رواية 8 في مهمة سرية الفصل الثاني عشر 12
بارت. 12 8 في مهمه سريه
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️
نبدا اول روايتنا عند شباب و بنات فكان كل واحد فيهم طلع الاوضه وتمارا كانت بتفكر في فهد وايه اللي فهد مخبيه وهي مش عرفه وليه فهد بيكره اي بنت تقرب منو ومن حياته واخذت عهد على نفسها اللي هي لازم تعرف كل حاجه عن فهد وعن حياته وبعد تفكير كبير قوي نامت وثاني يوم الصبح الشباب والبنات صحيوا وصلوا فرضهم وبعدين جهزوا نفسهم وبعدين خرجوا راحوا المطار وركبوا الطياره ووصلوا الاراضي اسرائيل والبنات والشباب نزلوا من الطياره
حمزه :وبعد ما وصلنا هنا هنعمل ايه بقى بالصلاه على النبي
تمارا: احنا عندنا بيت هنا صغير هنعيش فيه
ليل: ما ننزل احلى في اوتيل
ساندي: مش هينفع عشان ما حدش يشك فينا وفي نفس الوقت مش عايزين شكلكم هنا يتعرف كتير عشان لما ننفذ مهمتنا ما نتعرفش
هنا :وفي نفس الوقت عشان نبقى قدام الناس عشان نبان بشكل طبيعي
ليل: فين المكان ده
مليكه: تعالوا ورانا
الشباب مشيوا هما والبنات واخذوا تاكسيين ووصلوا لاول الشارع ونزلوا من التاكسي تمارا مشيت مع البنات والشباب ماشيين وراهم
واحده معديه :شالوم تمارا
تمارا: شالوم
تمارا والبنات ماشيين والناس بتسلم عليهم والشباب ماشيين مندهشين وبيبصوا باستغراب لبعض واخيرا وصلوا لحد البيت
مليكه: اتفضلوا بيتكم ومطرحكم
ليل: ايه اللي كان بيحصل تحت ده
هنا: قصدك الناس
يزن: ازاي الناس دي تعرفكم
مليكه: عادي جيران والنبي وصل سبع جار
حمزه: جيران جيران ازاي
فهد: انتوا لازم تفهمونا ايه اللي حصل ده والا انا هكلم اللواء وهيكون ليا تصرف ثاني
تمارا: طب اقعدوا بس واحنا هنفهمكم على كل حاجه
الشباب والبنات فعلا قعدوا
تمارا: انتم بقى عايزين تفهموا ايه بالظبط
ليل: انتم تعرفوا الناس دي منين
البنات بصوا لبعض وبعدها تمارا طلعت الباسبور بتاعها وحطيته على الترابيزه قدام الشباب وراح فهد مسك الباسبور ده وبس فيه وبص لها باستغراب وقعد يبص الباسبور ويبص لها تاني
فهد: انتي اي
تمارا: يهوديه اسرائيليه بس ده في الباسبور انما في الحقيقه انا مصريه
ليل: وانتم كلكم كده
ساندي: احنا خبينا عليكم بس عشان اي
حمزه :علشان ايه ها عشان فاكرين مغفلين
ليل: انا برده كنت بسال نفسي ازاي ما انتوش خايفين وانتم جايين البلد دي
تمارا: احنا تربينا هنا من واحنا صغيرين
فهد: ازاي
ساندي: اللواء يعرف اهالينا وكان محتاج لوجوه جديده ومش معروفين بس بشرط اللي هم ينشاوا يضربوا في البلد دي ويطلع لنا باسبور اسرائيلي واكننا احنا من اهل البلد بالظبط
مليكه :عشان كده احنا تربينا هنا
هنا :بس تربينا على حاجه واحده بس اننا نكره كل حاجه في البلد دي وده بسبب اللي هم عاملوه في مصر زمان
حمزه :يعني انتم ما تعرفوش بعض
تمارا :احنا اصدقاء اللواء اللي يعرف اهلينا كويس اوي
ليل: واهلكم موافقوا بكل سهوله كده على كل ده
مليكه: طبعا وافقوا كانهم بيقدموا ولادهم فداء لمصر
ساندي :ومن وقتها واحنا عايشين وبنشتغل هنا واشترينا البيت ده وعايشين فيه والناس كلها حبانه خالص
