رواية تيمو الفصل السادس 6 - بقلم ولاء فتحي
(6)
تميم بيحضنها ليطمئنها اهدي ان شاء الله هتكون بخير من فضلك اقعدي انتي وميسون هنا واحنا هنروح مش هنتاخر
قبل ان يصل الي مكتب الطبيب يسمع صراخ
اخته ينظر هو وشريف ليجد امه ملقاه علي الارض فاقدة الوعي وفي ثانيه يقفز ويحملها وشريف ينادي علي طبيب
تهرول ممرضه والطبيب ويفتح لهم احدي الغرف ويضعها تميم علي السرير وقلبه يكاد ان يموت خوفا عليها وميسون منهاره وشريف يحاول ان يهدئها فهي ليست ابنة خالته وعمه فقط انما هي اخته التي تربو سويا
ليامر الطبيب باخلاء الغرفه حتي يستطيع الكشف عليها
الا ان تميم يرفض رفض قاطع ترك والدته
فيستجيب الطبيب له ويفحصها ويامر بتعليق محاليل لها
تميم : خير يا دكتور طمني علي امي
الطبيب : للاسف ضغطها عالي جدا وكانت بداية جلطه الحمد لله انها اتلحقت
تميم : بس انا عمري ما عرفت انها عندها الضغط او تعبانه
الطبيب : احنا نلحق الاول الحالة وبعدين نشوف ايه الامراض الي بتعاني منها . غالبا علشان انت في شغلك متكونش متابع اوي عندها ايه
تميم : طيب هي كويسه
الطبيب : للاسف مش هقدر احدد الا لما تفوق
ليخرج تميم وعلامات الحزن علي وجهه وتجري عليه ميسون وترمي نفسها بين احضانه
تميم : اطمني يا حبيبتي ماما هتكون كويسه
ميسون : مالها عندها ايه
تميم : ضغطها عالي
ميسون انا عارفه انها بتلخبط في الادوية بس هي عنيده
تميم : ادوية ايه ؟ ماما مالها ؟
ميسون : انت قاسي عليها اوي يا تميم ودا مخليها مبتاخدش ادويتها ماما مريضة ضغط وقلب
تميم ويقعد وكان قلبه تمزق : من امتي ازاي متقوليش
ميسون : هي رفضت اني اقولك . كانت حاسه انك بتكرهها وعلشان كدا محبتش تعطف عليها .
انا قولت لك يا تميم انت قاسي عليها ماما مظلومه وبتحاول تثبت لك مش عارفه
تميم : مش مهم اي حاجة دلوقتي المهم اني مش هسامح نفسي لو هي جرالها حاجة
شريف ياتي ليجد تميم وميسون حالتهم يرثي لها
شريف : خالتو مالها يا تميم
تميم : هتبقي كويسه المهم بيلا عاملة ايه
شريف: الدكتور بيقول كانت بداية غيبوبة سكر . بس لازم ممرضه تكون معاها تضبط لها الاكل والادوية
تميم : الغي سفري يا شريف
شريف : انا بقول كدا برضه . احنا ممكن نبعت حد
تميم : كلم مدير الفرع هناك يحاول يضبط الوضع علي اد ما يقدر لغاية ما نطمن عليهم مينفعش امشي واسيبهم
ميسون : كنت مسافر يا تميم من غير ما تقولنا
تميم : كانت سفريه بسيطة يا ميسون شغل
الحمد لله اني مسافرتش
يلا يا ميسون علشان اروحك
ميسون : مش هقدر امشي الا اما اطمن علي بيلا وماما
شريف : مفيش داعي يا ميسون لقعدتك الدكتور قال انهم مش هيفوقو الا الصبح وانتي عندك كليه
ميسون : انا مش هسيبهم
تميم : لاء يلا يا حبيبتي وانا هوصلك وارجع لهم تاني
ماما محتاجة لبس مريح . انتي عارفه هي مش معاها لبس ومش بتحب لبس مستشفيات انتي الي هتعرفي تجهزي لبس ليها
ميسون وافقت وذهبت مع تميم للمنزل
.................................
