رواية الاميرة و المغترب الفصل الثاني عشر 12
بارت 12 🔥🔥🔥
ليليان عار'ية في حضن رجل يدخنان سيجارة من المخد'رات و تنفث دخانها بغيظ بعد أن اقفلت الخط مع ياسين
ليليان بغضب : شايف بيعاملني ازاي ؟؟ ولا كإني حشرة!!
المجهول : اهدي يا حبيبتي مش كدة !! احنا عارفين مين ياسين و انتي كنتي عارفة ان مهمتك هتكون صعبة يعني لازم تكوني أذكى من كدة عشان نعرف نلعبها صح !
ليليان بعصبية : ازاي ؟؟ ما انا عاملة اللي عليا و زيادة كمان و ماشية حسب الخطة !! بس كل ما أحاول اقرب خطوة بيبعد هو عشرة!
المجهول : ياسين مش غبي ...ده ذكي جدا و لماح و بيفهمها و هي طايرة و بيعمل حساب كل خطوة قبل ما يعملها اومال هو ازاي في عمره ده عمل إمبراطورية اكبر عشر مرات من الشركة اللي سابهاله والده ؟؟
ليليان بزهق: ايوة بمعنى !!
المجهول : بمعنى أنه شاكك في الموضوع إياه لأنه لحد دلوقت لسة بيحاول يوصل للحقيقة
ليليان بخوف: معقولة !!
المجهول : اومال فاكراه هيسلم و يتجوزك ببساطة كدة !ليليان :طب و الحل ؟؟
المجهول : تحاولي تقربي منه ...عاوزبن نربطه بيكي اكثر
بس من غير ما تخنقيه .
ليليان بإستفهام : ازاي ؟؟
المجهول و هو بيملس على بطنها بجرأة و بيهمس في وذنها تحملي منه
ليليان : احمل !!! هو بيسيبني اقرب منه حتى عشان احمل ؟؟ ده لوح مش بني آدم !! من ساعة المرة إياها و هو بيتفادى يقعد في أي مكان نكون فيه انا و هو لوحدنا !!
المجهول : حبيبتي يا ليلي ياسين راجل عدى الثلاثين و ليه احتياجات مهما حاول يبينلك أنه مش عايز إلا ما يجي وقت و يضعف و ساعتها يجي دورك بقى تضبطيه !! مش هأعرفك شغلك !
ليليان : طب افرض وقعته مرة و غلط و وافق و بعد كدة ما حملتش منه !
المجهول بضحكة خبيثة: مين قال هتحملي منه بجد !! اومال انا رحت فين يا مزتي ؟؟😉
في المستشفى
فكر ياسين و قال : انا هأسافر النهاردة ...لازم اخذها و ارجع تورنتو حالااااا !!!
خالد : و هتاخذها معاك ليه ؟ ما تتصل بقرايبها دول و تسلمها انت ناقص يعني ؟؟
- جرى ايه يا خالد ما تركز معاي ؟؟ مش انت بتقول خالتها مبلغة عنها ؟؟ اومال كانت في الفندق ليه ؟! و عدت من قدامي تايهة و مش واخذة بالها رغم اني ضربتلها كلكس مية مرة ليه ؟؟
خالد : صح معاك حق نسيت .. طب كدة كثير البنت تعبانة و الرحلة لتورنتو تأخذ 5 ساعات تقريبا بالعربية!
ياسين بتفكير : هي أصلا في غيبوبة مش هتحس بحاجة
خالد : طب انا عندي فكرة..ما تسيبها هنا في أي مكان و تكلف لها ممرضة تراعيها و تديها مبلغ محترم لحد ما تخف و يبقى عداك العيب !!
ياسين بغضب : أي مكان ايه بس يا خالد البنت بتموت فوق مش عارف هتصحى امتى عايزني اسيبها لوحدها و اهرب ؟؟ انت مالك النهاردة ؟؟
خالد بتعجب : انت اللي مالك النهاردة!! عمري ما شفتك متلخبط و خايف بالشكل ده !! ده انت ياسين الجبل اللي عمره ما اتهز!!
ياسين بتوتر و هو يفرك شعره الكثيف : ما هو ...ما هو طبيعي اخاف .. لو كنت انت مكاني متدبس في مصيبة زي دي ما اعتقدش كنت هتبقى هادي ! 😥 🙄
خالد : طب يا سيدي ما تزعلش ... انا عندي ليك حل أحسن
ياسين : هااا ..
