رواية متمرده عشقت كبرياءه الفصل العشرون 20 - بقلم دودو محمد
رواية/ متمرده عشقت كبرياءه
مش نزل تاني غير لما الاقي 120 كومنت.
🔴🔴🔴🔴🔴🔴🔴🔴🔴🔴🔴🔴🔴🔴🔴🔵
فى بيت اسر
وصل اسر هو ومها وكانو فى قمة سعادتهم
فايزه :- شكلكم مبسوطين ربنا يسعدكم
مها :- اوى اوى يا ماما كان يوم حلو اوى
مى :- يا بختكم ناس ليها ملاهى وناس ليها الشباشب
اسر :- يا ناس يا شر كفايكم قر
مى :- هقر عليكم على ايه بكره كده ربنا يدينى واحد غنى يتجوزنى ويخرجنى كل يوم
اسر :- حرك شفايفه يمين وشمال بطريقه كوميديه وقال على ايه يا حسره هيبصلك ده انتى اوزعه
مى :- ملكش دعوه يا زرافه خليك فى كوزك لما نعوزك
اسر :- انا مش عارف بتجيبى الكلام ده منين
مى :- انت متغاظ منى علشان انا سفروته فى نفسى كده ودمى زى العسل ومفيش منى اتنين
اسر :- باس ايده وش وضهر وقال الف حمد وشكر ان مفيش منك اتنين ده البلد كانت راحت فى داهيه اقسم بالله
مها :- بس بس بس ايه مش بتتعبو ابدآ
مى :- ماهو اللى دمه سم
مها :- لا حاسبى ده دمه زى الشربات
اسر :- صقف وقال ايوه بقى
مى :- لا والله وده من ايه ان شاءالله
مها :- اتكسفت وقالت م.م.مش ابن عمى
مى :- تصدقى مكنتش اعرف ان هو ابن عمك
اسر :- بس يا بنات متتعركوش مع بعض علشانى
مى :- يا ابنى انت مفكر نفسك مين ده انت حتة واحد فاشل
مها :- مى لمى لسانك
مى :- الحب ولع فى الدره يا سعديه
فايزه :- بس بقى يا بنات وتعالو نحضر العشا
مى :- ها لا مش هقدر اصل تعبانه طول النهار فى الجامعه خلى مها تساعدك
اسر :- اقسم بالله فاشله وكسوليه
مها :- تعالى احنا نحضر يا ماما بنتك دى مفيش منها رجا
ودخلت مها وفايزه يحضرو العشا وقعدت مى مع اسر
……………………………………………………
فى الحفله
وصل فهد ومليكه ونزلو من العربيه وكانو ثنائى فى قمة الجمال والكل كان بيبص ليهم بصت اعجاب من شدة جمالهم
روبرت :- مرحبآ بيك مستر فهد مرحبآ بيكى عزيزتى مليكه
فهد ومليكه :- مرحبآ مستر روبرت
فهد :- اين الاخرين
روبرت :- انهم يستمتعون بجو الاحتفال الممتع انها اجواء رائعه حقآ
وفى الوقت ده جت رزان وهى تتمايل
رزان :- اوه ايها الشاب الوسيم ما هذا بحق الجحيم انك تزاد جمالا وخبطت على كتفه برقه
فهد :- انستى انك ليس بوعيك
رزان :- وهى تتمايل اجل مستر فهد انك وسيم جدآ وتأخذ العقل
مليكه :- جابت اخرها وشدت فهد من دراعه ووقفت هى قدامه قصاد رزان وقال عزيزتى ان مستر فهد متزوج فيجب عليكى احترام هذا
رزان :- ههههههه متزوجك انتى ولكنك ليس مناسبه له انه يريد واحده مثلى
روبرت :- شد رزان من درعها وقال اسف لكم ولكن رزان ليس بوعيها اعتذر بشده وسحبها من درعها ومشى
مليكه :- بصت بغيظ لفهد وقالت انت مبسوط جدآ بالكلام اللى كانت بتقوله لحضرتك صح انت حتى محاولتش ترد عليها
فهد :- وهو بيحاول يكتم ضحكته قال طب وانتى زعلانه ليه اوى كده
مليكه :- ها ع.ع.علشان ا.ا.انت جوزى قدام الناس ومحدش يعرف حاجه فياريت تحاول تخلى بالك من تصرفاتك
