رواية المتمردة و الثعلب الفصل التاسع 9 - بقلم كتابات ولائيات
في الفيلا
رامي كله يصحي لازم اعرف مين عمل كدا علشان مش هتعدي بالساهل
فين الباقيين
كله انهارده متكدر
سيف : يا نهار اسود مين قلبه ميت وعمل كدا
مهند : مش وقتك انت
وذهب اليه اهدي بس يا رامي هو ايه حصل
رامي : الي حصل ان اتحطلي طريشه في سريري
سيف بيلطم يالهوي يالهوي دا احنا هنتنفخ
مهند:طريشه طيب لمستك طمني عليك يا صاحبي ومحدش يقدر يعمل كدا طبعا ما يمكن جاي من الجنينه
رامي : مهو لو جاي من الجنينه مكنش مسمومه يا مهند ولا كنت هناديكم الي عمل كدا واتجرء وفتح اوضتي ودخلها وانا منبه محدش يدي ناحيتها ملوش قعاد هنا لانه لو مظهرتش واتجدد سمها كانت تقتل اي حد في اقل من نص ساعه
الي حطها انسان غير مسؤل ولازم اعرفه
انا متعود علي الحاجات دي بس معانا مدنيين مينفعش كدا ومش هسمح باي غلط
مهند : ممكن تهدا بس هي مش في كاميرات
سيف : للاسف لسه بقيتها بتركب وبتضبط الخارجيه بس الي شغاله
رامي : حياة امي ما هسيب الي عمل كدا وهوريه
مهند : ممكن تيجي بس معايا
رامي : تمام كله انتباه ومحدش يتحرك من مكانه
مهند اخذه في الحديقه في جنب
انت شاكك في حد معين
رامي : مش قادر اتوقع ان الزفته دي حد من الفريق يجبهالي في اوضتي ممكن تكون تحذير
مهند: او حد بيهزر بس هزار رخم مثلا
رامي : تفتكر بس ازاي وجابتها منين
مهند: بقول ممكن هزار
رامي : كدا بقي ولا هيهمني ابوها ولا عمها وهتلعب في عداد عمرها معايا
مهند: رامي انت بتعاملها معامله مش لطيفه اصلا
رامي : ولو اتاكدت ان هي هخلي ايامها سودا بنت ال
مهند: انا مقولتش انها هي اوعي تتهور متنساش اننا في مهمة واحده
وكمان انت كل حاجه تقولها انها مش حلوة ومحتاجه تتعلم تبقي ست ومفيها اي انوثه انت كدا بتهينها في كرامتها جامد والبنت القمر بصراحة وبرنسيسه واتكيت واستايل وشاطرة في شغلها
رامي : ما تخرس انت كمان انت بتقول ايه بتبص ل زميلتك
مهند: لاء انا بقولك الحقيقه انك بتجرحها جامد من غير ما تقصد مفيش بنت تتحمل التقليل منها كدا
رامي : وانتو بقي فجاه كدا بقيتو تدافعو عنها انت ومحمود
مهند : بصراحة محمود اعتذر منها وهي قبلت اعتذارة وحتي خاف انها تسوق الفجر لوحدها وعلشان كدا راح معاها حمايه هو مش محتاج حاجه بس حس مينفعش تخرج لوحدها وحتي مقلش ليها كدا لانها هترفض
رامي : دا واقع بقي
مهند: انا لو منه مسيبهاش بس انا متجوز وبحب مراتي بصراحة
رامي : روح اصرف الي بره دول ولما يجي البيه والهانم ليا تصرف تاني معاهم
مهند : انت مبلغه ان تدريب اتاخر علي ما يخلصو
رامي : وانا اهو قاعد مستنيهم
مهند : انا راي تدخل تنام شويه
رامي : انام ايه الصبح طلع انا متعود اقوم اتدرب بدري
مهند : اه عملو الحبال علي المنور جدوا علشان محدش يلاحظ التدريب عليهم بره
رامي اه خدت بالي روح انت يا مهند واياك تتصل بيهم مفهوم
مهند: مفهوم
…………………………..
