رواية تزوجتني رغما عني فأحببتك الفصل السادس 6
رواية تزوجتني رغما عني فأحببتك 💛
البارت: السادس 💚
__
_«حياء بصدمه» عمو ماجد واستاذ زين
_«ماجد بحب» ممكن ادخل يابنتي انا وزين
_«حياء بغض البصر» طبعا اتفضل ياعمو البيت بيتك
"دخل ماجد وزين غرفه الصالون "
_«حياء بإحترام» بعد اذنكم ثواني بس وجايه
_«ماجد بحب» برحتك يابنتي
_«حنين بحب» انا جايه معاكي ياحياء اساعدك
"دخلت حياء وحنين المطبخ"
_«حياء بصدمه» هو عمو ماجد عرف ان زين طردني
ازاي
_«حنين بتوتر» انا اللي قولتله
_«حياء بحزن» ليه بس ياحنين منا قولتلك هشوف شغل تاني
_«حنين» مقدرش اشوفك بتتطردي بدون سبب واسكت واتفرج دا ظلم وربنا ميرضاش بكدا ابدا ياحياء
_«حياء بدموع» مش عارفه اقولك ايه والله ياحنين انا فعلا محتاجه الشغل دا اووي وبابا تعبان خالص وكنت تايهه والله بس كنت متوكله علي الله ربك مبينساش اي حد ابدا
_«حنين بحب» ياحبيبتي ياحياء ربنا يشفي والدك ياحبيبتي انتي جميله وتستاهلي كل خير تعالي بقي نضيفهم حاجه كدا
_«حياء بحب» يلا بينا ياقمر بس تفتكري ياحنين استاذ زين هيقول عليا ايه معنديش كرامه
_«حنين بغضب» لا طبعا ويقول كدا ليه صحيح انتي اطردي بس هو جالك بذات نفسه عشان يعتزلك يبقي كدا حقك جهه وكرمتك رجعتلك
_«حياء بحب» عندك حق ياحنين انا كدا فعلا كرامتي رجعتلي الف حمد وشكر ليك يارب
"جهزت حياء وحنين اثنين كوب شاي ومعه حلويات ثم وضعته حياء امامهم قائله اتفضلو يارب يعجبكم"
_«ماجد» اكيد هيعجبنا يابنتي صح يازين
_«زين بهدوء» اكيد يابابا
_«ماجد» بصي بقي ياحياء انا جبتلك زين بنفسه عشان يعتزلك
_«حياء بحب» والله دا كتير عليا ياعمو ماجد
_«ماجد» ولا كتير ولا حاجه يابنتي اعتذرلها يلا يازين
_«زين بصبر» حاضر يابابا انا اسف ياحياء اتمني تسمحيني وترجعي الشغل تاني
بقلم/ ♡Fatma Sayed
_«حياء بهدوء» بشرط واحد وهقبل ارجع الشغل
_«زين بصبر وهدوء» اتفضلي ياحياء شرطك ايه
_«حياء بهدوء» ان حضرتك متدخلش في لبسي انا عجبني شكلي كدا وكمان الكلمه الطيبه صدقه يعني حضرتك لو هتقدر تقول كلمه حلوه لحد يبقي كتر خيرك لو لاء فبلاش حضرتك انت متعرفش اثر الكلمه علي الانسان دا ايه
_«زين بيحاول يحسن صورته» مش قاصد والله يا حياء، انا بس بحب اهزر معاكي مش اكتر
_«حياء بهدوء» انا اسفه يااستاذ زين بس انا مش بحب اهزر مع حد انا ملتزمه حدودي مع الكل انا جايه اشتغل وبس مش عشان اهزر وانا قولت لحضرتك كدا بس مكنتش بتسمعني
_«زين بصبر وهدوء» تمام ياحياء موافق علي شرطك
_«حياء بفرحه» تمام يااستاذ زين كدا اتفقنا الحمدلله
_«زين بيكلم نفسه» وربنا لوريكي بس اصبري بقي انا زين ماجد بنت زيك تتشرط عليا ومالو انتي اللي جبتيه لنفسك
_«حياء بهدوء» وحضرتك مسافر ليه يااستاذ ماجد
_«ماجد بحب» بكرا بإذن الله تنزلي الشغل انا معتمد عليكي انتي وزين وحنين في الشغل انا هسافر بإذن الله النهارده بليل بطياره خاصه مش هعرف اتواصل معاكم بس انا سايب ورايا رجاله
_«ماجد» عندي شغل هناك يابنتي وضروري يخلص لازم اسافر
_«حياء بحب» ربنا معاك يارب وترجع بألف سلامه
_«ماجد» يارب بابنتي نستأذن احنا بقا
_«حياء» مع السلامه
"ثم غادر ماجد وزين ليذهبو الي البيت"
