رواية قتلني ورحل الفصل الثالث 3
البارت الثالث...
كان ايان يجول الشركه يبحث عنها ليجدها تجلس بجوار حسام ليشتعل من منظرهما فهو رجل ويعرف نظرات الرجال ليقترب من الباب الزجاجي ليجدها جالسه وفستانها يتصاعد ليتصاعد غضبه وخاصه عندما وجد نظرات حسام تاكلها ليهتف... يخربيتك منك لله البت قاعداله يبص عليها عيونه هتخرم جسمك يا بعيده معاقه متخلفه طب دي اعملها ايه واحده مابتحسش بقله الادب يا رب ايه حرقه الدم دي ليقترب من الباب ليسمع كلامه لها ليشتعل عن اخره ليرز*ع الباب عن اخره لتشهق كارما وينظر اليه حسام برهبه. ليهتف.. انت بتعملي ايه هنا.
لتقول بخوف.. هعمل ايه بتدرب.
ليهتف.. نعم ياختي تتدربي اللي هوا ازاي وانا ايه شرابه خرج.
لتتشجع وتهتف.. لا ماهو ماهو....
ليصر*خ انطقي..
لتهتف.. اصل جدي جابني لحسام ابقي تحت ايده.
ليهتف حسام.. انا سعيد اوي والله.
لينظر اليه إيان بغل.. لا والله مالكو مبسوطين ببعض كده..فقره مايطلبه المستمعون وهنغني كلنا.. لينظر اليها انا رايح مكتبي دقيقه تبقي هناك وتركهم لتقف بلا حيله لتذهب اليه.
دخل كرم مشتعلا.. بقي الهانم مرتاحه تحت ايده وهو مبسوط طبعا هيحط ايده عليها ليهب.. نهار اسود ليكون حط ايده ماهي معاقه يا رب امو*تها واخلص انا ناقص طين قرف.. ليجدها تدخل ليندفع اليها ويمسكها ويشدها اليه لتصر*خ.. ايه فيه ايه.
ليهتف.. بقي فيه ايه انت ازاي زباله كده قاعداله يبص عليكي وعنيه هتخرم جسمك انت جبله مابتحسيش.
لتد*فعه.... انت ايه كلامك ده كل دماغك قليل الادب كده حسام حد لطيف ومؤدب انت ايه ده بطل بقه مالك بيا.
ليهتف.. حد مؤدب.. ليه مابتحسيش دا عنيه راشقه في صدرك ياختي البعيده مابتحسش خالص.وقعداله يقلك ايه الله يخربيتك وجَمدان وز*فت علي دماغك..
لتنظر اليه بغ*ضب.. ايه هو جامد مزعلك في ايه الله دانت المفروض تفرحلي بس ازاي مش عايزني اتعلم انت واحد اناني بس انا هتعلم وهبقي تحت ايده هو قالي هيدوس ويهرس وانا قلتله ماشي وهتحمل عشان ابقي كويسه..
لينظر اليها ويحس ان قلبه سيقف.. نعم يا روح امك.. هيدوس ايه ويهرس ايه منك لله.. جامد ازاي وراكي ايه البيه بسفاله امه وربنا لاهر*سه واط*لع روحه يا متخلفه.
لتشهق.. ايه ايه عيب بقه والله ماسكتالك.
ليقترب منها وعيونه تشع غضبا.. هتعملي ايه يعني.
لتهتف.. هقول لجدو مالك بيا انت ماتسيبني بتوقف حالي ليه.
لينصعق... اوقف حالك اللي هوا ازاي يخربيتك انت جايه تشقطي وتنقي عريس.
لتنظر اليه بخبث.... وما نقيش ليه انت مالك ما مسيري هتجوز يبقي اتشاف في الشركه انت مالك اتجوز اتخطب احب..
ليهتف بانفعال... تحبي.. انت تحبي.
