رواية بنات السعد الفصل الرابع والثلاثون 34 - بقلم نورهان ثروت

  رواية بنات السعد الفصل الرابع والثلاثون 34 

٣٤

 

نظر لهم السعد وقال بغضب:اي اللي انتم بتعملوا دا طب اقولكم مفيش جواز اصلا يلا ياض منك لي بره

نظرت له سمر وقالت بهدوء:يابابا عندهم حق هم بسببي قاعدوا كتير اووي و

نظر لها فارس وقال بغيظ:بت انتي مش تعبانه اسكتي ثم قال بهمس هم يتجوز وانا هفضل اتفرج عليهم 

نظر له السعد وقال بغضب:انت بتقول اي وبتكلم البت كده ليه اقولكم حاجه اخرجوا كلكم محدش يدخل هنا تاني 

ابتسمت سمر وقالت :احسن تستاهل اطلع بره و

قطع حديثها دخول الطبيب وهو يقول بستغرب:اي دا انتم كلكم بتعملوا اي هنا مينفعش العدد دا كله يكون جنبها هم اتنين بس اللي يفضلوا موجودين 

نظرت والدتها لطبيب وقالت:تمام يادكتور يلا يابت منك ليها محدش هيقاعد هنا غيري انا وابوكم 

نظر فارس لطبيب وقال بهدوء:دكتور هي سمر هتخرج امتي من هنا 

نظر له الطبيب وقال:هتفضل يومين لو حالتها مستقره هتخرج بس اول ما تخرج ترتاح ممنوع تعمل اي مجهود لمده شهرين على الاقل 

نظرت له سمر وقالت بضيق:لا انا عايزه اروح مبقدرش اقاعد فى المستشفي كل دا يومين كتير وانا كويسه والله مش حسه بي اي تعب

نظر لها الطبيب وقال :بصي هحدد ممكن تمشي ولا لا بليل هجي لو لقيت حالتك مستقره  تقدري تخرجي ماشي  بس اهام حاجه الراحه 

نظر لهم السعد وقال بغضب:هو انتم مسمعوتش الدكتور ولا اي ما بره انت وهو وبعدين هبقي اشوف موضوعكم 

نظر له هشام وقال بهدوء:تمام ياعمي بعد اذنك هوصل ساندي وسليا البيت 

نظر له يحيي وقال بغضب:وانت توصل سليا ليه منا موجود يلا ياسليا 

نظر لهم السعد وقال بجديه:انتم الاتنين لو سمعت نفس ليكم هحلف ميكنش في جواز نهايي كده كده انا عجبني قاعدتهم جنبي ثم نظر لفتيات وقال يلا انتي وهي انا اللي هوصلكم وبعدها ارجع لاختكم 

اقترب فارس من سمر وقال بهمس:ابوكي عصبي اووي بقولك انا هروح القسم هرجع ليكي تاني خفي بسرعه بقي عايز اقولك على المفاجاه بقالي شهرين همو*ت واقولك واشوف رد فعلك

نظرت له سمر وقالت بفضول:مفاجاه اي ها متقول دلوقتي و

قطع حديثها السعد وهو ينظر لفارس ويقول بسخريه:وانت التاني قاعد ليه انت احسن منهم يعني يلا يابني من هنا ثم قال بغيره وبعدين انت بتكلم بصوت واطي مع البت في اي 

ابتسم فارس وقال :انا متكلمتش اصلا وانا اهو همشي حاضر المهم حضرتك مضايقش نفسك 

...............

بعد مرور ساعتين يجلس يحيي على الاريكه وهو يتحدث على الهاتف ويقول:شوفتي ابوكي بيتصرف ازاي

ابتسمت سليا وقالت بهدوء:مانت اللي غلطان هو كان ينفع تتكلم فى الموضوع دلوقتي على الاقل استني نروح وافتح معه الموضوع تاني وخصوص ان بابا اتعصب بسببك انت وهشام 

يحيي بغضب:متجبيش سيرت الواد دا انا مش طايقه يحمد ربنا ان ابوكي كان موجود قال بعد اذنك ياعمي اخد ساندي وسليا وانا اي جزمه قدامه انا كنت مستني بس يقولي كلمه والله مكنتش هسيبوا هي كانت ناقصه

