رواية هي و القدر الفصل الثامن 8 - بقلم ولاء فتحي
الفصل الثامن
في المسابقة ليان خلصت كلهم منبهرين كانت ممتازه
بيعلنو النتيجه المركز الاول ليان سمير تتحرك بسرعه وفجاة
المدرب جري فرحان ومسك اديها علشان يطلع يوصلها تستلم جايزتها وبشكل تلقائي
وليان عنيها كانت علي اهلها والتفتت في لحظة دي علشان تطلع تستلم جايزتها
حازم وشه اتغير وبقي عنيه حمرا وريم بتبص له شكله يخوف وبسرعه نزل من المدرجات اول ما شاف المدرب ماسك ايد ليان
جريت ريم علي فارس الي قاعد مع حسين وسمير
فارس الحق حازم ممكن يتهور شكله ميطمنش ومتنرفز ونزل
بسرعه فارس لمحة ونزل جري وراه
حسين: في ايه يا ريم
ريم : مش عارفه حاسة ان ممكن يكون في مشكلة وقولت ل فارس يلحقها
عن اذنك ومشيت
88888888888
فارس جري وبينادي حازم حازم
حازم : فارس في ايه
فارس : انت مشيت ليه ومتعصب ليه
حازم بنرفزه مفيشفارس : تعالي هنا انت رايح فين اقف كلمني
حازم : سيبني يا فارس الله يخليك مشفتش الزفت المدرب ماسك اديها ازاي
فارس : بص هو مش صح بس دا تصرف تلقائي بيقول ان دا مجهوده
متخليش الغيره تبوظ فرحة ليان بالفوز متنساش ان دا حصاد سنين وتعب
حازم : غيره تقصد ايه
فارس : اوعي تفتكر انك مش مكشوف كل تصرفاتك واضحة يا حازم
حبك ليها اهتمامك خوفك غيرتك
مش هتلاقي احسن منها يا حازم
متضيعهاش منك يا حازم لو ضاعت هتندم
حازم : انت عارف راي كويس
فارس: رايك دا مينفيش ان انت وهي بتحبو بعض
واعتقد طنط نجلاء وعمو سمير من حقهم يطمنو علي بنتهم مع انسان بيحبها ويحافظ عليها
مش من رد الجميل انها تتعلق بيك وانت تحطط مخاوف وحجج ملهاش لزوم انا اخوك وابوك واكبر منك
فكر يا حازم فكر بره الموضوع سيب خوفك من الموت دا علي جنب لانه هيدمرك
حازم : فارس وحضنه وطبطب عليه انا محظوظ بيك بجد
بس كمان من الانانية اني افكر في نفسي وانساك مش هرتبط الا ما انت تتجوز انت اخويا الكبير
فارس : صدقني لو لقيت الي احبها وتحبني كنت ارتبط الارتباط مش معناه اني كنت الغي ارتباطي بيكم
زي بالضبط ارتباطك مش معناه انك هتلغي ارتباطك بينا
بالعكس معناه اننا بنكون اسرة ونكبرها ونشعر بدفئ من نوع اخر
حازم : بس يمكن وجودنا ومسؤليتنا مسبتش عندك وقت تحب وترتبط
فارس: الحب مش محتاج وقت الحب محتاج تديله فرصه يعيش ويكون ايجابي
يلا علشان تقف جنب ليان هي اكيد محتاجه ليك
واوعي تضيعها من ايدك وتكسر قلبها وقلب طنط نجلاء
هي اكيد حاسه بالمشاعر دي لازم تكون اد الثقة دي وتتقدم خطوة رسمي
حازم :اتنهد وبص لاخوه تفتكر ولسه بيكمل كلام
فارس: مش وقته الحق ليان واقف معاها واوعي تتصرف بتهور فكر ان انهارده من حقها تستمتع بتعبها
حازم باس راس فارس ونزل جري اقتحم الملعب ووقف اقرب ما يكون من ليان الي بتدور بعنيها عليه بين المدرجات
حازم : ليان انا هنا جنبك
ليان عنيها بقت سعيده جدا
سمير باستغراب ل نجلاء حازم تحت في الملعب
نجلاء : عادي متنساش انهم تقريبا سند ليها علشان سيف مسافر
سمير : بس ينزل الملعب كدا اتجنن دا عموما هو زي اخوها
نجلاء : عارف يا سمير انا اتمني ليها واحد منهم بصراحة هما الي يحافظو علي بنتنا لو اني كنت مياله ل فارس علشان عاقل بس حازم كمان راجل والاتنين اولادي
سمير : مش وقته الكلام خلينا نركز في موضوع انهارده
نجلاء : قلبي بيقولي ان مجية اخوك دي وراها حاجة
*********************(
حسين : فارس انا عاوز اقولك حاجة بس هنا دوشه
فارس : تعالي نستناهم بره في الفود كورت
بص ل ريم ريم لما تخلصو رنو عليا انا بره مع حسين
حسين وفارس نزلو وقاعدو في مكان هادي
فارس : خير يا حسين
