رواية احتواء قلب الفصل الحادي عشر 11 - بقلم عبير سليم

    

 رواية احتواء قلب الفصل الحادي عشر 11 - بقلم عبير سليم

قبل ما أبدا اكتب الحلقه بشكر كل اللي دعا لبنتي بالشفا ربنا يخليكم لحبايبكم و يخليلكم أولادكم يارب العالمين

تائهه غير مصدقه ما يحدث حولها كيف حدث كل ذاك في خلال ساعات قليله

تشعر و كأنها في محيط عميق تسبح به و لا تدري متى ستخرج للشاطئ و تنجو من ذاك الج.. حيم

أيعقل أن يكون كل ذاك حقيقه أيعقل أن يكون واقعا تعيش فيه الآن ام هو مجرد حلم لا بل كابوس و حتما سينتهي

أشخاص كثيرين حولها يتحدثون يلتقطون الصور للمكان عربة إسعاف تأتي لتحمل ذاك الجثمان

و عربة شرطه تحملها إلى مصير مجهول لا تدري ماذا ستكون نهايته

وخبر عاجل يتصدر وسائل الإعلام مقتل رجل الأعمال المصري الشهير كارم العمده على يد زوجة رجل الأعمال المصري شهاب عز العرب و جاري التحقيقات

و خبر بمكان آخر القبض على زوجة المهندس شهاب عز العرب الذي يمتلك إحدى الشركات الكبرى بالقاهرة بتهمة قتل رجل الأعمال الشهير كارم العمده

كلما تنقل احد بين وسائل الإعلام لا يرى و لا يسمع غير ذلك الخبر فأصبح هو حديث الساعه و الجميع غير مصدقين ما حدث كيف ذلك و متى و ما الذي يجعلها ترتكب مثل تلك الجريمه

تخرج من ذاك المكتب الذي حكم عليها مبدئيا بأنها متهمه و معها من يصحبها إلى ذاك المكان الذي يوجد به اللصوص و مرتكبي الجرائم لتجدها واقفه أمامها بعد أن قامت بالاتصال بها لجوءا إليها و هي لا تعلم أنها بالفعل هنا بجوارها بالقاهره ترتمي باحضانها و تبكي بشده : اااه يا نجلاء

نجلاء : اطمني اطمني يا جنه حتخرجي يا حبيبتي

جنه : انا بريئه و الله يا نجلاء أنا معملتش حاجه أنا بريئه و الله خليكي جمبي متسيبينيش يا نجلاء متسيبينيش دول حولوني للنيابه يا نجلاء

نجلاء : مش حسيبك يا جنه متخافيش أنا معاكي يا حبيبتي و الله ما حسيبك و حتخرجي اطمني

فجأة تجده يقترب عليها

تجري عليه و هي تظن أنها ستجد معه الأمان ستجد فيه الحمايه و السكن ظنت للحظه أنه سيكون لها الملجأ الذي ستحتمي به و تطمئن بوجوده معها

و لكنها تجد في عينيه نظرة الاتهام لها تحاول تبرئة نفسها و لكنه يوقفها عن التحدث : ليه ليه تعملي كده

_تتحدث و هي تبكي بشده : انا معملتش حاجه و الله ما عملت حاجه انت تصدق إني أعمل كده

شهاب : للأسف مش حقدر اصدقك انتي طالق طالق و يتركها و يمشي لتقع هي أرضا من شدة صدمتها به لم تتوقع أن يتخلى عنها في محنتها بتلك السرعه أيعقل ما سمعته الآن أهو حقا طلقني

تقف نجلاء و هي مذهوله مما تراه و ما سمعته أيعقل ان يكون ذاك الرجل تخلى عن زوجته في ذاك الموقف أيعقل ألا يقف بجوارها و يشد من ازرها تحاول ان تخفف من ألم ما تعرضت له و لكنها تجد من يشد يدها ليلقيها داخل الحبس دون شفقه و لا رحمه

تخرج وراءه سريعا و تمسك بيده قبل أن يركب بسيارته : استنى عندك

شهاب : نعم عاوزة إيه انتي كمان

نجلاء : انت بجد اللي عملته دلوقتي ده انت بجد طلقت جنه

شهاب : أفتكر إنك كنتي واقفه و سمعتي بنفسك

نجلاء : و انا مش قادره أصدق اللي سمعته ده ازاي يا شهاب ازاي تتخللى عن مراتك في محنتها ازاي تهون عليك جنه تعمل فيها كده فاكتر وقت محتاجاك فيه تكون جمبها

