رواية قتلني ورحل الفصل السادس 6 - بقلم ميفو سلطان

 رواية قتلني ورحل الفصل السادس 6 

البارت السادس.... .

كان قاسم فكان فعلا اد المسؤليه وكان فعلا يجتهد لكي يكون جديرا بمنصب الشركه ولكن ما كان يقلقه ان فاديه وليال لا يعلمون من هو. والاسود ان جده يخطط له حياته فهو مازال يافعا علي الوقوف امام جده فجده رجل لا يتواني عن كسر وتحطيم اي شئ من اجل الوصول الي اهدافه فتلبسه الهم فكيف سيحل ما وقع به.. فجده لو انطبقت السماء لن يوافق بليال وهو لو غرز جده السكاكين بداخله لن يتركها.. ورغم انه لم يعترف لها بحبه الا انه اعتبرها ملكا له من اول يوم.. فهو شخصيه جباره مثل جده يعرف جيدا معادن الناس وليال في دنيا لوحدها اميره مغلق عليها تنتظر اميرها ليخطفها وفي نفسه قرر ان يكون ذلك الامير الذي سيأخذ اميرته ليعلمها فنون الحب التي لا تعرف عنها شيئا ليكون سعيدا في كل لحظه وهو يسقيها من عشقه.. فتلك فتاه من بساطتها تسعد من له شخصيه جباره ومقدامه ليقتحم برائتها لتتفتح عليه انوثتها وتصبح ملكا له تشبع غروره وجبروته.. فلن يرضي باخري متهاونه مع نفسها وتكون سهله بالنسبه له.. فليال بالنسبه اليه تحدي عشق يدخله ويثابر في اقتحام مشاعرها ليصل في النهايه لانثي رائعه يمتلكها بعد ان اصبحت انثي عن حق علي يديه...

اما ذلك الاخر الذي يطيخ في الكل لا يكل من التقليل من كارما ويوجعها ولا يدعها تقترب من اي رجل فذلك يوجعه بلا سبب وكان يبرر لنفسه انه رجل حر لا يتهاون في ذلك وبدر يخطط لشئ له ولها ويعلم ما في نفس حفيدته فهو رجل ليس هين ليحاول ان يجعل ايان يتحرك كي ينال تلك الجميله بطريقته التي لا نعلم ستكون خير ام ماذا فشخصيه مثل بدر لا ياتي منها الخير. ميفو ميفو 

مر الاسبوع وبدات ليال تستعد للذهاب لجامعتها لتقترب منها امها وتحضر لها فستانا رائعا يبرز جمالها كان ذو فتحه عنق وبحرمله علي كتفيها ليظهر ذراعيها الجميلتين وينزل علي جسدها ملتصقا حتي وسطها ليتسع بحرمله اخري وكان ابيضا منقوش بنقوش حمراد راقيه كان فستانا خلابا ولم تلبس مثله من قبل لتلبسه وتلف حوالين نفسها وتهتف حلو اوي يا ماما هو ينفع البسه عادي برقبته ودراعه ده.. انت ماكنتيش بترضي..

 لتهتف امها بحب.. حبيبتي كبرت ودخلت الجامعه ولازم تبقي قمر والفستان هياكل منك حته يا قمر انت هو مش مكشوف عادي يعني انت اللي ماكنتيش بتلبسي الا المقفل بس هو انهارده بس عشان تنوري الجامعه وبعدين نرجع ونقفلها تاني عشان تتشافي يا قلب امك. .

لتضحك ليال.. حبيبتي يا فوفا انا مبسوطه اوي دا يجنن انا مش مصدقه شكلي انا كنت عيله صغننه دلوقتي بقيت بنت كبيره وشكلي كبير ...

لتحتضنها امها.. عشان انت كبرتي بس بقيتي انسه.. بس عايزاكي تخلي بالك من نفسك انت اللي ليا في الدنيا... لتحتضنها ليال وتذهب لتحضر بقيه اشيائها لتستعد لاول ايامها في حياتها الجديده..

