رواية حب غير مشروط الفصل الرابع و الثلاثون 34 - بقلم لولا
فادم وطي لمستواه واكمل وهو بيحضنه بحب قلب بابا ادم من جوه
مروان بفرح جبتلي العربيه اللي كنت قايلك عليها لما كلمتك كول قبل كده ولالا
ادم ضحك واكمل جبتهالك طبعا يا باشا وفتح الشنطه وخرجها منها
سالي بحب قول لباابا شكرا يا مارو
مروان حضن ادم واكمل بحب شكرا يابابا حلوه اوي واكمل بفرح وهو بيمكسها هروح العب بيها
ادم بحب العفو يا قلب بابا
سالي ضحكت واكملت بحب روح يا حبيبي
وفعلا مروان بعد نسبيا وفضل يلعب بلعربيه وعين ادم وسالي متبعاه فاكملت سالي بحب ايه فكرك بينا منا بقالي كتير بتحايل عليك تيجي
ادم بتنهيده قعد واكمل ده حوار كبير يا سالي هقولك عليه بس لما اريح شويه تعبان اوي
ساالي قعدت جمبه واكملت بستغراب مالك يا حبيبي في ايه ومراتك مجاتش معاك ليه ??
ادم بتنهيده هقولك والله بس لما اصحي
سالي برفعه حاجب والله
ادم ضحك واكمل في ايه يا سالي
سالي في اني اختك في الرضاعه وكنا جيران وامك الله يرحمها كانت صاحبه امي وانا وانت متربين سوا من اول الحضانه لحد ما كبرنا فمتحاولش تكدب عليا لاني حفظاك مالك يا ادم حصل ايه معاك انت ومنه
ادم بحزن سيبك مني دلوقتي مروان عامل ايه اكيد بيفتقد احمد الله يرحمه
سالي الدموع اتجمعت في عنيها واكملت مروان اكيد بيفتقده بس والله بحاول علي قد ماقدر اعوض الدور ده
ادم بتنهيده انتي كنتي بتحبي احمد يا سالي ??
سالي بصدمه ايه السؤال ده اومال هتجوزه واخلف منه ليه
ادم بتنهيده زي منا اخوكي وحفظاني انتي اختي وحافظك وعارف انك محبتيش احمد الله يرحمه واستغربت اوي لفكره انه جيه اتقدم يطلب ايدك مني وحضرتك حددتي الفرح فاجاه كده مع انا وانتي وعمر ورامز واحمد كنا دايما مع بعض وكل اسرارنا سوا كنا دفعه واحده فكل الدروس وانتي علشان اختي مكنتش بسيبك ابداا حتي بعد ماروحت عيشت مع ماما ساميه فضلت اتواصل معاكي واخليكي تيجي عندنا لحد ماكبرت وانا شايل مسؤليتك فعلا بس لما قولتيلي هتجوز احمد وبحبه انا سكت ومعترضش لان احمد الله يرحمه كان صاحبي واخويا وهو ورامز وعمر عندي واحد مقدرش افرق بينهم انما عمري ماقتنعت انك بتحبيه
سالي بحزن ادم الكلام ده مبقاش ليه لزوم انا خلاص اتجوزت وخلفت وجوزي استشهد مش هنرجع نقلب في اللي فات وانت كتر خيرك بتكلمني كل شويه وتطمن علينا انا ومروان وهو بيعتبرك مكان ابوه فخلاص بقي
ادم انا بس اللي بهتم وبسال عليكم يا ساالي ??
سالي بحزن يوووه يا ادم انت بتلف وتدور ليه
ادم بحده انتي اللي بتلفي وتدوري ومش راضيه تقتنعي بس تمام
سالي بحزن انت عايزني اقول ايه
ادم بحده هسالك السؤال اللي بسالهولك كل مره وبتفضلي تهربي ايه اللي خلاكي اتجوزتي احمد يا سالي انا وانتي عارفين انتي حبيتي مين كويس
سالي الدموع اتجمعت في عنيها واكملت وانا هرد عليك الرد بتاع كل مره اتجوزته علشان بحبه يا ادم
ادم بحده متعصبنيش انتي محبتيش احمد بس مكنتش اقدر اقف في وش الجوازه واقول مش موافق ده صاحبي وجالي قالي عايز اختك وقعد معايا انا ووالدتك الله يرحمها مكنتش اقدر اقوله لا قولت الراي رايها واللي توقعته الرفض لقيتك خرجتي من اوضتك ووافقتي عليه وحددتي الفرح بسرعه اوي مع ان قلبك معروف مع مين من زمان وعنيكي دلوقتي بتاكد كلامي
سالي غمضت عنيها واكملت بدموع ادم ارجوك كفايه
ادم بعصبيه واما انتي بتحبييه اتجوزتي احمد ليه ??? .. كسرتيه وكسرتي نفسك ليه??? هو كسر القلوب هين عند الناس كده ليه ??.. ظلمتي نفسك وظلمتيه وظلمتي احمد معاكي .. سلمتي نفسك وحياتك لواحد وانتي بتحبي غيره وقلبك مع غيره خلفتي من احمد مع انك عارفه انه هيموت من الوجع بمجرد لما يعرف بخبر حملك من احمد وانتي زيه اكيد مفرحتيش بحملك من احمد ومسك دراعها واكمل بعصبيه نفسي مره تجاوبيني اجابه مقنعه عملتي كل ده ليييه يا سااالي ظلمتي نفسك وظلمتي اللي حبك اكتر من نفسه وظلمتي احمد لييه انااا عملت واجبي كاخوكي وقولتلك فكري براحتك وبلاش تكسري الاتنين واحد انك اتجوزتي غيرره برغم حبكم لبعض والتاني انك مش بتحبيه اصلا علشان انا مش هقدر اتكلم واقول رايي لان الاتنين صحابي واخواتي وفوق كل ده قولتلك شوفي نفسك انتي عايزه مين واختاري وانتي اختارتي الاختيار اللي صدمنا كلنا وظلم الكل احمد عاش ومات ومراته بتفكر وبتحب غيره ليه يا سالي ليه كل ده ربنا يسامحك
سالي بعياط ادم ارجوك خلاص كفايه انا مش قادره اتكلم والله ما قادره اتكلم وقلبي واجعني اوي
ادم صعب عليه شكلها فضمها لحضنه وفضل يبطبطب عليها واكمل بحزن طب وافقي اتجوزيه دلوقتي يا سالي مكنش ليكم نصيب زمان يمكن تعوضوا اللي فاتكم دلوقتي وهو مش فارق معاه خالص انك اتجوزتي وخلفتي وافقي ده ساب دنتيه كلها وجيه وراكي هنا ومش معوزك انتي وابنك حاجه وبيهتم بيكم وييتحايل عليكي حياال ترضي تتجوزيه كفياكي عذاب ليكي وليه يا سالي وانا واثق انك بتحبيه زي ماهو بيحبك
سالي اتعصبت لما جاب سيرته ورايحه تتكلم
قاطعهم صوت مروان وهو بيقول بفرح بااابا رااامز
رامز وطي لمستواه واكمل بحب كبير وهو بيبوس خده قلب وحياه بابا رامز