قهقهة سليا على حديثه وقالت :بتغير عليا 

يحيي بغيظ:شوف انا بقول اي وانتي بتقولي اي 

سليا:اصلا انا شايفك مكبر الموضوع هشام ميقصدش حاجه هو كل اللي يقصدوا انه عايز يوصل ساندي وهياخدني معاهم لانه كد كده هيروح مكنش يقصد يضايقك كد و 

قطع حديثها  صوت دق الباب وقالت :استني فى حد بيخبط ثم قالت بصوت مرتفع ساندي انتي يابت تعالي افتحي 

نهضت ساندي وهي تقول بغضب:كل حاجه ساندي ساندي متعرفيش تفتحي انتي الباب دا اي الهم دا

فتحت ساندي الباب نظرت  لهشام وقالت بستغرب:هشام فى حاجه ولا اي 

نظر لها هشام وقال بضيق:اي المعامله دي دا انتي دقيقه وتقوليلي اطلع بره المهم انا كنت جايه عشان عايزك فى موضوع 

نظرت له ساندي وقالت بجديه:تمام بس انت عارف بابا مش هنا مش هقدر ادخلك 

جلس هشام على الدرج وقال :انا هقاعد هنا تعالي اقاعدي نتكلم فى الموضوع اللي عايزك فيه وبعدها ادخلي انا مكنتش حبب اني اقولك الكلام دا فى الموبايل عشان اشوف ملامح وشك فاهمه اللي هو ضايقتي لا فاهمني ولا انا مبعرفش اشرح 

جلست ساندي بعيد عنه قليل وقالت بقلق:موضوع اي انت قلقتني 

نظر لها هشام وقال بتوتر:بصي اول حاجه انا مستعجل على الخطوبه وكتب الكتاب حبب اعرف انتي مضايقه من الاستعجال دا ولا لا 

نفت ساندي وقالت بهدوء:لا مش مضايقه انا فى الاول كنت قلقانه انا برده لسه معرفكش كويس بس شوفت منك مواقف كتير اثبت ليا ان انت الشخص المناسب ليا انا بس كنت عايزه نستنى شويه نتاكد ان سمر بقت كويسه وبعدها نعمل كل حاجه احنا عايزنها 

تنهد هشام براحه وقال بحب:الحمدلله انا كنت قلقان جدا اني اكون بضغط عليكي بالاستعجال دا او اخليكي تخافي مني انتي مش عارفه انا بجد بحبك ازاي ومستعد اعمل اي عشانك حاجه تانيه كنت عايز اخد رايك فيها هي انتي عايزه شقه قريبه ولا بعيده انا عندي شقتين واحده جنب محل الجزارة والتانيه فى اكتوبر 

ابتسمت ساندي وقالت بهدوء:لا متقلقش مفيش اي ضغط وانا موافقه بس بابا يحدد هو زي ما قولت ليك نطمن على سمر الاول والشقه انا عايزها هنا انا مش عايزه ابعد عن اهلي 

اؤما لها هشام بتفهم وقال بحب :وانا عمري ما هخليكي تبعدي عن اهلك ابدا هخليكي ديما اسعد بنت فى الدنيا و

قطع حديثه صوت سليا وهي تقف امامهم وتقول بسخريه:الله على الحب وجمال الحب ثم قالت بغضب عارفه لو بابا اللي شافك قاعده كده كان هيعمل اي قومي ادخلي

نظر لها هشام وقال بغضب:انتي بتتكلمي معاها كده ليه انا اللي طلبت منها دا وانا يعتبر خطيبها مش مراهق مرتبط بيها خايف حد يشوفنا ياريت تتكلمي معاها باسلوب كويس والا 

نظرت له سليا وقالت ببرود :والا اي وريني هتعمل اي انت

نهضت ساندي وقالت بغيظ:بس انت وهي هتلموا علينا الشارع اسكتي ياسليا وادخلي انا جايه وراكي ثم نظرت لهشام وقالت اوعى تزعل منها هي متقصدش 

ابتسم هشام وقال بحب:انا مش زعلان وعارف انها خايفه عليكي المهم انتي اللي متزعليش عشان اتكلمت معاها كده يلا انا هنزل اكمل شغلي وهبقي اكلمك بليل سلام

دخلت ساندي المنزل واغلقت الباب وهي تنظر لسليا بغضب :ممكن افهم اي اللي عملتي بره دا 

نظرت لها سليا وقالت بمرح:حبيت ارخم عليكم خصوص ان لقيتك سرحانه فى الحب وجمالوا وسيم برده الحب دا ثم قالت بغيظ بس اسلوبه زباله نكد عليا كان هاين عليا والله اضربه و

نظرت لها ساندي وقالت بصدمه :بس بس انتي مبتفصليش كلام ثم قالت بجديه قومي يلا نشوف هنعمل اكل اي لاختك اللي جايه ولبابا وماما 

...........