في بيت اللوا مهاب
فطرو جميعا ومعاهم محمود
عائشه : خلي انتي ياعمتو وانا هشيل الفطار انا رينو
ريناد: رينو يا عيشه برضه
عائشه : مقولت اسمي عائشه مش عيشه اه تعالي ساعديني
ريناد : ماشيه اهو وراكي
عائشه : مش امك جيبالي عريس
ريناد : اسمها امك برضه هقولها ومين العريس دا اعرفه
عائشه مش هتصدقي
ريناد: مين انجزي عاوزه امشي
عائشه : معتز
تضحك ريناد بصوت عالي جدا هو ملقوش مني رجا ولا ايه عموما هو كويس
عائشه : كويس مين يا ريناد دا انا رفضت وبصمت علي الرفض انا اتجننت انا عاوزة عريشطزل بعرض وعضلات وراجل مش مايع كدا وبيلبس الوان مطرقعه عاوزه حد يخطفني
ريناد: هشوفلك هجام شقق يخطفك انتي هبلة يا بت انتي ولا ايه
عائشه : الا قوليلي مين محمود بتخبي عليا
ريناد : اخبي ايه انت فاكره وضحكت لاء طبعا مش انا يا قطه دا عادي واد زميلي كدا يعني
عائشه : ايه دا دا قولت هنبارك قريب
ريناد: اه قريب هتباركيلي
عائشه : بجد احكي لي تخبي علي اختك
ريناد: اخلص المأموؤيه دي واعلق نجمه ياااه هكون اسعد حد بج واصغر مقدم واوريك يا رامي الزفت مين ريناد
عائشه : رامي مين
ريناد: بقولك ايه ادخلي هاتيلي من جوا …………….
عائشه : ليه
ريناد” علشان وسكتت هاتي بس علي ما ادور هنا في المطبخ علي حاجه هتاخر ولسه الواد محمود هيعدي يشتري حاجات
عائشه : واد كل الحيطه دا تقولي عليه واد
ريناد: انجزي يا عيشه بقي اه لقيته
عائشه: انتي هتعملي بيه ايه اوعي تتجنني وتحطيه ل حد
ريناد: لاء اصل في حد ناويه اربيه
يالهوي دا زمانه وطلعت تجري علي بره
…………………………
مهاب : وانت يا محمود شغال مع رامي من زمان
محمود: ايوة يا فندم احنا اصحاب من ايام الجامعه
مهاب : ولد ممتاز بصراحة
محمود: اه بس عايشها جد بذياده ودا مصعب
مهاب : شكلك عكسه
محمود: يعني لازم كدا وكدا
ريناد: ايه الي كدا وكا مش يلا بدل ما كورومبو يكدرنا
كاريمان : لسه بدري وحشاني
ريناد: بدري ايه يا كوكي يدوب دا احنا لو اتاخرنا هنتعاقب علي اخر الزمن يرضيكي ري تتعاقب
كاريمان : لاء طبعا ميرضنيش بس ميرضنيش بعدك عني يا رينو
ريناد: طيب معلش عائشه معاكي اهي تونسك وكويس انها فاضيه تخرجو سوا
يلا يا محمود
وذهبت لتحمل حقيبتها
محمود: عنك يا سيادة الرائد ميصحش
ريناد: ايه يا اخ يصح ايه وميصحش ايه انت هتترسم انا زميلك يا ابني انجز
مهاب لنفسه يا دي النيله علي الاسترجال دا
مهاب: ولا انت ولا هي يا حسن تعالي ودي الشنطه العربيه
محمود: انا فخور اني قابلتك يا فندم
مهاب : تليفوني معاك يا ابني اي وقت تكلمني انت زي ريناد
محمود: شرف ليا يا فندم
ومن بعيد : تشرفت بسيادتك يا فندم
ولعائشه : تسلمي علي تعبك يا انسه
ريناد : كوكي بقت يا فندم يلا يا اخ انجز بلاش وجع دماغ
ونظرت لهم : يلا اشوفكم علي خير
………………………….