لتهتف بقهر.. َوما احبش ليه يا سي إيان كاتعه والا ماليش قلب والا مانفعش.. انت واحد جاحد مالكش في السكه دي انا ليا وعايزه اعيش قصه حب وعموما انا ماعرفش بتكلم معاك ليه اساسا انت مابتفهمش في الحاجات دي.. روح اتعلم من حسام ازاي تبقي تشد الستات بدل مانت بومه كده دا حسام يوقع الحجر لتستدير لتشهق مره واحده عندما هجم عليها ليصر*خ اكني اروح اتعلم من حسام.. عشان انا بومه.. البيه بيوقع الحجر وانا مانفعش طب يا كارما ماشي انا هوريكي ازاي تقولي كده ليند*فع يهجم عليها لترتعب لينهال عليها يلتهمها بعنفوان وحر*ق داخله ولا يعرف لماذا فعل ذلك ليظل معها ليتوه فيها وهو يضغط عليها وهيا ستمو*ت بين يديه لتحس انها ستقع من قوته ليبتعد اخيرا ويحتضنها ليظلا ينهجان لتدفعه وتنظر اليه باكيه.
لتصر*خ.... انت بجد مش بني ادم انت ازاي كده لتندفع وتخرج وتتركه ليظل واقفا مشتعلا ليذهب الي مكتبه ويرمي احد الاشياء ليجلس يهدئ من روعه ليتنهد ويغمض عينيه ليهدا ليضع يده علي شفتيه ليتذكر قبلتها ليبتسم لا اراديا ويظل يستعيد ذكري تقبيلها ليهب بعد فتره.. ايه يا طين انت بتفكر في ايه عبوشكلك انت ايه ده دي كارما ز*فت علي دماغها.. منك لله يا شيخه قلبتيني وقفلتي اليوم ليجلس مشاعره تطحنه غضبا ورفضا لما يشعر به.
*******************
مرت الايام وقاسم لا يفكر الا بليال وكيف سيقابلها ولا يعرف كيف سيتقرب منها لياتي يوم ليجد فاديه تحاول ان تستاذن من رئيسها فيرفض لانغماسها في العمل ليقترب منها قاسم ويسالها لتقول.. اعمل ايه استاذ شكري رافض اني استاذن وعايزه اروح مع ليال نقدم في الجامعه واشوف هتروح ازاي واضبطلها دنيتها اصلها مابتعرفش تتصرف وهبله وخايفه عليها...
ليهتف قاسم بسرعه.. طب خلاص انا فاضي واروح اقدملها ماتخافيش..
لتقطب فاديه جبينها.. لا يا قاسم يا حبيبي دا بهدله انت ذنبك ايه...
ليصمم ويقول.. هو انا مش ابنك برضه والا بلاش ابنك اخوكي الصغير..
لتضحك لا ابني يا واد وربنا عالم.. دانت يا قاسم والله دخلت قلبي من يوم ماشفتك..
ليهتف لنفسه.. عقبال ما ادخل قلب بنتك القمر... ليقول.. طب ايه اروح والا هتكسفيني..
لتبتسم... طيب ماشي انا هكلمها تروحلك الجامعه وتستناك هناك... بس خلي بالك بنتي خام وعبيطه ومالهاش اختلاط بحد ماتزهقش منها..
ليقول في نفسه.. ازهق ايه بس.. ليهتف دا احلي حاجه وربنا دانا هنبسط واخد راحتي... ليقول.. لا اطمني في عنيا والله.. بس ليه تستناني عند الجامعه انا هروح اجيبها من البيت..
لتهتف فاديه يابني هتعبك كده..
ليقول تعبك راحه.... ليبتعد.. اعيش واتعب عشان القمر والله.
ليصل الي بيتها وينتظرها ليتصل بها لترد بصوت حنين.. الوو
ليهتف.. طب يعني انت كده لما تقولي الو ما اكيد هتتعاكسي وش...
لترتبك.. مين معايا وفيه ايه حضرتك..
ليهتف بحب.. مفيش.. بس حضرتي مستني حضرتك تحت عشان اوديكي الجامعه..
لتهتف بسعاده غصب عنها.. قاسم...