حمزه: والناس مش بتستغرب اساميكم دي
هنا: لا خالص
فهد: وبتتكلموا عبري كويس على كده
مليكه: احسن منهم
تمارا: احنا ما خبيناش عنكم تقليلا منكم ولا حاجه كل الحكايه اللي احنا جنه اوامر بس اللي انتم ما تعرفوش عننا اي حاجه الا لما تيجوا هنا
فهد: واحنا المفروض بقى نكون فرحانين صح انتم بقى اول ناس هيشكوا فيكوا لو المهمه دي اتنفذت وازاي بنات يهوديين يتجوزوا ناس مصريين ومسلمين زينا
مليكه: احيه
هنا: ايوه صح تصدق كلامك صح
فهد: كلامي صح اقول ايه بس هو انتم ما بتفكروش خالص ده انتوا لو قاصدين انكم تتكشفوا مش هتعملوا كده
مليكه: يا ليله بمبي طب هنتصرف ازاي
ليل: مبدئيا كده ننسى فكره الجواز دي خالص والاهم من كل ده ما حدش يعرف اللي احنا مصريين
هنا :احنا قلنا ان احنا رايحين المالديف عشان نصيف
فهد :يبقى انتوا تعرفتوا علينا لما كنتم مسافرين واحنا جينا معاكم كزياره
حمزه: بالظبط كده ما حدش يعرف هويتنا ايه
يزن: لا وتتخيل بقى اللي احنا مصريين صدقني دول لو عرفوا هيغربلونا هنا
وفجاه وتليفون تمارا رن وهي ردت وفتحت السبيكر
تمارا :ايوه يا فندم احنا وصلنا خلاص
اللواء محمد: الشباب عرفوا كل حاجه
فهد :وسيادتك كنت منتظر اللي احنا ما نعرفش اي حاجه ولا ايه
محمد :مش القصد يا فهد بس كان لازم اعمل كده دي التعليمات
فهد: تعليمات تعليمات ايه يا فندم اللي تخليكوا تستغفلونا او تسالوا بينا كده
محمد: من النهارده هتبدا مهمتكم الحقيقيه تمارا هتشرح لكم على كل حاجه
فهد :طب ما ايه رايك يا فندم لما تخلي تمارا وفرقها هما اللي يقوموا بالمهمه دي واحنا نرجع على مصر مدام ملناش اي لازمه هنا خالص
َ محمد :فهد نفذ الاوامر يا حضره الظابط وما تنساش انت بتتكلم مع مين تمارا
تمارا: ايوه يا فندم معاك
محمد :اشرحيلهم الخطه كويسه وممنوع تغيير في المعلومات قولي مش عاجبه بقى قولوا له ينزل على بلده ويعتبر نفسه مرفوض تماما من الخدمه
وقفل اللواء الخط في الوقت ده
ساندي: قبل ما تمارا تقول اي حاجه في مشوار مهم انا لازم اعمله دلوقتي
مليكه: مشوار ايه
ساندي: راسيل عارف اللي احنا وصلنا هنا ولسه باعت لي رساله دلوقتي وطالبني اللي انا اروح له
ليل: مين راسيل ده
مليكه: صاحب المطعم اللي ساندي بتشتغل معاه
تمارا: هتتاخري
ساندي :لا يعني في حدود كده ربع ساعه
تمارا: تمام خديني معاكي انا نازله ولما ارجع هقول لكم على كل حاجه
مليكه: وانا كمان ورايا شغل مهم
هنا: انتم ممكن تيجي معانا على فكره
يزن: احنا
تمارا :ايوه ينفع تيجوا معانا
وفي الوقت ده فهد قام من مكانه وقال
فهد: انا نازل مصر دلوقتي
حمزه :تنزل مصر ليه
ليل: في ايه يا فهد اهدى بس
يزن: يا عم اهدى اكيد اللواء ما يقصدش
فهد بص لهم كتير وبعدين سابهم ونزل
تعالوا بقى نروح مع بعد في مكان تاني في مبنى المخابرات وتحديدا في مكتب اللواء محمد واللي اللواء يحيى دخل عليه المكتب وقفل الباب وراه
يحيى: مالك متضايق ليه
محمد: انا اتضايقت على الشباب وكمان عليت صوتي على فهد
يحيى :وده اللي مضايقك اوي
محمد: ما كانش ينفع اني اتعامل معاه كده ولا اقول له كده المفروض اللي انا اللي بقويهم على اللي هما فيه
