رواية غنوة الداغر الفصل الخامس عشر 15 - بقلم ميفو سلطان

 رواية غنوة الداغر الفصل الخامس عشر 15 

البارت الخامس عشر

بدات رحله من العذاب لداغر ومن النسيان لغنوه بدات غنوه تنزوي بعيدا عنه وقد عملت في شركته في احد مكاتب السكرتاريه ولكنها اصرت ان لا يخبر احد علي زواجه منها وهذا شرطها. كانت تذهب للعمل وتعود لتمكث مع ملك كانت لا تري داغر رغم انه لم يغادر حجرتهم فهيا حاولت كثيرا ان تخرجه الا انه تشبث بوجوده كاخر امل لتحن له يوما ما كانت لا تنظر اليه ولا تعيره اي اهتمام وهو يتفنن في التواجد امامها ومحاوله مكالمتها واسترضائها لتتجاهله تماما كان يحترق من بعدها ولكنه يصبر وكان نومه بجوارها يحرقه اكثر واكثر وهيا تتفنن في تجاهله وما يحرقه انها تبعث له اموال اكلها وعيشتها مع الخدم واي طلب تطلبه من والدته.. كان كانه ليس موجودا  منها لتمر ايام واسابيع وشهور وهو منبوذ منها والاكثر تعامله معامله جحود ونكران واشمئزاز ورغم انه يتأذي في مشاعره كرجل الا انه كان يتقبل منها عن طيب خاطر وصدر رحب.كان كلما بدر منه بادره حنان تنهره بعنف وتذكره انه بلا قيمه عندها وهو يصبر ويبتسم لها رغم كل شئ  لتمر الشهور مميته له ويثقل عليها الحمل  وتصبح ايامها الاخيره وهيا قاسيه لا تعيره اهتماما وهو قد هلك وجعا وانفاسه تؤلمه وقربها يحرقه ولكن ليس في يده شئ فهيا تحولت تماما لحائط صد منيع لا تنظر اليه ولا تراه ومهما عمل لا يوجد رد فعل بلاطه ممسوحه. كان يسهر ليله يراقبها ونهاره يراضيها ولكن بلا جدوي جحود غريب كانها جماد لا تراه امامها ليموت داخله ويندم الف مره ويتهالك. فعل المحال ليقربها وهيا صدته بكل انواع العذاب كانت تتالم في وجوده وتحترق لقربه ولكنها اهون عليها ان تنزع احشائها من ان تحن له لتستمر الشهور ليعيش العذاب الوان ويهلك فؤاده  وتمر تسع شهور عذاب عليه اصبح كالمقهور وقلبه قد تهالك تماما.

لياتي يوما عادت فيه متعبه  وتجلس تشعر بالم في ساقيها كانت تجلس علي الاريكه وترفع قدميها من الوجع تريد ان تاخذ حمامها ولا تقوي ليدخل هو ليري منظرها ليتنهد علي ما تفعله بنفسها فهيا عنيده لدرجه الجنون ليتنهد ويذهب ليغير ملابسه ليعود ويجلس علي الفراش يراقبها وهيا تتأوه امامه.. ليقوم ويجلس بجوارها ويهتف.. لحد امتي عندك ده كل حاجه وليها اخر.. انت بتأذي نفسك. 

لتهتف بسخط.. ما اشتكتلكش خليك في حالك. 

ليهتف بانفعال... مانت حالي وخلاص جبت اخري شوفي نفسك وتعبك بتعندي علي مين علي صحتك والبيبي ماتعقلي..

لتهتف وانت مالك انا حره. 

ليهتف بغضب.. لا بقه انا طرشقت من عندك ومانتش حره ليقترب منها ويمسك قدميها لتصرخ بتعمل ايه اوعي سيب رجلي..

ليهتف.. اهمدي رجلك وارمه من الزفت الوقوف ليبدا في تدليكها لتتأوه وتهمس بطل بقه كان يدلك قدميها ولا يستجيب لها لتحس بارتخائها ليقوم ويحملها لتصرخ ليهتف بحزم.. اهمدي شويه بقه وبطلي الحرق ايه وابور. 

لتخبطه... وانت مالك وابور والا زفت علي دماغك انت مالك انت. 

ليريحها علي الفراش ويجلس يدلكها ليهتف طب اكتمي بقه بدل ما اوريكي انا مالي ازاي لتعود الي الوراء فكانت متعبه فعلا َو هو يدلكها بقوه لتتوه هيا من تعبها وتبدا بالاسترخاء لتهمس خلاص كفايه. 

ليهتف... نامي يا غنوه نامي مش هسكت ليظل هكذا. كانت تتوجع وتتأوه فجسدها يؤلمها ليضغط علي عضلاتها لتان اكتر.. ليهمس بحنان بتوجعك يا قلبي ..

لتنزل دمعه من عينها.. وتهمس اه اوي بتوجع.. كانت قد ضعفت وجسدها يأن من الوجع وعملها يرهقها لتبدا حاله من الهدوء تستمتع بتدليكه لتحس به يقوم ويتركها ويغيب لفتره ويعود اليها ويحملها لتصرخ انت بتعمل ايه يا زفت انت.