ليقول.. يا لهوك يا قاسم هو بعينه..
لتهمس... اسفه يا بشمهندس ماكنش قصدي والله..
ليقول.. انزلي وهنتفاهم في اللي قصدك واللي مش قصدك مستنيكي وقفل الخط وتنهد.. اسمك ماله حلو كده يا واد يا قاسم.. ايه يا ليال لسه بدري علي السحسحه انا كده هفطس في ايدك... اجمد يا وحش البت مزه وخام اتقل بس شويه انت ماتبقاش جحش هتخوفها وهيا كتوت عسل مابيعرفش حاجه...
لتنزل اليه وكانت تلبس فستانا بسيطا وجميلا كانت رقيقه كالاميرات.. لوحه من عالم ديزني الجميله اميره ناعمه وحالمه.. لتدخل العربه وتهمس.. ازيك يا بشمهندس...
ليقول.. لا بقلك ايه انا لسه معلقه معايا قاسم يا هتقولي قاسم هينفضل كده للبليل..
لتهتف.. بس مايصحش حضرتك يعني مهندس ومحترم وماينفعش اقول كده مش هعرف..
ليضحك ويقول... يعني لما تقليلي قاسم ماهبقاش محترم..
لتضع يدها علي فمها وتهتف... بسرعه لا والله ماقصد..
ليضحك علي برائتها.. انت كده ازاي مش عارف. طب ممكن تتكرمي وتقولي قاسم بس وهبقي محترم برضه عشان بتخنق من الرسميات يا ليال. اديني شيلت انسه اهوه يلا بقه...
لتحمر خجلا وتقول.. ماشي يا.. يا...
ليهتف ياختاي يا بنتي هو انا بعذبك قاسم قااااسم...
لتهتف بهمس.. ماشي يا قاسم..
ليبتسم بحبك.. والله ماعارف همشي ازاي بعد كده. وبدا يدور العربه وظل يثرثر معها وهيا ترد بلطف ورقه خطفت قلبه وكانت قليله الكلام.. ليذهبا وينهيا كل المعاملات فهو بعلاقات جده قد سهل كل شئ لينهي الاجراءات سريعا ليقترب منها ويقول.. مبروك يا احلي مهندسه في الدنيا..
لتخجل وتطرق وجهها.. متشكره يا بشمهندس انت والله عملت كتير اوي..
ليقترب منها ويقول بوله.. دانا لسه ماعملتش الهوا والله.. يا رب من بقك لباب السما
كانت ليال تقف بجوار قاسم لتقترب احد الموظفات لتهتف ايه الكتكوته دي انت اسمك ايه
لتبتسم ليال بخجل اسمي ليال..
لتهتف الموظفه.. اول مره اشوف حد رقيق كده.. لتقترب وتمسك يدها لتهتف دانت عسليه اوي ليلاحظ قاسم انها تنظر الي اصابعها ليحس بريبه لتهتف السيده طب استنو دقيقه هسلملكو الورق لتغيب وتعود لتهتف طب يا استاذ ممكن بس الانسه عايزاها بس اخلص ورقتين
ليهتف قاسم... ورقتين ايه اللي هتخلصيهم ماحنا خلصنا ماتسلمينا الورق
لتهتف... لا هوريها للدكتور بس دقيقه
ليهتف.. نعم ياختي توري ايه..
لتشد ليال... دقيقه بس يا استاذ مش هتاخر لتشد ليال وتدخل بها احد الحجرات وقاسم يشعر بالريبه لتخرج السيده وتقف امام الباب.
ليندفع قاسم... انت ودتيهتا فين يا ست انت
لتبتسم وتهتف..... ليه يا استاذ بص اصبر البت قمر وتتاكل اكل الدكتور فواد عايز عروسه راجل طول بعرض بفلوس مايتسابش دانا ليا الحلاوه..