_«حنين» مالك ياحياء من ساعه مامشيو ونتي ساكته مبتتكلميش
_«حياء بدموع» خايفه ربنا يزعل مني
_«حنين بعدم فهم» يزعل منك ليه ياحبيبتي انتي معملتيش حاجه
_«حياء بحزن» انا دخلت رجلين البيت وقعد معاهم بدون محرم بس والله انا قولت لبابا ان عمو ماجد واستاذ زين جم هو استغرب اوي ومتكلمش وكان عارف انك معايا وخليت الباب القوده بتاعتو مفتوحه عشان يشوفني قدامه
_«حنين بحب» يبقي خلاص يبقي انتي طبقتي الشرط وفعلا باباكي كان شايفك يعني يعتبر المحرم معاكي في نفس القوده متخفيش بقي
_«حياء بحب» انا مقدرش علي زعل ربنا مني ابدا ياحنين ولما بعمل غلطه قلبي بيوجعني اوي وبعيط هو اماني وسندي وبحاول علي قد مااقدر امشي علي طريق المستقيم وامنع نفسي من اي حاجه تزلزل علقتي بربنا
_«حنين بزعل» ياااه نفسي ابقي زيك اوي ياحياء بخاف كدا من ربنا انا ساعات بعمل الذنب ومبقاش خايفه من ربنا استغفر الله العظيم ومش عارفه اعمل ايه
_«حياء بحب» بصي ياستي هل انتي تجرئي تعملي الذنب دا قدام والدتك
_«حنين برفض» اكيد لاء
_«حياء بسؤال» طب ليه؟
_«حنين بخوف» عشان ماما ممكن تقطعني كدا من االضرب دا غير الشتايم اللي هسمعها
_«حياء بحب» يعني خايفه من بشر ومش خايفه من مالك الملك؟ بصي ياحنين لو عايزة مثلا تعملي ذنب افتكري ان ربنا شايفك وان انتي بداري ذنبك عن الناس ومش خايفه منه هو مع ان ربنا هو الحق انك تخافي منه متجعليش الله اهون الناظرين اليكي ربنا رحيم وغفور بس تخيلي معايا انا مثلا رايحه اكلم شب وبحاول اخفي دا من اهلي وانتي بتكلميه ربنا شايفك؟ موقفك ايه وهو شايفك وانتي بتعصيه؟؟ تخيلي ربنا اللي بيحب عبده بيشوفو بيعصيه تخيلي نظرته ليكيكدا؟؟ والعقاب اللي هتخديه ايه؟ وكمان احنا بنعمل الذنوب وبننسي بس ربك مبينساش وكل حاجه مكتوبه لقوله تعالي (وما يلفظ من قول الا لديه رقيب عتيد) قبل ماتعملي ذنب اعرفي ان مالك الملك شايفك صدقيني هتستحقري نفسك تعملي
حاجه انا من ساعه ماعملت كدا بقيت بخاف من ربنا وبعمل حساب انه شايفني وبعدين اي حاجه حرام دا لمصلحتك انتي يعني لو الخمر دا حلال البشريه هتتضمر هتلاقي الكل بيقتل ف بعضه وممكن حد يز*ني بواحده وهو مش داري صح ف اي حاجه حرام اتحرمت لأجلك انتي
_«حنين بحب» قد ايه بستفاد منك ياحياء
_«حياء بإبتسامه» وانا كمان ياعسل هو ممكن اطلب طلب لو مش هتقل عليكي
_«حنين» طبعا ياحياء اطلبي دا انا اديكي عيوني
_«حياء بحب» منحرمش منك ياقلبي انا بس كنت مكلمه الدكتور يشوف بابا وهو زمانو جاي ف طريق بس ابله صفاء شكلها هتتأخر عند اختها ونا مكسوفه اكون لوحدي مع دكتور ممكن تستني وتقعدي معايا ومتمشيش
_«حنين بحب» بس كدا منتي عارفه ماما بتحبك ولما بقولها هروح عند حياء متقوليش حاجه وبتسبني اقعد معاكي برحتي
_«حياء بحب» طب الحمدلله يحفظك ليا يانور عيني
_«حنين» تعالي بقى احكيلك عن الروايه اللي انا بقراها
___________________
_«ماجد بهدوء» مالك يازين حاسك مدايق
_«زين بعصبي» ه انت مش شايف يابابا الاستاذه بتحطلي شروط قال ايه عشان ترجع وكمان متعمده تحرجني بذوق قال ايه انا مبهزرش مع حد انا جايه اشتغل وبس لا بجد والله