ادم شافه اكمل بدموع فرح واحشتني اوي يا صاحبي
رامز اتفاجئ لما شافه ونزل مروان وراح حضنه جامد واكمل بدموع فرح وهو بيطبطب علي ضهره جامد بشوق سنين واحشتني ..واحشتني اوي يا ادم
ادم بدموع وانت اكتر يا حبيبي والله بجد واحشني اوي
رامز مسح دموعه واكمل كل ده منشوفكش يا ادم ده احنا مكناش بنسيب بعض يوم بجد مبسوط اووي فوق ماتتخيل اني اخيرا شوفتك مع اني مكنتش اتمني اشوفك بسبب الوضع اللي انت فيه مع مراتك دلوقتي
ادم ابتسم بحزن اكمل سيبك مني دلوقتي يا رامز
سالي وهو باين علي وشها انها معيطه اكملت مش هتقولي بردو في ايه يا ادم
ادم بتنهيده لما اصحي يا سالي هقولك والله تعبان
رامز بقلق مالك انتي كنتي بتعيطي ليه يا سالي
سالي بجمود مفيش يلا يا مروان علشان تاخد شاور
ادم بصلها بحده واكمل لرامز بتمثيل ضحك دي بس علشان شافتني من ساعه ماجيت وهي مش مبطله عياط وبص لسالي بحده واكمل مش كده يا قلب اخوكي
سالي ابتسمت بحب واكملت اه يا حبيبي يلا روح ارتاح انت شويه لحد ما احمي مروان واعمل الاكل .. يلا يا مارو علشان ناخد شاااور
مروان بمرح يلا بس اسلم علي بابا ادم وبابا رامز
سالي بحب طب سلم عليهم ويلا
ادم ورامز وطوا لمستواه
ادم حضنه واكمل بحب يلا يا حضره الظابط روح خد الشاور ومستنيك
مروان بمرح حاضر. وحضن رامز
رامز باس خده واكمل بحب هستناك علشان نلعب مع بعض
مروان بمرح جبتلي مسدس يا بطلي الخارق
رامز بستغراب مسدس ايه ده وضحك واكمل وبعدين انا بطلك الخارق ?
مروان ضحك واكمل وهو في ظابط من غير مسدس يا بابا انت اهو حاطط مسدس وانا زيك ظابط فعايز مسدس و اه انت بطلي الخارق بتحميني انا وماما من الاشرار علطول علشان انت ظابط ومعاك مسدس والاشرار بيخافوا من الظباط
رامز ضحك عليه هو وادم وسالي
فاكمل رامز بحب عنيا ليك هجبلك مسدس يا حضره الظابط بس لما تكبر زي بابا كده
مروان بضحك واقتل الاشرار صح
رامز ضحك وضمه لحضنه واكمل بحب اه صح وباس خده واكمل يلا اجري مع ماما علشان الشاور
مروان مسك ايد سالي ودخل لجوه
ادم ابتسم بحب واكمل مروان زي العسل والله
رامز بحزن ده حقيقي ربنا يحميه
ادم بتنهيده متزعلش من سالي حقك عليا انا
رامز بحزن لالا مش زعلان اتعودت وطلع مسدسه من جيبه حطه علي التربيزه وقعد علي الكنبه اللي في الجنينه
ادم قعد جمبه وطبطب علي كتفه واكمل بحزن خلاص بقي فك انا هربيهالك والله
راامز دموعه نزلت بوجع واكمل هموت واعرف كرهتني كده ليه ربنا يعلم بحبها قد ايه وعملت ايه ومن يوم ما احمد توفي مش بسيبها وبعد سنه من وفاته قولتلها نتجوز ومش فارقلي انك اتجوزتي وخلفتي انا عايزك وبحبك بس هي معندهاش غير لا وتتعصب
ادم تنهد بحزن واكمل انا نفسي مستغربها لان سالي بتحبك وكلنا كنا عارفين ده … ايه اللي غير الحال فاجاه كده معرفش
رامز بدموع ووجع بصله واكمل انا وانت وعمر واحمد كنا اربعه اخوات عارف كان ايه احساسي وانا شايف حبيبت عمري لابسه فستان لغيري ومن حق غيري ?? لا والالعن عروسه لصحابي واخويا يعني حبي ليها بعد كده يعتبر خيانه ووسا*خه لان دي مرات صاحب عمري فبقيت غصب عني بنساها بس معرفتش بس عمري ماكلمتها علي اي حاجه تخص حبي ليها واحمد عايش لان ده صاحبي مقدرش ابص لمراته حتي لو بموت فيها من يوم ما شالت اسم احمد وانا بحاول انساها وولا مره حاولت اكلمها بس مقدرتش يا ادم ومعرفتش اتجوز غيرها لاني مش شايف وهشوف نفسي مع غيرها …..ولا يوم ماعرفت انها حامل من احمد ااااه يااا ادم اااه ورجع ضهره لورا سند راسه وغمض عنيه واكمل بدموع كنت بموت بدل المره الف مره وانا بتخيل ان ممكن يكون قربلها فعلا ??? يعني ده حقيقي ?? سالي بقيت مراته شرعا وقانونا وحامل !!! .. حبيبتي بقيت مرات صاحب عمري واخويا وضحك بسخريه واكمل شايف القهر والوجع اللي انا فيه انا مش عارف لنهارده انسي اليومين دول اللي شوفتهم سوا فيه واللي قالت انها حامل فيه وبعد كل ده بردو عايزها وبتحايل والهانم مش راضيه
ادم دموعه نزلت واكمل وهو بيحضنه حقك عليا انا يا غالي عارف اللي انت فيه صعب اوي اوي كمان انا مقدرش استحمل اللي انت بتقوله ده يعني مقدرش اشوف مراتي متجوزه صاحب عمري وحامل منه ده انا اموت فيها انا شوفتها بس بتتخطب كنت بموت فانت كتر الف خيرك انك لسه واقف علي رجلك بجد ووالله يا رامز كنت رافض جوازها من احمد بس سالي
رامز بمقاطعه ودموع عارف انك كنت عايزني انا لسالي لان انت عارف اننا بنحب بعض بس لما سالي وافقت باحمد انت مقدرتش تتكلم لاني انا نفسي مقدرش اتكلم احمد اخويا وصاحبي حتي لما انت وعمر دخلتوا طب هو كمل معاايا شرطه يعني من حضانه لحد التخرج فا علي قد صعوبه الموقف وقرب احمد مني علي قد وجعي بجد
ادم طبطب عليه بحزن واكمل والله سالي بتحبك دي اختي ومتربيه قدامي وبقولك بتحبك
رامز بدموع بتحبني تتجوز صاحبي يا ادم انت مقتنع
ادم بوجع من اجل صاحبه اكمل انا معرفش ايه خلاها اتغيرت ناحيتك بس واثق انها بتحبك وبعدين انت ملاحظتش حاجه
رامز بستغراب حاجه ايه
ادم مسح دموع رامز واكمل اهدي يا حبيبي انا هقنعها بفكره جوازكم واظن كده مرضي
