رواية هي و القدر الفصل الثالث 3 - بقلم ولاء فتحي
بقلمي
#wala2iat
الفصل الثالث
في المستشفي حازم في الافاقة وبينادي
انا هندمك علي الي عملته في امي وابويا
انا هجيب حقك يا امي
انا هاخد بتاركم
فارس جنبه بصله وهو مصدوم
ياااه يا حازم كنت صغير ومنسيتش الي حصل
منستش يا حبيبي الي حاولت اخبيه عنكم واشيله واخفف عليكم
منسيتش دم امنا الي اتاخدت غدر واتحرمنا منها
صحيح طنط نجلاء عملت اقصي ما يمكن علشان تعوضنا بس مفيش زيك يا امي
ياااه فلاش باك
احنا نازلين يا فارس انا هروح مع باباك التكريم له لانه قبض علي اكبر تشكيل عصابي لدخول السلاح والمخدرات مصر
فارس : ايوة يا ست الكل وكل الشياكة دي علشان الحفلة
الام : لاء يا حبيبي انا وبابا هنتعشي بره انا عارفه ان عندك مذاكرة مجهزالك كل حاجة
وحازم وريم عند نجلاء علشان ميضيعوش وقتك احنا عاوزينك اكبر دكتور في مصر
فارس: متشغليش بالك يا امي حتي لو معايا انا بعرف ارتب وقتي وان شاء الله هشرفك مش ابن البطل واحلي ام في الدنيا
ضمته بحنان وقوه وقبلته هتوحشني
فارس: يلا يا امي هتتاخري
وكانت اخر ضمه ليها بعد الحفلة والعشا وفي الطريق طلعت عليهم سيارات في الدائري في مكان مقطوع و بلا رحمة قتلتالام امام اعين زوجها الذي حاول ان ينقذها ولكنه حصلها
نشرت الجرائد الصور والجنازة العسكرية
فارس : ياااه يا حازم انا خبيت كل الصور والجرائد عنك بس برضه انت لسه فاكر انا خايف عليك انتو مش بس اخواتي انتو ولادي واهلي
لولا وجودكم جنبي مكنتش عارف هعيش ازاي انا قويت وكملت علشانكم وانت التار في تفكيرك
انا كنت في ثانوية عامة وقتها وانت اعدادي وكانت ريم صغيره قررت ارمي همومي في قلبي وافكر بعقلي علشانكم
مش هقدر اخسركم
ونزلت دموعه وهو ينظر لاخوه الذي بدا يفيق وينتفض لدموع فارس الذي لم يراها اخوه من قبل
ف فارس رمز القوة والحنان والصلابه
حازم : فارس مالك في ايه انا كويس متقلقش
فارس : حازم حبيبي انا مفيش حاجة قلقت عليك
حازم لازم تاخد بالك من نفسك شويه مفيش داعي للتهور
حازم : بضحك فاكر كلمة بابا احنا روحنا علي كفوفنا علشان مصر
فارس بضيق : وانا مش هتحمل اخسرك انت ولا ريم مش هتحمل تتاذو مش هتحمل خدش فيكم
حازم : متقلقش يا دكتور انا اهو زي القطط بسبع ارواح المهم يلا بقي انا مش بتاع قاعده في سرير انت عارف انا عندي فرط حركه وعاوز انزل اخرج واجري
فارس: ضمه بقوة ونظر له فهو يعلم انه عنيد هروح اخلص الاجراءات واجي
_________****
عند نجلاء يلا يا ريم يلا ياليان جهزو حاجات ريم هتيجي تقعد معاكي علشان تذاكرو سوا
ريم بقلق : مش هقدر يا طنط اسيب حازم وهو تعبان وفارس ممكن يوم او اتنين انما مقدرش اكتر من كدا
نجلاء : ريم حبيبتي دا اقتراح فارس لان حازم هيديله اصحابه والبيت هيكون زحمة وانتي بنوته زي القمر مينفعش تقعدي واصحابه بيزوروه انتي عارفه اخواتك رجاله ومش هيتحملو حد يبص لك
وكمان متقلقيش دا الباب في الباب وانا مش هسيبهم انتي ناسيه انكم ولادي ولا ايه