فهد :- وهو بيكتم ضحكته وانا مالى ما هى اللى بتعاكسنى
مليكه :- بغيظ وانت فرحان اوى
فهد :- مقدرش يمسك ضحكته اكتر من كده اتفتح فى الضحك هههههههههههههههههههه
مليكه :- ممكن اعرف بتضحك على ايه
فهد :- على غيرتك اللى واضحه اوى
مليكه :- ل.ل.لا مش غيرانه
فهد :- قرب منها اوى وقال طب عينى فى عينك كده وبص فى عنيها
مليكه :- سرحت فى عيون فهد وحست ان عقارب الزمن وقفت فى اللحظه دى
قطعهم صوت جيسيون
جيسيون :- مرحبآ مستر فهد مرحبآ انستى
فهد :- لنفسه يخربيت رزلت امك يا شيخ بنأدم فصيل وضحك ضحكت مجامله وقال مرحبآ مستر جيسيون
مليكه :- مردتش عليه
جيسيون :- بص مليكه وقال تبدين رائعه جدآ انستى
فهد :- مستر جيسيون رجاءآ الحديث معى انا لا دخل لزوجتى فى الحوار
جيسيون :- لا عليك ياراجل انى ابدى لها بأعجابى ليس اكثر من هذا
فهد :- لنفسه اللهم يطولك يا روح عن اذنك مستر جيسيون ومسك ايد مليكه ومشى وسابه
جيسيون:- انها فتاه رائعه يبدو عليها الجمال المصري يالها من فتاة تأخذ العقل
……………………………………………………
فى الفندق فى اوضت مروه
كانت مروه بتفكر فى طريقه توقع بيها ما بين فهد ومليكه وقالت
مروه :- ماشى يا فهد مبقاش انا لو مكنتش خليتك تسيب اللى اسمها مليكه دى وتيجى ليا تترجانى ارجعلك وسعتها هزلك زلت الكلاب لحد ما اوفق وفلوسك دى كلها هتكون ليا انا ويا اما تكون ليا يا اما مش هتكون لحد نهائى
وفى الوقت ده الباب خبط قامت فتحت لاقتها سهير
مروه :- طنط تعالى يا طنط
سهير :- بخوف انا جاى ابلغك ان انا رجعه اسكندريه
مروه :- ليه يا طنط خير
سهير :- عمك فريد تعبان جدآ وفارس اتصل بيا بلغنى لازم انزل اسكندريه حالا هتيجى معايه
مروه :- ها لالالا روحى انتى وانا هبقى اطمن عليه من على التليفون اصل عدى نايم ومش هينفع اصحيه
سهير :- ماشى يا حبيبتى ابقى بلغى فهد بقى وخلى بالك من نفسك واوعى تنسى البرشام لمرات فهد مش عايزين نغلط وتجيب منه عيل تعلقه بيها اكتر
مروه :- حاضر يا طنط من عنيه وانا هبلغك بكل حاجه تحصل اول بأول
ومشيت سهير ومروه قفلت الباب وراها وقالت حلو اوى كده الجو خلى ليا علشان اعرف افكر واتصرف براحتى
……………………………………………………
فى الحفله
اشتغلت اغانى سلو
فهد :- مد ايده لمليكه وقال تعالى
مليكه :- بصت على ايده بأستغراب وقالت فين
فهد :- تعالى نرقص
مليكه :- نرقص ب.ب.بس انا مش بعرف ارقص
فهد :- تعالى بس وانا هقولك تعملى ايه
مليكه :- مدت ايديها فى ايد فهد وقامت وراحت معاه
فهد :- حط ايده فى وسطها وقال حطى ايدك على كتفى
مليكه :- حطت ايديها على كتف فهد
فهد :- بصى فى عنيه وميلى على صوت الموسيقه
مليكه :- بصت فى عيون فهد وبدءت تميل على صوت الموسيقى بس داست على رجل فهد وقالت اوبس انا اسفه
فهد :- هههههه لا ولا يهمك كملى بس دوسى على الارض مش على رجلى والنبى احسن انتى خرمتيها