رامز ابتسم بحب وفرح واكمل ياريت ده انا ابقي مرضي اوي اوي كمان
ادم ابتسم بحب واكمل حتي بعد ما اتجوزت وخلفت لسه بتحبها
رامز بحب والله لو عجزت مش مهم انا بحب سالي من وهي عيله وفضلت بحبها وهي مراهقه بعدين وهي انسه بعدين وهي متجوزه معرفتش انساها ولما بردو خلفت حبها مقلش ابداا
ادم بخبث قاصد يجربه اكمل اصل في رجاله تقولك طلما اتجوزت اتجوز مدام ليه وانت كمان عمرك ماتجوزت قبل كده
رامز بحب لالا دي رجاله عمرها ماحبت بجد ابدااا لان الحب مالوش شروط يعني اي احبها لو انسه وابقي عايزها وبموت فيها ولو طرقنا اختلفت وافترقنا وحبيبتي اتجوزت واطلقت مثلا اقولها لا اصل انتي بقيتي مدام فانا هتجوز انسه !!!! هو الحب والجواز بقي المواضيع دي بس ولا ايه ومن امتي ده هو اساس الحب ???.. الحب اللي يتبني علي شرط و اني عايز منك غرض ده مش حب لانه هينتهي مجرد ما ازهق منها حتي لو كانت انسه وانا اول راجل في حياتها بردو هينتهي مجرد ما ازهق منها لانه اتبني علي شرط معين وهو العلاقه انما الحب اللي بجد مينفعش يكون ليه شروط … الحب اكبر من كده ده قلب بيتعلق بقلب والقلب لو حب بجد مبيعرفش يكرهه مهما حصل والقلب ولا بيهمه شكل ومركز وفلوس وانسه او لا ده كله كلام فاضي واللي بيحب بجد بيبقي عايز يكون مع حبيبه مهما كانت الظروف اصل هي هي البنت اللي حبيتها صحيح اتوجعت اوي لفكره ان احمد قربلها بس ده غيره عليها من كتر ما بحبها بس مقلش حبي ليها ابدا بلعكس كنت بقول ياريت اتجوزها بردو عادي ولما احمد توفي اديني رجعت اتحايل وسالي عندي اهم من مليون واحده اكون انا الاول في حياتها لان انا قلبي وكياني مش مع حد غيرها
ادم بحب انا فخور بيك اوي يا رامز انت راجل بحق وحقيقي وتستاهلها واوعدك اني فعلا هحاول مع سالي بكل طاقتي وهي بتحبك والله العظيم ودي اختي وانا هقنعهالك هفضل ازن عليها لحد ماترضي
رامز بفرح يبقي مش هنسهالك طول حياتي بجد يا ادم … بس قولي بقي انت قولتي مش ملاحظ حاجه علي ايه
ادم بضحك احمد عنيه لونها بني وسالي عنيها عسلي وغمز واكمل مروان طلع خضرا لمين ??
رامز بحده ماتتلم يا حيوان انت تقصد ايه
ادم فضل يضحك واكمل ياللي مش سالك انا مقصدش حاجه وحشه
رامز بحده اصل منا اللي عيني خضرا تقصد ايه كده
ادم بضحك وده مبيلفتش نظرك لحاجه
رامز ههزقك بطل ضحك وفهمني
ادم ضحك واكمل ياغبي الست لما بتحمل لو بتحب جوزها اوي بتلاقيه بتفضل تبص لملامحه بحب كبير اوي و90% بيطلع شبه فعلا ومروان بسم الله مشاء الله الا انه ابن احمد بس نسخه مصغره منك فا ده ملفتش نظر اهلك ان سالي بتموت فيك لدرجه ان ابنها شبهك كده
رامز بتفكير تصدق وتامن بالله الواد فعلا نسخه مني وعمري ماخدت بالي
ادم بضحك علشان احول واضح جدا انه شبهك بلظبط وابتسم واكمل وده اكبر دليل ان كانت بتحب ملامحك انت وبتشوف صورك وهي حامل فابن احمد وتنهد بحزن واكمل سالي غلطانه دي كده خيانه لجوزها احمد كان اجمل حد ممكن تعرفه ايه كان يجبرها تعمل كده اصلا هو ميستاهلش منها كده ولا حد اجبرها تبعد عنك وتتجوزه وتوجعك وتوجعه الجواز ده ظلمتكم انتوا ااتلاته
رامز بضيق منا هتجنن من كده اما هي بتحبني تتجوز احمد ليه
ادم طبطب علي كتفه واكمل متشغلش بالك هظبطهاالك
——————————————-
تحت بيت عمر وصل وتاليا ونسرين وساميه نزلوا فاكمل عمر توتي انا رايح لخاله ساميه اشوفها لو محتاجه حاجه
تاليا بابتسامه ماشي يا حبيبي
وشالت الشنطه وطلعت ووراها نسرين وساميه وعمر مشي
في الشقه فتحت تاليا
داليا بفرح حبيبت قلبييي اللي نورت بيتهاااا وراحت حضنتها
تاليا سابت الشنطه وضمتها اكتر واكملت بحب بجد واحشتيني اوي
داليا بحب والله انتي اكتر ده انا مصدقتش نفسي لما عرفت انك راجعه انهارده
تاليا بحب حبيبتي يخليكي ليا يا روح قلبي
داليا يلا اساعدك تفضي هدومك
تاليا بحب تمام
سهير همست لنسرين دلوقتي هنعمل نفسنا بنتخانق سوا علشان تاليا متعرفش اننا متفقين لما ننفذ الخطه ولو داليا اتكلمت وقالت لعمر المره دي هقوله انا اصلا اختصرت نسرين ومش بكلمها
نسرين بخبث تمام
وفعلا بعد شويه داليا ساعدت تاليا في ترتيب هدومها هي وعمر وسمعوا صوت خناق
داليا بستغراب ايه الصوت ده
تاليا بصدمه دي امك ونسرين يالهوي مالهم
وطلعوا
نسرين بحده انا اصلا غلطانه اني جيت هنا انتي كنتي فاكره ايه اني هاجي امشي علي كيفك وبس انا هرجع بيتي يستي عادي
تاليا بس بس اهدي في ايه ماما عملتلك ايه
نسرين بحده شوفي حماتك ياختي لما قولت مش عايزه عمر وخلاص بقي اخويا هي رضيت وجينا صلحناكي بس بتتكلم معاايا بتقولي خلاص امشي علشان مضايقيش تاليا اصل مبقااش ليا لزوم طب هو ده ينفع
تاليا بعتاب لالا يا ماما ميصحش انا والله قبلت اعتذار نسرين وسامحتكم وبعدين هي قالت عمر اخوها فخلاص خليها براحتها
سهير بحده دي بنت قليله الادب سيبك منها وخليها تمشي
داليا استغربت واكملت ماما خلاص محصلش حاجه لكل ده هي مش لازم تقعد علشان عمر هي هتقعد في بيت ابن عمها عادي
