رواية تزوجتني رغما عني فأحببتك الفصل الثامن والعشرون 28
رواية: زوجتني رغما عني فأحببتك 💛
_البارت: الثامن والعشرون 💚
___________________
_«حنين بفرحه» انا انا
_«حياء بفرحه» مستعده ياجميل
_«حنين بغيظ طفولي» اخلصي ياحياء قلبي
هيوقف من الفرحه
_«حياء بحب» طب ياستي
"وضعت حياء النقاب علي وجهه حنين وظبطته جيدا"
_«حياء بفرحه» مباااااارك ياروحي بقيتي ذات النقاب
_«حنين بدموع» مش مصدقه هموت من الفرحه
_«حياء بدموع» وبعدين معاكي هعيط والله
_«حنين بطمأنينه» متتخيليش انا فرحانه ازاي انا مش مصدقه اني لبسته هو انا بجد لبسته ياحياء
_«حياء ببراءه» والله لبستيه مالك ف ايه
_«حنين بدموع» مش مصدقه والله استحمليني تخيلي اوصل للنقاب بعد كل الذنوب اللي عملتها ربنا احرجني بكرمه وهدايته ليا انا حاسه اني فراشه بجد انا عمري مافرحت كدا
_«حياء بحب» حاسه بيكي وربنا انا ساعات بفضل ابوس في النقاب بتاعي وانا ماشيه في شارع من حبي فيه مع اني منتقبه من سنين بس ساعات بحس اني لسه لبساه انبارح ثم تابعت قائله ربنا يبنتي بيشوفك بتعصيه وبيبقي مستني منك التوبه تخيلي ربنا يقولك عبدي لما عصيتني؟؟ كلمه صعبه اوي؟؟ لازم نعمل حسابها وانتي الحمدلله اتغيرتي وبقيتي احسن وافضل ومدام وصلتي للمرحله دي استغليها فإنك تعلمي البنات وتحكلهم تجربتك سواء ببوست علي جروب في الفيس بوك او بريكوردات بس فيدي غيرك ولكي الاجر ان شاء الله
_«حنين بحماس» حاضر بجد كنت بفكر في الموضوع دا من زمان بس لازم اروح المسجد
اصلي ركعتين شكر الله علي اته رزقني النقاب
_«حياء بحب» انا جايه معاكي بس هستأذن زين وهجيلك
"بعد دقايق استأذنت حياء من زين ذاهبه هي وحنين للمسجد اثناء ماهم ذاهبيين للمسجد"
_«حنين بفرحه» اول مره امشي بالنقاب في الشارع قد ايه شعور جميل اووووي
_«حياء بحب» اوي بجد وبذات لو صحبتك لبسه نقاب زيك بجد بتحسي بإحساس مختلف وجميل
_«حنين بفرحه» ايوه حساه انا حاسه اني هبله اوي هو فرحتي دي طبيعيه صح
_«حياء بحب» طبعا صح انتي عملتي انجاز ولازم تكوني فخوره بنفسك انك حققتيه وادعي في
صلاتك ان البنات كلها اللي نفسها تلبس النقاب
تلبسه
_«حنين بحب» حاضر والله هدعلهم الحمدالله وصلنا المسجد
_____________________________♡
_«زين برفض» لا الصفقه دي مش هتم
_«الرجل بمكر» طب لو هقولك خد نص مليون جنيه هترفض بردو
_«زين بغضب» قصدك ايه مش فاهم
_«الرجل بمكر» يعني خد النص مليون جنيه ومشي الليله وكلنا هنبقي كسبانين
_«زين بغضب» استحاله اوافق علي حاجه زي دي وانا عارف انها هضر الناس قال رسول الله صلى الله عليه وسلم (لعن الله الراشي والمرتشي في الحكم) اتفضل اخرج مره واتقي الله في شغلك لو دخلت في بيتك فلوس حرام صدقني مش هتتهني لحظه اكسب بالحلال حتي لو هتكسب عشره جنيه بس هتلاقي فيها بركه وربنا مسهلها بلاش الطمع اخرته وحشه اتفضل برا ومشوفش وشك تاني
_«الرجل بقرف» انت الخسران
_«زين ببرود» صدقني انت الخسران وبكرا تشوف سكه الحرام مش هدوم كتير ولو دامت خاف علي نفسك
______________________________♡
_«حياء بحب» يلا نصلي ركعتين شكر الله
_«حنين بحب» ماشي