ليشتعل قاسم... نعم يا روح امك ليه شايفاني قرني تاخدي البت مني وتخلي واحد يشوفها ليندفع ويقتحم الحجره كانت في تلك اللحظه ليال تقف مشتعله وذلك الشاب قد انبهر بها واقترب يكلمها ومسك يدها ليندفع قاسم ويشدها يبعدها عنه ويضعها ورا ظهره ليبهت الدكتور ويهتف... فيه ايه انت ازاي تخش كده وبتشدها ليه ليقترب ويشد ليال مالك بيها
ليشتعل قاسم ويهجم عليه... ايدك يا روح امك لاقطعهالك.
ليهتف الدكتور.. انت فيه ايه ايه قله الادب دي اجيبلك الامن مالك انت.
ليهتف.. كان حد قالك اني بقرون تاخد البت من جنبي تعاين وتبص متلم نفسك.
ليهتف.. ايه يا استاذ انت تعرف الانسه.. ايه مشكلتك واحده عجبتني عايزها.
ليصرخ قاسم.... عازك الكفن يا بعيد اسمع يا بتاع انت مالكش دعوه بيها والا هطلع روحك.
لينفعل الدكتور ويهتف... ايه هخطبها مالك انت.
ليصر*خ قاسم... مخطوبه ايه رايك.
لتنظر اليه ليال ببلاهه.. انا مخطوبه ماحدش قلي..
ليشعر انه سينجلط. ليهتف حانقا.. اسكتي دلوقتي.
ليهتف الدكتور .. مش لابسه دبله.
ليهتف قاسم.. هنلبس قريب ايه رايك وتلم عينك بعيد بدل مااقلبها عليك انت ماتعرفش انا مين ليشد ليال التي كانت ترتعش برعب ليذهب بها الي العربه ويحلس مشتعلا ليتنهد ويلتفت ليهتف... انت بتعيطي علي ايه دلوقتي ايه اللي خلاكي تقفيله يمسك ايدك.
لتهتف ... انا خفت منه دا قفل القوضه وقالي مش هتخرجي الا وانت خطيبتي.
لينهج قاسم.. خطبه حنش اروح اموته دلوقتي.
لتتنهد ..خلاص ماحصلش حاجه ايه يعني.
لينظر اليها بغضب... ايه عاجبك عايزه تنخطبي للبرص ده
لتهتف.. انت بتزعق ليه طيب انا ماعملتش حاجه. بعدين ليه تقله مخطوبه وهنلبس دبل عيب كده تكدب.
ليتنهد ويهتف.. لا اسيبه يفعص في ايديكي وعنيه هترشق فيكي.وانقهر .
لتهتف.. طب ماهو دكتور يعني حد محترم.
ليهتف... ليال الواد ده قليل الادب ماكنش ينفع اسكتله عشان كده قلت هنتخطب معلش بس دا مش كويس.
لتهتف.. مع انه شكله امور ليه مش كويس.
ليهتف.. زباله بصاته وقله ادبه.
لتهتف... بصاته هو فيه بصات زباله وبصات لا.
ليتنهد اه هنبتدي الغلب.. اه يا ليال فيه وهو كويس.
لتضحك طيب خلاص ماتضايقش.. لو ماما عرفت هتقول طفشت عريس لتضحك اخيرا جالي عريس هكلم اصحابي واغيظهم.
ليتنهد بغلب.. تغيظيهم ليه هو لعبه جتلك يا بنتي بقه.
لتهتف... ايه يا قاسم مش بنت وبتفرح لما يجيلها عربس.
لينظر اليها ويبتسم.. يعني انت عايزه تتخطبي.
لتخجل... لا والله بس يعني اكيد هيحصل في يوم.
ليتنهد.. هيحصل يا ليال بس مش اي حد انت مش اي حد ياخدك.
لتضحك وتهتف... ماهو قال كده برضه.
ليقطب جبينه.. قال قال ايه بروح امه.
لتهتف ببراءه... قال اني مش اي حد ياخدني واني ماينفعش لاي حد لازم حد جامد.
