رواية 8 في مهمة سرية الفصل الثامن 8
البارت الثامن 8 في مهمه سريه
قبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله 💕💕💕
نبدا اول روايتنا عند الشباب والبنات وده تاني يوم الصبح كانوا كلهم صحيوا يوم وجهزوا نفسهم وراحوا على مقر القياده
اللواء :مستعدين
حمزه: عندي سؤال بس يا فندم هو مين متجوز مين كده بالصلاه على النبي
اللواء مسك عقود الجواز في ايده وده لكل واحد فيهم ورقه وبص حمزه على الورقه اللي في ايده واتفاجئ
حمزه: لا لا لا لا مستحيل
يزن: في ايه مالك
حمزه :انا مستحيل اكون مع دي لا يا فندم معلش غيرها لي
اللواء :هو كيس شيبسي هو ايه اللي غيرها لك
حمزه لا معلش يا فندم انا مش هكون مع ساندي دي ابدا
وهنا ساندي هي كمان بصيت له باستغراب وقالت
ساندي: نعم ومالها ساندي يا روح ماما ومين قال لك اساسا ان انا هوافق عليك انت
حمزه :شايف طريقتها يا فندم عامله ازاي انا مستحيل اكون مع دي مستحيل سوري
ساندي: شوف بردك بيغلط ازاي
يزن: وانا هلبس في مليكه
ليل :وبالنسبه للطفله دي اشيلها انا
هنا :هو احنا مش عاجبينهم ولا ايه
مليكه :باين كده
اللواء :الكلام اللي بقوله هيتنفس
حمزه: يا فندم لا بلاش يا فندم دي ارجوك
ساندي: طب وربنا ما همشي مع حد غيرك
مليكه: بغلي قصدي بعلي يلا بينا
اما تمارا بقى كانت واقفه وبتضحك عليهم والشباب والبنات مشيوا ووصلوا المطار وكل اتنين قاعدين جنب بعض بس حمزه قام وراح لفهد وقال له
حمزه: بقول لك ايه
فهد: خير
حمزه :ما تيجي نبدل انا هاخد تمارا وانت خد ساندي
فهد :ارجع مكانك ويغذي الشيطان احسن لك امشي
حمزه بس النظارات فهد وعرف اللي هو مش بيهزر فقام ورجع وقعد مكانه
ساندي: كنت بتقول له ايه
حمزه :وانتي مالك
ساندي :انا بقى هعرف اظبطك ازاي يا حمزه
حمزه: نعم تظبطي مين انتي نسيتي نفسك ولا اي
ساندي: لا ما نسيتش وهتشوف
تعالوا بقى نروح عند هنا وليل
ليل: انتي بتعملي ايه
هنا: بلعب جيم تلعب معايا
ليل: العب ايه هو انا واخد بنت اختي معايا في رحله احنا رايحين مهمه
هنا: والله الاعمار بيد الله
ليل: انتي مش خايفه انتي رايحه اسرائيل
هنا :واخف ليه
ليل :يعني عشان**
هنا: ايوه ايوه فهمتك بس الانسان لو خاف مش هيعرف يعمل اي حاجه في حياته
ليل :يعني انتي عندك استعداد تعيشي هناك
هنا: طبعا مستعده جدا المهم تكونوا انتم مستعدين
ليل في الوقت ده بص لها باستغراب من طريقه كلامها وكمان ملامح وشها كده في حاجه غريبه زي ما اكون اصلا عاشت في اسرائيل قبل كده
تعالوا بقى نروح عند يزن ومليكه
مليكه: هو انت طايقه ازي
يزن: قصدك مين حمزه
مليكه: ايوه ده فاكر نفسه بيهزر ودمه خفيف
يزن: صاحبي بقى هعمل ايه ربنا ابتلالي بي
مليكه: متكبر ومغرور اوي
يزن: بالعكس حمزه دمه خفيف جدا ومش متكبر ولا حاجه هو كده اللي بيشوفه بيقول عليه متكبر بس لو هتتعاملي معاه هتلاقيه شخص ثاني خالص
مليكه: هو بهزر كتير كده على طول ما فيش كلمه في حياتي بجد ابدا وكمان بتاع بنات باين عليه