يحيى: فهد مغرور شويه وفاكر ان ما فيش حد ليه كلمه عليه اللي عملته ده مش غلط عشان يعرف ان الاوامر والتعليمات فوق اي حد حتى احنا شخصيا
محمد: بس فهد دماغه حديد وهو متضايق ممكن يعمل اي حاجه
يحيى :دماغه حديد على نفسه مش علينا انا مش عارف انت ليه اخترت فهد وفريق وكنت مصمم عليهم اوي
محمد: سيادتك عارف ان فريق فهد هو اللي هيقدر يخلص المهمه دي زي احنا عاوزين واحسن كمان صدقني ده ممكن يعمل اللي غير متوقع
يحيى: اتمنى كده واتمنى ما يحصلش غلط
محمد :ان شاء الله يا فندم ما تقلقش
يحيى: ماشي يا محمد سلام
اما بقى جوه في اسرائيل فهد كان قرر اللي هو ينزل مصر وبعدين مشي من البيت
تمارا :انا هنزل اشوفه
ونزلت تمارا ورا فهد
ليل: انتوا قلتم اللي احنا ننفع نيجي معاكوا صح
ساندي: مظبوط
يزن: طب يلا بينا
ليل نزل مع ساندي ويزن وهنا راحوا مع بعض وحمزه ومليكه كانوا مع بعض اما بقى في الشارع فكانت تمارا بتجري ورا فهد
تمارا: فهد استنى يا فهد بقول لك استنى اقف
تمارا جريت ومسكت ايده وقفته
تمارا :يا اخي استنى فرهضتني
فهد: انتي عايزه ايه
تمارا :وهعوز منك ايه يعني ايش ياخد الريح من البلاط
فهد: طب ممكن بقى تسيبيني في حالي
وسابها فهد ومشي
تمارا :استغفر الله العظيم يا رب
وراحت تمارا مشيت جنبه ولحقته
تمارا :انت ما تعرفش اي حاجه هنا طب هتروح على فين طب ممكن اجي معاك
فهد وقف وبص لها باستغراب وبعدين كمل ومشي
تمارا :انا عارفه اللي حصل ده غلط وما كانش ينفع ان اللواء يعمل كده بس برده انت ما كنتش تنفع تتكلم معاه بالطريقه دي
فهد :انا مش حابب اتكلم يا تمارا ممكن
تمارا: تمام ممكن
وفضلت تمارا تمشي جنبه وهي ساكته تعالوا بقى نروح عند هنا ويزن واللي كانوا وصلوا للمرسم بتاع هنا
يزن :هو انتي رسامه
هنا :اول مره تعرف صح
يزن :ايوه ما احنا طلعنا مغفلين بقى وما نعرفش عنكم اي حاجه
هنا: انا رسامه وده المرسم بتاعي برسم لوحات وببيعها هنا
يزن: يعني انا ممكن اشتري منك
هنا: اكيد طبعا
يزن: هنا هو انتم بتشتغلوا جواسيس لمصر ولا على مصر
هنا: بص يا يزن اللواء لما جابنا هنا كنا صغيرين او وقتها وكل بنت فينا كانت حلمها حاجه ثانيه خالص غير انها تكون ظابط زي انا مثلا كان عندي حلم ان اكون اشهر رسامه في العالم واسافر دول كتير قوي ويتعمل لي ويتعمل لي معارض والناس تستنى اخر رسماتي بفارغ الصبر
يزن: بس انا شايف اللي انتي عملت كل ده
هنا: كل بنت فينا بجانب شغل الظابط قدرت اللي هي تحقق حلمها انا حققت حلمي وقدرت اكون رسامه وليه مرسم خاص بيا
يزن: طب وساندي
هنا: ساندي طول عمرها بتحب الطبخ مش الاكل هي تطبخ بس وتاكل الناس عشان كده هي دخلت سياحه وفنادق وبقت اعظم شيف هنا في اسرائيل والمطعم اللي هي شغاله فيه بقى اشهر مطعم موجود هنا
يزن: طب ومليكه
هنا: مليكه دكتوره دكتوره كيميائيه دخلت كليه علوم متخصصه في الكيمياء وبتحب تلعب في الذرات وفي العناصر
يزن :طب وتمارا
هنا :تمارا بقى حبه اوي كليه الشرطه عشان كده هي قدمت فيها ودخلت
يزن: يعني هي كانت حابه من البدايه اللي هي تكون ظابط
هنا :بس مش اي ظابط ده ظابط في الجيش الاسرائيلي