ليهمس بحزم لمي لسانك ليدخل بها الحمام ويوقفها ويمد يده فجاه يسحب سحابه فستانها لتصرخ وتنكمش ليضعها في البانيو كان الماء دافئا وبه بعض الزيوت والمعطرات ليريحها لتحس بالماء يخدر جسدها ليظل فتره بجوارها ليهمس ارتاحي وغمضي عنيكي لتمتثل له فجسدها يمزقها الما. ليمر وقت مسترخيه لتحس به يعبث بشعرها لتفتح عينها لتجده يدلكه بالشامبو ليهتف اهدي مفيش حاجه لتغمض عينها وهو يدلك شعرها لينتقل الي كتفها لتتململ معترضه الا انه لم يتركها وهيا من الاساس مرتخيه مستمتعه لتحس انها ستنام وترتخي كليا لتقفز فجأه عندما احست بيديه تلمسها لتنظر اليه ساخطه ليضحك.. ايه يا قلبي كنت بصحيكي يا عمري حبيبي كان هينام قلت اناغش القمر.

لتخبطه ماتحترم نفسك بقه ليسحب مياه البانيو ويصب ماءا نظيفا ليحضر لها برنسها ويحملها مره اخري واجلسها عالفراش وذهب واحضر لها كوبا من اللبن الساخن لتشربه وجلس بجوارها وبدا ينشف شعرها جيدا ويمشطه وهيا قد استسلمت فهيا ليس بها نفس لتفعل شيئا ليريحها ويظل يدلك قدمها ليصعد الي ساقيها لتهتف بس كفايه. 

ليهمس خلاص يا قلبي هيرتاحو بس غمضي ونامي كانت شاحبه متعبه ليظل يدلكها بهدوء. حتي تراخت ليمسك يدها ويقبلها ويهمس ارتاحتي شويه..

لتتنهد وتهز راسها كانت قد ارتخت  ليقترب منها ويعدل لها المخدات واراحها بهدوء وقبل خدها لتتنهد ليظل جالسا ماسكا يدها يداعبها وهيا مغمضه لتحس به يتمادي ويلمس رقبتها لتتقفز.وتتأوه. ليهتف براحه الحركه العنيفه غلط..

لتنظر اليه بغضب وهو مبتسم ارادت ان تغيظه لتهتف ممكن شنطتي.. ليقوم ويحضر لها الشنطه. لتفتحها وتخرج منها اموالا كانت تبعثهم مع الخادمات ولم تكن تعطيهم له لتخرج بعض المال وتهتف دول فلوس اكل الشهر َمدت يدها لتضعهم في يده..

ليشد يده بعنف.. كان يحترق من فعلتها ليهتف انت قاصده صح قاصده تحرقيني وتقهريني صح. ما بتصدقي تلاقيني قاعد جنبك مبسوط مايهونش عليكي لا ازاي لازم اطين عيشته.. اعمل ايه قوليلي عشان ارجعك ليا شهور بتعذب مقهور نايم جنبك زي خشب الطربيزه مابحسش ببص عليكي من بعيد زي العيل الصغير قولي انا ماتعبتش ومش هتعب وهفضل عمري كله مستني بس قوليلي اعمل ايه راضي علي اسؤ معامله يتعاملها راجل من مراته قله قيمه واهانه وانا ساكت بقول انا هينتك واستاهل بس لحد امتي قوليلي اعمل ايه شهور شهر ياكل شهر وانا قلبي انهري.. غنوه انا مابلتمسش ليا العذر بس بحبك وعارفك بتحبيني حاولي تسامحي طيب اعمل ايه غنوه احنا علاقتنا ماكنتش لسه اتوطدت وكنا مانعرفش بعض اه غلطت َكان لازم اتيقن واديكي فرصه انت حتي ماحاولتيش تثبتي عكس ده.. اه قلت كلام زباله بس كنت راجل تاني والله كنت راجل تاني غنوه بعدك غيرني والله اتغيرت وبقيت حد تاني.. فهمت يعني ايه حب الحب مش حب بس ورغبه.. الحب امان وسند وضهر والله فهمت الحب ثقه وامان والله وعيت واتغيرت انا كت اهبل واهوج بس بعدك غيرني .. غنوه انا كت هسامح وهراضيكي حتي وانا عارف انك عملتي كده وكنت هموت عليكي يعني كنت هسامح وانا مطعون والله كنت هسامح.. مش لاقي كلام بس اعمل ايه والنبي يا قلبي قلبي اتوجع ليمسك يدها ويقبلها ويهمس والله اتوجعت فوق وجعك الف مره.. راجل مراته بعيد وهيا جنبه بيتمرمط بيه الارض وساكت وراضي مراته بتشتغل وتديه فلوس اكلها دي لوحدها دبحه وانك ماحدش يعرف انك مراتي قهره بحس بالقرف من نفسي لتطرق قليلا ويدخل الكلام الي قلبها فهيا تعامله بابشع طريقه لتغمض عينها لتتنهد ويظل ينظر اليها ليهز راسه بغلب ويقترب ويقبل يدها ويعود ليدلك قدمها بحنان حتي ارتخت  ليهتف... بكره هنروح للدكتور ميعاد اخر كشف ليكي.

