رواية متمرده عشقت كبرياءه الفصل السادس عشر 16 - بقلم دودو محمد
فى الجامعه عند مها
خلصت محاضرتها وخرجت من الباب الجامعه وكان اسر مستنيها
مها :- اسر بتعمل ايه هنا
اسر :- لا ولا حاجه بتشمس بس
مها :- ده ايه الخفه دى
اسر :- هكون بعمل ايه مستنى حضرتك
مها :- وتعبت نفسك ليه ما انا كنت هركب تاكسى
اسر :- ودى تيجى برضه تركبى تاكسى وابن عمك موجود اركبى يلا
مها :- اممم مش عارفه اودى جمايلك فين الصراحه وركبت جمبه فى العربيه
اسر :- عدى الجمايل بقى
مها :- اساسآ لازم انت تشكرنى
اسر :- ليه ان شاءالله بقى
مها :- علشان بتواضع وبركب عربيتك
اسر :- لا والله انزلى ابت مش هوصلك وروحى اركبى تاكسى بقى
مها :- حبيبى ااسور
اسر :- فرح بالكلمه دى وقال بجد
مها :- اه طبعآ مش اخويه حبيبى
اسر :- اتصدم وقال اخوكى
مها :- اه اخويه
اسر :- اتعصب وشغل العربيه ومشى من غير ولا كلمه
مها :- استغربت من تغير حال اسر بس محاولتش تسألو عن السبب
……………………………………………………
فى شقة فهد
كانت مليكه قعده فى الاوضه لوحدها ومخرجتش منها نهائى
فهد :- خبط على باب اوضتها وقال مليكه انتى نمتى
مليكه :- من وراه الباب لا
فهد :- طب ممكن تطلعى عايزك
مليكه :- لا مش عايزه اشوف وشك
فهد :- بلاش تعصبينى علشان ما اكسرش الباب وادخل وساعتها مش مسئول على اللى هيحصل
مليكه :- فتحت الباب وربعت ايديها على صدرها وقالت نعم
فهد :- اكلتى
مليكه :- ملكش فيه
فهد :- ردى عدل بدل ما اعدلك انا
مليكه :- والله هو ده اللى عندى
فهد :- اللهم يطولك يا روح
مليكه :- لا بعد الشر اللهى تقصر روحك علشان ارتاح منك بقى
فهد :- مليككككككككه متعصبنيش
مليكه :- عايز ايه منى سبنى فى حالى قعده فى اوضى
فهد :- اكلتى
مليكه :- مليش نفس
فهد :- يلا علشان تاكلى
مليكه : – قولتلك مش عايزه اطفح
فهد :- قرب منها ومسكها من درعها وقال انتى ايه حكايتك شكلك عجبك اللى حصل امبارح بتحاولى تستفزينى علشان يحصل تانى صح
مليكه :- ا.ا.اوعى كده متلمسنيش
فهد :- لو عايزه انا تحت الطلب هعيشك ليله ولا الف ليله وليله مش هتنسيها عمرك
مليكه :- انت بنأدم قليل الادب ومش متربى
فهد :- الصراحه فى دى عندك حق وتعالى اوريكى قلة الادب
مليكه :- لالالالا اياك
فهد :- هتتعدلى ولا انتى عارفه
مليكه :- هزت راسها بمعنى اه
فهد :- ايوه كده شطوره هتروحى تحضرى الاكل وهتاكلى معايه
مليكه :- م.م.ماشى
فهد :- ولو انى كنت بتمنى انك ترفضى علشان كنت عملت
مليكه :- زقته وطلعت تجرى على المطبخ تحضر الاكل
فهد :- ههههههههههههه وخرج من الاوضه وراح وراها المطبخ
مليكه :- ا.ا.انت جاى ورايا ليه
فهد :- براحتى اجى فى اى مكان انا عايزه
مليكه :- هوف بقى وحضرت الاكل وهى مرتبكه
فهد :- قعد يتفرج عليها ويضحك على ارتبكها
مليكه :- ممكن اعرف انت بتضحك على ايه بقى