لينظر اليها ويهتف.. يعني اروح ادشمل وش امه.. منه لله خلاص يا ليال خلاص انا عارف هحلق انا عليكي ازاي بعد كده ليكبت نفسه مانت ماتتسابيش فعلا.. يا غلبي واللي هشوفه البت االي دخلت عيني هيبصولي فيها.
لتهتف.. تحلق عليا يعني ايه..
ليضحك.. يعني احلق عليكي اسكتي يا ليال اسكتي والله ماعارف انطق من حصرتي منه لله .
لتبتسم وتهتف طب نروح بقه .
ليتنهد طب يا ستي حاضر ليصمت قليلا
ليقول.... طب بصي انا عندي فكره ايه رايك اجيبلك كتب ونفتح الفون واقعد اشرحلك. كان يريد ان يجد حجه ليكلمها..
لتهتف.. مش عايزه اتعبك..
ليقول.. دا يوم الهنا يوم ماتعب عشانك يا قمر.
لتخجل قليلا..لتقول.. مش عارفه ماما هتقول ايه.
ليهتف... المهم انت موافقه.
لتهتف مسرعه.. اه اه والله موافقه.. اقصد يعني لو مش هتعبك..
ليقترب منها وينظر اليها نظره الهبتها واشتعلت احمرارا.. انت لسه هتتعبيني دانا خلاص.. بس اقول ايه..
لتهتف ببراءه.. انا تعبتك.. طب معلش والله اسفه.
ليبتسم... طب يلا يا ليال عشان عالم سمسم بينادي عليكي.. وبوادر الشلل هتخش عليا.
لتنظر اليه ببلاهه ليهز راسه.. يلا يلا يا حبيبتي والله مالاقي كلام دانت عايزه مش كورس هندسه دانت عايزه كورس فرهده.. ليركبا العربه ويقود بها البيت .. ليدوس علي الكاسيت ليصدح صوت الملائكي فضل شاكر...
يعني ايه بحبك.. يعني انت الحياه انت الحياه والدنيا والناس والوجود.. يعني ايه بحبك.. يعني ما فيش ما بينا مسافات مفيش حدود.. انت اجمل حاجه فيا انتروحي ونور عنيه.... لو تغيبي النور يضلم واما اشوفك يعوووود.. لما بتوحشيني بحط ايدي علي قلبي كاني بضمك ليا.. واسمع صوتك جوا مني وانا مغمض عنيا وافتكر كل اللي بينا اللي بينا مش شويه.... كانت الموسيقي تنساب بنعومه وقاسم يغني مع الاغنيه وينظر اليها وهيا تشعر بالخجل الشديد ليهمس قاسم.... مفيش احلي ولا اجمل من كده..
لتبتسم بخجل.. اه حلوه فعلا الاغنيه..
ليهتف.. اه والله حلوه وعسليه وبريئه اوي.. مش كده. مش كده والنبي.. لتصمت وتحمر ولا ترد.
ليظل يدندن مع الاغنيه وينظر اليها ويكررها..
ليتوقف لتهتف... ايه ده مش البيت.
لينزل ويهتف لا مانا لازم اعزمك علي حاجه مش دخلنا الجامعه َكبرنا..
لتبتسم مالوش لزوم..
ليهتف.. طب انزلي يلا.
لتخجل وتهتف.. لا بس ماينفعش ماقلتش لماما.
ليهتف.. يعني ماما بعتاكي كلك معايا ايه مش واثقه فيا.
لتهتف.. لاوالله..
ليتنهد طب خلاص دقيقه لينزل ويحضرلها ايس كريم من كل الانواع لتنظر اليه فرحه.. ده كله بتاعي..
لينظر اليها بهيام... اه والله بتاعك كله بتاعك َهيموت ويبقي بتاعك ليتنهد ويعطيه لها ليلمس يدها باصبعه لتحمر خجلا ليهمس البت هتسورف من لمسه لا وجدي كل شويه يقلي عالسحليه حفيده صاحب جدي.. بقي حد يبص للجمال ده ويروح في حته..
لينتبه لها وهيا تقول.. انت سرحت في ايه.