جالس في الحديقه وهو يفكر الانتقام منها اذا كانت من فعلتها فهو لا يخاف الحيه ولكنه يخاف سوء التصرف والتفكير وتعريض الاخرين للخطر
انها غير مسؤله حقا وافعالها طفوليه لا ترقي ان تكون من فريقه ولكن بالفعل مهاراتها ممتازه وملفها ممتاز تناقضات كثيره تجعلها غامضه لا يعلم لما تتصرف كطفله
………………………
كاريمان : مهاب انت رايح الشغل
مهاب : ايوة يا كاريمان محتاجة حاجة
كاريمان : ايوة محتاجه تاخد اجازة وتفضي لي شويه من زمان مسافرناش لوحدنا
مهاب : اه عندك حق فعلا بس انا مشغول حاليا
كاريمان : مهاب مش هستني لما واحده تيجي تسافر معاك
مهاب : كاريمان واحدة مين دي وجبتي الكلام دا منين
كاريمان : مقصدش قصدي يعني اني محتاجه نخرج زي زمان انت بطلت تحبني ولا ايه
مهاب : انا مفيش في حياتي غيرك انتي وريناد يا كوكي وانتي عارفه كدا كويس بس يا حبي انا مقدرش الفترة دي اسافر علي الاقل الاسبوعين دول اوعدك اول ما نخلص المؤتمر دا اننا نسافر ها يا ستي مبسوطه
كاريمان : اه طبعا طالما هتسافر معايا فانا مبسوطه
مهاب : يلا انا ماشي خلي بالك من نفسك
كاريمان : خلي انت بالك من نفسك
……………………………
في الطريق تجلس ريناد صامته
محمود: هي الانسه عائشه تبقي اختك
ريناد: محمود عائشه تبقي اكتر من اختي هي بنت خالي ومتربيين مع بعض
محمود: بس هي مش طبعك
ريناد: لاء مختلفين وماله بقي طبعي ان شاء الله
محمود: بصي هي شكلها هاديه اوي كدا ورقيقه
ريناد: محمود اتلم وحاسب علي كلامك انت داخل بيتنا تبص للي فيه
محمود: والله ابدا انا بسال بس يعني لو
ريناد: ايه مالك بتتعلم الكلام من اول وجديد
محمود: لاء بس انتي عارفه اني بدور علي بنت الحلال ومفيش حد عاجبني ولا واحده لفتت نظري فيعني لو في فرصه اننا
ريناد: اتلم انت عاوز تتعرف علي بنت خالي لاء انت زودتها
محمود: لاء والله في جو العيله وسط العيله بس الاول مش لازم اعرف هتتقبلني ولا لاء ولا مرتبطة ولا لاء يعني عاوز ادخل البيت من بابه
ريناد: طيب خلينا في شغلنا والموضوع دا خليه لوقته
محمود: طيب هي مرتبطه مخطوبه اي حاجه
ريناد: لاء مش متنيله وسوق وانت ساكت متنساش الطريق اخره رامي والحيه
محمود: يا نهار اسود انا نسيت دا زمان الفيلا والعه وهنتنفخ كلنا
ريناد: انشف كدا وامسك اعصابك احنا كنا بره ومنعرفش حاجه
انت تعرف حاجة انا شخصيا معرفش ايه الموضوع
محمود: ومتعرفيش مين رامي منصور
ريناد: هنتعرف والوقت كبير نتسلي علي البيه جمد قلبك حتي لما تتقدم للبت اقولها قلبه ميت
محمود: مع رامي هتقولي لها كان هنا بس بقي ميت منك لله يا شيخه معرفش سمعت كلامك ازاي
…………………………….
رامي : انسو الموضوع ومش عاوز حد يجيب سيرته ولا يفتحه دي طلعت عادي من الجنينه ومفيش اي خطر
وياريت متخضوش الرائد ريناد مش عاوزين توتر
كلهم : تمام يا فندم
ونظر لهم : الموضوع دا متجبوش سيرته نهائي والا الي هيتكلم فيه هقطع له لسانه
فاهمين
سيف : تمام يا فندم بس
مهند: متبسش قول تمام وبس انت شايف لون عنيه احمر ازاي
سيف : اه شكلهم بيطلعو نار
رامي: سيف ومهند في حاجه
مهند : ابدا يا فندم تمام حضرتك
سيف: لا يا فندم مفيش انا نسيت الموضوع اصلا
رامي : يبقي احسن لكم تنسوه
……………………..