تاليا بابتسامه وانا مش زعلانه يا ماما خليها خلاص انا عارفه ان حضرتك عامله عليا بس فعلا انا مش معنديش مشكله ان نسرين تفضل
نسرين بحده نا كده كده ماشيه خلاص يا تاليا
تاليا مسكتها واكملت لالا خليكي بس هبل قولنا ده سوء تفاهم هي خافت علي زعلي بس فعليا خلاص احنا اتصالحنا ورمينا اللي فات ورا ضهرنا
نسرين بصت بقرف لسهير واكملت بتمثيل هقعد علشان تاليا انما انتي في داهيه ولا مرات عمي ولا عايزه اعرفك وده اصلا بيت عمر مش بيتك
داليا اتصدمت من طريقتها الغير اخلاقيه واكملت بسخريه شايفه اللي كنتي عايزاها لابنك
سهير بتمثيل حقيقي كنت متخلفه
تاليا بعصبيه انتي اتجننتي يا نسرين انتي بتقووولي ايييه
نسرين برفعه حاجب ايه قولت ايه انا حره مش عايزه يكون ليا علاقه بيها تاني
تاليا بعصبيه دي ست كبيره ازاي تقوليلها في داهيه انا مسمحلكيش تغلطي في حماتي بلشكل ده وانا واقفه واسكتلك احترمي نفسك وقدري فرق السن دي قد امك يعني مش صاحبتك علشان تشتميها وبعدين دي مرات عمك ازاي تقولي كده …وايه كلمه في بيت عمر دي وهو عمر ده مين مش ابنها ??? ومفيش حاجه اسمها كده دي امه وده بيتها قبله كمان هي اللي اشترت الشقتين اللي في عماره الشقه بتاعتها ودي من زمان ايام ما عمر اصلا كان لسه صغير بتعبها لما اشتغلت لما عمو عز الدين توفي يعني انا وانتي وعمر وداليا قاعدين في بيتها بس هي زي اي ام بتحب ابنها كتبتله شقه باسمه يتجوز فيها وبعدين دي فضلتك عليا وكانت عايزاكي لابنها دي جزاتها تكلميها كده
سهير كانت مصدومه من كلام تاليا وزعلانه اوي من نفسها ودموعها نزلت
نسرين اتعصبت اوي واكملت برافو عملتي اللقطه يا ست تاليا طلعتي انتي اللي مفيش منك وانا اللي بنت كلاب برافو يا حبيبتي واكلمت بسخريه مبقاش الا انتي اللي تعرفينا تضحيات الام لابنها معرفش جبتي الكلام ده منين وانتي عمرك ماهتحسيه ثم انه الست دي ميتقالش عنها ام دي انانيه ومش بتحب غير نفسها وبس
تاليا ضربتها بلقلم بقوه واكملت بحده ودموع انا مضربتكيش علي مسخرتك عليا وكلامك الجارح لاااا كل كلامك ولا يفرقلي لان انا راضيه وجوزي راضي وطلما احنا راضين طوز في كل الدنيا انا ضربتك علشان كلامك عن ماما بلشكل ده انتي حقيقي بنت مش محترمه وخساره فيكي حبها ليكي
داليا بحده بنت مش متربيه ومش عايزه اعرفك تاني حقيره صحيح .. تاليا دي انضف واحسن منك 100 مره يا حيوانه وبكره ربنا يرزقها وتشوفي وبصت لامها واكملت بسخريه اتمني تكوني عرفتي غلطك يا ست الكل ودخلت اوضتها ورزعت الباب بغيظ
سهير كانت بتعيط لانها فعلا ندمت اوي فرق بين تاليا ونسرين كبير حتي لو نسرين بتمثل بس رد فعل تاليا صدمها اوي لان برغم كل اللي عملته الا انا مستحملتش ليها الاهانه ووقفت جابت حقها
تاليا فكرت انها بتعيط من كلام نسرين عليها فراحت ناحيتها واكملت بحزن لالا اوعي تعيطي يا ماما حقك عليا انا يقطع لسانها الحيوانه ومسحت دموعها وباست ايديها واكملت متعيطيش يا حبيبتي اهدي
نسرين اضايقت اوي فدخلت اوضتها ولمت هدومها وكررت تمشي ومش هترجع تاني
سهير بدموع حقك عليا يا تاليا انا اسفه يابنتي
تاليا بحزن لالا قولنا ايه متعتذريش مني اانا زي داليا بلظبط وبعدين انا مش زعلانه منك خلاص احنا اتراضينا
سهير بحزن لالا انا جيت عليكي اوي بجد يا تاليا اوي انا ندمانه اوي علي كلمه نطقتها في حقك وفضلت تعيط
تاليا حضنتها واكملت بدموع لالا يا ماما والنبي خلاص متعيطيش بنتك يا حبيبتي محصلش حاجه وانا والله مقدره موقفك ومش زعلانه
نسرين طلعت واكملت بضيق متزعليش يا مرات عمي وانتي كمان يا تاليا عن اذنكم
تاليا خليكي يا نسرين انا مقولتش كده علشان تمشي انا بس قولت ميصحش اللي عملتيه انما قبل اي حاجه قولتلك خليكي
نسرين بضيق بصت بقرف واكملت لا شكرا مبقتش حابه افضل هنا وفتحت الباب وخرجت
سهير بحزن هي مشيت علشان لقيت مفيش امل اساعدها تاخد عمر فكبري دماغك يابنتي
تاليا بصدمه بردو عمر! !! وانا اللي صفيت من ناحيتها
سهير مشت ايديها علي شعرها بحنان واكملت ده علشان انتي مفيش في طيبتك يا روح قلبي .. سيبك منها خلاص كل حاجه رجعت لطبيعتها مش عايزاكي تكوني زعلانه مني
تاليا ابتسمت بحب لا حقيقي مش زعلانه
سهير بحب بحيث كده اعمل اتنين قهوه ونيجي نرغي شويه في البلكونه بس البسي اسدال علشان عمر ميجيش يبهدلك
تاليا ضحكت واكملت حاضر كنت هعمل كده والله من نفسي .. بس استني اعمل انا القهوه خليكي انتي
سهير بحب لا هعمل انا بعملها حلو جدا هدوقك فنجان قهوه مشربتيش زيه سيبي بس حماتك تبدع
تاليا بحب ماشي مستنيه
—————————————-
في بيت ساميه الباب خبط
ساميه وهي قاعده حاطه ايديها علي راسها بحزن وسانده علي الكنبه اكملت بصوت متعب افتحي يا جيسي
جيسي فتحت واكملت اتفضل ادخل
عمر مساء الخير يا خالتي
ساميه بصتله واكملت بحزن مساء النور يا حبيبي اتفضل معلش ياحبيبتي اعملي قهوه لعمر
جيسي حاضر ثواني ويكون
عمر بمقاطعه لالا ولا اي حاجه انا جيت اشوفك محتاجه حاجه ياست الكل واطمن عليكي وهروح اشوف منه وهروح انما مش جاي اضايف انا مش غريب يا خالتي ده انا ابنك التالت عيب وبص لجيسي واكمل اقعدي متعمليش حاجه.
