رواية تيمو الفصل التاسع 9 - بقلم ولاء فتحي
(9)
تميم : والله يا فندم انا مش عارف وقص له ما حدث ونزلت مايا بالراحة وسندت علي سيارتها
دخلت ملك ووقفت خلفهم وفجاه صرخت باعلي صوتها
اما مايا فجاه وقعت فاقدة للوعي
كان علاء يتحدث في التليفون ونظر علي ابنته فاقدة الوعي وصديقتها وهي تصرخ
وكان غير مستوعب ما يحدث
وفجأة وقع تميم هو الاخر
وملك : تصرخ تيمو بينزف جامد يا اونكل كل هدومه غرقانه دم هو مصاب
وتنظر له وهي منهاره ماله احسن يكون مات
علاء للرجاله بسرعه وضع يده علي رقبته ووجده علي قيد الحياه
علاء : دخلوه جوا بسرعه اوضه الضيوف جنب مكتبي علي ما اتصل بدكتور فؤاد
وانتي يا ملك تعالي نفوق مايا
ملك : بداه تضع قليل من العطر علي اديها وتقربه من مايا التي بدات تسترجع وعيها وتبكي
تيمو بينزف الحقه يا بابا دا انقذني من المجنون دا
علاء : اهدي يا حبيبة بابا هو جوا ودكتور فؤاد جاي يشوفه متقلقيش اطمني
فهرعت مايا وملك للدخل وبعدد دقائق كان دكتور موجود
دكتور فؤاد : ممكن كله يخرج بره
علاء : يلا يا بنات بره
بعد قليل فؤاد : خرج هو واخد طلق ناري في كتفه ونزف كتير انا طلبت اسعاف المستشفي عندي تيجي تاخده ووقفت النزيف
علاء : مش هوصيك يا فؤاد مش عاوز شوشره
فؤاد : عيب يا علاء بس مين ضربه بالنار
علاء : غالبا رائف الي ضربه وانا هعرف اربيه ازاي الولد الغلبان دا حياته تهمني دا انقذ حياة بنتي
فؤاد : هو كويس متخافش بس محتاج نقل دم والاصابه مش في مكان حساس
علاء : الاسعاف جت ارجوك تطمن البنات لان هما خايفين جدا
ربط فؤاد علي كتفه ورخرج : اطمنو هو كويس وذيادة اطمئنان ورعايه هنقلو المستشفي عندي
مايا : انا جاية معاك يا اونكل
ملك : وانا كمان
علاء : تروحو فين يا بنات انا هروح بنفسي معاه ومعانا فؤاد انتو اطلعو ارتاحو فوق عندكم شغل الصبح
.............................
شريف : ايوة يا سيد متعرفش تميم فين رقمه غير متاح
سيد : والله يا باشا معنديش علم انت عارف تميم باشا مبياخدش معاه حراسه او عربيه وكمان حصل حاجة كدا بس عموما خير لو عرفت حاجة هطمنك
شريف : احكي يا يا سيد
سيد : اعذرني يا باشا دي اسرار تميم باشا هيعمل مشكلة
شريف : احكي يا سيد بدل ما انا اعملك مشكلة
سيد : كل الي هقدر اقوله لك ان عندي شخص والشخص دا محجوز بامر منه وو بالتحريات عرفت انه مصدر مشاكل
شريف : شخص مين ؟ وعمل ايه ؟ ونوع المشاكل
سيد : رائف الدمنهوري لو حضرتك تسمع عنه
شريف : الواد دا الي ابوه بتاع مصانع السجاد
سيد : بالضبط يا باشا وواضح انه ازعج تميم باشا موصي انه يكون تحت ايدي انا
شريف : ليه ايه علاقة تميم بيه وايه حصل
سيد: الاجابات دي مع تميم باشا ومنتظر يقعد معايا يفهمني علشان اعرف احل المواضيع
شريف : طيب يا سيد اقفل ولو في جديد بلغني
سيد : تمام يا باشا تحت امرك
................................
