رواية تيمو الفصل الاربعون 40 - بقلم ولاء فتحي
(40 )
بارك الله لكما وبارك عليكما وجمع بينكم في خير
الف مبروك
استني يا مولانا متشلش الدفتر انا كمان عاوز اتجوز
لينظر الجميع ليجده كارم وهو ينظر الي ليلي
ابتسم تميم بمرح : لو ليلي موافقه انا وكيلها
ها يا ليلي ايه رايك
بيلا : ودا محتاجه راي يلا يا تميم حط ايدك في اي\ه بطاقتك يا ليلي
شيما : يلا هاتي البطاقة ومبروك يا بنتي
ليتم عقد قرانهم وسط سعاده الجميع
في اليوم التالي
....................................
الجميع يجهز لعقد قران الذي طالما ينتظرونه انه تميم
الرجل الحديدي ولكنه حديدي ك جدار يحميهم ويحمي شؤنهم
معهم فهو قلب ينبض ليطمئن قلوبهم يحتويهم تميم الاخ والصديق والابن والسند
******************
في صباح يوم عقد قرانه يتصل ب مايا
تميم : مايا انا عاوز اشوفك
مايا : خير يا تميم
تميم : موضوع مهم ميتاجلش
مايا : قلقتني طيب انا في البيت وفاضل ساعه علي ما خبيرة التجميل تيجي تعالي
تميم : عمي موجود
مايا : مش متاكده
تميم : لاء خلاص قابليني في الكافيه الي بره الكمبوند انا قاعد فيه
مايا: حاضر سلام
ملك : ايه العريس مستعجل
مايا : مش عارفه عاوز يقابلني ضروري حالا
ملك : طيب تمام مالك قلقانه ليه
مايا : مش عارفه يعني مفروض كتب الكتاب كمان كام ساعه ايه موضوع ميتاجلش الي عاوزني فيه
ملك: انتي مش واثقه فيه ولا ايه
مايا : بالعكس لو عندي ذرة واحده مكنتش اقبل اكون مراته انا هروح علشان متاخرش سلام
....................
شريف : باسل انا وديت ميسون وبيلا وطنط سعاد عند شيما
باسل : انا هجيبهم معايا بس ليلي ونسمه
شريف : لاء ليلي كارم هيعدي ياخدها هي ونسمه علشان هتروح الفيلا عنده خلاص انت بس تروح بدري ليهم
وانا هروح مع تميم اخد ملك
اهم حاجه الحراسه متمشيش من غير حراسه
باسل : سيد مضبط كل حاجه متقلقش
شريف : باسل موضوع الفديوهات في قلق متنساش كمان انهارده القبض عليهم فكون حذر
باسل: متقلقش يا شريف خليك جنب تميم مصدقنا انه لقي نصه التاني
شريف : اه يا ابني كنت فقدت الامل بس البنت ممتازة وابوها راجل محترم ونضيف اوي
باسل : الحمد لله يلا علشان منتاخرش
........................
مايا : تميم قلقتني في ايه
تميم : ايه يا قلبي مالك مفيش حاجه انا بس عاوز ارتب معاكي حاجات وكمان عاوز احكيلك علي حاجه مهمه
مايا : خير مالك انت كويس وايه الحراسه الي بره دي كلها
تميم : انا كويس ودي حراسه معايا عادي اهدي بس
بس انا علشان متتصدميش حبيت اوضحلك امور
مايا : خير انا سمعاك
تميم : بصي يا ستي في عصابه تجارة اعضاء وسموم اتفقو مع واحد مرتزق اسمه روماني انهم يخطفوني ويساومو علي فلوسي
الي متعرفيهوش ان روماني دا يبقي خال رائف
مايا : ايه الحقير
تميم : متستعجليش علي الحكم علي الامور
العصابة دي كانت بدات تحقن لي مخدر ولما رائف عرف اتصرف وسايرهم واتفق مع عمي وانقذني وعرض نفسه للخطر وللاسف خاله اتصفي لانه في نظر العصابه خاين
والدك مسبنيش لحظه ورائف وقف جنبي علشان كدا متتصدميش لما تلاقيه معانا انهارده
مايا : ايه معقول كل دا حصل
تميم : ايوة يا ستي علشان كدا جيت ليكي وقولت اوضح لك الموضوع و وكمان عاوز اتفق معاكي علي ..........
مايا بجد يا تميم
تميم : ايوه يا قلب تميم بجد
ودلوقتي يلا بقي ارجعي البيت وهاجي اخدكم انتي وملك
مايا : بس بابا قال هيودينا
تميم : لاء بابا مشغول ومن انهارده انتي مسؤليه تميم شومان يا حرمي المصون وتميم مبيفرطش في مسؤلياته خصوصا لو حته من قلبي
مايا : مش هينفع تيجي بليز مش هينفع نتقابل في القاعه
تميم : مفاجاه دي بقي ولا ايه طيب خلاص هبعت شريف وانا هروح القاعه
مايا : تميم عن اذنك وانصرفت وهي خجوله مما تسمعه وتشعر به
.........................
