رواية اشواك العشق الفصل العشرون 20 - بقلم سندس محمد
احمد باستغراب: ازاي روان مش موجوده
ياسين تليفونه رن، فتحه وسمع صوت حد بيقوله: لو عايز مراتك تعالى خدها بس لوحدك
ياسين بعصبيه: انت مين
المجهول: ملكش فيه
ياسين بعصبيه: هات العنوان
المجهول بشر: انا هبعتلك سلام
خلص كلامه وقفل التلفون، ياسين فضل يلف في المكان بعصبيه
احمد بهدوء: اهدى يا ياسين
ياسين بعصبيه: اهدى ازاي وانا مراتي مخطوفه يا احمد اهدى ازاي
سمع صوت في تليفونه والصوت ده بيدل إن في رسالة وصلتله، وكان المكان اللي هيروح فيه
احمد: اوعى تقول انك هتروح لوحدك
ياسين: اه يا احمد هروح لوحدي
احمد بعصبيه: ازاي يعني عايز تروح للموت برجلك يا ياسين وكمان احنا منعرفش الراجل ده مين وعايز منك ايه فكر بالعقل
ياسين بعصبيه: طب تمام انا بفكر بالعقل اعمل ايه يعني
احمد بهدوء: هقولك
بعد مده وصل ياسين المكان اللي هيقابل فيه الراجل، دخل المكان وهو عبارة عن مخزن مهجور اوي، دخل لقا روان قاعده على الكرسي ومربوطه وحاطين لزقه على فمها
ياسين جري عليها وقال بخوف: انتي كويسه
روان هزت رأسها
ياسين بدأ يفك الحبل، وفك اللزق اللي على فمها
روان بخوف: ياسين انا خايفه اوي
ياسين: متخافيش ياروان انا جنبك
روان بسخرية: جنبي جنبي ازاي وانت طلقتني يا ياسين
ياسين بتوتر: روان مش وقته الكلام ده
روان: عندك حق بس هو اصلا مفيش كلام بينا
ياسين بصلها وكمل فك الحبل، ياسين خلص وقومها
ياسين: ازاي مفيش حد هنا ده اكيد فخ
جه صوت من وراه بيقول: وايه اللي اكدلك إن ده فخ بقا
ياسين وروان بصدمه: توحيده
توحيده ضحكت بخبث: ولاد اخواتي الغالين
ياسين بشر: انا هقتلك وهقتل كامل وهخلص منكوا
توحيده بسخرية: اممم وايه كمان
ياسين بعصبيه: انتي عايزه مننا ايه
توحيده بشر: عايزه حقي
ياسين: وايه هو حقك بقا
توحيده بشر: روحكوا
روان بشجاعه: انتي شيطانه ازاي تعملي في اخواتك كده واكيد طبعا انتي اللي قتلتي ابو ياسين واخته
توحيده بانبهار مصتنع: اووه ايه الذكاء ده اممم عندك حق انا فعلا اللي قتلتهم وقدرت بكل ذكاء اثبت إن الحادثه قضاء وقدر وقدرت اخلي كامل يضحك على امك وامك زي الهبله حبته بس للاسف بابا موافقش بس هي اتجوزته من ورانا وهربت وبعد كام سنه لقينا جارتها بترن علينا وبتقولنا انها في المستشفى وطبعا كلهم جريوا عليها وعرفوا إن كامل خد البت وهرب وطبعا محدش كان يعرف إن انا عارفه كل ده وكمان إن انا اللي قولت لكامل ياخد البت ويهرب وكامل قدر يعمل الفلوس بتاعته دي كلها طب اقولك على حاجه هو كمان غير اسمه ومكنش اسمه كامل كان اسمه محمود بس هو قدر ينفذ كل حاجه انا قولتله عليها
روان دموعها نزلت بحسره وياسين فضل واقف مصدوم من اللي هي قالته
وفجاءة توحيده طلعت المسدس بتاعها وصوبته اتجههم وقالت بشر: خلاص النهايه قربت وانا اللي هكسب كالعاده وهاخد كل حاجه ليا
ياسين بخبث: اممم شكلك كده مش عارفه ياسين الالفي طب بصي وراكي كده
توحيده لفت لقت احمد واقف ومعاه الشرطه
الظابط: اقبضوا عليها
توحيده بجنون: لا لا انا معملتش حاجه هما اللي خلوني اعمل كده
وضربت طلقه بالمسدس اللي في ايديها وجه في......
•تابع الفصل التالي "رواية اشواك العشق" اضغط على اسم الرواية