مليكه :- ههههههه حاضر وبدءت ترقص على الموسيقه وتبص فى عيون فهد
فهد :- وهو باصص فى عنيها تعرفى ان ضحكتك حلوه اوى
مليكه :- اتكسفت ووشها احمر وقالت ش.ش.شكرآ
فهد :- ههههههه الاحلى من ضحكتك كسوفك وخدودك اللى بتحمر من اقل حاجه دى
مليكه :- بصت فى الارض ومردتش عليه
فهد :- تؤتؤتؤ ومد ايده تحت دقنها ورفع ليه وشها وقال خليكى بصه فى عيونى
مليكه :- وهى متوتره ح.ح.حاضر
وسرح فهد فى عيون مليكه وهى نفس الحكايه سرحت فى عيون فهد
حتى منتبهوش ان الاغنيه خلصت
باسم :- احم احم على فكره الاغنيه خلصت من بدرى
مليكه :- بعدت عن حضن فهد ووشها احمر من كتر الكسوف وبصت فى الارض
فهد :- ده انت غلس غلاسه يا اخى
باسم :- وهو بيكتم ضحكته الحق عليا الناس كانت بتتفرج عليكم وانا قولت انبهكم
مليكه :- ع.ع.عن اذنكم وطلعت تجرى
باسم :- بغمزه بس ايه الحكايه
فهد :- حكاية ايه
باسم :- انا شايف قدامى احلى قصة حب ما بين فهد ومليكه
فهد :- احم ع.ع.عادى يعنى
باسم :- ده انت عيونك فضحاك
فهد:- باسم بقولك ايه بلاش تشتغل على دماغى
باسم :- اعترف بقى يا فهد بحبها اتنازل عن عنادك وكبريائك لو مره واحده وقول انك بتحب مليكه
فهد :- ايوه يا باسم بحبها وحبها وصل عندى لمرحلة العشق والجنان ارتحت كده لما عرفت
باسم :- بفرحه اشهد ان لا إله ألا الله وان محمد رسول الله اخيرآ نطقتها اخيرآ يافهد الحجر نطق انا اسعد واحد فى الدنيا دى النهارده بجد فرحت ليك اوى يا صحبى ربنا يسعدكم يارب
فهد :- بس المشكله مش قادر اتأكد من مشاعر مليكه سعات بحس انها بتحبينى اوى وسعات بحس ان هى عايشه غصب عنها معايه ومش بتحبينى
باسم :- يا فهد دى واضحه زى الشمس مليكه بتحبك واوى كمان وده واضح اوى من غيرتها عليك من رزان بس هى كرمتها منعاها تعترف بده حتى لو بينها وبين نفسها حاول تخليها تثق فيك وهى كل ما هتثق فيك كل ما هتلاقيها تلين وتعترف بحبها ليك بس واحده واحده عليها بلاش الحمشه الزياده دى الستات بيحبو الراجل الحنين عليهم مش العصبى
فهد :- ماشى يا عم الحبيب انت كمان ولسه هيمشى
باسم :- رايح فين
فهد :- هشوف مليكه راحت فين
باسم :- الله يسهلو يا عم ههههههههه
ومشى فهد يدور على مليكه
……………………………………………………
عند مليكه
حست بحراره جامده طالعه من وشها من شدت الكسوف راحت الحمام وبصت فى المرايا لاقت خدودها حمرا ابتسمت لنفسها فى المرايا وافتكرت لما كانت فى حضن فهد وبترقص وكانت ريحة برفانه معلقه عندها فى الهدوم شمت ريحة هدومها وغمضت عنيها وحبست ريحة البرفان عندها اكتر وقت ممكن وفتحت عنيها واخدت نفس وغسلت وشها وخرجت من الحمام بس وقفها صوت صدمها
جيسيون :- انستى الجميله ماذا كنتى تفعلين
مليكه :- مردتش عليه ولسه هتمشى
جيسيون :- وقف قصدها وقال لماذا انتى تتجاهلينى انستى
مليكه :- مستر جيسيون لو سمحت التزم الادب والا سيكون ردى لك لا يعجبك
جيسيون :- انستى تبدين رائعه وانتى متوتره وقرب منها اكتر