يزن: نعم
هنا: ايوه تمارا ظابط في الجيش الاسرائيلي
يزن :وكلكم تعرفوا
هنا: لا ما حدش يعرف غيري حتى ساندي ومليكه ما يعرفوش
يزن: وهي اللي قالت لك
هنا: لا طبعا انا اللي شفت الكارنيه بتاعها لكن ما حدش يعرف اللي هي ظابط في الجيش الاسرائيلي خالص حتى اللواء نفسه ما يعرفش
يزن: كمان اللواء ما يعرفش
هنا: اوعى تروح تقول لحد
يزن: هنا هما اهاليكم مش بتفكروا اللي انتم تسالوا عليهم وتروحوا تزورهم
هنا :يزن احنا ملناش اهل اللواء جايبنا من الملجا
يزن :ملجا
هنا :استغربت صح اللواء جايبنا من الملجا يا يزن يعني ما عندناش اهل او بمعنى اصح عندنا بس مستعريين يشوفونا
يزن :طب ليه قلتم اللي انتم عندكم اهل وهم وافقوا
هنا: احنا فعلا ما كذبناش وكمان احنا عندنا اهل امال احنا جايين ازاي يعني تكسر ذاتي واهلنا هما اللي فرضوا علينا كده هما اللي فرضوا علينا اللي احنا نسيب بيوتنا وبلدنا ونتربى في بلد مش بلدنا وناس مش شبهنا
يزن: حياتكم صعب اوي
هنا :مفيش حد حياته سهله الشخص هو اللي بيبان ان حياته سهله بنفسه هو اللي بيبين للناس اللي الدنيا دي ورد وجنه لكن جوه كل واحد فينا حاجه ثانيه حاجه ثانيه خالص يا يزن
يزن: طب واخو تمارا
هنا: ياسين مش اخوها
اما بقى عندي ساندي وليل فكانوا وصلوا للمطعم اللي ساندي بتشتغل فيه
ساندي: ده بقى يا سيدي المطعم اللي انا شغاله فيه وانا بكون اشهر شيف هنا في اسرائيل
ليل: اشتغلت هنا كساتر عشان تداري على نفسك
ساندي :لا طبعا انا اشتغلت هنا عشان بحب شغلي ده وطول عمري بحلم اني اكون اشهر طباخه في العالم كله مش بس يعني هنا: في اسرائيل
ليل :طب والظابط
ساندي: في حاجات يا ليل لازم تعرف انك ما تعرفش عنها اي حاجه انت شايف اللي ظاهر وبس بره لكن تعرف تشوف المستخبي اللي جوايا اكيد لا
ليل: يعني ما كنتيش عايزه شغل بالظبط
ساندي: وطي صوتك احنا في اسرائيل وبعدين المكان هنا كله كاميرات وبعدين انا هنا اسمي الشيف ساندي وما تتكلمش باي حاجه تخص الموضوع ده خالص
ليل: ايه اللي جواكي يا ساندي انا تقريبا كده عارف عنك كل حاجه
ساندي: تعرف اللي جاي من ملجأ
ليل: نعم
ساندي :ما تستغربش دي الحقيقه اللواء هو اللي جايبني انا والبنات من الملجأ
ليل :مش معنى انتم بالذات
ساندي :حظنا بقى اللي احنا نقابلكم ونعيش طول عمرنا في جنسيه غير جنسيتنا وديانا غير ديانتنا
ليل في اللحظه دي حب غير الموضوع وقال
ليل :بس غريبه اوي ما فيش حد هنا موجود غيرك
وفجاه راسيل دخل المطعم
ساندي :اهي بدات تندع
راسيل: شالوم ساندي
ساندي: شالوم راسيل
راسيل: مين هذا الشخص
ليل: بتتكلم عربي كويس
راسيل :مش احسن منك
ساندي: راسيل ده ليل صديقي وبيكون زبون جديد للمطعم اتعرفت عليه في سويسرا
ليل: اهلا اسعدني لقائك
راسيل :بس كيف اتعرفت عليه في سويسرا وهو بيحكي عربي احسن منا
ساندي قربت من راسيل وقالت
ساندي: هيبقى اكتر من زبون غني جدا وعنده سلسله مطاعم انما ايه
راسيل: اهلا اهلا اتشرفت بيك كتير اعتبر المطعم مطعمك يا زلمه اذا بدك تجرب هون الاكل مجاني لالك ما في عندي اي اعتراض
ساندي :والله
