رواية اشواك الورد الفصل الثالث 3 - بقلم ميفو سلطان

 رواية اشواك الورد الفصل الثالث 3 

البارت الثالث..

اتي الصباح بانفراجه علي عائله وهدان من جراء وسوسه تلك الشيطانه لذلك الضعيف وبسواد كاحل علي عائله صابر لوجود شيطان اصلا في هذه العائله يتحكم في تلك البريئه ليدخل وهدان ويبدأ في بخ سموم جليله لابيه واقناعه بتغير الجوازه..

ليهتف الجد.. بس يا ولدي لو اتعرفت هنتفضح ومش بعيد يجوموها (يقوموها) حريجه هنغشوهم يا ولدي..

ليهتف وهدان.. هما يا ابوي جالو هناخد بت من بنات جابر لا جالو ورد ولا بدور. يابوي يبقي ماحدش هيفتح خاشمه وصابر الكبير يبقي ياخدو بت الكبير ..

ليهتف جابر.. يا ولدي عزيز الجبالي كيف الاسد هينهشنا نهش وانت عارف بت اخوك وسيرتها صحيح البت كيف الملاك ومظلومه بس الفضيحه طايله وشايطه وماعارفينش نلمها وحتي اولاد اعمامها ماهيرضوش بيها يا ولدي وكلمت اعمامها كتير وعرضت عليهم ارض وفلوس وهنشورها لحد الدار وما حد راضي الفضيحه موجفه(موقفه) حال البت وهيا كيف الملاك. الله ينتجم من اللي عمل في بتنا اكده لو طلته اجيب مصارينه بيدي  وينتجم منك يا نعيمه عاللي عملتيه.. ماهو كله من عمايل صابر الجادر(القادر) الفاجر اللي مايعرفش ربنا. طهجت عمري وانا بخبره ان حرمته زينه ومليحه وهو كيف الشيطان نازل طحن في البت لما طفشت وجابتلنا العار وفضحتنا.. سنين جهر وماحدش جادر (قادر) عليه واخرتها خنجها وكان هيموتها فطفشت من سواده وغيرته وش الشوم ده .. ما خابرش هو جايب شره ده منين دا بيكره بته والبت غلبانه مابتنطوجش. البت واجعه جلبي اجوم (اقوم) اديها لعزيز يجهرها اكتر عزيز واعر كيف الطور.. عفي وورد كيف النسمه. اروح فين منك لله يا صابر وحلتنا وحطيت راسنا في الطين.. وهيموت البت يوم.. 

ليهتف وهدان بخبث.. ماهوا ده يا ابوي اللي رايده صابر هيجبلنا مصيبه وبقي كيف الشيطان ومش بعيد في يوم من قهرته من طفشان مراته يجتل بته ويفضحنا ساعتها هيبقي كيف الحال.. يابوي صابر بيكره البت ولو طال يموتها من غير سبب دا كفايه كل يوم ضرب في البت يابوي لما َيمكن تطفش وتجبلنا العار كفايه عار علينا اكده..

ليصمت الجد.. بس يا ولدي عزيز صعب..عزيز ماينطاجش.. واعر وجامد وكيف الحجر ولو حولنا هيرموها في وشنا وتنجلب حريجه ويقولو اننا بنتمسخر بيهم. دا عزيز.اعفي شباب البلد مافيه ذياته واصل ولا له مثيل.. يا ولدي دا فارد جلوعه (قلوعه) عالكل ماهيرضاش مش عزيز.. اذا كان ولد عمها مارضيوش عزيز هيرضي. 

ليكمل وهدان.. مانا جلتلك يابوي انت هتاخد عابد الجبالي في المجعد البراني لوحديكو مع المامور وما حدش واصل هيدخل وعابد هيمضي ولده وانا هروح امضي البت ونخلصو وصابر ياخدها متغميه وانت معاه وتروحو تودوها وماهيرجعوهاش يابوي هيفتحو بحور دم يا ابوي.. هيبقو لبسو الجوازه وماحدش هينطج..جولي هترجع ازاي وهنا متعذبه يا ابوي تروح هما ناس ولاد اصل ما هيعذبوهاش حتي لو كرهوها بس إهنه متمزعه تمزيع. 