"اثناء ماكنت حنين ساجده الله قائله انا فرحانه اوي يارب بفضلك رزقتني بالنقاب بعد ماكنت متبرجه سامحني يارب واغفرلي انا توبت يارب وهبدء من جديد بفضلك يارب باخد كل خطوه وانت بتوفقني بيها مش مصدقه اني دلوقتي بتشبهه بأمهات المؤمنين واني الحمدلله برضيك كله بفضلك عليا يارب يارب ثبتني واعني علي النقاب"
_«حنين بحب» انا خلصت صلاة الحمدلله
_«حياء بحب» بارك الله فيكي وانا كمان خلصت صلاة
_«حنين بحب» تعالي بقي نتصور صوره حلوه مع بعض وانزلها علي الواتس
_«حياء برفض» غلط ياحنين حياتك متنزلهاش علي الواتس او اي مواقع التواصل الاجتماعي نهائي مش معني ان الحمدلله ربنا هدانا واننا لبسنا النقاب اننا ننزل في صورنا اكننا بنقولهم بصو انا حلوه بالنقاب ازاي؟؟
_«حنين بزعل» بس فيها ايه بردو
_«حياء بحب» ممكن لقدر الله وحده من صحبتك تاخد صورك وتوريها لشب بس وبعدها ممكن يتفن بيكي
_«حنين بعدم فهم» يتفتن بيا ازاي وانا منتقبه ومش باين مني حاجه غير عيني
_«حياء بحب» اهو عينك دي بقي ممكن تفتن شب عادي وبذات لو ملونه وانتي لما هتتصوري اكيد هتتصوري احلي صوره عشان تنزليها والكل هيشوفها ويتغزل فيكي مش دا اللي حيصل امنعي الصور وكل حاجه فيكي بس تنزلي وتقولي الحمدلله ربنا رزقني النقاب وبس
_«حنين بحب» حاضر والله مش هنزل حاجه نتصور بقي
_«حياء بحب» نتصور طبعا
"جاءت فتاه اليهم قائله السلام عليكم ورحمة الله وبركاته"
_«حنين وحياء» وعليكم السلام ورحمة الله وبركاته
_«الفتاه (خلود)» انا سمعت انك ياقمر لسه لابسه النقاب جديد ممكن تفيديني ازاي اتغيرتي وقربتي من ربنا
_«حياء بحب» فرصتك ياحنين جات اهي
_«حنين بحب» حاضر بصي انا كنت بنت زي اي بنت يعني بتلبس بناطيل وبلوزات وكنت بحط ميكب يعني وكنت دايما بشوف الملتزمين دول ناس متشدده ومعقده من الافلام والمسلسلات اللي كنت بشوفها كانو بيطلعه المشايخ والناس الملتزمه بصوره وحشه اوي وانا كنت بصدقهم ف كنت ببعد عن الملتزمين لحد ماقبلت حياء لقيتها لطيفه وجدعه وصابره ومستحمله حياتها وكانت عندها رضا مش طبيعي صحبتها وبقينا بشتغل في نفس المكان كانت بتفضل تعلمني امور ديني لحد ماحسيت اني شبهاا بقي اي حاجه تقولي عليها بعملها وبقت بتنصحني للصح اعملي كذا ومتعمليش كذا صحيح عمرها مانصحتني اللبس الواسع بس بسبب اهتمامها بنفسها وقد ايه بتخافظ علي نظافه لبسها بقي نفسي ابقي زيها وقلدها وحسيت اني ببص علي الدنيا بنظره تانيه حاسه اني لسه مولده بقيت عينه شايفه الحلال فين والحرام فين بقيت بخاف ربنا اووي وبقي همي رضاه عشان كدا اتغيرت حسيت ان حياتي اللي فاتت كلها عباره عن ضلمه وحياتي دلوقتي عباره عن نور انك تحسي ان ربنا راضي عنك دي الدنيا ومافيها
_«خلود بحب» ماشاء الله ربنا يثبتك ياحبيبتي
هو ممكن اخد رقمك
_«حنين بحب» اه طبعا
_«خلود بفرحه» شكرا اووي
_«حنين بحب» الشكر الله ياقمر
________________________________♡
_«ريم بحب» مباااارك ياحبيبتي اخيرا الشبكه اتحددت
_«رودينا بحب» الله يبارك فيكي يارب اكيد هتيجي انتي مش محتاجه عزومه
_«ريم بزعل» لا مش هعرف اجي منتي عارفه مش بسمع اغاني
_«رودينا بضيق» بجد هتزعليني منك بجد عموما انتي حره سلام
_«ريم بزعل» سلام