ريم: بعدم اقتناع طيب حاضر بس لما حازم يرجع واطمن عليه انا هتجنن عليه هو صحيح معايا مبيبطلش خناق بس بفتقده وبفتقد رخامته
ليان : بهمس والله ما في رخم غيرك
ماما هو ممكن تكلمي فارس نشوف عملو ايه علشان نجهز السفره
نجلاء : عندك حق يا ليان هطلبه واشوف بابا اتاخر ليه في الشغل كدا
__________________***
عند حسين بيخلص الاختبارات في العياده وبيفكر في منظر ريم اول مرة يشوفها منهاره كدا
وبيفكر في منظره قدام الطلاب انه لغي المحاضرة وعمرها ما حصلت
بس انا فعلا اتصدمت حازم اخو فارس اعز صديق ليا
الي عارف انه وقف حياته علشان اخواته
انه كان مسؤل عنهم من صغره
وريم اول مرة احسها ضعيفه كدا دايما قوية وشجاعه
واضح اني مزودها مع اللبه وكل واحد فيهم اكيد له ظروفه
حسين : الو فارس اذيك
فارس : حسين الحمد لله ايه الاخبار في مشكله ولا ايه
حسين : ابدا بمن علي البل
فارس : مش هكذب عليك هو صحيا كويس بس انا قلقان عليه من افكاره
حسين : ليه خير ماله
فارس: حازم متهور وهو في الافاقة واضح ان عقله البان متذكر حادثة ماما وبابا وودا مخوفني عليه
حسين : بس دا موضوع قديم وهو كان لسه صغير في اعدادي والمجرم اتعدم
فارس: للاسف ابنه هو الي حازم قبض عليه
حسين : يب انا عندي حل بس مش عارف هينفع ولا ايه اهي محاولة
فارس : ياريت اي هو يا حسين
حسين : جوزه اهو لما يكون ليه بيت وزوجه هتقل عنده مشاعر الانتقام وهتبدل بمشاعر توفير الامان والحماية لاسرته
فارس : يتجوز : اممم يب والله فكرة خلينا نتكلم معاه كدا
حسين : انا هاجي ازوركم ولو عاوز مساعده انت عارف
فارس: تسلم يا حسين والله تنور اكيد اشوفك علي خير احنا هنروح كمان شوية
حسين : طيب هسيبكو ولما ترجعو و ترتاحو نرتب
________________*
*
العميد ممدوح : يا سيادة الرائد لازم يكون في حماية علي بيت النقيب حازم واسرته
الوضع خطر عليهم
الرائد حسام : متقلقش يا فندم الموضوع دا مسؤليتي حازم صديقي قبل كل شئ
العميد ممدوح : في حد خاين كدا في النص ولازم بسريه نكتشفه
الرائد حسام انا راي يا فندم ان الموضوع دا يكون سر بينا بحيث اننا نسيب اولاد الجبالي يتصرفو بطبيعتهم
ونمسكهم متلبسين
العميد ممدوح : طيب اختار معاك مجموعه مش معروفه وثقة مش عاوز غلطة
والي حصل دا مش هيعدي علي خير انصراف
الرائد حسام : تمام يا فندم
وبيفكر يا تري مين كشف حازم لاولاد الجبالي ولولا ساتر ربنا كان راح فيها بدا يدرس الموضوع لحماية صديقة وشغله
___________****
ريم : حازم حبيبي حمدلله علي السلامه انت رعبتني عليك
حازم : يا بنتي انا اسد تخافي علي مين ولا وحشك الي بعمله فيكي
ريم : بطل رخامة طيب مثل اني وحشتك دا انا اختك
فارس بحنيه : طيب يا قلب اخوكي من جوا متزعليش هو حازم بيهزر ووسعي بقي يدخل اوضته
حازم داخل نجلاء اهلا يا حبيبي نورت بيتك قلقتني عليك
حازم : اهلا بست الكل متخافيش انا اهو صاغ سليم بس قولت اشوف غلاوتي عندكم
