رواية احبني ابن الاكابر الفصل الثاني 2
(2)
ماما الله يحرسكم مرضتش احدف علي ابوكي علشان مبوظلوش النيولك
نيولك قولتها وانا ماسكه اعصابي ادخلي جوا يا بطه
وبعدين مشيت قبل ما اټجنن من ماما
فضلت مكمله تهتف بالكلام الغير مفهوم دا وبتحدف ملح
طب اجري انا ولا اعمل ايه
فضلت اسرع في مشيتي لحد ما وصلت للطريق العام الي هركب منو المواصله ببص في الساعه لقيتها داخله علي 8ونص قولت يانهار اسوح انا اتاخرت علي الشغل ياربي هو مفيش ولا ميكروباص في ام الشارع دا
فضلت ادور بعيني علي اي تاكسي ولا اي عربيه بس سبحان الله ولا عربيه في الشارع طلعت تلفوني احاول اتصل باي حد بس انا هكلم
مين منا الصراحه مبديش رقمي لحد خالص قولت وانا بعين تلفوني في الشنطة خلاص انا هترفد وانا حتي لسا مدخلتش الشركة يارب فضلت ادعي ربنا يسهل لحد ما سمعت صوت ..
يا انسه لما سمعت صوت شاب بيقول كدا مشيت خطوتين ومردتش سمعت صوت عربيه بتقرب يا انسه مش بكلمك.. استغربت من الكلام هوا اكيد يقصد حد تاني
انتي يا انسه قالها بصوت عالي وبعدها لفيت وقولت نععمم ميين
هوا انا بخبط علي باب بيتكم في اي يا انسه
استغربت جدا من الصوت والشاب دا هوا هوا الشاب المچنون بتاع امبارح
بصيتلوا پصدمة وببص لقيتوا بيقرب مني وعينوا علي طرحتي
وقال پغضب وانا مش قولتك ملمحشي شعرك دا باين ولقيتوا بيقرب من طرحتي علشان يدخلوا لجوه وانا ببعد عنو انت مجن ون ولا اي يا استاذ انت ازاي تسمح لنفسك تلمس شعري كدا لو علي امبارح فانت فجاتني انما انا بنت ناس محترمه وميصحش تقرب مني بالشكل دا
انا قولت الكلمتين دول ولقيت وشوا جاب الوان وقالي طيب دخلي شعرك دا لجوه طيب
الصراحه انا بصيت لموبايلي ولقيت اني في شويه شعر باينين تلقائيا بدات ادخلوا لجوه وانا بصالوا باحراج
بعد ازنك . قولتها وانا بمشي بس سمعت صوته وهوا بيقول اركبي انا هوصلك !
وقفت پصدمة لا بقا دا كتير هو فاكرني ايه دا انا مينفعشي اسكتلو ولازم اوقفه عند حده لان مدا مينفعشي و لفيت علشان اتضارب معاه لقيتوا لحق الموضوع وقال مفيش ميكروباصات هتيجي هنا النهارده لان في مشكله في الطريق دا وبتتصلح ومينفعشي اي عربيه تمشي فيه
بصيتلوا باستغراب وبعدين افتكرت ان فعلا الطريق دا بيصلحوا فيه وشكرت غبائي باحترام وقولت خلاص هروح الشارع التاني..
وقف قدامي انتي كدا هتتاخري والله اعلم مديرك هيعمل فيكي ايه
بصيتلوا پصدمة وقولت عندك حق فعلا دا اول يوم شغل وانا اتاخرت جدا..
قالي طيب يا انسه انتي رايحه فين
قولت بصوت واطي العنوان قالي حلو اوي دي نفس الشركة الي انا رايحها دا اول يوم صح
هزيت. راسي وهوا ابتسم وانا برضوا ابتسمت وقولت بجد هز راسوا ايوا
فضلت واقفه وانا متردده اركب وهوا كان واقف يبصلي. ببص عليه لقيتوا مركز اوي معايا
لو عاوزه نقضي اليوم كلو واقفين انا معنديش مانع
اتكسفت جدا من كلامو دا ونظراته الغريبه الي لحد دلوقتي نش فهماها
ركبت العربيه بس ورا لقيتوا رفع حاجبه انا مش الشوفير الي بابي جابوا لحضرتك اركبي قدام
اتضايقت جدا وكنت مصممه مش هركب
لو سمحت ابعد انا هروح الشارع التاني وكنت همشي لقيتوا تلقائيا ضړبته بالقلم وانا مصډومة ازاي يمسك ايدي.
