رواية تيمو الفصل الخامس 5 - بقلم ولاء فتحي
(5)
سعاد : ايه انت بتقول ايه معقول الكلام دا
ميسون : ايه يا ماما في ايه خير
سعاد : انا طالعه البس بسرعه وكلمي تميم نونا بيلا تعبت ودخلت المستشفي
ميسون : ايه مالها
سعاد وهي بتجري : مش وقته يا ميسون بسرعه كلمي تميم
ميسون وبتتصل ب تميم : ماما انا لازم اجي
سعاد : وهي فوق بسرعه كلمي تميم واجهزي
..............................
شريف : خلاص كل حاجة ولا لسه في حاجة
تميم : كدا خلاص تعالي بقي وديني لنونا بيلا اسلم عليها قبل ما اسافر
شريف : مهو انا سواق سعادتك يا فندم ز يا ابني فيها ايه لما تاخد عربيتك وحراستك وتتحرك هتفضل كدا كتير
تميم : بكسب فيك ثواب تشوف جدتك الي مبتسالش فيها وكمان لو مش فاضي قولي
شريف : يعني لو قولت مش فاضي هتعمل ايه يلا بينا
تميم : هفضيك خالص يا مان والله وتفضي لي هو في اهم من تيمو عندك
يقطع حوارهم دا اتصال ميسون
.............................
تميم : ميسو اذيك
ميسون : بتعيط تميم انت فين
تميم بخضه مالك يا ميسون انتي كويسه
ميسون : نونا بيلا تعبت ودخلت المستشفي
تميم : ايه امتي دا انا كنت رايح لها
ميسون : مش عارفه ماما جالها تليفون حالا واحنا بنجهز علشان نروح
شريف : في ايه يا ابني مالك
تميم : اطلع بسرعه علي مستشفي النيل نونا بيلا تعبانه وهناك
وبيتكلم : خليكم يا ميسون وانا هطمنكم
ميسون : اذاي دي ماما منهاره انت عارف علاقتهم وهي ونونا بيلا و بتحبها زي مامتها
تميم : طيب انا مع شريف وطالعين علي هناك
شريف : استر يارب هتعمل ايه في السفر
تميم : نطمن علي نونا الاول وبعدين نشوف المهم هي دي الي بقي لنا من ريحة ابونا
شريف : هي جدتنا كلنا ما تيجي نعدي علي خالتي وميسون ناخدهم
تميم : لاء معاهم السواق وحراسه اطلع انت علي المستشفي
.........................
مايا : خلصتي شغل يا ملك فين بنود الي هنتناقش فيها في اجتماع بكره علشان نتناقش فيها ونتفق انا وانتي اولا
ملك : دقايق وهيكون التصور علي مكتبك بس نتناقش الصبح
ايه يا بنتي انتي مبتتعبيش انا خلاص تعبت
مايا : ملك لسه الساعه 6 يا بنتي
ملك : صح النوم يا دكتورة الساعه 9 يا قلبي وبالشكل دا هنلبس نضارة كعب كوباية ومش هلاقي حد يتجوزني وانا لا يمكن اعنس انا عندي مقالب كتير لازم اعملها في جوزي
مايا : بس يا بنتي انا مش عارفه انتي مسروعه علي الجواز علي ايه . وبرضه رافضه العريس الي هيموت عليكي
ملك : البارد دا عريس . دا وقعه مهببه انتي ترضي لاختك تقع الوقعه دي
مايا : عمليا الولد كويس وبيحبك غير انه وسيم ورياضي وشخصية معروفه وصوره ماليه المجالات
ملك : اه وحواديته وقصصه ومغامراته . لا يفتح الله يا بنتي . دا عينه علي نسبه بابا في شركة باباكي ولولا انه اصغر منك كان زمانه طمع فيكي انتي مش انا
مايا : طيب ادي لنفسك فرصه مش يمكن تكوني ظلماه
ملك : يلا يا مايا قفلي شغل وكلام ومتنسيش انهارده عيد ميلاد نانا بنت اونكل مروان
مايا : الجو دا مش بتاعي . روحي انتي انا ورايا شغل
ملك : مايا هتفضلي تهربي لامتي . انتي مغلطيش ولا اذنبتي علشان تتخبي وتعتزلي الحياه الاجتماعيه وتعملي في نفسك كدا
مايا : من فضلك يا مايا هاتي الورق واتفضلي روحي انا مش فاضيه
ملك : لاء مش هسيبك يا مايا انتي مش اول واحده تفشل في خطوبتها وتحصل لها مشاكل
مايا : الموضوع دا انا نسيته خلاص من زمان
ملك : لاء منسيتيش بدليل رفضك لحضور اي حفلات لاي حد من العيلة او الصحاب ممكن تتخيلي انك تشوفي البني ادم ا هناك
مايا : انا نسيت الموضوع ولو سمحتي كفايه واتفضلي علي شغلك بدل ما اديكي خصم
ملك : بسخريه : ما تدي خصم انا الي يهمني انتي انتي اختي وصديقتي وعشرة عمري كله انتي الي تهميني
مايا : وبدات الدموع تظهر في عيونها . ملك خلصي انتي عارفه اهميه معاملاتنا مع شركة شومان وفرصه اننا قابلنا حد من الاونر
ملك: متغيريش الموضوع .هتنزلي وتيجي معايا عيد الميلاد وتلبسي احلي لبس عندك وترجعي مايا اميرة الاحلام
مايا القويه مش الهشة الي مستخبيه ورا قناع الجديه والشغل
مايا الانثي الرقيقه مش لازم تهربي وحتي لو حضر لازم يندم انه ضيعك من ايده . ويندم علي كل الاذي النفسي الي انتي عيشتيه بسببه
مايا وتتذكر ما سبق وتنهار في البكاء
وتحاول ملك تهدئتها
..............................
يا فندم ممنوع الدخول الريضه حالتها مش مستقرة
تميم : انا حفيدها . وعاوز اطمن عليها من فضلك يا دكتور محتاج اشوفها
الطبيب : للاسف ممنوع حالتها مش مستقره
شريف : ممكن اعرف حالتها بالضبط
الطبيب : وحضرتك مين
شريف انا شريف شومان حفيدها واخو دكتور باسل صاحب المستشفي
الطبيب : اهلا وسهلا يا فندم طيب اتفضلوا في مكتب رئيس القسم وهو يشرح ل حضراتكم الحالة بالضبط
سعاد : وتهرول وهي تبكي ومنهاره تميم . بيلا عاملة ايه
تميم : اهدو احنا هنروح نطمن عليها حالا اقعدو
سعاد : انا جاية معاكم . انا عاوزة اطمن عليها
شريف : اهدي يا خالتي اهدي هتكون كويسه
ميسون : يارب يا شريف دي هي الي باقية لنا بعد بابا
هي خالتو عرفت
شريف : لاء هي في لندن مفيش داعي نخضها انتو عارفين نونا بيلا غاليه عليها وهي تعبانه
سعاد: محدش يجيب لها سيره بيلا مش حماتنا وخالتنا دي امنا
( ابو تميم وابو شريف مامتهم اسمها نبيله وبيقولو ليها بيلا متجوزين بنات خالتهم علشان كدا شريف وتميم ولاد عم وخالة )
تميم بيحضنها ليطمئنها اهدي ان شاء الله هتكون بخير من فضلك اقعدي انتي وميسون هنا واحنا هنروح مش هنتاخر
قبل ان يصل الي مكتب الطبيب يسمع صراخ
- يتبع الفصل التالي اضغط على (رواية تيمو) اسم الرواية