يجلس فارس فى مكتبه وهو يتحدث فى الهاتف ويقول:بعد اذنك اديها الموبايل ضروري 

الممرضه :حاضر يافندم

دخلت الممرضه الغرفه واقتربت من سمر وقالت بهدوء:فى حد عايز يكلم حضرتك فى موضوع ضروري 

نظرت لها سمر وقالت بستغرب:حد مين وموضوع ضروري اي جذبت الهاتف منها وقالت الو مين 

فارس :انا فارس كنت عايز اطمن عليك انتي كويسه صح 

ابتسمت سمر وقالت:اه كويسه الحمدلله 

فارس :الحمدلله الدكتور قالك هتخرجي انهارده ولا لسه 

سمر:لسه بس انا سالت الممرضه وقالتلي انه هيجي كمان ساعه باذن الله اخرج من هنا انهارده انا مش قادره اتحمل المستشفي اكتر من كده

فارس :اومال لو الشهرين دول انتي كنتي فايقه وقاعده فى المستشفي هتنتح*ري  

سمر:والله ماكنت هقاعد ساعه حتي لو الدكتور اجبرني اقاعد مش هقاعد انا بكرهه المستشفيات بحس انها مش بتعلاج انا كل الناس اللي بحبها لما كانت بتدخل المستشفي بتخرج مي*ته 

فارس:بس بس اي دا اسكتي دا انتي صعبه هو فين عمي وطنط مش سامع صوتهم 

سمر:ماما نامت وبابا راح الكافتيريا يجيب قهوه عشان يفوق

فارس:تمام انا هقفل دلوقتي عشان لازم اروح مهمه هقبض فيها على اكبر تاجر سلا*ح فى البلد بس انتي ادعيلي اخلصها على خير لو عايزه اي حاجه قولي لممرضه دي وهي هتقولي وانا هجيب ليكي كل اللي عايزه 

ابتسمت سمر وقالت:حاضر خد بالك من نفسك فارس كنت عايزه اسالك حاجه انت ليه اتغيرت كده اي اللي حصل فى الشهرين دول انا فاكره انك مش طايقني ولا عايز نتكلم حتي لو صدفه اي اللي اتغير 

فارس :حاجات كتير حصلت وكانت بتحصل انتي متعرفيش عنها حاجه انا هقولك كل حاجه بس لما تخرجي من المستشفي وتكوني كويسه وكمان هقولك على المفاجاه يلا انا هقفل دلوقتي سلام 

....................

بعد مرور شهر تقف سمر امام المرآة وهي تنظر لسليا وتقول:مالك بتبصي ليا كده ليه 

نظرت له سليا وقالت بغضب:عشان مش فاهمه وافقتي تنزلي معا ليه انهارده خطوبتي وخطوبه اختك هتسبينا لوحدنا وتنزلي لوحد محدش فينا مرتاحله ولا فاهمين هو اتغير معاكي كده ازاي هو مش المفروض بيكر*هك وانتي عارفه كده و

قطع حديثها ساندي وهي تدخل الغرفه وتقول بجديه:سليا صوتك عالي مينفعش كده واختك هتنزل ومش هتتاخر وهترجع تفضل معانا وهو مبيكر*هش انا متاكده من دا بلاش تخلي اختك تكرهه من غير سبب 

نظرت لها سليا وقالت بغيظ:لا والله من غير سبب انتي نسيتي كانت بتعيط كل يوم ازاي بسببه وبسبب الحب دا وغير كده اي اللي خليكي واثقه في لدرجه دي 

اقتربت ساندي من سمر وقالت وهي تضع الهاتف بين يدها :واثقه فيه عشان شوفت قد اي بيحب سمر وكان مد*مر ازاي بسبب انها فى غيبوبه الدليل على كلامي فى ايدك انا روحت ليكي يوم جيت ادخل الاوضه لقيت فارس قاعد جنبك وبيكلمك كانك سامعه سجلت كل كلامه عشان اخليكي تسمعي لما تفوقي وتعرفي انك غلط  فارس بيحبك هاتي اهو اسمعي كلامه كله

