رواية الوجه الاخر للحلال الفصل الثامن والثلاثون 38
البارت الثامن والثلاثون...
كان ايوب يتبع الورود والشموع ليصعد الي سقف البيت ليجد زوجته تلبس فستانا ابيض قصير عليه ورود وذو حَماله رفيعه وفوقه ملسا كانت كالملاك ليبتلع ريقه ويتسمر مكانه.. لتهمس هيا.. ايه مش عايز تجرب... لتتنهد وتقترب منه.. اجرب اني يا جلب عطر. ايه ساكت ليه.. لتضع يدها حول رقبته لتهمس انهارده هجول لحبيبي حجك عليا انهارده هجوله انت سيد الناس راجلي وتاج راسي والله راجلي ودنيتي لتهمس عايزه اكون ليك وبس عايزه اغمض وافتح عليك وبس.
ليتنهد ويهمس..... عطر..
لتشدد عليه عيون َجلب عطر..
ليتلفت حوله ويهمس...... بلاش اهنه حد يوعالك اكده.
لتتنهد ليقترب ويحملها وينزل بها ويذهب وينزلها بهدوء لتاخذ يده لتمسك يده تتلمسها بحنان وتهتف عارفه انك زعلان واني جرحتك عارفه ان جلبك ماتحملش الجوله اللي جولتها بس اني بجولك والله لو جابولي رجاله الدنيا ما فيه غيرك ولا هشوف غيرك دانت جلبي اللي هموت عليه.. حبيتك بالجوي والله ولما جولت مش رايد روحي انجهرت بس فضلت احبك َماحسيتش اني بحبك جوي غير لما جولتلي ان فيه حد تاني ساعتها جتتي حرجتني انك كت مع حد غيري ساعتها جلبي انهري من حبي ليك والله بعشجك يا ايوب عشج وبالله عليك ماتبعد شوف ايه يرضيك وانا هكون كيف مانت عايز بس ماتبعدش لتمسك وجهه اني عشجانه وما ليش حيل فيا غير اني اعشجك والله عشجاك يا جلبي ونفسي تسامحني علي الكلمتين اللي جولتهم لتنظر اليه وتسيل دموعها ما جدراش غير اني اكون ليك وبس وتكون ليا اصحك تبعد عني اموت وانحصر. والله انحصر دانت اللي انخلجت عشانه كفايه اكده بالله عليك لتحتضنه وظلت هكذا كان يضع يده حولها وهيا خائفه من ان يصدها لتهمس ماهجدرش ابعد ماهجدرش. ما هجدرش تصدني ايوب بصلي.. لينظر اليها لتهمس اني بعشجك ورايداك راجلي وحبيبي.
ليظل واقفا متخبطا ما بين عشقه وعنفوانه الصعيدي ليبعدها ويستدير كان يريد ان يتحكم في حاله ولكنه لم يستطع فهيا قد نطقت بعشقه ورغم انه يعشقها الا ان عنفوانه الصعيدي يتحكم فيه كان يسيطر علي حاله بصعوبه.. ظل يفكر.. لا يجد ما ينطق به فكل ذلك كثير عليه اراد ان يستدير ويهجم عليها وياخذها في احضانه.. اراد ان يهدا
كانت تلك اللحظات قاتله لها ما ان اعترفت له بعشقها لتجده يقوم ويستدير ويتركها.
لتحس بخنجر يطعنها لتسيل دموعها بقوه لتحاول ان لا تنهار لتهتف.. خلاص يا ايوب ما تجهرش نفسك عشاني خلاص ما هفرضش نفسي عليك واصل خلاص يابن الناس لتنهار بالبكاء لتستدير وتدخل الحجره وتنهار ليقف هو ليستدير مره واحده وهم ان يجري يعيدها اليه ليلهبها عشقا ليسمع رزع علي الباب ليذهب ويفتح الباب ليجد احد الضباط ومعه بعض العساكر ليبهت ويهتف خير يا حضره الضابط.
ليهتف...... مش ده بيت عطر عادل اني رحتلها الدار عند السوالمه جالو اهنه.
ليهتف ايوب ......... مرتي خير.
ليهتف....... طب هاتها عايزنها.
ليهتف.. وعايز مرتي في ايه
ليهتف الضابط...... هاتها وفي الجسم هتعرف..
ليدخل ايوب علي عطر ليجدها تنتحب.. ليبتلع ريقه. ليهتف جومي يا عطر جومي اما نشوف فيه ايه.
لتستدير وتنظر اليه بقهر.
ليهتف البسي وحصليني بره.
لتقوم وتمسح دموعها َلتلبس وتذهب اليه لتجد الضابط والعساكر لتبهت ليتقدم الضابط ويمسكها.
ليقترب ايوب.. يدك.. اني هجبها معاي.