علاء: ايوة يا رائف متقولش كدا انت بقيت واحد مننا
رائف : يا عمي انا مش عاوز اضايق مايا انا اذيتها كتير
علاء: انت اتعالجت وعرفت غلطتك ورجعت عنه ومحدش معصوم من الخطأ يا ابني وكمان تميم وانا سمحناك وتميم هيكلم مايا
رائف : ياريت هي تسامحني
علاء: هتسامحك متقلقش بس ملكش علاقه بيها انت عارف
رائف: يا عمي انا عارف عاوزها تسامحني علشان اخف ذنوبي انا مهما توبت من الي كنت فيه بس مش عاوز ديون معنويه انا اتعلمت الدرس كويس
علاء : يا ابني ربنا يرضي عنك .وكمان انت واقف من الصبح معانا علي التنظيم كنت عاوز تمشي دا كلام انت معايا
رائف : خلاص يا عمي انا هستاذن اتاكد من باقي الحاجات
شريف : ها يا جماعه اتاخرت عليكم
رائف : لاء يا بطل انت ايه جابك وسايب عروستك
شريف : جاي اطمن علي الترتيبات
علاء: انا وسيد ورائف هنا روح انت يا شريف خليك مع تميم
شريف : يعني اخلع بس مايا ماسكه في ملك مش عارف اتلم عليها
علاء : مستعجل علي ايه شويه وهتكون معاك اصبر يا روميو
شريف : انا جوازي اتاخر اوي بجد وام لسانين دي مبقتش قادر ابعد عن نقارها
رائف: اسجل واذيع
شريف : وعلي ايه يا عم رائف الطيب احسن انا هروح اقدم ليها فروض الولاء والطاعه
رائف : ايوة كدا رجاله متجيش الا بالعين الحمرا
تميم : هما مين دول الرجاله دي
شريف : انت بتعمل ايه هنا
رائف : انت جاي ليه يا عريس دا ينفع
تميم : العروسه مش عاوزاني اروح اخدها فقولت لها هبعت ليكي شريف
علاء: خلاص انا جاي معاك يا شريف يلا بينا
رائف: وانت ترتاح يا تميم هنا ولا اقولك ادخل الاوضه الي هيجي فيها الماذون ارتاح فيها
تميم : انا مش بتاع راحه
رائف : كل حاجه خلصت
تميم : يبقي تعالي نقعد نشرب قهوة وكفايه تعبك يا رائف
رائف : دا انامديون لك بحياتي يا تميم
تميم : وانا كمان مديونلك بحياتي يا رائف كدا خالصين واتفقنا نبقي اصحاب
رائف : وانا اطول ياااه دا شرف ليه
تميم يربط علي كتفه متقولش كدا انت زي باسل وشريف تعالي بقي نشرب قهوة ونستني الماذون علشان عاوزه
............................
في المساء يجلس تميم في حجزة الماذون ومعه علاء وشريف وباسل وسيد ورائف وسعاد وميسون وملك والكل يتفجأ
تميم : امي انا مش هكون اناني واعيش حياتي واسيبك وحيده عمي طلبك وانا وافقت والماذون جاهز لكتب الكتاب
سعاد : ايه تميم انت
علاء : بجد يا تميم انا بحبك زي ابني
تميم : عمي اتفضل اقعد
وتم عقد قران سعاد وعلاء
ويقف ويحتضن تميم وتميم يحتضن امه
...................
شريف : يلا بقي الماذون يخرج علشان كتب كتاب تميم
وخرج الماذون وانهي جملته وسط سعاده الجميع
بارك الله لكما
يبحث عنها لم يراها الي الان
ملك : هي جوا مش هتخرج الا لو دخلت جبتها
يدخل ليجدها تقف
مايا : ايه رايك في المفاجاه دي
تلف امامه بسعاده وتنظر له
مايا : قررت اتحجب وابدا حياتي معاك بطاعه والبسه من دلوقتي علشان ربنا يبارك لينا في حياتنا ايه رايك
تميم : ياااه يا مايا ياااه مبروك يا قلب تميم يا عقل تميم يا عمر تميم وربنا يبارك لينا في حياتنا ويهدينا
ليقف تميم يحتضنها بكل شوق وحب وهو يقول لها
تميم : مايا اوعدك انك تكوني جوا قلبي طول ما قلبي بينبض
اوعدك انك تكوني اولوياتي يا زوجتي المصون
مايا : تميم انت متاكد انك تميم
تميم : طبعا متاكد بس مكنش ينفع اتكلم الا وانتي مراتي وحلالي قدام العالم كله مقدرش اسمعك كلام حب وانت مش ليا دلوقتي اتعودي انك تكوني انتي حب تميم
مايا : وانت هتكون عقل وقلب مايا
تميم : مايا انا بحبك حب جنون
مايا : ولا كان باين عليك
يدخل شريف : ايه يا جماعه الحفله بره من غير عرسان
ليخرج العروسان ويمرح الجميع وسط حب وسعاده وحقد وغيره فانها الحياه مليئه بالمتناقدات ولكننا ننتقي منها ما يريح قلوبنا
- يتبع الفصل التالي اضغط على (رواية تيمو) اسم الرواية