ليقول جابر.. بس البنته ماهتستحملش ما جايز يعملو فيها حاجه اكده والا اكده البت كيف النسمه جلبي بينخلع عليها..

ليهتف.. يابوي ورد سيرتها غبره وجوازتها من ابن الجبالي هتخرس الناس وحديتهم. وبتنا هتبقي مرته وسااعتها هتبقي مرت كبير الجباليه يابوي انت لازمن تفرح للحديت ده.. هنعلو سيره بتنا وننجي نفسنا يا ابوي ونبعد صابر عن بته وافج يابوي الله يرضي عليك.. البيت هيتجلب حريجه والبت هتموت ونتفضح البت صعبانه عليا يا بوي ما هي بت اخويا برضك وكيف بدور عندي..(بس يا دلدول ياشوره الست 🙄🙄) 

ليصمت الجد قليلا ويتنهد.. خلاص يا ولدي سيبني انا هتصرف مع عابد انا صحيح مش جوي زيه بس عابد راجل جواه طيبه وماهيرجعش البت واصل وهيغصب ولده علي البت وربنا يتولاها بقه اهو نحميها من الموت ونسترها من الفضيحه..ابعت هاتلها شوارها ووديه وزود يا ولدي في الشوار وابعت كتير البت تدخل ونخزي عنيهم وهاتلها فستان تلبسه واصبر لما نشوف هنجلها (هنقلها) ميته.. وحضر ملس اسود يغطيها من فوجها لتحتيها ماعايزينش طرفها يبان يا ولدي خلي اليوم يعدي الا انا جلبي هيجف لو اتفضحنا قبل كتب الكتاب.. 

مرت الايام وهناك تداولات بين العائلتين ليتفق الطرفين علي موعد الزواج ليدخل صابر علي ابنته ويخبرها انها ستتزوج اليوم من عزيز الجبالي..

لينخلع قلبها وتصرخ.. انا يابوي.. هتجوزني لابن الجبالي يابوي.. دا شراني وجادر والكفر كله بيخاف منه..ميفوميفو

ليصرخ فيها.. اجفلي خاشمك الله في سماه لاكون جاتلك. انت تطولي يا بت الكلب.. دا هيسترك وانت مفضوحه. 

 ليدخل الجد لقول.. براحه يا صابر واسمعي يا بتي انت اللي جه عليكي الدور وعزيز الجبالي كل البنته بتتمني يبصلها عزيز الجبالي يشرف اي عيله بنسبه.. انا بحميكي وبسترك يا بتي وانت خابره زين اللي حاصل والكلام السو..

لتصرخ.. يا جدي هترموني عشان يذلوني دول عيله جادره وطايحه ليه يا جدي ليه اكده انا مش بتكو برضك كيف بدور..يا جدي موتني بس ماترمنيش اكده.. عزيز ده واعر وبيكرهنا يا جدي وهيمرر عيشتي ويذل فيا ليه امده هو انا ملبه ترموني لده.. بالله عليك عزيز لاه 

 ليهجم عليها والدها اخرسي جطع لسانك لا مانتش كيف بدور يابنت نعمات ولمي خاشمك بدل ماتروحي لعريسك متخرشمه..وعزيز لاه ليه هو كان حد عبرك.. انت تطولي دا هو اللي هيجرف منيكي. 

ليبعده جابر.. هملها يا ولدي اسمعي يا بتي ده كان سلسال دم وهنوجفه بالنسب وما فيش بت بتجول وبتنطج.. احنا هنلم التار بالنسب فاهمه يا بت صابر واهدي اكده وارضي بنصيبك وافرحي انك اخيرا هتنستري وتركوها ورحلو وطلبو من جليله تجهزها..

