رواية من الجاني الفصل السابع 7 - بقلم هدى مرسي
الغز السابع
في احد محلات الساغه، يعمل شاب يدعي شريف، ذهب شريف في الصباح ليفتح المحل وقف بجوار المحل ينتظر عم فايد صاحب المحل وماهي الا لحظات واتي .
شريف:
– ايه اللي اخرك كده ياعم فايد، انا واقف من بدري ؟
فايد:
– معلش راحت عليا نومه، انا لولا ان النهارده يوم مفترج، وبيجي فيه زباين كتير مكنتش فتحت من اصله، يلا افتح
فتح شريف الباب ودخل عم فايد وجلس علي مكتبه، ودخل شريف بدأ ينظف ويرتب المكان
فايد:
– يا شريف خد يلا روح هات فطار.
شريف:
– اخلص بس تنظيف واروح ياعم فايد.
انهي شريف ترتيب وتنظيف المحل وذهب اشتري الافطار وقدمه لعم فايد
فايد:
– جهز بقي الاستندات انا فتحت لك الفتارين.
شريف:
– بقولك يا عم فايد كنت عايز سلفه من فلوسي اللي شيالهالي .
فايد:
– هتعمل بيهم ايه ؟
شريف:
– هشتري موبيل جديد عشان اللي معيا بايظ.
فايد:
– هشولك واحد مستعمل من عند عمك فهمي.
شريف يضيق:
– خلاص ياعم فايد مش عايز حاجه.
فايد:
– يا واد افهم انا بحوشم لك عشان تعرف تتجوز.
شريف:
– يا عم فايد انا مش عايز اتجوز ‘ومش عايز احوش تاني.
فايد:
– خلاص انت حر مع القبض هديهم لك كلهم‘يلا قوم رص الفتارين عشان اظبط الكاميرات علي المكان عشان الزباين هيبتدو يهلو.
شريف بضيق بصوت منخفض:
– هو كل مره كده تقولي هديهملك ومبتدنيش حاجه.
رتب شريف الفتارين وقام عم فايد بتظبيط الكاميرات، وبدأ الزبائين في الحضور وكان الزبائن في هذا اليوم كثير وفي اخر اليوم اتت فتاتين يرتديان عباءت وبضعن طرحه صغيره علي راسهم
شيماء:
– كنت عايز اتفرج علي الغوايش.
مياده:
– وانا كمان عايز اتفرج علي السلاسل.
فايد:
– عنيا ليكو اتفضلو ووضع امام كلا منهم ما طلبت
بدأت شيماء في مشاهده الغوايش واختارت واحده وبدأت تجربها.
واختارت مياده سلسله وطلبت منه ان يوزنها، ثم اتت فتاه ثالثه ووقف بجوارهن
سندس:
– لو سمحت كنت عايزه اشوف الخواتم.
فاحضر لها علبة الخواتم لتختار، وكان يقف هو معهم، اما شريف يقف بعيد يتابع المراقبه
امسكت سندس علبة الخواتم وقالت:
– ممكن تساعدوني وتختارو معيا خاتم لحسن محتاره.
امسكت شيماء خاتم:
– ايه رايك في ده ؟
سندس:
– مش قد كده مش عاجبني.
مياده بضيق:
– ده تحفه وبصي اللي جنبه ده كمان احلي منه.
امسكته سندس:
– واو ده تحفه بس شكله كبير، ممكن يا عمو تجبلي واحد اصغر شويه.
فامسك فايد العلبه ليخرج لها خاتم ولكنه لم يجد الخاتم الذي يريد
فايد:
– العلبه دي ناقصه خاتم.
سندس:
– انت جايبها كده اصلا.
فايد:
– لاء انا متاكد انها كانت كامله، والخاتم ده رغم صغر حجمه بس غالي عشان فيه فص زمرد
شيماء:
– دور كويس يمكن تكون حطتيته في مكان تاني.
فايد:
– انا متاكد انه كان مع المجموعه دي، ومطلعتهاش من الصبح، يعني محدش فيكو هيتحرك من هنا الا لما الاقي الخاتم
مياده بغضب:
– يعني ايه هتحبسنا هنا، وكمان بتتهمنا بالسرقه ليه حد قالك عنا حرميه
فايد بغضب:
– بصو محدش مسك علبة الخواتم دي غيركم وانا هبلغ البوليس يجي يشوفلي مين اللي سرقت الخاتم منكم، واشار بيده ل شريف ان يغلق الباب حتي تاتي الشرطه، وبعد بعض الوقت اتت الشرطه ودخل الضابط واخبره عم فايد بالسرقه
الضابط:
– يعني انت متاكد ان مفيش حد غير الثلاثه دول هو اللي ممكن يكون سرق الخاتم ؟
فايد:
– العلبه كانت موجده في مكانها من امبارح وانا متمم عليها بالليل قبل ما اقفل ومطلعتهاش الا لما جات البنت دي اللي طلبت خاتم (واشار علي سندس) قبل كده مخرجش من مكانه
الضابط:
– طب وشريف مش ممكن يكون هو اللي سرقه ؟
فايد:
– شريف ملوش دعوه بالبيع والشره انا اللي بقف هنا وانا اللي مطلع العلبه بايدي.
الضابط:
– طب هسالهم واكيد هاوصل لحاجه علي ما تيجي الضابطه نهال تفتشهم
وبدا الضابط سؤال كل واحده علي حده
الضابط:
– انسه شيماء كنتي جايه تشتري ايه ؟
شيماء:
– كنت عايزه اشتري غوشتين بس قولت اجي اتفرج الاول ولو عجبتني حاجه ابقي اجي اخدها.