في الصباح استيقظت وصلت فرضها ودعت ربها بالصلاح وان يفتح عليها كل الخير وتذكرت قاسم لتهمس يا رب لو خير قربه مني ولو شر ابعده.. بس انا عارفه انه كل الخير والله لتتنهد وتقوم وتلبس وتسرح شعرها اللامع وتضع سلسله رقيقه وتضع فراشه جانب شعرها  وتلبس حقيبتها وتاخذ تليفونها لتستعد للرحيل.

ليكلمها قاسم لتسعد بشده ليهتف.. صباح السعاده القمر جهز...

لتقول... ايوه خلصت ونازله اهوه...ماما نزلت وانا ثواني ونازله انت في الشغل..

 ليقول... لا والله انا مستنيكي..

 لتستعجب.. بدري كده لسه بدري انا اصلا راحه بدري انا قلت هشوفك لما اخلص..

ليقول... انت هبله اعملك ايه انا راشق تحت االبيت انزلي اوصلك...

لتتلبك وتقول.. اصل اصل..

ليهتف... اصل ماقلتيش لماما انا عارف.. بصي بقه انهارده استثني والنبي يا ليال معلش عشان خاطري نفسي اوصلك..

لتقول... بس مايصحش وبعدين الناس هتقول ايه..

ليهتف... طب يا ستي اركبي تاكسي وانزلي علي اول الشارع وانا هستناكي...

لتقول... طب ما اشوفك في الجامعه..🌿 استغفروااااا 🌿

ليهتف... حانقا يمين بالله ماهتروحي الا معايا وانا ممكن بقه اخدك من تحت البيت غصب عنك لو مانزلتيش وانا مجنون واعملها..

لتهتف... طيب طيب بلاش فضايح انا هجيلك علي اول الشارع بس انهارده بس عشان انا مابحبش ماما تزعل ... ميفو ميفو 

ليبتسم.. طب يا ستي يلا بقه اتاخرتي..🌿 سبحان الله وبحمده 

لتهتف... اتاخرت علي ايه لسه بدري دانا ناقص ابيع لبن..

ليضحك... لا اتاخرتي عليا عشان.. والا اقلك انزلي وانا هقلك يلا.. لتقفل الخط وتنزل..

كان هو ينتظرها في عربته علي اول الشارع ليجدها تنزل من التاكسي ليتوقف قلبه من جمالها .. نهار اسود لابسه ايه دي.. احس بالنيران تتصاعد من جسده ويلتفت ليجد الكل ينظر علي جمالها لتقترب منه سعيده لتفتح الباب وما ان جلست حتي طار بالعربه والغضب يتاكله ويشتعل من الداخل فذراعيها وعنقها يبرقان من الفستان وكانت كقطعه اللولي التي تخطف العين كان صامتا غا*ضبا يتحكم في نفسه حتي لا يخيفها..

 اما هيا بعد ان كانت مبتسمه نظرت اليه فشعرت بالخوف لتهتف وتقول.. قاسم فيه ايه حصل حاجه .. كان يسوق بسرعه لتتشبث بالكرسي وتقول.. قاسم براحه انا خايفه.. ليتوقف فجاه ويركن ويخبط علي المقود بشده لترتعب هيا لتهمس فيه ايه..

ليستدير ويمسك ذراعها ويقول ايه ده.. ايه الزفت اللي لابساه ده دا منظر..🌿 استغفروااااا 🌿

لتدمع عينها ظنت انه سيفرح بها ويري جمالها لتقول وبدات دموعها تتجمع.. ايه ماله وحش..

 ليهتف بعنف... ز*فت وطين انت راحه بده فين..

لتجهش بالبكا*ء وتقول.. ايه ماما اللي جايباه وحلو عليا وكل البنات بتلبس كده وبعدين بتزعقلي ليه ماما اللي جابته..

🌿اللهم صل وسلم وبارك على سيدنا محمد 🌿

ليستغفر في نفسه فلا يريد ان يغلط في والدتها ليهتف بحنق.. والله وانت ايه هبله مالكيش راي تلبسي كده ليه وتبيني جسمك للي مايسواش انت اتجننتي انت مبسوطه ان الرجاله عنيها هتخرج عليكي لابساه ليه عشان كده.. كان ثورته جعلته يقول كلام وجعها لتشهق بشده ولم تعرف كيف تتكلم كانت تحس ان قلبها سيقف.. اما هو فنظر الي حالتها ليخبط بيده من غض*به ليستغفر ويحاول ان يهدأ تلك النيران المشتعله فمنظرها يلهب فؤاده يريد ان يخفيها عن العيون فهيئتها مهلكه براءه غير عاديه وجسم يبرق من نوره.. ليهتف طب اهدي طيب.. انا...