خالد : لو تأجرلك طيارة خاصة تسافرو بيها يكون أحسن للبنت خصوصا ان معاها كسور ...بكدة توصلوا في نص ساعة بالكثير بدل المرمطة و هأبقى ابعثلك العربية مع موريس
ياسين بغضب :خالد انت عارف موقفي من حكاية الطيران دي 😓 انا هأرجع بالعربية 😤
خالد : يا عم هوما الله يرحمهم و ده كان قضاء و قدر مش معقول كدة !! رجل أعمال ناجح و الكل بيعملك ألف حساب و مع كدة بتخاف من الطيارة و عمرك ما اديت نفسك فرصة تواجه مخاوفك !! ده انت محرم على نفسك بلدك اللي فيها اهلك و ناسك اللي هناك بسبب الخوف الغب'ي ده !!
غمض ياسين عينيه بضيق : انا كدة ما تحاولش معاي و اقفل أم الموضوع ده يا خالد 😓!! خالد: طب ما تزعلش انا عندي فكرة تانية
ياسين : هااا ايه كمان ربنا يستر 😏
خالد بخبث : اسافر انا مع البنت بالطيارة و توصي الشوفير هناك يستنانا اوصلها بيتك و انت بقى توصل براحتك بالعربية ...موافق ؟؟؟
ياسين بضيق :هي كل افكارك عب'يطة زيك كدة ؟؟
خالد بضحك : ليه ؟؟؟ ايه العبي'ط ف كدة؟
ياسين بضيق : هو ايه اللي ايه يا خالد !!! طبعا مش موافق ! البنت مش هتمشي خطوة وحدة من غيري 😤
خالد بمزاح : ايشمعنى؟؟
ياسين بتوتر : هااا... من غير ايشمعنى هو كدة...
خالد بشك : ايوة ليه يعني !!🤔
ياسين بإرتباك : عشان ...عشان انا اللي خبطتها وانا اللي مسؤول عنها لحد ما تخف و اسلمها لاهلها بإيدي
خالد : بس انت كدة بتظلمها معاك ..بتتصرف بانانية و بتحملها مشوار هي مش هتقدر عليه ؟!
ياسين : ملكش دعوة انت قلتلك هي ف غيبوبة و يالا بقى خلص سندويشك و تعالى ورايا انا هاخلص اجراءات الخروج مع الدكتور و تساعدني نحطها في العربية
خالد : ماشي هي في اوضة كام
ياسين : 136
تمام شوية و جاي وراك
مشي ياسين و بقي خالد ينظر الى طيفه بشك: هي ايه حكايتك يا صاحبي !!
في منزل فاتن
فاتن : تقدري تفهمينا انتي بتلفي و بتدوري من الصبح على ايه ؟؟!
سحر بتردد : حاضر ...انا هاقولكم لكن قبل كدة عايزة اتأكد من حاجة
دخلت مسرعة الى غرفة حنان و فتشت في دولابها و اخرجت تلك الحقيبة ...ثم لفت انتباهها كيس هدايا تظهر منه علبة في الرف العلوي فتحتها فصدمت مما وجدت !
وضعتها في الحقيبة و خرجت
فاتن : و آدي الشنطة اهي ..اتفضلي قولي اللي عندك !! .
سحر بجدية :حاضر .. أولا يا ماما حنان بتغير شنطها كل يوم عشان كدة عمرها ما شالت اوراقها و رخصتها من تابلوه العربية و انتي عارفة كدة كويس
فاتن بدهشة : صح !!! انا ازاي فاتتني دي !!!
سحر : ده معناه انها رجعت البيت لسبب تاني
صالح : يعني قصدك هي اللي اخذت الفلوس و فتحت باب الاوضة متعمدة عشان تلصق التهمة بأميرة ؟؟؟ لا انا مستحيل أصدق الكلام ده !!
سحر بأسف: للأسف حنان مش ملاك يا بابا ...و لو تخليني اكمل يمكن تصدقني ساعتها
فاتن : ايه تاني ؟!
سحر : انتي بتقولي انها سابتك و راحت حطت بلاغ بضياع بطاقتها و رجعت لك تاني مش كدة ؟؟
فاتن : ايوة ! و بعد كدة سحبته لما لقتها
سحر: انا حاولت اعرف الحقيقة عشان كدة رحت سألت في مركز الأمن ...بطاقتها عمرها ما ضاعت و لا حطت بلاغ اصلا يوميها ولا سحبته بعدها
فاتن : قصدك ايه ؟؟
سحر: قصدي انتي اللي تقوليلي عليه ...راحت فين الوقت ده ؟؟
صالح : انا حاسس انك عارفة حاجة تانية يا سحر ؟؟
فتحت سحر حقيبة أختها بأسف : بصوا لقيت ايه في دولاب حنان
اخرجت الكيس و اعطته لفاتن فتحته فوجدت اسوارة ذهبية و معها فاتورة بإسم حنان و بتاريخ يوم السرقة
و ثمنها ثمانية آلاف دولار
كان صالح يحمل غضب الكون في عينيه: بنتك لقت فلوس اسوارة زي دي فين يا هانم! !!