فهد :- الله انا حر اضحك زى ما انا عايز
مليكه :- يووووه بقى ممكن تطلع من المطبخ
فهد :- لا
مليكه :- مسكت الاطباق وراحت تحطها على السفره بس اتكعبلت ووقعت على الارض والاطباق وقعت بالاكل على الارض
فهد :- ده انتى طلعتى خيبه خالص
مليكه :- مش انت اللى واقف ربكنى ومخلينى مش عارفه اعمل حاجه
فهد :- دى حجه من واحده فاشله زيك
مليكه :- والله العظيم انت اللى فاشل وستين فاشل مستفز
فهد :- مد ايده وقال قومى
مليكه :- لا شكرآ مش محتاجه مساعدتك وجت تقوم معرفتش بتقع تانى من الاكل اللى واقع على الارض
فهد :- ههههههه ما قولتلك اساعدك
ومد ايده تانى ليها
مليكه :- مدت ايديها ليه
فهد :- شدها ليه جت فى حضنه
مليكه :- اتكسفت وحاولت تبعد عنه
فهد :- شدها اكتر ليه وبص فى عنيها وقرب على شفايفها ولسه هيبوسها
مليكه :- زقته وقالت اياك تفكر تعملها تانى اوعى تكون مفكر علشان انا مراتك هيبقى مسموح ليك تلمسنى لا خلى بالك انا لما وافقت اتجوزك وافقت علشان خاطر جدتك واستاذ باسم مش اكتر من كده وزقته ومشيت على اوضتها
فهد :- خبط بأيده على الحيطه وقال غبى غبى خليت واحده زى دى ترفضك انت واحد ضعيف قصاد رغباتك وفى الوقت ده جرس الباب رن
راح فهد عند الباب وفتحه وقال
فهد :- مروه ماما خير فى ايه
سهير :- جيت انا ومرات اخوك نبارك ليك فيها حاجه
فهد :- اه فيها لما سهير هانم تتنازل وتيجى شقتى المتواضعه علشان تبارك ليا ولمراتى اللى هى بتقول عليها بيئه ولوكر يبقى فيها حاجات كتير اوى
مروه :- جرى ايه يا فهد باشا مش ناوى تدخلنا ولا ايه
فهد :- وسع ليهم الطريق ومنطقش ولا كلمه
مروه وسهير :- دخلو وبصو على الشقه
سهير :- امال فين مراتك
فهد :- فى اوضتها
مروه :- هههههه شكلنا جينا فى وقت مش مناسب يا طنط
فهد :- الصراحه اه
سهير :- طب ايه الهانم مش هتتنازل وتيجى تسلم علينا
فهد :- ثوانى هدخل ابلغها ودخل الاوضه وقفل الباب وراه
مليكه :- ا.ا.انت داخل هنا ليه وقفلت الباب وراك ناوى تعمل ايه اياك تقرب منى
فهد :- شششش ماما ومرات فارس بره جاين يباركو لينا مش عايزين يعرفو حاجه يعنى قدمهم احنا اسعد زوجين ماشى
مليكه :- وهو فى حد يجى لحد من غير استأذان كده
فهد :- اهو ده اللى حصل يلا اطلعى معايه وافردى وشك كده
مليكه :- هووف على الشبكه السوده اللى الواحد فيها بقى يلا يا اخويه
وخرجت مليكه مع فهد وهى بتحاول تضحك وحطه ايديها فى ايد فهد
مليكه :- اذيك يا طنط وبصت لمروه وقالت اذيك يا سورى اسمك ايه
مروه :- بغيظ اسمى مروه بس مالك كده وشك بهتان وباين عليه ان هو مرهق خالص
فهد :- هههه ما انتى كنتى عروسه وعارفه بقى وبعدين من حبنا لبعض مش بنرضى ننام علشان بنوحشه بعض
سهير :- بغيظ والله ربنا يهنيكم يا حبيبى بس ابقى اكلها احسن دى خلاص هتختفى خالص مفهاش جسم