مليكه :- ل.ل.لو سمحت لا تقترب اكثر من ذلك
جيسيون :- انستى اننى اريد قضاء ليله معاك بدون علم الاخرين اريد اتذوق الجمال المصري
مليكه :- تبآ لك انك وقحآ كثيرآ وسوف اخبر زوجى فهد بما حصل وسوف ينتقم منك انتقام شديد
جيسيون :- ههههههههه كلا انستى لن تخبرى زوجك بشئ لانك تخافين منه ولا تستطيع القول لها عن شئ وقرب منها وحاول يبوسها
مليكه :- وهى بتحاول تضربه وتبعد عنه ابعد عنى يا حقير ابعد وقعدت تزق فيه
جيسيون :- اريد المزيد منك انستى بس فى الوقت ده حس بأيد بتسحبه وبتضرب فيه
مليكه :- فهد وطلعت تستخبى وراه منه
فهد :- اه يا و**** بتمد ايدك على مراتى ده انت اخرتك على ايدى انا وقعد يضرب فيه والكل سمع صوت الشجار وطلع يجرى على الصوت
باسم :- اتصدم من اللى بيحصل وطلع يجرى على فهد علشان يسيب جيسيون وقال يا فهد الراجل هيموت فى ايدك وحاول يفلت جيسيون من ايد فهد وبعد وقت طويل نجح باسم فى ان يبعد فهد عن جيسيون
فهد :- بعصبيه وحياة امك ما انا سيبك يا و**** يا ن****** بقى تمد ايدك على مراتى ده انت النهارده اخر يوم فى عمرك وحاول يهجم عليه تانى
باسم :- وقف قصاد فهد وقال اهدا شويه يا فهد مش كده
جيسيون :- سوف تدفع ثمن ما فعلته كثير مستر فهد سوف تعرف من هو جيسيون
فهد :- وهو باسم مسكه اوع يا باسم سبنى عليه خلينى اطلع روحه فى ايديه وبص لجيسيون وقال ده انا اللى هعرفك مين هو فهد المنشاوى ومفيش صفقه هتم والعقد انا خلاص لاغيته
روبرت :- سمع باللى حصل وجه يجرى ومسك جيسيون وبص لفهد وقال
انا بعتذر لك مستر فهد ان جيسيون ليس بوعيه لقد شرب كثيرآ وانا سوف اجعله يعتذر لك بعد ان يفيق
فهد :- مستر روبرت لقد انهيت العقد معكم ولا اريد هذه الصفقه
روبرت :- كلا مستر فهد لقد حصل سوأ تفاهم وارجو منك العفو
فهد :- انا اتأسف لك بشده هذا قرارى النهائى ومسك ايد مليكه اللى كانت بتعيط وجسمها كله بيترعش وسبهم ومشى
جيسيون :- انتظر ردى عليك مستر فهد سوف يكون ردآ رادع لك
روبرت :- اهدأ ايها الرجل الغبى لقد اضعت الصفقه بتهورك وبص لباسم وقال مستر باسم اتمنى منك ان تحدث مستر فهد بشأن قراره بعد ان يهدأ
باسم :- بالتأكيد مستر روبرت وبص لجيسيون بقرف ومشى
……………………………………………………
فى العربيه عند مليكه وفهد
كانت مليكه منهاره وعماله تعيط وجسمها بيترعش
فهد :- مسك ايديها وطبطب عليها وقال شششش اهدى يا مليكه شويه انتى خلاص معايه فى امان وانا انتقمت ليك من اللى عمل فيكى كده
مليكه :- بدموع ا.ا.انا والله ما عملت حاجه ك.ك.كنت خرجه من الحمام لاقيته وقف واتهجم عليا
فهد :- ببصت حنان قال انا واثق فيكى يا مليكه وعارف ان الو*** هو اللى عمل معاكى كده ولو مكنش باسم جه وخلصه من ايدى انا كنت شربت من دمه وطلعت روحه بأيديه دول
مليكه :- عيطت اكتر
فهد :- شد مليكه فى حضنه وطبطب على ضهرها وقال خلاص يا مليكه اهدى شويه