يزن :حمزه ما كانش كده ده ما كانش بيرفع عينه على بنتي وهي معديه من قدامه
مليكه :امال ايه اللي حصل
يزن :اصل حمزه حمزه بيكون ان سياده العميد رافت الصاوي وابوه دخل السجن بسبب امه
مليكه: ازاي
يزن: يعني اكتشف خيانتها وعرف مع اعز اصدقائه وبعد ما اخلص عليها دخل السجن وهنا خلاص من حياته
مليكه: ايه ايه اللي انت بتقوله ده
يزن :اه والله انتي فاكره اللي حمزه بيعرف البنات عشان جواز او حب حمزه بيعمل كده عشان فاكر اللي كل البنات خاينه وما لهاش امان وللاسف كل البنات اللي بتقعد قدامي وبتكون مش كويسه بياكدواله كل اللي جواه اكتر واكتر
مليكه :يا صلاه النبي هو مالكم كده كلكم معقدين ليه خير طب وفهد ده
يزن :ماله هو كمان
مليكه: انا عرفت اللي هو بيكره البنات هو كمان
يزن :هو انتي هتصاحبيني ولا ايه عاوزه ايه بالظبط
مليكه :تصدق اللي انا غلطانه ان انا اتكلمت معاك اصلا
يزن: طب اقعدي ساكته بقى لحد ما نوصل
مليكه: ياتك القرف
يزن: سمعتك على فكره
مليكه :ما تسمع هو انا اخاف يعني
تعالوا بقى نروح للمكان اللي متجمع فيه الشخصيه المجهولين
الاول: ايه الاخبار
الثاني: كل حاجه زي الفل
الاول: انا مش عاوز غلطه
التاني :عيب عليك يا بص اول ما يحطوا رجليهم جوه الطياره هنبدا الشغل معاهم على طول
الاول: انا عايز قرصه ودن صغيره بس
التاني: اعتبره حصل يا برنس
الاول: اي برنس دي هو انت بتكلم سواق ميكروباص
الثاني: بدلعك يا ريس انت متضايق مني ولا ايه اعملك شاي يا باشا طب والله فكره حلوه
* تعالي بقى نرجع تاني عند الشباب والبنات في الطياره كان كل واحد منهم في وادي تاني خالص عن التاني
* تمارا كانت قاعده وحاطه الهاند فري في ودانها وبتسمع ميوزك وبتفكر في البنات وفي المهمه اللي هتقابلهم هناك
* اما مليكه بقى كانت بتفكر في الكلام اللي سمعته عن حمزه وبتفكر هي ازاي هتتعامل معاه وسالت نفسها هي ليه بتفكر فيه اصلا
* اما بقى بالنسبه لهنا دي كانت بتلعب جيم على التليفون قوم شغاله قدامها الشاشه الصغيره على فيلم فول الصين العظيم وقاعده بتلعب شويه وبتتفرج شويه
* اما ساندي بقى كانت بتفكر في حمزه وطريقته وكانت بتفكر ازاي تخليه يحترم نفسه معاها ومع البنات وبعدين فكرت له في خطه والخطه دي لازم تنفذها واللي يحصل يحصل
* اما بقى عندي فهد ده كان بيفكر في المخاطر اللي مستنياهم ومش عارف مسيرهم هيكون ايه وغمض عينيه وكان بيفكر في الماضي وكان خايف جدا يحصل معايا زي اللي حصل في الماضي
* اما ليل بقى كان بيبص على هنا ومستغرب منها من طفولتها وانه شايفها صغيره اوي على ما تدخل مهمه زي دي واللي كان مستغرب ليه اكتر انها ازاي مش خايفه وهي رايحه اسرائيل
* وحمزه بقى كان بيبص لساندي وما كانش مطمناها وكان حاسس انها بتدبر له مصيبه فقرر اللي هو يراقبها كويس اوي
* اما يزن بقى فكان قاعد وبيفكر في المهمه وكان بيبص على هنا وهي قاعده قدام هي وليل وبيفكر ايه اللي هيحصل معاهم هناك وبيفكر لو المهم باظت ايه اللي هيحصل
