رواية موضوع عائلي الجزء الثاني 2 الفصل الاول 1 - بقلم رحاب القاضي

 رواية موضوع عائلي (كاملة جميع الفصول) حصربا عبر دليل الروايات بقلم رحاب القاضي

رواية موضوع عائلي الجزء الثاني 2 الفصل الاول 1 

 2

الجميله_والشعر_الابيض

_البارت الاول

ــــــــــــــــــــــــــــــــــــــــ 

_ في بيت يونس الصاوي.. 

كانت شهد قاعده بتفطر في اولادها يزن ويوسف التوأم اللي عمرهم 4 سنين، ونزل يونس من فوق وقعد يفطر معاهم بعد ما قال.. 

يونس 

صباح الخير يا حبيبتي.. 

شهد بجمود

صباح النور.. 

_ مسك يونس موبيله وفضل يقلب فيه وهو بيفطر، وشهد كانت شويه تبصله وشويه تبص لولادها اللي كانو ساكتين ومش بيتكلمو خالص.. 

شهد 

هو انت واخد بالك ان الولاد بقي هدؤهم زياده شويه.. 

كان يونس مركز في موبيله وهي قالتله

انا بكلمك يا يونس.. 

بصلها يونس وقال

وطي صوتك يا شهد لو سمحتي.. 

اتنهدت بضيق وقالت

تمام وطيت صوتي اهو ممكن تسيب الموبيل وشغلك وتركز معايا شويه.. 

_ما ردش عليها يونس ورد علي يوسف اللي رن عليه وقاله وهو بيقوم من علي الفطار.. 

يونس

ايوه يا يوسف لا لا انا جاي عندك اهو مش هتأخر.. 

_ وطلع بره البيت وهو بيكلم يوسف متجاهل تماماً شهد وكلامها، اتملت عيونها دموع وابتسمت لولادها وقالت.. 

شهد 

يلا يا حلوين عشان ما نتأخرش علي الحضانه.. 

يزن بحزن

بس انا بطني وجعاني.. 

يوسف

وانا كمان يا مامي.. 

شهد بخبث

يعني مش هنروح الحضانه اممم يبقي ناخد الحقنه عشان نخف بسرعه بقي يا دادا.. 

الاتنين بسرعه وبصوت واحد 

خلاص خلاص رايحين.. 

_ضحكت شهد وقامت حضنت الاتنين واخدتهم ووصلتهم لحد السواق والحارس اللي هيودوهم الحضانه، ورجعت دخلت المطبخ وقالت للشغالين.. 

شهد 

بقولكم ايه انتو اجازه اسبوع كده لقدام وبمرتب ما تقلقوش.. 

سعاد المربيه بتاعت ولادها 

حتي انا يا ام يزن... 

شهد 

برضو ام يزن وبعدين انتي  لا يا دادا انا محتجالك معايا، بس انا حابه اسلي نفسي شويه اليومين دول في شغل البيت لوحدي.. 

واحده من الشغالين 

تحت امرك يا هانم، بعد اذنك.. 

_ مشيو الشغالين وشهد بدأت تنضف في المطبخ ودموعها علي وشها، وقربت منها سعاد وقالت.. 

سعاد 

هونيها علي قلبك يا بنتي بلاش الزعل ده كله صحتك كده هتبقي في النازل وولادك محتاجينلك.. 

ابتسمت شهد ومسحت دموعها وقالت

حاضر يا دادا... 

ــــــــــ #بقلم_الكاتبه_رحاب_القاضي ــــــــــ  

_وفي شركة يونس الجديده.. 

كان قاعد علي مكتبه بكل ثقه وغرور وقدامه يوسف وعز الدين اللي قاله.. 

عز الدين 

عارف انت لولا انك هتسفرني بطيارتك الخاصه انا ما كنتش جيت هنا.. 