مليكه :- حست براحه فى حضن فهد واتشبثت فيه اكتر وطفست وشها فى حضن فهد اكتر
فهد :- بعد وقت حس ان مليكه مش بتتحرك بيبص لاقها نامت فى حضنه بص ليها وابتسم ابتسامه خفيفه وبسها فى رسها ورجع الكرسى بتاع العربيه وراه ونايم مليكه عليه وشغل العربيه وراح على الفندق وقف العربيه ونزل فتح الباب اللى من اتجاه مليكه وشلها وقفل الباب برجليه وطلع على اوضه حطها على السرير وقلع جكت البدله والجزمه وقلع مليكه الجزمه من رجليها ونام جمبها على السرير واخدها فى حضنه ونام للصبح
……………………………………………………
اشرقت شمس نهار يوم جديد بنورها الساطع فى سماء عروس البحر لتداعب بخيوطها الصفراء العيون البونيه لتبدء مليكه بفتح عيونها
مليكه :- حست بحاجه تقيله على كتفها
بتبص لاقت نفسها نايمه فى حضن فهد وحضنها قعدت تبص عليه وهو نايم ومشت ايديها على وشه تلمس بشرته وحست فهد بيحرك راسه قامت بسرعه وقعدت على السرير
فهد :- فتح عيونه ولاق مليكه قعده جمبه على السرير ابتسم وقال صباح الخير
مليكه :- ص.ص.صباح النور هو انا جيت هنا ازاى اخر حاجه فكرها ان انا كنت بعيط فى العربيه
فهد :- واخدك فى حضنى ولاقيتك نمتى جيت هنا وشلتك طلعتك الاوضه وحطيتك على السرير ونمت جمبك
مليكه :- بتوتر ش.ش.شكرآ ب.ب.بس ياريت بعد كده متنمش جمبى علشان دى مش اول مره
فهد :- بجد ده انتى بتبقى مكلبشه فيا وانتى نايمه
مليكه :- وشها احمر من الكسوف وقالت ل.ل.لوسمحت احترم نفسك
فهد :- بص ليها وضحك ههههههههههه
مليكه :- ممكن اعرف بتضحك على ايه شيفنى اراجوز قدامك
فهد :- لا بس بيبقى شكلك تحفه وانتى مكسوفه كده ومتوتره
مليكه :- قامت بغيظ من جمبه وقالت والله العظيم انت غلس وفتحت الدولاب طلعت هدوم ليها واخدتها ودخلت الحمام اخدت شاور واتوضت ولبست هدومها وخرجت ادت فرضها
فهد :- خلصتى
مليكه :- الحمدالله
فهد :- طب يلا الفطار جه
مليكه :- قعدت واكلت لقمتين وشربت العصير وقامت
فهد :- ما تكملى اكلك
مليكه :- الحمدالله شبعت
وفى الوقت ده خبط الباب
فهد :- قام فتح وكان باسم على الباب
باسم :- صباح الخير يا فهد
فهد :- صباح النور تعال ادخل
باسم :- دخل وقال اذيك يا مليكه
مليكه :- الحمدالله يا استاذ باسم
باسم :- ما بلاش استاذ دى مش انا زى اخوكى قولى علطول باسم
مليكه :- ربنا يعلم بعزك قد ايه زى اخويه بالظبط
باسم :- ربنا يعزك يارب
فهد :- بغيظ مش خلصنا بقى ولا هنقضيها فى اخويه واختى
باسم :- وهو بيكتم ضحكته على فهد قال خلاص خلاص نتكلم فى المهم
فهد :- ايوه كده اتظبط علشان مظبطكش انا
مليكه :- انا هنزل اقعد على البحر شويه
فهد :- ماشى بس لو حد ضيقك تيجى تقولى ليا علطول
مليكه :- حاضر ونزلت وسابت باسم مع فهد فى الاوضه
فهد :- ايه هو الموضوع المهم اللى عايزنى فى يا باسم
باسم :- موضوع الصفقه اللى انت عايز تلغيها انت عارف لو لاغيت العقد هندفع مبلغ قد ايه هيبقى كبير اوى وهيأثر على سيولة الشركه