مليكه :- شكرآ ليكى يا طنط على اهتمام حضرتك بيا
فهد :- قعد وقال تعالى يا ملوكه اقعدى جنبى
مروه :- شدتها وقالت لا خليها قعده جمبنا ما هى قعده معاك علطول
مليكه :- وجعتها شدت مروه ليها بس حاولت تدارى وضحكت وقالت م.م.منورنا والله
فهد :- تعالى يا لوكه نحضر حاجه ليهم
سهير :- ها لالا خليها جمبى قومى انتى يا مروه ما هو زى بيت اخوكى برضه ولا عندك مانع يا مليكه
مليكه :- ل.ل.لاطبعآ البيت بيتها
مروه :- ممكن بس يا فهد تيجى تورينى فين المطبخ
فهد :- داس على سنانه وقال اه طبعآ
وقام فهد ودخل مروه المطبخ
مروه :- مسكت فهد وحضنته وقالت واحشتينى يا فهودى بقى هى دى اللى جبتها علشان تقدر تنسانى بيها
فهد :- زقها وقال احترمى نفسك انتى دلوقتى مرات اخويه وام ابنه وانا الصراحه بحب مراتى اوى دى ضفرها برقبتك
مروه :- قربت عليه تانى وقالت هههههههههه انت بتضحك على نفسك ولا بتضحك عليا انت لسه بتحبينى انا
فهد :- زقها وقال متحلميش كتير انا دلوقتى راجل متجوز وبحب مراتى وانتى ياريت تكونى محترمه لو مره فى حياتك وحافظى على جوزك وابنك
مروه :- لالا انا هطلق من فارس وانت طلق مليكه وتعالى نتجوز زى ما كنت هتعمل زمان فاكر
فهد :- لا مش فاكر وانا نسيتك ونسيت ايامك ومش فاكر غير ايامى مع مليكه
مروه :- حضنته وقالت لالالا انت بتقول كده بس علشان تغظنى وترد ليا الوجع اللى سببته ليك زمان بس انت لسه بتحبينى انا وقربت على شفايفه ولسه هتبوسه
فهد :- زقها وقال انتى ايه يا شيخه شيطانه مش عامله حساب ان انا اخو جوزك وعم ابنك احترمى نفسك لو مره فى حياتك وسبها ومشى
مروه :- ماشى يا فهد لسه الجوله فى اولها بس فى اخر الجوله انا اللى هفوز بيك وعملت عصير وطلعت من جيب بنطلونها شريط برشام وحطت حبايه فى الكوبايه وحطت العصير ومسكت الصنيه وخرجت من المطبخ ووزعت العصير ومسكت الكوبايه اللى فيها الحبايه واديتها لمليكه
مليكه :- شكرآ تعبتك معايه
مروه :- تعبك راح يا حبيبتى وياريت نكون اصحاب
مليكه :- اه طبعآ ياريت والكل شرب العصير
سهير :- بص بقى يا فهد مرات اخوك كلمتنى وحلفتنى ان ارجعكم الفيلا علشان تبقى انت واخوك مع بعض وانا جيت اقولك انك تجيب مراتك وترجع الفيلا
فهد :- معلش يا ماما انا مرتاح هنا فى الشقه
مروه :- طب وانت تاخد الرأى من دماغك ليه ما تسأل مراتك يمكن ليها رأى تانى
فهد :- بغيظ لا مراتى رأيها من رأى
سهير :- ايه رأيك يا مليكه فى كلام جوزك بس قبل ما تقولى رأيك خليكى عارفه لو وفقتى على كلامه يبقى بتحرمى ام من ابنها
مليكه :- بصت لفهد وقالت خلاص يا فهد بقى نروح نقعد فى الفيلا علشان خاطر مامتك متزعلش
فهد :- لنفسه غبيه لو تعرفى هما ناوين ليكى على ايه مكنتيش وافقتى
سهير :- ها يا فهد ايه رأيك
فهد :- بس مش هينفع اليومين الجاين
سهير :- ليه بقى
فهد :- رايحين الغردقه
