رواية زوج مأجور الفصل الرابع 4 - بقلم زهرة الربيع
رائف شدها عليه بقوه وقال باشتياق انتي مراتي محدش يقدر يمنعني عنك وقرب من شفايفها ولسه هيبوسها سمعو صوت باب اتفتح وعليا دفعتو وطلعت جري
رائف ابتسم وطلع وراها بس اتفاجأ بروفان في وشو ارتبك جدا وبقى مش عارف يقول ايه
روفان كتفت اديها وقالت بغضب مكبوت…كنت بتعمل ايه يا رائف
رائف بلع ريقه وقال..ابدا..عليا..عليا كانت عايزه تدخل الحمام فدخلت حمام اوضتي بالغلط
روفان قالت بشك..بالغلط
رائف قال..ايوه طبعا بالغلط.. وانا لما دخلت ولقتها وقلتلها ان فيه حمام تاني وكده يعني
روفان كانت مش قادره تصدق كلامو بس دماغها مشغوله اتنهدت و قالت..تمام..هفترض اني صدقتك يا رائف ..بس هحزرك للمره المليون..دي لا…عليا لا…لان انت لو اخر واحد على الكرة الارضيه اخوها مش هيوافق عليك..فبلاش تأذي نفسك وتأذيها..انت شوفت بعنيك الي حصل معايا …تمام
رائف اتنهد وقال..اكيد فاهم….انا ..انا مفيش بيني وبنها اي حاجه ولا حتى كلام عادي…سيبك من الموضوع ده..ها عملتي ايه مع عمران
روفان ابتسمت بانتصار وقالت..وانا من امتي بنفذ حاجه وتفشل…زي ما خططنا بالظبط هو اصر ان اخوه يرجع معاه القصر..واخوه اصر انو ياخد مراتو معاه..ومن انهارده هبات في قصر العامري يعني بالكتير اسبوع واكون جبت دليل ادانة عمران وكل الجرائم الي ارتكبها واهم حاجه اعرف علاقتو مع ابن الأسيوطي
رائف قال..تمام..كده تقريبا كل حاجه صح
روفان قالت..ان شاء الله.. انا هروح اجهز شنطتي وانت اول ما نطلع من هنا تكلم انكل شفيق..وتقولو ان كل حاجه ماشيه حسب خطتو ..واه اكيد مش هوصيك على فرح في غيابي
رائف اتنهد وقال..فرح في عيوني المهم انتي انا الي مش هوصيكي على نفسك يا روفه الولد الي معاكي ده مش سهل متدهوش الأمان انتو هتتشاركو اوضه واحده و..واكيد سرير واحد و
بقلم…زهرة الربيع
روفان ابتسمت بسخريه وقاطعتو وقالت…انا عيزاك تنام مرتاح يا رائف البتاع الي جوه ده اخره يشاركني الأكسجين الي في الاوضه ده لو سمحتلو..يلا متعطلنيش بقى
عند جلال كان عمران هينفجر من الغيظ مستني روفان تجهز وهيه متعمده تعطلهم وتخليهم يستنوها..بص في ساعتو ونفخ بغضب
سمر كانت عيونها على جلال بطريقه واضحه خلتو ارتبك جدا ولسه هيتكلم دخلت روفان وقالت ..انا جاهزه
عمران بصلها بغضب وراح سند جلال وقفو ونزل بيه وطلعو كلهم على القصر
اول ما نزلو جلال انبهر بمنظر القصر وفضل متنح
روفان وقفت جمبو وضغطت على ايده وقالت..ايه يا حبيبي..مش هتدخل بيتك
جلال قال بسرعه..اه..اه طبعا هدخل ودخلو كلهم وقعدو في الصالون
جلال اول ما دخلو قال ..امال بابا فين
نجوى حطت راسها في الارض بحزن وعمران اتنهد وقال…بابا تعيش انت يا رشيد
طبعا جلال عندو خبر وكل ده اصلا روفان حفطتهولو ..طبعا اصتنع الصدمه وقال…ازاي..وامتى
عمران اتنهد بحزن وقال…انت عارف ان بابا تعبان وكان في المستشفى من فتره كبيره وبعد الحادث بتاعك باقل من شهر اتوفي
