رواية صدفة الفصل الخامس 5 - بقلم مريم اشرف

  

رواية صدفة الفصل الخامس 5  -  بقلم مريم اشرف

بسمه: انت مين وأنا بعمل ايه هنا؟؟!

أنس بسخريه: والله أنا اللي لازم أسأل كده مش انتي..

بسمه: انت اللي خبطتني مش كده..الممرضه قالت اني ارتطمت بحاجه وفقدت الذاكره..

أنس قرّب منها وحط كفو على بقها وقال بنبرة مخيفة: انتي تسكتي خالص..قال أنا اللي خبطتك قال..انتي عاوزه توديني فداهيه وخلاص؟؟!!

شالت ايدو واتكلمت بعصبيه: طب انت مين؟؟

حط ايدو على وشو باستسلام: الناس الطبيعيه لما تفقد الذاكره أول حاجه بتسألها أنا مين..ازاي وصلت هنا؟..مش زيك من لما فقتي وانتي رغي رغي..أنا اسمي أنس العلام ابن صاحب محلات العلام المشهوره اللي بهدلتيه من صباحية ربنا..افتكرتني؟

بسمه: طب يا سي أنس انت..أنا جيت هنا إزاي؟

أنس حكالها كل حاجه..

بسمه عيطت: يا حياتك السوده يا بسمه..هعمل ايه أنا دلوقتي وهروح فين؟

أنس: هتيجي معايا بيتي..

بسمه قامت وقفت بصدمه: نعم نعم..انت مجنون ولا أهبل عشان تقولي الكلام المستحيل ده؟؟!

أنس بنرفزه: ألفاظك يا بسمه!!…أنا مقلتكليش تروحي معايا بس لأنك مريضه وفاقده الذاكره..أوعدك ان أول ما تصحي وتتعافي هرميكي برا البيت فاهمه؟؟

بسمه شتمتو فسرها..

أنس: بتبرطمي بتقولي ايه؟

بسمه ابتسمت: لأ ولا حاجه..مش يلا؟

أنس: يلا

_________________________

زياد: ماما أنا هروح اسكندريه بكرا الصبح كام يوم..

رقيه: ليه يا ابني هتعمل ايه هناك؟

زياد: في واحد صاحبي بعرفو هناك بيشتغل في الأمن وممكن يساعدني نلاقي بسمه..أو يمكن راحت هناك فعلاً..هدور عليها هناك..

رقيه: طيب يا ابني أنا جايه معاك!

زياد: لأ يا ماما انتي تعبانه..اقعدي ارتاحي يا حبيبتي ولما اوصل لحاجه أبقى أبلغك في التيليفون..

رقيه بتعب: حاضر يا ابني خد بالك من نفسك وطمنني لما توصل..

زياد باس راسها و دخل ينام..

________________________

دخل أنس البيت اللي كان عباره عن ڤيلا و بسمه وراه..

بسمه بإعجاب: ايه ده انت مقلتليش ان عندكم ڤيلا!!

أنس: يارب صبرني أنا تعبت..تعبت!!

قابلتو مامتو بابتسامه: اتأخرت أوي يا أنس..

باس ايدها وقال: دي الضيفه اللي قلتلك عليها..بسمه..اسمها بسمه..

بصتلها شروق بابتسامه وقالت: إزيك يا بنتي عامله ايه؟..قالت كده وبصت لأنس باستغراب..

أنس: احم..ماما ممكن توريها اوضتها وتدلها هدوم تغير بيها عشان ترتاح؟

شروق: طبعا..تعالي معايا يا بنتي..

وصلتها شروق للأوضه اللي كانت بالطابق الثاني وقدام اوضة أنس ونزلت تاني..

شروق: ها قولي..مين البنت دي؟ ومالها متبهدله كده؟

أنس حكالها كل حاجه..

شروق: يا حبيبتي يا بنتي..دي اتبهدلت خالص..طب انت متقدرش توصل لأخوها ده؟

أنس: معرفش بس هحاول أصلها صدعت مخي..وأضاف: تصبحي على خير.

شروق: وانت من أهلو..

________________________

فوق في الأوضه..كانت بتتفحص الأوضه وبتتكلم بإعجاب: الله دي اوضة أحلامي..يارب تكون اوضتي الحقيقيه كده!!

بسمه: يووه أنا جيعانه أوي..الحيو*ان ده مكلفش نفسو حتى يسألني ان أكلت حاجه..

فتحت باب الأوضه ولقتو قدامها: انت يا أنوس باشا..انت يا أخ..

أنس: اسمي أنس واحترمي نفسك أحسنلك!!

بسمه: أنا جعانه عايزه آكل..

أنس: بتعرفي تنامي؟..نامي يا بنتي ولما تفوقي اطفحي على راحتك..

بسمه: بس مبعرفش أنام و بطني بتصوت..

أنس: الله ياخدني..أنا اللي جبتو لنفسي..ورايا يا زنانه..

بسمه ابتسمت ونزلت وراه..

دخلو المطبخ بس بسمه ملاحظتش العتبه اللي عند الباب فاتزحلقت ومسكت في أنس اللي بدورو وقع معاها..

بسمه بصدمه وهي بتقوم: آسفه والله ما كان قصدي..

بصلها نظره سكتتها وحطلها الأكل وطلع على اوضتو..

بسمه قعدت على الكرسي وبدإت تاكل وهي بتقول: أحسن والله لربيك يا أنس العلام وأوريك مين هي بسمه السلامي..

( لأ يا جماعه..بجد لازم نوقف ونزقف للست بسمه على جودة التمثيل..دي كانت بتمثل انها فاقده الذاكره😅..ومتنسوش أنس في دعواتكم أصلو هيتجل*ط المسكين)

_______________________

• يتبع الفصل التالي اضغط على (رواية صدفة) اسم الرواية