رواية نعمة (العالم الآخر) الفصل الثامن 8 - بقلم حمادة زهران
كنت مفزوعه من المنظر اللي أنا فيه وقولت انا ايه اللي منيمني كده على الارض…..
الشيخ محمود قالي اهدي متخافيش……
جوزي ساعدني اقوم من على الارض وغسلت وشي وقعدت انا وجوزي مع الشيخ محمود سألته وقولتله ايه اللي حصل انا عايز اعرف كل حاجه حصلت……
الشيخ محمود قال اهدي يا بنتي اسمعيني كويس انتي ربنا أنعم عليكي من وسع وعندك هبه من الله……
قولت طيب الحمد لله بس ليه بتأذي…….
قال الحمد لله وبأذن الله مفيش أذيه تاني اختنا هدى هتساعدك تعرفي كل حاجه بس على حسب كلامها كل حاجه ليها وقتها……..
قولت طيب والتاني ايه اللي حصل معاه…..
قال هو أصلا أسلم…….
قولت ازاي….
قال دلوقتي انتي تقدري تتعاملي معاه متخافيش هو هيكون في خدمتك……
قولت عايزه افهم…..
وهدى كل ده واقفه قدامي بس كان باين على وشها انها مبسوطه بصيتلها وابتسمت وقولت لو سمحتب عايز اعرف ايه اللي حصل اشوفه بالتفصيل…..
هزت راسها بأنها موافقه…..
وبدأت اشوف كل حاجه حصلت……
شوفت نفسي قاعده وهدى بتقرا القران والشيخ محمود بيقرأ وكل شويه يقول أعلن عن وجودك…..
في الوقت ده جسمي كله زي ما يكون اتكهرب شوفت نفسي بتكلم بصوت راجل صوت قوي وفيه جبروت……
شوفت جوزي خاف عليا وحاول يقرب مني الشيخ محمود زعق وقال اوعى تتحرك من مكانك……
وجوزي رجع مكانه تاني ودار الحوار بين الشيخ محمود مع اللي معايا…..
قال كنت عايز الكتاب بس دلوقتي مش عايز غير نعمه
نعمه وبس وما حدش يقدر يبعدني عنها……
الشيخ محمود قال هو ايه الكتاب ده وليه كلكم عايزينه….
قاله لو عايزني اكمل معاك ما تجيبش سيره الكتاب…..
الشيخ محمود قال طيب هو اللي بيحب حد بياذيه…..
فجأة بدأ يزعق وانا بدات اتحرك واضرب واكسر كل حاجه حواليا…….
الشيخ محمود فضل يقرأ قرآن…….
قلبي كان هيوقف انا ويشوف اللي حصل الوقت ده……
كانت هدى بتقرأ هي والشيخ محمود وانا بصرخ على اخري الشيخ وجوزي بيحاولوا يسيطروا عليا…….
شكلي كان مفزع وبعد حوالي ساعتين قرأة قرآن من محمود وهدى قدروا يكتفوني ونوموني على الارض والشيخ محمود بدا يسيطر على الموضوع وبدا يتكلم معايا……
واللي معايا مش عايز يعرف بنفسه اصلا ولا عايز يقول اسمه لكنه بدأ يهدى الشيخ محمود بدا يتكلم معاه في الدين والاسلام وكل اللي بيحصل ده حرام…..
بدأ صوتي يتغير وقال انا هأسلم بس افضل جنب نعمه…. الشيخ محمود قال انا عارف ان انتوا عندكم قدره عاليه جدا على الفهم والقرأه كل المطلوب منك تسمع الكلام واختنا هدى لازم تساعدنا……..
في الوقت ده انا بدأت افوق…….
وبعد ما شوفت كل ده بدأت اعيط بنهيار وقولت ليه كل ده انا عملت ايه في حياتي عشان يحصل فيه كل ده يا رب هو انا عملت ايه من وانا 7 سنين وانا مش زي الناس الطبيعي ليه انا تعبت يا رب ارحمني انا عايزه بيتي وجوزي وعيالي والله العظيم مش عايزه حاجه ثاني…….