لتهب وتهتف.... لا هروح لوحدي.

ليتنهد طب حتي اشوفه هو مش من حقي اشوفه والمسه شهور منعاني اشوفه والمسه نفسي يا غنوه نفسي املس عليه واكلمه.

لتهتف بعنف.. اما ينزل ابقي كلمه طول ماهو في بطني مالكش حاجه عندي..

ليهتف بغلب.. ليه يا قلبي مش ابوه مش من حقي اطمن عليه مش من حقي اكلمه.. طب ليه منعاني انت زعلانه بتعاقبيني في ابني كمان ومنعانا نعرف هو ايه وتقعدو تشوفو صور السونار وتفرحو وانا ماليش نفس حاسس بقهر اني والله زي اللي مالوش قيمه وساكت وقاطم بس مقهور نفسي ابقي زي الرجاله واشوف وافرح ليه يا قلبي طب اشوفه بالله عليكي بس مره معاكي..

لتهتف.. لا مش هتشوف حاجه انا واحده زباله وجربوعه تشوف جواها ليه اما يبقي ينزلك تبقي تشوف براحتك..

ليتنهد.. طب اشوف لبسه طيب بتشتري الحاجه وتخبيها ليه هو انا كلب خايفه منه جربه.. اشوف هدومه طيب المسها يا غنوه انت زلاني وانا ساكت بس ده حقي.

لتصرخ.. لا مش حقك ومالكش حق عندي حقوقك خلصت من زمان انت بالنسبالي ولا حاجه تشوفه ليه اول ما ينزل تبقي ابوه صفتك بالنسبالي لسه ماجتش انت بالنسبالي مت واندفنت.

ليطرق وجهه بقهر.. ماشي يا قلبي اعملي ما بدالك مانا استحق انت لسه ماحستيش اني اتغيرت ولا حسيتي اني بقيت حد تاني هفضل صابر لحد ماتحسي اني اتغيرت  واستحق اني ابقالك حبيب وسند لاني فعلا ماكتش لا حبيب ولا سند انا فعلا كنت حد مؤرف وارعن كنت فاهم الحب غلط كنت فاهم انه كلام ورغبه وبس.. انا بعترف اني ماكتش راجل ليكي من الاساس ولاعمري كت راجل ليكي بس وعيت وفهمت يعني ايه راجل لحبيب وراجل صح لا يتجبر ولا يفجر في الخصام.. وحقك تعملي كده بس بتمزع ونفسي اشوف ابني واللي ليا شهور لا شفته ولا حسيته ولا حتي فرحت بيه.. دقه قلبه نفسي اسمعها وانت منعاني اشوف الفرحه دي زي مايكون اتكتب عليا ابني يجي و َانا مش حاسس بيه..

لتتنهد وتصمت ليقول طب والنبي قبل مايجي ابص عليه بكره والنبي وحياه ابنك وحياه ملك خديني معاكي و َالله ما هنطق هبص بس..

لتنظر اليه وترق له لتقطب جبينها.. خلاص خلاص انت ايه ماصدقت هنتنيل نروح بكره وابقي شوفه واوعي بقه من وشي عايزه انام.  ليتنهد ويقترب منها ويعاود تدليك رجليها بحنان وهيا قاطبه تفكر فيما فقاد وكيف كانت تنهشه اذا ابدي رغبه في رؤيه الطفل   حتي تعبت  و نامت من تعبها فهيا تعند علي نفسها حتي لا تبدو ضعيفه.. ليقترب منها وظل يراقبها لياخذها في احضانه ليحس براحه اثلجت صدره فمر شهور علي قربه منها شهور تنهره الف مره اذا اقترب منها ليشدد عليها ويتلمسها بحنان ويقبل راسها ويتلمس بطنها بحنان.. وحشتيني يام مخ جزمه اعمل ايه تعبت مداديه بس مهما تعبت هستني القمر لما يحن عليا.. قمري يعمل ما بداله. انا اتربيت والله اتربيت اتسرعت وكنت اهبل وماتيقنتش وجت علي دماغي الانسان مهما كبر بيتعلم وانا اتعلمت واتوجعت اوي بعادك حرقني ونفسي اعيش.. بس اقول ايه قلبك لسه شايل نفسي اخده واطبطب عليه بس انا محتاجك اوي .. ليتلمس وجهها وحشتيني اوي اعمل ايه هعض في الارض والله يا رب حنن قلبها بقه تعبت.شهور مورياني الويل وبتنغز فيا بكلامها وانا مابنطقش وراضي بس تعبت محتاجها اوي ليملس علي بطنها وتنساب مشاعره.. اول مره المسك يا حبيبي اول مره احس اني هبقي اب حبيبي في حضني وانا حاسس بيك كان يتلمسه ليحس بحركه تحت يده لتنزل دمعه من عينه.. انا حاسس بيك يا قلبي يا رب تنزل وينزل معاك الخير والفرح تنزل وتاخد كل الوحش والحزن من قلب امك وتحط مكانه خير الدنيا.. حاسس بيك بتتحرك ليمسح دمعته اول مره يا قلب ابوك انا فرحان اوي ربنا يخليك وتبقي نبت صالح ليقبل بطنها ويهمس قول لماما اني بحبها قولها اني اتغيرت وبقيت راجل استحقها قولها اني ماكتش راجل عن حق وعرفت واتربيت واتغيرت وبعترف بده َمش خجلان اني كت مؤرف وزباله واستحق اتعذب بس ربنا بيسامح وبيعفو ونفسي حبيبتي تعفو.. ليملس علي بطنها.. انا صابر يا قلب ابوك لو قعدتي عمري جنبها بس مستني مش عايز الا انها تكون راضيه وبخير .لينام وهيا في احضانه متشبثا بها كانها روحه. 

