رواية انتي قلبي الفصل التاسع 9 - بقلم ولاء فتحي
\(9) الجزء خاص بالحفلة
في يوم الحفل احمد اتفق مع مركز تجميل بالفندق يرسل خبيرة تجميل ريم وليلي وطبعا اغلب الفندق محجوز ليهم
والبنات لهم جناح من غرفتين
واخرين لكل من احمد ومحمد
محمد اصطحب ليلي ووالدتها للفندق في الصباح لان هيكون ممنوع دخول وخروج بناءا علي اجراءات التامين للحفل
اول ما وصلو وطلعها الجناح لقت ريم كانت سعيده اوي فهما صديقتان الان وامل بتحب ريم وبتعاملها زي ليلي
ريم: ليلي يلا بسرعه ادخلي غرفتك اجهزي مركز التجميل هيبعت لينا ميكب ارتست ومفيش وقت
ليلي : بس بصراحة يا ريم انا مجبتش معايا حاجة البسها محمد قالي مجبش لبس وهو هيتصرف
محمد اتصل ب ليلي افتحي باب بسرعه فتحت وجدت طرد من باريس باسمها
دخلوه غرفتها
دخلت تجري ودخلت ريم مفزوعه علي صراخ ليلي
ريم : ليلي في ايه
ليلي في زهول : انا مش مصدقة شايفه انا معقول هلبس دا دا يجنن دا انا بجد هلبسه وفتحت باقي العلبة وانبهرت ودا ليا ودا ليلي وفضلت تتنطط من الفرحة وتصرخ بسعاده وسط ضحك ريم وهي بتصورها لتوثيق لحظات السعاده مع هذه الطفلة الكبيره
امل : هههههههه ليلي حبي جميل مش جميل بس دا انتي تجنني بس يلا علشان مفيش وقت واوعي تتصرفي غلط خلي بالك الناس تحت كتير ومهمة جدا الافضل تحاولي تبتسمي وانتي ساكته
ريم بجديه : بصراحة زوق مستر محمد يجنن . خلصنا انبهار بسرعه نلبس لان ورايا شغل كتير
لبست ريم بدلة فورمال سواريه شيك وانتهت الميكب ارتست من رتوشها البسيطه التي نبه بها محمد فقط ليهم
ريم اتصلت بمحمد : مستر محمد انا خلصت بس ليلي لسه
محمد: انزلي انتي يا ريم احمد في القاعه تحت وانا هنزل مع ليلي وتنسيش الي اتفقنا عليه
ريم : كله تحت السيطره يا فندم
ريم تلتفت ل ليلي
ريم: ليلي لما تخلصي اتصلي علي مستر محمد هتنزلي معاه وبياكد عليكي اوعي تفتحي ل حد ولا تخرجي من غيره
ليلي : حاضر بس قوليلي انا حلوة كدا
ريم: بصراحة تطيري العقل الله يكون في عون مستر محمد هيتخانق انهارده كتير علشانك
ليلي: استغربت من كلام ريم بس سكتت علشان تخلص
_________$$$
ليلي : الو محمد انا جاهزة بس مش عارفه البس الاسورة والعقد
محمد: طيب افتحي باب السويت انا بره وهاتيهم هلبسهم ليكي بنفسي
ليلي فتحت الباب والاتنين بصو لبعض بانهار محمد كانه يراها اميره هاربة من الاحلام تاتي لتخطف قلبه
ليلي : انت شيك اوي يا محمد الله البدلة كانك امير
محمد : طيب تسمح اميرتي تديني العقد والاسورة البسهم ليها
لبسهم ليها وهي مكسوفه جدا
امل : حبيبي مشاء الله عليك زي القمر ربنا يحميك
يقبل محمد راس امل : ربنا يخليكي يا خالتو
محمد بص في تليفونه لاقي رساله من احمد انه ينزل
قال لها ليلي: اولا عاوزك متسينيش خالص ومتكلميش حد غريب
ليلي ونازلة علي السلم جنبه لاقت صحافة كتير وناس كتير وتليفزيون اتخضت
ليلي : بتوتر محمد ايه دا انا قلقانه
