رواية ظلها الخادع (كاملة جميع الفصول) حصريا عبر دليل الروايات بقلم هدير نور
رواية ظلها الخادع الفصل الثامن والعشرون 28
الخاتمه❤️.
.
بعد مرور 5 سنوات....
كانت مليكه جالسه ببهو القصر الخاص بهم و الذي قام نوح بشراءه بعد ولادة اطفالهم زين و زياد وقام بمفاجأتها به و انتقلوا اليه مباشرة فور مغادرة مليكه للمشفي تاركين القصر الخاص بالعائله حتي يستطيعوا ان يحصلوا علي اكبر قدر من الخصوصيه...
تنهدت مليكه بتعب بينما تحمل بين ذراعيها صغيرتها أيلن التي كانت تبلغ من العمر عشرة اشهر بينما تراقب باعين ثاقبه طفليها زياد و زين اللذان يبلغان من العمر 5 سنوات و برغم من انهم توأمان الا انهم لم يكونوا متشابهان في الشكل لكنهم كانوا في ذات الوقت نسخه مصغره من نوح فقد كانوا يمتلكون ذات الشعر الأسود و الأعين الزرقاء السماويه لكن كان لكل منهما شكله المميز الخاص به...
بينما كانت صغيرتها أيلن كانت نسخه مصغره منها فقد امتلكت شعرها الاشقر الذهبي و عينيها الفيروزيه...
كانوا جالسين جميعاً علي الطاوله ذاتها حيث كانت مليكه تقوم بالمذاكره لهم بينما تطعم صغيرتها في ذات الوقت من صحن الطعام الخاص بالاطفال الذي امامها ...
هتفت بحده بينما تحاول التحكم في أيلن التي كانت تحاول جذب شعرها
=قولت لا...يعني لا مفيش خروج برا..
نهض زين من فوق مقعده و اقترب منها واقفاً بجانبها مقبلاً خدها محاولاً استرضائها بينم يغمغم برجاء محاولاً ان يغير رأيها
=علشان خاطرنا يا مامي هي ساعه واحده بس هنلعب شويه في الجنينه و هندخل تاني...
نهض زياد هو الاخر واقفاً بجانبها من الجهه الاخري مغمغماً بهدوءه الذي ورثه عن والده
=اها و الله يا مامي و هنرجع بعدها نذاكر كل المواد.....
قاطعته مليكه بينما تهز رأسه بصرامه
=لا برضو...مش هتضحكوا عليا زي كل مره...بعدين كفايه انكوا طول اليوم كنتوا مع بابي في الشركه.... ده غير ان طنط أيتن و عمو رستم جاين علي العشا كمان و هتعقدوا تلعبوا مع ولادهم ندي و ظافر و مش هتذاكروا....
غمغم زين بيأس بينما يضرب الارض بطفوليه محاولاً التأثير عليها فقد كان يعلمون انها تضعف امامهم دائماً و تنفذ لهم اي شئ يطلبونه...
عكس نوح الذي برغم تدليله الزائد لهم
الا انه عندما يأتي الامر الي دراستهم يصبح صارم معهم...
=يا مامي بقي علشان خاطرنا....
هزت مليكه رأسها بتصميم رافعه بوجههم ملعقة الطعام تشير بها بتهديد الي الدرج
=هتعقدوا تذاكروا ولا اطلع اصحي بابي و اقوله انكوا مش عايزين تذاكروا و هو بقي يتصرف معاكوا....
لتكمل بينما تضع ملعقه من الطعام بفم أيلن التي اخذت تصفق بيديها بفرح بينما تمرغ فمها بوجه والدتها
=بعدين كمان بكره هنقضي اليوم كله عند جده زاهر و تيتا راقيه وطبعاً هتقضوا اليوم كله في اللعب مع سما و تالين ولاد عمتكوا نسرين و مش هيبقي برضو في مذاكره...مش هضيع يومين من غير مذاكره..
وقف الطفلين يتطلعون نحوها بسخط قبل ان يقترب زياد من زين هامساً له بشئ باذنه مما جعل زين يهز رأسه بالموافقه علي ما قاله قبل ان يلتفوا الي والدتهم قائلين بصوت واحد كعادتهم عندما يتفقان علي شئ ما...
=طيب لو سبتينا نطلع الجنينه...هنقولك علي الست اللي باست بابي في المكتب النهارده....
كانت مليكه تضع الطعام بفم صغيرتها بينما تستمع اليهم بضجر لكن فور سماعها كلماتهم الاخيره تلك القت الملعقه من يدها بينما تلتف اليهم تتطلع اليهم باعين متسعه تندلع منها شرارات الغضب
=ست.....ست ايه اللي باست بابي...؟!
