رواية علمتيني ازاي احب الفصل الثالث والعشرون 23 - بقلم امل شعبان
بينما كنت انظر اليه انا وحنان بفضل نبره صوت واحده انا وحنان ايه اللي حصل قولي
اللي كان سبب طلاقي فيلم رومانسي مش احنا
يا بنات
دايما بنشوف فى الأفلام
البطلة تروح تستخبى للبطل ورا الباب
ولما يدخل الاوضة
تطلعله من ورا الباب ع أساس تهزر و تعمله مقلب
يروح هو يمسكها و يشيلها و يفضل يلف بيها
ويفضلوا يضحكوا و التصوير بطئ و مبسوطين و طايرين
وبعدين يرميها عالسرير
ومن كتر ما سريرهم ريش و ناعم هى تغطس جواه
وتختفى بين المخدات ..
بدانا نستغرب انا وحنان وبدانا نساله ايه الوحش في فيلم رومانسي جميل
بقلم امل شعبان علمتني ازاي احب
شيماء ما انا داخله لكم في الموضوع اهو يا بنات جيت انا قلت "لازم أقلدهم"
عندى زوج، وأنا هأعمل دور البطلة
هاتفرق إيه عنى يعنى؟
رحت أول حاجة طلعت قميصه الأبيض من الدولاب ولبسته
عشان آل إيه أبئى كيوت وإنى لابسة حاجة واسعة و كدا
ورحت رفعت شعرى كعكة وبليته مية لحد ما مسكت الكعكة عشان من زمان مسرحتهوش فماسك ف بعضه زي مكانس القش
المهم كان جوزى نايم عالكنبه فالصالون ، رحت انا الكيوت الناعمة ،
جيت من بعيد و نطيت ع طرف الكنبه الي هو نايم عليها
كان كل قصدى بس اخليه يتخض وكدا
بس بالغلط لما نطيت أخطأت التصويب و وقعت على راسه
و بعدين اتقلبت عالأرض بين الكنبه و الترابيزة
ربنا ستر ورقبته ماإتكسرتش
طبعا هو من الضربة الي خدها قام زي المجنون
أنا بقيت أستجمع قوتي زي الي بطلع من حفرة
وجريت ع الأوضة
هو قام و جري ورايا، أنا كل فكري إن احنا حاليا قاعدين بنعمل زي الأفلام ، و هو بيجري ورايا يكمل الهزار معايا ..
و أنا بطير زي العاهة عالأوضه صباع رجلي الصغير إتخبط ف بوز ترابيزة السفرة
رحت من الوجع اتشقلبت عالأرض و فضلت أرقص زومبا عالشقلوب
جه هو إتعنئل فيا و وقع برضه و جه صابعه فزاوية الباب
أنا لسا قال مفكرة نفسي كيوت و حلوه و قمت أكمل جري و بضحك
المهم خلاص وصلت اوضه النوم و مفيش مجال اهرب
جه جوزي زي الطور الهايج و عنيه حمرا و بيجز على سنانه
شالني و رماني عالسرير من شدة الرمية خبط راسي بخشبة السرير فضلت اولول
و من كتر ماالمرتبة وخشب السرير واحد ، جاني تهتك مفاصل ، وباظت كل ملامح جسمي
بعدين نزل فيا شلاليط وإقلام عالتصوير السريع
هنا استوعبت إن دى خناقة مش هزار
بعدين الله يحميه خد باله اني لابسة قميصه
اتجنن بزيادة لأنه لسه جايبه من المكوجى
عشان يلبسه ف اجتماع بكره ف الشغل
راح نزل فيا بوكسات و مسكني من كعكتي و مسح بيا الاوضة
وبعد كده جلس على الانتريه وعمال يصوت بيقول رقبتي اتكسرت بدا يقولي منك لله يا شيخه
صعبت عليا نفسي قلت والله ما قاعده لك في البيت على اساس اللي هو يجي ياخدني لقيته باعتلي ورقه طلاق
كنت انا وحنان خلاص مش قادرين نمسك الضحك اكثر من كده لدرجه حنان كان هيغمى عليها من كتر الضحك 😂😂😂😂😂
لمتابعه باقه الروايه تفاعل حلو يا قمرات ❤️❤️❤️❤️❤️❤️❤️❤️❤️❤️❤️❤️❤️
•تابع الفصل التالي "رواية علمتيني ازاي احب" اضغط على اسم الرواية