محمد : متقلقيش كل دا طبيعي واخد اديها ليضعها في ذراعه ونزل والصحافه بتصور محمد حسين رجل الاعمال والاقتصاد الشهير وتلك الاميرة
محمد نازل بكل ثقه وهو وسيم للغاية ووجود حبيبته في يده تجعل وجهه اكثر وسامه
الصحافة : مستر محمد الاتفاق اليوم هو اكبر اتفاق في تاريخ الاقتصاد والشركات المصريه حضرتك متوقع انه ممكن يفتح باب لاتفاقات اكثر وتنشيط الاقتصاد في مصر
محمد : احنا كلنا بنساعد في اتفاقات وصفقات لصالح اقتصاد بلدنا وانا من هنا بقدم دعوة لكل رجل اعمال مصري انه لازم ينقل اعماله في مصر ونشجع الاقتصاد المصري
واسئلة واجابات كل دا وسط انبهار الجميع ومحاولة معرفة من تلك الحسناء التي في يده فكانت الغيرة ترتسم علي وجوه الشابات الموجودات بالحفل وهم يتهامسن للسؤال ايه الموضوع
احد الصحفيين
دكتور محمد ممكن تعرفنا بالانسة وهل نعتبر دي فرصه للاعلان عن حدث سعيد في اكبر عائلة في وسط رجال الاعمال
محمد ينظر ل ليلي المتوترة وينزل يده من زراعه ويمسك بيديها بقوة وحنان جعلت صوت قلبها يعلو اكثر
وهي تفكر من هذا الوسيم الذي يمسك بيدي هل هو محمد ابن خالتي ورفيق عمري الذي يمرح معي ويسمعني ويستوعبني
ام انه دكتور محمد استاذي الطيب الحنون
ام انه ذلك الرجل الذي اري احترام وخوف الجميع منه والجميع يحاول التقرب منه
من هؤلاء الناس انهم شخصيات لا ارها الا في الاخبار
هل انا احلم وما كل هذا الامن والشرطة ةةة كانني في عالم اخر
تفيق من شرودها علي رد محمد علي الصحفيين
السؤال دا خاص جدا وانا اكتفي بان كل حاجة هتعرفوها في وقتها
وتركهم ودخل للقاعه المليئة بوكالت انباء وتليفزيون ووو
يذهب محمد لمنصة التوقيع وهو مازال ممسك في يد ليلي وهي صامته تماما كانها من عالم اخر
ريم تقترب بالاوراق وتتركها لهم وتستاذن منه ان تصطحب ليلي
فيبتسم لها ويترك ليلي وهو يهمس لها متسيبيش ريم نهائي
يجلس احمد بجواره يتم التوقيع علي العقود
ليلي: ريم انا مش فاهمة في ايه
ريم : الي عارفاه من الحاج حسين ان وصية والده كلكم تعيشو في نفس البيت ونفس الحياه علشان كدا انتو مش في قصر ولا مظاهر انما الي انتي شيفاه دا هي حياتكم ووضعكم الحقيقي واسكتي بقي مستر محمد بيبص لنا وهيطلع يتكلم
محمد يلقي كلمة باللغة الانجليزية ويتلقي تهاني واسئلة وكالات الانباء ويرد ب لغات بثقه
ويتقرب منه كبار المسؤلين وكبار رجال الاعمال
ريم بهمس ل ليلي ابتسمي كل الناس دي عنيها عليكي ونفسهم يعرفو انتي مين
ليلي تحاول الرد ولكن تري محمد الذي ياتي لها ويصطحبها وجميع الانظار عليهم
ليلي : محمد انا فين
محمد: انتي معايا
ليلي: انت مين هنا يضحك محمد ضحكة عاليه تزيد من وسامته مش هتكبري انا محمد
لكنه يفهم ارتباك ليلي
محمد : لازم تتعودي انتي كمان سيدة اعمال وهتكوني اجمل واحلي سيدة اعمال بس لما تتخرجي من الجامعه
ياتي له سامر ( رجل اعمال ) ويضحك
محمد باشا مش تعرفنا اول مرة نلاقي الشمس بتطلع بليل
محمد: اعتبرها مجاملة وهقولك شكرا لان لو اعتبرتها حاجة تاني