ليل: لا ميرسي كتير انا هقف مع ساندي وهي بتحضر الاكل
راسيل :اكيد ما عندها مانع يلا خديه معاك يا ساندي واللي يؤمر بيه ليل بيه تعمليه
ساندي دخلت وقفت مكانها وليل قعد على البار قدامها
ليل :هو معاملته اتغيرت كده ليه
ساندي :عشان انا قلت له ان انت غني وعندك سلسله مطاعم في سويسرا
ليل: غني ضحكتيني
ساندي: كل حاجه هنا بتمشي بالفلوس انت عندك باباك ومامتك لكن هنا اي اسرائيلي ابو الدولار وام اليورو
ليل :وانتي بقى استغربتي ليه
ساندي: عشان هو بخيل قوي ده بيموت على القرش هو قال بقى تاكل مجاني طب ازاي
ليل: ساندي طب احكي لي بقى عن الناس اللي هنا وازي تتعاملوا معاهم وعايشين هنا
ساندي :عايز تعرف بقى عنهم ايه
ليل :كل حاجه
اما بقى انت مليكه وحمزه فمليكه وصلت للمعمل وسلمت على زمايلها الموجودين هناك مليكه دخلت وشدت البالطو بتاعها ولبسته
حمزه: انتي معرفاهم اللي انتي دكتوره وبتضحكي عليهم
مليكه: اول حاجه توطي صوتك ثاني حاجه بقى انا دكتوره
حمزه: دكتوره دكتوره ازاي
مليكه: زي السكر في الشاي هكون دكتوره ازاي يعني
حمزه: قصدي مش انتي المفروض ظابط ازاي دلوقتي بقيتي دكتوره
مليكه: بس يا حمزه بس يا بابا روح اقعد في حته يلا وما لكش دعوه بحاجه ماشي
حمزه مشي وكان بيبص في المعمل ويبص على القزايز الموجوده وعلى المواد اللي جوه القزايز دي ومليكه كانت بتعمل تجربه وكانت مركزه اوي حمزه راح وكان ماسك قزازه بيبص فيها مليكه بصيت له وراحت عنده شالت منه القزازه
مليكه :ما تلمسش حاجه وسيب كل حاجه في مكانها
حمزه: هو انتي اللي مخترعه كل حاجات ده
مليكه: انا وناس زمايلي
حمزه :طب ممكن الحاجات دي توصل لناس غلط ويستخدموها بطريقه غلط
مليكه :محدش يقدر ياخد اي حاجه من المعمل غيري وغير الناس اللي بشتغل معاهم وبس
حمزه: بتحب شغلك ده
مليكه :جدا
حمزه: طب ليه اخترتي الشرطه
مليكه: اتفردت عليا ما اخترتهاش
حمزه: ازاي
مليكه: شالوم مارسيل
مارسيل :شالوم بدي ياكي في موضوع مهم جدا
مليكه: ممكن ناجل الموضوع
مارسيل: لا ما بيصير
مليكه :اوكي هلا بيجي معك
مارسيل بص لحمزه من فوق لتحت وبعدين سابهم وخرج
مليكه :خليك هنا انا جاي على طول اوعى تلمس اي حاجه فاهم
حمزه حاضر
مليكه خرجت وسابت حمزه في المعمل وهو بيبص حواليه وشافوا التجربه اللي كانت مليكه بتعملها وراح لعندها وبس حمزه في الورق اللي قدامه وقرا اللي فيه
حمزه: قطرتين من الزئبق الاحمر يا ترى بقى انهي واحده في القزايز دي تكون الزئبق الاحمر
اما بقى عندي تمارا وفهد في تمارا وفهد كانوا ماشيين لسه في الشارع وهما ساكتين
تمارا: هتفضل ساكت كده كتير
فهد: انتي ما لكيش اي كلام معايا
تمارا: انا زيي زيك بالظبط الظروف هي اللي اجبرتني على كده
فهد: الظروف بقى ولا مش ظروف انتي ما لكيش اي كلام معايا والمهمه دي روحي نفذيها لوحدك انتي والبنات اعتقد يعني انك مش هتحتاجين معاكي
تمارا: اعمل اللي انت عاوزه عايز تنزل مصري يلا روح اتفضل احنا مش محتاجين منك اي مساعده ولا حتى هيحصل لنا اي حاجه من غيرك ولا اي حاجه يلا روح
تمارا قالت الكلام ده وهي متضايقه وبعدين سابته ومشيت
فهد: استغفر الله العظيم يا رب