ليهتف الضابط.. ماشي ليخبر العساكر ان ياتو معه لياخذها ويذهب بها.
لتهمس فيه ايه يا ايوب اني ماعملتش حاجه. اني خايفه.
ليهتف.. اطمني هنشوف فيه ايه ليصلا الي القسم.. ليهتف احد الضباط.. انت عطر
لتهتف..... ايوه يا بيه.
ليقول.. طب انت متبلغ فيكي من ابوكي وعامل فيكي بلاغ.
لتشهق.. عامل فيا بلاغ ليه.
ليهتف.. وصل امانه بنص مليون جنيه كتي خدتيه منه ومارجعتهوش.
لترتبك.. اني ما خدتش حاجه ماعرفش حاجه.
ليتذكر ايوب ذلك الشيك ليتنهد ويقترب.. اهدي يا عطر اني هحل كل حاجه.
ليهتف الضابط ..... عموما بكره الصبح هتتعرض عالنيابه وتصطفلو مع بعض.
لتصرخ عطر..... اني هنحبس اني ماعملتش حاجه ايوب اني خايفه.
ليهتف...... اهدي مفيش حاجه بس اهدي.
ليتصل باحد الضباط الذي يعرفهم لياتي علي الفور وياخذ عطر ويقول.. طب يا ايوب اني هاخدها مكتب الضابط المسئول تبات فيه للصبح وفي النيابه تدفع الوصل ونخلصو.
ليهتف.... لاه ماجدرش اسبها اتصرف.
ليهتف.. اعجل اكده مافيش حاجه اكتر من اكده
ليهتف.. طب اجعد معاها طيب ماهنطجش.
ليهتف. يا ابني ما هينفعش هملها والصبح بدري لياخذها العسكري ويضعها في المكتب ليمر الليل بوجعه علي قلوب الحبيبن لياتي الصباح لتتحول للنيابه لياتي والدها ويعرض ايوب عليه ان يعطيه تمن الوصل ويتنازل وبالفعل تم كتابه شيك لابي عطر ويتم التنازل.. ليتم الافراج عن عطر.
ولكن ايوب من غضبه بعد ان انهي المعاملات جعل احد الضباط يبلغون عن عادل في قضيه ضرب عادل لزوجته هدي ليتم القبض عليه قبل ان يخرج من النيابه. لياخذ جزاءه لما فعله بتلك العائله.
خرجت عطر وقد احست ان دنيتها انتهت فحبيبها رفضها وابيها لم يعتبر كونها ابنته من الاساس لتحس انها اصبحت بمفردها في الدنيا لتحس بقهر اكتر لياتي ايوب لياخذها ويرجعها لتنزوي علي نفسها وتحس بخواء في دنيتها وانها فقدت الرغبه في الحياه من اساسه. دخلت عطر البيت وتجمع الجميع ليرحبو بها ويطمئنو عليها لتظل جالسه صامته لا تتكلم وسارحه في دنيتها.
لتهتف والده ايوب.. مالك يا حبيبتي الحمد لله ربنا عداها علي خير ورجعتي بيتك
لتهتف زينه.. الحمد لله ان عندها ايوب يدفعلها كت هتجيب فلوس منين هو فيه اب اكده.
لتهتف نبويه... مالك انت يا زينه بطلي رط.
لتهتف عطر.. ماتسيبيها تجول يا مرت عمي ما هو دي الحجيجه.. الله يسامحه علي جهرتي ومرطه نفسي.
لتهتف نبويه.... بتجولي ايه ولا جهر ولا يحزنون انت اهه في دارك وزينه وولدك مستنيكي.
لتهتف.. ولدي... اه يا مرت عمي حقيقي ولدي مالوش غيري واني ماليش غيره لتقوم وتهتف.. معلهش استاذنكو ممكن اطلع وطلعت من سكات دون ان تنطق لتدخل الحجره وتدخل الحمام لتاخذ حمامها وتخرج َتلبس ملابسها وتذهب الي السرير ليدخل ايوب ليجدها منحنيه ليقترب ويهتف انت منيحه..
لتهمس.... بخير يا واد عمي كتر خيرك لتندس في الفراش وتنكمش وتغطي نفسها..
ليظل واقفا قلبه يؤلمه عليها ليهمس طب اجيبلك وكل.
لتهتف.. لاه كتر خيرك اني هنام واغمضت عينها ونامت بهدوء كان قلبها يأن وجعا فحبيبها رفضها حتي بعد ان عرضت نفسها عليه وابيها نهي علي البقيه الباقيه من داخلها ليقترب ايوب ليجدها قد غطت في نوم عميق ليجلس بجوارها ويتلمسها بحنان كان يريد ان يدخلها بين ضلوعه ويشعر بانها كسرت ليظل يتلمسها ليتنهد ويقوم ويتركها ترتاح.