مروه :- بغيظ واو انتو هتقضو Honeymoon هناك
فهد :- اه هنقضى Honeymoon هناك واتحيلت عليها اسفرها تقضى ال Honeymoonفى باريس بس هى مصممه تقضيه فى الغردقه
مروه :- بغيظ ده انا نفسى اروح الغردقه ولسه كنت بقول لفارس
سهير :- طب والله فكره تعالى نروح كلنا الغردقه نقضى يومين هناك
مروه :- بلؤم احسن ما مليكه وفهد يضيقو ولا حاجه يا طنط
سهير :- هنضيقك لو روحنا كلنا معاكى يا مليكه
مليكه :- لا طبعآ يا طنط انتو تنورونا
مروه :- انت يا فهد ايه رأيك
فهد :- بغيظ ما انتو خلاص عزمتو نفسكم هقول ايه
سهير :- انتو هتروحو امته
مليكه :- انها
فهد :- قطعها وقال بكره بليل
مليكه :- استغربت وقالت مش انت قولتلى
فهد :- قطعها وقال قولتلك بكره بليل
مروه :- هنيجى نطلع معاك
فهد :- لا خلى فارس يجبكم علشان باسم هيركب معايه
سهير :- خلاص ماشى
مروه :- اتغاظت من رفض فهد ليها تركب معاهم العربيه وقالت بس فارس ممكن ميكنش فاضى
سهير :- مش مهم يا مروه لو كده نبقى ناخد السواق
مروه :- بغيظ اللى تشوفيه يا طنط
فهد :- شد مليكه ونايمها فى حضنه وقال تعالى يا قلبى فى حضنى اصلك واحشتينى اوى
مروه :- اتغاظت وقالت شكلك كده عايزنا نمشى ههههههه
فهد :- اصل امبارح منمناش طول الليل
سهير :- هههه ربنا يسعدكم يلا يا مروه نمشى بقى ونسبهم براحتهم
مروه :- م.م.ماشى يا طنط وقامت وهى متغاظه ومشيت مع سهير
مليكه :- مكنتش حاسه بالدنيا وهى فى حضن فهد وحست براحه غريبه
فهد :- استغرب من مليكه وهى لسه نايمه فى حضنه وقال هههههههههه هو حضنى حلو اوى كده
مليكه :- انتبهت لصوت فهد وقامت من حضنه واتكسفت وقالت ا.ا.انت يا بنأدم ازاى تحضنى كده انت واحد وقح
فهد :- ده على اساس انك مكنتيش مرتاحه فيه
مليكه :- و.و.والله ا.ا.انت واحد ب.ب.بارد ومعندكش دم وسابته ودخلت اوضتها وقفلت الباب وراها بالمفتاح
فهد :- ههههههههههههه ضحك على منظرها وقام دخل اوضه ينام ساعتين قبل السفر
……………………………………………………
فى شقة اسر
وصل اسر بالعربيه عند البيت ونزلت مها
مها :- ايه يا اسر مش طالع
اسر :- لا
مها :- مالك يا اسر
اسر :- مليش عن اذنك ومشى بعربيته
مها :- لنفسها ده ماله ده وبعدين قالت انا مالى وطلعت الشقه
عند اسر وقف بعربيته قصاد البحر ونزل وقال
اسر :- بدموع ليه ليه مش حاسه بيا من صغرى وانا بحبها ومن يوم ما حبيتها مش بشوف غير العذاب فى حبها حتى لما كنت بشوفها مع خطيبها كنت بتعذب كنت بموت ولما خطيبها سبها فرحت وقولت خلاص هتبقى ليا بعمل بكل الطرق علشان تحبينى وهى ولا هنا مش حاسه بيا ولا بحبى ومسح دموعه
وقال خلاص يا مها هشيلك من قلبى وهحاول اتقبل حياتى من غيرك انا تعبت خلاص مش قادر ورجع ركب عربيته وراح للفيلا
……………………………………………………
فى فيلا ممدوح مظهر
وصل اسر بعربيته ودخل الفيلا
سوزى :- انت شرفت يا بيه
