رواية قتلني ورحل الفصل الخامس 5
البارت الخامس...1
كانت ليال منهاره من بعد قاسم فقد تغلغل بداخلها ليصبح لها النفس اراد ان يخرج منها ردة فعل تشبع مشاعره َتبين له تعلقها به ليغيب ثلاثه ايام لتنهار بقهر وما ان عاود الاتصال بها حتي رفعت السماعه بلهفه..
انت كويس انت فيك ايه..
اما هو فقد انخلع قلبه من لهفتها ليهتف.. بس بس بتعيطي ليه.. بس اهدي طيب.. مالك عامله كده..
لتهتف ببراء.. كنت قلقانه عليك ليكون جرا حاجه اصلك يعني ما اكلمتش بقالك ايام.. هو فيه حاجه حصلت..
ليهتف بحب.... طب ممكن تهدي الاول.. ها هديتي..
لتهمس... اه بقيت كويسه بس انت كويس والنبي قول..
ليهتف بحب.. كويس ايه بس ماتبطلي والنبي حنيتك دي يا قلبي كويس والله كويس..
لتهتف مسرعه... امال مابتكلمنيش ليه انا زعلتك في حاجه.. قصدي.. قصدي.. لا يعني براحتك ماتتكلمش بس كنت خايفه اكون عملت حاجه تضايقك..
كان هو في قمه سعادته كان يمتلك من المكر والخبث مايجعل تلك البريئه تقع في هواه ببساطه ليقول.. انا اسف بس والله حصلي مشاكل جامده انا اقدر ماكلمكيش وزعلتيني ايه بس دانا قلبي بيفرح كده لما اكلمك..
لتهتف... بجد يا قاسم..
ليقول بحب.. بجد يا روح وقلب قاسم يا واخده عقل قاسم ..
لتشهق وتحس بالدماء تتصاعد وتقفل الخط بسرعه.. ايه ده هو بيقول ايه بجد اللي قاله ده..
اما هو فضحك عندما قفلت الخط.. تقريبا علي بال ماقلها بحبك هتكون سورقت وفرفرت طب دي هحب فيها ازي ومابتستحملش كلمه. ليتصل مره اخري لينتظر.. البت مابتردش هيا سورقت والا ايه.. كل ده من كلمه... لا كده هتعب اوي دا لفل بعيد علي ماوصل اكون انا اللي فرهدت.. لتفتح الخط وتصمت ليبتسم ويقول.. ايه هتسكتي كده كتير...
لتهتف.. اقول ايه مش عارفه.
ليقول... اي حاجه تهديني شويه.. ليال انت بقيتي عندي حاجه كبيره اوي... ليال... يا بنتي انا كده هقعد اتكلم لوحدي.. يا لهوك يا قاسم طب خلاص طالما مش عايزه تكلميني..
لتهتف مسرعه.. لا لا عايزه والله..
ليقول بحب وانا كده كفايه عليا اسمع لهفتك دي وكلها يومين وتخشي جامعتك وساعتها هشوفك.. ليال.. اول يوم هتلاقيني قدامك مستنيكي عشان تبداي دنيتك الجديده وانا معاكي.. عارف هتسكتي بس اوعدك هعلمك ازاي تردي عليا مانا مش هطق لوحدي كده وانت ساكته واكيد محمره وهموت واشوفك..
لتقول.. لا بقه سلام والنبي وقفلت الخط ليضحك علي حبيبته الجميله الذي يتمني قربها..
دخلت ليال علي اَمها لتقف بجوارها في المطبخ لتهتف ماما انت ازاي عرفتي انك بتحبي بابا.
لتهتف امها.. كنت مافيش يوم ماقدرش ماشوفوش واكلمه لو خاصمني اتوجع واحس بروحي رايحه كنت اقعد مستنياه بس يبصلي ويكلمني.
لتتنهد ليال... هو الحب حلو صح يا ماما
لتهتف فاديه.. حلو يا قلب امك بكره يجيلك اللي يحبك ويقدرك..