شهاب : أمال عاوزاني أعمل إيه عاوزاني افضل جنبها و اخسر شغلي و شركتي انتي عارفه وسائل الإعلام بتقول إيه بتكتب إيه عارفه ان اللي حصل ده حيهز سمعة الشركه و يتقال على شهاب ان هو و مراته قت.. الين قت.. لا و الراجل بعد ما اهانوه في بيتهم قت.. لوه عارفه ان في الساعات القليله دي في اتنين من رجال الأعمال سحبوا شغل ليهم من عندي إيه عاوزين استنى إيه أكتر من كده

نجلاء و هي بتزعق و بتخبط العربيه بتاعته : شغل و صفقه انت بتقول إيه انت واعي للي بتقوله ده للدرجه دي مراتك ملهاش قيمه عندك للدرجه دي شغلك و فلوسك أهم من مراتك إللي بتعتبرك سندها و حمايتها شغل إيه و شركة اللي بتتكلم فيهم فداهيه أي حاجه تغور المصالح و الشركات و الفلوس لكن مراتك دي جنه يا شهاب حبيبتك تتخللى عنها بالبساطه دي ترميها في ازمتها

شهاب : هيا السبب محدش قاللها تروح لواحد زي ده بيته محدش قاللها تروح لحد عنده

هيا مش قتلته و بس هيا طعنتني فشرفي كمان و خلت سمعتي على كل لسان

نجلاء : اخرس قطع لسانك انت آخر واحد اصلآ تتكلم عن الشرف شرف مين يابو شرف الله يرحم لما ضربتها و بهدلتها عشان كانت بتدافع عن شرفها و اللا نسيت يا سي شهاب

شهاب : إيه ده أيوة خرجي بحري اللي جواكي يا ست نجلا

نجلاء و هيا بتمسك في هدومه : أيوة يا سي شهاب أنا من بحري و حوريك بنات بحري حيعملوا فيك إيه بقى انت يا عرة الرجاله تطلق ستك و تاج راسك تطلق جنه اللي مكنتش تطول ضوفارها تطلقها بكل خسه كده جنه اللي مكنتش تحلم انك تتجوزها تطلقها يا شهاب و تهينها بالشكل ده جنه تستاهل يحصل لها كده وديني ما سايباك يا شهاب

شهاب و هو بيحاول يبعد ايدها عنه : سيبي هدومي يا مجنونه

نجلاء : هو انت لسه شفت جناني

بس دي مش غلطتك انت أنا اللي غلطانه أنا اللي استاهل الضرب إني شجعتها إنها ترجعلك و افتكرتك بني آدم و قلتلها معلش سامحيه ده بيحبك حبك عزرائيل يا شيخ و خدك ربنا و ريحنا منك

ماسكه في هدومه و بتشتمه أفظع الشتائم لدرجة ان الناس كلها في الشارع تتلم عليهم و محدش فاهم في بينهم إيه

يبعده الناس عنها و يحاول يفتح باب العربيه و يدخلها عشان يمشي : اهرب يا شهاب اهرب يا جب.. ان اتف… وووو عليك يا وا.. طي ماشي يا شهاب تخرج جنه بس بالسلامه و

حاجيبلها حقها منك و حسجنك و الله لسجنك يا شهاب خسارة حبها ليك و خوفها عليك و على عرضك يا اللي متستاهلش

يطلع بالعربيه و واحد بيزقها بعيد عن العربيه:ايدك انت كمان جتكم الهم كلكم و انتوا اصلا كلكم زي بعض

الراجل : انتي دماغك دي فيها ايه كنت ببعدك كان حيخبطك

نجلاء : خبطه في دماغه تاخده ربنا ينتقم منك يا شهاب يارب

تقف تايهه مش عارفه تعمل ايه دموعها مبتقفش على صاحبتها و مامتها حتتجنن بعد اللي سمعته و عرفته عماله تتصل عليها و نجلاء مش عارفه تقوللها ايه تركب عربيتها و تروح بسرعه لأمها عشان تطمنها ان جنه حتطلع ان شاء الله هيا حتقف جمب صاحبتها لكن اخوها لازم ينزل يبقى جمب اخته خصوصا بعد اللي حصل