اسر :- ايوه يا ماما عايزه ايه
سوزى :- انت ازاى يا حيوان تبقى وكيل البنت السهونه دى خطافت العرسان
اسر :- مش بنت عمى يعنى فى مقام اختى وبعدين انا عملت اللى مفروض كان بابا عملو علشان هو عمها فى مقام ابوها لكن ازاى مدام سوزى امرت بكده لازم هو ينفذ
سوزى :- ولد احترم نفسك واتكلم عدل على ابوك وبعدين كنت عايز ابوك يقعد ويبقى وكيل البنت اللى خطفت عريس بنته
اسر :- هى مخطفتش عرسان حد هو اللى كان عايز مليكه واتحدى الكل علشانها
سوزى :- ولد انت بقيت تتكلم بطريقة مرات عمك وبناتها البيئه كده ليه
اسر :- بصى انا تعبان وهموت وانام ممكن بقى اطلع اوضى
سوزى :- اطلع يا اخويه وانت من امته وانت ليك دور فى حياتنا ولا بتهتم بأخبارنا
اسر :- ماما تصبحى على خير وسبها ومشى
سوزى :- ماشى يا اسر لما نشوف اخرتها معاك ايه
……………………………………………………
فى شقة اسر
طلعت مها الشقه ورنت الجرس
مى :- اهلا بالندله
مها :- اوعى بس ادخل وبعدين ابقى اتكلمى ودخلت وقفلت الباب وراها
مى :- بغمزه شوفتك النهارده وانتى مع اسر مرضيتش اقطع عليكم
مها :- ايه الهبل ده ايه اقطع عليكم ليه كنتى شيفاه خطيبى ولا حبيبى ده حايالله ابن عمى مش اكتر
مى :- بغمزه.يا بت
مها :- مى انا مش فايقه لهزارك البايخ ده
مى :- اوعى تقولى انك مش حاسه بيه ده الولا بيحب على نفسه طول ما انتى قدامه
مها :- يا سلاااااام وانتى يا ام العروف اللى عرفتى
مى :- عيب عليكى ده عينه واضحه اوى قدمنا
مها:- بقولك ايه انا مش فايقه لهزارك ده المهم ماما فين
مى :- فى اوضتها
مها :- برضه مليكه ما اتصلتش
مى :- لا وامك عامله مناحه فى اوضتها
مها :- هدخل اشوفها
مى :- ادخلى بس متنسيش تفكرى فى الكلام اللى قولته ليكى
مها :- كلام ايه
مى :- اسر يا جميل
مها :- بصت ليها وراحت خبطت على باب فايزه
فايزه :- فتحت الباب وقالت تعالى يا حبيبتى
مها :- ايه عامله ايه دلوقتى
فايزه :- قلبى نار على اختك
مها :- الوقت دلوقتى اتأخر اول ماالنهار يطلع نروح نطمن عليها
فايزه :- يارب بس تكون كويسه
مها :- متخفيش يا ماما ان شاءالله خير انا هدخل انام تصبحى على خير
فايزه :- وانتى من اهله
……………………………………………………
فى شقة فهد
كانت مليكه نايمه فى السرير والمنبه رن طفت المنبه وبصت فى الساعه وقامت دخلت الحمام اتوضت وخرجت ادت فرضها وفتحت باب الاوضه وخرجت لاقت ان فهد لسه فى اوضه قالت
مليكه :- اعمل ايه دلوقتى شكله لسه نايم والفجر اذن ولازم نمشى دلوقتى
فتحت باب اوضت فهد ودخلت براحه وراحت عند سرير فهد ووقفت بصت عليه اول مره تشوفه وهو نايم قد ايه شكله حلو اوى وملامحه رغم قسوتها بس فيها طيبه مختفيه وراه القناع ده قربت ايديها ولسه هتلمس بشرة وشه بس بعدت ايديها فجاءه وقالت
مليكه :- لنفسها ا.ا.ايه اللى انا بعمله ده فى ايه مالك يا مليكه النهارده مش على بعضك ليه وبصت تانى لفهد وقالت احم ا.ا.انت