لتهتف ليال.. هيجيلي ازاي وانت مقفله عليا.
لتضحك فاديه الحب ما بيستاذنش الحب قضا تلاقيكي متاخده كده من غير ماتحسي ونصيبك هيجيلك يا قلب امك
لتهتف... بس انا مابعرفش انطق ونفسي ابقي زي بقيت البنات هيزهق مني.
لتهتف.. لو بيحبك مش هيزهق َهيصبر ويعلمك حبه هو صح..
لتهتف.. بجد يا ماما مش هيزهق
لتهتف فاديه.. بطلي بطلي يلا روحي شوفي مذاكرتك ماشيه مع قاسم كويس
لتهتف.. اه قوي دا شاطر قوي
لتهتف فاديه اه ربنا يبارك فيه دا وقعلنا من السما.. للتتنهد وتستدير لتهتف ماما ممكن انزل اشتري شويه حاجات
لتهتف فاديه هتشتري ايه.
لتقول.. سمعت عن روايه حلوه نفسي اقراها ممكن انزل اجيبها..
لتهتف طب انزلي وهاتلنا بسبو سه وانت جايه انت بتحبيها. لتقبلها ليال وتندفع تلبس ملابسها وتخرج تبحث عن قصتها كانت تدور. وتدور تبحث عنها ليرن تليفونها لتفتحه وتهتف قاسم ازيك..
ليسمع صوتا وهيصه ليهتف.. انت فين
لتضحك في الشارع.. بشتري حاجه..
ليهب من مكانه فين في الشارع اديني العنوان.
لتهتف ليه..
ليقول قولي بس
لتعطيه العنوان ليهتف ليال والنبي نص ساعه وهكون عندك معايا كتاب مهم ماشي لتتنهد وتهتف ماشي..
وقفت ليال تنتظره ليمر احد الشباب بجوارها ليقترب ويلف حولها كانت جميله َخجو له ليقترب.. القمر واقف لوحده.. الا انها انكمشت وابتعدت ليقترب طب ماتخافيش كده ماتيجي نشرب حاجه والا اقو ل تعالي اوصلك هبسطك واتسيطيني
لتنظر اليه.. عيب يا استاذ كده امشي
ليهتف.. تعلدي بس هنقضي ليله حلوه والله هبسطك دانا جامد واعجبك.
لتهتف امشي بقه والله عيب لتنهمر دموعها ليقترب منها كانت ترتعش ليلمس يدها لتصرخ ليضحك كانت ترتعش ليهتف ايه ده مالك كتكوته كده تعالي وانا هخليكي سايحه و نايحه مزه يا بنت ايه يا بت مالك متخشبه كده تعالي والله هنقضي ليله جامده محسوبك مايتسابش تعالي دانا هعلمك تبقي ست بجد بدل هبلك ده.. تعالي هعجبك دانا جامد وهدوس فيكي لتشهق عندما سمعت صوتا مرعبا.. هيا مين يا روح امك اللي هتدوس فيها ليه*جم علي ذلك الشاب ويبرحه ضر*با ويتجمع الماره والرجل يصر*خ وهيا منكَمشه تبكي ليفرقهم الماره والرجل قد اندعس تحت رجل قاسم ليستدير ويشد*ها من يدها ويندفع بها ليدخلها العربه ويصر*خ انت واقفه للزباله ده يقلك ايه.
لتجهش بالبكاء وتهتف.. مانا قلتله عيب يا استاذ.
ليشعر بالقهر.. لا والله عيب يا استاذ.. الاستاذ عايز ياخدك ويدوس اروح فين انت ازاي كده
لتننهد وتمسح دموعها اعمل ايه مابعرفش ارد وقلتله عيب كتير وهو عمال بقول كلام مش فاهماه فعرفت انه باينه اهبل.
ليهتف بحسره.. كلام مش فاهماه هو اللي اهبل برضه يا قهرك يا قاسم
لتهتف وتمسح عيونها.. طب براحه خلاص والله هو عبيط ماتزعلش َجايز اهبل ربنا يشفيه.