نجلاء : غالي من يومك يا واد ومتخضنيش عليك تاني يلا غير هدومك علشان تاكل
حازم : ريحة الاكل تجنن هاكل بس بشرط ناكل كلنا سوا
نجلاء : مستنية عمك سمير لسه مجاش انت عارف مش هتغدي الا ما يجي
حازم : وانا هريح ونتلم سوا وحشتني لمتنا
فارس : ايوه يا طنط علي ما يريح ويغير يكون عمي وصل
ليان من وراهم بخجل شديد: حازم الف سلامه
حازم : بيبص لها سريعا ويتنهد ويرد ببرود وهو داخل الله يسلمك يا ليان
ليان شعرت بالحزن طيب يا ماما انا همشي
فارس: لاء تمشي فين احنا قولنا هنتغدي سوا
ليان : ورايا مذاكرة هروح اذاكر عندنا امتحان الصبح
نجلاء : طيب يا حبيبتي روحي ولما بابا يجي هناديلك
وانتي ياريم روحي معاها علشان تذاكرو
ريم : حاضر يا طنط انا هروح اطمن علي حازم واحصلك
_______________***
بتخبط علي حازم في غرفته
حازم : ادخل
ريم: انا جيت اشوف لو عاوز حاجة لان فارس قالي هقعد كام يوم مع ليان علشان صحابك لو هيزروك
حازم : احسن برضه مش عاوزهم يشوفوكم بس كدا كدا انا مش مطول ونازل الشغل
ريم: انت ليه بتعامل ليان كدا
حازم بيستعبط: بعاملها ازاي يعني مش فاهم
ريم : دا انت حتي موقفتش تكلمها وهي بتطمن عليك
احرجتها وسيبتها ومشيت
حازم : بحزن ريم انا تعبان
ريم : حازم انا كبرت وانا اختك وعاوزة افهم ليان بالنسبة ليك ايه
حازم : ريم انتو وراكو امتحانات
ريم : حازم لو سمحت تجاوب عاوزة افهم انت احيانا بحسك بتحبها واحيانا بتضايقها ليه
انت عارف انها متتحملش المعاملة دي وانت عارف اني من وفاة بابا وماما وهي اختي
حازم : بصي ياريم انا مش هنكر اني بحبها بس مينفعش اعلقها بيا
الضابط دا حياته في خطر وعلشان بحبها مش هحطها في موقف ان حياتها تكون في خطر معايا زي امي لله يرحمها
او زي انهارده رصاصة خابت لو صابت هتكون ارمله
ريم: اسباب مش مقنعه يا سيادة الضابط المحترم
حازم : ريم في سبب كمان اقوي
مش لازم اكون اناني مع فارس
فارس اتحمل مسؤليتنا وهو في ثانوي وانا في اعدادي وانتي كنتي لسه طفلة صغيره في ابتدائي
درس واشتغل ووقف جنبنا ومسبناش ونسي نفسه
حاليا هو عنده 30 سنه
مش لازم افكر في نفسي وانساه
فارس هو الاول يا ريم
وهو رافض يرتبط الا ما يطمن عليكي
تفتكري انا اروح اقوله انا هكون بيت وعيله وخليك انت كدا
دخل فارس وسمع الكلام الاخير
فارس: ايه رايك اني اصلا كنت عاوز افاتحك في الموضوع دا
حازم : فارس انت هنا من امتي
فارس : مش مهم من امتي المهم اني علشان اشوف حياتي لازم اطمن عليكم مش علي ريم بس
حازم : بس دا ظلم وبنرفزه احنا ظلمناك كتير ومش هسمح نظلمك اكتر من كدا
ريم : فارس ليه انت متفكرش ترتبط احنا كبرنا
فارس : لانكم مش اخواتي انتو ولادي ولازم حياتكم تستقر اولا ودا عهد اخدته علي نفسي
حازم لو عاوزني بجد اشوف حياتي خليني اطمن عليك
ريم : بس دا مش عدل يا فارس
فارس: البنوته الصغيره كبرت وبتتكلم عن العدل هههههه
ياااه يا ريم انتي كبرتي وبتحاسبي فارس