تروح البيت و تهدي ناديه على اد ما تقدر و آلاء كانت بتحاول تهديها لكن في نفس الوقت مش مبطله عياط

يفتح الخط و يرد عليها : اهلا يا نجلاء

نجلاء : من فضلك يا جاسر احنا محتاجينك لازم تنزل بسرعه

جاسر : ماما حصل لها حاجه

نجلاء :، اطمن ماما بخير الحمد لله لكن جنه جنه هي اللي واقعه فمحنه و لازم تكون جمبها

جاسر : جنه في إيه يا نجلاء إيه اللي حصل اتكلمي

نجلاء :، متهمه في قضبة قتل

جاسر : قتل أختي إزاي

نجلاء : مش عارفه يا جاسر لسه مقعدتش معاها مش فاهمه حاجه لسه المهم دلوقتي إحنا محتاجينك جنه محتاجاك أوي يا جاسر محتاجه أخوها يكون جمبها

جاسر : أنا مش مستوعب اللي بتقوليه ده أنا اختي تقتل تقتل مين و ليه لامش ممكن استحاله قوليلي شهاب عمل إيه هو فين اديهولي اكلمه

نجلاء : شهاب طلقها يا جاسر

جاسر : نعم طلقها طلق مين طلق جنه هو في إيه بالظبط يا نجلاء إيه اللي بيحصل فهميني

نجلاء : جاسر الله يخليك مش وقته انا مش حعرف أقولك على أي حاجه لأن انا نفسي مش فاهمه حاجه انزل الله يخليك

جاسر : ححجز على أول طياره و انزل

يمر الليل عليهم كلهم ما بين جنه اللي خايفه و مرعوبه من اللي مستنيها و عينها مش عارفه تغمض و الدموع مبتنشفش منها و ما بين نجلاء اللي عماله تهدي ناديه و ما بين شهاب اللي فرحان إنه خلص من كارم العمده و انه خلاص مبقالوش و جود و ما بين ضيقته إنه فرط في جنه بسهوله كده و كل ده عشان خاطر شغله و مصالحه : أيوة عاوز ايه بتتصل دلوقتي ليه و انت السبب في كل ده

عزت : و انا مالي يا باشا هو انا قلتلها تق.. تل الراجل انا خدتها عنده عشان تعتذرله و نخلص أعرف منين أنآ إن ده حيحصل حتلاقيه غلس عليها و حاول معاها راحت مخلصه عليه

المهم طمني عملت معاها إيه حتقف جمبها

شهاب : أقف مع مين يا بني آدم انت أنا طلقتها

عزت : خير ما عملت كفايه الصفقتين اللي راحوا مننا بس الصراحه مدام جنه بردو متتعوضش دي هانم

شهاب : بقولك إيه أنا مش ناقصك إنت كمان مع السلامه يقفل معاه السكه و هو حاسس انه مضايق عشان جنه و فنفس الوقت بيقنع نفسه إنه عمل الصح

في الصباح الباكر تستئذن من وكيل النيابه الجلوس معها على انفراد

قبل ما يحقق معاها احكيلي يا جنه على كل حاجه و متخبيش عني حاجه تبدأ جنه تحكي لنجلاء عن كل اللي حصل من وقت الكلام و التهديد اللي بلغه ليها لحد ما راحت عنده و كان عاوزها تشرب معاه

نجلاء : و بعدين يا جنه إيه اللي حصل يا حبيبتي وافقتي تشربي معاه خفتي منه

جنه : لاء لاء الله يخليك ابعد عني القرف ده

كارم : ههههههه هو الشرب قرف

جنه : أيوة قرف بشمهندس كارم بعد إذن حضرتك انا عمري ما كنت اتخيل إني أكون موجود هنا دلوقتي و لولا تهديد حضرتك اللي وصلني أنا مكنتش جيت الله يخليك يارب أخويا ملهوش علافه بأي حاجه ربنا يخليك تبعد عنه تسيبه هو ولاده يعيشوا حياتهم مرتاحين هما معملوش حاجه أنا اللي غلطت و جايه أهوه أعتذر لحصرتك و مستعده أعتذر لك أدام الدنيا كلها و لو عاوزني ابوس إيدك أبوسها بس تبعد عن أهلى الا أمي و أخويا أنا مليش غيرهم في الدنيا