ليصر*خ... مامشتيش ليه من المكان
لتهتف... مانت قلتلي اقفي هنا اعمل ايه
لينظر اليها.. انا حاسس اني هنجلط والله يعني تسييبه يقل ادبه.
لتهتف.. خلاص بقه انت بتزعق ليه والله مافهمت ولا كلمه ويدوس وبهرس ماعرفش هيهرس ايه بعبطه. الله بطل بقه تزعق ماتزعقليش انا ماحدش بيزعقلي كده انا مش بعمل حاجه
ليتنهد بغلب... تعملي يا رب عالاعاقه ويدوس ويهرس هرسه قطر.. طب اقول ايه الله يسامحك يا فاديه ليجلس يحاول ان يهدا وكلام ذلك الحقير يكوي قلبه ليستدير ويهتف تاني مره اي حد يقرب منك امشي ماشي ماتسيبيهوش يتكلم.
لتتنهد... خلاص بقه انت مكبر الموضوع واحد عبيط خلصنا بقه الله بطل والنبي لتضحك والله دا بتنجان انا بس كت خايفه يمسكني بيقولو الهبل بيضوبو الناس لتضحك وتخبطه خلاص بقه بطل تكشيره والا اروح اخليه يعلمني واسيبك تقعد بقه تاكل رَوحك كده.
لينظر اليها بغضب لتضحك خلاص خلاص يا سيدي والله يا قاسم ماهخلي حد يعلمني ابقي بنت كويسه غيرك انا واثقه فيك..
ليهتف هو قالك اعلمك تبقي بنت..
لتهز راسها ليهتف لا قالي هعلمك تبقي ست..
ليظل ينظر اليها محصورا... وانت مبسوطه وبتضحكي ليحس انه سينقض عليها يضربها ويذيل تلك الابتسامه البلهاء وخرج من العربيه ظل يدور انا ماموتوش ليه الزباله الواطي لينظر اليها من العربه معاقه والله معاقه اعمل فيكي ايه محصور يا ربي دا قال سفاله الدنيا وتقلي عبيط امال انت ايه دانت السرايا الصفرا هو فيه حد اهبل كده.. مره شادي ومره ده هنشل.. ماكتش اعرف كت عارف اه انك هبله بس مش معاقه ودي هعلمها ايه دي عايز نجيبها من اول ز.. ر... ع طب ايه هحب فيها ازاي دي مانا علي ما. احب واقول هنجلط الواحد عايز حد يلاغيه دا مابتفهمش خالص لا لا والله ماينفع البت لازم تتدردح شويه هتخش الجامعه ازاي دي نهار اسود دا هتقابل وحوش هياكلوها وهيا تتاكل حبيبي يتاكل اكل ليظل يقف اعمل ايه.. ليتنهد ويعود ويجلس صامتا.
لتخرج بعض الحلوي وتعطيه لها لينظر اليها ويرفع حاجبيه ليهتف... ايه ده.
لتقول ببراءه.. حاجه حلوه عشان ماتزعلش
ليظل ينظر اليها ليهتف.. لا انت تروحي كفايه عليا كده انا خدت اوفر دوز جرعه هتعالج منها شهر.. ليتنهد ويستدير ليال حبيبتي بصي اياك بعد كده تخلي شاب او راجل او حتي سحليه تقرب منك ماشي لتهز راسها وهيا تاكل الحلوي ليظل ينظر اليها ليهتف ليال لتنظر اليه ليقول مانتش عايزه تتمرجحي اوديكي المراجيح بالمره تنبسطي.
لتندفع... بجد هتوديني المراجيح..
لينطلق في الضحك لتهتف.. انت بتضحك علي ايه
ليهتف بضحك عالغلب اللي هشوفه دانا هشوف ايام علي ماوصل للي عايزه اكون محصور او مهبول.
لتهتف.... وانت عاوز توصل لايه
لينظر اليها ويتوه فيها.. كل حاجه عايز اوصل لكل فتفوته اطولها والله كل فتفوته تااكل اكل..
