
وتنظر اليه وينظر هو الاخر في صمت دون ان ينطق اي منهم بكلمة
كان الكلمات قد خانتهما وفرت هاربه وكان الوقت قد توقف وكان لا صوت يعلو علي صوت دقات قلوبهم
فقط انها لغة العيون التي ليس لها قاموس نتعلمه لغة العيون التي تنفذ الي الاعماق لغة تحس ولا تكتب
وبعد قليل من الوقت
همس لها كنتي بتقولي حاجة\اغمضت عينيها كانها تفيق
مايا : حمدا لله علي السلامه جيت امتي
تميم : بليل رجعت بليل وحظي حلو انك هنا
شريف بمرح : لاء دا انت متعرفش بقي اوضه الاجتماعات دي كانت ورشه عمل
ليتنهد تميم وكان صوت شريف ازعجه فاذنه لا ترغب الي في سماع موسيقي نغمات صوتها فقط
تميم : عرفت ك حاجة يا شريف
رولا : طيب انا هجع مكتبي
تميم : رولا اقعدي اتفضلو اقعدو كلكم
جلس الجميع ولكنه كان لا يري سواها
وبسرعه ملك : طيب احنا كدا بقي وصلنا ل نتيجه كويسه نقدر نرجع شركتنا
تميم : لاء خليكم اعتقد مايا كانت عاوزة تقول حاجة
مايا : اه الملف هو فين وذهبت لتحضره فورا
مبدئيا كدا العقد دا بتاع البترول متقدم وتحت الدراسه بس انا لقيت البند دا لازم ارفاق الرسومات المحدده معاه لان كدا بنفتح باب ممكن يوقع الشركة في تكاليف ذيادة
والبند دا شرط جزائي علي الشركه لازم قصاده شرط علي ان يسقط الشرط الجزائي في حالة ان التاخير في تسليم مستحقات الشركة
تميم : احنا هنعمل جدول بكل جزء من الشغل بنسبة مستحقاته بس ممكن تديني العقد
ونظر الي شريف هو مين راجع العقد دا
شريف : دا عقد مبدئي علشان الوقت كان ضيق بس في عقود جديده بتتجهز بناءا علي اخر اجتماع معاهم
وعندنا اجتماع معاهم اخر الاسبوع للتوقيع واستيفاء الاوراق لسه كنت بكلم الشئون الهندسيه
ونظر له تميم : القرية السياحية الخاصة بشركة النوبي وصلتو فيها ل فين
هنا تحدثت مايا : انا طلبت وقف الاعمال مؤقتا فيها وضع الشركة كان في خطر وكان في حد بيلعب علي اسمها
شريف: في تعاقدات وقفناها مؤقتا يا تميم لان كان في مشاكل كتير بتحصل وكان لازم نوقفها
تميم : والشروط الجزائيه
رولا : مستر تميم احنا لسه كنا بنتكلم اننا هنكثف فيهم الشغل علشان يتضاعف ويتم تسليم المشروعات في مواعيدها بس حقيقي كان في فروع معرضه للانهيار او بمعني اصح كان في حد شايف ان من مصلحته اسعار الشركات تنزل
شريف : احنا عملنا حبة تطهير في الشركات لان في معلومات اتسربت وكمان نفينا خبر اختفاءك واعلنا انه في مفاجأه قريب
بصراحة مش عارف ايه المفاجأه بس كان لازم نعمل كدا وملهم ضبط فيديو ليك نشرناه عن لسانك ان كل دي اشاعات
بس انت كنت فين
تميم : بعدين يا شريف بعدين وكل واحد هيتحاسب اوي كمان
شريف : انت شوفت خالتي
رولا طيب استاذن انا علي شغلي
تميم : اتفضلي يا رولا
تميم : اه طبعا اول ما رجعت روحت غيرت وروحت لها علطول عند بيلا هي وميسون و انا هنا من بليل
شريف : وهتعمل ايه
ملك ومايا : طيب احنا كدا نقدر نمشي ونسيبكم علي راحتكم
شريف : تمشي فين يا زوجتي العزيزه انا اخدت خلاص علي وجودك معايا
مايا : خلاص يا ملك خليكي انتي وانا لازم ارجع الشركة وحمدلله علي السلامه يا تميم
تميم : تمشي فين انا كنت هاجيلك عاوزك
شريف : كدا تعالي نخلص شغلنا يا ملك
تميم : لاء خليكم انا هاخد مايا مكتبي لو معندهاش مانع
مايا : تمام مفيش مشكله
دخل مكتبه كل الموظفين في حاله من العمل ينظرون له وسعداء من وجوده