جلال اصتنع الحزن بطريقه محترفه ونزلت دموعه وقال…عرف باني عملت حادث
عمران قال..لا ميعرفش حاجه..هو كان تعبان قوي ومكناش نعرف نتكلم معاه..الله يرحمه
جلال اتنهد وقال..طيب انا..انا تعبان وحابب ارتاح
عمران اخدو من ايده ولسه هيمشي معاه روفان وقفت ومسكت ايده وقالت..انا مراتو..هبات معاه يعني انا الي هوصلو اوضتو
عمران اتعصب اتقدم عليها ولسه هينطق امه مسكت ايده بسرعه وقالت..طبعا..طبعا يا بنتي…اتفضلي البيت اصلا بيتك وبصت لعمران برجاء
عمران اتنهد بخنقه وسكت وهو حرفيا هيموت من الغيظ
روفان ابتسمت وقالت..شكرا يا طنط ممكن اعرف بس اوضتنا فين بعد اذنك
نجوى قالت…عليا هتيجي معاكي توريكي اوضتكم روحي معاها يا عليا
عليا طلعت معاهم ودخلتهم اوضه جميله جدا وقالت..دي اوضتكم لو احتاجتو اي حاجه اضربي جرس للخدم
روفان ابتسمت وقالت…. شكرا يا عليا
عليا ابتسمت ومشيت واول ما طلعت جلال قفل الباب بسرعه واترمي على السرير وقال…ااااه …ايه العز ده…مش معقول في ناس عايشه كده..ده انا كنت فاكر ان الحاجات دي بتظهر في التلفزيون وبس
روفان بصتلو بسخريه وقالت…كويس انك بتشوف تلفزيون اساسا
جلال بصلها بطرف عينه واتعدل وقال…طبعا بشوف تلفزيون…وبشوف نت كمان..انتي فكراني جاهل ولا ايه انا خرج كليه تجاره هيه بس الدنيا الي واخده عليا حبتين وسايقه العشم
روفان ابتسمت ابتسامه جانبيه وقالت…انا هدخل استحمى متطلعش من الاوضه مفهوم
جلال قال بضيق..يا عم فهمنا خلاص
روفان لسه هتمشي جلال قال بسرعه..روفان هو انتي..احم..انتي يعني
روفان بصتلو وقالت… انا ايه اخلص
جلال وقف وحك جبينهه وقال بتردد..احم..انتي واثقه في الي اسمو رشيد ده..يعني الله يرحمو كان ليه في العك
روفان استغربت كلامو وقالت بضيق..طبعا واثقه فيه..رشيد جوزي واكيد مكنتش هتجوزو لو شاكه فيه..انما انت بتسأل ليه
جلال بص بعيد وقال…لا ابدا..مجرد سؤال
روفان رمت الهدوم بتاعتها على الكرسي وقالت بضيق ..انا بشتغل في الشرطه..وبعرف السؤال الي وراه مغزى من المجرد سؤال..فخلص اتكلم قول فيه ايه
جلال اتنهد وقال بحرج..هو مفيش حاجه واضحه بس مجرد احساس..يعني..حسيت ان..ان الي سمها سمر مرات عمران دي..سلمت عليا سلام غريب..وكانت بتبصلي بنظرات غريبه و
بس قطع كلامو لما روفان بقت تضحك بشده
جلال بصلها بضيق وقال…هو انا بقولك نكته..بتضحكي على ايه
روفان حاولت تبطل ضحك وقالت …والله دي اجمد نكته عموما…يعني لو رشيد كان فعلا بيعك..وليه في كده هيبقى مع مرات اخوه..انت دماغك دي ايه..لا بجد ااه انا فهمت دي حته بمتين مش كده انا عرفاها ما انا مكافحه مخدرات اصلا
جلال اتنهد بضيق وقال..انا غلطان اني بكلمك اصلا انا الي لاحظتو قولتو وانتي براحتك بقى
روفان لقتو اضايق اوي قالت ..طب خلاص متزعلش…شوف يا جلال رشيد ده انسان بجد ميتوصفش وبيحب اخوه جدا مستحيل يخونه..مستحيل يخون اي حد عموما…وشردت وقالت بدموع..انسان كامل مكمل جميل ونضيف اوي من جواه…تحسو جيه على الارض بالغلط…يعني الي جيه في دماغك ده مستحيل..والف مستحيل يخطر في بال رشيد فهمت