معتز : يا امي انا خلاص قفلت الموضوع دا
عبير : مالها عائشه يا حبيبي
معتز : زي الفل بس انا مش عاوز اصلا حاجه من عيلتكم دي انا حتي مش فاضي مسافر بعثه
عبير : انت بتهرب يا معتز ز مش عيب تبقي دكتور وتهرب
معتز : انا بشوف مستقبلي انسي بقي الافكار دي كفايه قلة قيمه
عبير : جوازك من بنت اخويا قلة قيمه
معتز : لاء الكل عارف اني اتقدمت لبنت خالتي ومحصاش نصيب هلف علي بنات العيله ولا ايه وكمان ريناد وعائشه زي الاخوات
عبير : عاوزة اطمن عليك واختار بنت الحلال المحترمه
عبير : يا امي دا نصيب ومش هوقف حياتي علشان مفيش نصيب انا دكتور وليا مستقبلي واكيد هقابل بنت الحلال المكتوبالي
عبير: يعني ايه
معتز : يعني ياريت تقفلي علي الموضوع دا
عبير: ماشي يا معتز هسكت مؤقتا
………………………….
دخلت ريناد ومحمود الفيلا
هدوء تام
محمود: ربنا يستر الهدوء دا يقلق
ريناد: مشفهمش وهما شافوهم وهما
رامي : اهلا وسهلا كويس وصلتو قبل المعاد
ريناد: احنا علطول ملتزمين يا فندم
محمود: انا لغيت مشواري علشان نصل بدري
رامي : طيب يلا تدريب سباحه اجهزو وانا هبلغ الباقيين
ريناد : تمام هطلع اجهز . ولو سمحت خلي اي عسكري يطلع لي الشنطه فوق
رامي: ببرود تام …. لاء مفيش عسكري هيدخل جوا وهنا تساعدي نفسك وتطلعيها بنفسك كلنا هنا مش فاضيين
محمود : طيب لو تحب ابلغهم انا مفيش مشكله
رامي: روح اجهز انت
ريناد : بعند وتوعد : تمام يا فندم و حملت الحقيبه وصعدت الي اعلي حاولت صفيه مساعدتها لكنها رفضت
………………
سيف : حمدا الله علي السلامه يا باشا
محمود: الله يسلمك يا سيف ايه الاخبار
سيف : اخبار ايه مفيش اخبار جديده
مهند: اجهزو يلا وانا هروح اوضتي
محمود : ماشي يا مهند عاوزك في الاستراحه
مهند : تمام
محمودلنفسه الوضع كدا يقلق بس لازم اسكت خالص
بس لو مستخبيه دي خطر
بس رامي لو عرف لالالا هسكت افضل
سيف : ايه يا باشا سرحان الي واخد عقلك
محمود: تقصد ايه
سيف : اقصد هو انت معجب بيها ولا ايه
محمود: بمين يا مغفل دي زميلتنا ومسؤليتنا وزي اختي
اجهز قبل رامي ما ينفخك
سيف : وعلي ايه خلينا نجهز افضل
……………………………….
ريناد: صفيه هو في حاجه حصلت وانا بره
صفيه : حاجه ايه يا هام يعني
ريناد: اي حاجه جديده
صفيه : انا لسه صاحيه هيكون ايه حصل
ريناد: طيب مفيش اعملي لي قهوة وخليها تحت هنزل اشربها
صفيه : حاضر من عنيا
ريناد: تسلم عنيكي وخدي الشنطة ي ليكي ولاختك يارب تعجبكم
صفيه : كل دي لينا انشالله يارب يخليكي
ريناد : يا بنتي انتو زي اخواتي الصغيرين روحي يلا هتاخر
………………………
رامي: انا مطلبتش قهوة يا صفيه
صفيه : لاء دي قهوتي انا يا سيادة المقدم
رامي: ايه دا نهارك اسود وزفت وطين
- يتبع الفصل التالي اضغط على ( رواية المتمردة و الثعلب) اسم الرواية