في الصباح استيقظت غنوه في احضانه كان متثبثا بها بقوه محتضنا اياها احست انها مكبله كانت قد مر شهور علي ملامسته لها لتحس باريحيه بين يديه لاول مره يخف مقدار الكره بداخلها فرغم انها قويه وعنيده الا انها تحبه وتعترف بحبه ولكن كرامتها فوق ذلك الحب رغم انه سعي كثيرا الي مصالحتها الا انها قفلت حياتها علي نفسها لتتنهد وتتململ كانت تراقبه فهيا ايضا اشتاقت له كانت عيونها مسلطه علي وجهه هائمه احست فجاه بمشاعر قويه تعود اليها وبينما هيا سارحه في وجهه يفتح هو عيونه لينخلع قلبه من سرحانها ليبتسم بسعاده لترتبك و تحاول ان تنفك من بين يديه ليشدد عليها ويقترب منها ويهتف وحشتيني والله وحشتيني..

كانت ترتجف لتهتف بارتباك.. ايه ده ابعد انت فيه ايه.. اوعي بقه عيب كده. 

ليهمس.. برضه وحشتيني اوي والله قلبي بيوجعني ارحميني يا غنوه. 

لتهتف بغضب.. وانا مالي بيك اوعي بقه عندي شغل..

ليشدد عليها.. لا يا قلبي مش خلاص..

لتقطب وتهتف.. خلاص هو ايه اللي خلاص..

ليهتف..... الشغل يا قلبي.. لحد مالقمر يقوم بالسلامه ماعدش شغل انا مش مستغني عن حببتي. 

لتصرخ.. انت مجنون والا ايه هو بمزاجك. 

ليهتف امال بمراج مين..مش جوز القمر ابو عيون قمر. 

لتهتف.. ماتوعي بقه هو ايه ده انت تحفظ ادبك وابعد..

ليضحك لا انا كفايه عليا بعاد والله قلبت لوح خشب منيماني جنبك زي العيل الصغير ابص من بعيد بس انا كده عليا كتير..

لتدفعه وتقف فجاه لتحس بوجع لتتاوه ليقوم مفزوعا ايه فيكي ايه حد يقوم كده لتظل تمسك بطنها ليقترب منها ويحتضنها.. ايه يا قلبي حاسه بايه.. لتحس بحنيته لتتنهد وتبتعد.. مفيش خلاص.. لتتأوه مره اخري ..

ليهتف طب نروح للدكتور.. لتهز راسها ليقول طب ارتاحي وانا هقولهم يجبولك الاكل هنا.. ليقبل راسها ويتركها ويخرج لتجلس تتنهد وتملس علي بطنها لتنساب مشاعرها فمهما قست وبعدت عنه مازالت تعشقه وتحبه لا تعلم كيف اتاها الحنين فجاه ربما وجعها وتعبها كانثي تحتاج لمن يقف ويراعي ويطبطب..وشهور حملها عدت عليها وحيده والمراه تكون في امس الحاجه للدعم لتهلك وتشعر بالحنين له. ليدخل عليها مره اخري ويجلس بجوارها ليهتف.. بصي بقه بعمل احلي سكلانس في الدنيا.. شويه قشطه بقه حكايه لياخذ قطع من الخبز ويبدا صنعه لتبتسم لا اراديا وتنظر اليه بهيام وهو منغمس في فعله وكان يحاول ان لا يسقط شيئا فهو لا يعرف ان يفعل شيئا من اساسه لتبتسم وتكتم ضحكتها وتهيم به لفتره ليرفع نظره لينخلع قلبه من نظرتها فامامه حبيبته التي فقدها من شهور تنظر اليه بحب وهيام ليخفض راسه حتي لا يربكها وتعود الي وحدتها ليهتف.. خلاص اهوه صحيح عكيت الدنيا بس فدا القمر واعطاها الخبز لتاخذه منه وتبدا في الاكل كانت جميله وملامحها لينه بعد ان كانت دائمه العبوس.. ليندفع في الكلام ليهتف.. هتسمي النونو ايه..