كارم و هو بيحاول يقرب منها : وأنا مش عاوزك تبوسي ايدي أنا عاوز أنا اللي أبوس إيدك و رجلك و ابوس كل حته فيكي

جنه و هي بتبعد عنه :” كارم باشا من فضلك عيب كده انت فاكرني إيه انا غلطانه اني جيت هنا

كارم : من فضلك انتي بقى انتي ليه غبيه كده ليه مش عاوزة مصلحتك ليه باصه تحت رجلك انتي مصلحتك معايا أنا لو طاوعتيني حخليكي ملكه حجيبلك الدنيا كلها تحت رجلك حكون رهن اشاره منك

جنه : حضرتك بتعيد تاني الكلام اللي قلته في الحفله بس بطريقه تانيه انا اللي نفسه أفهمه هو ازاي تتكلم معايا كده وانا ست متجوزة و عارف ان ميصحش كده

كارم : متجوزه هههههه ينفث السيجار : شهاب ده اللي انتي متجوزاه و اللي عاملاه راجل أوي و خايفه عليه ممكن يبيعك في لحظه و لو دخل دلوقتي و لقاكي فحضني حيبقى عادي جدا بالنسبه له ما دام شغله حيمشي

جنه : من فضلك يا باشمهندس انا مسمحش لحضرتك تتكلم بالطريقه دي عن جوزي

كارم : ههههههه جوزك انتي عارفه جوزك بيعمل ايه من وراكي عارفه انه كل يوم فحضن واحده عارفه انه بيخونك كل يومين مع واحده جديده

جنه : لا لا شهاب بيحبني شهاب ميعملش كده

كارم : بيحبك اللي زي شهاب ده ميعرفش يحب هو اختارك عشان جمالك و هدوئك و برائتك واجهه ليه عشان تداري على وسا.. خته و فضايحه و عمايله السوده انتي أصلا خسارة فيه انتي ازاي مش مقدرة قيمة نفسك إزاي سامحه لنفسك انك تكوني مع واحد زي ده ده حش.. رة انا ممكن افعصه برجلي في أي لحظه

و طبعا هو عارف انك هنا دلوقتي و عارف ايه اللي ممكن يحصل بيننا

جنه: كفايه بقى من فضلك و على فكرة شهاب ميعرفش أي حاجه عن مجيتي هنا لو عرف كان أكيد حيمنعني

كارم : هههههههه حيمنعك آه بأمارة ما خللى الك.. لب بتاعه هو اللي يوصلك بنفسه و زمانه قاعد دلوقتي مستني الاوكيه مستني نتيجة المقابله و إن خلاص الحصار اتفك من عليه

كارم و هو بيحاول يلمس شعرها و هي بتبعد عنه : تعرفي يا جنه إنك لازم يكونلك حظ من اسمك و لازم تعيشي في الجنه و كل طلباتك تبقى تحت رجلك انتي فعلا جنه أي حد يتمنى يعيش فيها و يتمتع بجمالها

جنه :” ابعد عني متقربليش و من فضلك بقى كفايه مش عاوزة أسمع أي حاجه أكتر من كده أنا جيت هنا عشان أعتذر عن حاجه أنا أصلاً مغلطتش فيها و حضرتك عارف ده كده كويس و مجيتي هنا مش بمزاجي و لا بارادتي دي غصب عني عشان تبعد اذاك عن ناس كل ذنبهم إنهم أهلي و افتكر اني اعتذرت عن إذنك

كارم : انتي إزاي تتحركي من مكانك من غير إذني ازاي تتجرئي و تخرجي من هنا من غير ما اسمحلك

انتي مجيتيش هنا بارادتك و ده كلامك صح و اللا لاء يبقى لما تخرجي من هنا يكون بارادتي انا و مزاجي انا

جنه : إنت عاوز مني إيه

كارم : عاوزك عاوزك يا جنه برضاكي بقى غصب عنك مش حتفرق معايا المهم اني عاوزك و حاخدك لية يا جنه و أوضة نومي حتطلعيها برجلك و بارادتك انتي و برضاكي

جنه : تبقى بتحلم و يكون في علمك نجوم السما اقربلك مني يا كارم باشا في ألف واحده ترضى و توافق لكن أنا لاء لاء

كارم : و أنا بقى مش عاوز غيرك انتي

جنه : ليه أنا حرام عليك سيبني فحالي بقى

كارم : ليه انتي عشان قلتي لاء و انا محدش يقوللي لاء أما بقى حكاية إني أسيبك في حالك فمش حيحصل أنا بقيت قدرك يا جنه

