رواية ورد الجبل الفصل الثالث 3 - بقلم نسمة مالك

  

 رواية ورد الجبل الفصل الثالث 3  -  بقلم نسمة مالك

“عاملة اتأسف لك و أقولك حقك عليا.. متزعلش مني و أنت قلبك جامد و لا همك أسفي و أني جيت على نفسي و براضي فيك عشان أحافظ على جوازنا و مصمم تطلقني و كمااان تقول للمأذون قدام الكل إنك بتحب واحدة تانية و متفق معاها تتجوزها عليا!!”..

حركت فمها للجانبين بحركة ساخرة مكملة بجمله كانت بمثابة سكب الزيت على نيران غضبه و غيظه منها..

” مش لما تتجوزني أنا الأول! “..

كانت” وفاء” و بناتها و شقيقات” ورد” جميعهم ممسكين ب” جبل” يحاولون منعه عنها بشق الأنفس، بينما هو يجاهد بصعوبة بالغة ليسيطر على غضبه حتى لا يطول أحدًا منهم..

“انتي فعلاً ناقصة رباية و أنا بقي هربيكي من أول و جديد”..

قالها و هو يدفع الجميع عنه أسقاطهم أرضًا إلا والدته”وفاء” تجنبها عند قصد، فقالت بنبرة راجية..

” متاخدش على كلامها يا ابني.. دي مش فاهمة معني اللي بتقوله و لا تقصده”..

صعدت “ورد” على إحدي المقاعد وقفت عليه واضعة يديها في خصرها و صاحت بغضب طفولي قائلة..

“لا أنا فاهمة وقاصدة كل كلمة يا مرات عمي و كمان أنا متربية أحسن تربية يا سي جبل”..

ترقرقت عينيها بالعبرات و تابعت بصراخ قائلة..

” بس عايزاك تحط نفسك مكاني و تقولي هتحس بأيه لو أنا قولت للمأذون أني عايزه أطلق عشان بحب راجل تاني غير جوزي و متفقة معاه على الجواز؟! “..

لهنا و طفح الكيل، فقد كل ذرة تعقل كان يتحلى بها،و بلمح البصر كان تخطي الجميع قاطعًا المسافة بينه و بينها و هو يصيح بصوته الأجش..

” كل اللى فات كوم و اللي قولتيه دلوقتي ده نيلة سودة تانية و حطتيها فوق دماغك “..

هذه المرة لم يعطي لها فرصة الهروب منه، خطفها بذراعيه كخطاف رفعها على كتفه رأسًا على عقب، و اندفع بها مبتعد عن الجميع وخطي بها لداخل شقته حتى لا يدافع عنها احدًا منهم و من ثم ؟!! ..

يتبع…..

• يتبع الفصل التالي اضغط على (  رواية ورد الجبل) اسم الرواية