لتهتف.. انت شكلك جعت يلا بقه روحني وروح كل.
ليضحك بغلب... والله عندك حق الواحد ميت من الجوع بشكلك ده يا تري لما اكله كله هيبقي عامل ازاي مسورق ولا مفرهد ليضحك مش متخيل والله المنظر.. لتنظر اليه ليهتف عارف والله من غير ماتبصي بس بجد انت مصيبه ليلتفت ويذهب بها ليصلا بالقرب من بيتها لتهتف اسيبك بقه.
ليهتف.. من الحق انت كت بتشتري ايه.
لتهتف... روايه حلوه اوي لسه هقراها لتضحك بفكر اقراها من ورا ماما.
ليهتف... يا ريت والنبي ياختي.
لتقطب جبينها.... قاسم انت عايزني ابقي قليله الادب اخص عليك.
ليهتف.. انت قدامك اميال واميال وسنين ضوئيه انزلي انزلي كفايه اللي عملتيه فيا.. ليتنهد بس مستنيكي تحكيلي القصه طالما جامده كده.
لتضحك اوك هشاركك قصصي واحلامي
لتنزل وتتركه.
ليقف ينظر اليها.. لا يا قلبي دانا هعملك الاحلام دي واقع واحطك جوا قلبي بس هنجلط والله.. بحبك يا هبله.
*****'
دخل قاسم ليجد جده يجلس ومعه بعض الضيوف ليهتف تعالي يا قاسم اتعرف علي عمك معتز ليتنهد قاسم ويدخل ليجد الرجل ومعه فتاه تجلس وتلبس لبسا مكشوفا ليقطب جبينه.
ليهتف جزه.. سلم علي شهد بنت عمك معتز ليقترب ويسلم عليها ليبدأ بدر في الكلام وقاسم لا ينطق ليقوم بدر وياخذ معتز المكتب ويتركوقاسم مع الفتاه عمدا ليظل معها وهيا تنظر اليه وتتكلم بجرأه وهو يرد علي اد الكلام ليمر الو قت وهو مختنق ليخرج معتز وياخذ ابنته.
ليقف بدر غاضبا.. انت ايه جبله مابتحسش مالكش في النسوان البت هتموت عليك والبعيد جبله
ليهب قاسم... ومالي بيها انا ايه القرف ده.
ليهتف بدر.. انت عايز تجلطني مالك ايه دي هتورث ملايين.
ليصر*خ قاسم.. تغور بت مكشوفه وقليله الادب.
ليقترب بدر.. لا يا حيلتها انت تلم نفسك بدل بعترتك دي.. انا بدر الحديدي ماحدش يتعداله كلمه ولما اقول تنفذ لتكون فاكر اني هسيبك اهبل كده.. امبراطوريه بدر هتفوم عليك انت واخَوك.
ليصر*خ قاسم... ايه احنا مالناش راي.
ليهتف بدر... لا مالكوش مصلحه العيله وبس فلوس العيله وبس سلطه ونفوذ وبس اي حاجه تانيه ادعكها تحت جزمتي عيله الحديدي ليها وضع وهتفضل ليها وضع احنا اسياد الناس.
ليهتف... انا مش سيد حد
ليقول بدر بعنفوان.. لا انت سيد الناس وهتفضل كده قاسم نعيم الحديدي سيد الناس وانا هوصلك تبقي سيد سيدهم كَمان.
ليهتف قاسم.. مش عايز مش عايز هو عافيه.
ليهتف بدر. اه عافيه اسمع يابن نعيم اتعدل احسنلك انا مش هسيبك لنفسك اهبل كده وانت عارف بدر الحديدي غول . حد بس اتحود بعيد بيكسره ويعدله ويرجعه تاني اعقل وماتخلتيش اقرصك قرصه تنهش صدرك ليتركه قاسم مقهورا فجده لا يتركه يتنفس ليشعر بالخوف علي علاقته بتلك الجميله ولكنه لن يهَدا ومهما حصل لن يتركها لتجد غيره.