يونس

معلش هنعطلك عن مهامك المهمه، المهم انت ليه ما تعرفنيش علي عمار المنشاوي ده علي طول.. 

عز الدين 

هو انت فاكر ان عمار ده بيقابل اي حد لااا ده عالمي يابااا بس انا هجيبلك اكبر مستثمر عنده والباقي بتاعك.. 

يوسف 

والله انا شايف ان مالوش لازمه اللي بنعمله ده ونشوف سكه تانيه نطور بيها.. 

يونس 

تفكيرك محدود يا يوسف وانا لا، انت اقعد واتفرج علي اللي هيحصل.. 

_ في الوقت ده دخلت السكرتيره وقالت بهدوء واحترام.. 

السكرتيره 

بعد اذن حضرتك يا يونس بيه عزام بيه بره.. 

عز الدين 

انتي لسه واقفه يا بنتي روحي دخليه بسرعه.. 

طلعت السكرتيره ويونس قاله بسخريه

لا والله ما تيجي تقعد مكاني احسن.. 

_ضحكو هما التلاته ودخل عندهم راجل تقريبا عنده خمسين سنه ومعاه بنت جميله اوووي وسلم علي عز وقاله.. 

عزام 

اهلا اهلا والله واحشني يا عز.. 

عز 

وانت اكتر والله يا عزام بيه، اعرفك ده يونس بيه الصاوي اكيد طبعا حضرتك تسمع عنه وده يوسف بيه شريكه.. 

عزام بهدوء

طبعا اعرفهم ده اسم الاتنين بقي علامه كبيره في السوق.. 

يونس

نورتنا يا عزام بيه اتفضلو... 

_ وقعدو كلهم وحصل؟.... 

ــــــــــ #بقلم_الكاتبه_رحاب_القاضي ــــــــــ

_وقبل ما نكمل روايتنا خليني اعرفكم علي بطلتنا الجديده واللي اسمها جميله وعمرها تمنيه وعشرين ومخلصه كلية تجاره ومش لاقيه شغل وعندها اخت اصغر منها في ثانوي.. وكانو ساكنين في حي سكني متوسط، وطلعت فريده مامتها بره الشقه بتطلع الزباله وشافت قدامها زهره مرات صبري اللي قالتلها.. 

زهره 

السلام عليكم انا زهره جارتكم الجديده هنا.. 

ابتسمت فريده وقالت

نورتو العماره يا حبيبتب وانا مدام فريده.. 

زهره 

بنورك يا مدام فريده بعد اذنك.. 

فريده 

اذنك معاكي يا حبيبتي ولو احتاجتي اي حاجه تعالي عندي علي طول الجيران لبعضيها.. 

زهره بهدوء

ما احتجالكيش في حاجه وحشه تسلمي يا حبيبتي.. 

_ودخلت زهره شقتها وقفلت الباب وبرضو فريده اللي دخلت فريده ولقيت بنتها اللي عندها 17 سنه وتقفه وقالتلها.. 

ايتن 

كنتي بتكلمي مين يا ماما؟.. 

فريده 

دول جيرانا الجداد يا حبيبتي شكلهم محترمين.. 

ايتن 

طيب كويس المهم يلا عشان تيجي معايا المدرسه.. 

فريده 

وانا اجي معاكي المدرسه ليه؟.. 

ايتن 

انتي نسيتي يا ماما مش النهارده في اجتماع اولياء الامور.. 

فريده 

يالهوي انا نسيت خالص، طيب استني هصحي اختك تروق البيت مكاني وانا اجي معاكي.. 

ودخلت فريده عند جميله بنتهت وقالت

انتي يا زفته نايمه لحد دلوقتي ليه قوووومي فزي.. 

قعدت جميله وقالت

اديني قومت فين بقي الشركه اللي واقفه عليا عشان اصحالها مخصوص من النوم.. 

فريده 

وهي الشركه هتجيلك لحد عندك ما تنزلي وتدوري بنفسك.. 