 اما هيا فاحست بالدبح.. كيف اكده يعملو فيا اكده ليه مش بتهم عاد.. مالي فيا ايه ناجص عن بدور انا بت صابر وهيا بت وهدان.. يا رب هكمل حياتي كيف الخدامه وهبقي ممسحه للجبالي وخدامه وابن الجبالي جادر وفاجر هيطحن ويدوس علي رجبتي.. اموت نفسي واكمل ليهم العار.. اهدي يا ورد هتغضبي ربك يا بت صابر... اهدي وارضي بنصيبك كملي موت مانت كتي خدامه كتي مستنيه ايه عاد.. بس حطي فوجيهم ذل وتجبر ابن الجبالي.. يا رب اديني الجوه يا رب اجف جنبي انا اتظلمت واتهموني في شرفي وانا مظلومه يا رب اديني علي اد صبري.. يا رب لو فيها راحه خدني جبل(قبل )مايعذبوني الا انا ماعتش فيا حيل استحمل انا جلبي جايد نار وبقيت بكره الكل.. الله ينتجم منيكم عيله الله ينتجم منك يا ابوي ويرجعلي حقي.. لتقوم.. ماشي يا عيله الهلالي انا هبقي مرات عزيز الجبالي كبير البلد والنجوع كلياتها وهتشوفو ورد ماهتسكتش عن حجها اللي خدتوه منيها.... ماشي يابوي هبقي بنت الجبالي مرات عزيز الجبالي حتي لو سقاني سم ما هتسماش لك بت ولو ربنا اراد وجبت عيال ماهتشوفهمش ولا هيبقي ليك صنف عيل يحبك ويريدك... ماشي يابوي.. انتجملي يا رب منيهم كلياتهم وهاتلي حجي(حقي) .. هاتلي حج السبه اللي لزقت فيا وجابتلي العار هاتلي حجي انت خابر ان دي تهمه شينه عيبه يتهزلها عرشك يا رحمان.. بحج لا اله الا الله انصرني وجويني عليهم..

دخل شاكر علي امه يصرخ بقهر.. صوح يا اماي ورد هتتجوز عزيز..

لتقول.. بسعاده ايوه يا ولدي هنغورها من اهنه ونرتاح..

ليصرخ.. حرام عليكو اكده هيا عملت ايه مش كات بدور اللي عليها العين.. حرام يا اماي سيبها الله يخليكي. 

لتصرخ.. اجفل خاشمك ده الله في سماه اكون مطينه عيشتك

ليصرخ.. لاه بلاش ورد سيبهالي يا اماي بت عمي انا اولي بيها الله يخليكي..

لتصرخ جليله.. يا مري انت اتجنيت يا ولد المحروج.. عايز ورد..

ليصرخ.. وماهعوزهاش ليه مالها ورد بت عمي كيف النسمه. 

لتهجم عليه وتمسكه من هدومه.. الله في سماه لاكون جتلاك بيدي ماعادش الا بت المعيوبه ناخدها..

ليهتف. ورد مش معيوبه ورد زينه البنته كلياتهم زينه البلد. 

لتنصدم جليله.. يا حزنك يا جليله الواد اللي حيلتك اتلبس والبت هطلته.. طب تكتم بجه وتجفل خاشمك بدل ما اخلي ابوك يسخمط عيشتك ويطردك برات الدار يلا غور من اهنه جبر يلمك

ليخرج شاكر وهو يشعر بالقهر الشديد فهو يحب ورد ولكن لا يستطيع ان يقف لامه وجبروتها.. 

دخلت جليله علي ورد والخبث في عينيها ومعها الفستان والملس وبدات تبخ سمها.. مبروك يا عروسه اخيرا لجيتي حد يسترك وضحكت وورد تنظر اليها بحقد ولا تنطق لتكمل طب يلا ياختي قومي البسي اما نهببك نزينك عشان يرضي يبص في وشك..