لتقول وهيا تنتحب.. لو سَمحت افتح الباب عايزه انزل والنبي افتح الباب كانت تب*كي بشده..

ليشتم نفسه لتسرعه ويقول.. طب اهدي الاول عايزه تنزلي وتسيبيني صح واكيد هتبعدي وماعتيش هتشوفيني دا اللي في دماغك مش كده.. لتطرق براسها خجلا وهيا مازالت تبكي فهيا فعلا تفكر في ذلك.. ميفو ميفو 

 ليتنهد ويقول... طب انا اسف خلاص بقه والله اسف انت مش شايفه شكلك..

لتقول بغض*ب وتذمر.. ماله شكلي ماما قالتلي حلو وانا شفته حلو وعيب قوي تقلي اني ببين جسمي للرجاله عيب الكلام الوحش ده انت ازاي تقلي كده ده ايه ده.. عيب بقه وظلت تبكي..

 ليقول... اكن عيب بقه انا برضه.. ليهتف اتهبب واكتم وحاول تصلح الزباله الي قلته هيا مش مستوعبه كلاَمك يا طور البت فرحانه.. فستان العيد اصله وراحه تتمرجح بجمال امها.. وايه امها دي عايزه تخلي الناس عنيها تبظ.. يا غيظك يابن الحديدي طب اعمل ايه ماعرفش اسيبها تخرج كده هولع.. لينحني اليها ويمسك يدها لتسحبها بع*نف وتقول من فضلك بقه بطل كده وافتح الباب..

ليقول.. طب من فضلك انت بطلي عشان مش هفتح انا الباب.. خلاص انا اسف والله شكلك صعب وانا مش مستحمل ..

لتتوقف عن البكا*ء وتقول بتذمر.. شكلي صعب ونظرت لنفسها.. مانا حلوه اهوه مالي ايه اللي صعب انت شايفه وحش ليه انت غريب بقه ليه كده..🌿 استغفروااااا 🌿

ليقول بحنق.. ماهو المصيبه السوده انك حلوه وحلوه اوي وشايفك قمر وقلبي هيقف.. وانا مش غريب انا وا*لع وغيران..

لتفتح عينها وتشعر بالاشتعال وتهمس.. غيران..

ليمسك يدها... اه والله غيران ومش قادر وهموت بحسرتي لو حد شافك كده.. ليال انا هقلك حاجه بس ورحمه ابوكي ماتخافي وتجمدي كده لاني والع وماعتش قادر وهفطس من قهرتي.. . ليال انا بحبك وبموت فيكي..

لتشهق وتنظر للاسفل وتتلفت حولها بخوف تفرك في يدها وتنخرس تماما.. ليشعر انه يريد ان يشدها ويحتضنها ولكنه مسك نفسه ليقول.. ايه انت مالك اصفريتي كده وبتفركي هو انا قتلتك يا بنتي بقلك بحبك والله بحبك وعايزك تبقي بتاعتي حبيبتي..

كانت تنهج بشده لتهمس... بس بقه والنبي كفايه..

ليقول لنفسه.. يا غلبك يا قاسم البت ماعملتش حاجه وهتسورق.. ليهدئ من نفسه.. ممكن تهدي وتاخدي وقتك.. اهدي يا قلبي عشان خاطري.. لتضع يدها علي قلبها الذي يدق بعنف.. لتحاول ان تهدأ🌿صلوا على الحبيب المصطفى 🌿

ليقول مشاكسا.. طب ايه اخرج من العربيه الفي لفتين لحد مالقمر يهدي.. دانا لو قاتلك مش هتبقي كده..🌿 استغفروااااا 🌿

لتهمس... ماتبس بقه..