ليهتف.. في الجنه والله سرحت في الجنه اللي هموت وادخلها.
لتتنهد يا رب كلنا يا قاسم.. ليظل ينظر اليها لتهتف انت ماجبتش لنفسك ليه دا حلو اوي ويتاكل اكل.
ليتنهد ويهتف.. لا انا نفسي اكل حاجه تانيه.
لتهتف.. طب ماجيبتش ليه ماتجيب
ليهتف... هجيب قريب والله لازم يتجاب مايتساب يتساب لمين ده يا رب اطوله يهديك يا جدي.
لتنظر اليه.. جدك..
ليرتبك.. هاه لا ماتدقيش انا بس بهبد ساعات. لتهز راسها لتهتف مش هنروح بقه.
ليقول اه هنروح للاسف ليهتف ليال انا سعيد اني بقينا اصحاب..
لتنهد.. وانا كمان انا ماليش صحاب خالص انا لوحدي علي طول
ليتنهد ليه يا ليال.
لتتنهد بحزن.. يعني من ساعه بابا ما مات وانا ماعرفش الا ماما مابخرجش الا معاها ولا اعرف حد غيرها واصحابي بس يقعدو معايا يومين يسيبوني بيقولو عليا عبيطه وانا. الله بحاول ابقي زيهَم مش بعرف وكلامهم كله قله ادب وماما رافضه اكلمهم..
ليتنهد بس انت لازم تصاحبي القفله وحشه.
لتتنهد... اعمل ايه مابعرفش اقول لماما لا انا اساسا مابعرفش اقول لا بكسف واخاف.
ليشعر بالحزن عليها.. لازم تتشجعي ماحدش بيعيش كده عشان لما تقابلي حد ما يتعبكيش.
لتتنهد.. قصدك يعني لما اتجوز.. مانا هسمع كلامه واحبه هو هيعوز ايه تاني انا مش بتاعه مشاكل
ليبتسم.. اقول ايه بجد مامتك مش عارفه بتعمل كده ليه.. بس عموما كل ده هيتغير ليظلا يثرثرا وقد تلطخ فمها وانفها بالايس كريم لتهتف يلا وصلنا ليتنهد ويهتف اه للاسف..
لتبتسم طب اسيبك بقه عشان اتاخرت
ليهتف هكلمك اوك لتهز راسها مسرعه ليظل يراقبها حتي وصلا للبيت.. لتهتف وصلنا خلاص انا هنزل بقه يلا مع السلامه والتفتت لتخرج ليمسك يدها لتنتفض ليهتف ايه ايه هو انا قتلتك..
لتقول بخجل.. لا يعني مايصحش كده عيب..
ليبتسم عيب طب يا ستي كنت بس بقول هكلمك عشان اتفق هنعمل ايه..
لتهتف طب اوك يلا سلام بقه عشان ماينفعش اقعد كده يلا سلام يا بشمهندس..لتهز راسها.ليال دقيقه.. ليفتح التابلوه خدي دي..
لتنظر اليه لتبتسم ايه ده روايه.. انت جايبلي روايه
ليتنهد... اه وتخيلي بطلها اسمه قاسم قعدت ادور علي النت لحد مالقيت بطل اسمه قاسم..
لتاخذها وتقلب فيها لتبتسم شكلها حلو اوي يا قاسم مرسي بجد.
ليهتف.. اقريها كويس هتحبي البطل اوي مش انت بتحلمي بالابطال.
لتخجل ولا ترد ليهتف هسالك فيها اوك لتهز راسها ليهتف خلاص بقه انا مستني انهارده تحلمي بقاسم..
لننظر اليه وتحس برعشه وبدات ترتبك..
ليهتف.. ايه قاسم بتاع الروايه والله هيعحبك اوي
لتبتسم وتهتف.. خلاص هقراها
ليهتف.. انا قريتها علي فكره وحاسس انها قريبه مني اوي..
لتهتف.. احنا لما بنقرا روايات بنحس بكده
ليهتف.. يعني انت هتحسي بقاسم
لتهتف هاه.. قاسم..