كانت كارما تقف تصنع كيكه حلويات وتتراقص لتدخل عليها الخادمه.. ايه يا ست كارما مانا كت هعمل.
لتضحك كارما.. يا دادا انت واقفه مع محمود ابنك وهو كل فين وفين اما بيجي كان الاول متربي معانا دلوقتي ماعتش بيجي.
لتتنهد السيده شغله يا بنتي..
لتاخذ كارما قطعه حلوي وتذهب بها لمحمود لتقف معه وتضحك معه فروحها حلوه ليدخل بدر وكرم لينتفض بدر ويقترب منهم.. انت واقفه بتعملي ايه انت هنا اتجننتي
لتبهت... ايه يا جدو بضايف محمود.
ليصرخ.. وتضايفيه ليه مش فيه خدامين. انت ست البيت اتجننتي يخش المطبخ هو ياكل مالك بيه.
ليهتف ايان... براحه يا جدي.
ليهتف محمود... انا كت ماشي يا بدر بيه عن اذنكو.ليستدير ويرحل الشاب فبدر متعالي بشكل بشع.
لتهتف كارما بانفعال.. عيب كده مش بني ادم ده محمود متربي معانا وطيب َمحترم ليه كده.
ليقترب جدها.. لا لا لا. لهنا وقفي متربي معاكو فين دا خدام ابن خدامين.. بت انت مش معني اني بدلعك تسوقي فيها ليمسك يدها ويلويها تلمي نفسك وتعرفي مقامك انت بنت الاسياد فاهمه ليدفعها لتقع علي الارض ويرحل لتجهش بالبكاء ليرق قلب ايان ليقترب ويمسكها ويرفعها لتنظر اليه بغلب ليقترب ويمسح دموعها ليهتف.. معلش ماتزعليش هو كده انت عارفاه.
لتجهش بالبكاء.. بس حرام محمود طيب مش معني انه ابن دادا يتقاله كده فين اانسانيه احنا كلنا زي بعض.
لياخذها ويجلس ويجلسها.. جدك ماهيتغيرش ومعلش محمود هنراضيه.
لتهمس.. بس قلبي بيوجعني بعد ماكت مبسوطه قلبي وجعني.
ليبتسم.. وكتي مبسوطه ليه.
لتندفع وتمسح دموعها لتهتف.. اسكت يا ايان عملت حته كيكه فواكه انما ايه فظيعه.
ليبتسم ويهتف... يا سلام تنفعي يعني.
لتقوم وتشده وتذهب به للمطبخ طب تعالي شو ف ليذهب ورائها لتدخل وتحضر الكيكه ليشر للخدم ان يخرجو لتقطع وتقترب منه وتطعمه بيدها ايه رايك.
ليبتسم لاول مره كانت بريئه ولطيفه ليهتف لا حلوه بس ما اصدقش انك اللي عملاها
لتخبطه بطل انت عدو الفرحه ليه والله عملاها.
ليرفه حاجبيه لتضع يدها في وسطها.. لتهتف طب هوريك وبدات في تصنيع الكيكه مره اخري وهو يراقبها كانت جميله وبراقه وتقوم بحركات عفويه وهو لا يحيد عنها لتشده تعالي انت واقف تتمريس اشتغل ليندهش من تصرفها ولكنه استجاب وظل يشاكسها لاول مره لينشرح قلبها كانت لحظه تجلي منه وتخليه عن جحوده وعنفوانه لتقف سعيده لقترب وتلطخ العجين علي انفه ليغتاط ويقترب َمنها يمسك المعلقه لتضعها خلفها وهو يحتضنها يحاول ان ياخذها ليلطخها كما فعلت لترفع وجهها لتتقابل عيونهم ليسهم كل في الاخر كان محتضنها وهيا لا تتحرك لتنساب مشاعرهم فهيا عاشقه حتي النخاع وهو بداخله شئ لا يقدر ماهيته ليحس بنفسه يقترب َمن وجهها ليحس انه سيلمس شفتيها لينتفض ويبتعد ويرمي المعلقه..