لتصرخ ورد.. ماهتزينش لحد ومالكيش صالح بيا انا بجولك اهه انت خابره..

لتهتف جليله.. والله وطلعلك صوت يا بت صابر.. يلا اتنفسي قبل ماتروحي تعيش مذلوله في بيت الجباليه كيف الخدامه هتشوفي سواد يا بت نعمات ماحدش هيشوفه وهيعملوكي ممسحه الدار هناك والنسوان هتتحكم فيكي هتبقي كيف الكلبه.ميفوميفو.

كان الكلام يدخل علي قلبها كيف السم ليشتد قلبها اكثر ويقوي اكثر ولا تعلم ماذا حدث لها فورد الحنونه الضعيفه الملائكيه بدات يحدث لها فوران غير منها لتخرج من نعومتها اشواك تنغرز في قلب من امامها لتهتف بغل.. مالكيش صالح يا مرت عمي انا راضيه ومبسوطه وهبقي مرت عزيز الجبالي عين اعيان وخيره شباب البلد انا مش هتجوز اي حد واصل انا هبقي ست الجباليه يا مرت عمي َهتشوفي ورد هتبقي كيف الجمر في تمامه ما حد يجدر يوصله.. هتشوفي ورد اللي ذلتوها هتملك الجباليه َتخليهم طوعها.. كانت تقول ذلك لتحرق قلب تلك الشيطانه وهيا من اساسه تتمني الموت قبل ان تذهب لذلك الجاحد الذي تسبقه سمعته فهيا احست انها ستعيد قصه نعمات وصابر.. لتخرج جليله والغيظ ينهشها لتقف ورد وتبدا في تحضير نفسها لتتجهز لعرسها لتمر فتره وتكون قد جهزت ولبست فستانها كان بسيطا ينسدل علي جسدها كيف الملس الحرير وتركت شعرها فهو في حد ذاته فتنه للناظرين كانت ملاك في هيئه انسان قلبا وقالبا لتنتهي وتقف امام المراه اتشجعي يا ورد الليله دفنتك كملي وارضي بالمجسوم جايز رب العباد يخرجك ويجيلك يوم تفرحي يا بت الهلالي وما تبجيش (تبقيش) نعمات تانيه بس الفرق اني ما هطفش كيف ما عملت امي.. هصبر وهصبر لحد ما تعفو عني يا جادر يا كريم.. انزل السكينه علي عبدتك اللي مالهاش غيرك.. يا رب انت المعين توكلت عليك ولا ملجأ الا اليك لا اري البشر ولا اري الا سواك.. اهديني للصواب والخير وافتح لي ابواب رزقك يا كريم واكفيني شرهم اجمعين.. ولبست الملس الاسود وانزلت الوشاح وانتظرت ان ياتو ليسوقوها الي مدفنها..ميفوميفو.

كان قد حضر عابد وابنه عاصم وعزيز ولم يحضر احد اخر فعيله الجبالي يتكبرون عليهم وكان هذا طلب عزيز ولكن جابر سعد بانهم لم يحضرو احد ليتقدم ومعه بعض من شباب الهلاليه وولديه وهدان وصابر ليسلم علي المأمور وياخذ عابد علي جنب ويخبره بما ينويه ليسمع منه عابد ويقتنع بالكلام ليأمر ولده وابنه ان يبقو بالخارج ويدخل عابد وجابر  ليصبحا وكيلا العروسين ويتما الزواج في صمت مطبق ولم يشعر عابد بشئ فعابد لا ياتي من اساسه في باله سيره الناس ولا يسمع للكلام من الناس علي بعضهم  ويدخل عزيز بعد ان تمت الزيجه ليمضي بقرف ولم ينظر للقسيمه من اساسه ويذهب المأذون ويبعث احد الشباب ليدخلو علي َورد لتمضي لتصبح ورد الهلالي زوجه عزيز الجبال وقد انتهي كل شئ ليبدا الكل في الانصراف ليتقدم صابر ويشد ابنته وينزل بها ويتقدم الجد ويركب معه في العربه ويركب عزيز وعاصم وعابد في عربتهم ليصلو الي بيت الجبالي وكان عزيز مستغرب وجود صابر مكان وهدان فوهدان ابو بدور  ولكنه لم يبالي فكان يشعر بالقرف الشديد..