ليقول ابس بقه.. هو انا اتنيلت قلت عشان ابس دانا لسه بسمي ابس ازاي.. ليال وحياه ابوكي يا شيخه تجمدي كده والله ما قادر احشر الكلمتين اكتر من كده.. انا بغير عليكي وقلبي هيقف والست الوالده ماعرفش حد اجرها عليا النهارده توقفلي قلبي.. فستانك حلو والله وقمر وانت قمرين بس ورحمه الميتين كلهم ماقدر اسيبك تروحي كده..

لتهتف.. طب اعمل ايه.. ماعنديش حاجه دلوقتي الا كده وهو عادي والله..

ليهتف استني استني كده احنا رجعنا نتناقش ايه ونسينا الكلمتين اللي قولتهملك ولا رديتي..

لتهمس... كلمتين ايه بس..

ليتنهد... وبالنسبه لبحبك وبموت فيكي دي ايه هوا ماعدتش علي قلب القمر عملت فيه اي حاجه..

لتحمر خجلا وتطرق.. ليبتسم طب ايه.. سكوت وسكتنا احمرار واحمرينا لما الدنيا ولعت.. هاه قول حاجه ريحي قلبي

لتهمس بخجل.. اقول ايه مش عارفه..

ليمسك يدها.. حاسه طيب انك مبسوطه.. لتهز راسها بنعم. ليهتف طب والله دي خطوه حلوه. طب حاسه انك عايزه تشوفيني دايما.. لتحمر وتطرق براسها وتهزه مره اخره. ليقول ماشي ماشي احنا هنقضيها هز بس وماله بكره الكلام يجي . طب لو بعدت عنك هتقدري تبعدي..

لتقول فجاه.... لا والله ما اقدر..

ليبتسم... صلاه النبي اهي بتندع يا صبرك يا قاسم.. طب ايه ماكل ده معناه حاجه واحده قولي بقه يا بت انك بتحبيني زي مابحبك.. كانت قد احمرت تماما.. لينظر اليها البت ولعت هتشيط وتشيطك لا كده خطر وانا مش هستحمل اعمل ايه طيب.. اه يا بنت فاديه انت بقيتي فراولايه يا بت وانا سحت. اجمد يا قاسم انت وحش عيب عليك. ليقول وحش ايه بس دا هيا اللي وحش السنين ليكلبش في يدها فجاه لتنتفض ليهتف مسرعا... ايه مفيش حاجه والله بس مستني اخرج من غلبي اللي حطاني فيه.. والنبي يا ليال اسمعها..

لتتنهد وتبدا في الكلام.. انا كمان زيك كده..

ليهمس بحب.. نهار اسود هو ايه يا قلب قاسم اللي زيي.. لتقول... يعني زي ما قلت..

ليقول والله مانا ساكت في نهارك الا لما تطلعهالي.

لتهتف اخيرا وقلبها سيقف ووضعت يدها عليه.. وانا كمان.. يعني.. يعني..

 ليقول... ها انطقي..

 لتتنهد وتقول... انا كمان ببب..

ليهتف بلهفه.. يادي السواد بت ايه بت ايه ليقبل يدها.

لتهتف مسرعه بحبك وتنظر للاسفل.. عند ذلك اغمض عينيه ومسك يدها ووضعهم علي قلبه لتذوب هيا وتحاول ان تسحبهم..

 ليهتف. احياه ابوكي يا شيخه تسكتي وماتتحركيش الا ممكن اعمل حاجه تخليكي تموتي في قلب العربيه سبيني كده اهدي... ظل فتره يحس بجمال الكلمه ويتنهد وهيا كان الخجل سيمزقها.. ليستدير اخيرا.. ليال بصي يا قلبي انا بحبك فوق الوصف ومش عايزك تبقي مكسوفه اوي كده انا عارف ان دي طبيعتك بس مش كل ماقول كلمتين هنجلط عشان اسمع منك حاجه.. والنبي يا ليال بطلي كسوفك ده.. اه بحبك بس عايز اقول اللي جوايا واخاف اقوله مالقكيش قدامي ونطلع نعالجك من الاغماء والترنح..

لتضحك عليه وتقول.. ايه ده مش اوي كده انا بتكسف اه بس مش لبخه يعني انا بعرف حاجات كتير اوي..ميفو ميفو 

ليضحك.. اه واضح دانت ام العريف.. والنبي اسكتي بلا بتعرفي. بس ورحمه الغالين هعرفك كل حاجه وهبقي مبسوط بسطه..