فاتن بخوف : و انا ايش عرفني ؟؟!
صالح بغضب : لااااا انتي شكلك مش عارفة حاجات كثير !!!
اخذ صالح الحقيبة بغضب و هو يتفحص محتوياتها فوجد وصل بنكي بنفس التاريخ اخذه و قام و هو ينظر الى فاتن بغضب
- انا دلوقت مضطر امشي عشان متأخر اوي عالشغل بس بكرة هأعرف أصل الموضوع ده و احسن لك يكون الكلام اللي بتقوله سحر ده مش صح...و إلا ساعتها هيبقى ليا تصرف تاني معاكم انتي و بنتك !!! 😤😡
توجه الى غرفته و هو يأخذ تلك العلبة و معها الوصل
ارتدى ملابسه بغضب و خرج
في المستشفى
تمم ياسين اجراءات الخروج بعد أن اقنع الطبيب بصعوبة بضرورة إخراجها و دفع مبلغا اضافيا لقاء موافقته و امضائه لإذن الخروج
وصل الغرفة و كان يهم بالدخول حين وجد خالد قادم نحوه
خالد : هااا عملت ايه !؟
ياسين : الطبيب كان رافض بشدة الحمد لله انه أخيرا اقتنع
خالد بضحك : و اقتنع بكام ان شاء الله ؟؟
ياسين : انت عارف الناس هنا مش بيهمها غير الفلوس ...يا سيدي اخذ ألف دولار و معاهم الف تانية عشان لو اي حد سأل عليها هنا فهي عمرها ما جات و محدش يعرف الإسم ده أصلا
خالد : دايما حويط يا صاحبي ...يالا بينا
كان خالد يهم بالدخول حين اوقفه ياسين بحدة
- حيلك حيلك داخل فين هي زريبة!؟
خالد : هناخذ البنت و نمشي مش ده كلامك؟؟
- ايوة بس انا ندهت على الممرضات هوما اللي هينقلوها
خالد : ااااه قلتلي ...طيب تمام 🤨
في هذه اللحظة خرجت ممرضتين تدفعان العربة مروا بجانب ياسين و خالد الذي صفر بإنبهار
- اووووبااااا !!! مين دي ؟؟
ياسين : دي البنت اللي خبطتها
خالد : ايوة عارف ...قصدي وقعت ف مزة جامدة زي دي ازاي بقى !!! و انا بقول صاحبي ماله مش على بعضه من الصبح ؟؟
ياسين بضيق : ايه الكلام الغب"ي ده يا خالد ما تحترم نفسك !
خالد بضحك : لما كلمتني الصبح كان مفروض تقولي انك خبطت فصاروخ ...مش تقولي خبطت وحدة !!
ياسين بغضب: و بعدين معاك !!
خالد بمزاح: طب ما تتقمصش كدة يالا ننزل وراهم
تحرك ياسين مسرعا و بقي خالد بضحك
و أنا بقول مُصِرٌ انها تفضل معاك ليه ؟؟ ده انت وقعت ولا حدش سمى عليك بقى 🙄😂
في بيت فاتن
بعد ان خرج والدها نظرت سحر مطولا الى الباب ثم قالت بهمس: ماما انا متأكدة ان حنان هي اللي عملت كل ده و متأكدة كمان ان موضوع أميرة ده متلفق و السبب هو دانيال صاحب حنان
فاتن : ايش معنى !!
سحر : فاكرة يوم ما رحنا المول و قابلناهم؟!
فاتن: ايوة ...ليه ؟؟
- من يومها و القذ'ر ده حاطط أميرة في دماغه
فاتن : مش فاهمة
سحر : يعني عايزها يا ماما و بيضغط على حنان عشان توصله ليها بأي ثمن ... والمشكلة انها ماشية معاه فالخط و بتحاول توقعها و انتم صدقتوها و جيتو عالبنت الغلبانة ! 😣
فاتن : سحر انتي بتقولي ايه ؟؟؟
سحر : فاكرة يوم ما راحت معاها عشان مقابلة العمل .. ؟
فاتن : ايوة
سحر بأسف : مكانتش مقابلة ولا حاجة هي كانت واخذاها ليه للاوتيل و كانوا مدينلها مخدر بس انا لحقتها على آخر لحظة و اخذتها المستشفى و ما رضيتش اقولها
ثاني يوم واجهت حنان بكل ده و هددتها تبعد عن أميرة لكن الظاهر هي كانت مرتبة خطة تانية و نجحت فعلا فيها و خلتكم صدقتو ان أميرة ممكن تأخذ فلوسكم
حنان : انا مش ممكن أصدق الكلام ده !! انا بنتي تعمل كدة!! ليه !!!