جلال ابتسم وقال…بتحبيه لدرجادي
روفان مسحت دمعه نزلت من عينها وقالت بسرعه…وهفضل احبو لحد ما اموت ..مفيش مكان لواحد تاني في حياتي …قالت كده واخدت هدومها ودخلت الحمام
جلال اتنهد وهو من جواه زعلان عليها..رغم كل القسوه الي بتبينها الا ان احساسو ديما بيقول ان جواها طفل فقد احساس الامان والحنيه من اول ما اتخلق
عند عمران دخل اوضتو ورزع الباب بغضب وفتح البلكون ووقف يشم اكبر كميه هوا حرفيا مخنوق وكل ما يفتكر روفان وانتصارها عليه يبقى هيتجنن
سمر دخلت وراه وبصتلو وابتسمت بخبث وقالت..فيه ايه بس يا حبيبي…انت مكبر الموضوع ليه اكمنها يعني مشت للي في دامغها وبرضو عملت الي هيه عيزاه …وايه يعني مش مشكله احنا اهلك عمرنا ماهنفكر انها مشيت الي في دماغها عليك وفي بيتك و
بس قطعت كلامها بخوف لما عمران بصلها بحده نظره حقيقي تخوف
سمر ابتسمت بارتباك وقالت..انا..انا قصدي يعني اعتبرها عيله وبتلعب
عمران بصلها وقال بغضب…انا مبسمحش للعيال تلعب معايا يا سمر..وانتي عارفاني…وبكره هتشوفي تمن لعبها ده هيكون ايه…واظبطي ساعتك …بكره زي دلوقتي نفس التوقيت الساعه ٩ بالظبط هتكون قدامك وقدام جوزها وقدام الكل بتترجاني وتبوس على ايدي وافتكري كلامي عمران العامري محدش يلعب معاه
قال كده ودخل الحمام وهو مش شايف قدامو
سمر ابتسمت بفرحه وقالت…شكلنا هنتسلى قوي الفتره الي جايه
عند روفان طلعت من الحمام لابسه بيجامه حرير جميله ورقيقه وفارده شعرها الي بلون حبات القهوه جميل جدا وخصوصا وهو مبلول وملامحها تجنن وعيونها العسلي تبهر كلها على بعضها تحفه فنيه تستحق التأمل
جلال وقف بزهول وهو مش مصدق خالص الي شايفو قرب منها وقال بزهول..هو..هو الحمام ده سحري.. يعني انا لو دخلت جوه ممكن اطلع توم كروز
روفان ضحكت بخفه وقال..اغبى طريقه معاكسه سمعتا في حياتي
جلال ضحك و وقال..اممم ..طب..هيه الست الوالده كانت دبابه
روفان قالت بضحك ..اه الي هيه علشان تخلف صارووخ وكده ..قديمه قوييييي
جلال ضحك وقال..طب اقول ايه طيب الكلام هرب مني ..انا لا شوفت ولا هشوف كده..انت خمتني وخدتني على خوانه يا اسطا بيومي
روفان ادتو مخده وغطا وزقتو بخفه وقال..طب يالا يا خويا روح انجر نام مش هنلوكلوك كتير ..روح اتخمد على الكنبه الي هناك دي
جلال اختفت ابتسامتو وقال…لوكلوك..واتخمد..هو بيومي بيجي على السيره ولا ايه
روفان حاولت متضحكش وقال..نام يا جلال
جلال راح ينام وقال…ماشي ياعم برتحتك…وبصلها وقال ..بس بجد جاااااامده
روفان ابتسمت على حركاتو بس اختفت ابتسامتها لما افتكرت رشيد وكان حقيقي واحشها بصت لجلال وهو نايم وملامحو الي كانها اتنسخت من رشيد وقالت في نفسها.. …مش قادره اشوفك با جلال…مش قادره اهزر معاك..مش قادره اتخيل غير ان رشيد الي قدامي..يا رب صبرني