كانت ساره جالسه مع والده يحي ليقترب يحي ويقبل امه ويقبل زوجته لتنظر اليه شذرا ليقترب ويجلس بجوارها ويلتصق بها.
لتهتف.... ماتبعد ايه ده
لينظر الي امه.. ماتجوليلها يا امه تحن عليا بقه الا انا تعبت.
لتاتي زينه.. ما خبراش رجاله البيت دول تعبانين من مرتتاتهم وبيجرو عليهم وبيتدلعو.
لتهتف نبويه.... ما يتدلعو يا زينه مالك بيهم.
لتهتف زينه بخبث.... لاه.. لو مش رايدين يجولو ويسيبو الرجاله تفرح بغيرهم.
لتنظر اليها ساره بغضب لتهتف.... بتجولي ايه انت هو مين اللي يفرح.
لتضحك زينه.... ايه يا ساره زعلانه ليه مش انت مش رايده يحي والمعدوله اللي فوج مش رايده ايوب.. يبقي خلاص كل راجل يشوف حاله.
لتهب ساره انت ايه ماعندكيش ذوج واجفه جدامي وتجولي اكده عايزه راجلي يروح لحد تاني انت ازاي اكده.
لتنظر الي حماتها لتهتف.... يرضيكي اكده يا مرت عمي لتنظر الي يحي وطبعا انت مبسوط مش اكده يا ابو ديل يا بتاع الستات.
ليبهت ويهتف.. اني نطجت يا جلبي.
لتهتف.... لاه وناجص تنطج كمان اهوه سيبهالك جومي ياختي نجيله عروسه وفرحيه بلا غم لتهب وتصعد الي حجرتها ليقوم يحي ويهتف.. انت ما بتصدجي تحربي علي حد يا شيخه ايه ده حريجه وابور جاز وتركها وصعد ليجد زوجته تدور وتدور ليدخل عليها ليقترب منها لتصرخ جاي ليه هاه اتفجت عالجوازه عشان تجيب عيال وتفرح.
ليتنهد هوا ايه انت اتخبلتي اني نطجت فيه ايه.
لتصرخ.... فيه الهانم العجربه دايره تحرب مالها بيكو عاد انت وايوب مالكو بتسكتولها اكده مبسوطين جوي لتقترب وتخبطه مبسوط انت صوح.
ليقترب ويشدها لتصرخ... بعد عني لتحس فجاه بدوار رهيب لتضع يدها علي راسها ليقترب هو مسرعا.... مالك يا جلبي مالك اكده لتهمس الحجني وتسقط مغشيا عليها ليهب هو ويحملها ويذهب بها الي الفراش ويستدعي الطبيبه لتاتي وتقوم بالكشف عليها وتطلب منها ان تتم اختبارا لتكتشف ما جعلها تحس ان قلبها سيقف فساره كانت حامل بعد سنوات وسنوات من انقطاع الخلف والعديد من العمليات لينزل الله لطفه علي العاشقين لتخبره ساره لتسيل دموعها وتحس بالفرحه الشديده.. لتهتف اني حامل اني حامل مش مصدجه ليقترب يحي وينظر اليها بحب.. ليحتضنها بقوه لتستكين في احضانه وهيا تشعر بسعاده طاغيه واحست ان دنيتها عادت اليها ليقبل راسها ويديها ليهمس.. جلبي هيجف حبيبي هيجبلي عيل حبيبي جواته حته مني.
لتنظر اليه وتسيل دموعها.. انت ماتستاهلش بعد اوعي ده بتاعي اني وبس.
ليضمها ويعتصرها.. لاه اعجلي بقه بلا ابعد بلا اتهبب اني انجهرت كد اكده. دا حبيبي جابلي الفرح كله.
لتنظر اليه بتبرم اه وحياه البت اللي حضنتها ودلوك جاي تجفش فيا عشان هجبلك عيل.
ليضمها ويرفع وجهها.. لاه مش عشان العيل عشان دا حته من حبيبي واني عاشج حبيبي والله عاشجه.
لتتنهد وتهمس.... كداب انت وحش ووجعتني
ليهتف.... كنت راجل سو وعجلت اهوه جدامك اعملي ما بدالك يا جلب يحي دا يوم الهنا انهارده والله جلبي هيجف.
لتتنهد وتصمت ليهمس... طب ايه ما هتفرحيش طيب وتريحي جلبي.
لتهمس.... اني فرحانه بيه والله.
ليهمس.... وزعلانه مني اياك لسه.. طب اراضيكي كيف والله اتعلمت اهه يا بت والله كت اهبل وماكتش هجدر اكمل والله اني واعي لحالي دانت العين والنني دانت جلبي اللي موت عليه.
لتهمس بحنان.. صوح يا يحي والا عشان العيل. لساتي جلبك.