قال پصدمة انتي اي الي
عملتيه دا
منكرشي اني خرفت من تحوله بس كان لازم ابان قويه ومضعفشي قولت بصوت قوي متصنع انا عملت الصح انت متعرفشق يعني ايه ادب واحترام ازاي تمسني من ايدي
كدا حتي لو كنت غلطانه برضوا ميسمحلكشي انك تلمسني اصلا
واقف مصډوم مش عاوف يقولي ايه بس اكتفي انو ركب عربيته ومشي وسابني واقفه مكاني مصدومه مش عارفه استوعب الي حصل
فوقت من شرودي علي صوت تلفوني الي بيرن رديت ولقيت الاتصال من البنت الي في الشركه
السلام عليكم حضرتك الانسه شمس محمد النجار حضرتك تم قبولك يعني هتيجي علي الشغل علي طول
ابتسمت وقولت بجد
البنت ردت ايوا يا فندم احنا بنحضرلك المكتب حاليا وهيجهز في دقايق اتمني بس متتاخريش
هزيت راسي وقولت حاضر انا في الطريق
قفلت التليفون وابتسمت بس افتكرت ان مفيش مواصلات في الشارع هنا بدات اسرع في خطوتي لحد ما روحت للطريق التاني واخيرا لقيت تاكسي ركبت فيه وقولتله العنوان
كنت سانده راسي علي الشباك وبفكر وجه في دماغي الشخص المجهول الي دخل في حياتي فجاه كدا وانا معرفش عنو حاجه وافتكرت انو هيكون معايا في نفس الشركه قولت وانا بدعي ربنا يعدي كل الايام علي خير يارب سلم
انتبهت علي صوت السواق وهوا بينبهني اننا وصلنا نزلت وحاسبتوا وقربت من المكان لقيت شركه كبيره لسا جديده المبني كان شكلوا حلو اوي لقيت ان في موظفين جديد الي يشوف الوضع بتاعها ميصدقشي انها فاتحه من شهرين بس لقيت الكل لابس يونيفورم موحد لقيت البنات كلهم بشعرهم ولابسين چيبات قصيره جدا يعتبر رجليهم كلها باينه ولاقيت الشباب لابسين بدل ببص علي العربيات الي موجوده لقيتها مشاء الله كلها عربيات فخمه لفت نظري عربيه سودا كانت موجوده بعيد عن العربيات دي كلها ولاقيت خرج منها شاب لابس بدله ولابس نضاره وملامحه مش باينه بس اول ما دخل الكل وقف باحترام وزي مايكون هوا صاحب الشركه
سميت الله ودخلت وقربت من مكتب الاستقبال
السلام عليكم انا شمس محمد النجار الموظفه الجديده حضراتكم كلمتوني من نص ساعه وبلغتوني بقبولي في الشركه
البنت الي انا سالتها دي كان لابسه نفس الاوتفين بتاع الشركه ورجليها كانت باينه وملفته اول ماشفتها قولت استغفر الله العظيم مين بس الي ملبسهم اللبس الفاحش دا
البنت سمعتني ورفعت حاجبها ولاقيتها اسلوبها اتغير وقالت الانسه شهد هيا الي اتواصلت معاكي وهيا الي هتساعدك تروحي مكتبك وتوريكي شغلك
اټصدمت من اسلوبها الغريب وهزيت راسي ولفيت ابص ورايا لقيت بنت واقفه ومبتسمه وشكلها جميله اوي قالت بابتسامهانتي الانسه شمس محمد النجار
رديت وانا بهز راسي الموظفة الجديدة
قالت بهمس دنتي هتشوفي ايام عنب
افندم
احم ولا حاجه
يا شمس تعالي معايا اوريكي طبيعة شغلك ايه
هزيت راسي ومشيت وراها وقربنا من الاسانسير وقبل ما ركب وقفت انا بخاف من الاسانسر ممكن تطلعي انتي وانا هطلع علي السلالم هو الدور الكام
بصتلي وقالت الستاشر
بصتلها پصدمة يا لهوي بتهزري
قالت تعالي وانا هساعدك لاكن حرام عليكي تطلعي ستاشر دور لواحدك
اخدت نفس طويل وبصتلها بس دول كتير اوي
شهد لا متخفيش الاسانسير معمول بطريقه حديثه مش هتحسي بحاجه
هزيت راسي وانا مقلقه ولاكن دخلت اول ما الاسانسير وهيا كانت مبتسمه
وصلنا قالتها شهد وانا بعدت عنها وانا بصالها باحراج
شهد مټخافيش دا علشان اول مره بس صدقيني لما تتعودي مش هتخافي
هزيت راسي وابتسمت لانها طمنتني
خرجنا من الاسانسير ولقيت نفسي في مكان ملوش وصف كنت مبهوره جدا بكل حاجه
شهد انتي هتكوني مساعده لقسم الحسابات ومكتبك هناك
شاورتلي علي المكتب وانا ابتسمت لان شكلوا حلو اوي
قربنا من المكتب وكانو كل مكتبن مع بعض
قالتلي شهد نظام الشركة هنا بيكون تيمات يعني كل اتنين بيكوني تيم وشغلهم واحد لان شركتنا بتعتمد علي
يتبع
•تابع الفصل التالي "رواية احبني ابن الاكابر" اضغط على اسم الرواية