وراح فهد عشان يمشي وراها ويلحقها لكنه ضيعها
فهد: راحت فين دي مركبه في رجليها عجل يا رب بقى
وفجاه فهد سمع صوت عالي وقرب من الصوت ده واتفاجئ بقى مين اللي شافه فهد شاف تمارا حد ماسكها وواحد واقف قدامها وفي بنت مستخبيه وراها وكان في اتنين عايزين يمسكها الكلام هنا بالعبري بس احنا طبعا هنتكلم عربي
البنت :ساعدوني حد هنا يساعدني
واحد منهم: اسكتي عم اقول لك
وبص الشاب ده لتماره وقال
الشاب :انتي مفكره نفسك قويه مو هيك
تمارا: فكيني وانت هتشوف مين الاقوى
الشاب: كان بدنا بنت واحده بس هلا صار معنا بنتين الرب كريم كتير
تمارا: لو قربت من البنت دي شوف انا هعمل فيك ايه سيبها تمشي يلا في حالها يلا
الشاب: انتي ما بتعرفي احنا بنكون مين احنا بنكون من الجيش الاسرائيلي
البنت :بترجاكوم اتركوني
الشاب الاول قرب من تمارا وقال
الشاب: انتي فلسطينيه كمان
تمارا في الوقت ده بصيت له من فوق اللي تحت وما ردتش عليه وفهد شاف الوضع ده لو مسك الشاب ده وعلم عليه والاثنين الثانيين كمان قربوا منهم بس فهد كان قدهم وقدود والبنت جريت وبعد فهد ما خلص اللي هو بيعمله ده راح عند تمارا ورفع وشها بايده
فهد :انا انا اسف ما كانش ينفع اني اسيبك تمشي لوحدك كده تمارا: المهم ان انت انقذت البنت
فهد: انا اسف
تمارا: خلاص ما حصلش حاجه
فهد: طب انتي كويسه
تمارا: طب ما انا قدامك اهو كويسه
فهد كان واقف قدام تمارا وهما بيتكلموا وفجاه تمارا لفت وقفت قدام فهد
تمارا :فهد حاسب يا فهد
وفي الوقت ده صوت رصاصه لفت في المكان كله وفهد كان بيبص للي بيحصل ده بمفاجاه كبيره
اما بقى في مكان تاني في كان قاعد نفسه الشخص اللي بيتكلموا
الاول :الاخبار الجديده يا باشا
التاني: خير قول
الاول: دخلوا اسرائيل
التاني: اخبارك قديمه
الاول: ازاي ده ده انا لسه جايب لك الخبر ده طازه
الثاني: الخبر قديم انا عرفت اللي هما دخلوا اسرائيل من بدري من بدري اوي كمان ومش بس كده وكمان البنات كشف هويتهم قدام الشباب وانهم اضربوه في اسرائيل وكمان معاهم باسبور اسرائيلي وكمان يهوديين
الاول: طب وحياه ربنا انت عارف معلومات انا عن نفسي ما اعرفهاش انا بقول بقى ان انا امشي من هنا انا ما ليش اي لازمه خالص سلام عليكم
التاني: تمشي فين اقعد مكانك انت مش هتتحرك من هنا ابدا
الاول: طب انت عايزني نخلص عليهم امتى يا باشا
التاني :هو انت ليه عايز تخلص عليهم وخلاص افهم وجودهم معايا بيفيدني جدا وقلت لك قبل كده ان انا مش عايز اعمل فيهم اي حاجه غير لما اخذ اللي انا عايزه
الاول: يعني بتحميهم وفي نفس الوقت مش طايقهم
التاني: انت عارف هي ايه اول حاجه هعملها لما اخلص اللي احنا فيه ده
الاول: ايه هي يا باشا
التاني :هخلص عليك
الاول: الله طب ليه بس كده يا سياده اللواء هو انا عملت حاجه
اللواء اللواء يا ترى اللواء ده محمد ولا يحيى خمنوا كده معايا في التعليقات ولحد هنا البارت ده وخلص انا عايزه توقعاتكم عايزه اشوف تعليقاتكم الحلوه وما تنسوش تصلوا على النبي دمتم في امان الله💕💕💕💕
من قلم اش💞
•تابع الفصل التالي "رواية 8 في مهمة سرية" اضغط على اسم الرواية