ليهتف...... يعني اجطع حالي دلوك عشان تصدجي يا جلبك يا يحي اللي انهري واندعك.. عيل ايه بس دا حضن حبيبي بالدنيا والله بالدنيا.
لتتنهد وتصمت ليهتف.... طب ايه مش هتبصيلي طيب وعيونك تنور كيف زمان بالله فرحيني وخلي الفرحه تاجي .. لتتنهد وتنظر اليه بحب ليهتف..... يا جلبي اللي هيطج من مكانه اخيرا جلبي بيبصلي اكده عيونه رجعت زي زمان
لتهمس.. بس انت ماتستاهلش.
ليقترب ويتلمس شفتيها.. ايوه والله بس حبيبي طيب وحنين وجمر وشيط جتتي وهموت عليه دلوك.
لتهتف.. بس بس بطل اكده بلا تموت وشيل يدك دي اني ماهتجربليش دلوك.
ليهتف..... عايزاني محصور اياك دا حبيبي رجعلي والهنا دخل جلبي وحبيبي وحشني.
ليقترب ويداعب جسدها.
لتهمس...... بطل اكده الواد اخاف عليه بطل وبعد.
ليهتف..... ماني مش هتشاجي بالجامد والدكتور جالت انك منيحه يبقي سيبيني بقه احب عالهادي دا حبيبي رايج وجمر وعيونه صفت اخيرا..
لتهمس يحي.. ليقول يحي فرفر من جولتك دي
لتهمس.... اني اتوحشتك جوي اني جلبي بيدج. لحبيبي بالجوي.
لينظر اليها بهيام ليهمس..... طب اني اكده جلبي هيخرج من مكانه ليشدها اليه ويهمس وعشجك بيجولك انك جوات جلبه ومتربعه وهتفضلي اكده العمر كله ليشدها ويذوب معها في عشقهما الخاص لتبتسم لهما الحياه ليراضيهم رب العباد باحلي نعمه بعد ان ارتضي هو بامر الله وادرك ان الله يعطي من يشاء ويهب من يشاء ويمنع من يشاء.
******* 🌿 الحمدلله 🌿
استيقظت عطر واحست بالتعب يحل عليها فجاه لتقوم وتنزل الي الاسفل وتحمل ابنها وتظل تداعبه لتظل هكذا طول اليوم لا تنطق ولا تكلم احدا وَوالده ايوب تحاول معها ولكنها صامته لياتي الليل وتتجمع العائله ويعلنون خبر حَمل ساره ليعم الفرح والسرور البيت ليدخل ايوب وعيونه تبحث عن جميلته ليجدها جالسه هادئه محنيه الراس تداعب ابنها بحنان ليقترب لتقوم زينه وتهتف حمدالله عالسلامه يا ود عمي اجبلك تاكل.
ليتنهد ويهتف.. لاه مش دلوك كان ينظر الي عطر الذي لم ترفع راسها ولم تبدي اي بادره كانها لم تسمع شيئا ليحس بالغيظ فهيا كانت تطارده الفتره الماضيه ليذهب ويجلس بجوارها ليمد يدها ويداعب طفله ويلمس يديها لتسحب يدها بهدوء ولا تنطق ولا تنظر اليه كانت هادئه بزياده.
لتهتف نبويه.. ماعادش فاضل الا دراج نشوفلك عروسه جمر اكده يا ولدي زينه.
لتهتف زينه.. بس تجوبوها المره دي بت ناس لا بيخشو اجسام ولا يحزنون.
لتغمض عطر عينها ولا ترفع راسها لتهتف نبويه. وانت مالك نجيبها والا مانجيبهاش انت اللي هتجولي زينه بطلي رط.
لتهتف..... اني جولت حاجه بجول يحرس الحج عليا بدل ما تبجي جوازه جهر وماحدش طايجها.. كانت تلمح علي عطر..
ليهتف دراج.. خليكي في حالك يا زينه ربنا يهديكي.
لتمر الوقت ولم تعد تحتمل عطر اكثر من ذلك لتقوم وتاخذ ابنها لتستاذن.
لتهتف نبويه راحه فين مش هتتعشي يا بتي انت كلتي انهارده وكل بسيط.
لتهتف عطر.... معلهش يا مرت عمي تعبانه شويه ودايخه لتقوم.
لتهتف نبويه طب ادي اكرم لسميه انت وشك اصفر..
لتهتف.. شويه اكده لحد اما انام عن اذنكو وصعدت بهدوء ولم تنظر او تكلم ايوب الذي اصابه بعض الغضب انها لم تخاطبه امام الجميع ليظل جالسا يمنع نفسه من الصعود خلفها.
صعدت عطر ودموعها تسيل لتذهب سميه لتاخذ طفلها لتعود وتغير ملابسها لتصرخ فجاه وتمسك راسها و...
•تابع الفصل التالي "رواية الوجه الاخر للحلال" اضغط على اسم الرواية