وبعد شويه من الوقت الشباب والبنات كانوا قاعدين مع بعضه كانت ساندي عطشانه طلعت من شنطتها قزازه ميه وفتحتها وفي الوقت ده كانت المضيفه جايبه تورته وبتعدي من جنب ساندي وهب فجاه كده خبطت في ساندي والقزازه وقعت منها واندلقت على الاطباق الفاضيه وبعدين ازازه وقعت على الارض وبعدين نزلت تحت الكرسي
المضيفه: سوري مدام
ساندي بقى كانت بتدور على القزازه ومش لاقياها وشويه كده وكابتن الطياره جه وبارك للعرسان وبدا اللي هو يقطع التورته ويقدم للعرسان وكل واحد فيهم مسك طبق وبدا اللي هو ياكل منه وبعد مرور خمس دقائق الكل كان واقف قدام الحمامات اللي في الطياره
تمارا: بطني
حمزه: اطلعي يا تمارا اطلعي
تمارا :لا اتصرفوا في اي مكان تاني
يزن: ايه اللي حصل
فهد: مين اللي عمل فينا كده
ساندي: ما كانش لازم اطلع الازازه من الشنطه
ليل :هنا افتحي
هنا: مش معنى هنا يعني عندكم تمارا طلعوها هي
ليل: انا عايز افهم ازاي طياره ما فيهاش الاثنين تواليت بس
المضيفه :لا يا فندم في بس حاليا في الصيانه
ساندي: يا حلاوه
حمزه :حظ دكر بعيد عنك
يزن :اطلب دكتور بسرعه اطلبوا دكتور
ليل: دكتور في الجو ازاي احنا في الهوا
المضيفه: في علاج يا فندم حالا وهيكون عندكم
المضيفه راحت وجابت برشام ليهم والكل اخذ منه ام حمزه بقى شد شريط البرشام من مليكه
حمزه: هي واحده وبس هو لبان
وبعد مرور شويه وقت الشباب والبنات نزلوا من الطياره ووصلوا امريكا
هنا: اول مره اجي امريكا في حياتي
حمزه: انتي مش هتطولي فيها يا سكر
وفجاه تليفون فهد رن فهد دخلت التولد اللي في المطار وكان بيكلم اللواء
فهد: خير يا فندم
اللواء :خد البنات وامشي حالا يا فهد من عندك
فهد: في ايه بس يا فندم
اللواء: فيه هجوم هيحصل عليكوا دلوقتي انتم هوايتكم خلاص اتكشفت للاسف لازم تسيبوا امريكا في اسرع وقت
فهد: ازاي هويتنا تنكشف يا فندم هو احنا لحقنا
اللواء: اعمل اللي بقول لك عليه بسرعه
فهد :طب هنروح على فين
اللواء :هبعت لك فندق غير اللي انتم كنت هتروحوه اقعدوا فيه هناك
فهد: حاضر يا فندم حاضر
اللواء :سلام يا فهد
وراح فهد وخرج من الحمام والشباب والبنات واقفين ومعاهم الشنط بتاعتهم
مليكه: هنفضل واقفين كده كتير
حمزه: وراكي مشوار وهتتاخري
مليكه :اهو ده اللي انت فالح فيه
فهد بقى كان بيفكر في حاجه تانيه غيرهم كان بيبص حواليه في المطار وحس بحركه غريبه وشاف اتنين بيقربوا ناحيهم وهنا فهد بص الليل وعمل اشاره بايده وليل فهموا على طول اول ما عمل كده الاثنين كانوا بقربوا على الشباب والبنات ولسه هيحطم ايدهم في جيوبهم
ساندي: ايه اللي بيحصل ده
هنا: ايه اللي بيحصل هنا ده
تمارا :فهد انت بتعمل ايه
فهد: كل واحد يمسك شنطته يلا لازم نمشي بسرعه من هنا يلا
البنات صوتهم عالي من القلق والناس اللي كانوا موجودين هناك بدا اللي هم يجروا بره المطار والامن بدا يتدخل ويخرج الناس بره
وفجاه...........
ولحد هنا البارت ده خلص 😍مستنيه توقعاتكم ما تنسوش تصلوا على النبي💕💕
من قلم اش💞
•تابع الفصل التالي "رواية 8 في مهمة سرية" اضغط على اسم الرواية