رواية هي و القدر الفصل التاسع 9 - بقلم ولاء فتحي
الفصل التاسع
في العربيه
ريم : بص بقي تعالي نروح نجيب حلويات وهدية ل ليان علشان نحتفل فرصه عمك عامل اجتماع
حازم : يا بنت ال هاتي بوسه
ريم : خد يا اخويا هو انا لقيت حد غيرك يديني
حازم : اتعدلي يا بت بتقولي ايه
ريم : مفيش يا وحش يالهوي يا اما عليك وانت قمر كدا يا بختك يا بت يا لي لي
الا صحيح يا حازم هتتقدم امتي
حازم : انا قلقان يا ريم عليها خايف حبي يدمرها خايف تتاذي
ريم : يادي الاسطوانه الخربانه طيب خلاص انا هقولها تشوف حالها بقي مع صاحب سيف
ولا اقولك الواد الضابط الحليوة الي انقذنا مش كان
حازم قاطعها بغضب شديد اخرسي يا ريم احسن والله انسي انك اختي واخلص منك
ريم : تفتكر كلامك او انك تخلص مني هيغير حاجة
تفتكر عمو سمير هيرفض انها ترتبط وتترهبن جنبه
ولا طنط نجلاء الي تعبت معانا كلنا منفسهاش بنتها تستقر فوق يا حازم بقي
طيب اقولك بقي علي التقيلة ولا بلاش خليها مفاجاه
حازم : انطقي يا ريم واخلصي في ايه
ريم : سوق وهتعرف كل حاجة في وقتها
حازم وبدا الامور في عقله تبدو مشوشه وبدا يشعر بالخوف من فقدها ولا يتخيل انها من الممكن ان تكون مع رجل اخر
بدات تتردد كلمات ريم في اذنه ويخاطب نفسه
ريم قاعده عندهم اكيد تعرف حاجات انا معرفهاش وفجاه انحرف بالسيارة نحو اليمين وفرمل
ريم : صرخت : ايه في ايه فرملت بالطريقة الغبية دي ليه حرام عليك
حازم وبيمثل البرود حتي يصل ل ما يريد ان يعرفه
ريم قولي تعرفي ايه معرفوش
ريم : انت هتموتني علشان تعرف اعرف ايه حرام عليك شكلك مش ناوي تبقي خال
حازم : انت يا بت مجنونه بتقولي ايه في واحدة تقول لاخوها كدا
ريم : في المستقبل ما هو انا مسيري حد هيتنيل يبصلي واتجوز يا ابني ارحمني بقي
حازم وبدا يضع يده برفق ويملس علي شعر اخته بحنان وهتكوني احلي عروسه عارفه يا بت ياريم الي هيتجوزك دا هعمل فيه ايه
ريم: اخويا حبيبي طبعا هطلع روحه علي ما توافق وياخدني
حازم وبدا يضغط علي اسنانه
لاء همضيه علي اقرار علي نفسه انه وافق بيكي وهو في كامل قواه العقلية واي نتايج مش مسؤليتنا واسجله في وزارة الداخليه
ريم: ربعت اديها بغيظ وبدات تغيظه بقي كدا طيب ابقي قابلني لو قولتلك
حازم : علشان خاطر زومه اخوكي يا ريمو
ريم بطفوله بتهز راسها نو نو ابدا
حازم : طيب ايه رايك نروح لابو حيدر اجيبلك شاورما ونطلع بقي ناخد ايس كريم الي بتحبيه
ريم : بجد يا زوما هتجيبلي جاموكا ألموند فدج من باسكن روبنز مش عاوزة شاورما لسه هناكل مع طنط نوجا خلي الشاورما بكره بعد الكليه تعدي تاخدنا وتاكلنا في ابو حيدر
حازم : وحياتك عندي اهو يلا بينا
************************(
في العياده فارس مشغول وحسين مشغول معاه
حسين : فارس انا عاوز افتح مركز للحالات الخاصة متكامل انت عارف ان دا حلمي من زمان
فارس : يا ابني ما احنا اتفقنا ان اول ما نوقف العياده علي رجليها واجوز ريم هتفرغ معاك ونفتحه
بصراحة مش عاوز السيوله الي معايا احطها في حاجة قبل ريم ما تتجوز مش عاوزها تصرف مليم من ورثها
حسين : يا حبيبي انا جاهز مش ناقصني الا موافقتها انت بتقول ايه انت عارف كويس اني جاهز
فارس : حسين اعفيني من الحرج اولا انا نسيت انك معجب بيها بس انا مش هقدر اوافق الا بعد موافقتها هي وبعدين حتي لو جاهز انا لازم اعمل الي بابا الله يرحمه كان هيعمله واجبلها الي نفسها فيه
حسين : فارس انا عمري ما هخليك تضغط عليها وبعدين انا سواء مع ريم او غيرها هتجوز بشرع ربنا انا راجل وانا المسؤل اني افتح بيتي
وكمان انا اتمني طبعا تكون ريم واجيب لها كل الي نفسها فيه علشان تعرف اني سندها وامانها