في دار الجبالي كانت زينات تلطم علي وجهها.. بقي اكده عزيز هيتجوز ويسيب بتي يا حزنك يا زينات عزيز خيره الشباب يتجوز من الهلاليه طب وبتي جميله هتتجوز مين عاد.. يا حزن الحزن يادي الطين اللي هتشيليه يا زينات.. جايبين بت الهلاليه تبقي ست علينا ماهو هيبقي كبير الناحيه .. يادي المرار..

لتدخل جميله.. لتصرخ زينات تعالي يا حزينه تعالي ياللي جلبي مجهور..

 لتهتف جميله شوفتي يا امه بت الهلالي هتتجوز عزيز كيف اكده الجهره هتاكل جلبي.. عزيز ده بتاعي انا ومكتوبه علي اسمه انا بت عمه.. لو دخلت اهنه هجتلها.

لتصرخ زينات انا لو طلت اطلع روحها بيدي.. هنعملو ايه دلوك لاه ماهسكتش ماعادش الا الهلاليه اللي يبلونا ببناتهم.. يا جهرك يا زينات.. من صغر البت وانا بجول هتبقي مرت ابن الكبير طب هنعملو ايه..

لتهتف جميله يتجوزني يا اماي ويهملها كيف الكلبه ماهو عزيز مش طايج الجوازه..

لتلمع عين زينات ايوه صوح اكده يتجوزك وتبقي ستها وهيا الخدامه.. تبقي بت الهلالي تخدم بت الجبالي.. ايوه اكده.. احنا نعدو الليله الجهر دي وبعدين نتصرفو.. وانت يا بت عايزاكي ماتهمليش عزيز واصل..

لتهتف جميله .. كيف ده. دا حد يجدر يجرب منيه دا جادر وانا بخاف منيه..

لتهتف زينات.. اتعدلي يا بت بطني الا اقوم اجطم رجبتك.. عزيز لازمن يتجوزك ولازمن البت دي اول ما تدخل تعرف انها خدامه كيف الكلبه وانك مرته فاهمه تتصرفي علي الاساس ده. انا جنبك وفي ضهرك.. فاهمه يا بت زينات.. جومي البسي حاجه زينه اما نجهر. العروسه جبل ماتخش.

وصل الجميع ليدخلا جميعا علي مكان كبير كانت دار كبيره يتوسطها مكان للجلوس ليجدا في انتظارهم الحاجه سعيده تجلس ومعها زينات وجميله وقادر ينتظرون الجميع في المكان وليس هناك مخلوق اخر كانت قد امرت الكل ان لا يحضر ولا تستقبل تلك العروس فهذا حزن اسود وبالنسبه اليهم حاجه تعيب ولكن درأ للتار والقتل. 

ليدخل صابر ويضع ورد بجوار الحاجه سعيده ويهتف كيفك يا حاجه..

لتهتف متبرمه... منيحه نحمده ونشكره ولم تنظر للعروس من اساسه. 