لتقطب تفكر.. مش عارفه. بس لو بنت حابه انها تكون نور لو ولد مش عارفه بقه ممكن فارس...

ليهتف حلو كل اللي تختاريه حلو لتخجل وتنظر للاسفل ليهتف.. مريم جايه انهارده ايه رايك نسهر في الجنينه البت قرفاني عايزه تتفرج علي فيلم ايه وهاريه جتته الواد جمال لما بقي اهبل. 

لتضحك وتهتف جمال طيب وبيحبها. 

ليهتف بعشق وعيونه تشع حب.. اه والله بيحبها اوي.. كان ينظر اليها بهيام.. ما كتش اعرف انه بيعشقها كده. 

لترتبك وتهمس ربنا يسعدهم..

لياخذ قطعه اخري من الخبز ويمسك يدها ويضعها فيها ويهمس يا رب نفسي السعاده تخش.. والله نفسي..

لتظل تنظر الي يدها الي في يده وتسرح في ملمسهم وهو لا يفعل شئ سوي انه يحرك يده بحنيه وينظر اليها بحب.. ليهمس بداخله.. يا رب تحن انا قلبي هيقف وهيا عسليه كده.. يا رب يا قلبي تسامحي بقه بجد تعبت.. ليجدها تتنهد وتسرح تحرك اصابعها بين اصابعه وهو مشلول لا يقوي علي الاتيان بفعل اخر.. قلبي يا ناس وهو سرحان وقمر بيملس علي صوابعي هموت واحضنه اعمل ايه طيب.. يا رب ايه اللي هببته في نفسي كنت حمار.. قلبي ده يتحس والله يتحس.. شوف قمر ازاي وعيونه قمر.. ليقطب جبينه ويفكر بشئ ما  ليبتسم فجاه ليه لأ ايه اللي يمنع افرح القمر لتتسع ابتسامته.. ليجدها ترفع عيونها لتراه يبتسم لها بحب.. لتقطب جبينها للحظه لتحس بيده لتنظر الي يده لتشدهم فجاه لتلطخ صوابعها  لتهتف بانفعال ايه فيه ايه

ليضحك هو مفيش يا قلبي والله قاعد اهو مؤدب مابعملش حاجه..لياخذ اصابعها ويتلمسهم بفمه ليزيل اثار القشطه وقلبها يدق لتظل ساهمه لتنتفض لتقطب جبينها وتهتف طب بس بس بلا مؤدب بلا متزفت انت ايه يلا مش خلصنا اكل قوم ومش عايزه منك حاجه..

ليتنهد ويهتف.. مفيش فايده مبرد ربنا رزقني بمبرد.. حاضر يا عمري وقام وتركها وانزل الصينيه وعاد ليغير ملابسه ويعود اليها ليهتف حبيبي عايز حاجه..

لتقطب جبينها.. بقولك ايه بطل بقه طريقتك دي ايه ده مش كنا في حالنا. 

ليضحك لا انت كتي في حالك انا ماكتش ومش عايز اكت والله ليقترب منها ويمسك يدها ليقول.. هنزل اسخن العربيه لما تحضري نفسك ومستنيكي تحت عشان الدكتور. وتركها وقبلها سلام يا واجعه قلبي. 

لتظل هيا جالسه لتضع يدها علي خدها وتسهم قليلا.. لتهتف هو مالي انا جرالي ايه والا دي هرمونات حمل مالي قلبت كده واي حركه بسيح وقلبي بيدق مانا كت كويسه وبعض فيه ايه اللي جري دا غلب ايه ده.. انت اتهبلتي.. اعقلي بقه.. لتتنهد بس هو حنين اوي وبقاله كتير بيصالح فيا وانا باكله وابور زي مابيقول مابعرفش ابقي زفت ست والستات معاه في المكتب هيموتو عليه عبوشكلو حلو ومز جتو نيله ايه ده والسحالي رايحين جاين وانا كت باكل روحي اه والله طالع عليا مالكش دعوه بيا وماتعرفهمش اني مراتك.. جتك مصيبه ما يعرفو جايز يتلمو يا غبيه.. اهو رايح الشغل زي بتوع السيما وانت قاعده بكرش اهوه وطخينه.. لتتنهد وتظل تهز في قدمها.. لا انا هنقهر كده انهبلت فين غنوه اللي مابيهمهاش.. اه هيا هرمونات زفت علي دماغي وهعقل.. وارجع اعض فيه..لكنها سرحت في قبلته مره اخري ووضعت يدها علي خدها.. كان داغر قد نسي شيئا ليعود ليفتح الباب ليجد من عشقها ووجعت قلبه تضع يدها علي خدها وتبتسم بحالميه ليقف متصنما.. قلبي ياني حبيبي سرحان قلبي هيوقف طب استخبي فين عايز اتفرج واتوه في القمر.. واحشني يا قلبي والله واحشني.. ليدخل بهدوء ويقترب منها ويتطرف الكنبه وهيا حالمه ليقترب بهدوء ويمسك يدها الاخري يتلمسها بشفتيه لتبتسم بحالميه ليقترب اكثر ويضع راسه في عنقها يتلمسها بحب وقلبه سيخرح من مكانه لتحرك راسها بهدوء ليهمس بحبك هموت كده اعمل ايه.. ليبتعد لتنظر اليه وتهمس بتوهان.. هاه..