جميله 

يا ماما ده انا جزمي كلها اتقطعت من كتر اللف وبرضو ما فيش فايده.. 

فريده 

بقولك ايه قوومي روقي البيت ونضفي المطبخ واعملي فطار امسكي الهدوم حطيهم في الغساله وابقي انا انشرهم.. 

نامت جميله وقاالت 

اتقي الله يا ماما عايزااني اعمل كل ده ليه، ده انا صحتي علي قدي وماشيه بمايه بسكر.. 

فريده 

قومي يا بت انتي كلميني ومدام مش فالحه في شغل يبقي تتجوزي.. 

قعدت جميله تاني وقالت

تمام يا ماما انا هتجوز ايدك علي العريس بقي، عشان اقوم اعملك اللي انتي عايزااه.. 

فريده بحماس 

هيجي يا حبيتي وعشان كده عايزاكي تتعلمي شغل البيت.. 

جميله 

لما يجي بقي يا ماما ابقي اقوم واعمل كل اللي انتي عايزااه.. 

فريده 

انتي هتجننيني يا بت انتي قوومي يلاا، عشان تخلصي وبعدين تروحي الكوافير عشان تقابلي العريس اللي جيباه ليكي طنط راويه. 

جميله

ايه ده يا ماما احنا جاي عندنا عريس النهارده دا انا هقوم بسرعه اروق، دول بيجيبو جاتو حلو اووي العرسان بتوع طنط راويه.. 

فريده 

لا ما هما عرفو اننا بنجيب العرسان بيتنا عشان الجاتو فا قالو ان المقابله هتكون المره دي بره في مطعم.. 

جميله

اومال بتصحيني ليه اروق البيت طيب، ما تسبيني انام.. 

فريده 

انا عارفه انك هتطلعي عيني وفي الآخر مش هتروقي، فا غوري البسي وروحي احضري الاجتماع بتاع اولياء الامور في مدرسة اختك.. 

دخلت عندهم ايتن وهي بتسرح في شعرها وقالت

لا يا ماما اوعي تعملي كده  انتي عايزاني اخد معايا المهزأه دي المدرسه.. 

جميله

وانتي تطولي يا فاشله يا ام قرنين، ده انا جميله فتحي اسم يشرف اي حد يا ايطن  . 

ايتن بغيظ

ما تقوليش اسمي كده يا رخمه وبعدين يشرف في ايه بالظبط هاا يا بت ده احنا لما روحنا قدمنا علي المدرسه قالو لينا موافين بس بشرط انتي ما تدخليش المدرسه.. 

فريده 

ده كان زماان انما اختك دلوقتي كبرت وعقلت وبطلت تعمل مشاكل عشان ما تاخدش بـ ابو ورده.. 

ايتن 

بصي يا ماما عشان نبقو متفقين، لو جميله عملت اي مشكله والله هعمل نفسي مش عارفاها.. 

فريده 

والله تبقي خير ما عملتي احنا مش ناقصين فضايح.. 

جميله 

اااه يا عيله واطيه طيب بره بقي وانا هجهز وجيالكم اجهز وجايه.. 

_سابوها وطلعو وجميله غيرت هدومها ولبست بنطلون جينز وبلوزه طويله ولبست نضارة باباها الكبيره، وطلعت واول ما شافتها ايتن قالت.. 

ايتن

ايه القرف ده يا جميله اللي انتي لابسااه ده؟.. 

جميله 

دي نضارة بابا قولت البسها عشان احضر روحه. قصدي احضر روح الكاريزما اللي كانت في بابا زماان.. 

ايتن

واله حتي لو بابا نفسه جه انتي مهزأه ديما.. 

فريده 

جميله عايزاكي تبقي عاقله هنااك فاهمه، ده مستقبل اختك.. 

جميله 

انا عايزاكي بس تثقي فيا.. 

ايتن

يا خوفي يلا بينا عشان انا اتأخرت بجد.. 