ساميه بدموع فيك الخير ياابني وابن اصول
عمر بحزن طب ليه الدموع دي طب ومسح دموعها وباس جبينها واكمل والله كلنا هنموت بس انتي عارفه ادم وعارفه مر بايه هو تعب اوي يا خالتي فنفسه مستواه يتحسن وهو فعلا السفر مستقبل كبير جداا
جيسي بحزن بس الوداع صعب اوي يا عمر
ساميه بدموع عمره ماغاب عني يا عمر فاجاه كده اتحرم منه
عمر دموعه نزلت وباس جبينها واكمل والله وانا ومالك وكلنا متعودين عليه بس ربنا يرده باسرع وقت ويفرحنا بنجاحه اهدي يا حبيبتي اهدي والله وهكلمهولك
ساميه بدموع ولفهه اااه كلمهولي
وفعلا عمر رن علي ادم
ادم رد واكمل ايه يا خويا
عمر بحزن خالتي عايزه تطمن عليك
ادم بحزن هاتها
ساميه بدموع كده يا ادم مش قولتلك توصل طمني
ادم بحزن والله ياست الكل كلمت مالك وطمنته فقولت هيقولكم علشان جيت اتقتلت نمت ولسه صاحي اهو
ساميه بدموع طمني عليك يا حبيبي عامل ايه
ادم بحزن كويس يا ماما متقلقيش يا غاليه المهم انتي خلي بالك من نفسك
ساميه بدموع حاضر يا حبيبي وانت كمان خلي بالك من نفسك وكلمني كل يوم يا ادم امانه عليك
ادم دموعه نزلت بس مبينش واكمل حاضر والله عنيا .. جيسي ومالك وبابا عاملين ايه
جيسي بحزن كويسين بس ناقصنا وجودك. ده بابا دخل نام قال مش طايق البيت من غيرك
ادم دمع واكمل بضحك مزيف حبيبي الحج ده والله هيجروا هوا وهجيلكم باذن الله وسكت ثواني واكملت بحزن عمر
عمر عنيا يا ادم هروحلها يا حبيبي متخافش واللي هي عايزاه هجبهولها منه في عيني وهنسي اي خلاف بينكم وانا بقف جمبها لان في النهايه دي مرات اخويا
ادم ابتسم بحزن واكمل تسلم يا غالي بتعبك
عمر بحب بس ياض متبقيش عبيط احنا اخوات انت بس خلي بالك من نفسك وارجع بسرعه
ادم بحزن باذن الله
ساميه بحزن سلام يا حبيبي وكل كويس
ادم بحب حاضر يا غاليه يلا باي
عمر باي وبص لساميه واكمل اطمنا اهو ممكن نبطل عياط وزعل بقي
ساميه ابتسمت من بين دموعها واكملت حاضر يا حبيبي
عمر بحب ايوه كده
والباب خبط فتحت جيسي كان مالك
مالك دخل وباس جبينها واكمل امسكي يا حبيبتي الاكل اللي طلبتيه بس ملقتش جبنه النوع اللي انتي عايزاه فجبت نوع تاني
جيسي بضيق يووه يا مالك
مالك وهو بيسلم علي عمر اكمل ايه يا عمور عامل ايه وبص لجيسي واكمل اقسم بالله ههزقك بقول ملقتوش انيل ايه
عمر بحب بخير يا حبيبي
جيسي بغيظ ملقتوش ولا كلعاده قاصد تعاندني
مالك بحده والمصحف ملقتوش يخربيت اهلك هكدب ليه
عمر بضحك خلاص يخربيتكم في اي مكنش نوع جبنه
ساميه بضحك لا ده هما كل يوم كده فقره الصبح وفقره بليل
مالك قعد واكمل بضيق يا جدع ده حاجه تقرف ومرار انا عارف انا كنت هموت واتجوز علي ايه
جيسي بسخريه لا والله انا اللي كنت هموت اتجوزك الصراحه هااا
ساميه ضحكت فاكمل مالك بحده طب اتلمي الراجل قاعد مش عايز اقوم امسيكي عايزاني اقومي عنيا الاتنين
جيسي بصتله بضيق واكملت انت مش لاقي حاجه تنكد عليها صح ? فبتتلكك
عمر بضحك هو اللي بيتلكك بردو
مالك بحده رد انت يا عم عمر رد انت علشان خلاص بنت كمال هتجبلي السكر بدري
عمر فضل يضحك واكمل مش انت اللي بحبها بحبها اشرب بقي ادينا جوزنهالك
جيسي وهي بترص الاكل اكملت بضحك قاصده تغيظه كان يوم اسود والله
مالك بحده طب اتمسي وقولي يا مسا علشان اقسم بالله انا لو قومت هزعلك فعدي ليلتك كده وقصري
ساميه بضحك خلاص يا مالك هي بتغيظك امسحها فيا انا
جيسي رصت الاكل واكملت وهي داخله المطبخ بصوت منفخض دي بقيت حاجه تقرف والله
مالك بحده برطمي برطمي انتي بقالك شويه بتنمري علي قلم حلو فالو بنت ابوكي صح تسمعيني قولتي ايه
جيسي طلعت حطت المايه واكملت بضيق مقولتش حاجه ممكن خلاص علشان اتنيل اكمل الاكل واشوف هعمل ايه في موضوع الجبنه اللي حضرتك ملتقهاش دي
عمر بضحك طب هو انتي لو مكالتيش الجبنه هيحصل حاجه منا مش فاهم مدي اهميتها يعني
مالك دلع فبصله عمر وفضل يضحك فاكمل مالك بضحك دلع والله بس للاسف بقي انا مرارتي علي قدها ولفيت السوبر ماركت حته حته قالي خلصانه اعملها ايه انا
جيسي بابتسامه وهي بترص الاكل عارف انا ايه اللي مخليني هاديه والله ومعملتش مناحه انك مجبتش الجبنه
مالك بسخريه هااااديه !!! هاااديه مين ياللي منك لله هتروحي جهنم حدف
عمر بضحك استني بس نعرف ايه اللي خلاها هاديه
جيسي بابتسامه اني عارفه انها مش بتتباع هنا كتير بس قولت اخليك تجرب تدور علشان لو لقيتها
ساميه وعمر فضلوا يضحكوا علي
شكل مالك وهو باصصلها ومصدوم
جيسي بتبص لقيت مالك باصصلها وهو مصدوم. فاكملت بتوتر خير ياروحي هو انا قولت حاجه عيب ??
