رواية الحب اللطيف الفصل العاشر 10
10🤍
فضلت على الحاله دي وقت وبعدها غبت عن الوعي وفهد ليسه حاضني بخوف ومريم جنبي بتعيط وفجأه دخل شخص غريب وقال بخوف: فهد بيه الحق اخوك مالك بيه اتصاب برصاصه في كتفه وهو بينزف اوي تحت
انتفض جسد فهد برعب على اخوه وانا ليسه في حضنه وبقى متردد عاوز ينزل يشوف مالك بسرعه وفي نفس الوقت خايف عليا ومش عاوز يسيبني لوحدي
لغايه ماسمع صوت مريم بتقول: سيبها يافهد انا موجوده هاخد بالي منها وانت اللحق اخوك بسرعه
فهد بعد عني بهدووء وحنيه ووقف بسرعه وخوف وقال: انا هشوفه بسرعه ومش هتأخر خدي بالك كويس منها تمام
هزت مريم رأسها ليه وفهد سابها بسرعه ونزل تحت وبقى دقات قلبه اسرع من الخوف على مالك اخوه
وبعد ماوصل عنه لقاه قدامه على الانتريه وماسك كتفه بألم وهو بينزف اوي فجري عليه زي المجنون وهو بيقول: مالك انت كويس مين عمل فيك كده اهدي اهدي انا جنبك متقلقش
ابتسم ليه مالك بألم وهو بيتنفس بصوت عالي وقال: انا كويس يافهد اهدي ياحبيبي اخوك قوي مش ضعيف
قرب منه فهد بخوف وبص على اصابته بدموع وقال:انت انت بتنزف اوي يامالك تعال نطلع على المستشفي بسرعه ارجوك
رد عليه مالك بألم ووجع ظاهر في صوته:لا انا كويس مش محتاج مستشفي متقلقش بس عاوزك تخرج الرصاصه من كتفي بسرعه يافهد
فهد سمعه وهز رأسه بسرعه ودموع وجرى على المكتب احضر ادواتي وقعد جنب مالك وقص مكان الرصاصه بحرص كبير ودموعه نزلت اكتر وهو بيقول:استحمل معلش شويه معايا انا هخرج الرصاصه دلوقتي تمام بس استحمل
هز مالك رأسه ليه بألم وقرب فهد وبدء يعمل اللازم لاخراج الرصاصه من كتفه بهدووء ومالك متماسك قدر الإمكان قدامه من كميه الألم الي بيشعر بيها
لغايه ماخلص فهد واخرج اخيرا الرصاصه وبعدها تنفس براحه وهو بيكمل تنظيف الجرح وتعقيمه وقال:الحمد لله انا اخرجت الرصاصه بأمان من كتفك بس انت نزفت دم كتير ولازم تعوضه بسرعه انا هتصل بالمستشفي بتاعنا لاحضار الدم المطلوب وبعدها هعلقه ليك هنا
ابتسم ليه مالك بألم وقطرات العرق بقت بارزه على وجهه وتسطح على الانتريه بتعب بعد مافهد خلص من علاجه
وفي الليل كونت ليسه في عالم احلامي بحلم بفهد حبيبي زي العاده وفجأه قومت مفزوعه من الصوت العالي في القصر تحت
بصيت حوليا بزهول فهد مش موجود معايا ياترى راح فين وسابني لوحدي هنا
نزلت بسرعه وصوت بقى اعلى وصلت قدام سلم وانا ببص تحت بخوف لقيت عم فهد ومعاه شاب في العشرين من عمره واقف جنبه
وفهد قدامهم وعماد عمه بيصرخ فيه بقوه بيقول: عاجبك الي حصل مع اخوك ده يافهد المره دي ربنا ستر والرصاصه اجت في كتفه بس الله اعلم الرصاصه التانيه هتاجي فين؟
رد عليه فهد بضيق وقال:ارجوك ياعمي مالك اخويا وانا وهو عارفين مصلحتنا فين والي طلبوه مننا ده على جثتي انا و جثه مالك انه يحصل تمام