سامر : وعلي ايه يا محمد باشا قلبك ابيض انا مقدرش علي زعلك ولا استحمل غضبك يا باشا
يتركه محمد ويشدد علي قبضة يده ليد ليلي بقمة الغيرة والتملك
في ركن اخر تذهب ناني ابنه رجل اعمال شهير ل احمد وهي تضحك وتهمس له
ناني : هي مين الي مع محمد دي اول مرة اشوفها
احمد : بضحك ويهمك في ايه
ناني : لاء طبعا يهمني انت عارف اني معجبة بيه
احمد : بضحك بس هو مش شايفك
تشاهدهم ريم وتكاد تنفجر من الضيق لقربهم من بعض
يلاحظها احمد ويتمادي في الضحك مع ناني
هنا بكل ضيق تذهب له ريم
مستر احمد : من فضلك في شغل محتاجين نكمله
احمد ينظر ل ناني : ويضحك اوعي تروحي في اي مكان راجعلك نكمل
مما يجعل ريم علي اخرها وهو مستمتع بالغيره في عينيها فهو يفهم المراه جيدا
ها : انسة ريم شغل ايه الي محتاجاني فيه بسرعه
ريم : مش هعطلك كتير عن انسة ناني
احمد : اه ياريت بسرعه انتي شايفة هي منتظراني ومينفعش اسيبها كتير
ريم : الصحفيين عاوزين حديث مع حضرتك
احمد: ما عندهم محمد انا مش فاضي
ريم بانفعال زائد : من فضلك تروح تشوف الصحفيين وعموما انسة ناني مضيعتش وقتها وواقفه مع سامر باشا هناك بتضحك من فضلك ورانا شغل
احمد : طيب تمام حاضر بس ممكن اعرف انتي منفعلة ليه
ريم بتوتر: لان الحاج مامني علي الشغل دا
احمد : حد قالك انكي قمر وانتي متعصبه
ريم ترتبك وتتركه وتجري
في ركن اخر سامر وناني
سامر: ناني هانم انتي فين بدور عليكي دايما متالقة وجميلة
ناني : مش باين انا ملاحظة ان عنيك هتطلع علي البنت الي مع محمد
سامر: بصراحة دي اميرة من اميرات الف ليلة وليله بس محمد مش سايبها نهائي ومش مديني فرصه اتكلم معاها
لاء وهدد تهديد صريح لوو قربت منها
ناني : كدا الموضوع يقلق
سامر واضح انك عينك منه
ناني : زي ما انت عينك منها
سامر : كدا مصلحتنا واحدة ما تيجي نطلع في الجنينه نكمل كلامنا واكيد هنلاقي حل
وخطة اخري تدبر ضد المسكينة
مع الشركة الاجنبية
رئيس الشركة يتحدث طويلا مع محمد حول ترتيبات الشغل ومحمد يظل ممسك بيد ليلي
يضحك له رئيس الشركة ويقول هل هي زوجتك
تتصدم ليلي من السؤال
ولكن الصدمة الاكبر في الرد من محمد
فهو ينظر لها نظرة اربكتها ويرد عليه هو مبتسم : ليس بعد
ويستمر الحديث والحوارات والتساؤلات
وكل تفكير ليلي في
الجو الناس الردود الاعلام الصحافة تحضيرات الحفل ملابسها الي من اكبر بيوت الازياء حتي البوفيه الي كله من الخارج
وضع محمد ونظرات الناس ليه وليها كله جديد علي تلك الفتاه البسيطه حبيسته فلم تكن تري سواه ومذاكرتها والجامعه ومرسمها عالم محدود لم تكن تتخيل انه صنعه لها ليبعدها عن ذلك العالم الملئ بالاضواء كانها كان يضع جوهرة داخل خزنه مغلقة وعندما فتح باب الخزنه انبهر الجميع
يمر اليوم كانه حلم وينتهي وكل يذهب الي جناحة
ويقف محمد في شرفة جناحة المطلة علي النيل وهو يتنفس بعمق ويفكر في صغيرته الحسناء ونظرات الجميع لها