الضابط:
– يعني ماكونتيش هتشتري دلوقتي ؟
شيماء:
– ايوه النهارده فرجه بس.
الضابط:
– ايه اللي خلاكي تتفرجي علي الخواتم ؟
شيماء:
– الانسه اللي كانت بتشتري هي اللي طلبت مني انا والبنت التانيه.
…..
الضابط:
– انسه مياده انت كنتي جايه تشتري ايه؟
مياده:
– سلسله والفلوس معيا، وبعدين البنت اللي كانت بتشتري الخاتم طلبت منا انا والبنت التانيه اننا نساعدها في الاختيار.
…….
الضابط:
– انسه سندس انتي كنتي جايه تشتري ايه ؟
سندس:
– كنت جايه اشتري خاتم وجايبه معايا الفلوس ولما احترت طلبت من البنات اللي كانو جنبي يختارو معايا.
……..
الضابط:
– شريف انت بتشتغل هنا من امتي ؟
شريف:
– بقالي سنه.
الضابط:
– انت اللي بترص الفاترين؟
شريف:
– ايوه انا بنظف واروق وارص الفتارين ومليش دعوه بالزباين
الضابط:
– الحاجات اللي بترصها في الفتارين بتكون فين ؟
شريف:
– في الفترينه الصغيره مع الدهب كله.
شاهد الضابط الفيديو ولكن لم يجد شئ يفيده
الضابط:
– تفتكر مين اللي سرق الخاتم ياعم فايد ؟
فايد:
– مش عارف انا محتار لو كان شريف يعرف قيمة الخاتم كنت قولت هو بس انا محتار ومش عارف.
وانتو يا تري عرفتو مين اللي سرق الخاتم
الحل
اتت الضابطه نهال وقامت بتفتيش الفتايات الثلاثه ولكن لم تجد معهم اي شئ فذهبت الي الضابط واخبرته
الضابط : ملقتيش معاهم اي حاجه خالص ؟
نهال : ايوه يا فندم وفتشتهم تفتيش دقيق عشان ماتكنش واحده مخبيها كده ولا كده.
الضابط : طب تفتكري مين ممكن يكون سرق
الخاتم ؟
نهال : مش عارفه يا فندم بس اعتقد ان حضرتك لو شاهدت فيلم الفيديو تاني ممكن تطلع منه بحاجه.
الضابط : فكره هجربها.
فذهب الضابط وطلب الفيديو وشاهده مره اخري ولكن بالتصوير البطئ ‘وبعد ان انتهي نادي علي الفتيات
الضابط : اسفين جدا علي ازعجكم.
شيماء : يعني الحمد لله ثبت براتنا نمشي ياعني.
مياده : مش هاجي اشتري حاجه من هنا تاني.
سندس : حتي الخواتم اللي عندك زوقها وحش جدا
وذهبت الثلاث فتايات وهن مستاءات ‘ونادي الضابط علي شريف وفتشه ولكنه لم يجد معه شئ
الضابط : الخاتم فين يا شريف ؟
شريف : خاتم ايه انا ماخدتش حاجه.
الضابط : فيلم الفيديو اكد ان الخاتم ماكنش في العلبه فعلا ساعت ماخرجها فايد مكانها ‘ومحدش غيرك يقدر ياخدها.
شريف بتوتر :انا ماسرقتش حاجه هو اللي سرق مرتبي ومش راضي يدهوني.
الضابط : روحت انت سارق الخاتم عشان تاخد حاقك صح.
شريف : لاء انا مسرقتش حاجه هو اللي سرقني.
الضابط : اسمع لو اعترفت بالحقيقه ورجعت الخاتم هخليه يديك فلوسك وينتازل عن المحضر ‘انما لو ماعترتفش هحبسك وهناك بقي هما هيطلعو الخاتم وهيعرفو يخليك تعرف قولت ايه.
شريف بخوف : يعني هتجبلي فلوسي منه ؟
الضابط : يعني انت اللي سرقت ؟
شريف : راجل بخيل مش راضي يديني فلوسي ومطلع عيني حتي الوقوف مع الزباين اللي ممكن يجبلي قرش بسيط ‘حرمني منه اعمل ايه طيب
الضابط : طيب ما دومت اعترفت انا هرأف بحالك عشان مستقبلك ما يضعش‘ بس اوعي تقبل علي نفسك الذل والمهانه مره تانيه وابعد عن الحرام لانه بيدمر صاحبه.
شريف بخجل من نفسه : عندك حق انا غلطان كان لازم مقبلش علي نفسي الذل ده ‘وموصلش نفسي للحاله دي.
الضابط : طب هات الخاتم وانا هتسرف معاه.
فاعطاه الخاتم وذهب الضابط الي عم فايد
الضابط : اسمع انا لقيت الخاتم واقع في الارض‘وانا عرفت انك ظالم الواد الغلبان ده وواخد فلوسه اديلو فلوسه كامله والا هعملك محضر ازعاج سلطات
فايد بضيق : امري لله ماشي هديلو فلوسو بس يمشي من هنا
اخذ الضابط المال واعطاه لشريف وترك الشريف العمل معه حمد الله ان نجاه من هذا الذنب وتاب الي الله وشكر الضابط
والي اللقاء في اللغز القادم
- يتبع الفصل التالي اضغط على (رواية من الجاني) اسم الرواية