قال الشاب الي واقف جنب عمه بغضب: الناس دي مش سهله يافهد وانت كده بتعرض عيلتك كلها للخطر واولهم مالك اخوه افهم وروح اقنعه احسن يوافق على عرضهم
خلص جملته من هنا وظهر مالك من خلف فهد بتعب وأيده معلقه برباط حول رقبته وقال بغضب: اددم انا حر دي شركات بابا الله يرحمه وأمانته قبل موته وانا مستحيل اتعاقد مع الاشخاص دول وابيع ضميري ابدا
قرب منه فهد بسرعه وسنده بخوف وقال:اهدي يامالك ارجوك علشان اصابتك ليسه جديده تعال معايا ارتاح هنا ومتتحركش ابدا
جلس مالك بغضب وتعب فتقدم عماد منهم بضيق وقال:تمام انا حاولت معاك كتير يامالك انت واخوك بس الظاهر ان مفيش برضو فايده في الكلام معاكم بس اخر مره هحظركم الاشخاص دول كبار اوي ومش هيسكتوا ابدا وبكره تشوفوا كلامي ده بعنيكم
قال كلامه بغضب وانصرف من قدامهم هو وادم ابنه وانا نزلت بعدها بسرعه ووقفت قدامهم وقولت:فهد انت كويس مش كده..ووجهت نظري لاخوه مالك بحزن عليه وقولت..الف سلامه عليك يامالك بيه
ابتسم فهد ليا براحه وبحب بعد مااطمن عليا وقال:متقلقيش انا كويس ومالك كمان كويس بس انتي هنا من امتي ياملك؟!
توتر من سؤاله وخوفت اقوله اني سمعتهم يزعل مني فقولت:انا دلوقتي صحيت وملقتكش في الاوضه فطلعت اشوفك فين و اجيت لقيتك كده جنب مالك وهو باين متصاب
بص عليا فهد بنظرات مريبه وبعدها قال:تمام اطلعي ياحبيبتي ارتاحي انتي فوق وانا هطمن على مالك كويس وهحصلك فورا ياله
هزيت رأسي ليه بسرعه وجريت على فوق تحت نظرات مالك المصوبه نحوي بشك وبعدها قال لفهد:فهد اوعي سرنا تعرف بيه مراتك دلوقتي علشان حياتها متبقاش في حظر بعدين فاهمني يافهد
ابتسم ليه فهد بحزن وخوف وقال:متقلقش مش هقولها حاجه علشان انا مستحيل اقدر اعيش بدونها ابدا يامالك متقلقش
رد عليه مالك بتعب:تمام تعال اسندني لغرفتي الاول وبعدها اطلع أطمن علي حالتها ياله يابطل
وقف فهد بسرعه وسنده لغرفته واطمن عليه وسابه وتوجه لغرفتنا
وعلى الجهه الاخرى انا كونت قاعده في غرفتي بفكر في كلام عم فهد ورد فهد ومالك عليه ياترى ايه الحكايه الي مخبيها فهد عليا واصابه مالك دي بسببها والا ايه
سرحت في تفكيري كتير لغايه ما قاطعني رن فوني فمسكته بسرعه لقيته رقم غريب ودولي
فترددت ارد او لا بس كان عندي فضول كبير اعرف رقم مين ففتحت وقولت:الوو مين معايا
اجاني الرد من شخص كان بيتكلم عربي مكسر كده وقال:انتي زوجة فهد المصري
رديت بخوف وتوتر كبير:ايوه مين معايا
رد ببرود تام وقال:مش مهم تعرفي انا مين المهم تعرفي انك دلوقتي في خطر كبير انتي واختك كمان وو
يتبع
بقلم نور محمد
الحب اللطيف
الحكايه هتبدأ وملك هتدخل لحوار كبير وأثاره ومغامره كبيره😉😇
•تابع الفصل التالي "رواية الحب اللطيف" اضغط على اسم الرواية