فارس : بص لو مكنتش اعرفك كويس كان ردي هيكون غير يا حسين قفل متنساش انها اختي
حسين : ومتنساش انك اخويا يا ابني وبعدين انا داخل اهو من باب البيت بس بما انها واخده فكرة سيئه عني فدا الي طالبه اني اغيرها في تفكيرها بس مش اكتر
فارس: انا عارف والله واحترمت كلامك معايا
**************(
ليان : ياااه يا ماما انا اسعد حد في الدنيا انا كدا اتاهلت ل بطولة العالم
نجلاء : ليان هو في حاجة بينك وبين حازم
ليان : بتوتر حاجة حازم مش فاهمة
نجلاء : حبيبتي نظراته واسلوبك بيقول انكم مخبيين عليا حاجة
ليان : بصي يا ماما هو مفيش حاجة لانه خايف اصلا يرتبط
وانا وكلنا حاطين ثقتكم فينا رقم واحد وعلشان كدا
مش هنكر اني انه ان ما ما علي فكرة بابا بينادي عليكي
نجلاء : اوف نسيت ان عمك جاي هروح وهنكمل كلام
ليان : جاي بجد ياااه وحشني اوي بس جاي ليه
نجلاء بصت ليها بصه تعجب ومشيت
************************)
نروح بقي ناكل معاهم ايس كريم معاهم في باسكن روبنز ولو اني بحب الزبادي بالتوت
ريم : الله حلو اوي الايس كريم يا زومي
حازم : يا بنتي اكبري بقي ههههههههههه
ريم : بص يا سيدي انا عارفه انك علي نار
عمك سامي جاي ومعاه ابنه عبد الله هو جاي لسببين السبب الاول معرفوش التاني بقي
عمك سامي عينه علي ليان ل عبد الله
وطبعا مفيش سبب يخلي عمك سمير يقول لاخوه لاء
هو مش اكيد هيتكلم معانا في الموضوع دا لانه يخص ليان مش احنا
بس رزان اخت عبد الله كانت قالت لنا قبل كدا
حازم : ايه قالت ايه ولمين وقولت لها ايه
ريم : قالت ل ليان وليان قالت لي من زمان
حازم : وقد اشتعلت في داخله نار واحمرت عينيه من الغضب وكان كلمات اخته رصاصة موجهه في قلبه فهو يعلم حب عمه سمير لاخواته وخوفه من ان ينشب اي خلاف بينهم يعكر علاقاتهم القوية
يتوجهه بغضب ل ريم :
اكلتي وخلصتي لحوية يلا علشان هنتاخر ولسه هنشتري حاجات
ريم تبتسم في خبث وكانها القت قنبلة في عرين يقف عليه اسد واجادت التصويب هغسل ايدي وجاية
*******************..
في المساء احضر حازم الحلويات وتورته وفارس كمان وتجمعو عند عمه سمير
نجلاء : ايه دا يا ولاء
كلهم دا علشان ليان يا طنط
ليان : اه كل دا ليا انا مش معقول انتو احلي اخوات في الدنيا
سمير : تعبتو نفسكم يا ولاد ليه
يلا تعالو
نجلاء ليان وريم رصو الحاجات وانا هجيب الاطباق واعمل الشاي
سمير : وانا عاوز فارس وحازم علي ما تخلصو
فارس وحازم تحت امرك يا عمي
سمير اخدهم الصالون وقعدو
بقولكم ايه هو انتو ايه يمنعكم انكم تتجوزو لغاية دلوقتي
انت يا فارس ناقصك ايه عاوز اطمن عليكم يا ولاد
فارس : عمي كل شئ نصيب انا كنت مشغول جدا وبعدين لما اطمن علي ريم
حازم : عمي انت عاوزنا في الموضوع دا ؟
حسين : لاء بس في موضوع تاني بس بعد ما ريم تخلص علشان عاوزها معاكم
بس انا عاوز افرح بيكم انتو عارفين انتو زي سيف
حازم : هو سيف اتجوز يا عمي من ورانا ولا ايه
سمير : لاء مهو انتو يا ابني جيل عجيب ايه ناقصكم علشان تتجوزو وسيف لما هينزل هيكون لي تصرف معاه
فارس : هو نازل امتي يا عمي وحشني جدا
سمير : نازل بعد امتحانات ليان وقال ايه جايب لها عريس معاه صاحبة وهيكون شريكه في شركه عاوز يستقر ويفتحها
حازم : والعريس دا عرف ليان منين يا عمي
قصدي يعني الموضوع غريب
نجلاء : يلا يا جماعه احنا منتظرينكم
سمير طيب يلا يا ولاد ولينا قاعده كدا نكمل كلام
*************************(
ابن الجبالي : النقل ملوش علاقة الي بينا مش النقل وبس
ابوه كان السبب في قتل عمي وشنق ابويا وهو حبس اخويا
