رواية تيمو الفصل السابع و الثلاثون 37 - بقلم ولاء فتحي
(37)
في اليوم التالي
يعني ايه اختفي انت بتهزر دي هيضيع فيها رقاب
الامن : والله يا دكتور كان في الجنينه تحت و فجأه ملقنهوش
الطبيب : اقول ايه انا يعني مريض اكتئاب حاد وبيحاول ينتحر اختفي انتو كلكم هتروحو في داهيه دا تبع الاونر نفسهم
الامن : احنا بنعمل الي علينا يا دكتور وبندور
في مكان ما يجلس كارم يرتدي حلته الرسميه وينتظر ان تاتي تلك الصغيره ل يرسمها كما وعدها
ولتاتي ليلي ومعها نسمه ونسمه سعيده جدا جدا بانها ستتعلم الرسم
.....................
في الموعد المحدد يذهب تيمو الي منزل علاء لطلب ايد مايا مصطحبا معه اسرته وهوفي ابهي صورته
وتاتي مايا ترتدي فستان بسيط ولكنه جميل جدا
ويطلب يد تلك الجميله
وبعد قراءه الفاتحه
تجلس الاسره في جو من المرح اخيرا تيمو فك حصار قلبه
وهنا يلاحظ تميم نظرات خفيه بين والدته وسعاد ولكنه لا تعليق
مايا : برضه انت محكتش ايه حصل يا تميم
علاء : دا وقته برضه يا مايا
تميم : الي حابب اقوله البركه في عمي هو ساعدنا كتير وقريب اوي هتشوفي في الاخبار الي حصل
ميسون : الله قصه بوليسيه اموت في السسبنس
باسل : بس كدا انا كل يوم هخطفك واعيشك احلي ساسبنس
ميسون : بجد يا بسولتي
باسل : بجد يا عيون باسولتك
شيما : يا دي النيله ما بيصدقو تسبيل وتلزيق
بيلا : اهو تميم رجع اهو نحدد معاد الفرح ونلمهم في بيت بقي بدل الفضايح دي
شريف : وانا يا جماعه نفسي التلم بقي ولا ايه يا ملك
ملك: يالهوي هو انت مش ملموم يا شريف
شريف : ملموم علي شله صيع عاوز اتوب منهم واتلم انا وانتي
يضحك الجميع
وهناك نظرات عشق في جانب اخر دون اي افصاح او حديث ولكنه حديث متواصل في صمت يفضي كل منهم للاخر عن سعادته واحساسه بالاخر
ليقطعه
سعاد: طيب احنا بقي عاوزه اقول انك هتنوري الفيلا عندنا يا مايا
ولو عاوزة فيلا خاصه بيكي احنا مفيش مشكله خالص
بس كدا كدا ميسون هتتجوز والفيلا هتكون فاضيه
مايا : والله يا طنط انا مشغولة علي بابي ازاي هيكون لوحده
علاء : لاء متقلقيش عليا المهم سعادتك يا حبيبة وقلب بابي
تميم: لاء انا كدا اغير بقي من حضرتك
علاء: تغيير مني انا الراجل العجوز علي قمري دي
مايا :لا طبعا يا بابي انت قمر ودمك خفيف واحلي بابي في العالم
سعاد: احنا تحت امركم بقي بخصوص اي تعديلات مايا عاوزاها
ومن بكره في مهندسين ديكور هيكونو معاكي لاي تعديل انتي حباه
علاء: والله الحاجات دي بقي تخصهم ولا ايه يا جماعه
بيلا: خلاص الخميس كتب الكتاب ولا ايه يا مايا
مايا ك الي بابي يشوفه
علاء: خلاص اتفقنا بس تكون حفله بسيطه ولا ايه يا تميم
تميم : لاء يا عمي انا هعمل حفله كبيره جدا بالمناسبة دي وبمناسبه الشراكة الي هتكون بينا طبعا
وكمان لو ضرتك قلقان من العصابه خلاص 24 ساعه وكل حاجة هتنتهي الي ساعدنا هنقف جنبه والي حاول يضرنا هنمسحه من الدنيا
علاء: متشغلش بالك انت بالموضوع دا انت جهز للحفله وسيب الباقي عليا دلوقتي اعتبرني والدك ولا ايه يا جماعه
تميم : يشرفني طبعا
.........................
ليلي: استاذ كارم كدا بقي تقدر ترجع المستشفي انا بلغت دكتور باسل انك معانا علشان الامن ميتعاقبش
كارم: انا بقيت كويس صدقيني نسمه نستني الدنيا وطلتني من حالة الحزن دي
ليلي: الله يكون في عونك
كارم: انتو ساعدتوني بجد كتير
وعاوز اقولك تقبلي تكملي معايا حياتك
ليلي: ايه انا مفكرتش بعد المرحوم ابدا في اي ارتباط
كارم: ليلي مش هقول انا بحبك هكون بخدعك وعارف ان صعب تتقلبي الفكره حاليا بس ارجوكي فكري
نسمه محتاجة اب وانتي محتاجة سند وانا محتاج اسره نقدر نكمل بعض
كل واحد فينا محتاج التاني
ليلي : دي بقت صفقه مش جواز وانا
كارم مقاطعا : احنا احتياجنا معنوي مفيش صفقه بالعكس انا شايف اننا هنكون اسره ناجحة بس قبل اي حاجة عاوز اقولك اني فعلا مشدود ليكي وبهدوءك وطريقتك جدعه محترمه واضحة متدينه يعني ست يحلم بيها اي شاب ولو معترضه عليا انا هنسحب فورا
ليلي: حضرتك انسان محترم وكويس ونسمه حبتك بس انا الموضوع كله مكنتش بفكر فيه كنت عايشه علي ذكري زوجي الله يرحمه
كارم: صدقيني الحياه صعبه ومحتاجه نتشارك ونتسند ونقف جنب بعض علشان نكمل احنا اتزوجنا عن حب قبل كدا خلينا نجرب نتزوج بالعقل وخصوصا لو في بدايه مشاعر واوعدك هكون اب ل نسمه
ليلي : ممكن تسيبلي فرصه افكر بس من فضلك بدون ضغوط
كارم: ممكن تفكيرك دا مياثرش علي علاقتي ب نسمه
ليلي : حاضر تمام بس دلوقتي ممكن ترجع تكمل علاجك
كارم: لو اني بقيت كويس بس حاضر
.....................................
ملك :انت ايه جابك الشركه هنا
رائف :للسكرتيره ممكن تبلغي علاء بيه اني موجود
ملك: يا بجاحتك بجد انت ليك عين
رائف : انسه ملك من فضلك انا عندي موعد مع علاء بيه لو سمحتي مش عاوز شوشره
علاء: اهلا رائف تعالي اتفضل
ملك: اونكل هو في ايه . مايا لو شافت الانسان دا
علاء : ملوكه ثقي فيا عن اذنك
...........................
سيد: تميم شريف كويس انكم هنا الموضوع مهم جدا ومش هيتاجل اكتر من كدا
- يتبع الفصل التالي اضغط على (رواية تيمو) اسم الرواية