لتخبطه وتقول.. انت مفكرني هبله لا يا اخويا دانا اوديك البحر وارجعك عرقان...

لتصدح ضحكته.. لا انا مش مفكرك هبله لا يا روحي انت فعلا هبله بحر ايه اللي هرجع منه عرقان يا خيبتك يا قاسم.. عموما هو في كل حالاتي انا قدامك والع وعرقان.. وانت ماتعرفيش تودي قطه حتي.. بس انا يا قمر هوديك واجيبك واعلمك صح..

لتبتسم بسعاده.. بجد هتعلمني ايه بقه بس خد بالك انا ذكيه وبتعلم بسرعه..

ليهتف.. اممم هو يوم جاز وناويه علي جلطه ما الهبل بزياده.. طب يا قلبي اركني شويه بعبطك ده وهيجيلك وقت تعرفي وساعتها ربنا معاكي ويقف جنبي الا ممكن تسافري بلاد بره يعالجوكي من الخضه اللي هتكلبش فيكي من اللي هعمله..

لتقطب جبينها. ليكمل عارف عارف مانتش فاهَمه حاجه. يلا عشان اروحك..

لتهتف اروح.. ليه مش هروح الجامعه..

ليقول.. واهون عليكي اموت محصور يا قلبي  والله اموتلك نفسي قبل ماخش دنيا.. وفستانك ده يتقلع وتلبسي حاجه كيوت زيك كده.. حبيبي ماحدش يشوفه كده..

كانت سعيده بكلامه لتهتف..بس ماما هتقول ايه طيب..

ليهتف تقول اللي تقوله.. انا مش عارف ملبساكي كده ليه.

لتهتف بعفويه.. عشان اتشاف.

ليهتف.. نهار اسود تتشافي.. تتشافي فين ومين يشوفك.. امك عايزه ايه بالضبط وناويه تعمل فيا ايه يا حسرتي البت بتاعتي عايزاها تتشاف.. لا يا عمري  حبيبي ما حدش يشوفه انا بس اللي اشوف واملي عنيا منك  وحبيبي يقول حاضر وطيب مش كده يا قلب قاسم.

لتبتسم له وتهتف... حاضر ماشي بس بسرعه..

ليندهش من موافقتها السريعه لترضيه ليقول بحب.. والله بعشق قمر.. ليصل بها الي البيت  لتصعد وتغير فستانها وتلبس بلوزه وبنطال بسيط وتنزل ليبتسم ويقول. بصي هو مبدايا مفيش مانع لحد ماتتحجبي..

لتقول... يلا يا حبيبي يلا يا بابا هنتاخر..

ليبتسم.... وعشان القمر قال حبيبي هعديها يا مز يا عسل انت.. ووصل بها للجامعه ليقول.. ليال حد كده يضايقك كلميني اجي اطلع روحه وتخلصي وتروحي والا اجي اخدك..

لتهتف... لا والنبي بس كفايه.. يلا بقه سلام.. وهمت ان تخرج ليمسكها ليقول... سلام يا ايه يا قلب قاسم..

لتهمس... سلام يا قلب ليال وتخرج مسرعه..

ليركن راسه ويغمض عينه.. اخيرا قلب ليال.. حبيبي بقيت قلبه اخيرا.. الحمد لله يا رب جبتلي احلي نعمه في الدنيا.. لا وقطقوطه وعسليه وسمعت كلامي من سكات وغيرت الفستان عشان ماتزعلنيش.. وانا والله يا قلبي عمري ما هزعلك دانا هحطك في عيني. ربنا يقدرني بس دانا قدامي مطحنه.. ربنا يهديك يا جدي...

كانت كارما تقف في الشركه لتاتي لها احد العاملات لتهتف.. استاذه كارما ممكن دقيقه.. لتدخل معها كارما مكان الخدمه لتهتف الفتاه.. ممكن والنبي تكلمي ال اتش ار  يدخلونا في الرحله يعني نفرح معاهم. 

لتهتف كارما.. وماله يا هبه حاضر هكلمهم. 