مالك بحده يعني يابنت الجزمه مش بتتباع هنا كتير وعملالي مناحه وسمعتي الجيران صوتنا وانت قاصد تعاندني ده انا هطلع عين اهلك انهارده وبيمشي ناحيتها طلعت تجري بخوف فعمر وساميه فضلوا يضحكوا بشده علي شكلها وهو بيحاول يمسكها وتروح مكان تاني
جيسي بضحك وهي بتجري مالك والنبي خلاص انا اسفه انا حامل يا مالك بطل رخااامه والنبي ودخلت اوضتها وقفلت الباب بسرعه ووقفت وراه وهي بتنهج
ساميه بضحك ياواد بس علشان متقعش علي بطنها سيبها وتعالي
مالك بحده افتحي يا جيسي
جيسي بتوتر مش فاتحه هاا
مالك بحده يابت هكسره علي راسك بقولك افتحي
ابراهيم صحي واكمل مالك يابن الكلب انت عامل وش انت ومراتك ليه كده
ساميه بضحك لا فاتتك فقره ااصبح يا ابو ادم ده هما كل يوم كده
عمر بضحك يخربيت كده بجد دول نكته وبص لابراهيم وسلم عليه واكمل بحب ازيك يا حج
ابراهيم بحب بخير ياحبيبي وانت
عمر بحب زي الفل
مالك وهو بيخبط اكمل يابت افتحي طب ومش هعملك حاجه
جيسي من جوه اكملت بتوتر يا باباااا
ابراهيم بضحك نعم يا جيسي
جيسي بتوتر قول لابنك يمشي من عند الباب
ابراهيم بضحك تعالي هنا يا مالك سيبها علشان تطلع تاكل
مالك بضحك بس انت يا حج سيبك منها علشان دي ليلتها سودا معايا
جيسي بتوتر طب مش طالعه بقي هاا ومش هاكل وابنك هيفضل جعان انت حررر
ساميه بضحك سيبها يا مالك خلاص سماح المره دي
مالك بضحك طب اطلعي بالله مش هعملك حاجه
ساميه بضحك فين ادم بقي دلوقتي كان بيوقفك وراه ويقوله ملكش دعوه بيها
فكلهم ضحكوا فاكملت جيسي بضحك اه والله علي الرغم انه خربها الصبح بس جدع وقف معايا بردو
مالك بضحك طب بالله اطلعي ومش هعملك حاجه حلفت
جيسي تؤ تؤ امشي من عند الباب الاول
مالك بضحك يا حيوانه بقولك حلفت
جيسي تؤ تؤ برود لا امشي
مالك دخل اوضه كانت جمب اوضته فاكملت ساميه مشي يا جيسي خلاص
جيسي وحياه ربنا مشي ?
عمر بضحك بيكتمه اه وربنا مشي
فجيسي فتحت الباب وخرجت فخرج من الاوضه وحضنها من ضهرها فصوتت فاكمل بضحك بسس بسسس يخربيت ابوكي مش هعملك حاجه في اييه
وكلهم فضلوا يضحكوا علي رده فعلها لدرجه عنيهم دمعت
ساميه بضحك ااه مش قااادره يخربيت فقرك يا جيسي
مالك بضحك في ايه يا حبيبي منا حلفت مش هكلمك ليه الخوف ده
جيسي والله حرام عليك قلبي واجعني اوي اتخضيت عارف انا لو مش حامل كان زمانك قطعت خلفي
مالك ضحك وباس خدها بحب واكمل سلامتك من الخضه يا جوووجوو
ساميه بضحك يلا علشان الاكل طيب
عمر بحب استأذن انا بقي علشان لسه هطمن علي منه
مالك ااه بلنسبه لمنه هاجي معاك علشان ادم وصاني عليها
ساميه طب كلوا الاول بعدين روحوا
عمر بحب لا انا مش جعان يا خالتي والله تسلمي
مالك كده كده هنزل معاك لمنه فاقعد كل لقمتين وروح كمل مع مراتك
عمر يابني لا اديني قاعد اهو مستنيك انما انا مش هقدر اكل
ابراهيم كل لقمتين يا حبيبي مش هيعملوا حاجه ولا انت بعتبر نفسك غريب
عمر بحب لا والله مش كده بس
ساميه بحب مبسش لسه قايل انك ابني التالت يعني مينفعش متاكلش معانا اقعد يلا ولا هتكسفنا كلنا
عمر. قعد واكمل بحب مقدرش اكسفكم يا حبيبتي
———————————————
في بيت حاتم وشهد تحديدا اوضتهم
حاتم هي نامت ولا ايه
شهد وهي خارجه من الحمام ولابسه البورنص اكملت معرفش بس ساعدتها تاخد شاور ضغطها وطي اوي بتقولي بيوطي لما بتزعل وتنهدت بحزن واكملت بجد هي صعبانه عليا اوي
حاتم بحزن ومين سمعك حاسس بلذمب اوي
شهد بحده حقك تحس بلذمب منتا السبب
حاتم بحزن شهد ارجوكي مش ناقص كلامك انا تعبان لوحدي
شهد وقفت تسرح شعرها واكملت بحزن فعلا محدش اتظلم قد منه وابنها كلنا في بيتوتنا وعادي هي اللي اتفرقت عن جوزها
حاتم بحزن طب انا اعمل ايه ندمت واتغيرت وقولتلها اكلمهولك قاالت هي عايزه كده
شهد بصتله واكملت بحزن هي بردو حقها برغم اني مع ادم بس رايي كان وقف يسمعها مره بعدين يكرر انما هو مشي
حاتم بتنهيده اللي حصله مش سهل بردو. الموضوع مظبوط اوي وبعدين هو مغلطش ده مسافر يتعلم ويشتغل بس مش كل المده دي فعلا كتير
شهد بحزن ربنا يهديهم وانت اعملها اللي عايزاه وخلاص
حاتم حضنها من ضهرها واكمل بحب حاضر والله هعملها اللي هي عايزاه المهم متقلبيش وشك في وشي بجد
شهد لفتله واكملت بدموع انت صدمتني فيك يا حاتم بجد بقي كل ده يطلع منك انت
حاتم بحزن شهد انا صارحتك مرضتش ابدا حياتي معاكي علي كدب بس يشهد عليا ربنا اني فعلا اتغيرت مش طالب منك غير فرصه واحده بس
شهد بحزن انا عارفه انك اتغيرت و اوي كمان بس في نفس الوقت صعبان عليا كل اللي حصل لمنه وليا من وراك
حاتم بحزن والله هحاول اصالح كل حاجه خربتها بس ارجوكي كفايه كلام بيوجعني انا ندمت … وندمت لدرجه متتخيليهاش
شهد بحزن هنشوف يا حاتم ولو فعلا فضلت كويس هسامحك
حاتم بفرح والله انتي قلب حاتم وقربها منه وشد وسطها ليه
شهد بتوتر حا حاتم
حاتم بهمس وهو بيدفن وشه في رقبتها بحب اممم ايه يا حبيبتي
شهد بتوتر ممكن تبعد شويه و