هز زين و زياد كتفيهم قائلين بخبث
=هنقولك بس...بعد ما توعدينا نطلع نلعب برا.....
انتفضت مليكه واقفه هاتفه بغضب وقد اندلعت نيران الغيره بصدرها شاعره بالاحتراق بداخلها فور تخيلها لمشهد امرأه تقبل زوجها
=وانا هستني اسمع منكوا......
لتكمل صارخه بصوت مرتفع
=زينااااااااااات.....
دخلت مربية الاطفال الغرفه راكضه علي الفور قامت مليكه بتسليمها ايلن قبل ان تهرول سريعاً نحو الدرج لكنها التفت قبل ان تصعد الي طفليها الواقفين يراقبونها باعين متسعه بالصدمه من ردة فعل والدتهم الغير متوقعه
=ذاكرووووا....ذاكروا بدل ما اطلع غلي فيكوا .....
جلس زين و زياد فوق الطاوله علي الفور يرفعون كتبهم امام وجوههم بخوف ينفذون ما قالته دون ان ينطقوا بحرفاً واحداً فلأول مره بحياتهم يرون والدتهم بهذا الغضب و الانفعال...
♕♡♕♡♕♡♕♡♕♡♕♡
دخلت مليكه غرفة النوم لتجد نوح نائماً فوق الفراش يستريح قليلاً بعد عودته من العمل....
قفزت فوق الفراش واضعه يدها فوق كتفيه تهزه بقوه بينما تصيح بغضب و حده
=نوووووووح......
انتفض فازعاً علي الفور من نومه هاتفاً بهلع بينما يرفرف جفنيه بعدم استيعاب و هو يتلفت حوله و لايزال النوم يسيطر عليه لكنه فور ان وقعت عينيه علي تلك القابعه فوقه بوجه محتقن هتف بلهفه و قد شحب وجهه
=في ايه....حصلك حاجه...الولاد حصلهم حاجه....
احاطت عنقه بيديها كما لو كانت تستعد لخنقه بينما تزمجر من بين اسنانها بشراسه
=لا....بس انت اللي هيحصلك لو مقولتليش دلوقتي مين الست اللي كنت بتبوسها في المكتب......
اعتدل في جلسته مستنداً الي ظهر الفراش مغمغماً بصوت اجش من اثر النوم و قد هدأ الذعر بداخله...
=ست....؟! ست ايه اللي بوستها...
صاحت بشراسه بينما تضيق من يدها حول عنقه
=متستعبطش....ولادك قالولي علي كل حاجه...
اخذ يفكر قليلاً حتي تذكر ما تتحدث عنه قبض علي يدها التي فوق عنقه بحزم محرراً عنقه من قبضتها من ثم جذبها من ذراعها حتي استلقت بجسدها فوق جسده
=و انتي بقي صدقتي ولادك..و مش واثقه فيا....
قاطعته مليكه سريعاً بصوت حاد قاطع
=طبعاً واثقه فيك....
لتكمل باعين تلتمع بالشراسة و الغيره تنهش قلبها تتأكله حياً
=بس مش واثقه في اللي حواليك....
ارتسمت ابتسامه ملتويه فوق فمه فهو يعلم مدي جنونها عندما يتعلق الامر به خاصة و انها لا تستطيع التحكم في غيرتها عليه...
مرر يده ببطئ اسفل فستانها مما جعلها تنتفض هامسه بتلعثم
=بتعمل ايه ....؟!
اجابها بهدوء بينما ينزع الفستان عن جسدها ممرراً اياه من فوق رأسها لتصبح نصف عاريه بين ذراعيه
=هثبتلك اني مكنتش مع واحده تانيه...
غمغمت مليكه بارتباك بينما تصدر تأوه منخفض عندما دفن وجهه بعنقها يقبله بشغف قاضماً اياه بخفه
=نوح....
زمجر بينما يمرر يده بلهفه فوق ظهرها العاري...قبل ان يستدير و يجعلها تركد اسفله فوق الفراش همس بينما لا يزال يقبل عنقها
=كرستينا مندوبه اجنبيه ....معايا من اول ما بدأت اعمل اول شركه ليا...
شعر بجسدها يتجمد اسفله ليكمل سريعاً
=عندها فوق السبعين سنه...و جت النهارده سلمت عليها عادي قدام ولادك الشياطين...
شعرت مليكه بالراحه تتغللها فور سماعها ذلك ارتسمت ابتسامه مشرقه فوق وجهها احاطت عنقه بذراعيها هامسه بدلال محاوله تدارك غلطتها
=نوحي.....