ليهتف اه بطل الروايه هتحسي بيه وتحلمي بيه مش كده..
لتخجل َلا ترد ليهمس ليال.. يا ريت دنيتك يبقي فيها قاسم
لتنظر اليه وتسرح ليقترب منها ليهمس يا ريت قاسم تنامي َتحلمي بيه..
لتهمس احلم بيه..
ليهتف وينظر اليها نظره سحرتها.. هتحلمي بقاسم مش كده
لتسرح وتقول.. اه هحلم بيه..
ليمسك يدها ويقبلها.. لا والله كده كتير انا هنحصر كده ليبتعد ويهتف... ليال ليال..
لتنتفض هاه ايه فيه ايه
ليهتف.. فيه نار والله .. الدنيا ولعت
لتنتفض وتلتفت فين فين لتكلبش في يده..
ليضحك يابنتي بقه.. ليتلمس يدها اهدي مفيش حاجه
لتننهد اخص عليك رعبتني
ليهتف ولا اقدر ابدا.. دا مافيش الا ليال واحده في الدنيا تتشال في العين..
لترتبك... وتهتف طب سلام بقه.
ليهتف ليال دقيقه ليقترب ويرفع يديه ويلمس شفتيها ويزيل الايس كريم لتشهق ليهمس ايه براحه كنت بشيل الايس كريم اسيبك يعني تنزلي كده لترتبك وتحمر ولا تنطق. وتركته ونزلت مسرعه وهو مبتسم. ليرفع اصبعه ويقبله دا لمسته قمر وهو قمر سلام يا كتكوت.. مزه بس لسه ماخرجتش من عالم الرويات.. وجالك اللي يخرجك يا عسليه انت يا قمر.. وابتسم وشغل الاغنيه مره اخري وقاد العربه وهو يدندن بصوت هامس..
*******
دخلت كارما علي ايان وظلا يتناقشان وهو ييوجهها بشده وهيا تجلس بجواره كالطفله الصغيره لتسرح به وتظل تهيم به ليكمل حديثه ويحاول ان يسالها ليجدها سرحانه لا تبالي بما يقول ليغ*ضب بشده ويصر*خ مما جعلها تنتفض ليقول انا قاعد معطل نفسي عشان الهانم وانت سيادتك مش مركزه وعندنا اجتماع. ليرمي الورق علي صدرها لتبهت من فعلته وقام.. انت واحده مدلعه انا مش عارف ايه البلوه اللي جدي بلاني بيها.. ايه يا هانم سرحانه في ايه انت هنا ليه مش عارف..
لتحس بوجع لتنتفض لاول مره وتهب لتصر*خ به ليبهت فهيا لم تفعل ذلك من قبل ولكنها قد طفح كيلها لتقول.. انا هنا زي زيك بالضبط و ليا هنا زيك واكتر انت ابن نعيم وانا بنت شاكر يبقي ماتتفرعنش كده وعامل عليا جَميله وبعد كده تخلي بالك من تصرفاتك معايا مس هقبل ابدا كده وحدفت الورق علي صدره والتفتت واتجهت لتخرج...
ليقبض علي يدها لتبهت من عينيه فكان مشتعلا.. ليقترب منها ليهتف بغ*ضب.. انت تكلمي ايان الحديدي كده انت واعيه لحالك انت اتخبلتي يا بت انت.
لتصر*خ... بت اما تبتك هو ايه ده.
ليعت*صر يدها لتصر*خ ليهتف.. لا والله عال والقطه طلعلها صوت.. بقي انت تعلي صوتك انت اتجننتي.
لتهتف.. اوعي بقه ايدي وتنزل دموعها...
ليهتف.. ايدك دانا هفر*تك دماغك انت اعتذري لاطلع روحك.
لتصر*خ اوعي بقه ايدي هتتكسر.
ولكنه شدها اليه ليهتف بانفعال.. يمين بالله لاكون مرقدك في المستشفي لو اتكررت.
لتهتف والدموع تسيل.. اوعي خلاص بقه اسفه ابعد بقه..