في الصباح استيقظت مايا وملك وعلامات الاجهاد عليهم
مايا : جهزتي الاجتماع انهارده ولا نلغيه
ملك : انا مش عارفه امبارح شريف اتصل بيا يسالني تيمو عاوز رقمي في ايه
وبصراحة انا مش فاهمة القصة واكيد هيسالني
هو ايه حصل
مايا : انا نفسي مش فاهمه اخر حاجة كان رائف كسر عليا وقف عربيتي واجبرني علي النزول منها وحاول ياخدني في عربيته فوقت وتيمو سايق وبيمني وبيقولي متخافيش
وبعدين لقيت كله والارض مكانه غرقانه دم محستش بنفسي
ملك : بصي انا هحضر الاجتماع وبعدين مش هنجيب سيره غير لما نفهم هتيجي معايا
مايا : انا هروح اشوف بابي عمل ايه واروح اطمن عليه
ملك : اونكل علاء هيسمح لبنته تطمن علي شاب غريب وكمان شيف في مطعم
مايا : دا انقذ حياتي ودافع عني يا ملك . اقل واجب اطمن عليه واشكره وبعدين واضح انه صديق شريف شومان ودا حد تقيل اكيد مش كويس اننا نهمل فيه بعد الي حصل
ملك : طيب انا هروح البس واروح مكتبي وابقي طمنيني
.......................
مايا :صباح الخير يا بابي
علاء : اهلا بحبيبة بابي صاحية بدري يعني
مايا : عاوزة اروح اطمن علي تيمو قبل الشغل
علاء : وانا اطمن عليه وبقي كويس
مايا : دا انقذ حياتي يا بابي من المجنون الي اسمه رائف
علاء : انا قالب الدنيا عليه وهعلمه الادب
مايا : طيب عن اذنك انا هروح بقي
علاء : استني خدي عربية حراسه لان عربيتك في تنضيف
مايا : ليه مالها
علاء : واضح ان الولد نذف كتير العربية غرقانه دم وخصوصا كرسي السواق فبعتها التنضيف
مايا : خلاص ماشي بس مبحبش شغل المراقبه
علاء: لاء هتتعودي عليه لغاية ما اطمن عليكي
مايا : بقلة حيلة حاضر
…………………………..
في المستشفي
شعر تميم بمن يمسد له علي شعره بحنان فتح عينيه وبكل حب
شين وحشتيني اوي
شين : انت وحشتيني تيم زوحشني كتير
تميم : انا حاسس اني كويس اوي اني شوفتك
شين : انساني تيم انساني وعيش حياتك
تيم : شين انتي حياتي . انا مش عارف اعيش من غيرك انا حتي رافض اظهر ولا اتصور ولا اقابل حد حاسس ان بعدك عني اخدني معاه
شين : انا همشي تيم ولازم تنساني لازم تعيش انا كدا مش مبسوط انك مش عايش . صدقني انا هرتاح لما تكون سعيد تيم انا بحبك وحبي كبير لازم يكون في قلب يحس بيك
تميم: انا عايش في حبك وبقلبك . انا هاجي معاكي انتي راحة فين
شين: لاء انت هنا عندك اختك وماما وجدتك وعيلتك ولازم تقعد علشانهم وتفكر اننا كنا بنحلم نكبر بدون مساعدة اهلنا ولما تكبر تختفي اقعد تيم وخلي بالك من نفسك وعيش حياتك حب تيم حب الي له قلب مش بيحب دا مش عايش ومش انسان حب وخلي بالك من نفسك وحب يا تيم حب باي يا تيم
..........................................