فهد :- …………………
مليكه :- ي.ي.يا انت اصحه الفجر اذن
فهد :- 😴😴😴😴😴
مليكه :- لنفسها يوووووه بقى هو انا خلصت من مى طلع ليا البنأدم ده وبعدين زقته بصوابعها فى كتفه وقالت ي.ي.ياف.ف.فهد اصحه بقى
فهد :- امممممم
مليكه :- امممم ايه هو انت مع الاموات ولا ايه
فهد :- شدها جمبه بحركه مفاجئه
مليكه :- اتصدمت من حركة فهد وحاولت تقوم وقالت ا.ا.اوعى كده
فهد :- شششش بطلى لك شويه اسكتى
مليكه :- هو ايه اللى هش هو انا دبانه اوعى كده خلينى اقوم وانت قوم علشان تروح الغردقه
فهد :- هو انتى متعوده كده علطول اذاعة راديو مش بتفصلى ابدآ
مليكه :- انا كده وخلينى اقوم بقى
فهد :- دفس راسه فى رقبت مليكه
مليكه :- اتوترت من حركة فهد وقالت ابعد عنى لوسمحت
فهد :- حط صوبعه على شفايف مليكه وقال جمب ودنها اسكتى شويه انا مش هعمل حاجه بس سبينى شويه كده
مليكه :- كانت متوتره من اللى بيحصل وقالت لو سمحت مينفعش كده سبنى اقوم بقى
فهد :- شم ريحة برفانها وكتم نفسه علشان يحتفظ بريحة برفان مليكه بأكتر وقت ممكن وبعد عنها
مليكه :- قامت من جمبه وطلعت تجرى من اوضه على اوضتها وقفلت الباب وراها وحطت ايديها على بؤقها واخدت نفسها بصعوبه وقالت اهدى كده اهدى شويه محصلش حاجه لكل ده
قام فهد من على سريره ودخل حمامه واخد شاور ولف البشكير على نصه من تحت وخرج من الحمام وفتح باب اوضه وراح عند باب اوضت مليكه وخبط على الباب
مليكه :- من وراه الباب نعم
فهد :- ممكن تفتحى اخد هدوم
مليكه :- ثوانى وغابت شويه وفتحت الباب وقالت خد
فهد:- ايه ده
مليكه :- هدوم تلبسها واخدت بالها ان فهد صدره عريان بصت الاتجاه التانى وقالت لو سمحت راعى ان معاك واحده فى الشقه ياريت تحترم نفسك وتلبس هدومك
فهد :- والله براحتى فى شقتى البس زى ما انا عايز او حتى ملبستش خالص انا حر
مليكه :- لا الكلام ده الاول لما كنت لوحدك فى الشقه انما دلوقتى الوضع يختلف فياريت لو سمحت نراعى بعض
فهد :- عادى ما انتى مراتى مش هتكسف منها يعنى
مليكه :- بصت ليه وبعدين بصت تانى للجنب التانى وقالت لو سمحت ادخل البس حاجه وبعدين نبقى نتكلم
فهد :- قرب منها اوى وقال بتبقى حلوه اوى لما بتتكسفى وابتسم ابتسامه خفيفه وسبها ودخل اوضه
مليكه :- وقفت مكانها وهى مصدومه من اللى بيحصلها واخدت نفسها بصعوبه وحاولت تتمالك ودخلت اوضتها لبست هدومها وحضرت شنطة فهد وشنطتها وخرجت من الاوضه وفى الوقت ده خرج فهد من اوضه وقال
فهد :- ايه كله تمام
مليكه :- وهى بصه على الارض شورت براسها بمعنى ايوه
فهد :- هههههه غريبه اول مره اشوفك هاديه كده
مليكه :- احم هو انت ليه قولت لطنط سهير ومروه ان احنا هنروح بكره بليل مش النهارده
فهد :- كده بدل ما يجو يقعدو على قلبنا من اول يوم قولت نريح شويه وبعدين يبقى هما يجو