لتتجمع الفتيات عليها فكانت كارما حنونه وطيبه لتاتي الفتاه طب تعالي بقه احنا بنفطر تفطري معانا لتضحك كارما  وتجلس معهم وجو الالفه سائد فهيا طيبه َمتواضعه ..

🌿صلوا على الحبيب المصطفى 🌿

 كان جدها يبحث عنها ليمر ليسال احد العاملين ليهتف.. الست كارما في الكافيه. 

ليهتف بدر بتعمل ايه هناك ماتطلب اللي عايزاه يجيلها

ليهتف الرجل... لا يا بيه دي بتفطر مع البنات.. ليهتاج بدر نهارها اسود بتفطر مع مين ليندفع ليقابله ايان.. فيه ايه يا جدي مالك ليتركه ويندفع الي الكافتريا ليذهب ايان ورائه ليدخل ليجد كارما جالسه معهم  ليصر*خ.. انت بتعملي ايه هنا. 

ليبهت الجميع ويخافو وتقف كارما... فيه ايه يا جدي. 

ليصر*خ.. جدك ايه وطين ايه بتعملي ايه مع دول.

لتبهت.. دول.. فيه ايه بتصر*خ ليه ماعملتش حاجه. 

ليقترب ويمسكها.. قاعدالي مع عمال النظافه اتجننتي هو خلاص بقت سداح مداح واستدار لهم وانتو ايه خلاص بقت مردغه مفيش حدود طب يلا كلكو بره انتو مرفودين. 

لتصر*خ... انت بتقول ايه.

ليقترب ويمسكها من يدها ليندفع ايان ليشد*ها جدها ويذهب بها الي مكتبه كان مهتا*جا ليدخلها ويد*فعها.. خلاص يا بنت شاكر طبع الغلابه والجرابيع بقي فيكي لا دانا امو*تك انت ازاي تقعدي معاهم. 

لتصر*خ.. َماقعدش ليه مش بني ادمين. 

ليصر*خ.. لا مش بني ادمين انت ايه ماتعرفيش انت مين كارما هانم الحديدي تقعد تاكل مع دول.

لتهتف.. ايوه اقعد مالهم دول انت ليه قاسي كده. 

ليقترب ويصف*عها علي وجهها لتشهق ليندفع ايان ويقف امامه ليهتف.. جدي اهدي..

ليصر*خ.. البت دي تلمها بدل ما المها بطريقتي علي اخر الزمن تقعد وسط الجرابيع ليندفع يخرج ليتنهد ايان ويستدير كانت كارما تبكي بشده ليندفع ويحتضنها لتنهار بين يديه ليظل يمسد عليها لتهمس.... هو ليه قاسي كده حرام احنا كلنا زي بعض مايسيبني البنات طيبه قوي وحنينه حرام عليه انا مافيش حد حنين بيطبطب عليا غيرهم..

ليشدد عليها ايان ويشعر انها كابنته يهدهدها ليهمس... اهدي طيب خلاص.

لتهمس.. والنبي يا ايان ماتخليهوش يرفدهم هو بيسمع كلامك عشان انته شبهه والنبي. 

ليتخشب جسده ليهمس... انا مش شبهه يا كارما.. انا بس جامد انما مش جاحد زي جدي. 

.. لتبتسم اليه بحب ليبتعد وياخذها ويقوم ويحضر مناديل وتلج  ويقترب منها ويمسح جانب شفتيها من الدماء فجدها كانت قسوته زائده لتتاوه ليهمس.. معلش براحه اهوه.. ليظل يمسح شفتيها ثم وضع التلج عليهم.. لترفع عيونها ودموعها تنزل.... يعني هترجعهم الشغل والنبي يا ايان.

ليبتسم... ماتخافيش ماحدش هيمشي. 

لتهتف.. بجد يا ايان والنبي. 

ليهز راسه لتندفع وتحتضنه بقوه انت بجد والله مش عارفه اقلك ايه انت طيب اهوه..

ليضحك.. اكني طيب اهوه اكتشاف يعني.. والله انت مسخره..لتنزل يديها ليضع يده علي وسطها لتهمس  خلاص انا بقيت كويسه. 

ليضحك.... يعني ختي غرضك وعايزه تمشي صح. 