جوزي خدني في حضنه وحاول يهديني……
الشيخ محمود قال حرام كده يا بنتي……
في الوقت ده ظهر اللي معايا قدامي بشكل شخص عادي وقال اهدي حقك عليا……
قولتله منك لله دمرت حياتي سيبني في حالي ابوس ايدك… واول مره اشوفه كده متضايق وزعلان عليا……
هدى خدتني في حضنها وهمست في ودني وقالت يا نعمه انا جنبك هو هيبقى كويس متخافيش اسمعي الشيخ محمود الشيخ محمود اتكلم وقال بصي يا بنتي انا عارف وحاسس بوضعك بس انتي لازم تحافظي على النعمه اللي انتي فيها ودلوقتي دور اختنا هدى لازم تعلمه كل حاجه عن الاسلام بس قبل ده هو لازم يظهر……
هدى قالت تمام ان شاء الله هنتجمع كل يوم جمعه…..
كنا يوم الاثنين الشيخ محمود قالي انتي بقيتي زي الفل بس حافظي على صلاتك دايما…….
قولت حاضر وفعلاً ا كل حاجه بقيت تمام بقيت كويسه جدا ويوم الجمعه الشيخ محمود وصل……
انا وجوزي كنا قاعدين الشيخ سألني عامله ايه دلوقتي…… قولت تمام الحمد لله بقيت زي الفل
قالي شوفتي حاجه……
قولتله الحمد لله لا….
قال ممكن تنادي الأخت هدى…..
قولت اه طبعا وطلبت منها تحضر وحضرت……
وقالت السلام عليكم ورحمه الله وبركاته……
رد الشيخ اهلا بيكي اختي الكريمه ممكن نعرف حصل ايه مع اخونا الفاضل……
كانت بتتكلم على لساني وكانت مبسوطه جدا…..
قالت اخدته على الكعبه المشرفه بعد ما اتطهر وكان فعلا مستعد يدخل الاسلام انتوا لازم تسمعوا بنفسكم علشان هو اللي طلب بس نعمه تأذنله…….
الشيخ محمود قال ما شاء الله طيب ممكن يحضر يا نعمه اطلبي منه يحضر…….
وفعلا حضر بس المره دي اتكلم على لساني من غير ما احس انه لمس جسمي……
قال السلام عليكم ورحمه الله وبركاته…..
الشيخ محمود قال اهلا وسهلا بيك ممكن اقرأ عليك…..
قاله اتفضل…..
وبدأ يقرأ الشيخ محمود كتير كنت شامه نفس الريحه الحلوه اللي بشمها كل مره وهدي قدامي كانت مبتسمه ومبسوطه جدا…..
خلص الشيخ محمود وقال ما شاء الله تبارك الله بس اقولك حاجه لو انت حابب تدخل الاسلام لازم تدخله في حب الله ورسوله مش حب في نعمه لازم تفهمني هيكون في حدود بينك وبين نعمه يعني في حرمة بيت مش مسموحلك الظهور ليها غير لما هي تقول ولا مسموح تتجسس عليها في حاجات كتير لازم تتعلمها وده هيكون دور الاخت هدى،ممكن اعرف ايه قدرتك في مساعده نعمه يعني تقدر تعمل ايه مفيد……. قال انا اقدر اعالج السحر بجميع انواعه واقدر على حاجات كتير قوي…….
الشيخ قال ما شاء الله طيب انا عايز اسميك اسم حلو…… قال لا نعمه هي اللي تسميني وقتها كنت مرعوبه وخايفه قوي….
قولت انت عبد الجبار انت قوي جدا وانا حابه الاسم ده….. قال اسم حلو…..
جوزي والشيخ محمود وهدى قالوا اسم جميل….
فجاه سمعت هدى بتقولي تليفون الشيخ محمود هيرن حد محتاجلك…..
فجأة تليفون الشيخ رن وحد بيستغيث بيه وبيقول الحقني يا شيخ ابني هيموت نفسه…..
في اللحظه دي انا قلبي اتقبض وخوفت قولت في ايه كان الشيخ قال لجوزي بعد اذنك تيجي معايا أنت ونعمه…..
- يتبع الفصل التالي اضغط على (رواية نعمة) اسم الرواية