اجابها نوح بينما عينيه تلتمع بالمرح
=دلوقتي بقيت نوحك...من شويه كنت عايزه تخنقيني
رفعت رأسها اليه مقبله بحنان عنقه الذي بوقت سابق كانت تقبض عليه بيديها راغبه بخنقه
=بعد الشر عليك يا حبيبي....انت عارف اني لما بغير عليك مش بشوف قدامي..
لتكمل بينما ترتفع بقبلاتها لوجهه الذي اخذت تقبله ببطئ و شغف...
=بعدين انا واثقه فيك...بس مشكلتي مع اللي حواليك كل واحده منهم عينيها تدب فيها رصاصه ....
اجابها بهدوء يعاكس النيران التي تشتعل بجسده اثر لمسات يدها التي تجوب جسده
=عارف...بس المفروض تبقي واثقه ان اياً كانت مين اللي هتحاول معايا اني هصدها و مش هديها الفرصه...
ليكمل رافعاً يدها فوق رأسها مكبلاً اياها بيديه هامساً بصوت اجش بالقرب من اذنها بينما يغرز اسنانه بجانب عنقها
=علشان كده لازم تتعاقبي....
اصدرت مليكه صوت معترض بينما ينهض من فوقها جالساً فوق الفراش من ثم قام بجذبها بحزم نحوه رغم اعتراضها و مقاومتها الا انه استطاع جعلها تستلقي فوق ساقيه....
مرر يده بلطف فوق ظهرها العاري قبل ان تنحدر يده للاسفل و يصفعها بلطف فوق مؤخ....
كانت صفعاته في بادئ الامر لطيفه....مما جعلها تطلق تأوهاً منخفضاً محاوله اثارته و جعله يفلتها ..لكن تحولت تأوهاتها تلك الي صراخات مرتفعه عندما بدأت ضرباته تصبح اقوي و اقسي... اخفض رأسه نحوها هامساً باذنها
=واطي صوتك...ولا عايزه ولادك يطلعوا ويتفرجوا علي ماما وهي بتتعاقب...
همست مليكه بصوت مرتجف بينما تضع يدها فوق فمها محاوله كتم صراخاتها
=علشان خاطري يا نوح كفايه...مش قادره...
توقفت ضرباته عندما سمع رجائها هذا مدركاً انه كان قاسياً بعض الشئ معها في صفعاته لها ...
اخذ يمرر يده بحنان فوق موضع المها محاولاً تخفيفه ظلوا علي وضعهم هذا عدة دقائق حتي هدأ ألمها ...
من ثم قام برفعها بين ذراعيه واضعاً اياها بلطف فوق الفراش مره اخري و استلقي بجسده الصلب فوقها محيطاً اياها...
اخذ يقبل وجهها بقبلات متفرقه حنونه قبل ان يتناول شفتيها في قبله حاره اصدرت تأوه منخفض مما جعله يكاد يفقد السيطره علي نفسه فبرغم سنوات زواجهم التي تقارب للسبع سنوات الا ان رغبته بها لم تقل بل كانت تزداد بجنون كل يوم عن اليوم الذي قبله... بينما كان قلبه ينبض بحبه لها هي فقط...
فصلت مليكه قبلتهم بصعوبه هامسه بانفس لاهثه
=حبيبي الولاد تحت مش هينفع......
زمجر بينما يخفض رأسه مقبلاً عضمه ترقوتها...
=معاهم زينات و الخدم.....
همت مليكه بالاعتراض لكنه اسرع بابتلاع اعتراضها هذا متناولاً شفتيها مره اخري مقبلاً اياها بشغف والحاح اكثر من قبل لم تجد امامها الا الاستسلام له و فقد نفسها به....
♕♡♕♡♕♡♕♡♕♡♕♡
بعد مرور عدة ساعات .....
وقف نوح امام زين و زياد اللذان كان يخفضان رأسهم بخجل من والدهم
=هو انا باخدكوا معايا الشركه ليه...؟!..
رفعوا رأسهم سريعاً مجبين اياه في ذات الوقت بفخر
=علشان احنا رجاله...و هنتعلم الشغل من حضرتك....
انخفض نوح علي عقبيه امامهم قائلاً بحده و صرامه
=و هو في رجاله بتفتن... وبتكدب برضو....
احمر خدي طفليه عند ادراكهم ان والدتهم قد اخبرته همس زياد بخجل محاولاً تبرير فعلتهم
= اصل مامي مكنتش موافقه ان نطلع نلعب في الجنينه...
قاطعه نوح بحده
=و ده مش مبرر انك تكدب او تفتن علي حد....
ليكمل بينما يوجه حديثه لكلاهما....
=انتوا عارفين انكوا بعملتكوا دي كنتوا هتزعلوا ماما مني...و كانت هتحصل مشكله كبيره بنا....
