رواية بعت نفسي الفصل الثالث والعشرون 23
البارت 23
بعت نفسي بقلم نسرين بلعجيلي
الوقت بعدي بسرعه ادهم ساب مليكه اسبوعين مين غير ما يكلمها ولا يسأل عليها وكان مستني انها تتصل بيه
وحتي هي استغربت انو ماكلمهاش خالص
نسرين بلعجيلي
**نعمات مالم يابت مش علي بعضك ؟؟
**مليكه مافيش ياما
**نعمات لا يابنت بطني انت من ساعه مارجعت وانت مش علي بعضك لا بتطلعي ولا بتخرجي حابسه نفسك هنا دا حتي مش عايزه تنزلي تشتغلي
لا يا ضنايا لازم تنزلي تشوفي حالك ما اخوكي الصغير بينزل يشتغل في ورشه ميكانيكا بعد المدرسه وانت قاعده ليا هنا
**مليكه كده ياما انا قاعده ما انا ملتزمه مع الناس اول ما يتصلو بيا حارجع
**نعمات ماتلقطي رزقك في اي حته لحد مايكلموكي القعده و الراحه مش لينا يا بنتي
**مليكه حاضر ياما
**نعمات ربنا يهديكي ويريح بالك يا مليكه
في شركه الشرقاوي
**اكرم ايه ياعم نسيت مراتك ولا ايه؟
**ادهم اكرم احنا في الشركه لا حد يسمعك
انا مديها فتره ترتاح اللي حصل ليها مش سهل وبعدين مستنيها هي تتصل
**اكرم يمكن معندهاش رصيد
**ادهم يمكن عارف من ساعه ما راحت بيتهم مانزلتش لشارع الحرس بتوعي مراقبينها
وكمان امها مكانش عندها علاج وماطلبتش مني فلوس
**اكرم انت بتراقيبها ؟
**ادهم طبعا انا معنديش ثقه فيها وخاصه دلوقتي بقت مراتي
بعت نفسي
**اكرم بس مليكه مش خاينه ولا بنت سهله وانت عارف كده كويس بس مش عايز تصدق
ادهم لازم تروح تتعالج من الصدمه اللي انت فيها وعيش حياتك سواء مع مليكه ولا غيرها و اوعي تضلم حد عشان انت اتضلمت مش كل الستات خاينه دي حطها قاعده عشان تعرف تعيش
سلام
فضل ادهم يفكر في كلامو
وقام اتصل بي مليكه
**ادهم الو
**مليكه الو
**ادهم ايه ماتصلتيش ليه؟
**مليكه بصراحه مش معايا رصيد وبعدين استنيت حضرتك تتصل بيا
**ادهم انا قولت اسيبك ترتاحي شويه
**مليكه كثر خيرك ارجوك لازم اشتغل امي ابتدت تشك انا من ساعه ما رجعت وانا ما طلعتش
**ادهم وانا محبستكيش انك ماتطلعيش
**مليكه ما انا لو طلعت لازم اشتغل مش حاطلع يعني اتفسح وطبعا انت رفضت
**ادهم طيب انا جايبلك شغل
**مليكه بفرحه بجد كثر خيرك
**ادهم ساعه وتنزلي حتلاقي حوده مستنيكي في المكان اللي نزلتك فيه
**مليكه حاضر هو الشغل فين؟
**ادهم سكت شويه وبعد كده رد في شقتي مش برضو دا شغل ؟
**مليكه بصدمه قصدك انت عايزني عندك في الشقه ؟؟
**ادهم ايوه بس قبل حوده حايوديكي بيوتي سنتر مكان كده بنضفو فيه الستات
**مليكه وانا اشتغل عندهم ايه دول ؟
**ادهم هو انت غبيه ولا مش عايزه تفهمي
تروحي المكان دا وتسيبي نفسك ليهم وهما حايعملو الازم وبعد متخلصي حوده حيوصلك الشقه وتستنيني
بصراحه اخر مره قرفت منك وانا بحب الست تكون نضيفه وانا بلمسها مش نضافه انك تاخدي دوش لا دي حاجه تانيه انت ماتعرفيهاش
**مليكه بصدمه ومش مستوعبه
شكرا علي اهانتك ليا
**ادهم مش اهانه دي حقيقه مليكه لما تروحي هناك حاتفهمي انا بقصد ايه واعملي حسابك تقعدي معايا اسبوع وبلغي امك بي دا
**مليكه ماشي
**ادهم يلا سلام
نعمات كنت بتكلمي مين ؟
**مليكه الناس عايزيني اسبوع معاهم
**نعمات ربنا يوفقك يا بنتي ابقي خودي منهم فلوس ابعثيها مع الراجل
Nisrine Bellaajili
وصلت مليكه البيوتي سنتر
ودخلت واللي جوه استغربو من لبسها
لان المكان دا هاي كلاس
جات وحده عندها
**البنت اتفضلي معانا يا مدام مليكه
مليكه حست ان الكل بي بص عليها بطريقه مش كويسه او مستغربين وجودها في المكان دا
قعدت اكثر من 4 ساعات عملت فيهم تنضيف البشره وسويت لجسمها وفهمت ادهم يقصد ايه
طلعت مليكه وشها منور وجسمها نضيف من كل الشعر
وصلت الشقه وطلعت المفتاح فتحت الباب
ودخلت
اتصل بيها ادهم وقالها تلبس فستان موجود فوق السرير
راحت الاوضه لاقت فستان سهره من ستان لونو ابيض حلو
عريان شويه من الصدر وقصير لحد الركبه
لبستو وحطت برفان وكان روج احمر حطتو علي شفايفها وسابت شعرها اللي بقا حرير بعد جلسه بروتين عملتها في البيوتي سنتر حست نفسها انها عروسه وهي بتص في المرايه سمعت باب الشقه اتفتح وماكنتش عارفه تعمل ايه تطلع ولا تفضل جوه لحد ما سمعتو بينده عليها