_نزلت جميله وايتن وركبو عربية مامتهم وراحو المدرسه.. 

ـــــــ #بقلم_الكاتبه_رحاب_القاضي ــــــــ 

_وفي شركة يونس الصاوي.. 

كان عزام قاعد معاهم هو والبنت اللي عينيها ما نزلتش من علي يونس خالص، وعزام قال.. 

عزام

يعني انتو هدفكم كله توصلو لعمار المنشاوي؟.. 

يونس

ايوه وطبعا انت هتستفاد من الشراكه اللي هتكون بينا.  

عزام 

بس عمار ده مش ساهل ومش هيقبل بالوضع ده خالص.. 

يونس

انت بس وافق والباقي ده بتاعي.. 

عز الدين

انا بقول توافق يا عزام بيه وخصوصا ان النسبه من الارباح اللي حضىتك هتاخدها في الشراكه دي اكبر من النسبه بتاعتك واحنا لوحدك.. 

دارين 

احنا موافقين وكمان هنساعدك يا يونس بيه توصل لعمار المنشاوي.. 

بصلها يونس باهتمام وقال

لامؤخذه بس ما اتعرفناش بالمدام.. 

عز الدين 

دي الانسه دارين بنت عازام بيه وتعتبر رئيسة مجلس الاداره المستقبليه للشركه.. 

بصلها يونس بجمود وقال

يا اهلا وسهلا يبقي كده اتفقنا وانا اوعدكم ان المصلحه هتكون للكل وبزياده وحقكم في الربح هيكون مضمون.. 

قرب منه يوسف وقاله

لم عينك من علي البت بدل ما اكلم شهد هااا... 

يونس بصوت واطي

لم نفسك انت بدل ما ارميك من فوق انت ما تعرغش دماغي فيها ايه.. 

يوسف بقلق

ربنا يستر منها دماغك السم دي.. 

ـــــــــ #بقلم_الكاتبه_رحاب_القاضي ـــــــــ

_وفي مدرسه خاصه وراقيه جدا... 

وقفت جميله بعربية مامتها واتنهدت بضيق وقالت.. 

جميله 

اللي يشوفنا واحنا داخلين المدرسه يفتكر اننا من اغني اغنياء البلد، ما بعرفوش ان عمك دخلني ودخلك المدرسه دي صدقه.. 

ايتن بهدوء

كتر خيره انه بيصرف علينا لحد دلوقتي بعد بابا الله يرحمه، المهم يا هانم تخلصي اباجتماع وتمشي علي طول بلاش تستنيني تمام.. 

جميله

مالك يا بت يا ايطن قارشه ملحتي ليه كده من علي وش الصبح.. 

ايتن بضيق

بطلي تقولي اسمي كده، ويعني مش عارفه حضرتك عملتي ايه امبارح في مروان يا جميله... 

جميله 

ما هو اللي قليل الادب بيقولك يا حبيبتي كده عادي قدااامي.. 

ايتن

وفيها ايه ما هو بيحبني، ده بيقولي بحبك قدام اي حد عادي.. 

جميله 

انتي ساهله يا حبيبتي انا مش ساهله.. 

نزلت ايتن من العربيه وقالتلها 

طيب والله لـ اقول لماما علي كلمة ساهله دي.. 

_قرب منهم مروان وقال لجني من غير ما يشوف جميله.. 

مروان 

ايه يا ايتن كل ده تاخير، ده انا بقالي اكتر من ساعه مستنيكي.. 

ايتن

معلش يا مروان كنت مستنيه جميله تلبس عشان هي اللي جات معايا تحضر الاجتماع بتاع اولياء الامور.. 

مروان

وليه جميله اللي تيجي، ما جاتش ليه مامتك اي اللي خلاكي تجيبي جميله بس.. 

_طلعت جميله من ورا العربيه ومسكته من ودنه وقالت وهي متعصبه جدا.. 