تميم : انا اولا اشكركم علي وقفتكم مع شريف
في اي وضع عادي شريف قدها بس واضح ان في حد متعمد لاثارة بلبله
مايا : دا واجب علي ملك تقف مع زوجها وانا معاها دي اختي
تميم : يعني مش علشان تقفي مع زوج المستقبل
مايا : باحراج انا شايفه انك محتاج تراجع علي الشغل وانا لازم امشي
تميم : انا اتفقت مع والدك اننا نزوركم في البيت لو مندكيش مانع
مايا : بابا انت شوفته فين
تميم : بعدين هتعرفي بس انا عاوز اعرف هل عندك مانع نزوركم ولا ايه
مايا : الي بابا يشوفه
تميم : مايا انا عاوز ردك انتي تقبلي تكملي حياتك معايا مع العلم ان حياتي مش سهله
مايا : نظرت له بعمق وقالت له وانا شايفه ان مفيش حياه سهله بس انا مش عارفه ازاي هقدر اسيب بابا لوحده ملوش غيري بمعني الكلمه ودا الي بيخليني مش قادرة ارد عليك
تميم : يعني
مايا : يعني مش عارفه
تميم : رفضاني
مايا : بالعكس انا مقولتش كدا ابدا بالعكس انا قصدي بص
ردي هيوصل مع بابا عن اذتك انت وراك شغل وانا ورايا شغل وهنتظرك بكره
تميم : مينفعش انهارده
مايا : اكيد محتاج ترتاح
تميم : نظر في عينيها بعمق وهو يرد علشان ارتاح بقولك نخليها انهارده الساعه 7 مناسب
مايا : ابتسمت وامات براسها بنعم وانصرفت
خرجت فاغمض عينيه كانه يحتفظ بصورتها بداخله
وهي انصرفت وابتسامتها تزهر في ربيع الحياه
انه العشق يا ساده فهي تعترف انها احبته من زمن ربما احبيه من قبل العالم من قبل الوجود من قبل ان تلتقي به احبته كما هو باي شكل باي صوره
.......................
علاء : حمدا لله علي سلامه تميم يا سعاد
سعاد: صباح الخير الله يسلمك يا علاء عرفت منين
علاء : دا موضوع كبير
سعاد : انا كنت بموت في بعده تميم دا ابن عمري
علاء: ربنا يخليكم ل بعض انا بس حبيت اصبح عليكي واطمن علي صحتك
سعاد : الحمد لله خفيت وبقيت تمام
علاء: الحمد لله اشوفك قريب علي خير ان شاء الله
سعاد : شكرا ليك يا علاء جدا
علاء: تميم زي ابني
.........................
نسمه : مامي انا عاوزة اشوف بابي
ليلي : لما يرجع من السفر يا روحي نشوفه
نسمه : طيب عاوزة اشوف كارك والعب معاه
ليلي : اسمه عمو كارم
نسمه : لاء هو قالي اني صحبته واني نسمه وهو كارم وعاوزاه علشان بيرسمني وبيعلمني ارسم حلو حتي شوفي رسمت بابي تميم ازاي
ليلي : طيب لو خلصتي الواجب هوديكي يوم السبت ليه
نسمه : انا بحبه اوي وبحب عمو التاني الي بيجيب لي شيكولاته الي هيتجوز ميسون
ليلي : هههههه دكتور باسل وعرفتي الجواز منين
نسمه : انا بقيت كبيره وهو قالي اني هيعمل حفله كبيره وعاوزني البس فستان زي فستان ميسون
ليلي : ههههههههه يعني الشغل عندي نساكي الدنيا
نسمه : اصل بابا تميم مشغول من زمان ونسي يخرجني فحبيت العب مع حد وكارم بيلعب معايا وعمو باسل
ليلي : انتي عارفه دا يبقي اخو عمو شريف
نسمه : الله بجد بس هو طيب اكتر شريف شرير حبه نونو
ليلي : طيب يلا نخلص الواجب علشان عندي شغل
نسمه : انا مبسوطه انك بتشتغلي لانك بقيتي مبسوطه
ليلي : يعني مش زعلانه اني بسيبك حبه
نسمه : لاء يا ماما انا بحبك مبسوطه وكمان بقعد ما تيتا شيما
ليلي : ربنا يخليكي ليا وضمتها لحضنها بقوة
......................
يعني ايه اختفي انت بتهزر دي هيضيع فيها رقاب
- يتبع الفصل التالي اضغط على (رواية تيمو) اسم الرواية