فهد :- مش مشكله بس انا مش هشتغل مع الناس دى تانى يا باسم
باسم :- يا فهد اهدا مش كده وتعال نفكر فى حل وسط
فهد :- ازاى يعنى
باسم :- بص يا سيدى احنا ممكن نكمل الشغل معاهم عادى
فهد :- مستحيل يا باسم
باسم :- اسمع بس روبرت ومارجريت كويسين جدآ ومشفناش منهم حاجه وحشه احنا نعمل معاهم اجتماع ونشترط عليهم ان احنا نكمل العقد عادى بس التعامل هيكون من خلال روبرت ومارجريت بس ونلغى التعامل مع رزان وجيسيون وبكده احنا قطعنا التعامل مع رزان وجيسيون من غير ما نخسر ولا مليم
فهد :- وافرض رفضو
باسم :- مستحيل يرفضو روبرت متمسك جدآ بينا وهيوافق على اى طلب نطلبو منه
فهد :- اوك اتفق معاه على الاجتماع بس ميكنش الزفت ده موجود ولا هو ولا اخته
باسم :- تمام هشوف روبرت وارد عليك وقام وقف وقال همشى انا
فهد :- ماشى يا باسم ومشى باسم وقفل باب الاوضه وراه وشويه والباب خبط تانى على فهد
فهد :- يخربيت مخك يا باسم تلاقيك نسيت حاجه وفتح الباب ولاقه مروه
مروه :- صباح الخير يا قلبى
فهد :- نعم عايزه ايه
مروه :- انا شوفت مراتك نزلت من شويه وقولت اجى اشوفك محتاج حاجه
فهد :- شكرآ مش محتاج حاجه ولو هحتاج مش هطلبها منك هطلبها من مراتى ممكن بقى تمشى ولسه هيقفل الباب
مروه :- مسكت الباب وقالت استنى هنا يا حلو انا عايزاك فى موضوع
فهد :- مفيش بينا مواضيع
مروه :- لا ده فى موضوع مهم ما بنا ومش من دلوقتى ده من زمان اوى
فهد :- مش عايز اعرف حاجه عنك افهمى بقى انا بحب مراتى
مروه :- اسمعنى الاول وبعدين شوف هتختار ما بينى وبين مراتك
فهد :- اخلصى قولى اللى عايزه تقوليه
مروه :- بلئم هنا هنتكلم هنا
فهد :- بقولك ايه انا مش ناقص قرف قولى اللى عايزه تقوليه يا اما تمشى من وشى
مروه :- دخلت من تحت دراعه وقعدت على السرير وقالت مش بطاله الاوضه
فهد :- ساب الباب مفتوح ودخل وقال انجزى علشان متعصبش وانتى عارفه عصبيتى
مروه :- بس متقطعنيش
فهد :- اللهم يطولك ياروح اخلصى
مروه :- ماشى بص يا سيدى من كام سنه فاتو لما قضيت معاك الليله الاخيره واخد الفلوس ومشيت احترت اعيش فين فى مصر وكنت متأكده ان لو قعد فى مصر هتقدر توصلى ليا بكل سهولا ومكنش خوف منك انا عارفه ومتأكده انك كنت ضعيف اوى قصاد حبى بس مكنتش حابه العيشه معاك المهم فكرت اعمل ايه وجت فكره فى دماغى ان انا اسافر بره بس المشكله مكنش معايه بسبور روحت طلعته وحطيت الفلوس فى البنك وحولتها على حساب بره وسافرت بس هناك حسيت بتعب ومره اغمى عليا واخدونى ورحت المستشفى وهناك عرفت خبر ان انا حامل اتصدمت ومبقتش عارفه اعمل ايه ارجع واقولك بس مش متوقعه ردت فعلك ايه ولا انزله حاولت انزله بس مكنش فى نصيب ينزل قبلت اخوك فارس فى المطعم اللى باكل كل يوم فيه الصراحه كنت بستتأقل دمه جدآ او ممكن تقول بكرهو وطبعآ مكنتش اعرف ان هو اخوك بس جت ليا فكره ان اتقرب ليه فى اسرع وقت واخليه يحبينى ويتجوزنى وانسب اللى فى بطنى ليه وطبعآ بقيت اقرب ليه وهو الصراحه مأخدش فى ايدى غلوه وقع فى حبى علطول ضحكت عليه وقولت ليه ان انا اغتصبونى شوية شباب اجانب وعلشان انا مصريه معرفتش اخد حقى منهم