جميله

هي كانو مدرسه ابوك يالا، ولا انت بتحب تتهزأ.. 

ايتن

ايه اللي بتعمليه ده يا جميله المدرسه هتتلم علينا.. 

مروان بخوف

والله يا جميله مش بقصد خالص, انا بس كان نفسي طنط فريده هي اللي تيجي وتقابل بابي جوه ونمهد المسفات عشان انتي اكيد. ايتن قالتلك اننا ناوين نتخطب قبل ما ندخل الجامعه.. 

جميله 

هي قالت ليا بس طبعا مش هيحصل الكلام ده ما فيش خطوبه غير بعد ما تخلصو جامعه.. 

مروان بغيظ 

طيب علي فكره بقي الاجتماع بدأ وانتي متاخره عليه.. 

جميله

يا نهار اسود. ده انا ماما هتعملني شاورما النهارده، وانتي يا بت يا ايتن روحي الفصل بتاعك وما تقفيش ما الواد الاصفر ده.. 

_جريت جميله من قدامهم وهما فضلو يضحكو عليها، وقبل ما تدخل الاوضه اللي فيها الاجتماع خبطت في حد هو كمان داخل الاجتماع  ووقعت علي الارض وقالت وهي ماسكه ضهرها.. 

جميله

اااه يا ضهري ياااني ايه عمود النور اللي خبطت فيه ده... 

عمار

انا اسف يا مدام حضرتك كويسه.. 

جميله

جاتك مدام تاكلك يا بعيد وكمان اعمي مش شايف.و.. ايه القمر ده.. 

عمار

احم انا اسف والله مش قصدي اخبط فيكي بس انا جاي متأخر.. 

جميله 

وانا كمان حضرتك جايه متأخره برضو، والنضاره دي مبوظه الرؤيه قداامي خاالص، ده انا كنت بعمل اكتر من حادثه وانا جايه.. 

شال عمار النضاره من علي عينيها وقال

طيب وعليكي ايه شيليها خاالص انتي كده من غيرها احلي بكتير وعينيكي حلوه اووي.. 

جميله 

يخرب بيت الخصله البيضه اللي في شعرك وفي دقنك دي هييح.. 

_قبل ما يرد. عليها عمار جه مروان وبص ليهم بصدمه وقال.. 

مروان

انت بتعمل ايه يا بابا؟.. 

عمار

مروان انت هنا من امتي؟.. 

جميله 

احيييي بابا انت ابو الواد الغلس ده؟.. 

مروان

ما كفايه بقي تهزئ يا جميله.. 

جميله بغيظ 

جاتني نيله عليا وعلي حظي، انا داخله الاجتمااع وابقي فتح وانت مااشي يا حليوه انت.. 

عمار

انت تعرفها منين يا مروان؟.. 

مروان 

يا بابا ما انا بحكيلك عليها علي طول، دي جميله اخت ايتن اللي مطلعه عيني وعين ايتن وعين مصر كلها.. 

ابتسم عمار وقال

دي طلعت عكس ما كنت فاكر خالص، المهم امشي انت  وكانك ما قولتليش حاجه تمام... 

مروان 

حااضر بس ممكن بقي الموبيل بتاعي اللي نسيته وقولتلك هاته ليا معاك وانت جااي.. 

_اداه عمار الموبيل وراح قعد جنب جميله اللي كانت قاعده وحاطه سماعه  في ودنها ومشغله اغاني وبتبص للي بيتكلمو وبتهز راسها وعامله نفسها مركزه... 

ابتسم عمار وشالها السماعه وقال

بيكلمو فيكي من الصبح ردي عليهم.. 

وقفت جميله بسرعه وقالت

ايوه يا جماعه خير، ممكن تعيدو السؤال مره تانيه ما اخدتش بالي.. 

_الكل سكت وبصلها وعمار كان بيصحك بصوت واطي، وردت عليها المديره وقالت. 