حاتم بهمس هششش سبيني يا شهد سبيني انا مرتاح كده
شهد بتوتر حاتم اتلم وابعد عني
حاتم بحب وهو بيبوس رقبتها اكمل بحب ده انتي وااحشااني بشكل … صحيح انتي في الشهر الكام كده وغمزلها
شهد اتكسفت واكملت ماشيه في الخامس
حاتم وهو بيفك رباط البورنص اكمل بضحك ده كده تمام اوي وملوكه ثبتت وربعت كمان
شهد شهقت وقفلت الرباط بسرعه واكملت بحرج وهي بتضربه في صدره اتلم شويه واتربي مفيش الكلام ده
حاتم شدها عليه اوي واكمل بحب والله واحشاني اوي كفياكي عذاب بقي يا شهد
شهد برفعه حاجب بردو لا لما اتاكد انك مش هتتغير وترجع لشخصيتك القديمه تاني
حاتم رجعها للحيط وحاوطها بينه وبين الحيط واكمل برفعه حاجب ييعني ده اخرر كلام عندك
شهد بضحك اممم اخر كلام
حاتم ابتسم بخبث واكمل بهمس وهو بيقرب من وشها يعني انتي فعلا مش هترجعي في كلامك يا شوش ?
شهد بصتله بتوتر وسكتت
فابتسم بخبث واكمل بحب وهمس بحبك يا شهد بحبك اكتر من الدنيا كلها وبحب اليوم اللي عرفت فيه اني محبتش غيرك ولا حبيت قدك
شهد بصتله بحب واكملت وانا كمان بحبك اوي يا حاتم اوي
حاتم قرب باسها بحب وهي حاطت ايديها حوالين رقبته وقربته منها اكتر وبعد دقايق بعد وسند جبينه علي جبينها فقربت شهد و باست رقبته بحب ولما ايديه جات علي رباط البورنص الباب خبط فاتنفض هو وشهد وبعدوا عن بعض
شهد همست باحراج ياالهوي عجبك كده
حاتم غمض عنيه واكمل اهزقها طيب !!! ده انا مصدقت انك رضيتي عني ولا هي بتتنقم مني بطريقتها منا مش فاهم
شهد بضحك اتلم يا حاتم وافتحلها بس قبل ماتفتح امسح
ولم تمكل كان فتح فشهد اتصدمت واكملت بهمس واحراج يخربيتك امسحه
حاتم ايه يا منمن
منه بحزن واضح علي وشها اكملت حاتم معلش انا واتصدمت بلروج اللي علي رقبته فاكملت باحراج وهي بتحط وشها في الارض انا .. احم انا اسفه مكنتش اعرف انك ..يعني اووف خلاص خلاص روح اقعد مع مراتك
حاتم اتصدم انها بتقول كده فاكمل بضحك واستغراب انتي بتقولي ايه يابنتي تعالي بس عرفيني عايزه ايه وملكيش دعوه بمراتي
شهد لبست دريس بيتي قصير بسرعه وراحت اكملت بحرج لالا يا منه اتكلمي معاه زي ماتتي عايزه يا حبيبتي متفهميش غلط مفيش حاجه اصلا
منه ضحكت واكملت يابنتي خليكم لحسن يدعي عليا بعدين
شهد بحرج شايف قله ادبك وضربته في كتفه جامد
حاتم بضحك يابنتي وربنا ماقولت حاجه ولا عملت حاجه انا معرفش تقصد ايه
شهد مسكت فونه ورفعته بلكاميرا واكملت بحرج ها عرفت
حااتم شاف الروج اتصدم فاكمل بضحك اوعي تفهمي غلط ده شهد هي اللي كانت بتحاول تتقرب مني بس ابن عمك شريف اه ملناش احنا في الكلام ده
منه فضلت تضحك واكملت هو انتي هتقولي عليك يا حاتم طبعا صادق
شهد بحرج اه يا قليل الادب ياللي متربتش انا اللي بعمل كددده طب اطلع برا بقي كده وقفلت الباب واكملت بسخريه نام علي الكنبه بقي يا تومي وخاف علي نفسك من شهد
منه بضحك طب والله تستاهل اديك اطردت ما كانت كويسه لازم انت تعصبها
حاتم بضحك لا ياشهد عيب كده متحرجنيش قدام البت وافتحي طب بذمتك.ههون عليكي تنيميني علي الكنبه
شهد بضحك اه تهون علشان انت قليل الادب ومش محترم
حاتم بضحك خلاص انا اللي كنت بحاول اقربلك مرضيه كده افتحي بقي
شهد بضحك بردو قليل الادب ومش محترم
حاتم بضحك ماحنا اتفضحنا كده كده يا شهد فمفيش اجابات غير يا انا ياانتي وانا بقولك انا اهو
شهد فتحت واكملت منه بالله ابن عمك اللي قليل الادب انا محترمه
منه فضلت تضحك واكملت بضحك يا قلبي عادي هو غريب ده جوزك مش احسن مايبقي قليل الادب برا
شهد برفعه حاجب يبقي يجرب كده ويشوف هعمل فيه ايه
حاتم شدها وناحيته واكمل بضحك لا الحمدلله هي شوش وبس ولا نجرب ولا منجربش مقدرش ابص لغيرك اصلا
منه بحب حقك زي السكر وقمر
شهد بحب ده والله انتي االي قمر
حاتم ها يا منمن كنتي عايزه ايه
منه بحزن انا مش عارفه انام ومخنوقه جدا تعالي معايا دلوقتي نقولهم ارجوك يا حاتم
حاتم بحب عنيا ليكي يلا بس جمعيهم
منه بفرح حاضر هكلم عمر واقوله يروح عن حماتي وبجد شكرا يا حاتم
حاتم بحب من غير شكر. ده الصح اصلا يلا بينا البسي بسرعه
ومنه دخلت لبست هدومها ولفت الحجاب وحاتم لبس هدومه واكمل بحب مش هتاخر عايزه حاجه من برا
شهد بحب لا سلامتك
حاتم باس خدها واكمل بضحك متناميش ها
شهد حدفت عليه المخده واكملت بضحك اتلم واتربي شويه يا حاتم
حاتم بضحك عنيا وطلع لقي منه جاهزه
حاتم ها يلا
منه يلا
ونزلوا
وشهد بصت في الفون لاحظت التاريخ فابتسمت بحب
في بيت مالك
عمر بيفتح الباب واكمل بحب يلا عايزين حاجه
ساميه بحب سلامتك يا حبيبي
وفونه رن فكانت منه فاكمل بستغراب منه بترن
مالك رد شوفها عايزه ايه
عمر الو
منه عمر معلش روح عند حماتي عايزاكم كلكم في موضوع ضروري وارجوك مترفضش
عمر بستغرب تمام تعالي انا اصلا هناك كنت بطمن علي خالتي ساميه ولسه ممشيتش
منه بابتسامه تمام حلو اوي جيالكم
عمر تمام مستينك باي
منه باي
ساميه بستغرب هي جاايه ??