"تبيعي الجنه عشان صحبتك متزعلش؟؟ تخدي ذنب مجرد تفرحيها؟؟ خايفه علي زعلها ومش خايفه من ربنا اللي شايفك رايحه تعصيه؟ هي خطوه صعبه انك متحضريش خطوبه او فرح صحبتك المقربه بس رضا ربنا اهم الجنه اهم تبيعي الجنه عشان خاطر اغنيه؟؟ خليكي قويه وجاهدي نفسك اقفلي اي باب يوقعك وترجعي نقطه الصفر اسعي للجنه احضري بس افراح اسلاميه انتي محدش هيجبرك تحضري؟؟ ارضي صحبتك بأنك تجلها يوم تقعدي معاها بس متحضريش في مكان يغضب الله"
_________________________________♡
"رجعت حياء وحنين من المسجد"
_«حنين بخوف» حياء هو انتي تعبانه
_«حياء بحب» لا انا كويسه بس بطني وجعاني شويه هبقي اخد مسكن
_«حنين بحب» لو حسيتي بوجع تاني روحي اكشفي علي طول
_«حياء بحب» حاضر ياحبيبتي
_«زين بحب» مبارك ياحنين علي النقاب ربنا يثبتك يارب
_«حنين بحب» الله يبارك في حضرتك يااستاذ زين
_«زين بحب» حياء يلا نمشي انا خلصت خلاص وبعدين ماشاء الله طولته في المسجد
_«حياء بحب» معلش بقي القاعده خدتتنا
_«زين بحب» مفيش مشكله يلا نروح
"ودعت حياء حنين وذهبت مع زين"
_«زين بحب» ايه رئيك اخرجك النهارده
_«حياء بحب» بجد ياريت يازين
_«زين بحب» تحبي تروحي فين
_«حياء بحب» عايزه اكل بيتزا
_«زين بحب» بس كدا حاضر
_______________________________♡
_«فاديه» يلا ياريم ادخلي اقعدي مع العريس
_«ريم بضيق» بس فين اهله ياماما
_«فاديه بحب» هو قال يقعد معاكي الاول ولو حصل قبول يجيب اهله ادخلي بقي
_«ريم بزهق» طيب بس اوعي تسبيني لوحدي معاه
_«فاديه بحب» لا مش هسيبك
"دخلت ريم خلف والدتها قائله تحيه السلام"
_«يوسف» وعليكم السلام ازيك يااستاذه ريم
_«ريم بكسوف» الحمدالله
_«يوسف بلطف» تحبي حضرتك تسألي عن حاجه
_«ريم بكسوف» لاء مش عايزه
_«يوسف بلطف» طب اسأل انا ممكن
_«ريم بحب» اتفضل
_«يوسف» حافظه المصحف
_«ريم بحزن» لاء بس بحفظ فيه دلوقتي
_«يوسف» طب حافظه ايه
_«ريم بإحراج» حافظه سورة البقرة
_«يوسف» ماشاء الله اللهم بارك وعندك نيه تحفظيه كاملا ان شاء الله
_«ريم بحماس» اه طبعا
_«يوسف بحب» جميل جدا طب تعرفي ايه هم اركان الاسلام
_«ريم بقلق» انت اسألتك صعبه اوي
_«يوسف بضحك» دي اسأله سهله خالص الحاجات دي بيخدوها الاطفال انتي بس الي متوتره شويه ها تعرفي الاجابه
_«ريم بإحراج» لاء
_«يوسف بلطف» طيب تحبي لما تتخطبي تعملي ضوابط الخطوبه ولا لاء
_«ريم بحب» اه طبعا وعارفه شروطها كلها
_«يوسف» ماشاء الله طب والفرح تحبيه ازاي
_«ريم بحب» احبه اسلامي ان شاء الله
_«يوسف بحب» ريحتيني انا عايز زوجة صالحة تاخد بإيدي للجنه وسألت عليكي والناس كلها شاهدت ب اخلاقك واحترامك وكلهم قالولي انك ملتزمه
_«ريم بزعل» انا مش ملتزمه اوي بس بجاهد ربنا علي طول عشان اوصل لرضا ربنا
_«يوسف» متخفيش انا معاكي ونجاهد سوا هستني رئي حضرتك عشان اهلي ان شاء الله مع السلامه
_«ريم بفرحه ولكن مخبيه»: مع السلامه
"بعد ان ذهب يوسف من المنزل"
_«ريم بفرحه» ماشاء الله ياماما شكله محترم وكويس
_«فاديه بحب» ربنا يتمم فرحتك علي خير يارب
____________________________♡
_«زين بخوف» مالك ياحياء مش بتاكلي ليه
_«حياء بتعب» مش عارفه يازين بطني تعبانه اوي
_«زين بخوف» طب تعالي نروح عند المستشفي نكشف واطمن عليكي
"ذهبت حياء وزين الي المستشفي"
_«الدكتور»....... يتبع 💝
___________________
_الحمدلله
_الكاتبة: فاطمة سيد ✍️
*كده فاضل بارتين من الرواية، ياريت تكون عجبتكم ❤❤✨
•تابع الفصل التالي "رواية تزوجتني رغما عني فأحببتك" اضغط على اسم الرواية