حسين : بصراحة ومن غير لف ودوران لانك صديقي
فارس : ايه المقدمة الي تخوف دي
حسين : فارس انا معجب باختك ريم
فارس : ايه حسين انت بتتكلم جد
حسين : ايوة بتكلم جد
فارس انت كلمتها يعني هي تعرف
حسين : تعرف وكلمتها دي مسمياني هولاكو انت بتهزر
اختك مش طيقاني
فارس : ههههههههههههه مش طيقاك طيب الازمة دي نحلها ازاي يا دكتور
حسين : بص هي حلها عاوز وقت وانا اعتقد اننا مش هنقدر نكلمها بس لمجرد ان عندي شعور ناحيتها من الامانه اني ابلغك
فارس: حبيبي وانا لو هي وافقت اتمني بصراحة
حسين : بص انا عندي امل انها ممكن توافق بس امتي الله اعلم يمكن شهر اتين تلاته
فارس : سنه اتنين تلاته
حسين : حرام عليك ايه الاحباط دا
بص انت بتثق فيا مش كدا
فارس : طبعا بثق جدا فيك
حسين : طيب ما تخليهم يشتغلو معانا في الاجازه حتي جو الشغل مختلف عن جو محاضرات ودكتور وتلميذته
فارس : متحاولش برضه هولاكو تخيل كدا لما اقولهم الاختبار عند دكتور هولاكو هههههههههه دا احنا ايه هيتخرب بيتنا هههههههههه
حسين : ماشي ليك يوم وهتترد لك
فارس : بحزن وتنهيده خلاص يا حسين خلاص
تليفونه رن كدا يبقي خلصو وهنمشي ايه رايك نطلع نتغدا وعلي العياده
حسين : مش هتجيبهم التدريب
فارس : يا ابني تدريب ايه عندهم امتحانات والعملي خلص
يلا هسلم عليهم واحصلك سلام
*********************..
حازم : ليان انا فخور بيكي
ليان : انت نزلت روحت فين
حازم عاوزة الصراحة ولا اضحك عليكي
ليان : الصراحة طبعا
حازم : انا شفت المدرب ماسك ايدك كنت هنزل اقطعله ايده لولا فارس انقذه
ليان : بتهزر صح مجنون
حازم : مجنون علشان بغيير عليكي
ليان : بصت له وسرحت
ريم : يا نحنوحه ابوكي بينادي يا دي النيله انت عملت ايه فيها يا حازم البت نامت مغنطيسي
ليان : ايه يا بنتي في ايه
ريم : ابوكي بينادي وانتو هنا مسبلين لبعض بيقول يلا نمشي وسبقنا
ارحمونا
وهمست في اذن حازم شكلك اتفضحت يا ابني قدام الكل وبقي شكلك وحش قدام عمك يا باشا
حازم : ولازمتها ايه باشا ما تديني قلم وانتي بتكلميني
ريم : ليه هو انا مجنونه ولا مستغنيه عن عمري دا انت في لحظة بتقلب علي دراكولا وسابته وجريت وشدت ليان يلا يا ختي ورانا مذاكره انتي عارفه دكتور دراكولا مبيرحمش
كان فارس مقرب علي باب الصالات الرياضية وشافها
سمعها فارس وهي بتجري وتقول كدا بص ل حسين وفضل يضحك
حسين : طيب اقول ايه انا بقي كدا
فارس : انت لسه اعجاب اختي وانا عارفها لسان ومقالب
حسين : طفوليه جدا دا كفاية انها تربية ايدك يا ابو الفوارس مش هلاقي احسن منكم تكمل حياتها معايا
فارس: يعني افاتحها حسين : لاء حاليا لو كلمتها هترفض استني بس شويه وخليك واثق فيا
فارس: يا حبيبي انا خايف عليك دي رئيسة عصابة***************
***********&
فارس عمي انا هروح العياده عندي شغل
سمير : طيب يا ابني انا هوصلهم ومتتاخرش بليل عاوزكم كلكم
فارس : حاضر عن اذنكم مبروك يا ليان عقبال بطوله العالم ومستناش رد ومشي
حازم : عمي انا هاخد البنات معايا وخليك انت وطنط
سمير : لاء عادي خليهم معايا وانت روح شغلك
حازم : انا انهارده اخر يوم في الاجازة وبكره هستلم في اكاديمية الشرطة
ريم : تيجي بقي نسيب ليان مع عمو وانا اتفسح انا وانت
ليان وتسيبيني يا ريمو
ريم بهمس : زي ما سيبتيني الصبح وهمست بسخرية وضحك ليها يا ام بلوزة سودا
ليان خبطتها بالراحة
سمير : ماشي ومتتاخروش علشان عاوزكم بليل كلكم
حازم : ريم ما تجيبي ليان
ريم : اسكت هفهمك بعدين
في العربيه
ريم بص بقي تعالي نروح ............
تفتكرو قالت له ايه
- يتبع الفصل التالي اضغط على ( رواية هي و القدر) اسم الرواية