المديره 

بس انتي ما حدش وجهلك كلام يا مدام.. 

بصت جميله بغيظ لعمار وقالت 

طبب انا اسفه يمكن اتهيألي.. 

قعدت وقالت لعنار

تصدق انك غلس زي ابنك..بس مااشي والله بس نطلع من هنا لو راجل استناني بره.. 

عمار بصلها من فوق لتحت وقال

انتي اللي فهمتيني غلط انا قصدي بس انك تبطلي الاغاني دي وتسمعيهم لانهم بيكلموكي وبيكلموني وبيكلمونا كلنا يا مدام.. 

جميله

طيب هو البتاع ده فاضل ليه اد ايه ويخلص  عشان انا مش فاضيه عندي معاد مهم.. 

بص عمار في الساعه بتاعته وقال 

خلاص نص ساعه وهنطلع، بس بلاش اغاني وياريت تسمعي الكلام اللي بيتقال لانه مهم.. 

_سكتت جميله لحد ما خلص الاجتماع وبعدين طلعت هي وعمار وقالت ليه.. 

جميله

انا عايزه اعرف يا قمر انت ازاي ابو الشحط ده اللي بيقولك يا بابا؟.. 

عمار

شوفتي الدنيا بقي، بس انتي مين مامت مين هنا؟.. 

جميله 

هو البعيد ما عندوش نظر ولا ايه انا انسه.. 

عمار

انا قولت كده برضو الجمال واللطافه دي كلها لازم تبقي لسه انسه.. 

جميله ابتسمت وقالت

هييح كمل كمل.. 

عمار 

انتي جدت مين بقي هنا.. 

جميله اتعصبت وقالت 

لا ده انت اعمي بقي، وسع كده من وشي جاتني نيله في ذوقي العره.. 

عمار ضحك بصوت عالي وقالها

بهزر يا جميله استني، مش جميله برضو.. 

جميله 

طيب ما انت عارفني كمان اهو، علي العموم فرصه سعيده.. 

عمار بسرعه 

جميله هو مش انتي خريجة تجاره انجلش جني قالتلي قبل كده... 

جميله 

ايوه انا خريجة تجاره انجلش بقي ليا اربع سنين متخرجه وقاعده عاطله... 

عمار

طيب انا محتاج سكرتيره ضروري بس تكون تعرف انجلش وكده واللي اعرفه احسن من اللي ما اعرفوش.. 

قربت منه جميله وقالت 

عايزني سكرتيره خاصه بقي وكده، ااه يا شقي بالخصله البيضه اللي مجننه امي دي.. 

عمار بهدوء

لا ده انا اللي هخاف علي نفسي منك والله.. 

جميله 

لا ده احنا هنريحوك علي الاخر يا قمر انت.. 

عمار

ايه نبرة ريا وسكينه دي، علي العموم انا لازم امشي وابقي خلي ايتن تقولك عنوان الشركه بتاعتي وهستناكي بكره.. 

جميله 

للاسف ليه مش النهارده.. 

_ابتسم عمار ومشي، وجميله كمان مشيت راحت الكوافير عشان تظبط نفسها عشان تروح تقابل العريس بالليل، وبعدين رجعت البيت ولقيت ايتن قاعده بتذاكر ولما شافتها قالت.. 

ايتن

واو نضفتي يا جميله وبقيتي جميله فعلاً.. 

جميله 

اسكتي دي بتاعت الكوافير واخده علي شعري بس متين وخمسين جينيه، ليييه كل ده انا كنت جيبت شوية جاز وكان بقي حاجه فل.. 

ايتن

يا بنتي كفايه نتانه بقي، وبعدين بقيتي زي القمر من حاجه بسيطه تخيلي بقي لو مهتمه بنفسك كويس.. 