لتنظر اليه وتتوه في ضحكته لتهتف... انت ضحكتك حلوه اوي اول مره اشوفك بتضحك. 

ليشدد علي وسطها ليهتف.. مش اي حد برضه دانا ايان 

لتننهد وتهمس.. مغرور اوي. 

ليضحك ويشدها... مغرور ازاي شايفاني مغرورلتهز راسها ليهتف.. شيفاني ازاي يا كارما. 

لتتنهد وتهتف.. ماعرفش شايفاك صعب قوي وشكل جدو. 

ليتنهد... انا عمري ماهبقي شكل جدو يا كارما انا ايان وبس 

لتهتف.. طيب خلاص شيل ايدك. 

ليشدد عليها ويهتف.. ماليش مزاج. 

لتنظر اليه غاضبه ليضحك ويهتف والله ماعرفش جايلي مزاج اناكفك واشوف تكشيرتك دي.. 

لتهتف بغ*ضب... عيب بقه انت خدت عليا كل شويه تمد ايدك و.. و.. 

ليضحك.. وابوسك 

لتشهق.. اوعي بقه انت قليل الادب. 

ليضحك.. طب بالمره بقه قله ادب بقله ادب ليشدها وينهال عليها ويتوه في شفتيها كان يحس انه اصبح مدمنا لتلك الشفتين ليبعدها ويهتف منفعلا يخربيتك ايه ده يا بت.. 

لتخبطه بقوه ليضحك. 

لينفتح الباب ويدخل الجد ومعه مراد لينصدم مراد َمن قربهَ لتبتعد كارما مسرعه ليشتعل ايان ليهتف الجد ايه لسه بتشتكيله.. معلش يا مراد اصل الهانم كت واقفه مع الخدامين والبيه بيطيب خاطرها ايه ياسي ايان هتعوم علي عومها.. 

كانت تقف خجوله وغا*ضبه

 ليهتف الجد هتفضلي مبوذه كده خدي مراد ووريه بقيه الورق بدل ماتلفي تقعدي مع اللي يسوا وما يسواش. 

ليقترب ايان مسرعا.. انا هوريه يا جدي سيبها يلا يا كارما روحي انت. 

لتنظر اليه ببراءه.. لا خلاص انا بقيت كويسه. 

ليكز علي اسنانه قلت روحي كلامي يتنفذ.. لتتنهد وتتركهم ومراد عيونه عليها ليهتف ايان.. عينك يا مراد باشا احنا هنا مش هناك.

ليرتبك مراد وينخرط يتكلم معه في العمل وايان يأكله الغض*ب من نظرات مراد الواضحه لكارما. لينتهي مراد ليهتف ايان كت عايز يعني اسالك سؤال شخصي.

ليقطب ايان.. خير يا مراد.

ليهتف.. هيا الانسه كارما مرتبطه..

ليشتعل ايان.. وانت مالك يا مراد مرتبطه والا متهببه مالك بيها.

ليبهت مراد من عنفه ليتراجع.. هاه لا ابدا بسال ليقوم ويهتف اسف اسف.. انا همشي بقه وسلم عليه وتركه مشتعلا..

ليهب ايان.. نهار اسود بيسال ليه ماله بيها مرتبطه والا متزفته.. الواد عينه راشقه فيها طب اعمل ايه اروح ادشمل وش امه والا افتحلها دماغها. اه ما هيا علي طول هئ ومئ.. ليظل جالسا طب ايه باكل روحي ليه انا.. ما البت حلوه.. اه حلوه اوي ومزه ونار وشافايفها تهبل وهيا تهبل.. ايه يا زفت بتقول ايه.. هيا بس عشان اسهم الشركه انا خايف علي الشركه لتروح مننا. ايوه هيا يعني لازمتها ايه غير كده. اهدي كده وشوف هتحافظ علي فلوسكو ازاي. ليظل جالسا يفكر كيف يحافظ علي كارما التي تمثل  جزء من الشركه و هكذا يظن ويقنع نفسه.

للقصه اضغط  قتلني_ورحل. بقلمي ميفو السلطان ❤️🌛

  •تابع الفصل التالي "رواية قتلني ورحل" اضغط على اسم الرواية