لتهتف هيا بحرج اعملك شاي معايا وتلا نسكافيه.
ليهتف.. بارتباك نسكافيه.
لتصنع له وتنفتح في الكلام فقد وضعت الكيكه في الفرن لتندرج تتكلم معه وهو ارتباكه لا يزوال فيستعجب كيف يقف يكلمها هكذا بتريحيه.. ليظلا هكذا لتنتهي وتبدا في تزينها كانت تقف تغني وتتنايل وهو لا ينطق وبداخله مراجل تشتعل.. لينهر نفسه انت اهبل واقف تبص علي ايه وبتعمل ايه في المطبخ انت مجنون. ليجدها تستدير وتقترب خد بقه دوق وتاخذ وتطعمه لتلمس اصابعها شفتيه ليتسمر مكانه كان به شئ غير عادي..
لتقف تنظر اليه بوله كانت تعشقه. لتهمس حلوه يا ايان
ليهتف.. اه حلوه قوي
لتتنه. يعني انفع با ايان.
ليهمس ساهما تنفعي اه والله تنفعي اوي.
لتقترب وتتجرا وتمد يدها تمسح بقيه الكيكه من علي شفايفه ليمد يده ويمسك يدها علي شفتيه ليرجف قلبها كانت حاله من المشاعر دخل فيها فملمس يديها علي شفتيه تحرقه وتكوي قلبه ليحس انه تاه فيهم وهيا ساهمه لتحرك يدها علي شفتيه بهيام وهو قد انسابت مشاعره ليقترب ويقترب وهيا لا تفعل شيئا الا احساسها بملمس شفتيه ليضع يديه علي وسطها ويشدها اليه ليقترب وشفتاه ستلمس شفتاها لينزاح الطبق من جوارها ليسقط لينتفض هو ويدفعها لتتحول نظراته الي الغضب من ارتباكه ليصر*خ.. ايه انت مالك مش علي بعضك كده انا مش عارف ايه اللي موقفني معاكي انا اخش المطبخ دي بقت مسخره ليدفعها ويهرب منها لتشعر بالقهر من تحوله لتهمس ليه كده ليه شفت في عنيك مشاعر ليه حرام عليك ليه يا رب تعبت تعبت.بحب بقره جاموسه بتنطح مابيحسش ليه ليه لتنزل دموعها واقف مقهوره لتندفع وتخرح مقهوره.
اما هو فكان يدور هاذجا في حجره المكتب ايه ايه فيه ايه جوايا اتهبلت ليسهم ويضع يده علي قلبه ويتذكر قرب شفتيهما ليهمس هموت يخربيتك فيه ايه هموت وابوسها.. هيا لبستني والا ايه.. اهدي قلبك هيقف اهدي انت اتجننت. ليظل يكبت نفسه ليصعد حجرته ليجدها تندفع من جانبه لتذهب لغرفتها ليحس بانه لا يتحمل ليندفع ويمسك يدها ليهتف بغضب.. بعد كده فيه حدود ماتتعديهاش.
لتنظر اليه بغضب لتدفع يدها وتستدير لتغلق الباب في وجهه وترزعه ليشتعل ويهجم عالباب ويدخل ليهتف انت واحده طايحه فيه ايه ماتتلمي
لتهتف.. انت عايز ايه انت.
ليقترب.. هعوذ منك ايه انت يتعاز فيمي ايه.
لتهتف.. كتر خيرك اتفضل بقه.. مش فاضيالك.
ليشتعل.. نعم ياختي وفاضيه لمين.
لتهتف مالكش فيه.. مش هايزني اتلم بعيد عنك تمام اديني هعمل كده ويلا بقه ورايا مكالمات
ليندفع َيمسك يدها.. هتكلمي مراد صح.
لتهتف مغيظه اياه.. اه هكلمه عايز حاجه اقلهاله لتتنهد وتهتف.. حتي احكيله عاي كيكتي الشهيره هينبسط ويتمنا ياكلها من ايدي.. بس فين بقه ربنا يقرب البعيد
ليشتعل ويصرخ.. البغيد ساله وشالك.. ههتطفحيه كيكه فين ياختي الاهي مايوعي يطفحها.