جميله 

يا ستي انا ملكك النهارده ظبطيني وخليني اروح للعريس ويشوفني يتهطل عليا واتجوز واخلص بقي اهو اعمل اي حاجه بدل ما انا قاعده زي قلتي.. 

ايتن

الاول قوليلي ليه عمو عمار قالي اديكي عنوان الشركه بتاعته ليه بقي هااا 

جميله 

ده هو شافني في الاجتماع والكاريزما كانت حاضره وقالي والله ما هسيبك انا هخليكي تمسكي قسم السكرتاريه عندي.. 

ايتن

بطلي كدب يا جميله تو قالي انه عايزك سكرتيره وخلاص.. علي فكره ده مليادير بس هو متواضع شويه... 

جميله بلا اهتمام

طيب سيبك من ده دلوقتي وقومي يلاا تظيني فستان من بتوعك وكمان اعمليلي الميكآب اللي بتعمليه ده.. 

ايتن

اوكيشن يلا تعالي معايا.. 

_قامت ايتن وجميله ودخلو اوضة جميله.. 

ـــــــــ #بقلم_الكاتبه_رحاب_القاضي ــــــــ 

_في بيت يونس الصاوي.. 

رجع يونس بيته بالليل وشهد كانت مستنيااه وقالتله.. 

شهد 

حمد لله علي السلامه اجهزلك العشا.. 

يونس

لا ماليش نفس انا بس شويه وخارج تاني.. 

شهد بجمود

انت لحقت تيجي عشان تمشي.. 

قعد يونس جنبيها وقالها

الشغل يا شهد وانتي عارفه بقي، هو البيت هادي كده ليه.. 

شهد 

دادا سعاد مع الولاد فوق وانا مشيت الشغالين النهارده واديتهم اجازه.. 

يونس

ليه كده زعلوكي في حاجه؟.. 

شهد 

لا بس انا زهقاانه وقولت الاقي حاجه اعملها وخلاص ما انت رافض تخليني اخرج من البيت.. 

يونس 

طيب كويس البي يريحك اعمليه بس طلوع بره من غيري لا تمام ، انا هطلع اخد دوش واغير هدزمي واخرج.. 

_وقام من جنبيها وطلع فوق، وشهد فضلت قاعده مدايقه... 

ـــــــ #بقلم_الكاتبه_رحاب_القاضي ـــــــ 

_في مكان تاني فيلا راقيه جداً، فجأه نط من علي السور واحد ملثم وبحركه سريعه منه ضرب الحارس اللي واقف قدامه ووقعه علي الارض واتسحب ودخل الفيلا من غيى ما حد. ياخد باله ودخل اوضة نوم راجل كبير وفتح النور فقام الراجل وقال بخوف.. 

الراجل 

انت مين ودخلت هنا ازاي؟... 

الولد

عامل ليه مشاكل يا عمو فوزي اهم طلبو مني اخلص عليك بنفع كده؟... 

فوزي بخوف 

لا لا انا م عامل حاجه انت مين اصلا.. 

الولد 

مش هحرمك تسوفني قبل ما تقابل وجه رب كريم.. 

_وشال القناع من علي وشه وبانت ملامحه اللي كلها غصب رغم وسامته وابتسم بكل شر وقال... 

زكريا

اعرفك بيا زكريا المنشاوي اللي جاي باخد روحك.. 

_وقبل ما يرد عليه فوزي طلعت اكتر من رصاصه من مسد*س زكريا في جسمه وما*ت في لحظتها، واتملت عيون زكريا دموع وهو بيبص للي مات قدامه، وبسرعه لبس القناع بتاعه ومشي زي ما دخل.. 

_ تفتكرو مين زكريا ده ومين عمار وجميله وايتن ومران، وايه اللي غير يونس كده؟.. 

_هنعرف كل ده واكتر في الاجزاء الجايه.. 

ــــــــــــــــــــــــــــــــــــــــ 

  •تابع الفصل التالي "رواية موضوع عائلي" اضغط على اسم الرواية