ليتصاعد دقات قلبه ويعلو صدره.. هاه ايه والله ماعت قادر كتير عليا لينحني يلتقط فمها بشفتيه ليحس بنعومتهم ويحس ان قلبه سيقف لترتعش شفتيها ليزيد من قبلته لتستجيب له ليشدها اليه.. ليظل يهيم بها فتر ه ليبتعد اخيرا وقلبه يصرخ من رغبته وعشقه.. ليقبلها قبلات متفرق.. ليهمس طب هتفضلي كده ههجم عليكي ابهدلك لتبدا في استعاده وعيها لتدرك ما حدث بينهم لتدفعه بعنف لتحس بوجع لتصرخ وتضع يدها علي بطنها.. ليهمس ايه ايه مالك يا قلبي..

لتهتف بغضب اخرج اخرج لاسود عيشتك..

ليتنهد ويبتسم حاضر والله حاضر بس اهدي وانت قمر ومحمريه كده..

لتصرخ بقلك اخرج والله اقملك وحدفت فيه المخده..

ليضحك ويهتف طب خلاص كل ده من بوسه براحه يا جامد يابو شفايف قمر ليقف ويبتعد وهيا تغلي ليبعث لها قبله في الهواء ويرحل والسعاده تشق قلبه.

لتقوم َتحضر نفسها َو هيا تشتم نفسها.. بت واقعه بهرمونات زفت ماتتلمي بقه...

نزلت غنوه وذهبت معه الي الطبيب ليدخلا ويبدا الطبيب في الكشف عليها وبدا في عرض صور الطفل امامه ليسلط داغر عيونه علي طفله ليراه لاول مره لتدمع عيناه ويقترب من الشاشه ويتلمسها بحب. وهيا تراقبه وتتنهد علي فرط مشاعره ليقترب ويمسك يدها ويقبلها ليهتف شوفي يا غنوتي شكله حلو ازاي لينخرط يسال الطبيب و َالطبيب يجيب والفرحه لا تساعيه ليطلب من الطبيب صور للطفل لياخذهم اخيرا ويتلمسهم بحنان ويظل يقبلهم وهيا تراقبه وتحاول ان تمنع مشاعرها من الخروج.. لينتهي الطبيب ليندفع يساعدها والسعاده تغمر قلبه كان كالطفل الصغير الذي كافأته بحلوي تمناها لشهور لياخذها وينزلا َهو مندفعا في الكلام بمرح علي الطفل ليقف بها امام احد المحلات الكبري.

لتهتف انت موقفنا فين..

ليهتف بسعاده انزلي بس والنبي ما هنقعد كتير..

لتنزل معه مستسلمه لحاله النشوه التي تلبسته ليدخل بها الي قسم الاطفال ليدو ويختار ملابس للطفل وهيا جالسه تنظر اليه كان يحضر لها ويستشيرها وهيا تختار كان لاول مره منذ شهور تدخل الفرحه قلبه مشعا سعيدا عيونه تلمع من الفرحه لتراقبه بحب لاول مره فقد صعب عليها وحنت اليه لياتي ويهتف بصي ايه رايك واحضر لهم طقم ثلاثي تي شيرت لها وله وللطفل عليه نفس الروسومات وظل يجربه ويفتعل حركات مضحكه ويمسك احد العرائس وهيا تضحك عليه كانا كعائله لاول مره ليقترب منها ويشدها لتقف امام احد المرايا ووضع التي شيرت عليها وهو يلبس التي شيرت ليظل ينظر اليها لتنزل دمعه من عينه ويحتضنها من الخلف ويهمس شكرا يا قلبي انت عيشتيني فرحه انا ماستحقهاش لتنظر اليه في المراه وتتعلق عيونهما ليمد يده لاول مره ويضعها علي بطنها ويتلمسها بحنان وهو عيونه لا تفارق عينيها لتضع يدها لا اراديا تتلمس يدها بحنان ليظلا هكذا لفتره ملاصقا لها يتلمس بطنها ومحتضنا اياها وعيونه تلمع من الدموع والفرحه ستخلع قلبه.. وهيا هائمه في مشاعرها ليقبل راسها ويهمس بحبك اوي.. لتتنهد وتتلمس يديه علي بطنها..

ليهمس حبيبي وروحي ودنيتي..