تيم بصوت عالي : شين شين تعالي
وانسك تميم يدها بقوة وحنان وهو يحلم بعروسه التي فقدها يوم زفافهم ويفتح عينية والرؤية مشوشة وينظر لها بهمس شين مش هسيبك شين وحشتيني
: دكتور دا حرارته عاليه جدا
دكتور : اه دا عادي جدا دا جرح وكان مستمر ينزف اكتر من ساعه
مايا : هو بينادي علي حد
دكتور : واضح انه عنده ضغوط فبتظهر في اللاوعي
مايا : ممكن اقعد جنبه
دكتور اتفضلي وانا اديته خافض للحراره ومسكن وهيفوق اول الحرارة ما تنزل . وهبعت ممرضه تتابعه
مايا : انا جنبه ولو في حاجة خلي ممرضه تيجي
دكتور : طيب تمام ودا جرس الطوارئ مجرد ما تدوسي عليه انا هكون هنا عن اذنك
وانصرف الطبيب وجلست مايا تنظر له : يا تري حكايتك ايه ومين شين دي انت دافعت عني مرتين منهم مره كان ممكن تروح فيها وانت متعرفنيش
انت حتي منعرفش انت مين غير انك تيمو مسؤل في مطعم كبير
بس انت شكلك هادي اوي وكلامك بسيط واد ايه رياضي ووسيم
ايه يا مايا الي بتقوليه دا اوعي تكوني
لالا مش ممكن . دا بابا يعمل مشكلة
ومال بابا اختياره هو بتعاني منه لغاية انهارده . مايا مش يمكن متجوز مرتبط . بس
وبدا تميم يفيق : ماما انا اتاخرت شين منتظراني
ماما
وضعت مايا يدها تجس له حرارته فوجدتها تنخفض وقبل ان تسحبها وجدت من يضع يده يمسك يدها وهو يتحدث شين متمشيش وبدا يفتح عينيه وترك يدها فجاه وبدا يستوعب
تميم : انا انا فين وايه حصل
مايا : انا مش عارفه ايه حصل بس ارتاح اكلم دكتور يشوفك
تميم : لاء شكرا انا هنا فين وفين تليفوني
مايا : تليفونك جنبك حاولنا نفتحه علشان نتصل باهلك بس معرفناش انت نزفت امبارح وفقدت دم كتير ودكتور طالب انك ترتاح
تيم : انا كويس محتاج اخرج من هنا
مايا : تيمو استني انت تعبان . رائف هو الي عمل فيك كدا . بابي مش هيسكت له وهيجيب لك حقك
تميم : متشغليش بالك . انا بعرف اصفي حساباتي بنفسي
دكتور دخل : لاء احنا بقينا افضل بس ياريت مفيش داعي للحركه احسن جرح يفتح
تميم : انا لازم اخرج حالا
مايا : انا عارفه انك متعطل عن شغلك بس صدقني انا هعوضك عن كل دا بس المهم صحتك
دكتور : لاء تخرج فين علي الاقل 24 ساعه انت تحت تاثير مسكنات . انا هخليهم يجيبو لك تقرير لو تحب علشان الشغل
تميم : انا مش محتاج تقرير ونظر ل مايا ممكن تديني تليفون
مايا : اه طبعا وانا هسيبك تتكلم ورجعالك حالا وخرجت
الدكتور : وانا هرجع لك تاني اطمن عليك
............................
الو شريف
شريف : انت فين يا تميم وايه الي بيحصل دا وايه المصيبه الي انت سايبه عند سيد دا
تميم : اسمع ومش عاوز كلام انا تعبان
شريف : مالك يا تيمو انت فين
تميم : يا ابني هتسمع ولا اقفل السكه
شريف بقلق : خلاص سامع
تميم : اولا هتسمع للاخر بدون ما تقاطعني
انا في المستشفي تعبان ومش عاوز ماما ولا حد يعرف
ثانيا احذر في اجتماعك مع شركة النوبي تجيب سيرتي ولا يعرفو انا مين
ثالثا الواد الي عند سيد عاوزهم يضبطوه لغايه اما افوق له واضايفة بنفسي
ماما وبيلا تابع حالتهم وكلمني
شريف : انت جايب مصيبه انت عارف مين الواد دا يا تمي
تميم : هيكون مين واد محتاج اعادة تربيه واضح ان ابوه مكنش فاضيله
شريف : دا رائف الدمنهوري يا تميم الي ابوه صاحب مصاع السجا د و
قاطعه تميم
تميم : كما توقعت ابوه مكنش فاضي يربيه وانا هعمل جميل في ابوه
شريف : طيب عاوز اشوفك
تميم : لما اشوف هعمل ايه هبعتلك يلا سلام وقفل الخط
بيكلم نفسه مايا النوبي . ورائف الدمنهوري طيب ازاي البنت الجميله المثقفة الرقيقه دي تتخطب للحيوان دا الي سمعته زي الزفت
.........................
