رواية تيمو الفصل السابع 7 - بقلم ولاء فتحي
(7)
جلس تميم بجوار والدته ومسك يديها وبدا يقبلها ويبكي ك طفل صغير فقد امه
وفجاه باب غرفتها اتفتح ودخلت الممرضه
الممرضه : تميم بيه الحاجة فاقت ممكن لو تحب تشوفها
حاول تميم ان يخبئ دموعه ويتحدث بصوت طبيعي
: تمام شكرا جدا ممكن تيجي تكوني جنب ماما هروح اطمن علي جدتي واجي
الممرضه : تحت امرك يا فندم متقلقش المدام في عنينا
وتركها متوجها لغرفه جدته للاطمئنان عليها
دخلت الطبيبة لتطمئن علي سعاد
الطبيبه ها يا ناهد انتي هنا ليه في حاجة
ناهد الممرضه : والله يا دكتوره ابنها يا عيني كان حالته وحشه وقلقان عليها وطلب مني اكون هنا هيطمن علي جدته ويرجع
الطبيبه : طيب متنسيش عندنا مرور ودكتور باسل صاحب المستشفي بنفسه هيجي
ناهد الممرضه : هو حضرتك متعرفيش الحالات دي تبقي عيلته وعلشان كدا في اوامر ننفذ تعليمات تميم بيه وشريف بيه بيقولو انهم رجال اعمال كبار ولو اني شايفاهم صغيرين وزي القمر يا دكتوره
تبتسم الطبيبه : ايه يا ناهد انتي بتعاكسيهم ولا ايه ههههههههههه دا حتي مينفعش
ناهد الممرضه : يا دكتورة دول سن ولادي وصعبانين عليا مشفتيش بيعيط ازاي جنب امه وماسك اديها
الطبيبه : طيب انا كدا خلصت وهي محتاجة راحه محدش يفضل هنا من اسرتها يسيبوها ترتاح والصبح تكون بقت احسن
ناهد : الي تشوفيه يا دكتورة
000000000000000000
في الحفل تقف مايا وملك وتجد من ينظر اليها من بعيد
ملك : مايا خليكي معايا ابن الشافعي ابو دم تقيل جاي علي هنا
مايا : يا بنتي ما تديله فرصه بقي
ملك : لاء يا اختي انا كدا حلوه انا عاوزة واحد متحمل مسؤليه وفرفوش مش ابن بابي وكئيب
مايا : طيب بس بقي ويلا نقعد هناك في تربيزه بعيد عن دوشه
ملك : لاء دا انا جيه افرفش تربيزة عواجيز ايه دي يلا بينا
مايا : انا هروح اشوف بابا غالبا هما فوق بعيد عن دوشه فرفشي شوية وتعالي
صعدت مايا لقاعه بها رجال الاعمال وجلست بجوار والدها
علاء : ايه يا ميويتي جابك في القاعده العواجيزي دي
مايا : وحشتني يا قلبي قولت اطمن عليك
ياتي صوت مين مايا اذيك يا اجمل دكتورة
مايا بخجل : اونكل سمير ازي حضرتك
سمير : مخبي الجمال دا فين يا علاء بيه
علاء ك انا ولا مخبي ولا حاجة هي الي ماسكه الشغل ومركزه فيه يا سيدي
سمير : ايه يا قطه مفيش اخبار كدا ولا كدا
مايا : والله يا اونكل انا مركزة في الشركه والموضوع دا مش بفكر فيه
سمير : منه لله رائف يا علاء برضه الي عمله وفضايحة مش شويه
مايا : اونكل الموضوع دا قديم وقفلته عن اذنكم هنزل اشوف ناني واسلم عليها
...............................