في صباح يوم جديد وكان الكل على الفطار ماعادا عليا وعمران
جلال كان قاعد على السفره ووالدتو مبسوطه بيه وبتتكلم معاه
بس جلال كان مرتبك جدا من نظرات سمر ومستغربها قوي حاول يتحاشا نظراتها وميل على روفان وقال..هو الاكل كلو هنا جبن..هيه البلد دي ممنوعه من الزفر ولا ايه
روفان اتنرفزت وهمستلو بعصبيه مكتومه وقالت…زفر ايه ونيله ايه الي عايزها على الفطار هتفضحنا كل وانت ساكت
جلال قال بضيق..طب هاتيلي فول وطعميه انا كده هموت من الجوع بأكلكم ده
روفان طلعت السلاح من تحت الطاوله وحطتو في جمبو وقالت بغضب…تموت من الجوع ولا تموت بده
بقلم….زهرة الربيع
جلال اتنفض من مكانو وقال بصوت عالي…تسلم الايادي يا ست الكل…انا شبعت من منظر الأكل والله
نجوى ابتسمت وقالت..ربنا يخليك يا حبيبي ده انا قومت بنفسي انهارده حضرتلك كل الفطار الي بتحبو علشان عيونك
جلال قال بضيق مكتوم…دهو الاكل الي انا بحبو
سمر قالت وهيه بتبصلو وبتبتسم…اممم ده اكتر اكل انت بتحبو…وعلى فكره زوقك جنان..انا كمان بحبو
جلال اتوتر اكتر من كلامها ونظراتها وقال…طبعا..لازم تعرفي ان زوقي حلو..مش انا حبيت روفه..في احلى من كده ومسك ايدها وباسها برومانسيه
روفان ارتبكت وكانت عايزه تسحب ايدها بس ابتسمت بتوتر وبصتلو بتوعد
جلال بصلها ورفع حاجبو قاصد يضايقها بحركاتو وبص لوالدتو وقال..صحيح يا ماما فين عليا وعمران
نجوى قالت…عمران انهارده طلع بدري جدا معاه تسليم في المينا جيالو بضايع الاغذيه وراح يقف معاهم.. وعليا فوق قالت معدتها وجعتها مش هتقدى تنزل
روفان اول ما سمعت ان عمران مسته تسليم بضايع قالت بسرعه..طب عن اذنكم انا..ورايا شغل مهم في الاداره خلي بالك من نفسك يا رشيد
روفان لسه هتطلع نجوى قالت..يا بنتي انتي حامل يمكن الشغل غلط عليكي
روفان قالت بتوتر..لا..انا …انا قولت للدكتوره وطمنتني ان الحمل مستقر متقلقيش يا طنط انا ببقى على المكتب بتاعي مش بعمل مجهود
عند عليا كانت في الحمام ومعاها شريط حمل وبتبص فيه بصدمه ..ودموعها على خدها وقع من ايدها من كتر الرعشه الي بقت في كل جسمها وقالت.يا نهار اسود..يا نهار اسود…اعمل ايه …وجريت بسرعه على التليفون بتاعها وطلبت رائف وقالت..رائف انا..انا لازم اقابلك..استناني في شقتنا
عند جلال كان حاسس بملل بعد ما روفان مشيت وفكر يطلع ينام شويه وهو معدى من جمب اوضه عمران بس سمر فتحت الباب وشدتو بسرعه ودخلتو وقفلت الباب في اقل من دقيقه
جلال بصلها بزهول وخصوصا للبسها كانت لابسه لبس مكشوف جدا قال…نعم..فيه حاجه حضرتك
سمر ضحكت وقالت حضرتك..وقربت منو وحطت ايدها على صدرة وقالت بدلال..مش معقول تكون نسيت الي بنا يا رشيد..
جلال اتسعت عنيه بشده بزهول من تلميحها وبلع ريقه بصعوبه وقال…و..وهو ايه الي كان بنا يعني
سمر قربت اكتر وحاوطت رقبتو باديها وقالت…انا هقولك الي بنا وقربت من شفايفو وووووو
- يتبع الفصل التالي اضغط على (رواية زوج مأجور) اسم الرواية