سعاد : انا عاوزة اعرف انا ايه جرالي
الممرضه : حضرتك تعبتي والدكتور امر نعملك تشك اب يا فندم
سعاد انا يا خبر بيلا انا لازم اروح لها
الممرضه اطمني بقت كويسه وهي في الغرفه الي جنب حضرتك وبينكم باب دا بس
سعاد : طيب ابني هنا
الممرضه : الواد القمر الي كان هنا وبيعيط ويبوس اديكي . ما تسامحيه دا يا حرام كان جنبك طول ليل وحالته كانت وحشه خالص
سعاد : تميم ابني معقول . طيب هو فين
الممرضه الدكتور باسل مشاه علشان يرتاح حبه لان حالته مكنتش كويسه من قلقه عليكي
سعاد : طيب ساعديني اقوم اطمن علي بيلا
باسل : عال عال عال يا سوسو دا انا اجيبلك عريس بقي . سيبها وانا معاها اتفضلي انتي
سعاد : بس يا واد يا بكاش
باسل : طيب ما تجوزيني انا والبت الي ولا بلاش
سعاد : ايه مالك هي لسه بتقولك يا رورو
باسل مش حتبطل الا لما
سعاد : خلاص اهي هتخلص السنه دي واجوزهالك يا رورو
باسل : حتي انتي يا سوسو .
سعاد : اعمل ايه هي مامتك الي حكت لها
باسل : انا عاوز اتجوز بقي يا سوسو بنتك جننتني
سعاد : هو انا ايه جرالي
باسل : مفيش انتي زي الفل يلا تشوفي بيلا
..................................
في فيلا المنهوري
يعني ايه مش لاقينه هيكون راح فين اقلبو الدنيا عليه
ياتي صوت سيده صغيره في السن : اهدي بس تلايه خد عربيته وطلع يتسرمح انت عارف ابنك
الدمنهوري : انتي مش شايفه الاخبار كلها صورته ومايا النوبي بتضربه وفضايح
السيده : عادي هو واخد علي الاخبار والفضايح اعد انت افطر بس
الدمنهوري : انتي عاملة فيها مرات ابوه ليه
السيده : انا خايفه عليك انت . وانت عارف كويس اني مش بطيق ابنك وعارف كدا من بل ما نتجوز
وبصراحة تسلم ايد مايا انت ناسي الي عمله فيها
الدمنهوري : ايوة بس انا تعبت من فضايحة
السيده : سفره بره ابعده عن هنا خالص
الدمنهوري : الاقيه بس واوديه فرع المانيا واخلص من فضايحه
............................
تميم : ادخل
مايا : ها خلصت تليفون
تميم : ايوه اتفضلي انتي تاعبة نفسك معايا اشكرك
علاء : اهلا بالبطل مش عارف اشكرك ازاي او اعوضك ازاي
تميم : اهلا ب حضرتك انا معملتش حاجة اي شخص كان مكاني مكنش هيسيبهم
مايا : بنظرات اعجاب شديده وواضحة :ابدا ومتنساش يوم العربيه ما عطلت
تميم : انا ليا اخت يا انسه مايا ومقبلش يجرا لها حاجة من دي والي مش هقبله علي اختي اكيد مش هقبله علي اي بنت
علاء وينظر لابنته بضيق : طيب انا هاجي تاني اطمن عليك بليل يلا يا مايا علشان ورانا شغل
.............................
في الاجتماع
شريف : انسه ملك اهلا بيكي
ملك : اهلا يا بشمهندس
شريف : قولتيلي بقي امبارح كان تيمو عاوز رقمك ليه
ملك : بشمهندس انا جاية علشان شغل
شريف : ودا من ضمن الشغل . بص لها ولف حوليها بمكر وجلس في الكرسي المقابل لها مش يمكن بتتفقو تعملو كومشن من ورانا
ملك وقفت وصرخت في وجهه انا مسمحش ل حضرتك تتهمني ثم ان واضح انك مش عارف انا مين
شريف : انا قبل ما اقعد معاكي جبت كل ما يخصك من اول تاريخ ميلادك وبدا ينظر لها باستفزاز حتي السنه الي نزلتيها في الثانوي كمان
وهنا انهارت ملك في البكاء وتركته وخرجت مسرعه وفجأه
- يتبع الفصل التالي اضغط على (رواية تيمو) اسم الرواية