ظلت سمر تستمع لحديثه وهي تشعر بصدمه بعد مرور دقائق اغلقت ساندي الهاتف وقالت :صدقتي كلامي عرفتي ان انا صح هو بيحبك هو قال الكلام دا وكان نفسه انك تسمعي انتي فى ايدك القرار ثم نظرت لسليا وقالت عروسه الغفله يلا يابت قومي شوفي هتعملي اي احنا يومنا طويل 

غادر الجميع من الغرفه جلست سمر على الفراش وهي تتحدث نفسها:طب لو بيحبني مقالش ليه انا كنت بموت كل يوم وانا عارفه ان عمره ما هيحبني ولا هيشوفني حتي ليه فضل ساكت سمعت رنه هاتفها ردت الو يافارس 

فارس بستغرب:مال صوتك انتي فيكي حاجه 

اخذت سمر نفسها وقالت بهدوء:لا انا كويسه انت وصلت 

فارس:اه انا تحت بيتك اهو 

سمر:تمام سلام 

اغلقت سمر الهاتف وذهبت الى والدها وقالت:بابا بعد اذن حضرتك هنزل لفارس هو عايزني فى موضوع مهم جدا يخص الاكاديميه

نظر لها والدها وقال:هو كلمني وقالي سمر متتاخريش عشان ترجعي تفضلي مع اخواتك 

اؤمات له سمر بنعم وقالت:تمام يابابا مش هتاخر وبعدين دا لسه بدري جدا على الخطوبه بتاعتهم متقلقش بقي سلام  

........

بعد مرور دقائق يجلس فارس فى السياره وهو يتحدث بهمس:يارب اليوم دا يعدي على خير يارب 

صعدت سمر السياره وهي تقول :الف حمد وشكر لله انت بتكلم نفسك يعني اتجننت انا كنت مستنيه اليوم دا من بدري 

نظر لها فارس وقال بغيظ:يابت اتلمي انتي مش هترتاحي غير لما اقت*لك واخلص 

تجاهلت سمر حديثه وقالت:هنروح فين وعايزني ليه وانهارده لو مقولتش ليا على المفاجاه اللي بقالك شهر بتذلني عليها انا اللي هق*تلك بس ها 

ابتسم فارس وقال بهدوء:لسه المفاجاه هقولك عليها لما نوصل اي مكان نقاعد في تعرفي بقي تسكتي 

اؤمات له سمر بنعم ثم قالت:هسكت والله بس برده فى سوال همو*ت واساله انت قولت ليا من كم يوم انك هتحاول تقبض تاني على تاجر السلا*ح دا عرفت ولا لسه 

تنهد فارس بضيق وقال:بتفكريني ليه لسه ياسمر كل ما اعرف طريقه بيهرب همو*ت واعرف بيعرف ازاي اني عرفت بس هعرف اقبض عليه والله ما هسيبه ثم قال بهدوء المهم  بصي بقي انا عامل ليكي مفاجاه  انهارده غير المفاجاه بتاعت الشهر 

نظرت له سمر وقالت بفضول :لا مانت لازم تقولي انا همو*ت واعرف المفاجاه القديمه فجاه تقولي فى مفاجاه تانيه  

نفى فارس وقال بجديه:لا مش هقول نوصل وتعرفي كل حاجه تعرفي تسكتي خليني اركز فى الطريق

تنهدت سمر بضيق وقالت:حاضر حاضر هسكت مش هنطق

بعد مرور نصف ساعه نظرت له سمر وقالت بغيظ:لا بقي منا مش هفضل ساكته اكتر من كده انت كل دا رايح فين انت ناوي تخط*فني صح ولا انت عايز تمو*تني اه انا عارفك مش طايقني طب بص بص سيبني اشوف فرح اخواتي اشوفهم عرايس وبعدها عادي امو*ت و

نظر لها فارس وقال بغضب:بس بس بس اي انتي اي اسكتي اسكتي امو*تك ليه دا انتي صعبه واي جو ام العروسه اللي انتي عملتي دا اهو ياختي وصلنا انزلي 

فتحت سمر باب السياره نظرت حوالها وقالت بقلق:اي المكان دا دي صحراء انا كنت متاكده انك عايز تمو*تني هتد*فني هنا طبعا ومستحيل حد يعرف بس انا قولت لبابا انا مع مين هو هيعرف انك اللي قت*لتني ثم قالت برجاء فارس عشان خاطري متقت*لنيش