طبعآ مرايت الحب عاميه صدق علطول وعرض عليا الجواز وانا وفقت وبعد الجواز فارس ورانى الصور بتاعتكم وعرفت ان هو اخوك وبعد وقت قصير عملت نفسى تعبانه وقولت ليه ان انا كشفت وطلعت حامل وانا تقريبآ كنت فى شهر ونص او شهرين وبعد كده انت شوفتنى وانا حامل لما جيت ليا كنت ناويه اقولك بس حسيت بكمية الشرار اللى فى عينك خفت اقولك وبعد سبع شهور من جوازنا انا وفارس حسيت بتعب لان كنت انا فى التاسع روحت ودفعت للدكتور واتفقت معاه ان هو يقول ان انا هولد فى الشهر السابع بس البيبى كويس ومفهوش حاجه وبالفعل ولد وجه البيبى مكتمل لان هو مولد فى معاده بس طبعآ فارس ميعرفش كده بس يا سيدى
فهد :- كان بيسمع كلام مروه وهو مصدوم وقال قصدك ا.ا.ان عدى ي.ي.يبقى ابنى انا
مروه :- وهى تضحك ضحكه مستفزه ايوه عدى ابنك انت يا فهد
فهد :- وانا ايه يثبت ليا صدق كلامك
مروه :- سهله تحليل DNA يثبت كلامى
فهد :- مسكها من درعها وقفها وقال انتى ايه يا شيخه شيطانه انتى بتعملى معايه كده ليه عايزه منى ايه ابعدى عن حياتى بقى
مروه :- حضنته وقالت انا بحبك يا فهد وقعدت تبوس فيه وتقول ما عرفتش ان انا بحبك اللى بعد ما بعد عنك سعتها بس اتأكد ان بحبك اوى ارجع ليا يا فهد وانا هعوضك الايام اللى بعد عنك فيها وحضنته جامد وباسته من شفايفه
فهد :- كان بيحاول يبعد عنها
بس فى الوقت ده دخلت عليهم مليكه
مليكه :- اتصدمت لما شافت مروه فى حضن فهد ومقدرتش تمسك دموعها
فهد :- اتصدم لما شاف مليكه وقال مليكه هفهمك اوعى تفهمى غلط
مروه :- عملت نفسها بتعدل هدومها وقالت ط.ط.طب انا همشى بقى يا فهدى شكلها الليله انضربت وسابتهم ومشيت وهى على وشها ضحكت شر
فهد :- مليكه اللى انتى شوفتى ده مش زى ما جه فى دماغك ده
مليكه :- قطعته بدموع طلقنى يا فهد
فهد :- لالالا يا مليكه اسمعينى بس
مليكه :- طلقنى طلقنى مش طايقه ابص فى وشك
فهد :- انتى فاهمه غلط والله
مليكه :- بدموع دخلت عليك فى اوضت نومك ولاقيت مرات اخوك فى حضنك وبتبوسه بعض وتقولى فهمت غلط انامش عارفه انت ازاى كده بنأدم زباله ازاى ترضاها على اخوك ان مراته تخونه معاك انت اكيد مش بنأدم انت شيطان نجس وواطى انت اقل من يتقال عليك و***** لا عمرى شفت ولا هشوف واحد زيك انا هرجع بيت ابويه وورقتى تيجى عندى فاهم
فهد :- مسكها من درعها وقال لا يا مليكه متبعديش عنى انا اكتر وقت محتاجك فى هو دلوقتى انا بحبك يا مليكه ومقدرش اعيش من غيرك ولو بعدى عنى اموت
مليكه :- وانا بكرهك بكرهك ومش طايقه العيشه معاك ولا طايقه رحتك ولا طايقه ابص فى وشك ولسه هتمشى
فهد :- مسكها جامد من درعها وقال اوعى تفكرى تعملى كده انك تبعدى عنى انا بحبك يا مليكه بحبك