مليكه :- طيب
فهد :- جهزه
مليكه :- ايوه
فهد :- يلا بينا ومسك الشنط وفتحت مليكه الباب ونزلو الاتنين وحط فهد الشنط فى العربيه وركبت مليكه جنب فهد ومشى فهد بعربيته على الغردقه وطول الطريق محدش قال ولا كلمه ولكن كل واحد فيهم كان بيخطف النظر على التانى بطرف عنيه
وبعد وقت طويل وصل فهد ومليكه الغردقه ونزل فهد الشنط وراح وحجز الاوضه وقال
فهد :- يلا
مليكه :- يلا ايه
فهد :- على الاوضه
مليكه :- اوضت ايه هو انا هقعد معاك فى اوضه واحده
فهد :- لا كل واحد فى اوضه
مليكه :- اه ماشى
فهد :- انتى عبيطه يابت
مليكه :- احترم نفسك
فهد :- ازاى كل واحد هينام فى اوضه وامى ومروه جاين مش هينفع طبعآ لازم ننام فى اوضه واحده علشان محدش يشك فى حاجه
مليكه :- بس يعنى
فهد :- ششش خلصنا بقى يلا
وطلع فهد ومليكه الاوضه
مليكه :- وقفت مكانها وهى متوتره
فهد :- هتفضلى وقفه كده كتير
مليكه :- دخلت وقالت انا هنام فين الاوضه مفيهاش غير سرير واحد
فهد :- خلاص نامى على السرير
مليكه :- وانت
فهد :- على السرير برضه
مليكه :- لا والله ده انت بتستظرف بقى
فهد :- والله ده اللى عندى لو مش عجبك ممكن تنامى فى الارض
مليكه :- والله ما عندك دم يعنى تنام انت على السرير وانام انا فى الارض
فهد :- اعملك ايه قولتلك نامى على السرير معجبكيش يبقى اولعى ونام على السرير وقال انا هنام شويه اريح نفسى من الطريق شويه وغمض عينه وعمل نفسه ان هو نام
مليكه :- قعدت بغيظ على الكرسى وقالت مستفز وقعدت تهز فى رجليها لحد ما نامت وهى قعده
فهد :- فتح عنيه وبص على مليكه لاقها نامت وهى قعده قام شلها وحطها على السرير ونام جمبها وقعد يبص عليها لحد ما راح فى النوم
……………………………………………………
فى شقة اسر
فى اوضت مها
صحيت من النوم قامت دخلت الحمام واخدت شاور واتوضت وخرجت لبست هدومها وادت فرضها وخرجت من اوضتها ملاقتش حد خبطت على اوضت امها
فايزه :- صباح الخير يا حبيبتى
مها :- صباح النور يا ماما ايه لسه نايمه
فايزه :- هو نمت من اساسه كنت قعده بقراه فى المصحف طول الليل قلبى نار على اختك
مها :- طب اجهزى علشان نروح ليها الشقه
فايزه :- ماشى بس على ما البس هدومى اتصلى على اسر يجى معانا اهو راجل معانا علشان لو اللى اسمه فهد ده
عمل حاجه لاختك يقف ليه اسر
مها :- حاضر يا ماما
ودخلت فايزه تغير هدومها ومسكت مها التليفون واتصلت على اسر وانتظرت الرد بس محدش رد عليها جربت تانى وانتظرت الرد وبعد وقت رد عليها اسر
اسر :- ببرود نعم
مها :- اذيك يا اسر
اسر :- كويس عايزه ايه
مها :- استغربت من طريقة كلام اسر معاها بس بصت للمهم وقالت اسر بتقولك ماما تعال دلوقتى ضرورى علشان مليكه من امبارح مكلمتهاش وتليفونها مقفول وهى خايفه عليها
اسر :- يعنى عايزه ايه