جنه : و أنا قلت لاء لاء لو جبتلي الدنيا كلها تحت رجلي زي ما بتقول بردو مش حقولك غير لاء

كارم : ده ايه الجرأة دي امال كنتي من شويه خايفه و بتعتذري و انتي مرعوبه اني مقبلش اسفك

جنه : لأني كنت فاكرة ان في جواك ذرة احترام و تقدير كنت فاكراك حتقدر وجود واحده قدامك كل همها أهلها و خوفها عليهم كنت فاكرة إنك ممكن تفتكر ربنا اللي انت شايله من حساباتك و فاكر ان مفيش أقوى منك و ناسي ربنا اللي أكبر من اي شئ حضرتك بتهددني بأهلي و اخويا أيوة منكرش إني خايفه عليه لكن إن شاء الله ربنا حيحميه هو و ولاده

كارم : و لو قلتلك اني حتجوزك

جنه : تتجوزني

كارم : أيوة مش انتي كل مشكلتك الحلال و الحرام خلاص انا حخللي شهاب يطلقك و اتجوزك لو ده حيريحك

جنه: حضرتك بتقول إيه إيه التخاريف دي هو حضرتك فاكر نفسك مين عشان تطلق و تجوز بمزاجك هو حضرتك فاكرنا عرايس في ايدك حتحركها زي ما تحب

كارم : امال انتي عاوزة ايه ايه اللي يريحك

جنه : تبعد عني تنسى انك شفتني

كارم : ما هو لو كنت اقدر مكنتش خليتك جيتي لحد هنا بقولك صحيح مش جاسر اخوكي بردو عنده ولدين مش كده و مراته حامل جديد صح كده ياعيني تصدقي حيصعبوا علية اوي اللي اعرفه انه نفسه في بنت المرة دي لاء و ايه ده ناوي يسميها جنه على إسمك ياللا مش حيلحقوا يفرحوا لا بيها و لا باخواتها

جنه : هو حضرتك عرفت الكلام ده منين

كارم : هههههههه

جنه : عشان خاطر ربنا اتقي الله فية و فأهلي حرام عليك سيبنا فحالنا ذنبه إيه أخويا تاذيه عملك إيه

كارم : ذنبه إنه اخوكى يا جنه

جنه : و أنا مستعده أعمل اي حاجه غير اللي انت عاوزه مش حقدر الله يخليك انا مش كده أنا عمري ما غضبت ربنا حرام عليك انت لو اذيتني أو اجبرتني على حاجه أنا حم.. وت نفسي مش حعيش، لحظه واحده بعدها

كارم : للدرجه دي بتكرهيني

جنه : أنا بخاف من ربنا ارحمني بقى و سيبني اخرج من هنا

كارم : ماشي يا جنه حسيبك تخرجي بس استني عندك إياك تتحركي ثواني و راجعلك

قرر كارم يدخل يجيبلها طقم الماظ من الدرج فاكر إنها حتقبل بيه و تننازل بيه عن شرفها و مبادئها او عالاقل تبقى البدايه بينهم يقعد عالمكتب و ضهره للفرانده و يفتح الدرج و يمسك العلبه في ايده و فجأة العلبه تقع من إيده و رأسه تميل على المكتب

تفضل واقفه برة مش عارفه تتصرف تمشي و اللا تستنى طب هو دخل إيه اللي أخره بالشكل ده

تتحرك ناحية المكتب :باشمهندس كارم حضرتك

فجأة تشهق مما رأته

صوت صراخها ملا المكان جرى رجال الأمن على صوت صراخها دخلوا و شافوا المنظر و لحظات و كانت الشرطه وصلت

هو ده كل اللي حصل و الله يا نجلاء انا معرفش هو ازاي اتق.. تل و لا اعرف مين اللي عمل فيه كده هو دخل المكتب مخرجش منه انا غلطانه عارفه اني غلطت بس اعمل ايه انا خفت على اخويا يا نجلاء خفت عليه يحصل له حاجه بسببي انا معملتش حاجه انا خايفه أوي