نظر لها فارس وقال بصدمه:يخربيت الاوفر انتي صعبه انتي مش طبيعيه يابت اقت*لك اي تعالي بدل ما صح اعملها واقتلك واخلص من الغباء دا 

تسير سمر بجانب فارس وهي تنظر حوالها بخوف قالت بهمس:فارس فارس انت بجد مش خايف ممكن يطلع علينا شويه بلط*جيه ومحدش هيقدر ينقذنا 

نظر لها فارس وقال بغيظ:صح وانا صاحبتك سوسو مش هقدر ادفع عنكى دا غير ان مستحيل ادخلك مكان من غير ما اكون عامل حساب لكل حاجه ادخلي بس احنا وصلنا اهو الترابيزه اللي هناك دي 

نظرت سمر لها ثم نظرت حوالها  وقالت:مفيش غيرها فى الصحراء كلها اقتربت من المنضدة جلست على الكرسي وقالت بضيق عايز اي بقي عشان كده جايبني فى الصحراء مفيش حرفيا حد غيرنا هنا اه اسفه والزرع اللي هناك دا 

جلس فارس امامها وقال بغيظ:تعرفي تسكتي وتسمعي بقي كلامي قولتلك متقلقيش المهم خليني اقولك بقي على المفاجاه الاول انتي طبعا الفتره اللي فاتت دي متعرفيش اي اللي حصل فى الاكاديميه عشان كده انا جبت ليكي كل المحاضرات اللي فاتتك هناك والتدريبات اللي فاتتك انا هساعدك فيها متقلقيش دي بقي مش المفاجاه 

نظرت له سمر وقالت بضيق:هو شكر وكل حاجه على مساعدتك ليا بس انا هتش*ل لو معرفتش المفاجاه دلوقتي 

ابتسم فارس وقال بهدوء:هعرفك المفاجاه انتي بسبب انك شاركتيني فى المهمه دي انا اتكلمت مع اللواء وطلبت منه مكافاه كبيره على تعبك وهو وافق وانا كنت متوقع انها فلوس لحد ما جت المهمه وانتي دخلتي في غيبوبه بسببها اتكلمت مع اللواء تاني واتحايلت عليه قد كده عشان يسمعني وهو اخيرا وافق عارفه وافق على اي وافق انك تشتغلي معايا فى القسم تحت مسؤوليتي بس طبعا هتكملي الاكاديميه هتتطلعي معايا مهمات وفى نفس الوقت هتتدربي وتدرسي فى الاكاديميه هنقسم الاسبوع يوم اجازه لاهلك وكده فاضل٦ ايام تالته اكاديميه وتالته فى القسم 

نظرت له سمر بصدمه وقالت بعدم تصديق:احلف دا مش مقلب صح انت مبتكذبش والله هيحصلي حاجه احلف 

نظر لها فارس وقال:والله العظيم يابنتي دا اللي حصل مش عايزكي تكسفيني انا اللواء ماكد  عليا اي غلطه منكي هترجعي تاني تكملي فى الاكاديميه لحد ما تخلصي ونشوف هتتعيني فى قسم اي 

ابتسمت سمر وقالت بامتنان :غلطه مستحيل انا هعمل كل اللي اقدر عليه عشان مغلطش ابدا انا بجد مش مصدقه شكر والله مش عارفه اقولك اي بص انا هشيل جميلك دا فوق راسي اي حاجه انت عايزها مني قولي وهتلقيني بساعدك على طول من غير تفكير 

تنهد فارس براحه وقال بحب:مش عايز اي حاجه منك غير انك تكوني جنبي وبس المفاجاه التانيه هي

 قطع حديثه صوت سمر وهي تقول بقلق :فارس مين اللي جاي وراك دا 

نظر فارس وراءه وجد شخص يمسك سلا*ح بيده وهو يقول بحده:ولا حركه اثبت مكانك نهض فارس وقال بغضب:انت عبيط ياض ولا اي انت

قطع حديثه سمر وهي تصر*خ بذ*عر وتقول:فارس فارس الحقني 

نظر لها فارس وجد شخص يضع سلا*ح على راسها ويقول بتحذير:حركه كمان وهتزعل عليها اقاعد كده احنا مش جايين ليك اصلا احنا جايين ليها هي

  •تابع الفصل التالي "رواية بنات السعد" اضغط على اسم الرواية