مها :- تيجى معانا للشقه عند مليكه
اسر :- سكت شويه وقال طب انا جاي وقفل السكه من غير ما يسمع رد مها
مها :- فى ايه ده مجنون ولا ايه ده قفل السكه فى وشى
وفى الوقت ده خرجت فايزه من اوضتها
فايزه :- مالك يامها وقفه بتكلمى نفسك ليه
مها :- ها ولا حاجه
فايزه :- كلمتى اسر
مها :- اه وجاى فى السكه
وبعد وقت سمعو صوت جرس الباب
فايزه :- روحى يا مها افتحى الباب
مها :- حاضر يا ماما وراحت فتحت الباب
اسر :- تجاهل مها ودخل علطول وقال اذيك يا مرات عمى
فايزه :- هموت على بنت عمك يا اسر من ساعة الفرح وانا معرفش عنها حاجه
اسر :- ان شاءالله خير يلا بينا
فايزه :- وقفت وقالت يلا يا ابنى
اسر :- تجاهل وجود مها خالص ومسك ايد مرات عمه ونزل ونزلت وراهم مها
فايزه :- معلش يا ابنى تعبينك معانا
اسر :- مفيش تعب ولا حاجه انتو ملزومين منى انا يا مرات عمى
مها :- عجبها اوى شهامة اسر اللى اول مره تاخد بالها منها
اسر :- بص لمها وقال انتى رايحه فين كده
مها :- هروح معاكم اطمن على مليكه
اسر :- اطلعى انتى الشقه وهنروح انا ومرات عمى بس
مها :- لا مليش دعوه انا قلقانه على مليكه
اسر :- هنبقى نطمنك فى التليفون
فايزه :- سبها وخلاص يا اسر ويلا بينا بسرعه
اسر :- بص لمها بغيظ وركب العربيه
مها :- فتحت باب العربيه اللى وراه وركبت فيه وفايزه ركبت جمب اسر
ومشى اسر بالعربيه وراح عند شقة مليكه
اسر :- هو ده العنوان بتاع الشقه يا مرات عمى
فايزه :- مش فاكره بالظبط اسأل مها هى تفتكر اكتر منى وكانت موجوده وهى مليكه بتقول لينا العنوان قبل الفرح بيوم
اسر :- بص فى المرايا لمها وقال هو ده العنوان
مها :- ايوه هو ده العنوان اللى قالت عليه مليكه
نزلو التلاته من العربيه وراح اسر للبواب
اسر :- السلام عليكم يا بلدينا
البواب :- وعليكم السلام امر
اسر :- هى دى العماره اللى فيها شقة فهد المنشاوى
البواب :- ايوه هى فى الدور الرابع بس هو الست حرمه مش هنا اخدو شنطهم ومشيو
فايزه :- خبطت على صدرها وقالت يا نهار اسود ومنيل اخدها فين البنأدم ده يا ترى ايه حصل فيكى يا بنتى
اسر :- اهدى بس يا مرات عمى وبص للبواب وقال متعرفش راحو فين
البواب :- لا والله يا اخينا فهد باشا صعب يتكلم مع حد ومش بيقول رايح فين
مها :- طب والعمل
اسر :- اتجاهل مها وبص لمرات عمه وقال انا هحاول اعمل نفسى بسأل ماما عن ايه اخر اخبار فهد مع مامته ولو هى تعرف حاجه هتقولى
فايزه :- طب بسرعه يا ابنى هتجن على بنتى
اسر :- مش هينفع يا مرات عمى فى التليفون هوصلكم وهروح انا الفيلا واقعد مع ماما وكلام هيجيب كلام
فايزه :- ماشى يا ابنى ربنا يطمن قلبى عليكى يا مليكه
وركبو العربيه ووصلهم اسر عند البيت ونزلو وراح هو للفيلا
……………………………………………………
يتبع…
- يتبع الفصل التالي اضغط على (رواية متمرده عشقت كبرياءه) اسم الرواية