**ادهم مليكه
**مليكه ايوه
**ادهم انت فين ؟!!
طلعت مليكه وهي مكسوفه اول مره تلبس فستان كده قصير وضيق ومبين مفاتنها قدام حد
**ادهم وهو بي بص عليها وعرف انها مكسوفه
ايه مش حتسلمي عليا ؟
**مليكه اه
وراحت عندو مدت ايديها ليه
**ادهم ايه دا ؟؟ في وحده بتسلم علي جوزها كده ؟؟
**مليكه اسلم عليك ازاي ؟؟
**ادهم كده
وجرها عندو لحد ما اتخبطت في صدرو وخد شفايفها في بوسه
هي كانت مش عارفه تتصرف
**ادهم حضري السفره انا جبت اكل علي ما اخد دوش واغير
هربت بسرعه من قدامو وراحت المطبخ كان حيغمي عليها وهي معاه مشاعر اول مره تحسها خوف ورهبه ومعاهم مشاعر رقيقه مش عارفه تفسرها ادهم بالنسبه ليها غامض جدا
خلص هو دوش وطلع عندها لابس شورت وتيشورط ابيض مبين عضلاتو
**ادهم انا ميت من الجوع
**مليكه بالهنا و الشفا
ابتدو ياكلو في هدوء وهي في دماغها مليون سؤال ليه بيتصرف معاها كده ؟
كان بيبوسها كا انها حبيبتو و وحشاه وماشلتش عينيها من علي الطبق
عكسو هو اللي كان بياكل وبي بص عليها ليه متجاوبتش معاه في البوسه وحس بنفور من ناحيتها كا انها مش عايزه وغير في اخر انها مش عارفه تبادلو لانها معندهاش خبره كافيه
**ادهم الحمدلله
**مليكه حاقوم انضف السفره عايز شاي ولا قهوه ؟
**ادهم شاي لو سمحتي
روايات نسرين بلعجيلي Nisrine Bellaajili
دخلت المطبخ تلهي نفسها هي مش عارفه تتصرف معاه عملت الشاي وطلعت عندو كان قاعد علي الكنبه الكبيره وبيتفرج علي تليفزيون اخد الشاي من منها
**ادهم تحبي نتفرج علي فيلم ؟
**مليكه حاضر
وهو بدور علي اي فيلم تليفونو برن
**ادهم ايوه خير عايزه ايه؟
**كامليا انت فين يا ادهم ؟؟
**ادهم خير يا كامليا عايزه ايه انا مش فاضي
**كامليا هو انت مش حاتحضر الحفله ؟
**ادهم لا
** كامليا ليه الناس حاتقول ايه ؟ انك محضرتش حفله عيد ميلادي
**ادهم اللي عايز يقول حاجه يقولها هديتك مع جدي واتلمي يا كامليا مش انا مش موجود تعملي اللي انت عايزاه وممنوع تطلعي مع اصحابك لما تخلص الحفله فاهمه ولا اعيد كلامي؟ وبلاش زن عليا كل شويه اتصالات وتروحي تعيطي لجدي يكلمني انا مش جاي ومش حاتشوفي وشي اسبوع كامل يلا سلام
مليكه كانت مستغربه طريقتو في الكلام و وشو مكشر
**مليكه مراتك دي؟
ادهم ضحك
**ادهم ايه اللي خلاكي تقولي انها مراتي ؟
**مليكه من طريقه كلامك ليها
**ادهم في الساعه دي انت اللي مراتي دي بنت عمتي عايشه معايا في القصر و حاتموت وتتجوزني
**مليكه وانت؟
**ادهم لا مش عايز اتجوزها وبعدين بتسألي ليه ؟ مالكيش دعوه بحياتي الشخصيه فاهمه انت هنا لمزاجي وبس
**مليكه انا اسفه
بقلم نسرين بلعجيلي
•تابع الفصل التالي "رواية بعت نفسي" اضغط على اسم الرواية