لينغزها عقلها ان لا تسترسل في الهيام لتبتعد مره واحده وتقطب جبينها لينتظر ان تحدفه بكلامها لتهتف.. مش خلاص فرحت ولعبت وانبسط يلا روحني بقه بلا كلام فارغ  وفضا وتركته ورحلت.. ليظل واقفا والغلب ياكله ليتنهد.. اقول ليه مش لاقي حاجه غير اني اقول يا رب واطلبها من ربنا وبس.. لينصرف ورائها مره اخري ليعود بها الي المنزل. 

عند مريم وجمال كان جمال يقف يعدل ملابسه لتقترب منه مريم بدلع وتهتف.. جيمي قلبي..

 ليتنهد ويحتضنها حبيبي اللي مغلبني..

لتخبطه كده يا جيمي اخص عليك..

ليهتف.. يا مريومه انت بقيتي زنانه وانا تعبت..

لتقبله يعني مانفسكش في بيبي صغنن يربطنا ببعض..

ليتأفف تاني مريم خلاص بقه انت سيبينا شويه حبيبتي انا مالحقتش اشبع منك يا قلبي..

لتهتف بغلب ماليش دعوه انا عايزه نونو..

ليهتف بحزم مريم خلاص خلصنا مش كل يوم نفس القصه .. ليكمل لبسه وينصرف وتقف مريم مقهوره.. لا بقه ايه الافترا ده..والله ما هسكت..انا خلاص وربنا يستر. 

نعود لغنوه.. نجد مريم تدخل  وتهتف.. اهلا يا قوووم انا جيت اقيمو الافراح..

لتضحك غنوه يا بنتي بقه بطلي لسع..

لتضحك مريم بطلي يام كرش خليكي في حالك..

لتتنهد غنوه وتجلس صامته.. لتقطب مريم مالك يا بومه..

لتهتف غنوه مفيش كانت غنوه قد التصقت بمريم. علاقتهم توطدت بشده لتفهم مريم ان بها شئ لتغمز لامها.

لتهتف ناديه طب هقوم اشوف الاكل خلصوه والا للسه ودخلت وتركتهم لتقترب مريم.. ايه مكشره ليه انا جايه اهيص تقليبهالي غم. 

لتهتف غنوه مندفعه.. مريم هو انا بقيت طخينه اوي يعني شكلي وحش..

لترفع مريم حاجبيها.. وحش ايه انت هبله.. انت عسليه.. ما الحامل لازم تتخن دانت قمر..

لتبتسم غنوه بجد يا مريم والنبي لسه حلوه

لتهتف مريم لا دا فيه ان بقه لتتربع وتهتف يلا اشجيني الالحان مالك فيكي ايه..

لتطرق غنوه هاه لا مفيش. 

لتهتف مريم.. يا بت دانا عجناكي وخبزاكي..

لتهتف غنوه هقلك بس ماتفهمنيش غلط.. انا بس مش عايزه شكلي يبقي وحش قدام الناس والبيه اخوكي السحالي بتعدي عليه طول النهار وطبعا انا طخينه وبكرش..

لتقطب مريم.. اعدمك لو فاهمه حاجه سحالي ايه االي بتعدي علي اخويا.. شفتي سحالي معديه عليه.. يا لهوي وما خافش..

لتقطب غنوه.. بت انت غبيه بقلك ستات سحالي كل شويه رايحين جايين وكده. 

لترفع مريم حاجبيها.. انتي مش تقولي ان القصه فيها غلايه.. يا دي الهنا قولي قولي اخيرا ابو الهول حس..

لتخبطها غنوه غلايه ايه يا بت..

لتهتف مريم اللي والع. شايط قدامي اهوه وحس اخيرا بالسحالي اللي هتلف علي اخويا.. وانت عارفه الرجاله هبل اي برص معدي بيقعو اساليني معايا واحد بديل بس انا قطعتهوله..

لتنفعل غنوه.. ايه بت انت فيه سحالي بتلف علي اخوكي نهاره اسود..

لتنظر مريم بخبث.. اسكتي انت قاعده في المكتب جوا مابتشفيش.. خدي عندك.. البت الصفرا نجلاء بتاعه الاجتماعات عينها منه والبت الحربايه فظيعه موت البت سالي بتاعه قسم الهندسه دي بقه هريا الواد اخويا.. دخلت مره لقيتها قعداله عالمكتب تصدقي البجحه وموطيه ونص صدرها بره..

لتحس غنوه بالغليان.. ايه ايه نهارها اسود ايوه بشوفها كتير في الطرقه بقي كده َالبيه طبعا مبسوط مش خلاص اديتله سكه وقلتله شوف حالك ولا همه العيل اللي جاي..

لتهتف مريم.. هما الرجاله كده توسعيلهم ديلهم يشتغل.. يلا هو حر يبلعهم يقرقشهم المهم مزاجك انت بلا رجاله بلا بتاع دا حتي خنقه اسكتي دانت في نعمه..