ليتنهد ويدفعها بعيدا لتخرج مسرعه والدموع تسيل من عينها.. ليحس بغ*ضب من مرأي دموعها ليهتف.. ناقص قرف وشغل عيال انا.. عيله صغيره وكل شويه تعيطلي.. دا حاجه تقرف بقه..
تجهز اجتماع كبير مع احد الشركات وكان الجد وايان يجلسون وكارما تجهز للاجتماع وكان صاحب شركه المجد شاب في الثلاثينات منذ ان دخل وهو لم يرفع عينه من عليها وايان قد لاحظ ذلك فاشتعل غض*با وهو لا يعلم لماذا يتملكه الغضب لتقوم كارما وتبدا في الكلامه وشرح المخطط التنفيذي للمشروع وعينا مراد تلمع باعجاب وبعد ان انتهت وبدا المدراء في الانصراف قام مراد واقترب من كارما ومد يده لها لتسلم عليه لياخذ يدها ويقبلها ويقول.. بجد مش لاقي كلام يعبر عن اعجابي بشغلك.. فعلا كفاءه َو جمال.
ليهب ايان غاضبا ليقترب ويقول.. كفاءه ايه بس دا عيله ماتخرجتش لسه.
ليرفع مراد حاجبيه.. عيله ايه بس.. كارما هانم حاجه سوبر دا انا ماقبلتش زيها بجد..
ليكبت إيان غضبه.. طب نتكلم في المهم وسحبه وتجاهل كارما وهيا تشتعل من قله احترامه لها.. لينخرط في كلام مع مراد ليبعده عنها..
ليمر الوقت ويبدا الجميع في الانصراف.. ليقترب منها مراد.. انسه كارما دا الكارت بتاعي اتمني بجد اننا نبقي نسمع صوتك ولو امكن توافقي ابقي نتواصل عشان الشغل..
لتبتسم وتقول... اوي اوي يا مراد بيه تحت امرك نورت بجد..
لينصرف ليقترب منها ايان ويشدها من يدها ويدخل بها المكتب... مَمكن اعرف الهانم اللي بيتحطلها كروت في ايدها مالها.. انت ماصدقتي راجل يعبرك والا ايه.
لتنظر اليه بغضب.. انت اتجننت بتقول ايه.
ليهتف بغ*ضب... بقول اللي شايفه عيله صغيره فاكره نفسها بقت حاجه ومبسوطه بالراجل اللي واقف يبوس في ايدها انت مكانك البيت اعقلي وشوفي نفسك وماتنفرديش قوي.
لتهتف.. انت ليه دايما عايز تقهرني ليه دايما عايز تقل مني عملتلك ايه يا اخي وانا مابعملكش الا كل خير حرام عليك بقه ودفعته وتركته وانصرفت وذهبت الي الحمام تنتحب.. عيطي هتفضلي تعيطي العمر كله وهو ماهيحس بيكي يا رب تعبت يا رب بحب حمار ولا حاسس بيا اعمل ايه قلبي َواجعني..
اما ايان فظل واقفا غاضبا.. هو فيه ايه مالي غضبان كده مايبوسها والا يتحر*ق بيها تكلمه والا ماتكلموش ايه الهبل ده هيا بس عشان ماتفكرش انها حاجه مش اكتر شوف شغلك ماتشغلش بالك بالهيافه بتاعتها. ماتستاهلش.لينصرف الي شغله الذي لا يفكر الا به وكيف يتطلع ان يذيع صيته كجده ليصبح ايان الحديدي اسم يخاف منه الكل كجده.. تناسي نفسع ومشاعره فقط ليحقق جبروت جده ولكن هل سيظل هكذا ظل الجبروت اما سياتي من يخلع عنه ذلك الجبروت ولكن هل سيكون في اوانه ام ماذا سنري..
كومنتتكو بليز احبايب جلبي
كومنتاتااااااات يا حلوين
•تابع الفصل التالي "رواية قتلني ورحل" اضغط على اسم الرواية