نجلاء : اهدي يا جنه ان شاء الله يا حبيبتي حتتطلعي منها

كل اللي حكيتيهولي ده حتحكيه لوكيل النيابه و حنستشهد بعزت إنه هو اللي وصلك بنفسه و ان شاء الله المعمل الجنائي حيثبت انك معملتيهاش و إن اكيد حد غيركم كان في مكان الحا.. دث و هو اللي عمل كده

يدخل وكيل النيابه و جنه تحكيله تاني اللي حصل و سبب وجودها عنده و هو يبدأ يوجهلها الاسئله و الاتهامات

قت.. لتيه ليه

جنه : مقت.. لتهوش و الله ما قت.. لته

وكيل النيابه : محدش كان معاه وقت وقوع الجريمه غيرك انتي الوحيده اللي كنتي موجوده في مكان الحادث يبقى مين اللي ق.. تله

جنه : معرفش معرفش و الله ما اعرف أنا قلت لحضرتك كل اللي حصل

وكيل النيابه : للأسف موقفك ضعيف جدا لأن كل الادله بتقول إنك انتي اللي قت.. لتيه

جنه : لاء حرام و الله ما عملت حاجه انا بريئه

وكيل النيابه : مدام جنه هو اكيد حاول يعتدي عليكي و انتي كنتي فحالة دفاع عن النفس صدقيني لو اعترفتي ده حيخفف عنك العقوبه

جنه : حضرتك عاوني أعترف بحاجه معملتهاش انا مقت.. لتهوش و ربنا ما قت.. لته

وكيل النيابه : اكتب عندك يابني يتم حبس المتهمه أربعة أيام على ذمة التحقيق

😥😥😥😥😥😥

يفتح عليه باب مكتبه سريعا : هادي سمعت عن اللي حصل

هادي : إيه اللي حصل

فهد : معقوله مش عارف ده الخبر قالب الدنيا من امبارح بس انا عشآن كنت عند الجماعه و سهرت عندهم مشفتهوش غير الصبح

هادي : و انا كمان كنت عند الباشمهندس معزوم عالغدا و طولت عندهم و رجعت نمت و معرفش حاجه هو خير في إيه يا بني ما تتكلم قلقتني

فهد : فاكر الحفله اللي حضرتها في فيلا شهاب عز العرب و حكيتلي عن اللي حصل بين مراته و كارم العمده. هادي : أيوة طبعا فاكرها

فهد : اهي مراته بقى قت.. لت الراجل

هادي : مراة مين و راجل مين انا مش فاهم حاجه يا فهد متفهمني بالراحه

فهد : مراة شهاب عز العرب قت.. لت كارم العمده

هادي : إيه الكلام اللي بتقوله ده مش معقول طبعا استحاله

فهد : و ليه مش معقوله مش انت بنفسك حكيتلي عن اللي حصل و انها ضربته بالقلم و انه هد. دهم انه حيقضي عليهم

هادي : أيوة بس ده مش مبرر عشان تعمل حاجه زي دي

فهد : أمال فيه إيه مبرر أكبر من كده أكيد عمل لهم مشكله في الشغل راحت قت.. لاه

هادي : يا سلام يعني المفروض ان جوزها بدل ما هو اللي يقوم بالمهمه دي قامت بيها هيا

فهد : يابني افهم الخبر بيقول انها كانت في مكان وقوع الجر.. يمه و انها كانت عنده فبيته يعني لبستها لبستها

هادي : في مكان وقوع الجريمه ازاي مش فاهم معقوله ده معقوله تكون راحت له لحد عنده عشان تراضيه بعد اللي حصل عندهم في الفيلا بس حتى لو راحت تق.. تله ليه

و يفتكر اللي حصل يوم الحفله

فهد : لو مراة شهاب قت.. لت الراجل ده فعلا تبقى قت.. لته دفاع عن النفس

فهد : دفاع عن النفس ازاي و هيا اللي راحت لحد عنده

هادي : عشان هو أكيد حاول يعتدي عليها زي ما عمل في الفيلا

فهد : و الله على اساس انها و هيا رايحه مكنتش عارفه ان ده هو اللي حيحصل و النبي تشيلينيش يا هادي

هادي : مش عارف بس اكيد في سر في الموضوع ده بس انا لازم افهم الحكايه ايه بالظبط

فهد : و ايه اللي يخليك تفهم و اللا متفهمش احنا مالنا اصلا احنا حنتابع الأخبار زي كل الناس و خلاص