مليكه :- زقته وقالت طلقنى يا فهد وسابته ومشيت
فهد :- وقف مكانه مصدوم من اللى بيحصله وبص حواليه وجت ليه حالة هستريه ومسك كل حاجه فى الاوضه وكسرها وكل اللى فى فندق اتلم على صوت التكسير وكان منهم باسم اللى طلع يجرى على الاوضه واتصدم من منظر فهد ومنظر الاوضه
باسم :- دخل يجرى وقفل الباب وراه وبص حواليه وقال مين اللى عمل كده يا فهد
فهد :- بعصبيه سبتنى يا باسم ومشيت سابتنى وانا اترجيتها انها متبعدش عنى انا مقدرش اعيش من غير مليكه يا باسم مقدرش
باسم :- طب ايه احصل لكل ده يا فهد
فهد :- افتكر مروه واللى عملته فتح الباب وراح يجرى على اوضت مروه وخبط على الباب بعصبيه
مروه :- فتحت واتصدمت لما شافت فهد قصدها وبالمنظره ده ولسه هتدخل وتقفل الباب
فهد :- زق الباب ومن عزم الزقه مروه وقعت على الارض مسكها فهد من شعرها وقال بقى انا يا بنت ال**** تعملى معايه كده وحياة امك النهارده اخر يوم فى حياتك ومسكها من رقبتها وحاول يخنقها
مروه :- اااااه هموت ا.ا اوعى يا فهد ه.ه.هتخنق وبدء يظهر على وشها علامات الاختناق وفى الوقت المناسب تدخل باسم وخلص مروه من ايد فهد
باسم :- اهدا يا فهد هضيع نفسك علشان واحده زى دى
فهد :- بعصبيه اللى زى دى لازم تموت حرام تعيش يوم واحد وسط الناس
مروه :- خ.خ.خده لو سمحت بعيد احسن شكله اتجن وعايز يموتنى
باسم :- بص لمروه بقرف وسبها واخد فهد فى ايده وخرجو من الاوضه
فهد :- سبنى عليها يا باسم اخلص البشر من شرها
باسم :- متستهلش تضيع نفسك علشانها
واهدا كده واحكى ليا ايه حصل بالظبط
فهد :- حكى كل حاجه وهو متعصب
باسم :- اتصدم من اللى سمعه وقال يعنى عدى ابنك انت مش ابن اخوك
فهد :- ايوه يا باسم ايوه مش بقولك دى شيطانه المهم دلوقتى مليكه يا باسم مش عارف راحت فين
باسم :- طب اهدا انت وخليك هنا وانا هنزل ادور عليها
فهد :- لا هروح معاك ادور عليها
باسم :- لا يا فهد مش هينفع تدور معايه وانت كده انا هنزل وانت اوعى تدهور وسابه ومشى
فهد :- قعد على حرف السرير وحط راسه ما بين ايديه وقال يا ترى يا مليكه روحتى فين
وشويه وقام وقف وقال لالالالا مش قادر استحمل واقعد هنا ومش عارف طريق مليكه فين ومسك مفاتيح عربيته ونزل يجرى ركب عربيته ومشى بيها يدور على مليكه بس وهو ماشى اتفاجئ ان الفرامل سايبه ومش عارف يتحكم فى العربيه وحاول يتفاده الحادثات لكن العربيه اتقلبت بيه كذا مره على الطريق الناس اتجمعت وحاولت تخرج فهد من العربيه ونجحو وخرجو فهد من العربيه بس كان مفهوش نفس ووشه كله دم
واحد من الناس :- حد يتصل بالاسعاف بسرعه شكل الراجل مات
🔴🔴🔴🔴🔴🔴🔴🔴🔴🔴🔴🔴🔴🔴🔴🔵
علقوا هنا ب 10 ملصقات برايك
عايزة مش اقل من 120 كومنت او اكتر ممكن؟؟
ونكمل بعد شوية
يلا تفاعل.. التفاعل بقي زفت
مش هنزل تاني غير لما ألقي التفاعل المطلوب
- يتبع الفصل التالي اضغط على (رواية متمرده عشقت كبرياءه) اسم الرواية