عمر بستغراب اممم بتقولي عايزاكم كلكم
مالك بستغراب اي ده ليه
جيسي هتيجي اهو وهنعرف عايزه ايه
ساميه علي رايك ياخبر بفلوس شويه ويبقي ببلاش
ابراهيم بتنهيده هتيجي تعرفكم انها بتحب ادم
جيسي بسخريه بتحبه اوي
ابراهيم بصي يا جيسي يابنتي انا نظرتي متخيبش ابداا ونظره اختك اليوم ده كلها كدب وتمثيل
ساميه ادينا هنشوف علشان منفضلش نتامل كتير ويطلع غلط
بعد شويه فعلا جات منه وخبطت
فتخت جيسي شافتها مع حاتم اكملت بحده يابجحتكم جيباااه وجايه وصل بيكي القرف لكده
مالك بحده جيسي
جيسي نعم يا مالك
مالك بحده اقعدي ومسمعش صوتك
جيسي بحزن بس يا مالك
مالك بحده انا قولت ايه ???
جيسي راحت قعدت بحزن وسكتت
مالك بص لمنه واكمل بحده علي ما اعتقد اخويا اه سافر بس مطلقكيش علشان تاخدي راحتك كده وتروحي وتيجي معاه
حاتم بحده انت بتقول ايه يا جدع انت
منه بدموع بس يا حاتم اسكت … ها مين هيزود انا هستني لحد ما كلكم تخلصوا اللي في قلبكم مجتش عليكم
عمر بتنهيده متعيطيش واهدي وقولي في ايه
ساميه بحده من غير كلام ورغي كتير كلامنا لا هيقدم ولا هيأخر جايه وجايبه معاكي ابن عمك ليه يا منه اللي يقهر ابني ويكسره ميدخلش بيتي طول منا عايشه
ابراهيم بحده بس يا ساميه ده لو عدوك وجيه بيتك مينزلش زعلان ادخلوا يابني ونعمل حاجه تشربوها بعدين نشوف جايين تقولوا ايه
منه دخلت هي وحاتم وقفلت الباب واكملت بدموع انا جايه علشانك انتي يا ماما
ساميه بحده اممم وجايه تقوليلي ايه بقي جايه تقولي انك كسرتي ابني وذلتيه ولا انك اكشتفتي اننا اقل منك بكتير فجايه ومعاكي اللي خطبتيه وفضلتيه علي ابني وانتي علي ذمته علشان تعرفونا مقامنا صح. ولا جايه تقوليلي اعذريني معرفتش احقق وعدي معاكي يا ماما علشان انتوا طلعتوا فقرا. واكملت بدموع ده انا قولتلك مش هستحمل اشوف ادم مكسور قولتيلي مقدرش اكسر ادم ابقي كسرت نفسي ادم ده انا وعمري ماهشيل اسم راجل غيره ماهو واضح بصراحه انك وفيتي وعدك
منه بدموع ووجع كل كلامك ده انا مش مغلطاكي ولا زعلانه منكم كلكم لان اي حاجه هتقولوها انا استاهلها بس انا جيت علشان وعدي فعلا يا ماما بس مش علشان اقولك اني خلفته علشان اقولك ابنك الوحيد اللي في قلبي وجوزي ومشيلتش ولا هشيل اسم راجل غيره ولما قالي مش هطلقك قولتله يكفيني شرف اني افضل اشيل اسمك طول عمري وااه يمكن كسرته بس بردو من حبي ليه وخوفي عليه بس كلكم صدقتوا ان منه وحشه حتي هو كان مش مصدق بعدين صدق ومشي. .. مشي. سبني لوحدي مهمهوش وكسرني اكتر منا كسرته بكتيير
جيسي بحده انتي محبتيهوش يا منه متقوليش حبتيه اللي بيحب مش بيعمل اللي عملتيه ده ابدااا ده هان عليكي اووي تعملي كل ده يبقي فين الحب
منه بعصبيه ودموع ده علشااان انتوا متعرررفوش ااااي حااااجه متعرفووش انا مررريت باأيه انا خوووفت عليه علشاااان كده بعدددت انما اناا بحبببه وبحبببه اكتر من نفسييي كماااان قولت يبعد عنييي اهون من ان يتأاااذي وانا معااااه واكملت بعصبيه واكبر ودموع بحبه لدرجه مسكت ايد الدكتوره واتحايلت عليهاااا لحد ماوافقت متجهضنيش وكدبت علي ادم علشاااان بحبه مقدرتش اموت حته منه جوااايا انما هو قدررر
كلهم اتصدموا فاكملت ساميه بدموع فرح اييه انتي بتتكلمي جد يا منه ??????
منه بعياط اه يا ماما جيت اقولك حققتلك وعدك واديني شايله ابن ادم ومامتش زي مافكرتوا
- يتبع الفصل التالي اضغط على ( رواية حب غير مشروط ) اسم الرواية