ويتمتم اتمني يا ليلي تكوني عرفتي انتي مين واحنا مين وحياتنا ايه انا خبيتك عن الدنيا السنين دي كلها من خوفي عليكي ومن حبي ليكي
واتمني يكون وصلك شعوري
عند ليلي بانبهار بتحكي لمامتها ومش عارفه ترتب كلامها ولكنها لا تعرف ان ترتب الاحداث من اين تبدا
امل : خلاص يا لي لي الوقت اتاخر وكويس ان بكره الجمعه اجازة انا هنام وانتي روحي اطمني علي ريم وغيري ونامي والصبح نكمل تكوني هديتي وتضحك من فرط سعادة صغيرتها
وهي في نفسها انا فهمت يا محمد اصرارك انها تحضر بس يارب البنت تفهم
تدخل ليلي علي ريم وهو تنادي بخبط بقالي ساعه انتي نمتي ولا ايه ولكنها تصمت لانها تري ريم وهي عابثة والدموع حبيسه في عيونها
ليلي بانزعاج : ريم مالك
ريم : مفيش
ليلي : انا هزعل منك مش احنا اصحاب واخوات مش اتفقنا اني مليش اخت وانتي ملكيش اخت ونكون اخوات بعض
ريم ترتمي في حضن ليلي وتنفجر
مش حاسس بيا واضح انه معجب بيها علي ايه دي حتي مبتذلة وووو
ليلي : ريم انا مش فاهمه حاجة بالراحة واحكيلي
ريم فاكرة البنت الي كانت لابسة فستان احمر قصير وعاملة شعرها اصفر كيرلي وخبطت فيكي وانتي في البوفيه معايا
ليلي : اه عاملة زي الساحرة الشريره مالها
ريم : واضح ان احمد معجب بيها
ليلي : ههههههههههه احمد امم قولتيلي طيب علي فكرة البنت دي بتحوم حوالين محمد
ريم : انتي بتقولي ايه دا احمد كان وسرحت
اممممم كدا بدات افهم لعبتك يا احمد معايا وديني لاوريك واجننك
ليلي : ريم اتجننتي بتكلمي نفسك
ريم بضحك : ابن خالتك بيلعب عليا وانا اعلنت عليه الحرب
ليلي انتي بتحبي احمد يا ريم
ريم : للاسف وهو شكله عرف و انا مش هسيب له فرصه يعمل كدا تاني
بالمناسبة يا ليلي احذري علي محمد من ناني
ليلي : بتضحك ههههه وانا مالي يا بنتي محمد بيعاملني اني اخته الصغيرة
ريم : متهيالي يا ليلي من خبرتي في التعامل معاه ومن اسلوبه معاكي ولقاءه وردوده علي اسئلة الصحافة
انتي مش صح راجعي نفسك وانتي مش اخته
ليلي : ولؤي يا ريم
ريم : مراهقة لعب عيال المهم راجعي نفسك وبصراحة محمد ميتسابش
ليلي : بس انا
تسمع صوت مامتها من بعيد : ها يا بنات مش ننام بقي الفجر قرب
ليلي : ايوة يا ماما حاضر وتنظر ل ريم نظرة كانها تايهه وتخرج بسرعه
ريم لنفسها : اوعي تفوتي الحب الحقيقي يا ليلي محمد واضح غير احمد وانت يا احمد وحياة دموعي لاوريك
يضحكم البنات وينامو
احلام سعيده
______________@@@
في الصباح كل المجلات والصحف تتصدر بصورة ريم في يد محمد وسط تساؤلات عن تلك الحسناء في يد دكتور محمد حسين رجل الاعمال والاقتصاد الشهير
ومقالات ولقاءت تسجل قصص وحكايات وتتحدث عن جمالها وعن انه لم يتركها طوال الحفل
هل هي خطيبته ام انه حب يخطفه
_____________@@@@@@
لؤي بيتصل ب سهي
سهي : ايوة يا لؤي
لؤي : شفتي الزفت المجلات والجرايد والانترنت انهارده
سهي : لاء انا لسه صاحية مشفتش حاجة انت عارف انهارده الجمعه وهننزل الصيدلية بس في ايه
تسمع صوت ينادي طيب اقفل ماما بتنادي اشوفك في الصيدليه