سحر: قلتلك ...دانيال أكيد بيضغط عليها بحاجة
فاتن : حاجة زي ايه ؟؟!
سحر بتردد: بصراحة ... مش عارفة اقولك ايه
فاتن بعصبية : ما تنطقي !!! تعرفي ايه ؟؟!
سحر بتوتر: حنان على علاقة مع اللي اسمه دانيال من زمان و الظاهر مهددها بحاجة .
فاتن : انتي كذ'ابة !! عشان تبرئي بنت خالتك بتتهمي اختك في شرفها ؟؟؟
سحر : طب انا هأخليكي تتأكدي بنفسك
فاتن : اتأكد من ايه ؟؟
سحر دلوقت هتشوفي
فتحت هاتفها تقلب الفيس الى وجدت حساب شيري
اتصلت بها عبر تطبيق مسنجر و ما هي إلا لحظات حتى ردت
وضعت سحر مكبر الصوت لتسمع والدتها و ردت و هي تشير إليها بالصمت
سحر: الو شيري كيف حالك ؟
شيري : سحر ! بخير و أنتِ ما الاخبار معكِ؟ هل هناك جديد
سحر: لا شيء أردت فقط ان أسألك عن حنان لأن هاتفها مغلق ...اذا كانت معك اريد ان اكلمها من فضلك
شيري : للأسف يا سحر هي ليست معي لقد كنا في قاعة الجيم كلنا ثم افترقنا قبل ساعتين
سحر : الا تعلمين أين ذهبت ؟؟
شيري : لا أعلم .. يمكنك الإتصال بدانيال فقد ذهبت معه بينما عدنا انا و جاكلين باكرا الى منزلها لاساعدها على الإستعداد لموعدها مع صديقها .
سحر بإحراج : شكرا لك يا شيري ...سأعاود الإتصال بها من جديد.
شيري : العفو سحر ..مرحبا بك في أي وقت .
اقفلت الخط و هي ترى الشرار يتطاير من عيني فاتن
سحر بتوتر : ماما ارجوك توعديني انك هتكون هادية مش عايزاكي تنفعلي مهما حصل
فاتن: ايه معناه الكلام ده ! انا متأكدة انها ف عيد ميلاد جاكلين
امسكت سحر هاتفها و دخلت الى حساب جاكلين
- بصي يا ماما ..جاكلين عيد ميلادها عدى من شهرين و نص و ناشرة صور الحفلة اهوم
فاتن : يعني كذبت عليا !!!
سحر: ماما خلينا دلوقت في موضوعنا ! بعدين هنرجع لحنان
فاتن : هو فيه موضوع اهم من ان ب بتستغفلني !!! بقى كدة يا حنان !!! طيب ؟؟؟ ان ما ربيتك من اول و جديد !!!
عند ليليان :
ليليان بتعجب: دي فزورة !! عايزني احمل منه ولا لا ؟
المجهول بلمسات قذ'رة: هو مطلوب يغلط بس و يلمسك تاني .. بعد كدة دي مهمتي انا بقى يا مزتي ...و غمز لها
ليليان : طب ما ممكن يطلب تحليل حمل و DNA ؟
- تكوني ساعتها اتجوزتيه يا ناصحة و ده كل المطلوب.. . قانون الأسرة هنا يديكي نص املاكه بعد الطلاق حتى لو معندكيش ولاد يعني نصيبك مش هيقل عن عشرين مليون دولار نبتدي بيها حياتنا من اي مكان في العالم غير كندا
ليليان بطمع: صح ...معاك حق
ثم فكرت قليلا: طب و افرض رفض يطلقني ؟ هنعمل ايه انا و انت ساعتها؟؟
المجهول بخبث: يبقى احسن !! احنا كدة كدة مع بعض ! هتفرق ايه يعني ؟؟ و لما تزهقي منه بقى هننتقل للخطة B
ليليان : نخلص عليه و أورث كل حاجة ☺️
المجهول : تربيتي يا ليلي ...أحبك و انتي ناصحة كدة !😁
يتبع بقلمي آلاء إسماعيل البشري
الأميرة و المغترب
- يتبع الفصل التالي اضغط على (رواية الاميرة و المغترب) اسم الرواية