في فيلا تميم
ميسون : يعني بيلا بقت كويسه يا تميم واما عامله ايه
تميم : ميسون انا بتصل اطمنك ونامي عندك محاضرات
ميسون : تميم متظلمش ماما . مفيش ام هتقتل فرحة ابنها صدقني حكم قلبك يا تميم وهو يقولك . ماما لو جرالها حاجة
تميم :ميسون سعاد هتبقي كويسه اوعدك مش هضايقها حتي لو مش مقتنع ميه في الميه بس هنسي دي امي
ميسون : تميم احنا ملناش غيرك متنساش ان جدو مريض حتي حالة بيلا مخبينها عنه صحته متتحملش انت الي لينا يا تميم
تميم : اطمني يا حبيبتي ونامي
ميسون : مش هنام الا لو جيت . كدا كدا باسل موصي علي بيلا وماما . تعالي انا محتجالك جنبي
تميم : حاضر يا حبيبة اخوكي وقلب اخوكي هاجي بس ارتاحي لغاية ما اطمن عليهم شويه خلاص اهو باسل جاي هخلص جايلك
باسل : تميم ابن عمي هنا واخده بالحضن
تميم : طمني يا باسل عليهم
باسل : انا نازل مخصوص اهو علشان سوسو وبيلا متقلقش انت سايب شغلك ليه اوعي تكون شاكك فيا
تميم : ازاي دا انت احسن دكتور في الدنيا كفاية انك ابن عمي يا ابني بس انت عارف العلاقات
باسل : انت هتقولي . بس خالتو صحتها مش كويسه وانا محذرها اكتر من مرة من الضغوط بس واضح انها مبتسمعش الكلام
تميم : انا اول مره اعرف انها تعبانه
باسل : مخبيش عليك انا هدخلها تعمل قسطرة لان رسم القلب مش مبين بس برضه مفيش في ايدك حاجة هي نايمه من الادويه والمسكنات وانت روح واطمن دي امي يا تميم
تميم : تمام يا باسل وبيلا
باسل : بيلا دي انا هعملها كاميرات مراقبه بتلخبط في الحلويات والسكر مش عاوز كدا سيبني انا بقي وهعين لها تمريض مرافق ورديات وتشوف هتاكل الكنافة تاني ازاي
تميم ك طيب انا همشي علشان ميسون واي حاجة كلمني
باسل : طمن ميسون وخليك جنبها التوتر غلط عليها والامتحانات قربت
تميم طيب ماشي يا حبيبي انا هروح لها
وانصرف تميم وفي الطريق وقف وجلس في مكان هادئ علي النيل يعيد ترتيب حساباته ويفكر في كلام باسل
....................
مايا تتجه لملك
مايا : يلا يا بنتي نسلم علي نانا والدنيا هاديه كدا ونبارك لها كتبو الكتاب خلاص
ملك : يااااه عقبالنا يا مايا عقبالنا
مايا : مسروعه هانم
يقطع عليهم صوت مش معقول ملك هانم ومايا هانم ايه الجمال دا
مايا : بصوت منخفض البسي بقي اهو جالك الي هيفرفشك
ملك بغيظ : اهلا وسهلا اذيك اخبارك شكرا عن اذنك يلا يا مايا نسلم علي نانا
وذهبتا وسلمو علي نانا
وتركته يقف مذهول من رد فعلها وينظر اليها
فعادت مايا له : معلش اعذرها اصلنا كنا مشغولين طول اليوم
عمر الشافعي : مايا هي بتعمل كدا ليه دا انا عمر الشافعي يا مايا ومن بين كل معارفنا عاوزها هي
مايا : عمر دي مشكلتك انك شايف انك بتمن عليها انك عمر الشافعي
عمر : مايا انا مش بمن عليها انا فعلا عاوزها هي
مايا : كلمها بالعقل ولو هي رافضه احترم رغبتها
يبتسم عمر : ممكن تكلميها لي عاوز بس نقعد نتكلم
مايا : تمام ممكن الجمعه نتقابل كانها صدفه واسيبكم
ياتي صوت من بعيد يجعل قلب مايا يخفق بحزن
عمر الشافعي ومايا النوبي هو ايه بيحصل هنا دي قصه جديده ولا ايه بس دي اكبر منك بسنه علي فكره
وانتي يا مايا انتي بتاعة رائف يعني ايه هتقابلي ابن الشافعي
لتلتفت له مايا : رائف ز انت حقير وتشبيهاتك كلها زيك
رائف : انتي بتشتميني يا بنت النوبي
مايا : انا بوصفك مش بشتمك
رائف : مسيرك هتوقعي تحت ايدي وهوريكي الغلط فيا دا الي هو ازاي ومتنسيش الي فات ومهما السنين طالت انت ليا انا وبس
لازم تفهمي الكلام دا
مايا تنظر له بضيق وترفع يدها لتصفعه صفعه بكل قوتها وللحظ تكون الموسيقي متوقفه وينظر لهم الجميع وتذهب مسرعه تاركه الحفل وتاخذ سيارتها وتنطلق باقصي سرعه وعيونها كلها \دموع وتتذكر ما حدث في الماضي
..............................
وفي الطريق يقطع عليها الطريق رائف بسيارته وينزل من سيارته ويفتح باب سيارتها ويجرها من يديها بعنف وظلت تصرخ وتقام الا ان الوقت متاخر ليلا
فضربها بيده علي راسها لتفقد الوعي
- يتبع الفصل التالي اضغط على (رواية تيمو) اسم الرواية