_«ماجد بهدوء» والله يازين حياء بنت محترمه جدا ومش متعمده تحرجك ولا حاجه البنت تعبت من كتر تريقتك عليها فعشان كدا شرطت عليك مديقهاش ودي مفهاش حاجه تزعل يابني خلي بالك من حياء واعتبرها اختك يازين
_«زين بصبر» تمام يابابا ثم قال لنفسه كويس اوي انك هتسافر والله لزلها واعرفها مين زين ماجد بحق وحقيقي
_______________
_«ريم» قولتلك موضوعنا انتهي يازياد
_«زياد بمكر» بس انا بحبك وانا عارف اني غلط انا اسف تعالي نرجع ياريم
_«ريم بخوف» لاء عشان خاطر ربنا انا مش هغضبو تاني عشانك
_«زياد بخبث» كدا ياريم وحبنا دا احنا بنحب بعض بقالنا كتير
_«ريم افتكرت كلام حياء» وقالتله لو بتحبني اتقدملي
_«زياد بحزن زائف» منتي عارفه اني لسه بكون نفسي وكمان محدش بيساعدني في المصاريف الجواز
_«ريم بعزم» مليش فيه اتصرف ولحد ماتتصرف ملكش كلام معايا مع السلامه
"قفلت ريم مع زياد وكانت حاسه برضا شديد لانها بعدت عن الحرام وفي نفس الوقت تبكي علي حبها فهي تحب زياد لدرجه الجنون فهي متعلقه به بشده"
_«ريم بدموع» ليه يارب خلتني احبه واتعلق بيه ثم ارسلت لحياء رساله وقالت فيها: محتجاكي اوي ياحياء
_______________
_«حنين» وبعدين بقي ياستي البطل مراد حضن حبيبتو مرام وقالها بحبك وعملها عشا رومنسي وفضلو يرقصو سلو والبطل دا بقي بنات كلها بتموت فيه والبطلبه بتغير عليه جدا وبيحصل مابينهم مواقف حب كتير بتخليني اسرح كدا
_«حياء كانت تسمع لحنين وهي مصدومه» قائله بس
ياحنين الروايات دي غلط ياحبيبتي دي بتثير الغرائز
_«حنين بعدم فهم» يعني ايه بتثير الغرائز
_«حياء بحِكمه» الروايات دي روايات باطله ومفهاش استفاده كون ان الكاتب يكتب مشاهد حب مابين البطله والبطل دي بتثير شهوتك واكيد بتخيلي تصوري المشهد دا في مخيلتك زي مثلا البطل حضن البطله انتي هتصوري مشهد دا في دماغك وهتتمني لو انتي مكان البطله مش دا بيحصل معاكي
_«حنين» اه جدا وبفضل اسرح مع نفسي كتير وساعات والله بحس بقرف من نفسي كدا
_«حياء بحنيه» شوفتي بقي والكاتب دا بياخد سيئات كتير لانه كتب حاجات متنفعش تنكتب تلاقي الكاتب ممكن يكون كاتب حاجات بتحصل بين راجل وزوجته ومفيش حياء ولا خشه كل دا حرام طبعا وبتخليكي للاسف تصوري كل حاجه بعقلك وبتلاقي ان روايه مفهاش احداث ولا حاجه قايمه علي منظوم دا بس اقرئي روايات تقربك من الله او تعلمك دينك صح عندك روايات كتير تقرئيها زي مثلا روايه رفيق للكاتبه زيزي محمد وروايه استقيمي ايتها النفس لنفس الكاتبه وروايه تزوجتني رغما عني فأحببتك ليها بردو بجد هتفيدك جدا وابعدي عن الروايات الهابطه ياحنين
_«حنين بحب» حاضر ياحبيبتي انا والله مكنتش مرتاحه بردو وانا بقرئهم كنت بحس بحاجه غلط بس الحمدلله اني حكتلك ونبهتيني
_«حياء بحب» الحمدلله ربنا يهديكي ويهدينا ياقمر ثم استمعت حياء ان الباب بيخبط
_«حنين» دا اكيد الدكتور هقوم افتح له
"جاء الدكتور ثم ادخلته حياء عند والدها ولم يكن وجهه الدكتور مريحا"
_«حياء بخوف» هو والدي كويس
_«الدكتور» الصراحه انا مكنش ينفع اتكلم امام الوالد بس هو محتاج عمليه في القلب ضروري جدا لانه لو معملهاش دا فيه خطر علي حياته جدا
_«حياء بصدمه»...... يتبع💝
اللهم_صلِّ_وسلم_على_سيدنا_محمد
أتمنى تنول إعجابكم ✨🫶
•تابع الفصل التالي "رواية تزوجتني رغما عني فأحببتك" اضغط على اسم الرواية