ريم : فارس لما تيجي علي نفسك العمر دا كله يبقي مش عدل انا من حقي ابقي عمتو الحرباية تفتكر هفضل كدا
انفجر الاخان من الضحك عليها
حازم : ممكن تخرج يا فارس عاوز اغير وخد عمتو الحرباية دي معاك
فارس : الكلام مخلصش يا حازم يلا يا هههههههه عمتو معايا
____________****
ليان في غرفتها بتبكي في صمت
دخلت عليها ريم: انتي يا هبلة بتعيطي ليه
ليان : مفيش
ريم: بصي يا ستي حازم شايف ان مش من حقه يرتبط قبل فارس
ودا اعتقد السبب الي مخليه مش قادر يعلقك بيه
ليان : دا بيعاملني معاملة انتي شوفتي حتي موقفش يكلمني
ريم : هو رخم وانتي عارفه
ويا تتحمليه برخامته يا تسيبيه وتنفدي بجلدك منه
ليان : بتضحك عليها انا مقولتش نحب في بعض انا بقول يكلمني كويس
ريم : يا بنتي يلا نذاكر بكرة امتحان دكتور دراكولا
ليان بتضحك : دا لغي المحاضره علشان بتعيطي هههههههه برضه مفيش شكرا
ريم : بصي يا ليان هو بصراحة زي القمر بس لو يقفل بقه ويبطل سخافه
مش عارفه شكله مش راكب علي اسلوبه
ليان : اتعودي بقي علشان هتدربي معاه ههههههههههههوكليه وتدريب
ريم : حسبي الله ونعم الوكيل
مش فاهمه ليه عملت ايه في دنيتي اخ رخم ودكتور رخم
دا انا حتي طيبه والله
ليان : اه بامارة الواد الي قفلتي علي ايده باب المدرح كنتي هتقطعيها
ريم : لاء دا كنت بس بربيه علشان لمس ايدي
ليان بدون قصد يا ريم الواد كان بيلم كتبك الي وقعت
مه لو بقصد كنت قطعت رقابته
ليان : طيب يلا نذاكر علي ما بابا يجي
________________****
نجلاء بتتصل بجوزها
نجلاء: ايه يا سمير البنك دا واخد وقتك الواد تعبان ومش هيتغدي من غيرك
سمير : طيب يا نجلاء انا خلصت اهو
نجلاء وانت جاي هات حبة جاتوهات وحلويات وعصاير للتقديم
سمير : هو عندكم عيد ميلاد
نجلاء : يوه يا سمير مش اصحاب حازم هيزروه
فارس جنبها متخليهوش يتعب نفسه يا طنط انا جبت كل حاجه
نجلاء : طيب خلاص تعالي يا سمير فارس جاب
متتاخرش
سمير : طيب نص ساعه واكون جيت سلام
نجلاء : انا هروح يا فارس اشوف البنات يجهزو معايا
فارس وانا روحت فين يا ست الكل
نجلاء : لاء يا دكتور انت ترتاح كدا علشان بعد الغدا في كلام لازم تحكيهولي
فارس بتوتر : كلام ايه
نجلاء : يا واد دا انا الي مربياك ايه بقي الي مخوفك وقالك وليه صوتك كان علي انت واخواتك جوا
فارس: طيب انا هحضر معاكي الغدا واحكيلك ايه رايك
نجلاء : لاء هتروح تنادي البنات وهتحكي وانا بشرب قهوتي علشان اركز
فارس : يا طنط علشان خاطري بطلي قهوة بليل صحتك
نجلاء : ماشي يا دكتور هتروح تناديهم ولا اروح انا
فارس : اتنهد لاء هتصل بيهم ولا انا ولا انتي واروح اشوف سبع الليل الي جوا دا
_______________***
فارس دخل علي حازم لاقاه بيزعق في التليفون
ازاي دا حصل
انا هلبس وانزل الاداره حالا
فارس : تنزل فين انت تعبان مفيش نزول
حازم : اغبيه تخيل ...........................
فارس : بصدمة وخوف ايه مش معقول ازاي الكلام دا
تفتكرو ايه حصل
- يتبع الفصل التالي اضغط على ( رواية هي و القدر) اسم الرواية