بعد قليل تزل للذهاب للتدريب وهي في الطريق تفتح الانترنت وتتصدم مش مصدقة
صور ليلي في ايد محمد وكل ناس بتتكلم وشكلهم تتنفس بضيق وتنزل الصيدليه
في ناس ومش عارفه تتكلم مع لؤي لانه في المخزن بيراجع بعض الاصناف
تستاذن من دكاترة انها هتدخل المخزن تساعد لؤي
دكاترة في الفرع دا ثقة جدا من محمد و
هما واخدين تنبيه من محمد انهم يسبوهم لوحدهم
لؤي بيطلع مجلات بكذا لغة ويوريها لسهي ويرميها بعنف
شايفة المكتوب شايفة
سهي : شفت يا لؤي في الطريق وهتجنن واضح انك صح وهساعدك تنفذ الي في دماغك كدا الوضع خطر
فضلو يتفقو ويخططو
_____________####
عند اكرم شاف كل دا وبيتصل بشخص في التليفون
لازم تتصرف انت معاك كل المعومات عن الفندق وعن تحركاتهم لازم تجيب ليلي باسرع وقت
صلاح: سيبتك تتصرف وشكل الامور هتفلت منك
اكرم : بعصبيه انتي باعتلي متاخر اوي وقولت لك هتصرف الموضوع بتاعي
صلاح: مش عاوز غلطة بعد الاخبار والصور دي العين هتكون عليهم
اكرم : بغل وانا هخلي اخباره في صفحة الحوادث
____________________###
في مكان اخر
المجهول في التليفون : مش عاوز غلطة واحده وعاوز العملية تتم في لمح البصر
المجهول
: عيب يا باشا احنا ناس محترفه
_________####
في الفندق ليلي صحيت لقت ريم نايمة وماماتها صاحية
ليلي : صباح لخير يا ماما
امل : صباح الخير يا حبيبة قلبي اجهزي علشان ننزل نفطر ونرجع البيت
تجهز ليلي : وهي نازلة مع ماتها المطعم كل العيون تحدق فيها وتتحدث
وليلي مش فاهمه حاجة
في المطعم اقعدي انتي يا ست الكل وانا هحضر لك طبقك
تجلس امل وليلي تذهب لتجهز طبق مامتها تخبط في شخص كل الطبق الي معاه يوقع علي ملابسها
الشخص بتوتر : اسف يا انسه مكنتش اقصد
ليلي : ولا يهمك حصل خير انا نزيلة هنا هطلع اغير
ياتي صوت سيده من وراه تغيري ايه دا البوفيه كله علي بلوزتك تعالي معايا التويلت اساعدك تنضفي البلوزه
تذهب معاها ليلي لحمام المطعم
يتصل محمد ب امل صباح الخير يا خالتو حضرتك فين
امل : انا وليلي في المطعم يا حبيبي انزل علشان نفطر ونرجع البيت
محمد : ينزل المطعم ويتسال : خالتو فين ليلي
امل : علي البوفيه بتجهز لي طبقي يذهب للبحث عنها ولا يجدها
ياتي له مدير المطعم
محمد باشا بتدور علي حد
محمد : ايوة بدور علي بنت خالتي
مدير المطعم : الانسة الي كانت مع حضرتك امبارح انا شفتها رايحة الحمام مع سيده تنضف ملابسها ويحكي له ما حدث
محمد : طيب ممكن تبعت حد من البنات يشوفها
ريم تقترب منهم في ايه
محمد : ليلي طلعت فوق تغير هدومها
ريم : انا لسه نازلة من فوق محدش فوق هشوفها انا في الحمام وتذهب للحمام
تخرج ريم وعلي وجهها علامات الخوف مفيش حد في الحمام
محمد بقلق يرن عليها موبايلها لسه مغلق يقلب عليها الفندق مش موجوده يتصل باحمد ورياض ويطلب تواجدهم في اسرع وقت
عاوز اشوف كاميرات الفندق فورااا
- يتبع الفصل التالي اضغط على ( رواية انتي قلبي) اسم الرواية