ومش هيسكت لازم نتغدا بيه قبل ما يتعشي بينا
المجهول : بس هو حاليا مش خطر علينا واحنا مش عاوزين مشاكل
ابن الجبالي يعني ايه هنسكت
المجهول : متفتحش عيون الحكومه علينا اكتر من كدا عاوزين نفوق لشغلنا
وتارك ناخده بس مش حاليا الصب حلو
*****************^&
سمير : بصر يا ولاد عمكم سامي وابنه عبد الله جايين بكره
حازم وشه قلب وبسرعه خير يا عمي
وريم بصت له وهمست ل ليان
دراكولا هيظهر
ليان ايه يا بنتي في ايه
ريم : بعدين ابوكي هيقتلنا
سمير : بص يا ابني انت عارف ان البيت دا هو ليه التلت فيه وهو كان عاوز يبيع بس لان ريم مكملتش 21 سنه فاجلنا البيع
بس عبد الله عاوز يشتري شقه كبيرة علشان هيتجوز فيها فعمكم عاوز يبيع
بصراحة انا معييش السيولة الي تخليني اشتري نصيبه
حازم : طيب وبعدين يا عمي احنا كمان معناش سيولة كافيه ولا ايه يا فارس
فارس : انا معايا مبلغ بس مخليه ل جواز ريم
سمير : ريم زي ليان انا الي هجوزها ملكش علاقة بالموضوع دا فكرت ابيع حتة ارض علشان اخلص سامي فقولت اشوف لو تحبو نتشارك في البيتت
وكمان في موضوع تاني عاوز اقولكم عليه
فارس : خير يا عمي انا سامعك حازم صامت ومترفب عمه وخايف انه في لحظة يقول الي خايف منه
سمير : انا وابوكم كنا شارين شاليهين في راس سدر وكانت قرية تحت التاسيس وكانو مكتوبين الاتنين باسمي علشان ابوكم مكنش فضي يروح ويخلص الاوراق والمتابعه وتشطيب
بس للاسف هو اتوفي قبل ما نستلمهم والشركة اتاخرت في الكورونا وعليها شرط جزائي ف وعدو انه هيسلموه لينا متشطب بدل الشرط الجزائي
المهم اني مفروض هنستلم كمان يومين ودي عقود بيع مني للشاليه بتاعكم باسمكم انتو ال 3 وانا ماضي عليها منتظر امضتكم لكن ريم لسه مكملتش 21 سنه
فارس وحازم وريم : خلي كل حاجة زي ما هي يا عمي
سمير يا ابني الاعمار بيد الله لازم تضمنو حقكم والورق دا عمله من يوم موت ابوكم بس كنتم صغيرين
حازم : طيب يا عمي محلوله نبيع الشاليه وناخد نصيب عمي في البيت
واهو الشاليه باسمك ومتبعش الارض
فارس : برافو عليك يا حازم الارض انت مرتبط بيها يا عمي وبتحبها
واحنا كدا كدا الشاليه ملوش لزوم عندنا
ريم :وانا مع فارس وحازم يا عمي في الراي دا
سمير : طيب مش تشوفو الشاليه يمكن يعجبكم
ريم : يا عمي راس سدر ونفق وبتاع احنا لما نشتري البيت تعمل بسين علي السطح بيع يا عمي بيع
فارس : يا بنتي انتي مش بتبطلي ابدا
سمير : طيب علي خيرة الله
نجلاء : ما تبيع شاليه التاني يا سمير واحنا نشتري نص التلت والولاد النص
سمير انا برضه فكرت في كدا وفكرت في حاجة يا ولاد
كلهم خير يا عمي
سمير : كدا كدا ريم هتتجوز ومش هتحتاج البيت ايه رايكم هي ليها خمس تمن الشاليه هنشيله بعد البيه وليها خمس تلت البيت برضه نشيله ولما تم السن القانوني تمضي لكم انتو الاتنين علي بيع نصيبها في البيت والفلوس بتاعتها نحطهالها في البنك وديعه
ليان هي يا بابا كلها شهرين وتكمل 21 مش كدا يا ريم
ريم : ايوه فعلا يا عمي الي فيه الصالح اعملو ومفيش فرق بيني وبين اخواتي
سمير علي بركة الله
حازم : طيب يا عمي هستاذن عندي شغل الصبح
فارس وانا كمان
ليان : يلا يا ريم ورانا مذاكرة
عدي اليوم
وتاني يوم
*********************..
في اليوم التالي الامور كانت تسير علي ما يرام
وبعد الظهر اتجمعو في البيت وحضر سامي وعبد الله
واتغدو مع بعض وجلس الجميع للمساء و قعد عبد الله وسامي في شقتهم في الدور العلوي
ومرت عده ايام والامور مستقره والبنات خلصت امتحانات
الي ان فجاه في يوم الباب بيخبط
فتحو الباب ومش مصدقه من الصدمة
- يتبع الفصل التالي اضغط على ( رواية هي و القدر) اسم الرواية