لتهتف.. ليه مش احتمال نبقي نسايب.
ليقترب مشتعلا ليشدها لتضع يدها علي صدره ليرتجف جسده ليهتف دا بروحك..
لتننهد بغلب ليه يا ايان لتنظر اليه بعشق. ليتسمر مكانه كان قلبه يحرقه وقربها يهلكه ليخس ان قلبه سيخرج من مكانه ليضرب بكل شئ عرض الحائط وينقض عليها ليتوه معها لترتجف من عنفوانه َوتحاول ان تبعده ليبتعد اخيرا ويدفعها ويخرح هاربا والرعب يجتاحه من مشاعره التي تخبطها عن اخرها اما هيا فكانت غير مصدقه لمساته الحانيه لتجلس بقهر لا تفهم شيئا..
اما عند بدر الحديدي كان جمال قد دخل عليه ليقول له يا باشا بقالي شهر قاطره مفيش حاجه لا بيقابل حد ولا بعرف حد.. قاسم بيه حد محترم..
ليتنهد بدر بارتياح.. ريحتني يا جمال بس برضه اركن شويه كده وابقي ارجع كل شويه طمني عليه الواد اهبل نلاقي بت شحاته ضحكت عليه.. هو اه عنده جبروت زيي بس طيب ومالوش في اللوع لسه مادخلش المعمعه.. نفسي اشوف جبروته ده يكبر من غير طيبته دي ساعتها هيبقي نسخه مني مابترحَمش ودا مني عيني ويتجوز ويجبلي قورطه عيال.. نسل الحديد باشا يكبر ويكبر والامبراطوريه دي تتسلم جيل ورا جيل..انا عارف ان قاسم بقاله سنه وشويه بيمحط في الصخر وطلع عنده حق وشرب الشغل شرب وسايبه بس نفسي اغرز فيه حته الحديدي اللي مابترحمش دي عشان السوق يترعب منه مايبقالوش نقطه ضعف..نفسي يبقي زي اخوه يدوس علي اي حاجه عشان مصلحته.
ليهتف جمال.. والله يا باشا قاسم بيه نسخه منك بس لسه ماتقرصش.. اللي زيه لما يتقرص بيطلع جبروته كله اصبر بس هو اول مايخش المعَمعه هتلاقيه اتحول.. السوق بياكل الطيبه وبيخلي الواحد دايس وقادر..
لينتفخ بدر.. حقه يا جمال لو حصل.. ساعتها اسيبله الجمل بما حمل وارتاح بقه انا تعبت وروحه نعيم واخوه كسرتني ولادي الاتنين يروحو كده مع بعض دا كان يوم قصم ضهري وهما راجعين من الحج ولادي بمراتتهم ورحمه ربنا العيال مارحوش معاهم .. نعيم كان حياتي وكان نسخه مني بس اقول ايه عمره ومقدر..وشاكر كان غلبان وطيب زي قاسم بس اهو طلع لعمه.
ليهتف... جمال الله يرحَمهم.. دا اسمه بس كان لما يتذكر الناس بتطفش من خوفهم.. وانشالله قاسم باشا يبقي كده. ليجلس بدر ويتخيل قاسم ويتمني مايريده له ويسرح في دنيا الجبروت التي يخطط لها..ليهتف المجموعه متقسمه اتنين مجال كل مختلف وايان خلاص هيستلم المجموعه الاولي لوحده ويشيلها هدهاله عارفه انه واخد جبروت نعيم بس لسه تكه في دماغي واشيله الجمل بما حمل وقاسم يشيل النص التاني واقعد بقه ارتاح واشوفهم بيكبرو ويطحنو في السوق طحن.. يا رب نولهالي..ميفو السلطان ❤️ ❤️
•تابع الفصل التالي "رواية قتلني ورحل" اضغط على اسم الرواية