 ليدخل عابد ومعه جابر ويجلسان ويظل عاصم واقفا كان موقف مهيب الكل مترقب والكل متحفز وتلك الجميله ممزقه متجمده تشعر بانها َقد دخلت قبرها فهيئه عزيز جباره رجلا قويا في نهايه العشرينات علي ملامحه الصلابه والقسوه كان يشع رجوله كان له هاله اخافتها ورجف قلبها لاول مره فاحست بسواد ايامها القادمه..كان يقف شامخا والغضب يشع منه.. كان كانه اسد مكبل بالسلاسل سيطيح في الكل لترهبه لَتحس بقهر وتنزوي والخوف ينهش قلبها.. هو كيف اكده دا شكله يخوف جلبي هيوجف من منظره دا عامل كيف الوحش يا ربي ارحمني هموت اكده دا واجف بيطوج شرار هيجتلني انا عارفه يا مرارك يا ورد من صابر لعزيز يا ايامك الجهر والحزن والكل واجف زي مايكون دخل عليهم عزرائيل.. ايه ده هعيش وسطيهم ازاي.. دول هيذلوني ويمروطو وشي ويدعكوه في الارض.. يا ريتني موت نفسي.. دا شكله صعب جوي ايه ده عامل اكده ليه اني خايفه.. هو ماله فحل اكده دا كيف الطور دانا ماهطولش كته يا مري دا لفحني جلم(قلم) هيموتني. وواجف عايز يجتلنا. يا حزنك يا ورد ده جوزك سمعت عنيه بس ماشوفتش. شوفت الحزن والمرار. جعدو يجولو شكله حلو وزين ويشرح الجلب بس ماجلوش انه عفي اكده وشراني يا مري يا مري.. والنسوان جاعده تتغمز وتتمقلت وامه ماطيجاش يا جهرتي.. هيرموني فين ولا هيعملو فيا ايه.. انا مالي برتعش ليه كده اني خايفه ابصله. يا رب انجدني منيهم 

ليجلس... عابد ويهتف حضري الوكل يا حاجه سعيده..

ليهتف... جابر لاه يا حج عابد يدوم العز احنا هنتوكلو احنا احنا جبنالكم بتنا يا حاج وحابب تعاملوها بما يرضي الله انت راجل عادل وماترضاش بالظلم.. انا سايب بتي امانه عندك انت يا عابد يا جبالي هتتحاسب عليها يوم الدين..

ليهتف عابد.. الكلام ده مايتجليش يا جابر بتكو هنحطوها في عنينا احنا نهينا الدم بالنسب وبتكو بجت مرت ولدي عزيز خيره الشباب بتك ماتجلجش عليها واصل يا حاج واكده نكون جفلنا العداوه بين العيلتين يا جابر..

 ليهتف جابر.. الله كريم يا حاج عابد..

ليقول عابد يلا يا صابر انت ووالحاج جابر ودعو بتكو وانت يا عزيز خد ورد مرتك واطلع بيها مجعدك يا ولدي..

هنا تصنم عزيز  واحس بالشلل واحس ان روحه ستطلع من جوفه. هو جال ورد صوح.. لاه لاه ماجالش..لاه ماجالش.. لا جال خد ورد مرتك.. هو جال ورد يا مري.. كان عزيز قد احس ان جسده يخرج منه فوران وانه اصبح كطوفان لن يقف له احد سمع عزيز كلمه ورد لتدخل الي داخله  تمزق احشائه ليهب مشتعلا يريد ان يطيح بالكل واحس جابر بالارتباك لهيئه عزيز ليقترب عزيز ويهتف عزيز بفحيح اخاف الكل .. سمعني اكده تاني يا جدي اخد مين واطلع..جولت مين اللي هاخدها.. 

لتنحصر سعيده وتلطم وتهتف.. يا حزنك يا عزيز. يا مري. 

وتبتسم جميله بغل وتحس بسعاده هيا وزينات.. يا فرحتك يا زينات.. الجوازه اتغفلجت من جبل ماتبتدي.. يا ايامك الطين يا بت الهلاليه..الجوازه باظت يا دي الهنا.. حلبي هيوكف من الفرحه. 

اما عزيز ما ان سمع اسم ورد  قد تحول الي بركان نار  لتتلبسه الشياطين  ليحس بنار وفوران لينتفض كيف الاسد وعينيه يخرج منها الشرر وهيئته نزلت علي قلب ورد ارعبته لترتجف بشده والخوف ينهشها ليستدير عزيز كالمجنون ويصرخ فيهم ويقول....

  •تابع الفصل التالي "رواية اشواك الورد" اضغط على اسم الرواية