لتنحسر غنوه.. لا مش حر هو يحترمني ايه ده انا مراته عبوشكله بتاع السحالي اسمها ايه.. اه سالي.. بتاع سالي يتلم لاشقه واروح اشقها. اااه بطني الله يخرب بيوتهم هيولدوني محصوره..

لتهتف مريم بخبث وانت مضيقه ليه يا قلبي. ما يروح. 

لتخبطها غنوه يروح فين يا زفته ويسيب ولاده عبو شكلك انت كمان..

يا بنتي مانت جنب ولاده فكك فكك الرجاله مابتربطش بالعيال الحب يا قلب مريم هو اللي بيربطهم.. يلا الله بسهلو اخويا

لتصرخ غنوه.. قومي يا زفته جتك نصيبه مين اللي يسهله بت بومه غوري من قدامي..

لتقوم مريم لا انت لسعتي مش كت عاقله وقاعده تربيله عياله.. ماتسيبه يشوف حاله.. يلا هقوم اشوف امي واجيلك عايزاكي في موضوع..

لتجلس غنوه محصوره.. يا سوادك يا غنوه يشوف حاله العيل لسه ماجاش ودا عايز يشوف حاله.. اه مانا زي الهبله بربيله عياله.. وبعض وبومه وطخينه وبكرش وهناك سحالي.. والزفته اخته تقلي يشوف حاله.. شافه عفريت له عين بعد قله ادبه مش يجي يقعلدلي ويتحايل لما يفطس يروح يهز ديله طيب يا داغر والله لاطين عيشتك.. وظلت تاكل روحها علي ما ظنته واوهمتها مريم به..

عند داغر وجمال جلس جمال مهموما يتذكر شجار مريم الدائم معه عن انجاب الاولاد فهو يريد ان ينتظر قليلا فهم ما زالو في اول زواجهم ولكنها تنفعل عليه وتظن انه لا يريد اولادا.. لياتي لداغر الذي يجلس حالما يتذكر لمسات حبيبته ليهتف جمال.. اش اش اش.. الغزاله رايقه

ليقطب داغر.. يا ساتر يا بومه ماتتنيل تهمد انا ناقص ولا هقر عليك مانت راشق في العسل نازل حب وسحسحه لما انهرينا وانقهرنا وانا قاعد اعض في روحي. 

ليهتف حب وسحسكه.. اختك فقعاني خناقه انهارده جابت اجلي ومخصماني ومابتردش عالتليفون. 

ليضحك داغر مانت اللي خفيف وكل دققتين بتكلمها عيل واقع..

ليهتف جمال لا حوش حوش وانت اللي عاقل دانت بتلف حوالين البت زي الدبَور..

ليهتف داغر يعني بيحوق...

ليهتف جمال. هيحوق انا عارف النسوان الزن بيجيب.. ذائد شويه شعلله هتلاقيها حنت. 

ليهتف.. مين غنوه.. غنوه قطر شارد لوحده..

 ليهتف... جمال واللي يخليهالك تنخ تعمل ايه..

ليهتف.. داغر... ابوس وش امه..

ليهتف... جمال لا تصالحني عالبومه اختك. 

ليهتف... انت اهبل يا جمال مانت بتعرف تصالح..

لبهتف جمال. لا ما الزفته اختك قالتلي مش هتبات معايه هتبات عندكو وانا بقه قلتلها اتفلقي من كتر الدلع فزعلت. 

ليهتف داغر.... وربنا انا حاسس انكو في الحضانه.. ماتعقل كده وتهاود البت ماتجيب عيل انت هتعجز يا واد انت جرب العيال نعمه..

ليتنهد جمال... خايف اللي انا فيه والسعاده تخف َانا ماستحملش. 

ليهتف داغر.. مريم حنينه يا جمال وبتعشقك اعقل كده ومشي امورك الست ممكن بكلامك ده تنجرح وتحس انك مش عايز تتربط بيها..

ليتنهد جمال... لا والله دا روحي.. عموما بص انهارده هنباصي لبعض انت تصالحني وانا اولعلك في مراتك. 

ليهتف داغر.. ولا انا مش ناقص بلاوي اوعي تطينها..

ليهتف جمال.... قوم بس اطين ايه اسمع مني انت مالكش في شغل النسوان انا دايس وعارف..ان ما جبتكلك مراتك علي بوذها دانا جمآل بتاع النسوان تقابل بقه.. قوم قوم اما اولعلك فيها..

ليبتسم داغر... بجد يا واد

ليهتف... عيب عليك دا انا كت بديل كبير بس اختك قطعتهولي. تعالي بقه هقلك هعملك فيها ايه وينخرط يخبره مخططه ليبتهج داغر و يبتسم .. ويهب مسرعا..اوعي الجمدان ابوسك يا كبير.. بديل يا واد عن حق.. ليتنهد منتظرا رد فعل زوجته.. ويهتف... قلبه يا ناس اشوفك متلوع وجايلي هيمان... . جايلك يا وحش..

  •تابع الفصل التالي "رواية غنوة الداغر" اضغط على اسم الرواية