هادي : مالنا إزاي يا فهد ده انا المفروض أصلا إني كان اتفاقي مع الباشمهندس اننا حنروحله سوا و احكليه بنفسي عاللي شفته لولا موضوع ذكرى نساني كل حاجه

فهد : أيوة يعني انا مش فاهم انت عاوز إيه دلوقتي

هادي: أنا عاوز أعرف اللي حصل يا فهد لازم أفهم عشان لو في ايدي حاجه اقدمها و اساعدها بيها

فهد :انت بتتكلم و كأنك واثق اوي انها معملتهاش او إنها تكون عملتها دفاعا عن النفس

هادي : أيوة يا فهد أيوة ده اللي انا متأكد منه لأن انت مشوفتهاش انا شفتها و شكلها بيقول انها ماعملتش كده ابدا

انا لازم اتصل دلوقتي بالبشمهندس و اشوف حنعمل إيه يتصل عليه

يونس : أسماء عند مامتها يا هادي هيا على صله بيها من وقت حادثة مامتها و راحت كمان زارتهم مرة مانت عارف اسماء و هيا كمان بتحب مراة شهاب أوي قصدي اللي كانت مراته

هادي : كانت مراته يعني إيه مش فاهم

طلقها يا بشمهندسه بقولك طلقها رماها في محنتها و اتخللى عنها اللي منه لله و حسبي الله ونعم الوكيل فيه كان فالح بس يقول كل شويه بحبها مقدرش استغنى عنها دي روحي اللي الهي تطلع روحه

اسماء : إزاي يعمل كده إزاي انا مش قادره استوعب معقوله شهاب يعمل كده فجنه معقوله يسيبها في أكتر وقت هيا محتاجاه فيه

نجلاء : لاء صدقي يا طنط هو ده اللي حصل و حصل ادامي و ادام الناس كلها أصلا الخبر ملا الدنيا و كل الناس عرفت ان شهاب عز العرب طلق مراته لاتهامها في قضية قتل و أعلن إنه غير مسئول عن اللي حصل و أنه ملهوش أي علاقه بيه كل ده عشان شركته و شغله

اسماء : حسبي الله ونعم الوكيل و جنه عامله إيه يا نجلاء طمنيني عليها

نجلاء : للأسف اتحبست أربع أيام على ذمة التحقيق

ناديه و هي منهارة : يا حبيبتي يا بنتي كان مستخبيلنا ده كله فين بس ياربي بنتي بنتي أنا جنه اللي مبتسبش فرض دي نطقت يارب قبل بابا و ماما تتهم بجريمه زي دي جريمه ممكن توصلها لحبل المشنقه ليه ليه الصبر من عندك يارب ارفع مقتك و غضبك علينا يارب

اسماء : اهدي شويه يا مدام ناديه مش كده

ناديه : اهدى اهدى ازاي و انا بنتي معرفش عنها حاجه قاعده دلوقتي مع الحراميه و القت. الين و اللي عاملين بلاوي سوده هيا جنه حتعرف تتعامل معاهم جنه حتعرف تقول لحد فيهم ابعدي عني متجيش ناحيتي انا خايفه عليها حد يؤذيها

نجلاء : متخافيش و الله ما تخافي انا لية ناس أعرفهم في النيابه و وصتهم عليها و مفيش حد حيقرب لها

اسماء : ادعيلها يا حبيبتي و ان شاء الله ربنا حيفك كربها و حتطلع بالف سلامه جنه طيبه و ان شاء الله ربنا مش حيسيبها

ناديه تنهار من العياط و مهما تحاول اسماء و نجلاء و الاء يهدوها مفيش فايده لحد ما تغيب عن الوعي تماما و مش عارفين يفوقوها بأي شكل و اضطرت أسماء انها تتصل على يونس تقولله يجيب دكتور و ييجي حالا

و قتها طبعا كان يونس عالتليفون مع هادي و فهد قاعد معاه و قفل يونس معاه عشان يرد على أسماء و بعد كده رجع المكالمه مع هادي و بلغه بأنه رايح عندهم و هادي أصر انه حيروح معاه و طبعا فهد قال و انا كمان مليش، دعوة عاوز اروح معاكم فاكرين نفسهم طالعين رحله طب ياخدونا معاهم احنا كمان نطمن على مامتها يعني جت علينا احنا كمان 🤔🤔🤔

• يتبع الفصل التالي اضغط على ( رواية احتواء قلب ) اسم الرواية