تغضن وجه طفليه بالحزن فور ادراكهم مدي سوء فعلتهم همس كلاهما بصوت مرتجف بينما بدئوا بالانتحاب بصمت
=والله يا بابي مكنش نقصد نزعلكوا....
من ثم ركضوا سريعاً نحو والدتهم التي كانت واقفه باقصي الغرفه حامله شقيقتهم أيلن بين ذراعيها بينما تراقب المشهد بصمت تاركه زوجها يتعامل هو معهم...
قبض كلاً منهما علي ساق والدتهم بتشبثون بفستانها هاتفين بانتحاب و قد احمر وجههم بشده
=و الله يا مامي...بابي كان بيسلم عليها بس...متزعليش منه
رق قلب مليكه فور رؤيتها لهم بهذه الحاله مررت يدها بشعر طفليها بحنان
=اطمنوا انا مش زعلانه من بابي ...بس برضو انتوا غلطتوا مينفعش تفتنوا او تكدبوا اياً كان السبب ايه ...بعدين مش انا المفروض اللي تتأسفلوه...اتأسفوا لبابي...
اومأ طفليها رأسهم بموافقه قبل ان يتركوا والدتهم و يتجهوا مره اخري نحو والدهم قائلين بحزن فبقدر حبهم لوالدتهم و تعلقهم الشديد بها ..الا انهم متعلقين اكثر بوالدهم متخذين اياه مثلاً أعلي لهم محاولين تقليده في كل شئ يفعله...
=احنا اسفين يا بابي...
جلس نوح علي عاقبيه امام طفليه ممرراً يده بلطف فوق وجوههم مزيلاً الدموع العالقه بها من ثم احاطهم بذراعيه محتضناً اياهم بحنان قائلاً بحزم بعض الشئ
=خلاص...احنا رجاله و بنتعلم من غلطنا مش كده
اومأ طفليه برأسهم مما جعله يبتسم مقبلاً اعلي رأسهم بحنان قائلاً
=خلصتوا مذاكره....؟!
اجابوه سريعاً في ذات الوقت
=اها..
ابتسم لهم قائلاً بحماس
=طيب يلا يا ابطال اطلعوا غيروا هدومكوا و اسبقوني علي الجنينه علشان نلعب مع بعض ماتش كوره قبل ما طنط ايتن تيجي....
اخذ طفليه يقفزون بين ذراعيه بحماس و هم يصرخون بفرح من ثم طبع كلاً منهما قبله علي خدي والدهم قبل ان يسرعوا لخارج الغرفه ...
لكن اوقفهم صوت والدتهم القائله بلوم و هي تتصنع العبوث و الحزن
=الله الله يا سي زياد انت و زين نسيتوا مامي خالص....
اسرعا نحوها علي الفور وهم يبتسمون مغرقين وجهها بقبلات عديده بينما يهتفون لها بمدي حبهم لها من ثم قبلوا شقيقتهم التي بين ذراعي والدتهم قبل ان يسرعوا للخارج لارتداء ملابسهم...
وقف نوح يتأملهم بشرود و عينيه تلتمع بالفخر و الحب لكنه خرج من شروده هذا علي صوت صرخة مليكه المتألمه التف اليها ليجد طفلتهم تمسك بين اصابعها بشعر والدتها و تجذبه بعنف بينما تهتف بكلمات غير مفهومه...
اقترب منهم علي الفور محرراً شعر مليكه من يد طفلته قبل ان يحملها بين ذراعيه هاتفاً بغضب مصطنع بوجهها بينما يهزها بلطف
=لاااا كله الا شعرها يا ست ايتن...
انطلقت ضحكه رائعه من فم طفلته هاتفه بينما تضع يدها فوق فمه و وجهه
=دادا....
قبل نوح خدها المكتنز بحنان
= قلب دادا..
من ثم التف الي مليكه الواقفه مراقبه اياهم بابتسامه مشرقه والسعاده تلتمع بعينيها مرر يده بحنان فوق شعرها التي كانت ابنته تجذبه منذ قليل قبل ان يجذبها بين ذراعيه محتضناً اياها بقوه مقبلاً أعلي رأسها...بينما يهمس بأذنها بشغف
=بحبك يا مليكتي.....
ارتفعت مليكه علي اطراف اصابعها هامسه باذنه فلا يزال رؤيتها له مع اطفالهم يجعل قلبها يرتجف داخل صدرها
=و انا بعشقك و بموت فيك يا جنزوري باشا....
ارتسمت فوق وجهه ابتسامه مشرقه قبل ان يدفن رأسه بعنقها مقبلاً اياها بحنان و شغف.....
.
.
.
❣️نهاية الرواية❣️
❤❤❤❤💛 النهاية 💛❤❤❤❤
.
•تابع فصول الرواية "رواية ظلها الخادع" اضغط على اسم الرواية