مايا : لاء فستان ايه وميك اب ايه يا ملك انا هروح باي بلوزة وبنطلون وخلاص
ملك : لاء طبعا . انتي هتفضلي فورمال طول اليوم . انا هشتكي لاونكل
مايا : امتي نسيب البيت الي جنبك دا بدل ما انتي سايبة بيتكم وقاعده عندي علطول
ملك: وماله هنقل معاكي متفكريش اني هزعل واسيبك بصي ايه رايك في الفستان دا
انتي ملبستيهوش خالص
مايا : دا عيد ميلاد يا بنتي يعني مش مناسبة للحاجات دي
ملك : هو انتي متعرفيش . لا لا لا انتي بعيد عننا بقي من زمان
مايا : اعرف ايه يا رغايه
ملك : اصل الواد ماذن ابن اونكل رؤف عامل مفاجاة ل نانا وهيخطبها
مايا : تاني . هما كل شويه يعملو كدا ويتخطبو ويتخانقو ويفشكلو
ملك : لاء المرة دي بقي عاملين نفسهم انهم ميعرفوش
وايه بقي اونكل رؤوف وانكل مروان متفقين يجيبو المأذون ويكتبو كتابهم علشان يخلصو من جنانهم والناس كلها عارفه ههههههه وقال مفاجأه قال دول حاجزين فندق وعازمين نص البلد
مايا : قولتيلي بقي . اتاري بابي مهتم اوي
ملك : اه طبعا وجاي فيها اغلب رجال الاعمال والصحافة والاعلام مش جواز المال والسياسه . بس تخيلي لما بعتو دعوة لعيلة شومان بعتو لهم هدايا مع اعتذار معرفش العيلة دي غريبه جدا
مايا : هو شريف شومان دا شكله لطيف معرفش ليه مستخبي كدا
ملك: لاء شريف شومان دا الراجل الثاني ههههههه محدش يعرف الرجل الاول خالص لانهم بيتعاملو باسم جدهم لغاية انهارده بالرغم انه عجوز جدا بس الي اعرفه ان كان عنده ولدين اتوفو في حادثة طياره من كام سنه في امريكا واحد منهم له تلين الشركان لان اخوه كان واخد تلتين المزارع بتاعتهم
مايا : دا انتي عمله زي كورمبو
ملك : ماانا لازم اعرف هقابل مين وادخل له ازاي علشان يقبل شروطي دا انا ملك السعداوي الي مبخسرش اي ديل في شغلي
مايا : طيب يا ملك انا جاهزة
ملك : يا اونكل علاء يا اونكل علاء
علاء : ايه يا بنتي في ايه
ملك : تعالي شوف بنت علاء النوبي عاوزه تلبس ايه وهي راحة الحدث دا
علاء : يا مايا البسي فستان يا بنتي كويس فستان عاوزك اجمل اميره في الحفلة وكمان رمزي واهله هيكونو هناك عاوز يبان انك في احسن حال واحتضنها وقبل راسها يلا مستنيكم
مايا : معلش يا بابا اسبقني انت وانا هاجي بعربيتي
انا عاوزة يكون ليا حرية اني امشي اي وقت
علاء : براحتك يا بنتي
ملك : ليه يا بنتي ما نروح مع السواق بتاعي
مايا : انا هروح بعربيتي يا ملك انا بحب كدا
علاء: خليها علي راحتها يا ملك بس عاوز الزن بتاعك عليها عاوزها اميره
ملك: ياااه عيوني يا اونكل انا هزن الي ما لا نهاية
..................................
وصل تميم الي منزله وطلب من السائق الانصراف ووصي الدادة علي ميسون ثم استقل دراجته الناريه ومعه حقيبه بها بعض متعلقات ليذهب الي والدته
وهناك وجد شريف يجلس مجهد
تميم : شريف . روح انت وانا قاعد معاهم شوية
شريف : لاء انا معاك يا تيمو مش هقدر لازم اطمن عليهم
تميم : انت عندك اجتماع بكره علشان الاتفاق بتاع المطعم ولازم ترتاح علشان تركز
شريف : هلغيه المهم بيلا وسوسو مش هقدر
تميم : الصبح تعالي اطمن عليهم روح انت
شريف : وانت مش جاي الشركة ولا ايه
تميم : محتاج اقعد مع ماما شويه
شريف : طيب هي كانت عاوزة تسافر الصين تدور علي دليل براتها قدامك . خلي بالك الام مبتتعوضش وربط علي كتفه واحتضنه وانصرف
جلس تميم وهو يضع راسه بين يديه ويشعر بانه تائه بين افكاره لا يعلم لسفينته مرسي فقلبة لا يحتمل فراق امه ايضا ولكن لا يعلم كيف قسي عليها لهذا الحد
كيف اوصلها ان تخبي عليه حالتها الصحية كيف كان من المفترض ان يعوضها وفاة ابيه ووحدتها وبدلا ان يكون سندا لها كان الاما وهما علي قلبها
لتخرج الممرضه : تميم بيه احنا غيرنا للهانم ودي متعلقاتها الشخصيه وشنطتها ممكن حضرتك تستلمها
تميم : في امانات في المستشفي
الممرضه ايوة يا فندم . طبعا
تميم : سلميهم في الامانات من فضلك وهي لما تقوم بالسلامه تاخدهم بنفسها لان كلها حاجات غاليه ومش هقدر اشيلها
الممرضه الي حضرتك شايفه
تميم : ممكن ادخل لها
الممرضه : هي نايمه لو حضرتك عاوز اتفضل بس هي مش هتحس بيك
تميم : متقلقيش انا هقعد بس جنبها شويه وياريت دكتور ينقلها في غرفه جنب جدتي
الممرضه جدة حضرتك في الرعاية لما تخرج منها هننقلها جنبها حاضر
تقدر حضرتك تدخل بس من فضلك بلاش انفعال
...........................
لبست مايا الفستان وتركت العنان لشعرها لينسدل علي ظهرها فقد كان بنيا مموجا لامع طويل ك لون عينيها وتركت نظارتها ووضعت بعض المساحيق وارتدت فستان واسع باكمام خفيفة فيروزي اللون مع بعض المجوهرات التي يدخل فيها الاحجار الكريمة وكانت جميلة جدا وظهر عمرها الحقيقي التي كانت تداريه خلف لبسها الرسمي ونظارتها وشعرها المرفوع بعنايه كعكة مرتبه فهي 28 سنه فقط فكانت كانها عروس هاربه من بين امواج بحر الروايات
كما ارتدت ملك فستان من الحرير البني وتركت شعرها الحريري علي ظهرها وكانت جميلة ورقيقه بس لو تبطل رغي شوية
دخلت ملك بصحبة مايا للحفل الذي لتفت لها الجميع بانبهار
الي ان التفت شخص اليها ونظر لها نظرة متفحصة
وفجأه
.............................
جلس تميم بجوار والدته ومسك يديها وبدا يقبلها ويبكي ك طفل صغير فقد امه
وفجاه باب غرفتها اتفتح
- يتبع الفصل التالي اضغط على (رواية تيمو) اسم الرواية